置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年12月8日 星期四

雜談

1. 新股/半新股標尾會

看圖,不多說。可能由膳源控股(01632)的神奇表現帶動,又可能是因為臨近年底,基金、莊家都跑數又好、賺些錢過年又好,大家齊心合力,新股/半新股今天是霸佔了20大升幅榜頭5位及過半的席位,當中榜首的更曾單日升幅超過一倍。






當然,現在再追升幅顯著的半新股可能是接火棒之舉,與其如此,不如考慮其它落後的半新股,有興趣的網友可以從中尋寶,考驗自已眼光。

http://www.aastocks.com/tc/ipo/ListedIPO.aspx

2. 人民幣貶值壓力

國內剛公佈11月的外儲數據,11月外匯儲備減少690.6億美元,餘額降至30,516億美元,創逾5年半新低。以此推斷,今年底前外匯儲備可能跌穿3萬億美元的心理關口,可能觸發新一輪的人民幣貶值“恐慌”,難怪國內要進一步嚴控資本外流。另外,不得不提的是國內居民每年享有5萬美元的換匯額度,即是今年已換匯5萬美元的,明年一月開始又可以重新計算,所以明年一月人民幣的貶值壓力會很大,不知會否是今年1月的翻版,大家不得不防。



287 則留言:

  1. 政府收緊公屋富戶政策,可見將來綠表居屋勢大增,居屋會跑贏大市,
    講了N次,政府愈壓就愈升,更加顯現了樓價無泡沫,以往會說大陸人買貴D樓,
    收租客搶貴D樓,政府出招就比人清楚睇到全不關事,按揭成數又少,突發斬倉都無埋,
    真心想不到有什麼招數另樓價大趺,初想一招,有第二層樓既人,每年要比樓價(市價)10%作稅,
    咁樣有多一層樓以上既人就成了負擔,必定將層樓放比無樓既人,樓價必大趺80%,
    想就易,原來不可行,地產商又點,公司持有又點,他們必定多於一單位,世界大亂了,
    所以個問題都係比番幾十萬一個月既官員想,我地D平民千萬不要想市場來就自己,係自己適應市場吧,

    回覆刪除
    回覆
    1. 我有個類似想法,持有多於一個或由公司持有住戶物業的差餉一律由5%提升至百分之廿五或三十。多收的差餉下年派畀沒有持有物業,滿十八歲持三粒星身分證的港人,財富轉移畀無樓人士

      刪除
    2. 我覺,因為人既免疫系統所至,對於曾經中過招既歷史教訓會有所防備,想要樓市爆破應該要一隻新型病毒才可...

      刪除
    3. 為什麼不實行共產共妻, 一次過解決全世界的所有問題?

      刪除
    4. 驃叔叔是共產主義者

      刪除
    5. 住宅租金回報低,暫買唔過,而且係週期高位

      經濟差,樓價自然跌...
      我比較希望政府撤所有招,等樓一年上200點,咁會比較容易爆...

      要樓價大跌,等中國大陸出大事,中資班師回朝。
      不過,大陸既問題係冇錢想番入去...

      刪除
    6. 從來敬服Faistock Sir豐富的投資經驗.講股事,Jam仔都會留心聽.
      Faistock Sir話:((係自己適應市場吧)).Jam仔拍爛手掌認同呢.
      香港政府要解決Jam仔無樓的問題(注意:不是無樓住的問題),如果唔等美國大大力咁加息,咁香港政府即日宣佈強制加按息及銀行存款利息5厘,就等果D搶貴D樓的收租客們,((自己適應市場吧)).
      就不用實行徵收共產稅什麼的,這麼大費周章了!
      收租客們就不要期望Jam仔高價接貨了,Jam仔雖然無樓,但有樓住.@@

      刪除
    7. Jam仔講野咁似鄺神, 成日用第三人稱

      刪除
    8. 整租金管制, CAP係差餉物業估價既3%一年, 再收租金收入稅20%會點?

      刪除
  2. 早晨。偉哥
    半新股突然當旺

    回覆刪除
  3. 早晨各位,抽中1581一手

    回覆刪除
  4. 有个难题,升得多的可能继续升。没怎么升的可能不会升,因根本不打算炒。

    回覆刪除
  5. 回覆
    1. 再跌破一個月低位,眾人皆升牠自醉,真令人失望!早日去襟機,見美材在每價賣盤排滿晒,幾時清晒貨呢?

      刪除
    2. 我希望佢派多少少息, 有息有得守.做生意都係睇大方向, 只要佢行岩左路,業績會慢慢反映.

      刪除
    3. 請問偉哥明年3399的業績會有幾%增長?

      刪除
    4. 今年的話估計希望會有25%的增長,明年要看看自營油站的成績.....不過明年會完成湛江客運的併購及併表,有望帶來2000萬元左右的盈利貢獻。

      刪除
    5. 3399現在是被幾個券商操控了股價,正如我常說國泰君安成日出出入入,看它的交易有時都冇利可圖,不明所以;又例如上星期五中銀掃了60萬股,今日掉轉頭低價沽返出來,好多交易都唔明點解。

      太多這些例子,上月初中金買了40萬股,轉個頭將40萬股一日沽清,成功將股價打落4.3元。

      刪除
    6. 富國基金就密密增持,在9月底的時候已增持至1004萬股,只差31萬股就達到5%的披露水平。

      http://fund.eastmoney.com/f10/ccmx_100061.html

      刪除
    7. 對於幾間券商莫明其妙的做法,粵運公司都不明為何,我叫他們不要太過著眼於股價表現了,專心做好業務,長線而言股價是會反映業績的。

      刪除
    8. 好多時大行大手買,不是希望推高股價,是用來有貨質底股隻的。

      刪除
  6. 天德好似日日被人mark低幾格

    回覆刪除
  7. 又來到恆指二萬三所謂阻力區,看否是再挫一會或含梅疾走。愚見又再升到你唔信,今次弱勢恆指股睡醒帶動啦,到下星期美加息,港股就落幕展開另次回落,升千點落千點食正都幾好!

    回覆刪除
    回覆
    1. 我覺得明年1月的走勢會係今年1月的番板,1月開爐各大基金的芬佬重新洗牌,調整投資組合,加上狂人效應已發酵次個多月,股市回一回是正路。

      刪除
    2. 所以我傾向趁幾好價時賣掉游水,稍後見低再買翻。

      刪除
  8. 偉哥,這幾天研究左207
    發現這股好有投資價值
    2015現金30億
    剛賣資產套現93億
    市值150億有120億現金 pb只有0.55
    估價非常便宜
    偉哥點睇?


    回覆刪除
    回覆
    1. 現金流不錯, 可是為什麼宣佈派特別息還跌?

      刪除
    2. 派特別息數目是比例少,令市場失望,故股價剛好回到公佈派特別息之前。

      207中期業績有息借貸淨額約180億元,資產淨值329億元,出售資產後,有息借貸淨額得返87億元, 資產淨值252億。

      理論上207估值是便宜,不過實際情況是國內目前商業地產供過於求,故相關公司的估值都很便宜,0.5X PB已不算便宜,看看利福中國現在只是0.3X PB。

      刪除
  9. 東風開市未夠半個鐘,8.150 +0.230 (+2.904%),成交金額已超過1億2千萬港元,實實在在太落後,升浪展開衝向阻力區,成交夠大指日可破。

    回覆刪除
  10. 1632今日咁既樣仲博彈既人真係無話可說

    回覆刪除
  11. 近來IPO連過3關:3686>1633>1581,今早抽本年的最後一擊,希望好頭好尾啦。

    回覆刪除
  12. 偉哥,想問下549要幾時先會有保底價1.09?

    回覆刪除
    回覆
    1. 私有化成功囉,到時既是保底價,也是封頂價。

      刪除
    2. 咁大多數會係幾耐左右會confirm成唔成功?
      一個月左右?

      刪除
    3. 快的話就今月底或下月初出私有化通告, 然後等多一個月左右開股東會表決。

      刪除
  13. 1140 連升幾日去到52 周新高, 有動作

    回覆刪除
  14. 回覆
    1. 如果我無估錯的話,這個莊是沒有太多散戶認購的股才會大炒,多人認購的就第一天出貨,然後向下炒居多。

      睇埋今晚CCASS就大概估到。

      刪除
    2. 回Terence:
      我見IPO果邊既ching都執幾皮,算可以吧...

      回 Wai Gor:
      這個很正常,派錢也不可能派太多吧...
      而且龍頭1632不行了,其餘跟散水好正常

      刪除
    3. 偉哥講完之後, 去八下aastock保薦人往績,又唔係差喎~

      刪除
    4. 其實已算不錯,AO沽出有33%利潤,只不過d散戶望住隻1632,以為隻隻都倍升。

      刪除
    5. 我諗下點樣寫呢D啤殼的玩法又唔會得罪人。

      刪除
  15. 281已突破其52週最高價57港仙, 下一個大挑戰將會是2007年6月4日的最高價74港仙(最低價67港仙), 當日成交量4981.2萬股。

    我有相當大的信心, 它會在2007年甚至這個月內克服這個大挑戰。

    不要相信我太多!

    回覆刪除
  16. 3822"球"來"球"往,今日的成交量是上年大時代後最高的,不知搞什麼。

    回覆刪除
    回覆
    1. 策略王毒啲定生果毒啲?

      刪除
    2. 純粹佢推嘅股票我都玩唔黎~

      刪除
    3. 策略王與生果齊齊落毒,有咁巧合!可能同一伙卒。上兩星期生果落毒隻489,即挫幾亳子,今天才回升。今日社長聲嘶力竭在不同平台唱買三和,頓時打震,跟風者收市時又中伏,不知他怎麼樣打圓場。

      刪除
    4. http://hk.apple.nextmedia.com/realtime/finance/20161208/56021797
      又係吹3822...怕怕

      刪除
    5. 唔驚!呢隻得偉哥加持 一定可以。。。。。。。。。。。。。。。。返到屋企 哼~

      刪除
    6. 記唔記得上次一吹隻味精即跌返基本步。

      刪除
    7. 味精唔識 反正揸到佢返家鄉

      刪除
    8. 有冇人可以只看生果報唱3822篇文,不搜查任何資料,搵到一個大錯處出來?

      其實策略王及生果報唱3822的論點都存在重大誤導。

      刪除
    9. 最重大誤導…就是有「猛人睇場」, 那有咁荀.

      刪除
    10. 哈哈, 所謂的猛人睇場....猛人離緊場佢又提都唔提下....

      生果報仲有一個很明顯的重大錯誤.

      刪除
    11. 偉哥我得閒個口又痕試試,
      1. “猛人睇場,如果佢手持嘅股份平過你,係咪會多啲安全感?”
      佢平過你,點會多啲安全感?
      2. “有意投資大股東旗下的幾個香港住宅及工業項目,合計1.5萬平方米,若落實,三和將由承建商搖身變為發展商.”
      投資少少就可以扮代表?
      3. “今時今日,一隻地產殼點都值錢過一隻建築殼。”
      殼就是創業版或是主版姐,乜殼都有分地產殼建築殼既咩?
      唔知仲有無飲食*銀行*資源殼呢?^^

      刪除
    12. Rays Capital的持股成本很貴的,但正在減持....

      生果報篇文講的股權分佈犯了明顯的錯誤,我諗佢唔係好識睇股權披露。

      刪除
    13. 佢識唔識睇股權披露就唔知,但相信佢應該知rays減持,因為無拿拿唔會識寫,係有人叫佢寫,幾個媒體幾日內同時唱一隻股仔,邊有巧合嫁

      刪除
    14. 我想話佢唔識睇股權披露的主要原因是佢唔識睇RAYS CAPITAL的持股其實和Asian Equity的持股是同一批貨,因為RAYS CAPITAL是控股Asian Equity。

      佢將RAYS CAPITAL和Asian Equity當作兩個不同基金,然後再加上大股東持股,得出街貨只有13%是大錯特錯。

      刪除
    15. 偉哥,你又話"不搜查任何資料,搵到一個大錯處出來?"
      RAYS Capital Partners Limited控制Asian Equity Special Opportunities Portfolio Master Fund Limited的100%權益.
      是要看中期報告先得喎..:(

      刪除
    16. 哈哈, 就考你平時有沒有留意細節....如果常看股權披露的, 都會知道RAYS CAPITAL是控股Asian Equity....正如DAVID WEBB控股Preferable Situation Assets一樣, 不用查看也知道的。

      刪除
    17. 偉哥,

      我去經濟通看看得生果報一樣的info, 簡簡單單抄功課。
      http://www.etnet.com.hk/www/tc/stocks/realtime/quote_ci_brief.php?code=3822

      相信要到股權披露才知 RAYS CAPITAL 和 Asian Equity 的relationship, 是嗎?

      刪除
  17. 回覆
    1. 睇下有冇機會返家鄉就減半先。

      刪除
    2. 3822今早係0.355減左一半,有機會跌返落0.3以下才買返。

      策略王及生果報大合唱,怕怕。

      刪除
  18. 個市呢兩日期指一直高水,今日大部份時間keep 住有50點,有乜啟示呢???

    回覆刪除
    回覆
    1. 其實我係唔係唔應該講咁多野呢😰😰😰

      刪除
    2. 哈哈, 我諗起我兩個女上次考試前同我講爛gag: "爸爸, 呢排唔好排東星班....."

      刪除
    3. 下次我覺得個市仲會升,就應該沽返張期指穩陣

      刪除
  19. 想請教看股權集中在那一人手中和百分比,是看以下那一個網頁才對?還是2個網都不對,有其他網頁可以看到?
    http://sdinotice.hkex.com.hk/di/NSSrchCorp.aspx?src=MAIN&lang=ZH
    http://www.hkexnews.hk/sdw/search/searchsdw_c.aspx

    回覆刪除
    回覆
    1. 用webb-site.com查, 輸入股票號碼, 然後查CCASS

      刪除
  20. 台海關係緊張, 軍工板塊蓄勢待發!
    https://xueqiu.com/7969903702/78644385

    川普和普京關係好, 川普當選美國總統全力對付中國沒有後顧之憂。相比川普, 希拉里當選對中國比較好, 因為希拉里跟普京有仇。

    說得都要打第三次世界大戰了, 還投資股票! 合適嗎?

    當然合適!
    為什麼不考慮大量投資醫療股票? 今天上午, 我剛剛參加了383中國醫療網絡有限公司股東大會, 感覺相當不錯。

    回覆刪除
  21. 膽粗粗撈金風,升幅不多。

    回覆刪除
  22. 港股真没人气,鬼城!

    回覆刪除
    回覆
    1. 證實了大象頂著個市走鬼吧⋯

      刪除
    2. 電話兄,期指keep 住高水幾十點有乜睇法

      刪除
    3. 可能好友始終想拉起個市掛....

      好友想靠隻大笨象帶起成個市既氣氛,不過大笨象突然又唔回購,淡友又喪隊騰訊補命變左主導番個市。

      呢D情況... 都係靠邊站啦。

      刪除
  23. 想問下偉哥,如果我入咗2918的股票,打算補足2339的股票,佢系咪今晚會主動幫我轉?
    順便再問下偉哥系咪仲持有呢個股票?

    謝謝。

    回覆刪除
    回覆
    1. 會幫你轉。

      其實想知我有沒有持有,可以留意我的留言就可以。我有係度提及買入的股票,如果沽貨一定會告訴大家。

      刪除
    2. 應該係12月21日先會轉

      刪除
  24. 偉哥想問下呢3668大幾仲有幾耐先私有化,又跌番1.31好似又多左d套利水位

    回覆刪除
    回覆
    1. 快的話今個月出私有化通函,咁下個月就可以表決。

      刪除
  25. 偉哥,
    1629同1496係咪有D相似?
    1. 4xx超購
    2. 上市價相約
    3. 發行股數不多
    4. 股權集中
    5. 集資少

    回覆刪除
    回覆
    1. 唔可以咁比較....如果一間有莊家、一間冇莊家,又或者一個是強莊、一個是廢莊,結果已差很遠。

      刪除
  26. 天安28收購丹楓控股271要約之條件已獲達成及要約已成為無條件 [很贊]​

    http://www.hkexnews.hk/listedco/listconews/sehk/2016/1208/LTN20161208671_C.pdf

    經計及接納股份(須待完成向要約人轉讓該等接納股份後,方可作實)以及要約人及其一致行動人士已持有之467,788,969股丹楓股份,彼等於合共624,170,470股丹楓股份(相當於丹楓於二零一六年十二月八日下午四時正之全部已發行股份約50.23%)中擁有權益。因此,要約之條件已獲達成及要約已於二零一六年十二月八日於所有方面成為無條件。

    回覆刪除
    回覆
    1. 丹楓271今天在$2.75〜$2.9交易, 目前價格$ 2.81, 看來天安不容易在$ 2.75買到更多的丹楓。

      刪除
  27. 回覆
    1. 彭氏家族好野:
      1.賣盤時食左私人公司,果度淨值賺兩億
      2.賣盤時賣1.099,依家1.08買番,賺唔知幾多!

      刪除
    2. 呢單野彭氏邊有得賺......間公司在呢兩年被城建塞左好多垃圾入來。

      刪除
    3. oh,咁點解佢買番呢?
      我唔熟711,仲以為有賺...
      D垃圾換唔換得番錢架?

      刪除
    4. 當初彭氏沒有完全退出,可能是想藉城建的入股發大來搞,但估不到引入的不是國企財閥,而是空心老倌,塞了一堆垃圾進來之後, 最後仲想將彭氏趕出公司。

      我諗彭氏買返711, 是無可奈何的選擇,不然呢間老牌公司可能就咁玩完。

      刪除
  28. 回覆
    1. 市傳澳門銀聯卡在澳門ATM機提款上限降低一半,金額降至5,000澳門元,防止內地資金非法轉資。消息拖累濠賭股開市顯著受壓,金沙中國(01928.HK)、銀娛(00027.HK)分別低開10.1%、9.7%。永利澳門(01128.HK)開市挫一成。澳博(00880.HK)、美高梅中國(02282.HK)及新濠國際發展(00200.HK)低開5.6%-8.1%

      刪除
    2. 大平賣, 試接半注小刀102, 吾該跌多啲

      刪除
    3. 個人認為大平賣.銀聯只係其中一個方法.
      普通人既方法,
      有錢人要賭,可以開支票,可以碌卡,好多種方法.普通人都可以碌卡啦當然.
      不過中國禁走資已經做到出曬面.
      走資相信係因為RMB不斷眨值.
      呢個眨值個人認為會係Trump上任之後,開始變.
      因為Trump唔會比RMB甘樣眨落去.
      宜家既眨值只係為左Trump既上任,到時壓迫下先有空間升值.

      刪除
    4. 33.8已接貨27.希望佢帶我過一個肥年.:-)

      刪除
    5. 只是rumour, 等過一個肥年吧.

      刪除
    6. 開市初段掃左27、1299、1928,收市前會解決。

      刪除
    7. 有tk兄同船,信心即刻大曬...

      刪除
    8. Tk兄,股王700會考慮買入長渣?

      刪除
  29. 升就冇預我,跌就有我份。呢個世界公平咩!

    回覆刪除
    回覆
    1. 呢個世界公平咩? 唔係呀!!?? 做人做咗咁耐仲問這question. 一出世己不公平, 只有死亡這個終點站才是公平, 因人人都要…死!

      刪除
    2. 你又講得無錯喎,人人都有一死,絕對係世上最公平的事

      刪除
    3. 我時常提住自己,股票市埸上8成人係輸錢要哭著回家,時刻要告訴自己做企2成果一邊...

      刪除
    4. 😂純粹模仿阿標講嘢!

      刪除
    5. 😂純粹模仿阿標講嘢!

      刪除
    6. 另兩樣都係公平:
      1.人一日得24個鍾
      2.所有人都要空氣

      刪除
    7. objection:

      有錢人可以用錢 buy time
      有污染的空氣? 有錢人可以飛去潔靜的地方.

      刪除
    8. 人人固然都有一死, 但有錢人可以生活得更寫意, 當然可以有更長的壽命預期:
      因為更好的醫療條件, 更好的居住飲食, 更安全的工作環境, 用更好的工具設備, 更多人保護...

      真的唯有依靠強制性實行共產共妻, 才能一次過解決世上所有不公平的問題!

      我不能想到任何其它的方法, 你能嗎?

      刪除
    9. 你又嚟…共乜產呢? 仲要強制性.
      共產行得通? 看看古巴…
      一出世? 有人靚啲、有人smarter啲、有人有gifted…怎共產??!!

      刪除
    10. 佢意思係, 當解決不公平問題時, 產生的其他問題咪仲大.

      刪除
  30. 亞洲聯合基建控股(00711.HK) 公布,由聯席主席彭一庭家族持有的GT Winners Limited(要約人)向中國新維投資購買公司8.37億股(佔公司已發行股本56.3%)。總代價9.04億元,相當於每股待售股份1.08元,較公司停牌前報價0.71元溢價52.1%,完成後,要約人及其一致行動人士持股由8.5%增加至64.8%,並將按例提出無條件強制性現金收購要約,每股要約價同為1.08元,股份申請今早復牌。

    另外,公司終止建議公開發售,因公司於本月2日已獲得用於窩打老道項目的新銀行融資額約2.67億元;及從兩間銀行獲得用作一般營運資金的新循環定期貸款融資額約2.75億元。公司擬把銀行融資、2016年可換股債券所得款項淨額及其他內部資源,用於窩打老道項目及用作集團一般營運資金。因此,董事局認為公司已不再有即時籌集資金的需要。

    [各 位 怎 睇?]

    回覆刪除
    回覆
    1. 菁姐剛剛說: 單deal彭一庭家族冇so…

      刪除
    2. 肯定冇著數, 比間假國企、爛仔民企咁玩法,間公司重傷。

      刪除
    3. 上月初,公司爆股東混戰。。。
      趁第二大股東中城建控股陷入財困, 意圖藉供股,攤薄中城建的持股
      云云

      e+應穩步向晴
      http://hk.apple.nextmedia.com/financeestate/art/20161208/19858594

      刪除
    4. Ciara姐,菁姐係邊度講?

      刪除
    5. 係 新城財經台

      俊和於1968年由彭錦俊和李蕙嫻以獨資形式創立,成立初期主要承接小型工程,包括私人屋苑建設,後來參與香港政府、公營及私人發展商基礎建設,包括九廣鐵路的電氣化改革計劃及渠務工程等改善設施,於1993年正式上市。
      http://hk.apple.nextmedia.com/realtime/finance/20161130/55986397

      刪除
  31. 請問偉哥, 能預測3399今年股息大約派多少嗎?

    回覆刪除
    回覆
    1. 難,不過它每年的派息比率都是固定的30%。

      刪除
    2. 我應該咁問, 今年派息會比上年倒退嗎?

      刪除
    3. 以人民幣計算,應該差不多。

      刪除
    4. 咁現價都有3.5%息, 期待下一年業務高速發展,現在再加碼先,謝謝偉哥.
      可以透露呢隻佔組合比重多少嗎?

      刪除
    5. 粵運上半年業績有1﹒75億元人民幣.按年增22﹒3%,每股賺0﹒24元,上次每股全年派息RMB 0.130,每年的派息比率都是固定的30%,今年派息有增加到RMB 0.160。有4%息。

      刪除
    6. 今年股價跌得多,縱使曾增持,但比重已降至2成多。

      刪除
    7. 唉,最近增持多一注己接近組合60%,今年輸贏都要睇佢,不過業績前都係輸多過贏。暫時總結組合全年都係白做,原因都係佢真係生生锈锈,哈哈。

      刪除
  32. 回覆
    1. 呼叫510師兄!
      我可唔可以俾2蚊偉哥幣,請510師兄解答下510攪乜?
      利申:冇貨

      刪除
  33. 雖然沒有參考價值,但原來創業版創了52週低,創業版都是小碰為妙。

    回覆刪除
  34. 510曾經賺不少,之後賣盤失敗掉轉頭有損失,今次賣盤沒搏只看戲,但今天跌咁多唔通又....

    回覆刪除
    回覆
    1. 上月出左通告話賣盤成功架,唔係咩?

      刪除
    2. 神奇的是,952沒有跟跌,關生唔通又。。。

      刪除
    3. 照計今次關生係想賣,証監唔批?乜原因

      刪除
    4. 唔知會有乜原因証監唔批, 又或者這次輪到買方反悔, 唔配合証監的查證工作,令交易告吹.....

      刪除
    5. 這次關生是"真"的想賣,問題可能出左買方身上.....會否有資金的問題,又或者覺得買貴了,想學關生上次"悔婚".....

      剃人頭者,人亦剃其頭。關生以前種什麼因,就得什麼果。

      刪除
    6. 第一次賣成吾搞咁多嘢咪大家都win, 真係報應

      刪除
  35. 我真的要多謝大媽和表叔, 最近998和3328的上升趨勢相當不錯!

    回覆刪除
  36. 偉哥,想請教你點解321除息前平貨無人要,除息後反而搶高?

    回覆刪除
    回覆
    1. 唔明點解。

      2368就除息後跌到PK。

      刪除
    2. 今年美國及中國天氣已不算太暖

      但年底跌可能又是舊年一至二月翻版

      刪除
    3. 現時又有一隻1260除息前有人出貨,唔知會否除息後彈上?不過我估係會上。

      刪除
  37. 回覆
    1. 你幾似以前偉哥其中一個blog友

      刪除
    2. 不用博,佢會派,你可以放心!
      不過派幾多先係問題

      刪除
    3. 见到閃崩人买,现在很担心。。。

      刪除
    4. 我只係高偉哥加注幾格

      刪除
  38. 回覆
    1. 係佢黎,大家唔駛估。
      我肯定係除非唔係!

      刪除
    2. 平時我都唔出聲, 但見到疑似故人來,都忍唔住,現價買3828,只有兩個可能性,一是不是普通人,二是紙上談兵。

      刪除
    3. 係我黎,大家唔駛估。
      我肯定係除非唔係!
      買股票送冠名?😂

      刪除
  39. 2233,暫時破左長方形的頂部,是速勢待發,還是曇花一現,且看 ...

    回覆刪除
    回覆
    1. 個人比較相信速勢待發,感謝發掘,會考慮買少少

      刪除
    2. 上月聽聞舊事重提,但不會有GO。

      刪除
    3. 西部水泥在@0.80幾個仙坡幅內行了5個月,悶走很多炒家,悶聲發小財來啦,能令2233翻手為雲的!是安徽海螺重題舊事。

      刪除
    4. 2233成交激增應該無咁快玩完,好多隻股仔成交突然大減,股價瀉肚子,好像遊戲告一段落!

      刪除
  40. 524@0.53沽出1注,呢隻認真難炒。

    回覆刪除
    回覆
    1. 今早11點前寫了一句524,唔知點解出唔到.
      今早覺得有些野,買了開市價.

      刪除
    2. 呢隻認真難炒!

      這是當然的, 數字已經告訴你:
      524=唔easy=不容易!

      另一個很好的例子, 897=笨狗賊!

      刪除
    3. 8738,1683這兩個牌可留意.

      刪除
  41. 311繼續下跌, 賣殼有危機!?

    回覆刪除
    回覆
    1. 謹慎做法的確是一個良好的習慣, 這也是我喜歡貫徹的。
      趨勢派喜歡採取趁勝加碼追擊, 固然可以節省時間成本並最大化利潤, 但需要承擔高得多的風險。

      各人的風險胃納不同而已, 又是講等於無講!

      刪除
  42. 好息累事沽出321輸些少,再買返先前沽出一注嘅平價機票1848有多3%折讓。

    回覆刪除
  43. 1632 膳源控股今狂跌!令一班想博大霧的股友上了沉重慘痛一課,不止蝕離場,肯定永遠不能復生。

    回覆刪除
    回覆
    1. 相信曾淵滄曾經講過的莊家股操作 估計到家陣為止都系莊家左手同右手玩 等佢大反彈又大跌至開始吸引到老散博大霧

      刪除
    2. 又黎料!
      Joshua ching同我尋日已經係到嗌到力竭聲嘶要走貨,希望冇網友有貨

      刪除
  44. 1176 珠光控股,社長話今日大跌是收貨格,可以買?

    回覆刪除

注意:只有此網誌的成員可以留言。