2017年4月10日 星期一

廣南集團 (01203) 業績短評


在看廣南集團的業績短評之前,大家有時間的話,或者先回顧二月份寫的 攻守兼備的現金牛(下) : 廣東集團 (01203) ,可以溫故知新。

由於業績公佈前集團已發了盈喜,故此業績沒有什麼驚喜,不過有幾點值得一提:

1.  馬口鐵業務在第4季度錄得經營溢利 1,243萬元

如果大家有時間比較一下全年的數據及截至9月底止三季度的數據,不難計算出第4季馬口鐵業務收入是4,587萬元, 銷售量84023噸,即平均每噸售價是5,459港元。如按往年的紀錄,每噸售價只有5,459港元的話,理論上應該無利可圖的,但這次竟然錄得盈利,不知是否在節流方面取得成果?其次,第4季度每噸平均售價比第3季度的6131港元還低,又與市場的價格走勢不符,不知有什麼問題。

不論如何,馬口鐵業務在2017年應該會扭虧為盈,或者可以從今月底公佈的2017年度第一季度業績見到扭虧為盈的業績。


2. 供港活豬業務錄得經營溢利 9,717萬港元,業績穩定,間接証明了這業務不是太受豬肉價格波動所影響。

3. 因應匯率風險,集團於2016年度將持有的人民幣現金轉為港元,故此2016年度錄得500萬元的匯兌收益,但與此同時因港元利息遠低於人民幣利息,故此年度利息收入大幅減少3000萬元。 

4. 來自聯營公司的收益高達3000萬元,對比2015年度的1760萬元虧損,主要是受惠於豬肉價格大升及黃龍食品工業取得政府補助收入所致,預期2017年度來自聯營公司的收益將大幅減少。

5. 帳面淨現金高達7.35億元或每股0.81元,有能力提升派息比率。如果大家有機會出席6月1日舉行的股東大會的話,或者可以向管理層提出增加派息比率的要求。


255 則留言:

  1. 本來想寫581先, 不過用左成個下午睇資料、新聞,仲有些方面未能了解到,所以押後寫581。

    回覆刪除
  2. 1203今個月底會公佈第一季度業績, 重點是馬口鐵業務的表現。

    回覆刪除
    回覆
    1. 1203扣去每股淨現金後 P/EBITDA太吸引。公司過往幾年deleverage好多,只要馬口鐵打和大有本錢增加派息

      刪除
    2. 以上年第4季的業績來計算,冇理由馬口鐵今年唔賺錢。

      刪除
    3. 認同。現價估值有很大向上修正的空間。現價計就算短期dividend payout rate flat,兩三年後現金水平提升都會令股價有向上的空間。

      刪除
  3. 轉蛓施觀點一句話
    香港社會卻不乏可以投資的閒錢。香港的銀行存款,在97年的時候,約有2.7萬億港元;但到了今天,已升至11.7萬億元,是97年的四倍有多。
    投機錢遠不及投資錢多,但投資錢更加遠遠不及無投資既錢多,
    一隻股仔IPO,輝記+才仔佔約市場50%+但政府I-BOND,兩者加來不足5%
    可想香港人真係好多錢,

    回覆刪除
    回覆
    1. 所以樓價好難回落,香港有錢人多的是

      刪除
  4. 今日明報的林少陽專欄有提到581, 節錄:
    中國東方可留意

    假如投資者真的有意在這個概念上打主意,較具基本因素支持的股份,可能是剛復牌不久的河北省其中一家盈利表現最佳的民營鋼鐵廠中國東方(0581)。與其他的鋼鐵廠的表現一致,該股剛公布的2016年度業績轉虧為盈,全年股東應佔溢利7.22億(人民幣,下同),惟當中包括8.1億關閉廠房的特殊開支。由於相關開支預期今年將不再重現,預期今年盈利將有很大機會進一步上升。由於鋼鐵廠的盈利表現飄忽,投資者一般以市價對帳面值計算鋼鐵股的估值。該股截至去年底止股東資金約92.6億元,連同年初配售新股集資所得的6.7億元,總股東資金約99.3億元,折合每股約3.2港元。按上周五收市價2.6港元計,市帳率約0.82倍,相對行業龍頭馬鋼(0323)約1.06倍的市帳率。去年度,中國東方的股本回報率為8.1%,馬鋼是6.2%

    回覆刪除
  5. 以往講過好多專科醫生係月球人(月入過百萬),
    原來現經OUT了,同個做股險Claims講開,星球人(一星期都過百萬)都不少,

    回覆刪除
    回覆
    1. Fai 兄,不太清楚股險claims是做甚麼的,可否講多少少?

      刪除
    2. 寫錯了,係做保險Claims,即係保險公司索償部,
      他們負責睇醫生紙作出賠償,所以清楚睇到D醫生點劏客,
      所以先個月AIA咪高調地講,以後照腸鏡入院過夜無得賠....

      刪除
    3. 我讀中七那年,叻果批不少都揀入醫科,我果班同另一班理科班夾埋應有十幾人入咗港大或中大。但那時已能預料他們將來行醫時必沒有醫德......

      刪除
    4. Fai兄,星球人多數做邊行?

      刪除
    5. 驃叔叔讀中七是那年?

      刪除
    6. 咁驃叔叔都好後生, 按聯合國的定義, 仍是青年人。

      刪除
    7. 小孩子説話最誠實。幾年前開始,星期六賣旗的小朋友都係同我講「叔叔幫我買支旗」......

      刪除
    8. 無法想像醫生如何賺取百萬周薪

      刪除
    9. 我老婆當年的婦產科醫生講過,佢同行有人一年接生1000個BB(當年未停雙非),當每個平均收4萬,加埋其他診症、奇難雜症、衍生收入,真係可以百萬周薪.

      刪除
    10. 4萬, 婦產科醫生只係收1萬手術費加之前既產檢幾千

      刪除
    11. 4萬入面個醫生只係收1萬手術費....百萬周薪既一定唔係婦產科

      刪除
    12. 兩年前替我兒子接生的醫生都停了開刀,因為多左人向保險公司索償,婦產科的保費貴左好多,又要承擔客人維權(被人告,哈哈)的風險,計過條數,只做產檢就算。

      刪除
    13. 我當年手術費1.5萬,加埋巡房又幾千. 我知佢收國內的會貴些,如果又住頭等二等又再貴些,拉長補下平均4萬都有可能(我有同事話佢醫生收10萬手術費).
      當年同呢個醫生好熟,我笑佢係月球醫生,佢話同行有幾位是星球醫生,日日接幾個,只接開刀不接順產,一切有數得計,全部容易控制.
      不過, 呢啲婦產科星球醫生應該只是小數....同埋,停了雙非後應該唔同了.

      刪除
    14. 冇錯, 住單人房既係天價, 如果養和4人房, 幫李嘉欣開刀個名醫都係收萬幾, 如果單人房係6位數, 不過住單人房一日有幾多個, 仲要同一個醫生接晒咩? 我兩個小朋友都係開刀, 都係搵出名既醫生

      刪除
  6. 大家早!長假前市況例靜,又係做功課的好時機~

    回覆刪除
    回覆
    1. 都好靜下, 唔知會否是假前調整, 假後又是北水南下的格局。

      刪除
    2. 偉哥有無發現581經常有暗盤沽,禁住唔想佢行甘....

      刪除
    3. 有些之前接左配股的貨沽出獲利。

      刪除
  7. 510賣盤味道很濃,似乎高生買來不是自用

    回覆刪除
    回覆
    1. 高生應是自用的, 只是之前明修棧道唔得, 而家暗渡陳倉。

      刪除
    2. 但關生出貨比較難吧?

      除非又暗底裡,或者現在炒高畀佢出貨

      刪除
    3. 關生似乎會慢慢減持, 但高生持股應不會超過30%。

      刪除
    4. 不過我都好想知道如果高生唔理咁多, 直接在市場買到30%以上, 咁証監會要唔要高生做有條件要約? 定係話高生唔符合持牌人要求, 收返510持有的幾個証券牌照?

      睇下佢地會唔會做返齣戲, 挑戰証監。

      刪除
    5. 偉哥:如果高生係市場上買到去35%,係咪可以提出全面收購?

      刪除
    6. 買到30%, 已經要強制性提出有條件要約。

      到時唔知証監會點處理。

      刪除
    7. 呢幾日留意下是否高生在市場買貨, 買到30%就有戲睇。

      刪除
    8. 咁王瑞明都幾蝕,次次高位買貨,除非又暗地裏

      刪除
    9. 其實高生除笨有精,原本關生想用0.51賣百分之36股權俾佢,依家賣盤不成,高生係市場慢慢係0.3-0.4吸納,仲可以慳番唔少錢啦!!

      刪除
    10. 王瑞明同時持有1049, 510, 估計是關生的友好。

      正常人如果三唔識七, 冇理由咁重本買晒高風險的時富系。

      刪除
    11. 但想不通GE係,如果關生唔急的話,0.51呢個價相信有人會出到

      只係單純靠市場沽貨+暗地裏轉讓,其實不太值

      刪除
    12. 未必是關生係市場沽貨, 而係高生係市場買夠30%, 然後出GO,關生就可以按例接受GO......我諗SFC應無權裁決關生唔准接受GO吧?

      刪除
    13. 似乎我的估計有機會成真.....高生有可能在市場買夠30%股權出GO, 來一招霸王硬上弓。

      刪除
    14. 好快買夠,呢招慳唔少,等以最高買入價GO,之前暗底估計高生接了不少,可能不用10%夠了

      刪除
    15. 如果玩得夠寸, 加上要照顧關生的利益, 唔排除按之前0.51元出GO....

      不過唔知會唔會有冇機會比証監停牌? 但我又諗唔到乜理由停佢牌。

      刪除
    16. 呢一刻已成交左1.6億股,好誇張

      刪除
    17. 高生只要係市場掃6.62億股就持有30%股權,按例要出有條件的GO。

      純粹猜測, 唔知係唔係真係會咁玩。

      刪除
    18. 港股策略王陳教主今日大大力唱好510, 話短期510先見0.51, 跟住會炒上0.77合理價,到新主入主後510可以升幾個開也不奇。

      刪除
    19. 嘩, 作到咁大?

      今日大手買510的, 應該不會是他的FANS吧?

      刪除
    20. 以高生的背景及實力,炒得上0.4已好叻

      刪除
    21. 解放軍概念好煞食BOR :P

      刪除
  8. 期指最大阻力為24350附近,
    成功突破會有新景象.

    回覆刪除
  9. 偉哥,tvb 回購,現價有超過15%差距,據聞是回購後,外資股東投票權有所增加,你覺得廣管局豁免機會大嗎?

    回覆刪除
    回覆
    1. 難估廣管局會否豁免。

      不過即使豁免了, 也只是部份要約, 上升空間有限。

      刪除
    2. 根本TVB只會一路差落去

      刪除
    3. 方逸華果時真係賣得好靚,拍拍手

      刪除
  10. 163價格在$2.62, 296價格在$1.8, 163繼續拋離296, 不到你不服!

    回覆刪除
    回覆
    1. 163明顯要造一轉,英皇係2.3-2.5中間買好多貨。

      296雖然遠低於現金值但無穫氣都要等。

      刪除
    2. 今日163打穿2.5,有權向上挑戰高位

      刪除
  11. 伟爷明手差不多到12%吧

    回覆刪除
    回覆
    1. 而家佢轉左用IB買貨, 好難估到佢增持左幾多。

      估計DBS、IB可能都是他及友好人士的倉位。

      刪除
    2. 如果IB從1月26日後所有的增持都是WEBB的, 咁應該差不多要再次申報增持。

      刪除
    3. 是。如果是刚好到了。很少见他买得这么密,是否想入董事局 :p

      刪除
    4. 或者純粹覺得3828的估值太便宜也說不定,哈哈。

      刪除
    5. 照咁睇如果1月起經IB買入3828的是Webb, 同時地咁2033都可能是係佢出手喎?!

      刪除
    6. 簡單的邏輯: Webb有用IB買貨, 但用IB買貨的不一定是WEBB。

      同埋WEBB基本上唔買內地民企、國企。

      刪除
    7. 是这样就不需要偷偷摸摸。这次到dbs..如此车轮买这么多又不影响价格很难相信不是一伙。

      刪除
    8. 哈哈! 雖然我唔係Webb, 但我其實上個月底都有係IB買了一注3828。當然,相對Webb來說,是微毛見大毛。

      刪除
    9. 我们这些微毛加起来中毛应该到的。

      刪除
  12. 依排唔覺唔覺REIT又升番晒,可能追資產折讓股落後???

    回覆刪除
    回覆
    1. D樓/租係咁升,做實業既越黎越難做...

      刪除
    2. 你在開玩笑!?

      我說句公道話:
      在香港賣菜賣肉賣魚賣快餐都唔知幾好賺, 賺錢又快又安全, 而且利潤率高於賣樓好幾倍!
      起樓賣樓投資資本大, 風險也很大, 地產開發商真的很難做!

      刪除
    3. 地產開發梗係難做!
      咁收租呢? =.=

      刪除
    4. 咁收租呢? =.=

      香港實踐自由市場, 租金由市場決定, 這能怪誰?

      刪除
    5. 一个很好的例子, 月租16萬元承租1500方呎商舖, 看看做餐廳都唔知幾好賺, 賺錢又快又安全, 而且利潤率高!


      市場消息指,美聯前執行董事郭應龍剛購入元朗康樂路13至25號鈞德樓地下7號商舖,面積約1500方呎,成交價5500萬元,呎價約36667元。

      該商舖現由榮樂餐廳承租,月租16萬元,租約期至2018年3月,租金回報3.5厘。原業主1990年以308萬元購入,持貨27年帳面獲利5192萬元或約17倍。

      刪除
  13. 之前雄安概念買入一對孖寶,882,3382.比較看好嘅3382懶懶閒咁,882就今日發威.大出意外.^^

    回覆刪除
  14. WAI GOR 有無打算4月去調研3399 ?

    回覆刪除
    回覆
    1. 準備約見管理層, 未定時間。

      可以先看看興業証券出的一份報告:
      http://www.niuniuwang.cn/wp-content/uploads/2017/04/H3_AP201704100492524457_01.pdf

      不知是否有在業績後接觸過管理層? 按佢地推算, 今年每股盈利達到RMB 0.52元。

      刪除
    2. THZ WAI GOR,等待你的調研~
      本身想今年放哂所有3399買樓結婚,但見到樓市咁痴線, 決定今年9月先再考慮買樓

      刪除
    3. 嗯, 今年股/樓都要小心.....唔知會唔會又是股災之年?

      如果股市/樓市爆煲的話, 我估應該是內地樓市火燒連環船。

      刪除
    4. 心情很矛盾,很想樓市大跌,但一想到樓市一旦大跌,自己手上的股票也應該大跌,
      就算股票大升,也追不上樓價的升幅,,,,
      所以股票沽定hold 都好煩惱, 常常聽人講, 樓市濟後 股市半年,,當股票見頂後半年,樓市都會見頂,不知是不是真的.

      刪除
    5. 嗯, 如果10年一大劫的話, 今年應該是災難級別,而且不只是地區性的。

      最大風險可能是地緣政治問題, 其次是內地樓市....除了個別政治事件影響,香港的股市、樓市好少無端端自己爆煲, 通常受外來因素影響才會出現災難。

      刪除
    6. 美國息口不斷上升,令美股垃圾債出現違約,推跌美股及全球股市機會都唔細

      不過至少要待2019才有機會

      刪除
    7. 過來人意見,正常要準備上車的就唔好玩股票,要留現金去摶樓市跌可鋤價上車... 股票要有閒錢先好去玩

      以2008年金融海潚為例,當日係股樓一齊大跌,但銀行即時閂水喉唔肯借錢.

      刪除
    8. 10年一大劫其實唔o岩,起碼1977年冇大事發生...
      因此,中國香港會歌舞昇平至2047!
      現在只是中國崛起的前哨...下刪一萬字

      講真既話,買唔買樓其實係睇你投資能力...
      你唔買樓,就要租;
      所以其實係睇你本身首期舊錢可唔可以generate 起碼cover到租金既回報...

      買樓cash out flow:
      -供樓利息
      -供樓還本(有人唔計依個做cash outflow)
      -管理費
      -差餉,地租,稅

      租樓cash out flow:
      -租金 (當每年7%升幅)
      -搬屋既錢
      租樓cash in flow:
      -用首期每年賺到既錢

      刪除
    9. jomc:
      股樓一齊大跌未必o岩,通常都係股大跌,樓小跌:
      1973年股災,股跌到d人跳樓(好似係9成?),樓市至75年跌3成
      1981-84年信心危機,股跌到hi(好似係62%),樓市跌五成
      1987年股災:股跌到hi(好似係4成),樓市跌幅不大,好快回升
      1989年:64事件,樓跌3成,股跌35%
      1990年:海灣戰爭股跌20%,樓市我理解跌幅不大
      1994年債災:股市跌35%,樓市跌兩三成
      1997年股災,股樓一齊大跌!!!
      2008-09年海潚,股跌到pk(好似係7成?),不過樓市不在高位,我理解跌幅只有20%
      2016年頭溶斷,股由高位跌到pk(好似係35%),不過樓市有支持,我理解跌幅只有10%

      lty1988:
      樓市一直既波幅都比股市低!
      千祈唔好幻想你既股票係樓市大跌既時候會冇事!
      依個世界只有人炒農股,賣樓還債;好少聽到話大跌市贏錢買樓=.=
      我理解比較多00-03年入市既人係之前完全無參與股樓,或者係回流既人
      所以係大跌市中係冇損失到錢,先有本錢低位買樓...

      你如果依家唔買等跌,只能渣債券(ie ibond),唔好渣股票…
      除非你做到係股市大跌之初全部斬纜,留現金...
      但講緊係可能跌一千點已經聞到味,全走喎...
      你可能會話,咁我短炒咪得囉?
      我會話,咁你短炒贏錢咪ok lor,不過唔好輸喎,怕未到樓市有咩動靜,已經輸好多出去 ^.^

      看好既理由俯拾皆是,現在只有兩個理由支持看淡樓市:
      1.樓市週期
      2.巨人李嘉誠不看好
      其它咩太貴、負擔能力云云既看淡樓市,全部晒氣

      渣現金or ibond會輸通脹,不過係作為低位入市既基本,可以視為put option既成本。
      你要低位買樓,想贏錢,咁梗係要有D付出架啦…

      刪除
    10. 哈哈, 我又搬搬籠門, 指的是聯交所成立後, 逢七之年都是見頂之年。

      刪除
    11. 1907至2007年逢「七」有事 2017年怎可安然度過?
      是耶? 非耶? 依下面所述,應該每年也有事 =.=

      ---quote---

      每當對香港、中國和世界的前景感到不安是,最想向一個人請教,他就是張立先生。

        他曾經是《信報》的專欄作者,從商、愛讀書,分析人情事理國運,別樹一幟,而且通透凖確,是個十分難得的人物。

        曾替他做過一事,有機會讀了他在報章寫過的20多年文章,算是幸運,獲益匪淺。

        2007年初,朋友問他2007年會發生什麼事,他說不知道,但他撰文說過往一百年逢七之年,中國及香港均有影響重大的事情。

      且看如下(我略有補充):

        1907年,清政府廢科舉制度,這於中國士大夫而言,是翻天覆地的事。

        1917年,俄國爆發十月革命,共產黨成功奪權,國際共產主義運動輸出世界,4年後,即1921年,中國共產黨在上海成立。

        1927年4月12日,國共分裂,國民黨清黨,大批中共人士被殺。中共組建自己的武裝。8月1日,南昌起義建軍,開始第一次國共內戰,長達9年至西安事變。

        1937年7月7日,盧溝橋事變,中日在華全面開戰,八年抗戰開始。

        1947年,國共內戰全面爆發。

        1957年,毛澤東發動反右鬥爭,中共政策全面向左。

        1967年,文化大革命席捲全國,極左思潮頂峰。

        1977年,鄧小平正式出山,批判兩個凡是,在黨內「撥亂反正」,開始改革開放。

        1987年7月,全球股災,香港經濟受到嚴重打擊,四個交易所停市,引發政府改革,促成香港聯合交易所成立,亦令香港股市晉身國際舞台。

        1997年7月1日,香港回歸,金融風暴在醞釀中,至1998年爆發亞洲金融風暴,香港至2003年沙士,陷入5年衰退。

        張立先生於2007年初記下:「2007年,今年會怎樣不知道,但過往百年,逢七有大事,並且影響深遠,已為歷史所記載。

        「隨口說來,聽者頗有興趣,建議成文,隨順。」

      --unquote---

      http://lifestyle.etnet.com.hk/column/index.php/wealth/wealthmanagement/44297

      刪除
    12. 今年仲要七七七做特首, 嘿嘿

      刪除
    13. 18年先驚啦。17年要繼續炒。

      刪除
    14. 沒什麼好怕的! 為什麼我們不能把股票視為自己經營的生意?
      如果我們自己沒有能力做生意, 就應該長期抱著大股東擁有超過70%股權的股票!

      刪除
    15. 市場專收叻仔 走精面反錯失長線大浪

      當然怕大輸,但就不怕百分之五左右的大調整,有上有落是正常,何況不敢冒風險,就不會有回報,即使這個位打九五折,也肯定遠遠勝過一早甚麼也擔心。

      市場專收叻仔,聰明反被聰明誤的例子見得太多,一心走精面,只會聚集在短期的因素之上,通常一定會走失長線的大浪。

      其實勇敢一點揀好股票來坐,會是初哥最容易而有效的投資方法,可惜大部分人太過細膽,被幾個巴仙的風險就嚇窒,是一事無成的主因。

      豐盛金融資產管理董事 黃國英

      刪除
    16. Re 大米, Louis:
      炒股梗係唔驚,禁幾個制就出晒...
      依家係講住宅,有SSD,一定要守三年...

      刪除
  15. 財演、財經版散播復活節後,大媽會南下做起港股的消息,雄安慨念已淡化,每天總成交又縮,首季業績未有咁快出,上望易幻死死銅牆鐵壁,易幻駟橫行已幾週,財演話築底,似托着派多些,種種原因,我諗港股下調多過攀升。恆指跌了少少但2/3線股票下跌似是小股災。

    回覆刪除
    回覆
    1. 管它2/3線股票會不會下跌? 會不會有小股災? 只用限價買入價值股。這樣做妨可以節省資金, 降低風險。如果有人願意抬橋高追, 也無妨, 樂見其成!

      舉一個例子, 如果我是大戶想收集1098, 我會在9至12元慢慢磨它半年至一年, 收集約一億股(街貨的四到五成), 之後再向上炒, 進一步收乾它! 這樣做節省資金和氣力, 其間有人抬橋向上炒, 也無妨, 我自己提前坐享其成!

      刪除
    2. Mainland money is slowing down while western players are selling ... "Sell in May and Go Away" now becomes "Sell in April and Go Away". This is the pattern for recent years! What can we do? Hold more cash and more stocks instead of concentration!

      刪除
  16. 回覆
    1. 七七七不是又買了1667吧?

      刪除
    2. 七七七有冇買 581 同 903 ?

      刪除
    3. 3隻都有, 好down, 特別係1667, 上個禮拜五0.64入, 今日就無左14%. 另外2隻高位都無放........ 喊得一句句...

      刪除
    4. 777兄:自從1660跣落一役,保賤人豐盛個名已臭晒。

      刪除
    5. 佢個名從來無好過,賊到晤賊。

      刪除
    6. 謝私人醒兄,仲以為1660只是失手,惨😂

      刪除
    7. 小弟跟777兄同期入, 不過係小注8412高門.

      刪除
    8. 1667應該玩完了。反而1660好似跌定了?

      刪除
  17. 1265、3382炒完,今日炒882、1065,還差1隻1578!?

    回覆刪除
  18. 偉哥可有留意568嗎? 可以算得出公司還有價值嗎?

    回覆刪除
    回覆
    1. 冇留意, 誠信破產的公司沒有留意的價值。

      刪除
  19. 海通證券今日排隊賣出超過220萬股閩信222, 已經成功出售150萬股, 每股平均1.568元。

    回覆刪除
  20. 均價3.58元增持了98,買貴左。

    回覆刪除
    回覆
    1. 我都3.58買多一萬股,現有小小地二萬股,煩請偉哥更新了.

      刪除
    2. 好的, 等公司出了私有化文件, 有了時間表後, 再同大家更新一下持股數。

      刪除
    3. 偉哥時間究硏吓隻283嗎, 有14%回報好似幾吸引

      刪除
    4. 283冇得研究, 因為是以要約形式私有化, 私有化通過的條件是9成的獨立股東接受要約, 而這股很多人都覺得大股東暗地裡持有不少股權, 亦即是說私有化成功與否是由大股東決定, 根本無數計。

      刪除
  21. Index players are boring, hot stock players are crying, rubbish players are singing, what are you doing? I am studying :)

    回覆刪除
  22. 市悶,想同偉哥研究下踢法:

    偉哥既踢法進取,盡可能搜尋機會,不斷組織進攻,求大勝...
    同利物浦相似

    但其實以偉哥既資金量,入private bank槓債,一個月都10皮8皮...
    隨住年紀,會唔會考慮更簡單方法? 小勝一粒,拉布收工?

    當然明白偉哥既自己興趣係一大原因 :)

    回覆刪除
    回覆
    1. 我太太之前都成日話想將手上的物業攞去抵押, 然後係private bank用槓桿買債收息,不過我自己覺得我們兩個年紀都唔算細, 而且要養3個細的,已經是輸唔起一族,冇謂咁博。

      刪除
    2. oic,我見偉哥既踼法進取,諗唔到偉哥係反對用槓杆既一族 :)
      anyway,有D人覺得債低風險,其實係錯既,我睇過書話股債波動性一樣咁強,不過債可槓更多

      刪除
    3. 哈哈, 踢法進取的話就不會分散投資兼不用槓桿啦, 你未見過什麼是真正的進取型投資。

      債平時可以是很少波動, 但一有大波動可能好多人就要收皮。 我唔想臨老先來一舖清袋,所以寧願鑿石仔, 賺下辛苦錢。

      總之唔用槓杆、唔玩一注獨贏, 長線而言我會持續係股市搵到食。

      刪除
    4. 未出事前i kill u later 全世界都以為好穩陣。所以偉哥分析很啱,看似很安全的地方,才是最凶險之地

      刪除
    5. 估你太太應該係話想用槓桿買入債券基金(即以多隻債券混合而成的基金)收息,債基的風險並唔係想像中咁大,首先債基像假數股般爆煲的機會微乎其微,至於價格風險,亦可以透過歷史波幅及槓桿水平調較去管理。

      姑勿論偉哥對投資債券是否有興趣,不能否認債券對於現今資產配置及保障財富有著重要角色。一直以來,黃金、現金、債券及股票被喻為四大主要資產配置工具,近十多廿年更多了REIT(我會稱它為紙磚頭,一種界乎股票、債券及商品的神奇投資工具),所以,唔係淨係得股票先可以係市場中搵到食,當資金有番一定水平,就好應該唸唸資產配置的問題。

      最後,巴菲特講過股票其實都係債券一種,只不過股票的分派及價格比債券更為波動。其實唔駛佢講都知,股票的估值模型與債券的估值模型基本上都係同出一徹,即是用Discount Cashflow Model去計...總之,希望偉哥也不要對債券有太大恐懼。

      刪除
    6. 債劵最危險的地方就是看似好安全,同時真係>95%時間都安全,令人無戒心

      刪除
    7. 為什麼我們不能把股票視為自己經營的生意? 很可能年年有逐漸增加的股息收。

      一個不貪心的例子, 從2003年到現在,我已經擁有610(成本少於80仙),即使它遠遠不是最好的, 但我還是覺得不錯, 因為我很容易滿足。我自己沒有能力做生意, 因此總是喜歡長期抱著大股東擁有超過70%股權的股票, 例如385, 373, 610, 878, 1098, 1125等。

      刪除
    8. 其實買債券或債基我都可以接受的, 但用槓桿買去提高回報就不是太喜歡, 雖然好多有錢人家都係咁做。

      刪除
    9. 槓桿買債券的情況其實同我以前沽價外期權一樣, 無事就個個月收租, 一年的回報可以5、6成以上,但一有事可以一舖清你袋。

      刪除
    10. 估計偉哥老婆不是建議買債基,債基風險相對高,因為可包含優質企業同非投資級別債券,有些發行商為了推升回報,會加入垃圾級別。現時債基基本上必定有內房,因為高息率,所以風險不低。
      我估偉哥老婆是買一些優質企業債,再槓桿,風險相對較低,風險違約,或是公司倒閉風險較低吧。而這些大企發債約5-6%在primary market, 在secondary market 已經只有 3% 左右。不過在primary market 拿貨都係好似新股咁,所以好野唔會分得多比你,如大量在secondary market 買 加上100%槓桿 回報都只有約4.5%,所以都是好多人在股票市場博殺。

      刪除
    11. 我老婆以前做銀行的credit dept, 審批大戶的借貸申請, 所以知道有錢佬點用錢搵錢, 也因此心思思想跟大戶一樣, 做槓桿買bond, 賺取較高的回報。

      刪除
    12. 如大量在secondary market 買 加上100%槓桿 回報都只有約4.5%...
      槓桿後回報年化率計應該有50%以上...
      股票市場博殺做margin, 波幅大仲易斬倉..
      其實可以少少地槓桿買債券..控制風險
      有D大户其實唔剩係槓桿買債券, 買到債券再做repo, 再買債券, 再repo..回報可以去到年化率100%以上

      刪除
    13. Louis, 373有回購,56高D息,應怎樣選擇? 兩難!

      刪除
  23. 為加強對券商、對沖基金等金融機構的高級管理層的問責,由下周起至7月17日前,機構須提交負責整體管理監督、主要業務、運作監控與檢討、風險管理、財務會計、IT、合規,及反洗錢此8項核心職能的主管名單,詳述其職能,附上公司組織架構圖。與過往多數只追究證監會持牌人責任不同,若該行發生不當行為,是這些高層人員的同意、縱容或怠忽所致,他們須負上法律責任。

    新規除影響各行人手調配,證券業協會主席繆英源提醒,證監會料將審視人選及匯報線,最壞情況是,若認為該核心高層非恰當人選,可能不准營運該業務。去年獲發1號牌、可進行證券交易的持牌法團多達105家,創歷年新高。有資深經紀質疑,不少新行僅符合聘用2名負責人員(RO)的最低要求,但結算、風控等後勤部門「一片空白」,估計下一步會跟隨銀行業做法,若證券行易手時未能延攬「監管機構覺得放心」的人,不會批准併購。

    業界均指中資行最受新規影響,因老闆不能再隱身幕後,由打工仔RO為不當行為負責,「實地視察時,隨便問個職員就知道邊個係真正負責人啦,SFC傻唔哂,除非老闆自己全退,但中資行會唔會咁信得過外人?」

    http://hk.apple.nextmedia.com/realtime/finance/20170410/56546384

    回覆刪除
    回覆
    1. RO 唔易做, 隨時要孭鑊。

      刪除
    2. 臨退休又有資格就去做,反正要退休了

      刪除


  24. 1203發盈喜,但冇提到馬口鐵業務的情況, 比較失望。

    本公司董事會(「董事會」)謹此通知本公司股東及有意投資者,根據本公
    司對本集團截至2017年3月31日止3個月管理帳目之初步審閱 , 預期截至
    2017年3月31日止3個月本公司股東應佔之綜合溢利將較2016年同期增加約
    190%,主要是由於(i)聯營公司黃龍食品工業有限公司的原材料採購成本下
    降及政府補助收入增加導致該聯營公司由去年同期的虧損轉為本期的溢利;
    及(ii) 期內香港的寫字樓物業估值有輕微升幅以致產生投資物業估值收益淨
    額。

    回覆刪除
    回覆
    1. 如果只靠聯營公司黃龍轉虧為盈及物業重估收益, 可以令盈利由上年同期的919萬元上升1746萬元?

      似乎馬口鐵業務應該也是大幅改善才是。

      刪除
    2. 今日因你文章追入的,有福了!

      刪除
    3. 即使Q1馬口鐵業務虧轉盈,其經營溢利數字也肯定低於上年Q4的$1,243萬,你之前估算這業務在17年度或可賺$5,000萬是否須要調整?

      刪除
    4. 不要忘記第一季度有春節的因素, 所以第一季度一般都是全年最淡的一季, 因此馬口鐵全年能否達到盈利目標是言之尚早。

      刪除
  25. 回覆
    1. 沒有作價, 有機會是無償的捐贈。

      刪除
    2. 136 (其他情況)

      如果大股東把公司股票無償地送給自己親人,可否仍算為無償損贈的一種?

      刪除
    3. 算是。其實出136, 即是肯定不是有作價的轉讓, 不然的話要出作價。

      刪除
  26. NBA常規將完結,常規MVP會係邊個??
    harden定 西書 ,harden 隊波成績好,數據就西書勁,
    要睇NBA準則,
    WA OKC如當年無解散3劍合,咁咪好勁,
    季後賽勇士對騎士好大機會

    回覆刪除
    回覆
    1. 我揀夏登,今季大蛻變,carry晒成隊火箭,唔止自己勁連帶隊友都打得好。
      西書似打一人籃球專心破紀錄。

      刪除
    2. 我揀西書,42次大三元加一人之力帶隊入季後賽。期待二弟三弟既對碰!

      刪除
    3. Westbrook肯定係Regular既MVP,只係懷疑騎士能否入決賽。 ^ ^

      刪除
  27. 有冇ching留意1043,盈喜後反跌,現價值博嗎?

    回覆刪除
    回覆
    1. 呢隻野相當有可疑

      刪除
    2. 咁可唔可以轉身射個三分波?ching

      刪除
    3. 1043一向都是邪股, 而且可以比較一下2016年上半年及全年的業績, 就知點解股價大跌。

      刪除
    4. 最近6863爆煲, 國內投資者常說的一句話是: 投資不過山海關,真係好精警。

      查下地圖山海關係邊, 睇下你明唔明點解。

      刪除
    5. 其實仲有福建股都係.... e.g. 諾奇

      刪除
    6. 福建民企已名揚四海, 無需多說, 只是很多散戶似乎不知道東北民企也不遑多讓.

      刪除
    7. 福建民企已名揚四海, 無需多說....LOL

      刪除
  28. Cotton price is rebouncing and staying above 76 now. If it can reach 78 within this week, it is time to add 2678.hk for sure! 2678 has strong support on $10 but no momentum to rebounce yet. Western funds are collecting or selling? Anyone knows?

    回覆刪除
  29. 請問148建滔知不知咩事停牌?

    回覆刪除
  30. The power of Xueqiu big V - 3363, the power of Chinese funds - 0285, the power of Hongkongese funds - 1522

    回覆刪除
  31. 近日春暖乍寒 大家記得帶多點現金 著多幾樣衫呀!今天又是完美的演繹。😜

    回覆刪除
    回覆
    1. 對對,師姐好見地。

      刪除
    2. 未到夏天, 應該唔會咁快有人諗住祼泳呱?

      刪除
  32. 回覆
    1. 呢D無得沽空的股, 渾水應該唔會搞, 佢唔係雷鋒。

      刪除
  33. 875(中國金控)咩事? 跌7成, Muddy Water又出報告? 睇來又會中途停牌

    回覆刪除
  34. 當日話隻136可散到貨,就叫大家小心D,
    今日隻1357美圖都有差不多味道,升時有勢當然不駁咀啦,仲可以炒埋一份添,
    不過近日走勢已經成形了,反覆下跌派貨格,但又會派到貨的就最危險,
    如果無莊睇,又出哂老散到,以基本因素去行,以現價計,再跌90%已成定局,只係時間而已!!

    回覆刪除
  35. 有冇師兄熟電訊業?
    見隻6823有升有息,有D心動

    回覆刪除
  36. 136至今记忆尤新,是我输最惨的一只股,一败涂地。

    回覆刪除
  37. 1281呢隻光伏股,有人推介話可能係大茶飯之作。(利申:無貨)

    回覆刪除
    回覆
    1. 應該是炒新區概念,不過目前沒有什麼基本因素而言, 應該是純粹炒概念為主。

      刪除
  38. http://hk.apple.nextmedia.com/realtime/finance/20170411/56549188?from=groupmessage

    有关6899,伟哥点看,会否是真的?

    回覆刪除
    回覆
    1. 我只可以說, 文件找不到破綻。

      刪除
  39. 如果是真的,咁樣提早漏出,会否取消,另外証監会否查?

    回覆刪除
    回覆
    1. 盈德之前的要約早於1月10日已在雪球流傳, 1月16日才停牌, 然後1月20日出通告承認雪球流傳的內容大部份是真實的。

      刪除
  40. 無聊一問,known兄同unknown兄係咪同一人

    回覆刪除