置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年4月24日 星期三

跟進香港國際建投 (00687) 的無條件要約


大約兩星期前,寫了一篇文章:跟進香港國際建投(00687) 的賣盤

當時寫到不論海航是否歸還30億款項予香港國際建投,黑石都已立於不敗之地,但小股東要面對海航無法還款予香港國際建投的風險,雖則這風險貌似不高。

但近日接連發生的一些事件,令我決定將持有的香港國際建投的80%持股,在下星期五要約到期前接受要約,原因有三:

1. 海航附屬公司CWT International (00521)因債務違約而停牌,更有部份業務已被接管,顯示海航似乎正面臨水深火熱的困境。雖然黑石仍有31億的款項未支付予海航,作為海航歸還30億款項予香港國際建投的抵押,但海航目前的處境,不知有沒有現金流可以先還款、再收回黑石的款項。最惡劣情況是海航連30億的周轉資金都沒有,沒法還款予香港國際建投,然後黑石可以不用歸還31億款項予海航,最後香港國際建投的小股東是最大受害者;

2. 香港國際建投的30億應收款當中,包括8億元的香港航空附屬公司發行的可換股債,但近日香港航空有股權糾紛,擔心這筆可換股債未必可以在短期內收回;

3. 大市轉弱, 套現的資金有機會找到更具值博率的選擇。

要約到期後,香港國際建投的股價將會自由浮動,估計香港國際建投短時間內會宣佈派發不少於39億元的特別息,股價短期或許有上升的動力,但有另外兩個潛在風險不得不防:

1. 如海航傳出更多的壞消息,香港國際建投的股價會受到影響,因關係到海航能否如期償還30億款項;

2. 如果黑石收到的要約股份,令其持股權高於85%,則因為市場流通量不足的關係,香港國際建投會暫時停牌,直至解決市場流通量的問題。

我自己會等待7月或8月公司公佈海航歸還多少應收款後,再決定是否重新買入,雖然到時股價可能已上升,但潛在風險會更低。又或者期間海航有不利消息傳出,令香港國際建投股價受壓,可能也具備撈底的值博率。

大家可能會覺得奇怪,前一段時間還是信心滿滿的,為何突然會改變主意,將8成持股接受要約?  做事件驅動,就是要因應隨時出現的消息或情況去作出評估,之前還沒有上述的第1及第2件事發生,所以評估香港國際建投可以收回海航的應收帳的機會很高;但近日接連出現第1及第2件事,要對海航沒有流動資金還款的風險重新評估,潛在風險比之前高了甚多,所以改變原定計劃,將8成持股接受要約,寧願賺少一筆,勝過面對已確定的更大不確定性及風險。

180 則留言:

  1. 因687的要約在下星期到期關係, 所以我今日先趕快寫這篇文, 分享我自己的打算及提示大家潛在的風險。

    海航最近一個多星期, 屢傳壞消息, 令我改變原先不接受要約的打算。

    回覆刪除
    回覆
    1. 偉哥,如果我之前已經回覆左證券行不接受要約, 而家仲可唔可以改?

      刪除
    2. 當然可以, 証券行一般是下星期二或三才提交, 所以你明天打去更改肯定冇問題。

      刪除
    3. 請問偉哥知吾知海通接受要約收費?我之前有問過,但吾知係吾係理解錯誤,每手好似收4蚊,咁100手已經400蚊,好費。

      刪除
    4. 傷感~我選擇一半受一半留

      刪除
    5. 手續費問題要問清楚你的券商, 每間收費都不同。

      刪除
    6. 做事件驅動, 最重要是清楚自己面對的風險及控制注碼, 咁就安心。

      刪除
    7. 要約海通收費貴到嚇死人, HKD20萬要收1500蚊手續費.即係迫你沽貨俾佢賺你佣金.
      IB 0手續費. 下次玩事件驅動只用IB.


      刪除
  2. 温馨提示:如果相信有五窮和丁蟹效應(29號開播,我也準備追看)的話,這兩天請早作準備。

    回覆刪除
    回覆
    1. 最開心應該係沈大師

      刪除
    2. 多謝提醒, 猶其呢浪升得太急,
      加上早幾日依馬打師兄 post 過有李生既公司上市,
      小心駛得萬年船.

      刪除
    3. 五窮和丁蟹效應? 咁咪負負得正?

      刪除
    4. 如果兩個黑幫講數交易都可以做褔廣大市民,那麽條數的確係咁計。😁

      刪除
  3. 想請教一下偉哥,687接受要約同我喺市場上直接以$3沽出有分別嗎? 請問個分別係咪就係接受要約所需要俾嘅費用同直接沽股票要俾嘅手續費嗎?。

    謝謝你!

    回覆刪除
    回覆
    1. 係, 手續費及收回款項所需時間不同, 但目前想要係市場以3元沽出要排隊, 未必沽到。

      刪除
    2. 正常同意要約會比沽貨成本便宜

      刪除
    3. 除了海航,應該無人急住要現價沽吧

      刪除
  4. 今日增持左幾萬股2718, 全部都係輝立沽俾我

    回覆刪除
  5. https://hk.finance.appledaily.com/finance/realtime/article/20190423/59520640

    ... 曾幾何時,海航在港連環買地買殼,以近300億鯨吞4幅啟德地皮,部分計劃作員工居住用途,股市方面,先有2016年中斥資逾30億入股泰昇集團(687,現稱香港國際建設),隨後連環出手,數個月內再先後買入KTL(442,現稱海福德)、嘉耀控股(1626,現稱為旅業國際)及龍傑智能卡(2086,現稱海航科技投資),一連串舉動令市場轟動,間接把殼價推至癲峰,可惜好景一去不復還。

    ... CWT賴債,旗下香港國際建設及旅業國際早前已先後蝕讓,看似還未到盡頭。話說回來,海航急著套現,海福德及海航科技投資會否是短時間內最高機會賣盤的兩間公司?

    回覆刪除
  6. 咁樣黑石咪賺好多?佢個成本可能就變成一半

    回覆刪除
  7. 这都不是事儿,债权转移很容易做的。 对海航子公司的债权转到海航集团,那么扣除的30多亿港元未结债直接抵消。

    回覆刪除
    回覆
    1. 現在只是擔心海航控股公司目前在香港有沒有30億流動資金可以調動, 如果有這筆資金的話, 521應該不會債務違約; 其次要留意有一個時間差, 例如海航在6月30日前還清款項, 黑石會在2個月後才將31億還給海航, 不知海航能否承受得起這時間差。

      最後是香港航空目前有股權爭議, 究竟現在是否歸海航控股也說不定。

      刪除
  8. 亨得利(03389)合计授出3000万股奖励股份
    智通财经APP讯,亨得利(03389)发布公告,于2019年4月24日,董事会议决根据公司于2015年3月25日采纳的股份奖励计划向七名选定参与人授出3000万股奖励股份。

    其中1000万股奖励股份将授予四名公司雇员(均为独立第三方);及2000万股奖励股份将授予三名执行董事,即张瑜平、黄永华及李树忠,均为公司关连人士。

    回覆刪除
    回覆
    1. 這是派紅股比自己人, 獲授股的人士一毫子都唔使比, 比認股權更加正。

      可惜唔需要獨立股東投票批准, 不然一定反對。

      刪除
  9. 分析方法值得學習 :

    金界控股 (3918) 急彈合理?柬甫寨賭場第三期開發會否拖累價值? [2019.4.15]

    https://www.facebook.com/followsthewind/posts/2265794997021887

    https://www.fool.hk/2019/04/15/%E9%87%91%E7%95%8C%E6%8E%A7%E8%82%A1%E6%80%A5%E5%BD%88%E5%90%88%E7%90%86%EF%BC%9F%E6%9F%AC%E7%94%AB%E5%AF%A8%E8%B3%AD%E5%A0%B4%E7%AC%AC%E4%B8%89%E6%9C%9F%E9%96%8B%E7%99%BC%E6%9C%83%E5%90%A6%E6%8B%96/

    回覆刪除
    回覆
    1. 其實留意左佢好耐,市場焦點落左第三期,似乎冇人留意佢個海參威項目 , 似乎大家都係照抄大行分析,或者係大行壓價既手法

      刪除
  10. HSI再次考驗橫行區底部29680,穿咗就50天線見;
    1836,再一次逆市破頂創新高,呢隻出咗業績先追入,現價都+25%。

    回覆刪除
  11. 相關股票 : 1978
    通告 :
    http://www3.hkexnews.hk/listedco/listconews/SEHK/2019/0424/LTN20190424274_C.pdf [<== 更正數字]
    http://www3.hkexnews.hk/listedco/listconews/SEHK/2019/0424/LTN20190424048_C.pdf

    明報近年解釋通告解得幾好 :

    陳裕光夫婦旗下ClubONE擬上市 購叙福樓3家中菜品牌 市值不得少於15億

    https://m.mingpao.com/pns/%E7%B6%93%E6%BF%9F/article/20190425/s00004/1556130331866/%E9%99%B3%E8%A3%95%E5%85%89%E5%A4%AB%E5%A9%A6%E6%97%97%E4%B8%8Bclubone%E6%93%AC%E4%B8%8A%E5%B8%82-%E8%B3%BC%E5%8F%99%E7%A6%8F%E6%A8%933%E5%AE%B6%E4%B8%AD%E8%8F%9C%E5%93%81%E7%89%8C-%E5%B8%82%E5%80%BC%E4%B8%8D%E5%BE%97%E5%B0%91%E6%96%BC15%E5%84%84

    叙福樓海嘯後轉型 亞洲菜品牌激增

    https://m.mingpao.com/pns/%E7%B6%93%E6%BF%9F/article/20190425/s00004/1556130333332/%E5%8F%99%E7%A6%8F%E6%A8%93%E6%B5%B7%E5%98%AF%E5%BE%8C%E8%BD%89%E5%9E%8B-%E4%BA%9E%E6%B4%B2%E8%8F%9C%E5%93%81%E7%89%8C%E6%BF%80%E5%A2%9E


    回覆刪除
  12. 唔好因為公司無中文名就學不少內地散戶仆去抽,呢間開始招股的 JBB Builders (1903) 公開認購 / 國際配售比例係 5:5,而非慣常 1:9,慎防有伏 :
    http://www3.hkexnews.hk/listedco/listconews/sehk/2019/0425/LTN20190425116_C.pdf

    又,有些公司 IPO 會發舊股,包括大家既愛股 1729。呢類新股 9x9 一上市就潛水,1729 也不例外:
    http://www3.hkexnews.hk/listedco/listconews/SEHK/2018/0130/LTN20180130006_C.pdf

    回覆刪除
    回覆
    1. 依馬打兄苦口婆心,潤你海難前車可鑒。

      刪除
  13. 大市欲跌還升,內房強勢! [大拇指]

    回覆刪除
  14. 今早沽清了834@0.72, 微蝕1格離場。

    距離獨家洽商期到期只餘下10天左右, 看股價完全唔似會成事, 所以先行沽貨離場。

    回覆刪除
    回覆
    1. 接近今日最高位沽..勁..一沽完即插.

      刪除
    2. 應該有排跌, 之前0.4X升上來的, 我都止蝕算

      刪除
    3. 一出post, 立即大量主動沽盤湧出直至0.65, :o

      刪除
  15. 指數微升, 但整體市況感覺好弱。

    回覆刪除
    回覆
    1. 其實近兩週都係,就算指數升得多果日,升既股都同跌既股數目差唔多(甚至好幾日,跌比升既更多)。

      刪除
    2. 唔通真係撐埋指數4月結算, 下月開始5窮6絕?

      刪除
    3. 還是對內房比較有信心, 例如28, 81, 216, 298, 754, 817, 1098和2868。

      刪除
  16. 就是恒指升.感覺細價股都氣勢薄弱,而家在新疆都上偉哥網好快。不知去耀材買賣可以嗎。

    回覆刪除
    回覆
    1. 連blogspot都上到, 去耀才買賣肯定可以啦。

      所以而家返國內, 買張漫遊數據卡就搞掂, 又平又好用。

      刪除
    2. 在鴨寮街買中移動10天。50元真是平。

      刪除
  17. 剛先冇留意, 今日橙是否又是熟悉的券商在過貨?

    回覆刪除
    回覆
    1. 9138 出左明牌 0.315 賣 @14:42

      刪除
    2. 今日應該是花旗接貨, 但可能同之前接貨的耀才也有關係, 因2018年初, 有2千多萬股的貨先由耀才轉去Non-ccass, 再由non-ccass轉返入去花旗。

      刪除
  18. 偉哥對於買車位又有咩睇法?

    回覆刪除
    回覆
    1. 我以前只是買過一次工廈車位, 後來賺1倍左右沽左, 主因是租金追唔上車位價格升幅, 租金回報率跌到低於我的工廈租金回報率, 所以沽出獲利。

      如果你是作為收租用途, 主要都是先研究目標車位的租賃需求及計算租金回報率去決定, 比唔到太多心得你, 或者可以google下, 網上應該有不少的分享。

      刪除
  19. 371有大量港股通買盤排晒係4.9元等, 但北水係過去一個半月都是沽貨為主, 莫非好事將近? 近日股價算是稍有起色。

    回覆刪除
    回覆
    1. 我應為因為光大水務上市,炒影子股

      刪除
    2. 同意明哥所說.如果我收到消息將近, 我會將1.1M貨錢直接買貨, 都只係拉到去大約4.96/4.97, 都唔係額外俾多好多錢, 而唔會在4.9等收貨.
      反而有點似炒光大水務影子.

      刪除
  20. 回覆
    1. 廢橙一升, 就好多主動沽盤

      刪除
    2. 今早幾宗比較大手的成交, 不知是否又是實德沽出來的。

      刪除
    3. 關avengers 4 事? 應該係一套頂三套

      刪除
    4. 呢套最少可以1頂5套、甚至10套

      刪除
    5. 睇左未呀偉哥? 好少睇咁長時間

      刪除
    6. 3D版一票難求, 我唔急。

      刪除
    7. 應該全球會破30億美元票房,我啲Fans朋友睇完首場好多都又買左飛再睇

      刪除
    8. 炒avengers 4就唔炒呢隻,我炒Imax China已兩轉了。

      刪除
  21. 唔知呢到有無人會認購 兌吧 1753 呢?

    回覆刪除
  22. 今期新股, 1753、 1857、1873偉哥有無心水了? 1903就太殼, 應該唔玩了

    回覆刪除
    回覆
    1. 兩隻大的應該會認購,但未決定注碼。

      刪除
    2. 請問偉哥,如果只夠錢抽手一隻,邊隻值博率最高?

      刪除
    3. 很抱歉, 無法提供建議。

      刪除
  23. 偉哥指兩隻大的是指光大及兌吧?
    想知為何不考慮抽維亞生物?

    回覆刪除
    回覆
    1. 哈哈, 頭先冇留心睇號碼, 光大是兩地上市, 不考慮了。

      刪除
    2. 偉哥應是指維亞和兌吧?光大水務是新加坡上市,桑德前車可鑑...

      刪除


  24. https://inews.hket.com/article/2334905/%E9%87%91%E7%AE%A1%E5%B1%80%E8%AD%89%E7%9B%A3%E7%AA%81%E8%81%AF%E6%89%8B%E6%8F%AD%E5%85%A7%E9%8A%80%E9%A2%A8%E9%9A%AA%20%E6%8B%86%E8%A7%A3%E4%BE%86%E9%BE%8D%E5%8E%BB%E8%84%88%EF%BC%88%E7%AC%AC%E4%BA%8C%E7%89%88%E6%9B%B4%E6%96%B0%E6%B0%91%E8%A1%8C%E5%9B%9E%E6%87%89%EF%BC%89?r=cpsdfb

    金管局證監突聯手揭內銀風險 拆解來龍去脈(第二版更新民行回應)

    回覆刪除
  25. 有無師兄抽1906
    希望賺到餐茶錢

    回覆刪除
  26. 終於到1034插(不過難搵位博,skip this round)

    回覆刪除
    回覆
    1. 插完仲有7億市值.....

      刪除
    2. 尋日收市價2.76計,跌90%要見0.275

      刪除
    3. 難得食飽飯見到,膽粗粗撈左少少賺到一千幾百...
      現價都已經跌左8成幾lu.....

      刪除
  27. 今日啲股紅到吐血。。。

    回覆刪除
  28. 回覆
    1. 本來賺緊果D變蝕, 蝕果D再蝕多兩錢重!!
      連平時唔郁果D都出黑天鵝跌到趴係度(834...)
      噢 MY GOD..

      刪除
  29. 跌市中再入一注2718 @2.80

    回覆刪除
    回覆
    1. 跌唔停,等下先入。

      刪除
    2. 垃圾到嘔, 早知頭先放左佢

      刪除
    3. 其實嗰D唔叫護盤, 佢係首先用3.06將可超額既全部配出去, 之後再用低於3.06既價買番, 佢係買唔晒, 買得晒佢就可以賺晒中間既差價

      刪除
    4. 尋日有八格唔游,換來今日倒插XX格,OH SHITTTT~~~

      刪除
    5. Terry兄,我都有2718。=)

      刪除
  30. 指數跌唔到100點, 股仔好似跌緊500點咁。

    回覆刪除
  31. 3700 今日收唔番1.93或以上 我就會止蝕, 現在大把好野買.

    回覆刪除
  32. 想/慣接飛刀既你請記一記:今日 1034 暫時 day low 於 13:46 出現。之前佳源 (2768) 及彩客化學 (1986) 其中一次 ( 1986 唔止被 "處斬" 一次 ) 被 "處斬" 當日 day low 都是集中於 13:15-14:00 呢段時間出現。 記低所有被 "處斬" 股 day low 出現的時間有助提高你接飛刀的準繩度。

    回覆刪除
    回覆
    1. https://hk.finance.appledaily.com/finance/daily/article/20181121/20551239

      2018.11.21

      "上周多隻細價股出現斷崖式暴跌,早上由北京燃氣藍天(6828)、中國海景(1106)領軍,其中中國海景一度暴跌90%以上。" <== 呢兩隻被斬當日 day low 都是於 13:15-14:00 呢段時間出現。

      刪除
    2. 以我咁多年接刀經驗,day low時間係幾多點唔係最critical,有啲係上午,有啲係下午,當然如果斬倉股,的確係出現係下午次數較多,但day low亦唔一定係集中13:15-14:00呢個時間,而且你舉例的2768,全日低位係接近3點左右先出現

      刪除
    3. 依馬打, 我留意一下, 睇串流賭下, 上午我通常都唔玩, 怕下什停, 唔過夜

      刪除
    4. Ho Cheung Chan, 我覺得時間上差唔多, 太遲太多貨會斬唔切, 要沽下停下

      刪除
  33. 回覆
    1. 我唔係大神,純分享:
      大股東71.44% (2019/4/16)
      基金倉5.01% (2019/3/31)

      今年仲未開始回購;2018派少咗息;之前有日本紙廠/惠理股東,現已沽清。包裝紙中國增長有限,東南亞還可以,業務比玖紙多咗一門厠紙,厠紙開始有具體貢獻。平均紙價最高。大股東用公司錢買自己隻遊艇比公司用;大股東啱啱買咗15億豪宅;我有加有減,長期等私有化。

      玖紙比佢高息,同期波幅大過理文,北水愛佢多過理文。玖紙現價算可以。

      理文玖紙都有同樣行業問題。內廢/外廢配額/環保/內需/外需/貿易戰/滙價/債率等

      刪除
    2. 收到👍🏿多謝您的分析

      刪除
  34. 是福不是禍,是禍擋不過!預定會向下估不到來勢這樣凶😅😅

    回覆刪除
    回覆
    1. 同路,今早清填D除淨既股現金比率有點過高.

      刪除
  35. 剛才均價0.84補回1729日前高位0.99沽出的一半貨先, 即是持有原本倉位的20%。

    估唔到會沽到0.8元, 買貴左好多。

    回覆刪除
  36. 斬 1034 的疑兇:

    https://webb-site.com/ccass/chistory.asp?issue=27129&part=1208
    https://webb-site.com/ccass/chistory.asp?issue=27129&part=98

    近日重要通告:

    2019.3.29 出上市後首份及全年業績,殼味濃建築股,當然預左第一份業績就明顯倒退:
    http://www3.hkexnews.hk/listedco/listconews/SEHK/2019/0329/LTN201903291387_C.pdf

    2019.4.1 換財務總監。過往有 d 案例,如 834,係公司賣盤前一至兩星期會先出通告話換財務總監,但呢間過埋四月至夠上市半年,照計無咁快賣盤住

    http://www3.hkexnews.hk/listedco/listconews/SEHK/2019/0401/LTN201904011246_C.pdf

    回覆刪除
    回覆
    1. 仲有係因為之前炒得太高

      刪除
    2. 股價47.5港仙, 現在pb多少倍?

      刪除
    3. 長期來講, 會穿上市價32仙!?

      刪除
    4. 約 4.3x P/B, 20x historical P/E [以剛公佈業績扣左上市開支計]

      刪除
    5. 經濟通: 1034每股帳面資產淨值11.1仙, 長期來講, 會跌穿1倍PB!?

      刪除
    6. 食得鹹魚抵得渴, 炒得呢啲股就預咗啦

      刪除
    7. 漏左最重要個份通告:2019.3.15 比証監篤佢股權高度集中

      http://www3.hkexnews.hk/listedco/listconews/SEHK/2019/0315/LTN201903151509_C.pdf

      刪除
  37. 睇濤哥的 IPO 貨源分佈表,申萬宏源 (6806) 反而係近排貨源最集中的一隻 :

    https://xueqiu.com/2252267374/125552973

    唔怪得個市有點妖邪,原來坊間著名妖股操盤手於 2019.4.16 靜雞雞入紙申請上市,公司兩大執董 - 蔡朝暉、謝添,有時間 google 一下,認識佢兩位 : http://www.hkexnews.hk/app/SEHK/2019/2019041502/Documents/SEHK201904160042_c.pdf

    回覆刪除
  38. 15年華泰上市後股災,今年申萬...

    回覆刪除
  39. 2.99沽了半687等機會

    回覆刪除
    回覆
    1. 打算沽埋另一半687,依家大把平貨,2.99都算好價

      刪除
  40. 上年三月組合揸住40%盈利當市跌市時唔信守唔到,之後輸哂盈利仲嘔突。今年揸住30%盈利且戰且走都是敵不過引誘,這幾天組合已經無咗5%😂😂

    回覆刪除
    回覆
    1. 我已經增加現金比率到40%,但這幾天組合都要唔見3%(今天1%),有點無奈..

      刪除
  41. 組合單日跌1%多,應是今月最傷的一天。

    回覆刪除
    回覆
    1. 一日蒸發左成月既升幅....

      刪除
    2. 今日D股咁跌都係跌1.X %... 勁!

      刪除
    3. 哈哈, 第2、4大持股升, 第3大不跌, 再加上735、687、1265等一堆股不動如山, 而且還有超過18%的現金, 所以整體計今日個倉只跌1.5%, 但已是最近個幾月最重傷的一天。

      刪除
    4. 偉哥第四大持股系邊隻吖邊個知

      刪除
    5. 今日我個倉得4隻股升, 應該好容易估到先係, 第四大持股又唔會無聲無息突然爆出來的, 都係一些舊時的持股。

      刪除
    6. 哈哈係吖 1132唔系第二就第四 仲有一隻竟然諗唔到 今日個腦死左 orz

      刪除
    7. 1161第4,98第3,1132第2,2136第1,錯請指正

      刪除
    8. 4隻升應該係1132,1161,1265同685

      刪除
    9. 全中, 厲害。
      1729大減持, 已不在10大之列; 2339及1161之前都減過倉, 但1161股價近日爬返上來, 重上第4位。

      刪除
  42. 今日咩事,好多手持股份跌5%或以上

    2718,334,2182 重災

    我成個組合跌3%

    回覆刪除
    回覆
    1. 要有心理準備坐貨了。

      刪除
    2. 個倉跌左接近4%🤦🏻‍♂️🤦🏻‍♂️恐怖

      刪除
  43. 趁今日大跌換下馬,希望明天會更好....

    回覆刪除
  44. 295重牛差不多死絕,比預期時間遲,今日氣氛好差,反而係擇股而入嘅時機。

    回覆刪除
  45. 回覆
    1. 咁快熊一....前排先見有人分析依家創新高股份比例甚高....應該是牛市....😂😂

      刪除
    2. 我上年已經同大家分析講過上年12月是熊3,今年1月是牛1,2月是牛2,3月是牛3,4月是熊1。。。睇相佬昆你10年8年,所謂行家一出手便合有沒有

      刪除
    3. 昨晚我見香港集結咁多英雄就知滅霸將會帶來股市大震動,我唔講係唔想泄露天機!

      刪除
    4. 大口2019年4月25日 下午4:17
      4月是熊1

      ... 咁你d淡倉都賺唔少呀 ...

      刪除
    5. 睇中跌市沒買是我一向做人宗旨,跌市多人受苦我怎忍加多一腳。

      刪除
  46. 偉哥,請問1982現價抵買嗎?我見這隻股票低PE,NAV也有折樣,而且現價股息率也有成5%,而最近他的大客Uniqlo首季業績也有增長

    回覆刪除
    回覆
    1. 就咁睇表面數據, 估值係唔貴, 但呢隻野我記得2017年底的那宗關連交易, 應該是有問題的。

      我近來都冇再睇呢間公司, 唔係太清楚目前情況。

      刪除
  47. 早幾日見有位大佬話無保母要沽清2718,我仲係心底笑9佢,今日自食惡果,完

    回覆刪除
    回覆
    1. Tea Egg 2019年4月23日 上午10:37
      2718風險增加了, 短炒這隻的我就止賺算了, 謝謝偉哥介紹.
      放了2718@3.01, 繼續加注610@5.34.

      另外偉哥我有20000股735, 但我不打算EMAIL給你了.
      但如果有需要可加我作記錄.

      回覆

      你係咪笑7+3-1我? :P

      刪除
    2. 你應該多謝我笑你,否則你又點可以逃過呢次浩劫!

      刪除
    3. $3 無走,後悔莫及, 應該有排坐...

      刪除
  48. 個倉得一隻廢橙, 兩隻垃圾, 今日兩升, 一收平

    回覆刪除
  49. 偉哥點睇1203第一季業績,原來1203擁有香港活豬供應50%佔有。豬價升,下半年可繼續睇好?

    回覆刪除
    回覆
    1. 這一向是其賣點之一, 看看第二季業績能否維持。

      2018的業績當中, 盈利主要來自物業重估收益, 核心盈利好弱, 但今年第一季的盈利就好真實, 冇晒重估收益。

      刪除
  50. 偉哥外母好似有入卷商? 好有先見之明啊。

    https://finance.sina.cn/2019-04-25/detail-ihvhiqax4878160.d.html?sinawapsharesource=newsapp

    回覆刪除
  51. 偉哥面對逆市時會用什麼心態來面對? 有時都想聽聽各位的心態。

    回覆刪除
    回覆
    1. 其實偉哥本身注碼控制嚴守規律
      所以面對逆巿也是手中有股心中無股吧
      加上手持目前大量現金,耐心等待大減價撈底機會便行了

      刪除
    2. 面對逆市時會用什麼心態來面對? 努力工作, 搵多D錢買低位股, 注碼控制風險, 唔會清倉, 唔會滿倉, 盡量做到升有份, 大跌有錢撈貨

      刪除
    3. 面對逆境, 更要保持平常心, 不要自亂陣腳, 努力尋找或等待機會。

      其實好多都是老生常談, 最後還是要看你有沒有足夠的經驗, 正如如果2008年是狂風暴雨的話, 那麼2018年只算是微風細雨而已;可以在狂風暴雨中生存下來, 怎會將微風細雨放在心上?

      刪除
    4. 跌到麻目咪會無感覺

      刪除

注意:只有此網誌的成員可以留言。