2010年5月5日 星期三

以平常心看跌市

昨晚看著外圍股市大跌, 但自己完全沒有感覺, 只想早早去睡, 尤其是女兒近來晚上經常咳嗽不止的情況有所改善, 自己終於可以有個睡得安樂的晚上。

對比起一年前,當時由於手上持有太多的衍生工具, 所以每每外圍股市有大波動, 都會觸動自己的神經, 經常要徹夜不眠訂立相應的應變方案; 但今日已吸取往時教訓, 往往有任何風吹草動的迹象, 都會減少衍生工具買賣, 改以買入好股作為主導的投資策略, 所以股市一時的淡風對自己沒有太大的影響。

跌市對於普遍的散戶而言, 都是不受歡迎的; 但對於價值投資者而言, 可能有不同看法。跌市, 代表投資者可以以較低價格購入心頭好, 令投資的值博率提升, 但大前提是你捱得過跌市的心理煎熬, 兼且你選的是真正具有實力的"好股"。

跌市, 往往是恐慌性拋售、止蝕氣氛瀰漫的時候。投資者被這股氣氛所影響, 經常抵受不住心理壓力而作出止蝕決定,即使投資組合裡的現金比例很高, 但依然越跌越沽, 而不是越跌越買。我看過一本書講止蝕的問題,書裡面講到當你想止蝕持有的股票前, 先問問自己, 假設你現時手上沒有持有該股票, 你想不想買入該股票? 所以, 如果我要止蝕持有的股票前, 我一定會先問問自己這問題。然後, 再問問自己, 你當初為何要買入該股? 因為其業績/預期業績好、或者是存在私有化/被收購可能性、或者是息率高、財政穩健? 再看看該因素有沒有改變、是否仍存在?

近幾日私事繁忙, 無閒更新網誌, 希望可以盡快恢復正常更新, 繼續寫寫股評。

3 則留言:

  1. 你就有後備資金, 我就用哂咁滯......呢幾日已經跌哂之前贏嗰啲, 哈哈. 睇吓呢次又點玩......

    回覆刪除
  2. 你上次唔係話仲有好多資金唔知點用, 問我可以點用去對抗通脹?

    回覆刪除
  3. 嗰啲資金唔會用嚟玩股架, 因為唔想放哂喺一個籃度.

    回覆刪除