置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年8月31日 星期五

成也蕭何,敗也蕭何



今日的下跌,應該將過去兩星期、接近1600點的反彈,劃上句號。

反彈期間,北水持續沽貨套現,大戶也大手沽空。

8月北水走資創新高 恒指3連升斷纜
【明報專訊】北水8月走資近280億元為歷年最高,其中騰訊(0700)更佔逾半。港股今日月結,昨日期指結算日,恒指高開低走,終止3連升並再下試28,100點水平,累計全月暫跌1.5%,至於A股更跑輸全亞洲。北水連續3日撤退,暫全月淨沽額達277.9億元,打破6月紀錄,創港股通開通以來最大走資月;淡友亦趁機會猛攻,本月沽空率達13.9%,為27個月來最高。
恒指全月跌418點或1.5%
恒指昨收市跌0.9%或252點,報28,164點,全月表現先低後回穩,跌幅由最多大瀉1711點或6%,收窄至418點或1.5%;國企指數昨收報10,967點,跌115點或1%,全月跌57點或0.5%。大市昨成交額再收縮至786億元,全月日均成交錄933億元,稍高於7月。A股滬綜指昨跌1.2%,至2737點,全月瀉4.8%,深成指全月跌6.8%,為亞洲區中最傷,環球計亦僅次於阿根廷及意大利之後列「尾三」

北水破紀錄的走資,再加上本月沽空率高達13.9%,或許都意味著大戶的先知先覺,並且部署“大茶飯”,未來兩三個月股市難言樂觀。

仍維持我最近兩個月的看法,少做少錯,持有多些現金等機會,不要在機會到來時才發現自己囊空如洗。再退一步來說,即使股市維持平穩,不再大跌,我們也不會錯過什麼大的機會,目前市況短期難言轉勢。

P.S. 或許最近持股跌得多,想法也比之前更悲觀及偏頗,不夠客觀。

249 則留言:

  1. 北水對於港股, 正是成也蕭何, 敗也蕭何。

    市況好時, 可以助力炒到很高; 市況差時, 就會踩多一脚,加速下跌。

    回覆刪除
    回覆
    1. 都好,跌得急一點感覺比起慢慢陰跌來得舒服

      刪除
    2. 北水力量講得好聽就如一窩蜂,講得衰就......不過如果捉到路都有甜頭😜

      刪除
    3. 美股未還未跌,如果調整,港股跌得更傷,熊市路漫漫,現在散戶購買力還是不錯,到呢到變得冷清,就是入市時機

      刪除
    4. 穩陣起見,我都剛將屋企人的ORSO(主要美,歐股)都轉為保守基金,寧賺少D.
      @27800再Put.

      刪除
    5. 股唔好跌...樓唔該跌下

      刪除
  2. 偉哥會咪補回819?
    利申:頭先9.61入左一小注等業績

    回覆刪除
    回覆
    1. 不考慮了, 今年上半年的業績都是驚多於喜.....即使好業績, 也未必升。

      刪除
  3. 如果真係因為加息、貿易戰入熊市,咁今次真係無乜黑天鵝。

    回覆刪除
    回覆
    1. 加息、貿易戰、經濟轉差、樓市泡沫爆破風險等, 不得不防。

      最怕的是股、樓齊趺, 財富效應消失, 消費疲弱, 再加上外國的圍堵,中國如何應對?

      刪除
    2. 一個已知的、可能的劇本。
      但大市一直唔見恐慌性拋售。可能大家覺得呢個劇本出現嘅機率仲係低。

      刪除
    3. 減稅,國企私有化,問題係敢不敢做。

      完全看不出現在任何一個官員有當年朱鎔基的氣魄。

      刪除
    4. 主要是太多的利益團體, 如果主事的官員沒有一把尚方寶劍, 根本無法推動可能觸犯各利益集團的政策。

      理論上經濟屬於李克強管的, 但習近平太強勢, 佢完全被架空左, 成為閒置的第二把手。

      刪除
    5. 唯一合理的盤算,至少拖到美國經濟放緩,才考慮真正的經濟改革

      既得利益者的反彈也會較少,只怕內地等不等到這個時機

      刪除
    6. 港府可能為保滙率而放棄樓市,現在爆都是好時機起碼都可以賴特朗普。

      刪除
  4. 8525 清哂,一星期執左40% ,希望隻橙都生生性性,快D有個似樣ga反彈

    回覆刪除
    回覆
    1. 又手痕入左D 8513,btw, 偉哥對1968 有無興趣? 印象中依隻野上市個陣話派息比率大概45%,即係每年有5.5 - 7% 息

      刪除
    2. 大前提是業績冇走樣。上市圍飛炒到天咁高, 而家似是莊家散貨。

      上年純利約1億元, 即係今年當冇增持, 派息4500萬元, 目前股息率8%的話, 市值要跌到5.6億, 對應PE 5.6倍。

      5.6倍PE貌似好平, 但與業務類似的2683比, 還是稍貴。2683目前PE只是稍高於4倍, 所以1968可能要跌到5億市值以下先開始有吸引力。

      刪除
    3. 謝偉哥的解釋,其實之前有同事係3 個幾問過我入唔入得,好彩叫佢睇定D唔好入,如果唔係又死多件

      刪除
  5. 偉哥
    樂觀啲諗
    你已經不止一次令你組合喺熊市倍翻
    今次事件加速咗你增加現金嘅比例
    未必係壞事
    支持你

    回覆刪除
    回覆
    1. 打算繼續增加現金比重.....每次的熊市或股災, 都是一個財富轉移的機會。

      中小型股的流動性最近已越來越差, 如果大市再跌, 會更差, 到時可能有很多執平貨的機會。

      耐心等候機會。

      刪除
    2. 1132如跌穿0.25,流動性會大減
      江陰最壞情況以write off計算,PB其實不低

      刪除
    3. 可以沽出慘慘增加現金比例,HAHA

      刪除
    4. 高現金比例等待中
      間中短炒過下癮,至少會保持70%現金比例

      (本金唔多,暫時仲係習慣十上十落既玩法)

      刪除
    5. 一般推理, 每平方英尺630港元的江陰項目很難完全註銷。
      相反,合理的信念, 十年後至少應增加到市值每平方英尺1000港元。

      刪除
  6. 偉哥是否靜觀其變1132 睇下否唔否決到?

    回覆刪除
    回覆
    1. 想等下會否反彈高些才考慮減持。

      刪除
    2. 姐係偉哥你都唔太睇好前景?
      希望上得返0.4x啦

      刪除
    3. 大家自行考慮是否減持吧。因這兩天股價大跌, 1132佔我組合比重已自動跌到8%, 這個比重我自己還可以捱到。

      刪除
    4. 稟賦效應(Endowment Effect)
      傳統經濟理論認為人們為獲得某商品願意付出的價格和失去已經擁有的同樣的商品所要求的補償沒區別,即自己作為買者或賣者的身份不會影響自己對商品的價值評估,但稟賦效應理論否認了這一觀點。是指擁有一件東西會讓你高估它的價值。在人們擁有一件東西之後,人們會傾向於認為,自己擁有的事物比別人擁有的同樣的事物更有價值。稟賦效應是指當個人一旦擁有某項物品,那麼他對該物品價值的評價要比未擁有之前大大增加。它是由Thaler(1980)提出的。這一現象可以用行為金融學中的“損失厭惡”理論來解釋,該理論認為一定量的損失給人們帶來的效用降低要多過相同的收益給人們帶來的效用增加。因此人們在決策過程中對利害的權衡是不均衡的,對“避害”的考慮遠大於對“趨利”的考慮。出於對損失的畏懼,人們在出賣商品時往往索要過高的價格。

      刪除
  7. 偉哥會唔會再沽期對沖下?

    回覆刪除
    回覆
    1. 中小型股為主的組合, 很難用期指對沖。

      刪除
    2. 依家中小形股反彈唔升,跌就跌突😪

      刪除
    3. 內房股相當全面拒絕下跌,甚至反彈bor!

      刪除
  8. 回覆
    1. 呢隻我琴日17.68都入左 tk兄有無諗住幾錢走?

      刪除
    2. 昨天炒到飛起,呢隻本身有貨,昨天AO加注,@18.5-19沽凊。

      刪除
    3. 西利 tk兄 19蚊頂位沽 我本身都有貨 琴日18.x沽左d 手多17.68又買返d 成日忍唔到手搞到輸錢

      刪除
  9. 第一重倉的利福綠色,有點安慰

    回覆刪除
  10. 3399 邊個師兄大手掃入15萬股?

    回覆刪除
  11. Sold 270k 3688 @2.42
    唔等了,增持現金。

    猜不到今天暫時超過一半的成交是我的。

    回覆刪除
    回覆
    1. 而且你沽了後, 再有大買盤掛上幾格, 買盤之多是近期罕見, 奇怪。

      刪除
    2. 那270k 是分三次吃掉的。
      十點前 4500 20000
      然後10:50 245500

      刪除
    3. 誰引我出貨? 我上週已經在考慮賣出部分的了。

      現在還有300k.

      出了之後,今天增持這裡很少人買的:內房股。

      刪除
    4. Wallace 兄
      請問邊間行食你手貨, 謝謝

      刪除
    5. 小魚兄,

      這個我不知道喔。

      刪除
  12. 波叔真係好狠。。。似乎係想迫偉哥沽貨

    回覆刪除
    回覆
    1. 一直都覺係有心人故意要搞偉哥

      刪除
    2. 記得否上星期三四的"見好就收"等等嚇人字眼?不過每隔一排就有d刻意唱反調的打手出來留言.

      刪除
    3. 偉哥在明佢在暗,買賣咁公開,又要號召投反對票。。。真係有啲擔心

      刪除
    4. 會唔會秘密會議賺得仲多

      刪除
    5. 佢唔使壓價, 只要出招破壞市場對佢的觀感, 然後由得散戶自相踐踏, 到最後才施施然入場增持, 要幾多有幾多。

      明知道佢可以咁玩, 但你冇辦法應對。

      注入江陰橙天地, 可能比佢賺1、2億元落袋, 但市值就唔見左4億, 不過如果佢唔care股價短線升跌, 真係冇佢符。

      刪除
  13. 熊2咁快彈完?我本來我樂觀估計可到290,286就行人止步?!

    回覆刪除
  14. 際此市況,買1-2年到期投資級別債券、買大隻相對派高息的blue chips如5號仔,做covered call options收債息、股息和期權金以保持現金流,並同時持有現金,cash is KING,分散投資,方為上策!哈哈哈:-), :-)

    回覆刪除
  15. 很少留言, 今早1132@0.28放(排0.275, 比0.28我) , 成本價0.32, 持貨幾年, 經歷影子票房最記得, 計計埋埋, 止賺離場. 呢單野擺明唔夠錢, 我就不同路了. 近排留意北控水務371, 業績後RSI明顯, 睇埋呢一輪跌返幾多會考慮搵位入一季. 至於偉哥, 永遠在心中^^ 也回你一句, 你有張良計,波叔有過牆梯!

    回覆刪除
  16. TKCHAN , 上次市場話以為上到50天線, 結果差500點, 今次又來個「巧合」而已

    回覆刪除
  17. 鐵塔凌雲 真係看不見歡欣人面, 好彩之前蝕2格走了

    回覆刪除
    回覆
    1. 我之前都係蝕一兩格走,大跌市算保本。
      今日見1.17入了10k 玩玩
      早上7元入了1172, 8.2 早走了

      刪除
    2. 鐵塔好似拉隻牛上樹咁

      刪除
    3. 阿sam這歌是寫在日本飛回香港的飛機上.

      刪除
    4. 日本飛去香港又畀佢諗到自由神像在遠方迷路...(抓頭)

      刪除
  18. 有沒有網友知道剛才是那間券商在在10:47:30 這時間掃2136?

    回覆刪除
    回覆
    1. 請教下,用咩途徑可以睇到係邊間行入?

      10:48分,我見佢掃上後,成左唔少X盤

      刪除
    2. 只是剛巧成了見到對家

      刪除
    3. 無睇到, 早上己覺得佢食一口食左幾格, 可能食埋巴克萊的貨. 這時最怕攔路虎

      刪除
    4. 呢兩日股價一低於3.6元, 法巴的沽盤就收起, 都幾明顯。

      刪除
    5. 偉哥BNP的貨會不會某部份是FMR的?另外呢幾日觀察到的是大和,金同JP吸。

      刪除
    6. correction should be Morgan stan no JP

      刪除
    7. 不會, FMR的貨一向存倉於HSBC, 法巴的貨只要追踪下CCASS變化, 就知道貨源。

      刪除
    8. BNP堆貨唔係上次卡塔爾散出黎果堆咩...?
      宜家睇牌面,劉生先真係隨時做野都得...

      刪除
    9. 今早很忙市都無時間睇.

      刪除
  19. 增持現金 退潮後先再睇邊隻股票價低質優
    特別對年青人黎講
    難得既洗牌機會

    回覆刪除
  20. 10:47:30 用富途沽@$3.6,見到對手經紀為8303。
    希望幫到手。

    回覆刪除
    回覆
    1. 偉哥有没有甚麼啟示?

      刪除
    2. 沒有, 只是見佢咁掃貨法, 有別於外資行格格排細注買賣, 想知係邊間行買而已。

      刪除
    3. 我都係8303食左我手貨

      刪除
  21. 今日個市算強, 如果剔除700貢獻的120點跌幅, 其實冇乜跌, 不知是否因A股回升帶動。

    不過近日大市升跌都好, 成交縮左, 唔知係唔係好多人都係渣住現金觀望為主。

    回覆刪除
    回覆
    1. 會唔會人人預知下周2000億壓境,加上明後兩日無市,再加上小朋友開學,無心戀戰沽定貨貨。。。

      刪除
    2. 題外話,個市差成這,為何仍狂出不利政策先傷內房再傷科網,費解。。。

      刪除
    3. 感覺是自己先拆彈, 慢慢將泡沫去減D。

      刪除
    4. 內房和科網去年升幅多少,現價一計仍是非常昂貴

      就算沒有政策出台,理論上也要調整,世上沒有長至天空的大樹

      刪除
    5. 真的用心良苦,挑了一個好時間

      刪除
  22. 遲了支持偉哥,只想說一些個人感受

    從2010年看偉哥的投資手札,到他重出江湖,係偉哥身上學到很多

    不少網友都是來找number,食盡一分一毫利潤

    但我一直認為投資最難的事是如何長期正回報,這一點偉哥的風險控制很好,就算重倉股出事也不會致命

    想想11年,15年幾多人永不翻身就明白,不然總有一天會出事

    回覆刪除
    回覆
    1. 只要貫徹分散投資的理念, 已很難出大事,這是我當年用錢買返來的教訓。
      我咁多年一再強調這理念,但好似好多網友仍是喜歡一注獨贏或者集中持股的方法。集中持股當然是有利於爭取較高回報, 但相對風險也會較高。

      刪除
    2. 分散風險真係好重要, 可惜貪心既我總係會將D雞蛋搬黎搬去, 最後又係搬到去某幾個籃入面
      外人好難明白, 渣住隻細價, 成個星期加埋既成交都唔夠我清貨, 所以焗住一路長渣係幾咁無助

      刪除
    3. 從來輸錢而怪人的, 根本無學過野, 抵佢輸

      刪除
  23. 希望波叔睇到, 橙升返0.4, 我全部俾返

    回覆刪除
  24. 電影「牛市玩完」散場了,觀眾們四散游離,早前全院滿座時,牛聲鼎沸歡騰牛牛、載歌又載舞好不熱鬧,好境不常有花也不常開。散了場,人走茶涼冷冷清清,要觀眾再次擁擠迫入場,除非電影「牛市再現」再來公演,否則!人們路過也回頭不望,場內頓變成一潭死水,戰死的永遠離開股海,永不言敗的也要把重傷療養好,儲蓄好銀彈,才可再來入場博殺。歷史又是一次又一次重覆着劇情放映。

    回覆刪除
    回覆
    1. 散了場,是美好的時光再次積累貨物長坐!

      刪除
  25. 859餓到,擺少少貨出即刻好似金魚一淡呑左即刻游左上去走埋

    回覆刪除
  26. 低位{以為}接手的3399捱價,1132都差不多無利可圖,收手

    回覆刪除
    回覆
    1. 1132近期應該都唔會有消息,之後要面臨流動性的問題

      刪除
  27. 偉哥對1161現在睇法如何?

    回覆刪除
    回覆
    1. 看法不變。近期的潛在催化劑是行業龍頭Ingrid Millet可能最快9月底上市, 而且聽聞上市估值會好高, 希望可以提升這板塊的估值。

      刪除
  28. @1.12入2339,等北美注入業務...

    回覆刪除
    回覆
    1. 坐到屎忽都痛,佢每次接近1.1我都有入貨
      幾次炒上去都以為有料到點知轉頭又打回原形

      刪除
    2. 師兄,炒下波幅都唔錯。。。

      刪除
  29. 容小弟呻下:
    家中老人家把一筆金錢交託給我並叫我找些俱回報潛力的股作投資,
    慶幸搵到偉哥個BLOG而令我有進步。
    年初時見1132於趺市時防守性高而決定擺多會等好事近/派息,鉅料一日之間下挫到我發呆了....
    0.62持貨中... 天啊 1149也是,工作無暇理會而坐貨,多一個心臟都唔掂
    我恨自己不成鋼,都臨近而立之年,在投資 / 工作上都仍然一面灰...

    呻完了

    回覆刪除
    回覆
    1. 師兄,加油!我15年大牛市入場,一入就大股災,年年輸錢。今年諗住跟偉哥搵食,點知跟左果D搞到帳面輸返轉頭。拿我唔係話偉哥,而係個市實在不利細價股,無計。唯有繼續跟偉哥學下野,遲早可以翻身。1132,唔理否唔否決到、升唔升得返都好,現價止蝕好無謂。如果閒錢既(你唔講俾老人家知咪得囉),擺係度等機會!

      刪除
    2. 我明果種心情, 我都30歲無耐

      刪除
    3. 如果是老人家的錢, 其實更加需要分散投資, 建立一個組合, 而不是1、2隻股票的集中持股, 不論是藍籌或中小型股都一樣。藍籌股如果買入時機差或者選股錯誤, 一樣可以跌到PK, 例如我長期睇淡的前藍籌股494, 又或者前兩個月高位追入2382, 跌起上來一樣可以好似中小型股咁。

      又有很多網友喜歡高息股, 覺得高息股就是安全的象徵,某程度上是, 但也並不代表可以一注獨贏買入, 典型例子是往日的高息股393, 先供股, 再股價大跌;又或者近幾日大派高息的100, 可以因為資金被挪用而停牌多時。

      刪除
    4. 師兄,加油

      https://youtu.be/BHeJdwCUAOE

      刪除
    5. 都係波叔個人死性不改, 昨日大跌,根本就係佢自編自導自演,一來收貨,二來必要時係方便公司cap水

      刪除
    6. 細路,聽下呀Lam隻莫再悲,我最近每晚唔聽訓唔著

      刪除
    7. 老人家的錢我就唔夠薑幫手投資...

      刪除
    8. 我快到不惑之年,
      今年股票投資確是慘痛
      好有挫敗感

      刪除
    9. 老人家的錢應該防守隱陣為上,唔應該買細價或週期股,市場不乏好選擇,如2638 6823,買完訓得著。

      刪除
    10. 細心d諗吾關細價股事,大藍籌,大市值咪一樣死,只不過你冇持有吾多覺眼留意,根本市差氣氛差個個沽貨,点可以吾跌姐, 差在先後次序.
      套落樓市到會易明D, 大升市時劏戶垃圾樓都賣5,6佰萬, 到大跌市時話之你住山頂豪宅, 都要跌架, 吾好妄想你可揀到一層樓係可以吾跟市場跌.
      其實你跟邊個叻人又好, 那個財演都好, 當跌市時始終有股票係手都會跌. 多與少, 快定慢嘅分別. 唯一吾跌嘅就係吉倉冇股票.

      刪除
    11. 樓同股
      要分析有好多野講

      先講股
      老人家買股,我覺得買收息股便好了
      如66, 3 , 2638

      刪除
    12. 輸得多,我都會同自己講,當交學費,然後重新審視自己的投資方式,學習增值番自己。

      熊市經驗真係好重要,年輕嘅話,蝕唔緊要,最緊要學到嘢。

      刪除
    13. 樂觀D諗, 又可以底位溝貨.

      刪除
    14. 唉,唯有坐下,你用老人家買煤氣好過拉,跟偉哥既股大起大落要有好心理準備

      刪除
    15. csysimon兄,老人家買股我覺得買2800便好了.哈哈!
      唉,眼見網友而家跌到27xxx点就已經咁難捱呻辛苦,如果真係跌到20,000点時都吾知点算!自求多福

      刪除
    16. 老人家的錢不能輸,買2,2638最穩,有保證回報,downside risk最低
      何必同OT莊家對賭?就算計好牌、數曬籌,莊家一樣可以通殺。
      甚至光明正大偷錢、做假(1149,1225...),Webb一樣要輸。

      刪除
    17. 在2016年伯克希爾股東大會上,股神巴菲特即席回答了一個與基金巨頭紅杉及紅杉大額投資於瓦倫特醫藥(Valeant)的問題。巴菲特表示,如果管理層不正直,他們的聰明和勤奮就是禍害。他的老搭檔芒格更是明確指出,瓦倫特這樣的公司就是臭水溝和下水道。巴菲特指出,瓦倫特存在的問題凸顯了他一位朋友下面一句話的無比正確,「如果你要找一家公司的經理人,要找聰明、奮進而且正直的,如果他不具備最後一點,那麼你必須確保他也不具備前兩點。」

      刪除
    18. 可能是偏見,我會買900(我的最重倉收息股),一直持有到息率跌到5厘or熊3,才換馬。

      刪除
  30. 393回購了3天,今日至今無成交。

    回覆刪除
  31. 2136呢兩日停左回購。
    想問佢仲要回購幾多先到25%臨界點?

    回覆刪除
    回覆
    1. 之前已經有講過,追返會睇到
      現在大股東佔74.91%,計一下就知差幾多

      刪除
    2. IP兄, 仲要補充多一句,就算足75%,都吾一定有事發生,偉哥網友已提醒過多次.
      總之有2手心理準備,吾好到時又覺得好愕然.

      刪除
    3. 足75%,大股東可以選擇係某期限前回復公眾持股量,但係機會比較少。
      當然如果劉先生真係打算私有化,我諗佢宜家已經可以隨時突擊。

      刪除
    4. 我地以825上年6月私有化要約既公告:

      於最後交易日,有1,686,145,000股已發行新世界百貨中國股份,其中1,218,900,000股
      新世界百貨中國股份(佔已發行的新世界百貨中國股份總數約72.29%)由要約人持有。
      要約之價值約為934.5百萬港元。

      其實可以見到當時明面鄭家都係得72.29%, 無話75%先比私有化既規則。 點解要增持到上限純粹係因為可以以市價(一般較低)黎增加持股。

      刪除
  32. 这市况还是内银股安全...

    回覆刪除
    回覆
    1. 如果大市要向下跌, 最終必定是向內銀埋手。

      刪除
  33. 仍揸住3399,1132,1749的真係一慤眼淚 !

    回覆刪除
    回覆
    1. 又一个抽水人,好无聊

      刪除
    2. 仍揸住700,2382,2628的(隨意舉例因太多)咪又係一慤眼淚!
      最重要係面對問題,而決定之後的做法.
      世界冇一個完美嘅方法,只有適合自己嘅方法.

      刪除
    3. 問題係點解仍要揸住?明知短期冇前途,3399 1749都有好位可止蝕,唔捨得就唯有繼續一殼眼淚。

      刪除
    4. 因為吾捨得,吾接受現實,人性而已.
      斷,捨,離

      刪除
    5. 從企業角度分析1749出左盤數後應該要沽,盤數唔靚仔 下半年大機會要writeoff d inventory

      刪除
    6. 1749盤數唔差呀,從何覺得會write off inventory呢?

      刪除
  34. 2136似想壓落去, 唔通想趁下星期一開?

    回覆刪除
    回覆
    1. 希望啦 我自己估就壓到$3.3-3.5然後出招

      刪除
    2. KW兄點解覺得要壓落去先出招?

      刪除
    3. 1)做靚個溢價令到小股東下意識會比較易接受,
      例如如果已經PLAN左5蚊,公告前係$4(溢價25%),公告前係$3.5(溢價43%)
      2)估計大股東私有化既原因係市場唔識貨令到佢隻股票低估得好犀利,要令依個美麗既理由合理化就係做齊回購同增持,個股價都唔見起色

      當然以上論點都係針對大股東有私有化計劃,可能大股東想同我地分享成果(機會大唔大就自己諗)

      刪除
    4. 我估難D壓番落3.3..現價已經差唔多了

      刪除
    5. 自己覺得無話難唔難壓落去,因為本身有75%係大股東持有,暗地裏又有唔知友好持有幾多貨,都幾乾下。如果真係私有化,宜家只係睇下大股東既品格(希望豪爽啲,快刀斬亂麻,唔好好似某四大地產家族咁孤寒)。

      刪除
    6. 太多人期望私有化,如果短時間無行動又係另外一個憂慮。 2136有停業既商場,快將完工既上海項目,如果為左獨佔利潤,應該今年內係最好時間行動。希望係啦...

      刪除
  35. 1132很弱,
    彈都唔彈,
    再跌機會很大.

    回覆刪除
    回覆
    1. 愚見覺得1132 係對住偉哥黎打,想將blog 友所有貨都震哂出黎,少少錢都唔比你地代

      刪除
    2. 靚靚可能喊濕幾個枕頭

      刪除
    3. oman兄,好似幫1132把脈咁。實情佢有冇得医

      刪除
    4. 沽2136@$3.51~3.52,
      平今朝入$3.47

      刪除
    5. 我都覺得而家比人禁住打,明搶.最衰偉哥又做吾出扮放咗而大家網友又可知道,真係要諗諗計

      刪除
    6. 哗,好似向著新低前進😑

      刪除
    7. 1079又返回最初買入的價位.

      821直頭又穿哂.

      刪除
    8. 收0.265, 回到我的成本價。

      原本成本價只是0.2左右, 但第二次除息後, 股價跌返落來, 見到自己倉位在除淨後低左唔少, 又覺得無端端派第二次股息, 必有所圖,所以增持返, 將成本價拉左上來。

      想不到在1年半後, 1132重新回到我買入成本價, 而數月前仲有1倍多的利潤。

      刪除
    9. 偉哥會唔會時代唔同左打法上需要改變

      刪除
    10. 你隻邊方面? 例如放棄中小型股, 轉投大價股陣營?

      以前出名炒細價股的黃國英、林少陽而家都去晒買大型股了, 市場上仍然留守細價股的知名投資者, 似乎只餘下david webb .

      刪除
    11. 今日下午沽得最狠的是國泰君安, 0.26、0.265主要都是國泰君安沽落去, 巧合地上年第一次派特別息後, 又係國泰君安沽到落0.5元 (即係等同現在除息後的0.25元), 真係好巧合。

      當日有伍克波增持及公司回購頂住股價, 今日未必再有了.....

      刪除
  36. 無奈捱打得耐太多滑鐡盧就算感覺畀人呃走啲貨都要沽出826賺咗先😢

    回覆刪除
    回覆
    1. ......................................................我無言

      刪除
    2. 非常可笑的實例夠膽輸唔夠膽贏,826執10%走唔切1132輸三四十%仲死揸🤣

      刪除
    3. derek兄好有同感..之前2382 10%就走左

      刪除
    4. 826勁! 之前Derek好似問過我826點睇, 我自己冇乜特別看法, 只是覺得估值頗貴。

      呢D曾經做自願要約的股票, 好多都是在要約完成後, 業績一般都會不錯的, 例子是826或者596都是。

      刪除
  37. 其實係睇淡或者考慮買美國有隻 ETF 叫 YANG,買香港中資股向下 X3 倍,回報唔會太差

    回覆刪除
    回覆
    1. 請問此類ETF槓杆咁高會唔會有特別風險? 如果係真都唔錯唔駛買死7300...
      其實都想請教偉哥同各位師兄會點做對沖, 當有30萬左右股票, 全收息股又唔想減持
      實在唔知有咩方法, 牛熊又唔正路, 細期又唔知點計數先對沖得哂

      刪除
    2. 睇淡最直接當然係沽期指或國指?對沖,用期指簡單易計,30萬股票,沽一張細期啱啱好。28,000點x
      $10=$280,000

      刪除
    3. 的確係幾簡單既方法, 但如果手上大部份都係公用股(月供番黎), 跌市應該係夠對沖有突, 掉轉升市的話公用股要跑贏恆指先有著數..有無師兄真係有咁樣實際操作過? 理論可行唔駛實際效果係點..

      刪除
    4. 本身公用股在跌市已有強大防守力, 我自己覺得仲有沒有需要再對沖? 除非你擔心的是2008年個種級數的股災。

      刪除
    5. 又係你問人點做對沖,調轉頭又話手上大部份都係公用股,跌市應該係夠對沖有突。你自己諗掂未?

      刪除
  38. 應該吾洗睇得太淡,樂觀面對即可...

    回覆刪除
  39. 呢兩日每上下半場出半球橙,今日終於清哂,吐血中…

    回覆刪除
  40. 🕯️各位大佬大戶大老闆大爺🕯️,搵食艱難,🕯️比條財路行下 🕯️

    回覆刪除
  41. 近來市況, 連老手、大好友都唔出手..平的無用,照跌。無資金買

    回覆刪除
  42. 睇返d留言 覺得依幾日1132似係睇偉哥既大户/散戶自己人踩人多d 因為波哥買野唔似賣盤 加上橙本身流動性唔高大家咁沽法實死

    P.S Avg. 0.6 捱打中

    回覆刪除
  43. 1132既然已証實是老千股,為何不果斷止蝕? 不懂止蝕炒細價股大忌也
    3399 貌似基本面不差估值低,大跌不合理? 但市場不這麼認為,不懂尊重市場又是炒股大忌



    回覆刪除
    回覆
    1. 隻隻股止蝕,蝕得幾多,仲有幾多蝕?

      刪除
    2. 換馬去認為反彈力會較大的大股吧,細價股的價值投資係現今市場已經唔認同,光是流通性低已經一個大忌,忍痛止蝕重新出發,結局可能唔一樣

      刪除
  44. 我低1格止蝕1132,0.32無走抵輸

    回覆刪除
  45. 其實呢到咁多人, 全部投反對票
    迫伍生賣盤

    回覆刪除
    回覆
    1. 如無意外,今日大部份人可能已經止蝕

      刪除
    2. 車閒錢有咩所謂,你整到落0.1,我最多咪輸30-40%,有限錢,但隻橙就要跌落2億幾市值...睇下邊個傷。不過,如果持股有壓力既師兄,止蝕都不為過既。我自己就死守到股東大會架啦,再低D有閒錢就再增持,或者沽其他蟹貨來增持,反正都係蝕,哈哈~

      刪除
    3. 我會留咗少少, 去反對佢!!

      刪除
  46. 👡👡打你個小人頭打到你一世低下頭👡👡四角拜左又打埋小人攪住...下個月新開始,買升嘅升買跌嘅跌,個個心想事成🌅

    回覆刪除
  47. 如果大户偉哥都止蝕埋,個價應該仲慘烈
    偉哥有冇話想邊個價位會沽清,希望可以盡量係到單聲先。。等我地好多跌入火坑既人有個心理位

    回覆刪除

注意:只有此網誌的成員可以留言。