2016年12月4日 星期日

年底粉飾櫥窗


踏入12月,基本上是一年之末,又是基金、投資者計算全年成績的時候,散戶或者不會太在意,但對於靠成績論功行賞的基金經理而言,12月是他們最後衝刺的機會,年尾有沒有花紅、分多少,又或者會否吃無情雞,就看最後的成績如何,因此不少基金經理會想辦法“跑數”,最簡單的方法莫過於在年底前炒高持有的重倉股,又或者通過其它方法提升回報:

1. 炒作新股

上年10-12月上市的一批中、大型新股,包括錦州銀行(00416)、IMAX(1970)、維珍妮(02199)、恒投証券(01476)、中金公司(03908)、承達集團(01568),都是公開認購不足數或是僅僅超額認購的,但反而因為這樣令新股集中在基金手上,貨源歸邊之下,好多隻在年底結算前炒到飛沙走石,幫認購的基金追到數,不知今年會否再上演這一幕?

目前來說,似乎周黑鴨(01458)有這可能性,而其它認購不足或者僅足額認購的中、大型新股也是有機會,大家有興趣的話可以自行發掘。

2. 與莊家合作

臨近年尾,有些莊家股會找基金合作炒上,當然在炒作前會先行以較低價格過些貨給基金。這些莊家股炒上後,基金持貨也水漲船高,幫助基金製造帳面利潤及回報,所以大家可以留意一些近期突然出現異常大成交的莊家股,可能是想炒作的先兆。

最後還有一類股份有機會在年底炒高的,就是一些之前獲機構投資者高價買入的股票,為了年結前不至於太“樣衰”,可能會稍為炒高。近日朋友分享心水股時,聽到的一個買入原因某隻股是因為之前有國企資金買入,目前帳面出現較大的虧損,所以要在年結前炒上,不然當事人可能烏紗不保。這原因可能好笑,但感覺真實,我即管留意下朋友所說的股票,看看年底前是否真的會炒上去。

269 則留言:

  1. 意大利公投據聞已否决,今朝可能大平賣,大家會唔會搏低開後反弹執平貨?定會有一段較長下跌期?

    回覆刪除
    回覆
    1. 完全唔跌,當我無講過。唔識玩

      刪除
    2. 平左貨尾熊~唔識玩

      刪除
    3. 北水好似疑常地勁⋯⋯

      刪除
    4. 唔止收爐,就快收皮添

      刪除
    5. 根本市場最近好似無理公投

      刪除
    6. 選前民調已反映否決機會大,所以上星期五才跌

      公投後仍需大選,如果五星黨不是完全執政,大概是維持現狀

      沒有太大的變數

      刪除
    7. 上個月Econ的教授教我們買股票的時候說, 新聞是沒有價值的,未出街的新聞才有價值,現在想想很有道理,也許股價早就反映了否決的機會很大。

      刪除
    8. 當然,全世界都expect既壞消息,就冇影響

      刪除
  2. 請教偉哥會唔會抽IPO美圖秀秀1357 ?

    回覆刪除
    回覆
    1. 今晚看看招股書再決定。

      刪除
    2. 美圖招股書望左兩眼已經唔想睇了...上市後仲要幾百億市值

      刪除
    3. 都係要望望, 始終用戶人數多,有商機。

      刪除
    4. 有錢一定抽 用左霉涂成個人靚晒\(^o^)/點都要支持下

      刪除
    5. 我鐘意俊盟多D, 後台係VERIFONE, 不過應該勁難分到貨

      刪除
    6. 我有睇俊盟, 但係自己列出黎個堆Risk令我有小小卻步, 大部份利潤都只係依賴5-6本地大客...
      美圖反而有好大的未知性, 有想像的空間~

      小小的看法

      刪除
    7. 冇計, 佢產品係咁, 呢D利基市場, 對手都好少, 好似VERIFONE同另一間競爭公司, 差唔多食哂全球個餅一樣, 我唯一擔心係保母

      刪除
    8. 俊盟細細隻但估值好貴,今年上半年即使不計上市開支,收入及盈利都是倒退。

      不過炒作的野,都不看估值的。

      美圖是有爆冷的因素,但真係好難為佢定估值。

      刪除
  3. 美圖招股,入場費4848元,偉哥會唔會抽?
    其實佢有個APP之外,仲有咩業務??

    回覆刪除
  4. 回覆
    1. 好妖,係依隻身上輸唔少,妖到我講聲"妖"!

      刪除
    2. 情況其實同之前的聯旺或者雨傘一樣,不過呢個莊更厲害,超額100倍、回撥50%,都可以咁炒法,不得不服。

      刪除
    3. 偉哥要留意雖然超額100倍、回撥50%,但公開發售有好多頭槌飛,大部份都可能係莊既。
      而且,有power既莊,唔怕一開始俾多少少成本,要收乾D貨係易如反掌

      刪除
    4. 話口未完,今日繼續上....

      刪除
  5. 科網及qq 強於大市,番炒QQ乎? 小注做好試一試水

    回覆刪除
  6. 多謝偉哥3828, 等埋207,呢2個星期 希望豐收,過聖誕

    回覆刪除
    回覆
    1. 唔使兩個星期,明天及後天就知道派息幾多。

      刪除
  7. 回覆
    1. 師兄可以提早拆禮物

      刪除
    2. C hing, 點解會物色到佢?

      刪除
    3. 多謝Joshua Ching ! 一齊拆禮物!

      刪除
    4. 我有d貨尾 @15沽出了, Merry Christmas!

      刪除
    5. 0.34止左,下面再排入中。

      刪除
    6. 早几日己出新聞通過賭博議案,為何今日才炒上

      刪除
    7. 當年炒到37如今得番1/3,只係好彩撞中

      刪除
    8. 厲害,我今早仲係床上懶床的持候,joshua已賺左一大筆。

      呢排鼻敏感發作,食左D敏感藥好好瞓。

      刪除
    9. 快狠準。個彈珠機消息好像無咁早出??
      追唔切貨但謝師兄好野推介。

      刪除
    10. 我昨日已有消息, 但今早一開市只買左好少
      要等到升多左先敢追加

      刪除
    11. 偉哥 休息多d 快d好返

      刪除
    12. 鼻敏感好難斷尾,不過情況還好, 一年都是發作幾次。

      今年真係確實感覺到自己身體狀況差左,以前一日睡3、4小時都好精神,現在一遲過2點睡,第二天身體就有很明顯的不舒服感覺,遲些可能要去檢查下身體。

      刪除
    13. 偉哥要休息多點
      小心身體

      刪除
    14. 偉哥 唔止要休息多d
      仲要身體強, 抽時間跑步?關節無事就跑夠1個鍾.
      我寧願偉哥睇少隻股我掙少D, 都唔想偉哥賺完俾醫生~

      刪除
    15. 偉哥,我亦有鼻敏感,以前又係一年發作幾次,每次一發就好易攪到傷風感冒.
      呢幾年做了中醫天灸(一年做兩個季節,每個季節共做3次),情況明顯改善,已經少咗好多鼻敏感.可試試呀.
      冬季的天灸就到, 要做就要快些Book,有指定日子.

      刪除
    16. 看來并非身體出狀況..只是要麼提升身體耐用度,要麼降低身體使用度.
      2017順祝偉哥身體健康.^0^

      刪除
    17. 我而家都開始調節作息時間,慢慢正常化,少D熬夜。

      天炙我以前幫個女安排做左,又真係好似有作用。我自己成日諗住情況唔嚴重,所以自己冇做。

      刪除
    18. 冬季的天灸? 不是夏天的嗎? 冬病夏治. 天灸要連續做3年才有用。

      刪除
    19. 我記得是"三伏天"做天灸

      刪除
    20. 唉,屋企得我一個唔識游水。

      刪除
    21. 咁偉哥,真心提議你要早休息同做瑜珈,身體已經投訴,再捱落去唔係辦法,錢真係搵唔晒

      刪除
    22. 自己鼻敏感幾十年嚴重時無覺好瞓睇過唔少專科,有啲醫生一開口就話係無得醫架,只可以用藥控制或避開敏源。現時用緊一種在日本買嘅敏感噴劑可維持八至十個鐘,不過有啲醫生話常用噴劑會令鼻膜變薄可能導至易損傷流血。唉,針無兩頭利。
      早前也勸過你年紀漸長要身子好過要銀紙,作晚與朋友食飯個個都搵到家財萬貫但都身染富貴病,痛風,血壓高,膽固醇高,心臟病,血糖高。。。。。。呢樣唔食得,嗰樣無配額真係無引。好彩自己還可以在球場跑動,食煙飲酒真慶幸。

      刪除
  8. 1632 膳源控股 ipo@2.0 ,主要於香港經營連鎖餐廳,上市得幾日,現價傻痴炒到8.9,做什麼大生意咁好揾米路!大家鬥傻不必問理由,最貴最後持貨者肯定是輸家永不翻身!唔怕你精唔怕你傻最怕你唔來,發財埋便。

    回覆刪除
  9. 1245 6889 唔係有insider 消息都唔儲買😞

    回覆刪除
    回覆
    1. 沒有裂口高開 追得切新聞係有時間買嘅 上年買過1245不過依家至黎話開賭

      刪除
    2. 真係要好貼市先做到

      刪除
    3. 尾市抽上時15.4出一半貨,希望明日低些補回

      刪除
    4. 師兄,對呢隻咁有信心?另外,想問372走左未?

      刪除
  10. 回覆
    1. 之前都止蝕左3.6&4嘅 睇定D等佢做返好D再買過

      刪除
  11. 請問偉哥有冇書本可以推介? 想學有系統地睇財務報表

    回覆刪除
    回覆
    1. 林森池係05-07年之間出口左幾本書,叫證券分析實踐咁上下,講口左分析股票既基本技巧。初學有參考價值。

      刪除
    2. 我不知道時下有邊本書特別好,或者你看看印刷版數多的來買,通常可以不斷再版的都是暢銷書。

      買財務報表分析的書,和分析股票的書是不同的;財務報表分析主要教你點睇報表,而基本因素分析的書內容是更闊一些,因為分析基本因素不只是看財務報表。

      刪除
    3. 智慧型股票投資人
      班傑明・葛拉漢

      刪除
  12. 12萬可以不理 年尾賭股會唔會再炒一次呢 明年金沙又系日本開賭場(亂噙)下次去要幫襯下彈珠機\(^o^)/

    回覆刪除
  13. 大家平時用開咩app?? 我想問有無app可以自己入watch list, set target price, 當hit到個target price 的時候會有notification??

    回覆刪除
    回覆
    1. 我知可以入組合, 唔知可以Set Noti~ 邊個位??

      刪除
    2. 隻股左上角個位, 有得 "入組合/ 提示設定"

      刪除
  14. 回覆
    1. 我都已1.85入返沽出那注 :)

      刪除
    2. 靠你了,希望上返😂

      刪除
    3. 大家低調點 朱太可能就會對我地好d =]

      刪除
    4. 剛溝最後一注1.78,朱太要魚肉%我都冇法

      刪除
    5. 師兄下次買咩股票開句聲先

      刪除
  15. 買什麼航空股票和旅遊股票?

    中國澳洲取消航空運力限制

    澳洲政府宣布一項新協議,今後澳洲和中國的航空公司將可在兩國之間運送無限量的乘客。

    澳洲貿易、旅遊和投資部長Steven Ciobo在聲明中表示,協議為澳洲旅遊業帶來無限潛力。

    他指出,中國是澳洲增長最快而且消費最多的國際旅客市場。截至6月的一年間,約有110萬中國遊客前往澳洲﹐按年增長22%,數量僅次於紐西蘭遊客。

    這項協議取消前, 航空公司在兩國主要城市間的運力存在限制。

    回覆刪除
  16. 明輝國際(03828-HK)12月2日盤後發布公告稱,將于2016年12月16日召開董事會,以考慮建議、宣派及派付特别股息 。

    http://www2.finet.hk/Newscenter/news_detail/58415cc5e4b088fdc900a2fc

    多謝偉哥!

    回覆刪除
  17. 連281都會炒作, 看是否會突破$0.57?

    回覆刪除
  18. 回覆
    1. 你看中國証監會劉士餘前兩天的講話。

      刪除
    2. 市場有股票股價偏低但資產豐厚,大股東持股不足,有財團睇中敵意收購,在香港外國仍是常事。監管要做的就是保證訊息流通,保障小股東利益,必要時有關股停份牌。講到又拉又鎖,就真係好難解。

      刪除
  19. 有無人留意 1718 ?
    又押股, 又配股比金仔

    回覆刪除
    回覆
    1. 有留意, 不過4億資產淨值,已炒到10億市值,唔知仲可以升幾多。

      不過金仔的野不可以常理推測,只是我冇膽追。

      刪除
  20. 388今日大跳水賀深港通。應該好多老散中伏

    回覆刪除
    回覆
    1. 深港通前我問廿個叔伯朋友,結果冇一個信深港通後會升。有滬港通前車可鋻,散戶中伏既應該唔多,大戶都係得個做字。

      刪除
    2. 上個月呢度有個C兄都出過一個選擇項比大家選,提及深港通預測會升定跌, 的確自上年前車可鋻,今次應坑殺散戶少左...

      刪除
    3. 散戶唔信升,會唔會大升俾大家睇?

      刪除
    4. 升少少粉飾一下就會,大升可以免講,追都無謂.

      刪除
  21. 深港通又係滬港通翻版,大戶今日散貨了。

    回覆刪除
  22. 回覆
    1. 哈哈,好彩你冇510....

      刪除
    2. 偉哥,你有冇510?作為套利,博唔博得過?

      刪除
    3. 無510。情況同952類似,博一隻就夠。

      刪除
  23. 最近半年家中多了隻小昆蟲 - 壁虎,不知是一隻,還是一對。

    多了隻壁虎的好處是以前家中偶然會見到一兩隻小強和銀魚,近月好似完全絕跡,上網睇資料,搵到有張壁虎吃小強的相,唔知係唔係因為咁,小強被壁虎趕盡殺絕。不過針真的無兩頭利,有時壁虎都幾嚇人。

    昨晚係廳關了大燈,只開著小燈睇創世紀,突然發現有條長長的昆蟲(應該有6、7CM長) 以為天黑冇人睇到,係地板"急速"爬往通往房間的走廊,我即時起身追入去,已不見踪影,唔知爬左去洗手間定係房間裡。如果唔係知道屋企住左壁虎,我諗我可能要翻轉間屋搵返呢隻野出來,唔係瞓唔著覺。

    回覆刪除
    回覆
    1. 好野嚟 老人家話好意頭,我屋企有幾隻,佢唔攪人, 夜晚晚先出嚟搵食,

      刪除
    2. 情況相似, 也是看創世紀, 也是有壁虎, 但我聽到佢聲音啫 :)
      應該不用理會, 樣嚇人但不害人.

      刪除
    3. 我家的𤩹虎還會在指定位置開大。最后家𥚃放曱甴屋誤中副車捉了兩只

      刪除
    4. 偉哥可以淘寶曱甴屋之類的東西,於陰暗、牆邊牆腳位放置,大約一星期內已可捉到

      由於壁虎不怕殺蟲水及液體,而且行動迅速,一般人根本捉不住

      只有放置呢類裝置才可以捉到

      利伸:之前屋企有,叫師傅上來捉,結果只係擺幾個屋仔就即日捉到。。。。

      刪除
    5. 請教偉哥,271條件過既機會大嗎,見佢有套利空間

      刪除
    6. 暫時屋企最多只有一對壁虎,對日常生活沒有什麼影響,仲可以容忍,唔打算捉佢地....不過如果再繁殖的話,就要考慮滅“虎”。

      刪除
    7. 滅虎一定要早開始,如果遲咗就後代無窮,哈哈。

      刪除
    8. 壁虎是益蟲,小學三年級課本都有教的小朋友明白它是甚麼東西。我家住左好多條,有大有細,但沒有曱甴。講真,被你選一樣,你想家裡有曱甴定壁虎?

      刪除
    9. 最慘是四腳蛇夜晚會叫,擾人清夢,還有最大問題是佢會隨處呵屎,黑色的,在牆上,在地上,好恐怖!你不處理佢,佢繁殖得好快,遲些時,你家會有好多的,大大小小,我覺得好恐怖!還有,請問如何捕捉消滅這些討厭鬼?

      刪除
    10. 我屋企都間中都見到壁虎。屋企有壁虎住,因為有曱甴食。唔想壁虎住响屋企,就要從源頭埋手,等佢冇曱甴食,壁虎自然走。所以間屋清潔企理的話,曱甴同壁虎都冇容身之所。

      刪除
    11. 壁虎唔緊要,最煩係小強啫....我家自從買左曱甴藥期放置係角位之後, 已無再夜晚見過佢地了... (我試過好多不同方法,買過好多曱甴屋都唔得, 最work係放藥...)

      刪除
    12. JOMC兄, 有冇邊隻藥介紹吓?
      家中都有小強, 都幾煩.

      刪除
    13. 有無嘢可以治四腳蛇?

      刪除
    14. 我屋企超多德國曱由,後來來了一隻壁虎, 攪掂晒.食晒曱由後, 隻壁虎自動走左.

      刪除
    15. 回上,我都係去家居店買(無特定邊隻)主要放係廚房/廁所/客飯廳既角位...最重要唔好比家中小朋友接觸到.

      刪除
    16. 壁虎吉物, 如執意毒除, 後果自負.

      刪除
    17. 回上,駛唔駛講到咁呀?!迷信!

      刪除
    18. 不表示什麼, 如你相信會是好的後果我也不會異議.

      刪除
    19. 壁虎係益蟲,還是不要去傷害好啲!

      刪除
  24. 271基本上沒有套利空間了。

    回覆刪除
  25. 偉哥 近來多左好多自願有條件要約 但達成50%以上的似乎唔容易
    271 暫時仍只有42.5%
    照近來趨勢 要約人一般其實係咪唔願意觸發無條件要約呢?

    回覆刪除
    回覆
    1. 近來有那一隻有條件要約的在限期前收不足50%貨?

      刪除
    2. 哦, 創業板股一向少睇,唔知8201原來唔到數,都算比較少有的例子。

      主板的765、2366最近的有條件要約都到數成為無條件。

      刪除
  26. 521 盡押,今日食住花生等暴跌

    回覆刪除
  27. 回覆
    1. Joshua ching 點睇中HSBC? 我見你如入無人之境,真係好犀利

      刪除
    2. 62本食3毫? 俾稅都俾左一半了, 幾乎同政府對分, 我就覺得不足取.

      刪除
    3. 大市得一隻匯豐銀行頂住,大部份股都跌緊,散水格,大家小心.....

      刪除
    4. 怎么看散水格?成份股大部分都是升的。。。

      刪除
    5. 重磅Qq、 港交、友邦也不動,或者可能換馬啦~

      刪除
  28. paradox兄, 之前說逢招商策略會議多數跌,你意思是恒指, 還是招商這股票?謝謝!
    想賺D油水

    回覆刪除
    回覆
    1. recall
      http://www.laohucaijing.com/news/25883/
      如丁蟹現象,你信嗎?

      刪除
    2. 謝謝資料.
      哈哈,我比較信呢D數據,冇謂作對.

      刪除
  29. 回覆
    1. 沽出一半拉低買入價

      刪除
    2. 呢隻是我近期愛股。

      刪除
    3. 點愛法?打算同它過人世?偉哥會否溝貨?

      刪除
    4. 過人世?No way. 炒中兩次0.3>0.34,我的波幅愛股。

      刪除
    5. 好耐無多謝偉哥, 多謝偉哥3822, 祈望永不停止地"多謝偉哥" XD
      未放既網友.....通常我放左就會再升....1500,361 >_<

      刪除
  30. 偉哥,1608好似中你講果幾樣野wo

    回覆刪除
  31. 3709,買賣方互相格劍。

    回覆刪除
  32. 952昨日有內線人士增持,今日即刻彈多4格.

    回覆刪除
    回覆
    1. 唔知增持幾多呢? 雞仔注就...>_<

      刪除
  33. 話你知:股權高度集中 無明確定義

    【明報專訊】雖然近期指數公司已修例將股權高度集中股份剔除,但事實上,何謂「股權高度集中」,上市規則中並無明確定義。根據上市規則第13.34條,如「發行人的證券可能集中於幾個股東手上,以致有損投資大眾利益或是投資大眾並不知情」即屬股權過度集中,該上市公司必須「按照《上市規則》第2.07C條的規定刊發公告,通知公眾其證券或沒有真正的市場,又或其持股可能只集中於幾個股東手上」。

    惟即使證監會針對上市公司的股權架構及作出調查,並會在網上公布股權高度集中的公司名單;但卻未有對名單上的公司作出任何懲罰或條文約束,逼令公司改善問題。

    高銀地產14名投資者持95%股份

    至於指數公司修例將股權高度集中股份剔除一事,則源於「高銀孖寶」之一的高銀地產(0530)被證監揭發,其連同大股東兼主席潘蘇通在內的14個投資者持有逾95%股份,股權過份集中。事件令摩根士丹利資本國際於今年年初將其剔出MSCI指數;並同時宣布,將證監會認定為股權集中的香港股份剔出全球指數。

    回覆刪除
  34. 啟德地王完成交易 海航盡押附屬股票
    http://news.mingpao.com/pns/dailynews/web_tc/article/20161206/s00004/1480961663304

    回覆刪除
  35. 偉哥,3608低位会否考慮加注?

    回覆刪除
    回覆
    1. 有興趣加注,但未到目標增持價位。

      刪除
  36. 622@0.34,有主動買盤掃左3M。

    回覆刪除
    回覆
    1. 排315不中,收市前325掃入。

      刪除
  37. 361爆上,走人先.多謝偉哥.

    回覆刪除
    回覆
    1. 當初睇王顯碩個名來買,佢之前經手的幾隻殻都大升......可惜自己冇信心等。

      後來估隻殻紀生應該都有關係,見佢隻旗艦好似好唔掂,信心更弱。

      刪除
  38. 咁多隻新股齊升1632應該今日落幕了

    回覆刪除
    回覆
    1. 周大師話極限係100億市值,暫仲有距離

      刪除
    2. 周大師話1632極限係100億市值, 暫時仲有大把距離, 每股50蚊! [大拇指]

      刪除
    3. 聽聞的而且確係有收費群組吹$50,我都想睇下係咪咁齊心

      刪除
    4. 一插落黎冇仇報, 不如過大海賭返鋪重快

      刪除
  39. 2356,長期做長短倉,長倉仍然保留,短倉食左先。

    回覆刪除
  40. 偉哥估計207派特別息機會高嗎?

    回覆刪除
  41. 繼大手筆買入皇室大廈之後, 華置大股東劉鑾雄和家人不斷向公司買入大小項目, 儘管他持有華置75%的權益, 將會獲得75%的特別股息, 這仍然意味著他真的看好香港物業。

    華置向甘比劉鳴煒售15億資產
    2016年12月6日 08:57:15 a.m. HKT

    華人置業(00127.HK)公布,向陳凱韻(暱稱甘比)出售港島東半山區肇輝台12號地皮及地皮上的在建樓宇,暫定代價約7.77億元,上限10.5億元。公司又向劉鑾雄兒子劉鳴煒出售內地羅湖商業城多個商舖,暫定代價近4億元,上限5億元。

    公司預期,兩項交易所得款項淨額合共約11.68億元,其中大部分將分一次或多次,向股東派發特別股息。兩項交易需在股東特別大會上得到獨立股東批准。

    董事會認為,香港物業市場可能下滑,為使回報最大化,變現在香港物業投資的價值,目前是出售物業的適當時機,而深圳羅湖區的商業發展已趨於飽和,把握今次出售,帶來潛在最大回報。

    阿思達克財經新聞

    回覆刪除
    回覆
    1. 地產股這段時間最好不碰, 沒跟上就對了。 [好困惑]

      刪除
  42. 一早起身發現中了小注3828@1.27。

    算是高價增持,希望下星期公佈的特別息不會少。

    回覆刪除
    回覆
    1. 偉哥目標是多少,好似已經有3注?

      刪除
  43. 請問有沒有人知道點解Webb-site的CCASS資料只更新至12月2日?近幾日沒有再更新?

    回覆刪除
    回覆
    1. 唔知點解從星期一開始冇再更新,好唔方便。

      刪除
  44. 沽出了207@1.19。

    聽聞派息會比我預期為低。

    回覆刪除