置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年5月25日 星期四

大、小股走勢兩極化


恒生指數今年至今升幅是16.5%,期間走勢是穩步上揚。




恒生綜合小型股指數年初至今升幅僅6.2%,並於3月中見頂後回落。



如果只計算最近兩個月表現的話,結果更懸殊:恒指最近2個月上升5.2%,而小型股指數是下跌3.56%,一來一回相差接近9%。

這現象並非港股獨有,今年美股也是如此:

杜瓊斯工業平均指數年初至今已上升6.7%。



羅素2000指數 (Russell 2000 index) 是美國小型股的重要指數,年初至今只上升2.2%,大幅落後杜指。


投資港股多年,很少見到大、小股好像近期如此兩極化的走勢,我也不知道背後的原因。資金目前集中追逐大型股,而且看不到短期內有逆轉或改善的跡象,莫非真的要捨棄小型股,改而追逐大型股?

這時想起一句名句: If you can't beat them, join them. 

237 則留言:

  1. 今日為了山長水遠出席3828的AGM, 晨早7點多已起床, 可能是今年最早起床的一天.....而家好眼瞓, 冇乜精神寫文, 唯有貼幾張圖開個新題先, 明天再寫。

    回覆刪除
    回覆
    1. 紅衫果個就係偉哥?!!!!

      刪除
    2. 場入面唔計3個基佬同公司職員~得4個股東之嘛...
      3個係男人.1個係嬸嬸..有幾難估
      其實基佬唔明廠佬既思維..一開波就問有無plan幾時有回報...
      廠佬一向都係試下做..印度果度d錢掉落去得就得~唔得就落跌左架啦.

      刪除
    3. 橙新聞有你自晝像,加上場內得幾個散戶,大多數都係明輝D人

      刪除
    4. 唉, 我匆匆忙忙趕來, 都冇留意你地講的靚女....或者我目不邪視, 太專心。

      呢次投票結果証實大股東及友好加埋應該只有40%股權, 咁都好D, 亂來的話都仲有機會制衡到。

      刪除
    5. 印度個邊我諗webb比較關心的是為何選與1143有關係的印度人做partner。

      似乎兩個印度人係地頭蟲,可以幫佢地理順好多事。

      刪除
    6. 我有私下問到
      Q:你地大股東一行人得3-4成持股,怕唔怕被人控左個權
      之後佢話唔怕,對自己有信心

      刪除
    7. 現場問左七色花 暗示半放棄啦.當然無正面答..
      拖行李來果位係內地私慕"朱雀投資"..會後留低都係問塊地點用

      刪除
    8. 龍崗間廠? 定係仲有其它地塊?

      刪除
    9. 拖行李來果位 原來有來頭,我淨係留意到佢係喼到拎衫著,哈哈

      刪除
    10. 偉哥,你覺得派特別息既機會高唔高?

      刪除
    11. 常熟市...洗滌廠舊址...依家自用物流倉
      可參閱14年及15年年報
      雪國~呢個問題我唔敢問~反而問兩兄弟同陳小姐係咪仲友好..(沽貨果位非執董)
      如無內部爭端~4成股份問題唔大~

      刪除
    12. 派特別息機會一定有, 只差在是否會派得多。

      始終webb都講到明2017年唔派的話, 佢明年會搞事, 到時提名佢的人真係入到board, 我諗管理層仲煩。

      刪除
    13. 其實都預左唔會派2億咁多,0.1左右其實就心足

      刪除
    14. 在價升多過派息.....
      之後要留意成交同倉位..睇下印度同內地芬佬有無興趣入手.
      cfo現階段無計劃配股(雖然係hea答)

      刪除
    15. 其實WEBB同友好今次咁勇猛, 買到18%股權, 唔知有冇諗過將來的Exit plan?

      呢18%股權, 將來如果要係市場沽貨的話, 唔知要幾耐先沽得清.....定係佢地已有另外的exit plan?

      刪除
    16. 諗下D股份點來.同一舊錢.買股派息再買返..
      友好如果係用盈透持貨的話~早在14年開始已經上下炒賣~只係近期5%以上公佈而已..
      果18%股權假設再派息0.2出來. david 每股均成本價已經低過0.4...(粗計)

      刪除
    17. webb收收下息,成本最後可能變成0.......

      刪除
    18. 是否有webb友没投票? webb12%加6%已经18%. 另外一家(伟哥看到那家)在那?
      又或许6%那家没有投, 因反对董事薪金只有16%(webb+伟哥看到那家?).

      刪除
    19. Webb好多買得都預長期作戰,主要靠派息回本...
      佢power大,可以迫到公司派高息

      刪除
    20. 睇返呢條link, 有心機的話大約可以計算到webb持股的平均成本。

      https://webb-site.com/ccass/nciphist.asp?issue=4924

      刪除
    21. 可能係有一個基金冇投到票.....我知佢唔得閒出席AGM, 但佢意向都係反對發新股的一般授權, 唔知最終是否唔記得投, 定係有其它原因? 莫名其妙。

      刪除
    22. 我有聽另一位朋友提及3828早年發展零售業務時, 以好平價格在上海買左一些地, 但我係年報到搵唔到呢D土地資產。

      刪除
    23. Webb另一長期作戰股應該係2788?
      兩年都派特息0.1

      刪除
    24. 是否特意不投票,不让公司知道手中筹码多少。

      刪除
    25. 有人來左投完票就走..無留低開會的..趕第二場agm..所以會上見到唔代表全部人.
      大股東大部份係實名紙股票(股東可以免費上過戶處睇名冊)~有部份放係DBS度.
      友好應該大部份都係紙(我估),
      上次"陳非執董"都係要行使認股權再存倉去致富沽(15年)
      倉位未見有大過5%~又未投資既基金佬..
      上海果間算係宿舍~有限價值...

      刪除
    26. 朋友話唔係年報上列出的那個上海物業。

      刪除
    27. 想知咩咪寫封信去董事會問下囉~細股通常好友善的.
      6年前問過野~仲提意叫人去參觀廠房.不過我無時間去XDD

      刪除
    28. 猶記偉哥是高人, 我說身高, 所以大囡似佢, 相信在AGM 唔難認到

      AGM 有冇茶點招待?

      刪除
    29. 三文治及一些紙包飲品

      刪除
  2. 希望遲吓 細價股會發力追上

    回覆刪除
  3. 面對大、小股如此兩極化的走勢, 現在叫我沽小股、換大股是比較難, 不過亦都擔心遲D大股回落, 小股冇得追落後之餘, 仲會受到拖累, 所以最近會嘗試減持部份持股套現,目標是15%的現金水平。

    回覆刪除
    回覆
    1. 好無奈,輸晒比內銀內保地產。
      見內劵冇乜點郁過,今日細細注入咗d搏炒到佢。

      刪除
    2. 今日炒起左隻第一上海, 不過唔知炒乜。

      刪除
  4. 隻創板新股建泉 (08365)的分配方法和當年的331一樣, 國際配售唔夠數, 強行分配比公開發售認購者, 好多人100%中簽, 唔知明天會否重演當年慘劇?

    隻331開左先河, 之後多左新股用呢隻。

    回覆刪除
    回覆
    1. 反而同是聽日上市的創仔8431(浩柏國際)有留意價值,除了是幾個月前臨上市前被抽起那幾隻股份之一外,今次全IPO上市,沒有圍飛豈能順利上市?在超購下仍以招股價下限$0.2上市,再加上配發結果有圍飛跡象。如跌穿招股價10%以上,我會考慮買少少睇莊家表現。(純分享非投資推介)

      刪除
    2. 依家IPO真係好搵笨,超級抽唔過 =.=

      刪除
    3. 今早撈左少少8365摶反彈...

      刪除
  5. 偉哥都減持股票 又short期
    我都要入番d put 輪先得

    回覆刪除
    回覆
    1. 最緊要風險自負, 希望你唔好過一排又來話輸左幾個月人工。

      係喎, 你之前話自己渣期指贏緊幾條街, 應該已經有100%回報啦.....又渣期指, 又想買PUT輪, 小心搞到自己精神錯亂。

      刪除
    2. 偉哥記憶力仲好過我好多,我少年時記憶力好好架,新豐美酒斗十千,咸陽遊俠多少年,依家豪情不再心境不同咯。
      前幾日我在某期權専家的FB 見到有人留言話買入咗好多手2018的 put @91 元,後來有人問他一手幾多股,佢話1000股。
      我的FB 的朋友全部是以前Yahoo 的舊博友,咁多年只講過三幾次股票期權,但有好多人不停要求我like 其他人,但我個人從來冇like過,只like 我的舊博友不論他們寫甚麼,但股票期貨班友多是吹水老作,無非想開班授徒為名為利,無所謂啦人性如此,天下熙熙皆為利來,天下壤壤皆為利往。

      基本上網上好多人吹水老作,呢度亦都有好多,之不過無傷大雅咪由得佢地吹咯,最討厭有些盲毛不去求證,人云亦云。

      刪除
    3. 講開2018的期權,順便再講一下,見呢度亦有人留言講買咗put 等復牌,2018的期權是冇91元的,幾乎所有股票期權都冇單數,一是90或是92.5 其次每張,有些人叫每手,每人叫法不同2018是500股,有人以為今次買咗put咪發咯,可惜是錯的,因為停到月尾仍然復唔到牌,結算價是計停牌個日,如果是價內 ln the money 1.5%就可自動行使,價外 out of money 就唔好彩變牆紙啦,只有做咗S/P 就慘,因為要接貨,炒期貨短倉風險好大,所以我極少講期貨,只有炒過期貨的人才明白,盲毛坐井觀天閉門做車胡言胡語得啖笑。

      我好少炒股票期權,因為冇咁多時間,真係顧得頭來腳又痛,我有東亞股票期貨戶口,開戶要25000元按金,我亦有致富,致富唔使按金仲有免費報價,不過東亞雖然不思進取,但就穩陣好多。

      刪除
    4. 我亦是期權新手.
      我早前做個一張2018的SC,它真的是1000股,與正股一手500股不同.
      印象中亦有一些股票期權的一張與正股一手的股數是不同.
      不太明白有何原因.

      刪除
    5. 我冇炒過2018,不知一張幾多股,也有可能佢寫錯的是股票91元,對的股票期權是每張股數不一樣,你去期交所網站查下就知每張幾多股,我做最多就是港交所388每張100股。

      刪除
    6. ng wai, 以我所理解, 如果做左LP的, 即使到星期一2018仍未復牌, 股價仍停留在停牌前的82.6元, 但如果持有即月80P 的投資者, 應該係可以自由選擇是否行使80P的期權, 但這個行使要等到股票復牌後先可以交收, 而持有80P的投資者, 如果目前沒有持股, 就要在復牌當天在市場買入以便進行交收。

      刪除
    7. 偉哥,你炒慣期權,而我只間中炒下,而且倉內又冇呢支股的put 所以冇打電話去港交所查問,但我見一心FB 話佢打電話去港交所問,班友帶佢遊花園,一心話詳細情况可參考平保停牌。但最大問題平保不是比人追擊停牌,2018復牌有可能會暴跌,個個有put都想行使,有人說有條文規定1.5%之內就一定可以行使,價外就要同股票行傾喎。

      刪除
    8. 以我的理解, 如果LP持有人沒有給予指示, 那到期時正股股價如果低於LP的行使價1.5%, 交易所會自動幫持有人行使; 但如果是價外的話, LP持有人是有權主動要求行使價外期權的, 因為行使權是歸持有人所有, 並不會因為行使價低於正股股價而不能行使。

      刪除
    9. 我都同意你的理解,但今次呢單嘢好麻煩,有人說做了好多S/P輸哂按金仲停埋牌,未見過藍籌做假停牌,無錢補倉怎麼辦呢?

      想起87股災停市,期指輸到好多人無錢補倉,期貨交易所幾乎破產,政府想條好計出來,向炒股的人徴收特別徵費,百份之零點零三,都徵收咗好耐,好多人嘈為何炒期貨輸了要炒股的補貼期貨交易所?

      刪除
    10. 做左SP的就真係大鑊, 條數唔知點計....如果一復牌再插10%甚至更多,都唔知係止蝕定係守落去好。

      2018係呢件事上難辭其咎,有乜理由堂堂一間藍籌股比個沽空報告搞到停牌個幾星期都仲比唔到一個滿意的解釋出來。我諗呢次佢就算過到關, 復牌後好多機構投資者都失去對佢的信任, 應該會沽左貨先。

      如果持有LP的網友, 即使是價外的, 應該都要考慮下是否行使佢, 博復牌後仲要再跌多10%甚至更多。當然, 太過價外的就要自己衡量風險。

      刪除
  6. 其實大股都係兩極化941,388個d唔識升,700 就升上太空

    回覆刪除
    回覆
    1. 大股除了騰訊, 其它的都係板塊輪流炒。

      刪除
    2. 大票升,小票不动。大票跌一点,小票又股灾. haha

      刪除
  7. 本來今日下午想去埋3608 AGM, 但今早花左太多時間係3828的AGM, 尤其是來往荃灣office都係好遠下, 搞到公司其它野做唔晒, 所以冇去到3608的AGM。

    回覆刪除
    回覆
    1. 叫webb 俾返的士錢你..d問題明明可以會後問...

      刪除
    2. 哈哈, 本來想同佢打聲招呼, 但剛好有個非執董行埋來傾談, 傾多一陣要趕時間走, 見webb仲同CFO係側邊密密斟, 所以都費用打擾佢。

      刪除
  8. 2317今天我直接把它拉入黑名单了,起落不会再关注。(持重货)

    回覆刪除
    回覆
    1. 金英同友好仲有5千萬股要沽, 短期真係唔駛有期望, 唔輸已當贏。

      刪除
    2. 見佢現價咁PE..真係唔想走,但又覺得佢起碼要靜番一排,左右做人難

      刪除
  9. so far 成手唔爭氣的細股不是市場兩極化炒大唔炒細造成的 是自己選股出現問題。

    回覆刪除
  10. 伟哥:同你讲唔输就係假的,难为我从旧年揸到今年,换着係其它早已按倍升,今次真係睇错,旭都旭唔倒,真係好唔甘心,哀😂😂😂

    回覆刪除
    回覆
    1. 我上年業績後重新買入的2317, 到今日是完全打和原形 (已計埋已收股息), 回到起步點。

      刪除
  11. 大家真係做好多功課,在AGM可提問咁多問題。

    回覆刪除
  12. 1143玩咗幾次狼來了,今次可能黎真,金仔重倉既股有個特性,就係一係唔升,一升就升到你唔順,所以我打死都唔沽住,睇下食唔食到幾倍返黎。

    回覆刪除
  13. 992 聯想 弱勢股名副其實!業績合格兼有驚喜,昨天尾市5.05買入,今早竟然跌回昨早起步價,可能燒煙花繼續跌,港股現勢分開 強、弱股,你是弱就是弱不禁風,奈何!

    回覆刪除
    回覆
    1. 你諗多左,大行一致唱淡,唔插就奇,始終移動業務仲未見起色,楊生話就話第四季會扭虧,聽住先啦,佢啲期票成日唔兌現,收下息先囉,息率唔錯

      刪除
  14. 上個禮拜已覺得A股係咁日日跌,國家隊遲早要出手,金融股係得內券未炒過,加上下月就入Msci,入定貨冇壞,咁情形下只能跟風,死命擁抱細股實冇運行

    亂想玩一日又打回原形,冇眼睇

    回覆刪除
    回覆
    1. 哈哈, 市場有資金亂想聯想會變亂上.....

      刪除
    2. 偉哥呢句可以做急口令~haha

      刪除
  15. 依家玩財技玩GO股既高手已經差不多全進駐2183,並將細劉過去的財技翻箱倒籠地查考,我怕人多出事,所以今次無打算跟大隊,大家搵多D。

    回覆刪除
    回覆
    1. 我反而入左蔡朝暉隻1009

      刪除
    2. 我D朋友嫌蔡朝暉實力不足,我話一個猛人、一個窮人,炒股都係最勁既....蔡生可能係中間。 ^^

      刪除
    3. 如果真係細心研究細劉的財技, 咁應該知道2183已是過去式, 細劉的將來式是主菜2136。

      刪除
    4. 2183隻野已賣,仲關細劉事?

      刪除
    5. 呢隻純官自己留左啲貨,希望有啲睇頭。

      刪除
    6. redponza : 你成日都唔深究既?細劉留番9.97%無賣,That's why so many ppl think this's the big tea rice!

      刪除
    7. 偉哥: 班財技派連N年前既2302(中核國際,原名科鑄技術)升幾倍都摷返出黎講,話今次2183如出一轍。不過講真,2183賣殼涉及的一連串交易的確有榨乾2183之嫌,再加上新主在內地都屬猛人,有閩商最後一個大佬既稱號,2183實屬必大炒之選。我不買不代表我不看好,只是個人有較高危機感,總認為太多人入場係較容易出事而已。

      刪除
    8. 近年不少GO後的股票, 都是雷聲大、雨點小,有些炒1、2日就收工, 走唔切就變成人踩人, 所以我自己都好少再炒GO後的股票。

      刪除
    9. 偉哥: 確係,依家好少有D好似1462咁勁既GO股炒,1383已叫最叻。

      刪除
    10. Victory W 隻1009諗住hold幾耐?

      刪除
    11. 放埋一邊唔理,只係長期留意通告.

      刪除
  16. 兩極化...好似A股托市手法
    只托指數股

    回覆刪除
    回覆
    1. 係極似.....所以用A股的說法, 港股也是結構性牛市。

      刪除
  17. "換大股是比較難, 不過亦都擔心遲D大股回落, 小股冇得追落後之餘, 仲會受到拖累"

    True.....

    回覆刪除
  18. 771(自動系統)跌至$0.9,開始有留意價值。

    回覆刪除
    回覆
    1. 771係之前報告既連環止蝕之一,我係1.2x沽既,乜依家得0.9 =.=

      刪除
    2. 新購入的美國公司對771盈利貢獻應該幾大,加上有季昌群因素,跌到呢D位或可考慮試吓盤。

      刪除
    3. 季昌群買入後便不斷下跌, 唔知想點

      刪除
  19. 1050又要返回近一元才有較大支持.

    回覆刪除
    回覆
    1. 即日走左一轉1050
      1.12買1.2沽

      刪除
    2. 1050今日係1.18-1.26元之間回購了383萬股。

      係如此高位大手回購, 做法合理嗎?

      過兩日睇係昨天和今天的CCASS, 可能會有發現。呢兩日咁大手成交, 我的看法是大戶借好消息散貨比散戶。

      刪除
    3. 管理層太看好公司, 所以高位回購?

      刪除
  20. https://www.am730.com.hk/column/%E6%96%B0%E8%81%9E/%E7%9A%87%E5%AE%B6%E5%AF%86%E4%BB%A4%E4%B9%8B%EF%BC%9A%E5%B1%80%E7%A0%8C%E5%85%8D%E7%96%AB%E8%82%A1-79807

    呢篇嘢可能解答到偉哥既問題。

    回覆刪除
  21. 願意公平對待小投資者的有實力小型股應該會被投資者越吸越乾, 我覺得163, 163, 216, 373和610都是屬於這樣的系列, 我在密切觀察, 讓時間驗證。

    回覆刪除
    回覆
    1. 同意Louis,最主要係業績要夠穩定,就算業績唔夠穩定,每股派息一定要穩

      刪除
  22. 想請教一下, 6123 的要約是否不被看好還是時間太張引致股價下跌呢, thx!

    回覆刪除
    回覆
    1. 主要是時間太長, 你預左單交易要半年、甚至更久的時間才可以完成,所以有些早期買入的春江鴨, 應該唔等, 先行沽貨獲利。

      正如426一樣, 理論上應該幾安全, 但等到人都謝了, 個折讓越來越大。

      刪除
    2. 謝謝偉哥, 6123 & 426 我兩隻都持有,唯有多等一會^^

      刪除
  23. 溫馨提示 : 1263下星期一除息,想收$0.144息者,最遲要今買入。

    回覆刪除
  24. 伟哥869你真的可以考虑看看它,相信我,我觉得$1.50以下都不怕入,不过要揸到下次有公报。

    回覆刪除
    回覆
    1. 青儿係咪睇好多孫生既不問價系列文章 ^^

      刪除
    2. 869我不清楚新品牌的潛力,所以雖然上星期內線人士有增持, 但我都是先繼續觀望先。

      刪除
  25. 来紧总有一只1107你都可以花十分钟时间睇下

    回覆刪除
    回覆
    1. 1107有什麼亮點? 剛剛簡單看看, 好像只是一般的二三線內房股。

      刪除
  26. known:当然不是,我自己慢慢摸索的

    回覆刪除
  27. (衹有2小時的高潮) 136 恒騰網絡 大前天創新低@0.111,前天仍是低位徘徊不前,但下午2.00opm後突然成交擊增,升到@0.144收市,全日成交金額以億幾計,真像莊家投入再來炒上,很多散户也搭上順風車,豈料不到只有2小時的高潮,昨天與今早都跌,成交金額大縮減,跌回@0.12!那麼短引。

    回覆刪除
  28. 偉哥呢篇文正好寫中我心聲,
    細價股好似無咩點郁
    今日見到林少陽話進入牛三
    手上持有大量垃圾股,希望能夠為個倉帶來一個新景象!

    回覆刪除
    回覆
    1. 唔係無咩點郁, 而係好多是不進則退, 所以小型股指數在3月20日見頂後, 這兩個月是跌了3.56%。

      刪除
    2. 我的小型股是跌了30%以上

      刪除
  29. 小型股都唔系隻隻唔得,物業資產折讓型升得好好

    回覆刪除
  30. 阜豐搞乜, 又大地震。

    基金沽546, 不如過來買同業2317啦, 哈哈。

    回覆刪除
  31. 前排係雪球有篇文講價值投資,當中講業績好高估值的股票和業績唔差有折讓的股票,在a股前者的回報較後者好。眼見港股也是如此,要等到價值回歸實在難。前者高估值雖然唔平,但受廣大投資者注視,市況好股價有反映一定佢先。相反折讓股冇人理,如果又唔派息就真係得個等。

    回覆刪除
  32. 今朝再沽出埋餘下一半598,準備多啲現金撈吓啲潛水股仔。

    回覆刪除

  33. 地產商又在玩一路搶高地價, 一路高價賣樓, 港人大陸人又在一路合作, 一路積極購買。
    我們這些理智的人又在一路看淡樓價, 一路預測就來大跌。
    我相信我們是對的, 我們肯定會贏, 只是一個時間的問題, 只是大升兩倍之後跌三成的問題, 哈哈。

    信置財團83.3億奪錦上路站首期


    港鐵(00066)公布,西鐵錦上路站物業發展項目第一期以83.3億元批予信置(00083)、中國海外發展(00688)及嘉華國際(00173)組成的財團,每方呎樓面地價約6735元,符合市場預期;亦須按純利5%分紅。

    項目於昨天截標,合共收到8份標書。入標的財團包括長實地產(01113)、新地(00016)、恒地(00012)、新世界發展(00017)、華潤置地(01109)、會德豐地產和信置。

    項目毗鄰西鐵錦上路站,地盤面積約44.86萬方呎,可建樓面面積約123.67萬方呎,最少須興建1652伙。市場估值約61.84億至84.1億元,每方呎樓面地價約5000至6800元。

    回覆刪除
    回覆
    1. 香港經濟在毀於陷入瘋狂膨脹的房地產業陷阱
      http://forum8.hkgolden.com/view.aspx?type=FN&message=6689578

      [高登業主少過連登? 高登先小朋友?]低調置業討論
      http://forum8.hkgolden.com/view.aspx?type=FN&message=6688168

      去到呢個時候都仲有DHiHi害人精唱淡樓巿
      http://forum8.hkgolden.com/view.aspx?type=FN&message=6728198


      刪除
    2. 估唔到louis兄有上高登

      刪除
    3. 趣BLOGBLOG:港樓借來的富貴 年底開始歸還
      http://hk.apple.nextmedia.com/financeestate/art/20170528/20036082

      刪除
    4. 我買了一些新世界

      林少陽: 港非無地建樓 政府行政效率低 阻礙農地補價
      https://news.mingpao.com/pns/dailynews/web_tc/article/20170529/s00004/1495994504029
      當然,如果準買家自己有足夠的財政實力,又沒有足夠的信心作物業以外的投資,即使目前置業的回報偏低,仍然勝過租樓及將錢白放在銀行被通脹不斷侵蝕。假如準買家是這類人,他們最明智的決定,可能就像早前叫一眾專家食屎的女士一樣,在獲得足夠的財政實力之後,果敢地入市,因為對他們來說,租樓等同幫業主供樓,愈遲入市,只會損失愈大。

      關注未來本港樓市走勢的投資者,除了要留意美國利率及本港就業前景之外,亦要留心新特首林鄭月娥上任之後,會否一改過去5年政府並不積極批核農地轉用途申請的作風。新地(0016)、恒地(0012)及新世界(0017)在新界持有大量農地,本港其實不是沒有土地供應,只是過去10年政府的行政效率愈來愈慢,才會導致本港持續多年鬧地荒的荒誕現象。

      刪除
  34. 之前提過524將會賣殼, 今晚出左通告, 楊生真係沽清晒枱面的持股, non-go形式賣殼。

    回覆刪除
    回覆
    1. non-go賣盤比較難估, 而且現在連買家是誰都唔知。

      刪除
    2. 請教偉哥,
      non-go賣盤的新主要股東是否在一年內再增持2%股票就要作一個向所有股東技術性全面收購?

      刪除
    3. 不是, 而是任何時候持股原本低於30%的, 一旦增持超越30%就要做有條件要約;

      而超越30%後, 由30%-50%之間的持股, 在任何一個年度增持超過2%也要做有條件要約。

      而在任何時間持股超越50%的話, 就要做無條件要約。

      刪除
    4. 明白,唔該.
      524新股東蒲面揸了約25%

      刪除
    5. 524都係算吧. 在5-7毛一直玩浮沉, 又勁人又猛人又電動車乜都出齊都係唔上. 好多隻同期炒的都升左好多, 得佢仲係半生不死, 同佢個名一樣, 唔易死, 但又唔會好生猛.
      現在個市好似差不多見頂先出來玩non-go, 唔方好野. 有機會好似"豬你辱華"條X婆咁玩向下炒就死得人多.

      刪除
    6. 向下炒唔緊要,
      低明顯過六毫就斬左佢,
      會不會反而更清晰。

      刪除
    7. 524 oman 兄由10年前跟到宜家,好長情

      刪除
    8. 這種票出來就是專玩死長情客,股市大升永遠不跟,大跌就跟到足.有消息就先有春江鴨掃貨,出消息當天就開始炒高派貨,我中得多,無奈

      刪除
  35. 时富金融服务集团(00510)公布,于2017年5月26日,公司作为发行人,拟通过配售代理中国光大证券(香港),向不少于6名承配人配售不超过6.2亿港元的可换股债券。 初步换股价每股0.31港元,较当日收市价每股0.32港元折让3.1%。

    偉哥點睇?變相賣盤咁,但關生無理由作價咁低,屬利好嗎?

    回覆刪除
    回覆
    1. 關生現在似乎是急於將510脫手, 但連續兩次都賣唔出, 仲會有人信佢?

      刪除
  36. 你敢相信嗎???

    橫眉冷看:誰在密密接貨?
    http://orientaldaily.on.cc/cnt/news/20170527/00184_010.html
    ......
    年初時,不少投資機構在散播「逢七必跌論」,說每逢七字尾的年份,港股就要大瀉,金融大鱷正部署沽空,小投資者應盡快「清貨」云云。其時,本欄就曾不止一次提醒大眾不要盡信謠傳,大戶們經常不安好心,若真要沽空,又豈會如此大張旗鼓叫你走避?他們公然喊跌,極可能就是在「震倉收貨」,讓小股民在價低時恐慌拋售,一眾便宜貨便收到大戶們的兜子裏去。

    事實證明,由年初至今,恒生指數升了約一成半,大鱷們已吃飽了半肚,但不會就此罷休,下半餐才肥美呢!如今,透過國際評級機構下調中、港信貸評級,又把一眾小股民嚇個半死,紛紛把藏在櫃底的股票都挖出沽售。但君不見上述的壞消息傳出後,港股不跌反升嗎?誰有實力在如此密密接貨,答案還不清楚?

    回覆刪除
  37. 可唔可以咁講,2183 資產加殼價(當個殼市價8億),每股都值五個四毫幾,如果股價反映到市場價值,水位理論上係有。

    回覆刪除
    回覆
    1. 2183剛賣殼, 你覺得佢會在短期內又再賣殼?

      刪除
  38. 粤运交通公司荣获全国五一劳动奖状
    2017-05-27 18:44 来源:南方网 字号减小字号增大


      南方网讯(全媒体记者/赵刚 通讯员/粤运交通宣)日前,粤运交通公司被中华全国总工会授予“全国五一劳动奖状”称号,以表彰公司在节能减排、绿色发展的突出贡献,这是公司首次获得该项殊荣。

      据了解,全国五一劳动奖状是中华全国总工会授予企业的最高荣誉,旨在表彰为国家经济建设、政治建设、文化建设、社会建设以及生态文明建设和党的建设做出突出贡献的先进单位,此次表彰的全国五一劳动奖状全国共有96个。



      近年来,粤运交通公司一直将节能减排、把握车辆绿色低碳技术应用作为公司经营发展的一项重要工作,并取得了较好效益。作为交通部天然气客车推广应用的试点运输企业,积极推广应用天然气汽车,目前公司各类NGV总数已达到1852辆,应用领域覆盖了公司运输板块的客运、公交、出租车等各个主流领域的100多条营运线路,建设各类NGV加气站20座,覆盖广东省内多个地区,可同时保证为2000辆中大型燃气汽车提供加气服务。据统计,公司LNG汽车年可替代燃油5.9万吨标煤,可减排二氧化碳4.17万吨。

      粤运交通公司根据国家新能源汽车发展规划的要求,积极投身到新能源汽车的应用工作中,目前,公司下属的佛山粤运公交、三水粤运公交、粤运朗日、河源粤运、韶关粤运、汕尾粤运等公司中,已订购的新能源车辆总数达到850辆左右,新能源汽车的应用呈现出迅猛增长的势头。期间,作为广东省第一家应用高频高压多元复合锂电池的运输企业,被广东省交通厅评为“节能减排示范项目
    新能源車每輛政府最多可補貼8萬元,那850輛.........

    回覆刪除
  39. 拭目以待看看小兵的判斷!

    最好的投資不是沙裡淘金,是金塊裡面扔飛鏢。
    https://xueqiu.com/6254918995/86201118

    2017年6月開始,融創開始加速推貨模式,月銷300,大概是未來2-3年除了極特殊月份的起步值。

    2017,3000億銷售,合理股價30

    2018,4000億銷售(感覺大概率是增長小年),合理股價40

    2019,7000億銷售,合理股價70

    2020-2022年理想模式就是,8000-10000億銷售,報表6000-8000,400-550億利潤。派息200-300億。合理股價80-100元。

    融創市值3000-4000億。

    到時候万科碧桂園恆大的市值也許都在5000億-1萬億之間。

    其實,前面都是瞎扯淡。

    真正的1+1就是,2022年,top4市值2-3萬億。

    目前是6000億。

    每天消費20元,省下的錢都買內房股了!

    回覆刪除
    回覆
    1. 在此預祝楊惠研及許生在3年後身家暴漲10倍,各以過萬億元身家榮登全球首富榜三甲之位。

      刪除
    2. 如果是這樣,沒有人做其他行業了

      刪除
    3. 当年小兵曾说李宁跌到15元。他会全仓买入。不要太当真啦。看好自己的股票。

      刪除
    4. 我不會買名牌貨, 內房股只看好28(373), 29, 160(216), 1098, 1125。

      刪除
    5. 好事![鼓鼓掌]

      今天看3333恆大和1918融創的表演(做了歷史新高), 我很高興新世界中國(917)先前賣地的幾百億元應該可以從恆大手中收到!

      刪除
  40. 回覆
    1. 今天看3333恆大和1918融創的表演, 新世界發展賣地的幾百億元應該可以從恆大手中收到!

      刪除
  41. 581下星期三的股東大會, 不知有沒有網友會出席?

    佢係文華酒店搞AGM, 估計會後的茶點應該唔錯, 當去文華酒店食個high tea都抵.....最衰自己有事無法出席。

    回覆刪除
    回覆
    1. 我想去,但趕唔切攪,如果有網友去,幫手問下去產能今年會關閉一個廠房,對公司影響大嗎?
      另外可以問下管理層同大股東既分歧有冇機會短期內解決

      刪除
  42. 係咪要有實貨先可以出席?
    我有幾个戶口都有貨

    回覆刪除
    回覆
    1. 不需要持有實貨, 只要事先叫券商幫你登記出席股東大會就可以, 不過下星期三就係股東大會, 前兩天已截止左登記,所以如未登記的話, 已趕不及出席今年的股東大會。

      刪除
  43. 這篇演講大家值得花時間詳細看看。

    黄奇帆就任财经委首次演讲 万字讲透房地产症结(完整版)
    https://xueqiu.com/7875173101/86212058

    回覆刪除
    回覆
    1. 文篇長得無法看下去,有無簡短精華版 ^^

      刪除
    2. 谢分享,确实十分值。

      刪除
  44. 睇不通個市睇行,不過剛轉哂D老強去保本,但要我沽空就真係未有訊號,但保守一點而已!!
    AlphaGo完勝人類,但都吾希望熄滅咁好既活動,曾有人高人說過,小孩家長們幾元買副象棋玩玩,
    好過花幾百元一堂D數學班,絕對認同,李克勤個仔參加象棋比賽拎第三,叻仔!!
    仲有魔術都好值得學,吾一定要做魔術大師搵錢,學識些少這兩樣野,腦筋都不會差,無咁易被騙,
    炒股都叻D,

    回覆刪除
    回覆
    1. 如果fai兄決定開始沽空的時候, 計得講聲比我地知道參考下, 我現在仍是小試牛刀, 熟習下沽空股票先。

      刪除
  45. 肥仔恩今早又試射彈導導彈。

    想起上次佢帶同班幕僚和記者參觀航天局時發表演説,我們將登陸太陽,有記者問佢太陽咁高溫如何登陸?全埸鴉雀無聲,佢話我們晚上去,全埸起立歡呼掌聲不停,花旗特朗普觀看電視直播,唉呢條白痴仔晚上邊有太陽呢,當場全場掌聲雷動。

    回覆刪除
    回覆
    1. 從ng wai 這則留言, 則令我們當場明白了, 他心目中的「事實」、真假是怎樣的一回事,是什麼標準。
      這留言毫無含混, 是說"想起上次佢帶同班幕僚...", ng wai 應不會否認他認為這是一件真事才說這樣說, 可是這只不過是網上虛構的一則新聞, 可見, ng wai眼中只會信他覺得是事實的"事實", 即使那根本是子虛烏有, 他的描述遠比一般人鉅細無遺, 也難增加他說話的可信性.
      我們應對他這種態度引以為戒, 尤其是想更精明的投資的話.

      刪除
  46. 溫馨提示:今天內地及美股休市

    回覆刪除
  47. 319停牌⋯⋯但股價系低位,希望系好事

    回覆刪除
  48. 222隻$6權証,今朝跌到0.021後,有人開始掃入。

    回覆刪除
    回覆
    1. 無知一問,買權證既人係唔係為左短炒權證,唔係想供權???因為如果想供權,點解唔直接市場買,已經穿左供股價

      刪除
    2. 可能有人想收貨,又唔想掃起隻正股。

      刪除
    3. 權證可以買到大量, 直接在市場買正股(穿左供股價), 買唔到幾多。
      你和我可以輕易吃飽, 大戶唔夠喉, 明白了嗎?
      權證過去六個交易日到現在交易總計1.405億股。


      閩信集團(00222.HK)公布,建議進行十供三,發行1.37億股,控股股東貴信包銷;供股價6元,較上交易日(3月17日)收報折讓14.04%, 集資總額8.27億元。

      刪除
  49. 張期指唯一有得賺錢的機會是上周五的夜市时段....可惜當時諗住博埋結算, 冇平到。

    今早輸70點平左倉。

    回覆刪除
    回覆
    1. 係,最佳黃金賺錢機會是上週五夜期,既然已經錯過同今早低位平倉,反正輸了70點,上唔到25700 何不睇埋下午等自動結算,博多一陣?

      刪除
    2. 睇今早個勢, 似乎最少是托埋今日結算先, 今日頂得住上午, 下午尾市即使回落也同即月期指沒有關係了。

      刪除
    3. 偉哥,可以轉下月?係咪唔夠信心呢?

      刪除
    4. 7月1日習大大會來香港出席回歸慶典, 6月應該更需要維穩,到時700、1299、66加埋D內銀又會作為維穩工具,恒指易升難跌,但D中小型股又是自生自滅, 踏入5窮6絕。

      刪除
    5. 偉哥,你可能記錯了?所有期指結算都是計埋到今日下午收市。
      今晩夜期就冇市,因為花期佬休息。

      刪除
    6. 期指是按今日全日恒指5分鐘平均價來計算結算價, 如果到下午3時後先來跌, 對即月期指已沒有什麼作用。

      刪除
  50. 回覆
    1. 90%是私有化,看看溢價多少而已。

      刪除
    2. 睇怕溢價吾會太高,冇鴨仔入貨⋯

      刪除
    3. 台灣佬的保密工夫做得好過大陸公司。

      刪除
    4. 其實如果有留意的話, 最近有些買盤是在2.38-2.4左右密密吸納。

      刪除
  51. 1263看來又係故意做好一年業績
    一年見頂
    太多股仔係咁,

    回覆刪除
    回覆
    1. 咁又唔會係"故意做好",只能說天時地利的配合, 造就了一年極佳的業績。

      刪除
  52. 回覆
    1. 3333恒大2022年成為紅底股, 我就完全服!!!

      刪除
    2. 我在炒3900、1638,完全跑輸!

      刪除
    3. 有病,過萬億市值呀. 一年賣樓賺1000億? 系就早私有化啦.

      刪除
  53. 隻426係咪又好似上年年尾咁一路跌,跌到一個點先肯宣佈交易完成?!
    另外想問下偉哥點睇隻1366...
    最近先出公告話海外銷售已達2016年全年海外銷售額約77%,但其他方面營銷就隻字不提
    再睇CCASS,近呢一個月主要係國信證券出貨,出左成1億7股...
    再睇番以前D業績報告,公司最大既計時炸彈應該就係應收款項果度...
    而觀乎近來股價每況愈下,真係9成9想向下炒咁款,之前1.05入左D,宜家真係心都淡...

    回覆刪除
    回覆
    1. 1366記得我之前篇文都有講過, 佢的基本因素唔得, 只博私有化, 不能中長線持有的。對於好多長期賺錢、但盈利去晒應收帳的公司要特別小心,盈利水份好高,將佢放晒落應收帳,而呢D應收帳越谷越大,遲早有一天會一次過埋單做減值、撥備。

      刪除
  54. 回覆
    1. 等單官司的消息吧,前排大手買的機構現在應是觀望中, 或者同公司了解下情況先。

      刪除
    2. 真係睇唔透程式買盤, 我今早掛個2萬股買, 一買完就跟手有程式買盤買埋掙低既2萬6000股再買2000股推上一格, 我會話呢隻有大戶留意緊或者莊家運作緊
      其實2339一樣有程式買盤跟進緊

      刪除
  55. 上星期903有則股權披露, 我諗好多人都冇留意到: 日本三井持有的4.2億股已出售, 當中4億股被國內的PE fund以每股1.8接左。呢個披露低調之餘, 亦都好含糊, 所以應該很多人沒有留意到。

    http://sdinotice.hkex.com.hk/di/NSNoticeSSList.aspx?sa2=ns&sid=10049800&corpn=TPV+Technology+Ltd.&sd=15/06/2005&ed=19/05/2017&sa1=cl&scsd=29%2f05%2f2005&sced=29%2f05%2f2017&sc=903&src=MAIN&lang=ZH&

    回覆刪除
    回覆
    1. 哈哈, 我覺得重點是有基金肯以1.8元接左4億股。

      刪除

注意:只有此網誌的成員可以留言。