置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年4月10日 星期三

組合主力仍是小型股,也會增加中型股



最近大家或許會發現我的組合買多了中型股,例如近1、2個月買入的湯臣集團 (00258)、利郎 (01234)、兗州煤業 (01171)、美的置業 (03990)、東正金融 (02718),又或者上月已沽出的東岳集團 (00189)、碧桂園服務 (06098)等,這些都是50-300億市值的中型股,組合不再是清一色的小型股。

這並不是投資風格有變,目前組合仍是主力小型股,只是隨著組合的資金膨漲,有時找不到足夠數量或者流動性的小型股買入,又不想太多資金閒置,令組合要在升市跟貼指數升幅的壓力更大,故此唯有找一些自己覺得估值比較偏低、有折讓的中型股買入,希望可以在大升市時不會落後大市太多,這是近來買多了中型股的原因。

目前組合現金比重已跌至大約20%水平,但持股當中包括一些獨立於大市走勢的事件驅動股份,例如天津津燃公用 (01265)、香港國際建設 (00687)、中國電力清潔 (00735)、川河集團 (00281)、勝獅貨櫃 (00716)、利標品牌 (00787)、康大食品 (00834)等,而這批股份佔我組合比重約15%,所以撇除這批事件驅動股份,我組合持倉實際上只有65%左右,故此更加需要增加一些市值較高、流動性較佳的中型股,去令自己組合盡量跟上大市步伐。

未來一段時間,如果大市持續衝高,而且沒有合心水的小型股可供買入,會投入更多資金到估值偏低的中型股,這是組合資金膨漲的必然結果,無法逆轉。

255 則留言:

  1. 你咁樣就浪費左個位, FULL 晒又要麻煩偉哥開新POST, 有咩謂呢, 個個都留呢D, 你當呢到討論區咩.....

    回覆刪除
  2. 1548股價大升, 董事及員工紛紛行使認股權, 估計是要趁股價大升沽貨獲利。

    http://www3.hkexnews.hk/listedco/listconews/sehk/2019/0410/LTN201904101040_C.pdf

    回覆刪除
    回覆
    1. 1548 0成本持有中,偉哥有無睇法?點解呢隻股長期有人沽空

      刪除
    2. 對業務沒有研究, 也沒有看法。只是看董事如此大手行使認股權, 短線應該會有沽壓。

      刪除
    3. 0 成本都再走點吧,3日升左4成~ 跟手希望2718聽日生生性性! 同埋牛熊證唔好再理,唔好掂好d. 窩輪商賺到笑。

      刪除
  3. Wai Gor,

    Will you consider the so called "Local Three Financial Treasures" :~ 086.HK; 626.HK & 900.HK ?

    ... and also some China Enterprises: 811.HK; 2868.HK ?

    ^_^

    回覆刪除
    回覆
    1. 如果是好息者, 這些可能都是合適的選擇, 可惜我選股不是只看息。

      刪除
    2. 900 預期增加派息,末期息0.22應係預期次內,如果有0.24, 應該可以上試歷史高位,
      睇下管理層想吾想股價創新高,絕對有能力應付派高息.

      刪除
    3. 我已經積累了相當多的2868。
      不知道為什麼,我現在喜歡它就和我去年喜歡81一樣。去年我已經積累了相當多的81用於長期投資。
      當然, 我現在也希望2868會像81開始轉運向好的一面前進, 因為它已經浪費了十多年歲月![大笑]

      刪除
    4. Thanks Wai Gor!
      Thanks Bears Kill People!
      Thanks Louis Lui!

      STUDENT learns from the market.

      ^_^

      刪除
  4. 自去年玩牛熊証把自己玩死之後四個月未買過任何股票,今年2月2號我同偉哥等十几人相約從大圍踏单車入大尾篤BBQ後,當時有個網友很有信心的跟我說,他感覺334馬上就要爆飛了,我听後半信半疑,當時股價是0.75,沒到两天就真的飛了,不知道是被輸怕了的原因,現買的股票基本上都是跟偉哥哥買,而今天做了件最錯的事就是一早把1986同2718賣了一注來換入3990.我向來偏愛內房股,這次難得可以跟偉哥同步,這一個月以來,1234.6098.6185.735.1171.2718.這6隻都算是跟准了偉哥的腳步,相信3990見$30不是夢,想下都開心,最後我還要分享的是我現重倉1171,因為去年它輸了我很多錢,今年我必定要在它身上贏回來。

    回覆刪除
    回覆
    1. 哈哈, 要補充一下是你贏出選股大賽那一季的網友的RE-U, 還有兩位大廚精心準備的食物, 我什麼都不用做就有得食, 仲要食到嘩嘩聲, 實在是樂而忘返。

      刪除
    2. 也很高興你近來已遠離牛熊。

      刪除
    3. 恭喜青兒X2! 希望黎緊都有機會贏出選股大賽,預參加Reunion

      刪除
    4. 羡慕青兒可以同偉哥一眾高手吸收投資功力,幾時再有股票大賽?

      刪除
    5. 看見青兒賣出2718重倉持有3990及我也有的1171,睇股價,真係恭喜。。。唔落,希望下午能夠恭喜你

      刪除
    6. 偉哥,我不是近來戒牛熊証,我是一世都不會再碰,之前你們都在苦口婆心勸導我,可惜.....現在的我不知有多清醒。能夠認識你們是我人生最大的財富,有你們在,我就可以再翻身,前提是要會把握時機,我覚得上次同批勝出的都是尖子,這不是浮夸,只有我一人是跟號碼買的🤨
      大口春,你想在我傷口灑鹽嗎?我說只沽一注2718,重倉的是1171.今天又買了816.你最好恭喜我隻816.順便告訴你一下,買股不揸股,成世都痛苦,不回故,不檢討,不改進,最終只會看到別人身家日漸豐厚,自己只是一個在場外推算的賭仔。

      刪除
    7. 2718現價有很大上升空間

      刪除
    8. 其獨特性及市盈率、盈利能力及息差優勢

      刪除
    9. 知道,我知道青兒重倉1171,睇今日股價都知,哇哈哈。。。

      刪除
    10. 東正金融增長潛力巨大
      https://finance.ifeng.com/c/7lPH1cZlqlM

      刪除
    11. 謝謝ktc這篇文章, 前晚自己花時間研究招股書, 早知網上搜尋下先, 唔使自己花時間研究。

      持有2718的網友值得一看。

      刪除
    12. 不用客氣,我要多謝你才真

      刪除
    13. 2718同物管股一樣, 有媽的孩子像個寶,哈哈。

      刪除
    14. 馬克 謝謝 不過 財聯社是什麼來的 可信嗎

      刪除
    15. 這是根據招股書的分析, 不是消息, 所以不存在可不可信的問題。

      刪除
    16. 2718我睇有5蚊,除非偉哥放,否則一定等

      刪除
  5. 其實一個post首名得一個,極奇量只叫“哂”左一個位(算唔算哂仲係值得商榷)
    反而有d copy and paste高手每post都剪貼二三十條,嗰d唔去話佢浪費哂d位?

    回覆刪除
  6. 3990今日有六千幾萬股解禁
    偉哥唔等一等先買?

    回覆刪除
    回覆
    1. 近排內房配股未必跌, 也預留了注碼萬一配股跌可以再買些的。

      刪除
  7. 687國際建投正式要約。
    2/5 截止
    14/5 向接受要約人仕付款。
    之後等消息公佈派39億。
    再之後等黑石將其它資產吐現再派...

    回覆刪除
  8. 偉哥講得啱,細股流動性係差,469我有時想放都放唔到,依家呢個位唔放啦,嚟緊呢年業績多數好,再等下

    回覆刪除
  9. 2718 係咪無乜人有貨? 偉哥好勁!!

    回覆刪除
    回覆
    1. 掛住睇1203...miss左個高位!! 希望再上

      刪除
  10. 開市AO價入左半注的1203, 之後再排的半注應該入唔到了。

    第一季的盈喜是代表核心業務比較實質的改善, 有別於2018年盈利增長主要基於物業重估收益。

    回覆刪除
    回覆
    1. 感謝偉哥的支持!

      1203今天將突破52週最高價!?
      正面盈利預告
      http://www3.hkexnews.hk/listedco/listconews/SEHK/2019/0410/LTN20190410333_C.pdf

      刪除
    2. 1蚊跟偉哥入1203,呢期偉哥當旺

      刪除
    3. 有無人跟到1203!

      刪除
    4. 破頂,偉哥又一代表作!

      刪除
    5. 慘, 我0.98元還有半注在等......

      刪除
    6. 1.02 已上車HAHA 我是跟車好貼的!(一見POST 睇買賣盤就買)

      刪除
    7. 剛剛0.99入咗,轉頭set 1.07, 又被人掃了。要出下來多謝偉哥先!

      刪除
    8. 嘩,咩事,行開一陣大爆升.

      刪除
    9. 估下今日過唔過1.1

      刪除
    10. 我又係0.99,不過今次買得少,得18000股呀頂,因為放多左去3990,蝕水了

      刪除
    11. 1203如果不是管理層的毫不作為, 估值起碼可以翻倍。

      他們毫不重視股價, 所以估計管理層私人完全沒有持股, 也沒有認股權, 所以完全不在意股價升跌。

      刪除
  11. 2718回到3.06食左
    1729終於有一倍profit可以sell half。
    多謝偉哥carry

    回覆刪除
    回覆
    1. 恭喜呀,我都排緊,差3格再出一注,呢隻真係好感謝偉哥!

      刪除
  12. 偉哥點睇293國泰,2019年開始對冲期油比例大減,公司起2018年下半年開始賺錢。估計今年上半年可以由虧轉盈。估值不高,值得買入嗎?

    回覆刪除
    回覆
    1. 以前見佢長期搞油價對沖, 好難估計佢業績, 所以冇再跟了。

      刪除
    2. 2019年開始對冲期油比例大減, 如果2019年油價開始大升咪又PK?

      刪除
    3. 不知道燃油附加費可以幫補多少

      刪除
  13. 2718 3.03沽
    謝謝偉哥!一日就有超過10%盈利,但好像偉哥未有打算放?

    回覆刪除
    回覆
    1. 點解你地個個走哂,ipo 價都未到

      刪除
    2. 見好似無乜力再上,先沽出獲利再入其他股

      刪除
    3. 事實證明是對的,我確冇力。

      刪除
    4. tuzi, 眼明手快! 我得個望字=_=

      刪除
    5. Credit Suisse Securities 買盤又黎

      刪除
    6. 見偉哥唔理你,即刻醒水,醒目!

      刪除
    7. tuzi 好快手, 我痾左個屎就游唔到水

      刪除
    8. 跟實偉哥, 睇盤似儲力, 開始少人排隊, 維持2.95, 2.96 上落

      刪除
    9. 琴日都係收市前出黎掃貨,希望今日收市好站穩$3

      刪除
    10. 日本仔資本唔好阻住晒

      刪除
    11. 今早游了一轉水的網友厲害!

      我自己今早唔敢做波幅, 驚升破招股價後有更多資金湧入, 一去無回頭。

      刪除
    12. 個市唔好,可能有調整...

      刪除
    13. 臨收市前我扔左貨,均價3.04... 謝謝偉哥. :-)

      刪除
    14. 3.06招股價沽清2.88的貨,睇下有無機會再入返,再次謝謝偉哥推介!

      刪除
  14. 大家有沒有用過富途條件單?我用過幾次都沒成功,次次到觸發價都沒執行,只顯示觸發成功。昨天我set了沽2718,觸發價$2.95,賣出價$3.06。最後是顯示觸發成功,沒有成功沽出,連排隊都沒有,是我操作錯了甚麼嗎?

    回覆刪除
    回覆
    1. 以前有試用過, 也遇到類似情況, 沒有再用這功能。

      刪除
    2. 你呢個條件單係指如果股票到價2.95,就排隊3.06幫你沽,2718昨日全日都冇去到3.06,你沽得出先係有問題

      刪除
    3. 我諗佢指問題是連排隊都沒有.....我以前都試過到了觸發價, 但沒有幫我排出沽盤或買盤, 唔係次次都唔得, 但試過1次有問題, 就費事再用, 寧用睇住股價人手落盤。

      刪除
  15. 我近日買了836 @11.72 華潤電力 看好原因是被踢出恆指,又突然大減派息似有陰謀,令股價大跌30%,龍頭電力股,低位讓有心人收貨,日後必力挽狂瀾。
    我又買了717 @0.405英皇證券,5月宣佈業積,港股第一季成交大增到千億,見手影是收貨,不望升多有1x%巳滿足。

    回覆刪除
    回覆
    1. 2119 捷榮國際,上月在@1.10買了,也曾貼文好股地底泥股價,極端看好的,已提貨放在保險箱,害怕手癢賣掉,放長紙鳶,香港老牌上市公司巳不多,好多已升上太空了。

      刪除
    2. 捷榮國際,是上年年尾在@1.10買了。

      刪除
    3. 老牌公司維他奶真係好勁,2119應該都唔弱,國內市場真係好大

      刪除
    4. 今日跟入一注睇下點。謝謝師兄分享

      刪除
  16. 夾了咁耐,
    今早期指終於開始有些積極沽盤。

    回覆刪除
    回覆
    1. Oman大佬咁耐無見,一出來便整瓜我咁多隻股。。。是預料有大野發生嗎?

      刪除
    2. 29550第一棟牛棍,必須打穿。

      刪除
    3. 點解必須打穿? 其實升穿同跌穿都係大家鳩估既啫。

      刪除
  17. 258今早回購極多, 今日回購額應該都會過4百萬了.....但股價都要跌,唉。

    回覆刪除
    回覆
    1. 每日既回購量唔多,好易俾人扔散
      同埋股價唔上唔落,想賺快錢果D嫌慢扔貨,一跌多少少,其他人驚死跟住扔
      唔改玩法,只會一路慢慢陰跌落去....

      刪除
    2. 其實每日的回購量算是很多了,只是對方有心定向回購而已。
      同意師兄你後面所講,"股價唔上唔落,想賺快錢果D嫌慢扔貨",可能這個正是對方想要的效果。

      刪除
    3. 其實最蝕章係佢自己打開口牌
      印象中早幾年湯臣自己都會有回購活動,但唔會點宣揚
      靜靜地買,股價靜靜地升
      宜家全世界都知,有時引左D有心人入黎搞局姐

      刪除
    4. 這可能正正是公司想要或想做成的效果.
      雖然散戶的貨不多, 但卻是最易回吐出來的.
      在公司的立場, 如果不是有心想拉升股價的話, 回購價當然是愈低愈有利,
      而且如果真的有心想有其他行動, 維持股價平穩可能是某種手段而已.

      刪除
    5. 對上一次回購是2012年2月,當時的買入數量很少,總計也只有180多萬股。
      相比今次的回購量巨大,哈的確是圍威喂全世界都知,會引來不少投機人士的目光。

      刪除
    6. 如果唔想拉升股價,想入平貨,正路更加應該要靜靜地回購
      打左開口牌,變數自然多
      多一個人留意,就多一分危險ma
      除非真係學師兄話齋,其實湯臣目標係慢慢cap晒散戶D貨....

      刪除
    7. 258的回購是281要約的延續。

      如果係做事件驅動的, 基本上唔理乜價, 只要肯大力回購就可以, 回購到上限就最理想。

      之前靜靜地是大股東增持,不是回購。

      刪除
    8. 沽貨的大戶收左盤, 京華都跟住收.
      唔通定向回購已經完左?

      刪除
    9. 應該未, 仲有好多貨要回購。

      刪除
    10. 咁樣定向回購,其實有無問題的?

      刪除
    11. 宜家個劇本就係價照壓,貨照收,但量唔多
      距離可回購上限仲有一大段距離
      應該好快可以穿3蚊

      刪除
    12. https://www.zhihu.com/question/21824269

      可以參考下消費者角度既睇法

      汽车金融公司,是指经中国银行业监督管理委员会批准设立的,为中国境内的汽车购买者及消费者提供金融服务的非银行金融机构。通用汽车金融公司贷款就是其中较有代表性之一。通常情况下,汽车金融公司具有门槛低、首付比例低,贷款时间长,审批灵活,速度快等特点,可以说汽车金融公司贷款逐渐成为许多消费者选择购车贷款的主要渠道之一。

      汽车金融公司大多由汽车厂家和银行合作设立。一般汽车销售商都会给客户提供汽车金融公司贷款服务,这种贷款方式一般具有以下特点:利率:贷款便利和快速放款,但利率高(一般在10%左右)贷款额度:一般情况下可以提供车价的80%贷款抵押/担保:一般要求房产等抵押物或担保人还款方式灵活多样: 能满足不同购车群体,不同收入特征的需求,比如等额本息、等额本金、弹性信贷、分段式还款等。

      刪除
  18. 2718游唔切水
    岩岩得閒login已經倒跌左

    回覆刪除
  19. 睇下2718 有無機會落去$2.85再加,無就由佢。

    回覆刪除
  20. 好後悔尋日9蚊樓上無放1171,只好排多注2718希望中

    回覆刪除
    回覆
    1. 1171+3990今早加注,結果...帳面啫,無事既,嗚~~好多股由升轉跌,哈哈,港女快D插落28000~~

      刪除
    2. 聽你咁講,我即刻收起晒呢2隻買盤,只留1203同2718

      刪除
    3. 算了,22.2跟了你買3990

      刪除
  21. 真係好奇怪, 之前2136既回購方法其實好蝕,益左好多散戶
    今次258就醒好多,壓住定向回購,不會益散戶

    回覆刪除
  22. Sfc最近收緊券商margin比例,如果有大股東之前有大福押倉比券商而被踢走又無下家接,我估好快呢幾個月會有股票斬倉。。大家睇路

    回覆刪除
    回覆
    1. 耀才前晚仲SEND短訊過黎話佢放寬左孖展比率,仲可以玩大D

      刪除
    2. 是啊,没预期那么紧,所以sfc公告后耀才sms话可以玩大点

      刪除
  23. 認購了小注的禪遊, 如果資金用來吸納上市同業434, 已經賺左好多...

    回覆刪除
  24. 3.1 出左2718, 希望睇位入番

    回覆刪除
    回覆
    1. 3.11 出左50%~尋日只買少量貨! AND 多謝偉哥!

      刪除
    2. 冇膽游水 set左3.14都縮左

      刪除
    3. 下晝游左7格水,夠食幾餐M記 lol

      刪除
  25. 偉哥,你仲有冇持有3822呀?

    回覆刪除
  26. 偉哥,想問859有冇further 評論?

    回覆刪除
  27. 497 buy back http://www3.hkexnews.hk/listedco/listconews/SEHK/2019/0410/LTN20190410678_C.pdf

    回覆刪除
    回覆
    1. 似乎又是定向回購。

      刪除
    2. 1183 都係向上回購緊
      不過NAV有點低

      刪除
    3. 偷偷地說, 前天買了少許1183打算短炒佢回購, 因為只是打算短炒2、3天的關係, 所以就費事公開講。

      然後見佢前幾天回購力度都好弱, 尤其是回購更加只是象徵式回購, 完全唔似想拉升股價, 所以今早唔使蝕就沽出算, 點出沽出之後就拉升。

      刪除
    4. 回購力度的確唔強,係睇佢有冇心買上去咋

      刪除
  28. 22.35 入左一注 3990, 2718沽清後多左 d 現金。 XD

    回覆刪除
  29. 恭喜青兒,777好耐冇見。

    回覆刪除
    回覆
    1. 啊柒其實就係啊春背後嘅男人🤫

      刪除
  30. 你班友個個游晒水瀨低我

    回覆刪除
    回覆
    1. 哈哈,佢哋上岸先,我們向著更遙遠的目標進發🚀

      刪除
    2. 仲有1171+3990....各位同學加油呀~

      刪除
    3. 跟實偉哥, 唔游水,我地坐火箭!

      刪除
    4. 被偉哥這句吸引到!2.97再次上船同各位一齊衝!

      刪除
    5. 今日都高追了2718 偉哥唔走 我堅走唔到哈哈
      送首歌畀2718
      https://www.youtube.com/watch?v=WG5lwSofZKc

      刪除
    6. Click 左條 link, 我問緊自己聽緊d咩...?

      刪除
    7. 其實fc9要檢討的是買賣的timing, 我不是說今日高追2718會輸錢, 而是之前幾日都有充足時間係2.7元買入, 為何要等到升上3元才追貨? 除非你是做momentum trading或者睇圖表來買, 不然我實在無法理解為何前兩日咁多時間唔買, 要等到升左咁多先來追。

      這就是為何大家買賣同一隻股, 但最終輸贏可以相差好遠的原因之一。

      刪除
    8. 雪球止蝕 2136的 FC九 就是 fc9嗎...??

      刪除
    9. 其實不外乎係貪小便宜嘅性格,因為我都係,成日諗住平幾格省幾舊,一升就高追,追完就坐艇,坐艇就驚青,驚青就止蝕,止蝕就爆升,爆升又高追.... 無限循環 其實炒股心理真係最難搞,我自己都成日克服唔到心魔,依樣野真係要同偉哥多多學習

      刪除
    10. 同埋賺就雞咁腳走,蝕就長坐。。。
      2718我走左幾轉又入返貨,其實分開睇之前賺幾多都好,今次2.99既貨同FC9一樣都係高追,唔可以話之前賺左若今次蝕就係包左底。每次買賣都係獨立既,今次再入係覺得可以升上超過3蚊,就係咁簡單。

      刪除
  31. 組合一日內由天堂跌到落地獄 灰!!
    睇黎要學識游水先得

    回覆刪除
  32. 分3步購買308 @ 1.8,1.5和1.2。[大笑]

    回覆刪除
  33. 想請教偉哥2718,點解瑞銀同大和有咁多貨沽
    但係我喺中央結算系統嗰度又唔見佢哋有咁多貨?

    回覆刪除
    回覆
    1. 以前解釋過很多次, 機構投資者存倉的託管機構, 經常和他們買賣的券商不是一樣的, 最簡單例子很多基金將持股存倉在HSBC或渣打, 但可能是用法興、高盛、IB呢D券商買賣。

      大家要有這個概念。

      刪除
    2. 請教偉哥,假如他們想賣,會先轉少許倉到券商進行買賣定係另有方式??

      刪除
    3. 不用, 券商與託管行之間會全自動交收, 無需事先轉倉。

      刪除
    4. 一般不會,機構客會用不同BROKER去賣,你睇CCASS佢個大倉位係咪減少左就可以了

      刪除
    5. 明白,thanks 偉哥,Ben哥。

      刪除
  34. wai gor, 735 這類私有化通常要用幾耐時間先會有否提價消息? thx!

    回覆刪除
    回覆
    1. 一般3個月內會表決。至於提價, 冇人知會唔會提價, 如果有提價的話, 通常在要約文件發出前公佈。

      刪除
  35. 2718,正通作為大股東,我信未來資產profit都有增長,應該派息都少不了

    https://news.futunn.com/stock/6691370?src=2&user_id=11944053&auth_token=955107&clienttype=12&clientver=9.3.602&clientlang=1

    回覆刪除
    回覆
    1. 哇!搞左一輪,終於用得返以前的account login偉哥blog! :D

      2718我也有貨(@2.7),不過我看得比較簡單,主要收入會從阿媽而來,經銷商...有很大的進步空間! :D 這次分拆有點似688分拆2669,不同的是688拆2669沒有從市場cap水(從2669這幾年的organic growth也告訴大家cap水是不必要的),但2718礙於是金融股的身份,發新股cap水最便宜。金融股的成長,阿媽增資是不可少的,我寄望中通生意好,帶動2718茁壯成長!經銷商那方面就努力吧!

      刪除
    2. 剛看到股權披露,保母瑞信已買了7441萬股。

      刪除
    3. 瑞信在首三天其實只是買回了4000萬股, 因為其本身有倉底, 所以股權申報的總持股並不是全部用於穩定價格而買入的。

      刪除
  36. 258果然是上午回購, 下午收晒手, 去完之前的每日2百多萬股的額度。

    回覆刪除
    回覆
    1. 佢地好肯定自己朝早完成工作, 所以今日份回購公告都早左出.

      刪除
    2. SHK, 結好等都跟住收工, 留低KGI係度壓價。

      明天如果停一日唔回購, 我諗好多投機盤要止蝕。

      刪除
    3. 停一日唔回購,隨時骨牌效應跌番8-10%,又係D跟風散戶陣亡~

      刪除
    4. 258 咁樣做回購真係幾醒

      刪除
    5. 我覺得富途之前買得太狼攪死左; 除非富途都係股東自己人但唔似.

      刪除
    6. To win, 睇番futu 都唔係入都好多,只得3M. 我估 258 公司係想低價回購,唔係推高個股價,所以擠牙膏甘每日固定數目,等散戶游資唔好甘多幻想。

      刪除
  37. 偉哥之前你想買入神華1088,現它下跌咁多,會否用short put把它買回來呢?

    回覆刪除
    回覆
    1. 哈哈, 今日剛好做了細注5月的 SP 16.5 及SC 20, 兩邊加埋合共收左每股約0.4元的期權金, 即是下月只要股價不低於16.1或高於20.4元, 就不用輸。如果16.5元要接貨的話, 剛好6月可以收埋股息, 平均成本會低於16元, 咁就安心好多。

      刪除
    2. 不會啦,組合裡己經有1171了,不想有太多煤炭呢類周期股了。

      刪除
    3. 某位分析員話1088很適合做波幅, 16元邊買, 20元左右沽, 我就用期權去執行這策略。

      刪除
    4. 1088也是我常炒波幅的.常吃少壞牙。6月尾才除息.現價除凈後得16.x,又是接近買入良机。

      刪除
  38. 偉哥,不知你有冇留意1300,5G概念的。

    https://www.zhitongcaijing.com/content/detail/194165.html

    回覆刪除
    回覆
    1. 兩個問題:

      1. 應收帳條數太大, 雖則主要客戶是電信公司, 但咁大條應收帳, 睇到都係唔鍾意;
      2. 留意下個幾月前中移動大降光纖電纜中標價的新聞, 俊知應該都是受到影響的。

      刪除
  39. 偉哥好眼光,今天明報
    海航賣殼曝光 黑石變相免費購建投 持近百億淨現金應收款 收購價70億
    https://m.mingpao.com/fin/daily2.php?node=1555010787448&issue=20190412

    回覆刪除

注意:只有此網誌的成員可以留言。