置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2020年3月25日 星期三

無限量QE突顯黃金價值


長期以來,我一直不愛好黃金這種感覺實際用途不大、也不能產生現金流的資產,因此我的資產組合只配置很少量的黃金。除了結婚時長輩贈予的金器外,我都忘記為何在2007年左右買進接近10盎司的金幣,一直收藏至今,鎖在家裡的保險箱中,這些就是我資產中僅有的黃金儲備。

我日前的文章提到:

另外,也會開始買入黃金,包括實金及黃金ETF等,因參考2008年金融海嘯後,各國央行啟動QE,大印銀紙,令到黃金價格在之後的兩年倍升,而這次疫情之後,印銀紙以刺激經濟似乎是事在必行,所以我會考慮將部份資金投放在黃金。

我前天已坐言起行,在某中資銀行預訂了一些金幣及金條,已到貨待取。美國聯儲局公佈無限量的QE後,黃金價格連日大漲。市場已預料各國央行也會跟隨無限量寛,貨幣濫發的結果是突顯黃金的價值。我們看看黃金價格過去幾年走勢圖:



美國聯儲局在2009年推出QE,開動印鈔機,黃金價格隨後急升兩年,從2009年的接近700美元/盎司大升至2011年的約1900美元/盎司而見頂。我不知道這次股災及疫情過後,黃金價格會否重見當時的走勢,但無論如何都好,這個時候增持黃金應是一個值博率頗高的投資決定。

零息的美元與黃金,你會覺得那種資產更能發揮抗通脹及避險的功能?

210 則留言:

  1. 得兩個揀呢一刻一定係黃金...

    回覆刪除
  2. 巴郡坐擁果一千億現金真係貶得好利害... 佢幾時肯出手?

    回覆刪除
  3. 倉內應該先佔2-5% 黃金,都係分段收集。

    回覆刪除
  4. 今日中午公佈的業績, 有些情況可以討論下:

    2018業績大倒退, 同時不派末期息, 保留多些現金應付逆境;
    906盈利輕微增長, 維持50%派息比率, 但淨負債比率其實已提高左。

    如果你是兩間公司的股東, 你這一刻會接受2018停派息的做法以渡過難關, 還是欣賞906即使面對難關, 仍堅持派息?

    回覆刪除
    回覆
    1. 股東會想906
      但如果睇公司營運角度,我會prefer 2018
      (不過唔同類型公司,未必可以直接比較)

      刪除
    2. 結果就是2018下午股價大跌, 而906就微升。

      股票市場好現實, 大家都是眼前利益為重。

      刪除
    3. 我作為2018長期股東,我都唔會因為一兩次冇派息而拋售住,我比較喜歡管理層因應實際情況而作出相關應變,唔係死古古獨菇一味,最緊要唔好刮股東利息,唔好有什麼合股拆骨,有啲股賺息蝕價仲乞人憎。股價大跌正好是收集時。

      刪除
    4. 更正:最緊要唔好刮股東利益,唔係利息(都刮左了)

      刪除
  5. 網友今早的留言:
    無閒2020年3月25日 上午11:31
    拉得好

    廉署起訴兩人新股上市涉貪及公職人員行為失當
    https://news.rthk.hk/rthk/ch/component/k2/1516663-20200325.htm

    涉事兩人, 其中一個是林楚華, 其任職公司如下:

    https://webb-site.com/dbpub/positions.asp?p=9723

    其實不難查到涉事的新股有那些, 而他們實際上是否符合上市資格? SFC會否有行動跟進?

    回覆刪除
    回覆
    1. 現在咁多買賣平台,人頭戶口買賣,上市後要拉,要告得入,真的很難

      不過起碼行左一小步

      刪除
  6. 睇緊楓葉金幣同實金有乜分別。。。

    回覆刪除
  7. 我上星期仲笑9969雲敲鑼搞笑.....

    上周五出席上市儀式嘉賓確診新冠肺炎

    港交所獲悉,曾於3月20日到訪香港金融大會堂出席新股上市儀式的一位嘉賓,已被確診感染2019冠狀病毒。
    https://www2.hkej.com/instantnews/current/article/2413798/%E4%B8%8A%E5%91%A8%E4%BA%94%E5%87%BA%E5%B8%AD%E4%B8%8A%E5%B8%82%E5%84%80%E5%BC%8F%E5%98%89%E8%B3%93%E7%A2%BA%E8%A8%BA%E6%96%B0%E5%86%A0%E8%82%BA%E7%82%8E

    回覆刪除
  8. 看好黃金,但又擔心買賣成本.買黃金ETF卻感到虚無飄渺.

    回覆刪除
  9. 有時係CCASS睇到某啲股票A倉射去B倉,過幾日又由B倉射番去A倉,無限loop。其實係為啲咩

    回覆刪除
    回覆
    1. 其實有機會係間行既操作
      例如A俾客呢隻股50% margin,但B俾A呢隻股60% margin
      咁A再將呢隻股轉去B,資金流動性會好左

      (margin客d開戶文件,一般應有條款講,D貨可以俾間證券行郁)

      刪除
  10. 下午另一輪減持中, 減持了1/3的3759@均價46.5, 1/3的410@3.48。

    回覆刪除
    回覆
    1. 偉哥...唔睇好410 單deal?

      刪除
    2. 不看好嗎,我重加了

      刪除
    3. 唔係, 只係我相信唔會係短期內完成到, 所以先減, 等回落再補返, 希望可以炒返轉波幅, 拉低成本價。

      退一步, 萬一股價唔回直上, 直到落實交易, 如果以傳聞的6元來說,我仍是獲利不俗。之前平均成本約4.15元, 減持後平均成本拉高至接近4.5元。 如果有幸回到3元補返貨, 平均成本可以拉低到4元。

      刪除
    4. 大家知道呢類事件驅動我自己是嚴控注碼, 所以上次1105炒上去我冇減, 跌返落去受限於注碼控制, 亦只能勉強加些少; 今次410我博下事件拖長, 期間會有人忍唔住沽貨, 希望有機會低位撈返。

      刪除
    5. 持有410比1105舒服... 宣布左不派股息 又不像1105咁亂咁拉低抽高

      刪除
    6. 唔好咁老定 410或者遲d就來作妖
      跟偉哥止蝕部分

      刪除
    7. 話時話,1105上星期5為乜沽去0.86,依家好似無事

      刪除
    8. 1105上周五HSBC倉位沽出1000萬股, 而佢個倉位之前在1.4左右大手買入2千多萬股, 有機會是爆倉被斬倉。

      如果是收到消息交易失敗的話, 應該唔係只差10M出來, 佢當時買左2千多萬股。

      而近排買得最多的是英皇。

      刪除
    9. 唔該偉哥,咁真係好慘,可能煙仔何故意壓低股價迫走佢

      刪除
    10. 無需要太多陰謀論, 呢D市況無人控制到。

      正如382上市的基石在股災前以4.7元配售沽清, 有兩名大戶接左貨, 可能佢地諗住賺下差價, 又或者作長線投資。但一個股災下來, 泥沙俱下, 佢地都要低價止蝕, 所以382前幾日先會跌到3.4咁低。佢地而家都仲沽緊, 唔知係因為看淡大市, 定係基金面對贖回壓力, 要全面減倉套現。

      刪除
    11. 股价跌了所以长线变短线,好像我这等散户

      刪除
    12. 有序開學

      https://mp.weixin.qq.com/s/SY3ROhutshj7pRu-RUqX_g

      刪除
  11. 我自己是不太明白黃金這paradox

    一來它也是波動資產 且看2011-2016年的50%跌幅 近來這個月也跟住股票升、跌 抗通漲的話納指ETF或必須消費品ETF長遠看起來好像還比金穩定

    二來美元如果死去 港元及全球經濟都會陪葬 混亂不堪 到時候真的會回到以物易物嗎? 美元變廢紙的時候 法制和道德隨之崩壞 那你手中拿著一棵菜、實體金幣金條、紙黃金、股票、bitcoin還是樓契 可能分別都不大 如果回到武力比併 又是美國最強 那美金又復活 實金又沒用了 那你寧願相信美元根本不會死 不用買實金

    購入黃金 除非你能夠精準看得到拐點 例如假設2023年就是2011年翻版然後你現在買入留待到2023年把金都賣掉 獲取一個比其他投資如股樓債等更高的回報 不然你就只是在儲藝術品一樣 留給你後人一些日常用不到的礦物 它不像股票一樣 在手機按幾個制就能賣出 T+2收到錢

    至於黃金的工業用途 個人認為和天然鑽石比合成鑽石貴的原因一樣 是一種信仰 光是工商業用途應該不值這個價

    回覆刪除
    回覆
    1. 美元死去的話, 到時黃金會瘋漲, 可能現在是1600美元/盎司, 到時是1萬美元/盎司, 那買黃金有沒有作用?

      為何聯儲局一宣佈無限QE, 金價即時連升兩日? 黃金由古至今都有公認的價值, 只是價值會波動, 而當紙幣濫發的時候, 這種古時硬通貨的價值會更高。

      刪除
    2. 偉哥 想問問黃金佔你portfolio 幾多%左右?

      刪除
    3. 目前還低, 目標會是流動資產組合的5%左右。

      刪除
    4. 唔識呢d 金粒/金幣我系長時間儲 有錢價好先買 金價升時反而可以賣返出去

      刪除
    5. 黃金自己這幾年一直有買,有金幣,也有UGLD三倍金,今年倉位可以正數,這只貢獻不少,好開心同偉哥睇法一樣,期待能挑戰一下三千

      PS ugld係ETN,如果遇到大波動,有一定風險

      刪除
  12. 呢輪反彈浪睇黎完 好消息盡出

    回覆刪除
    回覆
    1. 民間股神包括美國Mark Minervini,日本CIS及香港偉哥,不約而同認為大市未跌夠,追隨者連日來狂沽貨,這股力量能否令這次熊市加快完結呢?

      刪除
    2. 民間股神之名, 當之有愧, 係股神就唔會半食正呢個跌浪, 應該全倉現金等運到。

      亦無需誇大網友的力量, 實際上對於整個大市而言, 一條毛的影響力都冇, 升跌還看機構投資者。

      刪除
    3. 三位都好勁,一樣都係買跌都好多人跟。

      刪除
    4. 吾好儍啦,好多人跟偉哥買賣就吾會上星期大跌嘈嘈閉叫生叫死,係有跟就個個hold住30%本金贏緊錢.好多人睇偉哥都係參考下,最終操作咪又係跟住自己習慣去買賣,仲有而家836,382,410等全部每日幾千萬成交,睇偉哥d網友夾埋買得幾多錢?吾好再神化. 以前買3,4線股可能有d影響.
      hustman幾日就冇事出返來,都吾係好傷,如果冇清倉而家返家鄉倒贏未呢?

      刪除
    5. 我唔覺得係神化,只是Cutter兄對偉哥的敬重,偉哥也沒有吹捧自己。其實好簡單一個道理,好多人賺錢嬴錢會收收埋埋,但係偉哥肯開blog同無償咁分享自己的投資心得,我覺得在人海中也算數一數二的善人。是值得大家嘉許的。

      刪除
    6. 何解同一段文字可以完全解讀為相反意思, 嗯, 敬重原來咁解.
      偉哥已回應咗" 無需誇大網友的力量, 實際上對於整個大市而言, 一條毛的影響力都冇, 升跌還看機構投資者"

      刪除
  13. 市場受落, 81越升越有, 大行話睇七蚊!


    《大行報告》瑞信升中海宏洋(00081.HK)目標價至7元 評級「跑贏大市」
    2020/03/23 11:24

    瑞信發表報告表示,中海宏洋(00081.HK)去年核心盈利按年升61%至33億元人民幣,高於該行及市場預期,在新型肺炎疫情下,公司管理層給予一個保守的銷售目標,按年升12%至600億元人民幣,但有信心中期而言達到年複合增長率為20%的目標。

    該行補充,中海宏洋之土地儲備被低估及管理層的積極策略將釋放價值,因此升其每股資產淨值(NAV)估算6%,以反映新收購土地及較高毛利率,且升其2021年度每股盈測6%,目標價相應由6.6元升至7元,維持「跑贏大市」及將其加入該行小型股之首選。

    回覆刪除
    回覆
    1. 今日沽DD上星期買的內房,884,1030,3883,1233,817,3990..爆到咁,忍唔住沽DD止賺.明天跌再補返

      刪除
  14. 請教各位,邊間公司 2019 財年的每股總派息比 2018 年高?跟開的,暫時找到 914 和 906.

    回覆刪除
    回覆
    1. 重有 135, 2688 (未 check 其他燃氣股), 941.

      刪除
    2. 仲有1045....佢業績報告中有呢句:

      按不斷提高股東投資回報的政策,董事會已通過宣派二零一九年十二月三十一日止財務年度末期現金
      股息每股普通股15.00港仙(二零一八年:每股普通股11.50港仙)。

      希望佢真係做到。

      刪除
    3. 漏左 Louis YK Lui 的愛股 81.

      刪除
    4. 估計6896派息可以比2018年多50%, 下週就知道了。

      刪除
  15. 請教偉哥點睇1729單关连交易作價?

    回覆刪除
    回覆
    1. 今早在前一篇文章的留言區已寫了看法, 可以去翻看, 或者用右手邊的搜尋留言功能。

      目前市況這個作價肯定是太貴。

      刪除
  16. 想請教一下偉哥點睇油價?
    如果是無限Qe,到時應該任何商品都升,而油價亦接近低位及產油成本價。金已經升左一排,油卻因政治因素受壓,如果佢地傾掂數,會有望重回正軌?

    回覆刪除
    回覆
    1. 油價 = 供給面因素 + 需求面因素

      油價供給面:「傾掂數油價會升」非常接近「阿媽係女人」... 供給面唔會有正不正軌,會暴跳,一野升跌8-10蚊,升時無貨無得追貨,跌時有貨隨時爆倉

      油價需求面:睇返航空、旅遊同經濟幾時復甦,亦即係病毒/新增感染幾時減少,衣家美國公路車都無架,啲飛機泊晒喺停機坪,油耗少左好多... 復甦返會重回正軌

      刪除
    2. 復甦有點自欺欺人了.短線炒作借口.你覺得現在經濟比Trump當選16000左右是好左定差左,差左即係要低過16000 la.

      刪除
    3. 我自己覺得油價應該不會長線處於這低水平。

      刪除
  17. Tom,你估真係可以無限QE?美國政府都怕且就快變津巴布韋翻版了.油價成本其實個個產油區不同,最平低至0.5美金,美國頁岩油可以高到30-40美元都有,傳統油田一般5元樓下,海油10-20左右......

    回覆刪除
    回覆
    1. khfc,你覺得聯儲局真係可以無限擴大負債表規模?好多產油國仍靠賣油為生,5蚊桶一樣照賣,否則冇錢.最平油田生產成本真是只需0.5美元.平到你唔信.

      刪除
    2. 真心請教下那個國家的產油成本低至0.5美元? 因為Google似乎搵唔到答案。

      刪除
    3. 偉哥,沙特和伊朗部份油田成本只需0.5美元一桶,當然,並非國家整體平均價,上述兩國整体都只是8-10美元一桶.

      刪除
    4. 8-10美元一桶咁平? 因為我睇左一些報導指沙特產油成本比俄羅斯平, 但都要10幾美元一桶。

      油價戰再打落去, 死的是美國的頁岩氣商先, 而這些企業普遍重債, 到時又是一堆爛攤子要政府執手尾。

      又或者美國政府快將向沙特施壓。

      刪除
    5. 偉哥,還未計,需求少,某些井減產下,貴油井減產,平油井照舊,平均可以更平!沙特整鬼美國就真.
      無限QE,美國政府本身赤字嚴重,2萬億救市,錢=印=發長債,短期其實大量抽走市場錢,QE,相信買短債為主,但冇話實幾多.救市?哈哈.

      刪除
    6. 言下之意, 其實你唔睇好今次美FED無限QE救市計劃, 執行上有困難?

      刪除
    7. 對,現在根本目的只係托市,而唔係救實體經濟,d錢最終落唔到企業.有人押注疫情好快完,但如果過左2季,死都唔掂.上次收水根本是被逼,赤字太嚴重,件事冇可能長久!

      刪除
    8. 即管睇下是否如此, 不過我自己都將近日的上升視作大跌過程中的一個反彈, 趁機套現返一些資金, 再等下一次的恐慌沽售來臨。

      好少股災是來得如此快, 而又可以如此快解決的。最怕的是亂了節奏, 應買貨的時候被迫沽貨, 到應要沽貨減持的時候又因連日的大升而怕個市一去冇回頭, 被迫追貨, 到時真係左一巴, 右一巴。

      刪除
    9. 落唔到實體經濟?咁搞笑?

      刪除
    10. 咁又唔係真係冇,部份la,派現金1000蚊美金畀你,你同我可能消費左,偉哥買埋金,鬼佬還左咭數min pay law.

      刪除
    11. 有一樣要注意,頁岩油的生產技術提高,採油成本會愈來愈平,美國有些產區,成本已去到十幾美元,再發展下去,傳統產油國真係無優勢,我覺得呢場油價戰短期都唔會停

      https://kknews.cc/zh-hk/science/9gbkxql.html

      https://hk.appledaily.com/finance/20200311/MMA4PD4T5NF2DQ4VUOJLNOGELI/

      刪除
    12. 大家忘記左採油除了所謂「開採成本」 還有公司運作成本(e.g.請會計、HR、董事花紅, etc.)、宣傳及銷售成本、油輪運費... 所以好多時開採10蚊 夾埋其他成本都變20蚊

      刪除
    13. 我手中有883 同386。
      係依兩個星期見到
      883低位反彈21%
      386低位反彈14%
      油價低位反彈24%
      我覺得差不多啦~所以已經減半磅。現金回復81%
      坦白。比較之下原來中海油都幾貼市xD

      刪除
    14. 8-10美元一桶, 係Cash Cost尼,沙特 伊拉克同IRAN都做到,其實更有參考價值

      刪除
    15. 作者已經移除這則留言。

      刪除
    16. 當大家都覺得頁岩油可以一路發展落去時...
      大家可以研究下頁岩油頭兩年既decline rate同傳統油井既分別....再下判斷

      https://www.researchgate.net/publication/321191289_Characteristic_Production_Decline_Patterns_for_Shale_Gas_Wells_in_Barnett

      刪除
  18. 有些人希望明日Dow升到30000點......輸了大錢既人通常非常心急追番損失,結果只係越輸越多......

    回覆刪除
    回覆
    1. 班大戶今次終於輸到重傷,抵死la,成日爬格仔揾食.終於有今日.

      刪除
    2. 班大戶意思是基金經理?呢3日大升咁多班大戶應該好開心架追返吾少,点解重傷?
      吾明你意思他們是睇淡定睇好

      刪除
    3. Unknown,輸左10蚊贏番1蚊真係開心到震.仲要賬面.部份基金相信要瓦解重組了.其實自從開始依賴程式交易,做正常出入又好,美國高頻又好,策略買賣又好,市埸越來越唔願意排隊(露牌),驚死益人咁,市埸深度差外,有事個場亂哂la,上落5%根本是亂糟糟的.

      刪除
  19. 金?偉哥真係好好眼光.長遠真係好睇好金.但始終金,1970年後,金只係投資,不再是貨幣,18萬8千噸,trade來trade去,究竟經濟差,短線,d人要賣金套現的壓力大,還是好心急要買既人的力量大?

    回覆刪除
    回覆
    1. 不一定所有的投資決定都是正確的決定, 但這一刻我自己覺得持有一些黃金資產會令自己安心一些就可以。

      正如近幾天撈底, 可能在很多有經驗的投資者眼中覺得是火中取粟一樣不可取, 不過我自己覺得值得買就買, 只要唔會令自己有爆倉的風險就可以。

      刪除
    2. 偉哥,你是經驗高手當然OK,加上你身家多到只是一堆數字,用唔哂.哈哈.
      揸實金其實冇乜必要,除非真係打仗要走果隻,賣又麻煩,只是對沖資產.ETF ok la.

      刪除
    3. 渣實金的好處是唔會成日想買賣, 如果渣ETF好大機會升1、2成就手痕想沽出。

      刪除
  20. 517飛天。今早減半後我只有二注。但已經有0.4差價距離。
    由大波浪2.355下跌。今日已回到2.2。
    好恐怖

    回覆刪除
  21. 嘩,我記得8/9個月前烏鴉口唱1729到0.25,香港又多隻廢股,咁既環境仲可以做單咁既交易,good la. D人想唔對香港股票死心都唔得.

    回覆刪除
  22. 偉哥,可唔可以透露吓你用邊間中資銀行訂金幣和金條?請問銀行係响訂貨嘅時候lock咗個價定還是按攞貨當天個價收錢?謝謝!

    回覆刪除
    回覆
    1. 中銀, 前天訂貨, 昨天到貨, 按昨天牌價買賣。

      刪除
    2. 如果前天買紙價14xx😜😜

      刪除
    3. 今次笨左, 應該前天落單時先買左2840鎖定價格, 冇諗過前晚聯儲局推出無限量寛, 金價大升。

      刪除
    4. https://www.bochk.com/m/tc/investment/rates/metal.html

      偉哥
      請教下你係買邊種。。。好似有好多種唔知有乜分別。。。

      刪除
    5. 九九實金或九九九九實金或楓葉金幣。

      刪除
    6. 偉哥可以試下lpm買,佢跟即時金價,上網見啱先買

      刪除
    7. 好, 有機會試下。佢出售的金幣有好多都唔係銀行售賣的那些, 日後想沽出套現會否比較麻煩, 或者被壓價?

      刪除
    8. lpm網有回收價的,我覺得差不多,收藏幣的話,價錢就可能有分別,我自己都係買楓葉同生肖幣,走難時一定最實用^^

      請問一下,中銀回收價現在打幾多折算?

      刪除
  23. 咩事!今日又恐慌性入貨?

    回覆刪除
  24. 金同澳元兩者都可以持有, 澳洲國家金礦庫係全球數一數二。
    其實呢次QE 只係瑪啡,令美國及全球資產慢慢中毒,而唯一公認的資產物品係金。下一輪係美國債券再爆,美金就會大跌。諗一諗,邊個國家可以令美債篤爆佢。美債再爆,會比今次跌浪更強勁,小心出入。

    回覆刪除
    回覆
    1. Maya,中國唔想佢死既

      刪除
    2. 你睇下日本經濟二十幾年都係比美國壓住,經濟及民心都係逆來順受。中國近兩年減美國債(有數據,唔係吹),而日本又點解幫美國買呢﹗係真心買得佢知啦。

      刪除
  25. 517飛天。今早減半後我只有二注。但已經有0.4差價距離。
    由大波浪2.355下跌。今日已回到2.2。
    好恐怖

    回覆刪除
    回覆
    1. 517今天的大升與昨天發出的購股權計劃通函有關。

      刪除
    2. 其中一項"以二零一八年為基準,二零二零年本公司營業收入複合增長率不低於17%",是否證明管理屠對今年收入回復有信心?

      刪除
    3. 關鍵是另一個條件....

      刪除
  26. 上次QE,得美股受惠,今次可唔可以俾港股威下,來個真正牛三

    回覆刪除
  27. 個個都沽得咁開心,自己都起個雙飛沽出一注3380及三份一1105獲利,偉哥我愛你😘😘

    回覆刪除
    回覆
    1. 其實都沽得唔開心架, 因為恨自己點解膽小, 唔係ALL IN撈底.....哈哈。

      刪除
    2. 呢啲市況真係有得賺又怨,賺得少又怨🤣🤣其實玩咗咁多年股票,物極必反自然定律只是時機、膽量及財力比拼。自己就太早太樂觀賺少好多🤦‍♂️🤦‍♂️😁😁All in壓力太大唔係個個玩得起,你我年青時或者會嘅😜😜

      刪除
  28. 其實有些懷疑今次美國是借肺炎把股市殺下來再推出無限QE才是真正目的,可能大戶已轉做好倉,之後美股又一次創造牛三

    回覆刪除
    回覆
    1. 死太多人了(公司執I mean),陰謀論無謂la.下一波到歐債,睇死意大利破產.

      刪除
    2. 最怕是國內內房泡沫都爆煲, 這個千萬不能爆。

      刪除
    3. 希臘、西班牙也應該有危機。

      刪除
    4. 其實歐洲樓唔俾大陸平得幾多.點解成日都覺得會爆呢

      刪除
    5. 但人均收入呢? 歐洲人均收入高過國內好多吧。

      刪除
    6. Ben1,公司借貸栱桿之高,中國始終係新發彩國家,國企家底厚,但民企.....內房爆,死傷慘重.睇埋內房股同香港地產股本賬薄比較.香港公司drop1半仲ok,內房樓價只要跌10%-20%,基本上內房股有破產風險,連鎖反應下,真係國進民退,動搖國本.

      刪除
    7. 一DD地方啦,葡萄牙好低.南歐東歐人工低,樓價都唔係好平.

      刪除
    8. 內房股,大劉同大劉太手上批3333點樣呢?真係再買唔係,沽又唔係了

      刪除
    9. 我同意內房有D乱嚟,3333由6蚊就好多人估佢執笠,同telsa差唔多.呢啲股我賺唔到佢錢.不過內房股營商手法,同大陸房地產係兩樣嘢.三四線房地產有泡沫唔奇,一線城市其實都唔係好貴.正如香港全世界最貴,我哋都唔擔心有泡沫.

      刪除
    10. 3333以前長期3蚊升唔上,唔知仲有冇人記得。
      果時好多分析都係話債務太重,一爆就不得了。

      刪除
    11. 其實3333果時成日比人唱爆,最無事反而係佢

      只係當年玩足球燒錢

      刪除
  29. 美期、夜期急跌, 不知是否與皇儲查理斯中招這消息有關?

    回覆刪除
    回覆
    1. 其實點解外國就好多唔同出名的人都中招,但係中國好似一個出名少少都無?

      刪除
    2. 中国出名的人跟众人打交道机会相对少
      出事后当然也特别小心

      刪除
    3. 如果係睇開波的朋友,武磊算係出名了

      刪除
    4. 市場反應告訴大家資金只係反彈錢,同偉哥買實金定買ETF的理由一樣.今晚美國果2萬億投票結果憧憬支撐得幾耐?

      刪除
    5. To qtea: 但係都會有一兩個中招掛,雖然我唔係想有人中。
      To 驃叔叔: 武磊應該算係西班牙本土中?

      刪除
  30. 黃金ETF..會是好選擇嗎..如選美國上,成交量會好D

    回覆刪除
    回覆
    1. 我會考慮買金礦股,
      我知道好伏,但係佢除左金礦之外仲有另外礦石,感覺上應該死唔去的FEEL

      刪除
    2. 除非好大戶,否則夠貼便ok la.

      刪除
    3. 相反如果買股,唔一定買金相關,反而資源股便可,傾向邊類跌最殘買邊樣.覺得公司唔執笠,唔供股便可.

      刪除
  31. 仲有四交易日季結,大家競猜一下金管局個倉"賬面"唔見左幾多?債券ok,FX PK,股 PK,我估3000億.余偉文黑仔,一接手......

    回覆刪除
  32. 疫情未見署光,好多人都話好似03年咁,天氣熱就搞掂,我懷疑當日係靠圍堵隔離成功了,
    今次圍堵難道同規模係沙士100倍,都未見成果,
    瘟疫幾時過都好,口罩港人都打算帶到年尾,

    回覆刪除
    回覆
    1. 睇報導話當年美國豬流感,夏天過後,第二波响冬天爆發,不過死亡率會降低

      刪除
    2. 最煩係今次有超級傳染者,即係無病症/好番但係帶菌可以傳染。同埋個病唔一定重,但係要用呼吸機之類,對醫療系統造成壓力。

      刪除
    3. 今次個病, 死亡率都唔高, 最怕是一下只有太多病人, overload 個醫療系統.

      刪除
    4. 死亡率都唔高??????
      當醫療系統崩潰,唔夠呼吸機,死亡率會直線上升
      意大利死亡率10%呀....點會唔高....

      刪除
    5. 歐盟:新冠病毒不太可能夏季消失

      歐盟疾病控制機構表示,新型冠狀病毒不太可能在夏季消失。

      一般預期,新型冠狀病毒與其他四種在人類中常見的冠狀病毒一樣,通常在夏季消失。但該機構發出嚴厲警告,指如果不採取措施阻止疫情的蔓延,隨着氣溫上升,疫情可能會持續。

      https://www2.hkej.com/instantnews/current/article/2414591/%E6%AD%90%E7%9B%9F%3A%E6%96%B0%E5%86%A0%E7%97%85%E6%AF%92%E4%B8%8D%E5%A4%AA%E5%8F%AF%E8%83%BD%E5%A4%8F%E5%AD%A3%E6%B6%88%E5%A4%B1

      刪除
    6. 從東南亞的情況可以看出.

      刪除
  33. 真係比偉哥講中左
    d 大陸股要加大派息
    今日隻中人壽派多左息
    唔知其他國企駛唔駛跟

    回覆刪除
    回覆
    1. 今晚公佈業績的公司, 好多都派息有驚喜。

      自己持有的934, 派息也不錯, 而且現金流強勁, 減債進度理想。

      刪除
    2. 我覺得中央把股份轉去社保基金的,應該都會增加派息, 因中國的養老金缺口很大。

      刪除
    3. 今次業績期大部份國企都加大左派息, 似乎真係要補貼國庫。

      刪除
  34. 偉哥,請教下一個弱智問題,發行黃金ETF那種公司有無執笠既可能性?如果無,是否同買實物黃金差唔多?

    回覆刪除
    回覆
    1. 好坦白講, 我未買過黃金ETF, 所以無研究其安全性, 只知道2840大致是跟足黃金價格波動。

      不過紙黃金就最好唔好啦, 頭先剛看到單新聞:

      【實金供應斷裂】銀行叫停網上及手機App「紙黃金」買賣
      https://hk.on.cc/hk/bkn/cnt/finance/20200325/bkn-20200325230257694-0325_00842_001.html

      刪除
  35. 1846 偉哥可以分享下看法嗎?謝謝

    回覆刪除
    回覆
    1. 2019年業績基本上符合預期, 沒有特別之處。

      佢係2019年下半年係國內開左幾間新診所, 原本今年應該可以提高國內的業績, 但因為新冠肺炎的關係, 基本上2020年業績都冇乜希望, 如果疫情持續到下半年的話, 只能望今年業績唔使蝕。

      刪除
  36. 中國業務增長率相對較慢的主要原因是本集團有關屈光性激光手術及後房型人工晶體植入術的營銷策略未達到預期效果。
    等佢...定棄馬呢?

    回覆刪除
  37. 請教大家 為什麼大家覺得410不派息反而是利好? 大股東要賣盤留下現金做什麼。

    回覆刪除
    回覆
    1. 買家唔會想你派息 你有心賣就唔敢派

      刪除
  38. 我今日忍不住又買番883 386。
    因為見到其他石化股業績好。無可能386差。
    而且883太吸引。883成功博劉業績好。
    之後買左二注1035。
    現金又得番64%

    點知夜期真係跌。今次可能又衰多手XD

    回覆刪除
  39. 可能仲有今日。或者聽日。就要開始下一波殺戮
    熊證最重24100 24300
    牛證最重22300 21600
    現水23500。好明顯一定會先殺上去再夾落來。加上又快要到期指結算O_O

    回覆刪除
  40. 2683不了系賤價 跌幅又勁過人 反彈又冇力 以為經已反映左疫情對佢的影響 難道昨晚的公告今日要再跌多10+%?

    回覆刪除
  41. 開市4.75沽出1846,多謝偉哥。

    回覆刪除
    回覆
    1. 順利游水
      4.75沽,4.1樓下補回

      刪除
    2. 原來4.75$ 果個係你掛.. 我掛5$以上唔成盤! 唉~ 我早知AO價走..然後4$撈番~

      刪除
    3. 9點正掛競盤全清
      好彩有個大買盤@4.75幫手接

      刪除
    4. 好彩有個大買盤@4.75幫手接 << yes, 難得呢隻有咁大手買盤

      刪除
    5. 妈的,给你们队死了

      刪除
    6. 4.75開竟然有人接....BTW,410似似地喎個勢

      刪除
    7. 個個都咁醒~ 我有兩手走唔到! 而家穿左4$...

      刪除
    8. 今早大買盤對手經紀係瑞信,我真係多謝你打開大門!

      刪除
    9. 其實瑞信已經是第二次開市時逆市掛大買盤來買, 上次係3月13日, 又係大跌市整個大買盤掛高來買, 我當時AO沽一半, 然後開市後平0.7元補返晒。

      今早其實有諗過會否是大股東出來增持, 所以今次冇沽一半咁多, 只係AO減1/3, 然後4.15補返晒, 賺佢0.6元差價....估唔到之後插落3.8X咁低。

      刪除
    10. 各位真是眼光獨到,我競價時段剛被老闆捉左去傾野,出返來已經跌穿4元...

      刪除
  42. 1.08-1.1 收集908,信誠單頭2.36%都夠做GO

    回覆刪除
  43. 410 今日又升好多, 之前都試過無神神升好多,第二日就趺返晒
    係偷步買入定係拉高派貨呢...?

    回覆刪除
    回覆
    1. 美國疫情開始爆發,中國反穩定下來,潘生如果以快打快,高價賣走410換入美國資產,應該有著數。
      疫情對收購進程有利

      刪除
    2. 尋日3.47入,今早3.75放一轉先,再排過

      刪除
  44. 今天1098和2868顯然表演追趕滯後效應

    回覆刪除
  45. 沽清9928@6.23 及3759@49.5。

    呢兩隻反彈都算不錯, 尤其是後者, 超過20%回報, 沽出獲利先, 候低再買回。

    回覆刪除
  46. 回覆
    1. 其實你應該見到我近幾個月的買賣都是買大去小。

      刪除
    2. 管理層肯减薪算有承擔

      刪除
  47. 我總覺得細劉想振我們這裏的貨出去,
    但他可以放心,只要他出個合理些的價,我們一定會成全他。
    否則我們只會越收越多!

    回覆刪除

注意:只有此網誌的成員可以留言。