2018年8月31日 星期五

分散投資的重要性


本來文章標題是“慘痛的8月”,但寫完文章後,決定改為目前的標題,想藉此帶出分散投資的重要性。

先說說這個月的情況。以百分比計,今個月是自2016年1月後, 組合單月回撤最多的月份,我都沒有心思去仔細計算, 只知道應該是大約雙位數的回撤。股災未到, 但我的組合已先經歷股災!

近年成績最差的月份,肯定是2016年1月, 組合單月最多回撤接近20%,但與這個月不同的是,那時恒指也大幅下跌1成多,所以當時組合雖然跑輸大市,但相對上比今個月還好,因為今個月恒生指數整月計只是微跌數百點,以百分比計算,只是2%左右,跌幅遠遠低於我的組合。

但我的情況肯定不是最壞的,關鍵是我一向貫徹多年來強調的分散投資的理念。以月初股價計算,最重倉的兩隻股:橙天嘉禾(01132) 及利福中國(02136) 的持股比重加起來都不足組合的25%,其餘持股達到5%比重的已算得上是重倉的,還有接近30%的現金比重,在這部署下一般都很難會有單月10%以上的回撤,故此今個月是近年難得一遇的慘痛經歷,因為最重倉的橙天及第四大倉位的粵運交通(03399) 同時大跌,也是我意料不及的。

有些朋友之前曾私下問我,為何我對橙天及利福有信心,但每股的倉位仍低於15%,而不提升至各持股20%以上,狠狠地博一舖?我的回應還是那一句: 分散投資、控制注碼是我控制風險的做法。

這個投資理念是我很多年前用不少錢買回來的寶貴經驗。不知大家有沒有看過我2011年封筆前的一篇自身經驗分享:我的炒股經歷(5) - 結局篇 ?  那篇長文中重點寫到我昔日一個難忘的經歷:

年資久的股民或許對143有印象,當年在中港兩地代理三星電話,業績及派息頗佳,故自己也基於此原因買入。買入後股價風平浪靜一段短時間,然後在02年初突然急跌,此時有關公司在國內逃稅、以至股東被捕的消息傳出,但公司一一否認,而且02年中公佈的業績及派息也甚佳,令自己也相信公司沒有問題,並加碼買入,令原本只佔組合10%的持股大增至30%。 
此後時間股價算穩定下來,但至02年9月,股價又再度急挫,此時公司也發通告,聲稱前大股東及主席與公司已無關係,其在外的事也與公司無關,此時再儍也知道先前傳言的逃稅一事是真的,唯醒覺已太遲,沽出所有持股套現後點算實際損失高達6成,也令整個投資組合減值15%,損失慘重。 
此後公司於03年初公佈全年業績,已由半年賺2.4億元,變成全年蝕2.3億元,三星也因此事離棄143,股價從此一厥不振,淪為仙股。  
這次事件給我的教訓是不論買入時信心多大的好,也要控制好注碼,尤其是透明度低的二三線股、民企。如果當初嚴格限制持股不超過10%的話,最終的虧損也有限;最錯的是其後大手增持,令損失倍增,也因為此事,日後自己更注重分散投資。

我經常一再強調分散投資的理念,但很多網友仍是喜歡一注獨贏或者集中持股的方法。集中持股當然是有利於爭取較佳回報,只是相對風險也會較高。集中持股的風險並不會因為你持有的是基金愛股或者藍籌股而有所降低,只要看看這個月有多少隻藍籌股、基金愛股因業績差或政策問題而大跌,就知我所言非虛。

我或者過份囉唆,同樣的話題之前應該都寫過幾篇文章,今次或許是最後再就這個投資理念開題寫文章,因為很多時候個人投資風格是很難改變。今日或許有網友覺得我言之有理,也會嘗試跟隨,但過一排又會不自覺地重新回到自己的投資風格、喜好去,除非好像我一樣,受過一次痛徹心扉的教訓。

327 則留言:

  1. 本來周末想再分享下沖繩遊, 但都係決定囉唆一些, 先講講我的分散投資理念。

    8月我係相對得閒, 因為請了得力的暑期工幫手, 只是9月就幫唔到手, 我的日常工作量又會大返, 日頭會少左時間睇市、吹水。

    回覆刪除
    回覆
    1. 謝偉哥組合回徹仍苦口婆心

      因為有幫老人家做投資一直都係用分散方法

      而且控制注碼 即使大市向下仍有不錯股息收入

      偉哥何不請個parttime幫輕下?

      刪除
    2. 而家請part time係好難請。暑假想請暑期工, 以前一出廣告, 數以百計的應徵信, 而家就有10個應徵都唔錯。

      刪除
    3. 邊類型 part time?
      有人懶, 唔願做
      有人叻, 不甘心做
      有錢, 老豆老母叫佢唔好做
      冇錢? 香港點會冇錢,做看更都幾十蚊個鐘
      最想? 多錢, 少工作量, 無聊唔緊要, 最主要唔好ot
      前途? 社會道德? 人生? 學唔學到野?.....依d 冇人考慮
      如果份part time同投資或科技有關, 我有興趣

      刪除
    4. 偉哥有無興趣再請part time?我有興趣做,能申請嗎?

      刪除
    5. 偉哥公司印象中同投資無關系,而且身邊朋友都無乜邊個知偉哥係識炒股,偉哥個陣有講過唔想fd 問佢攞number

      刪除
    6. 好難想像偉哥朋友唔知佢識炒股

      刪除
    7. 時薪34.5元,一般清潔雜務外勤工作

      刪除
    8. 好難想像偉哥朋友知佢識炒股, 之後會發生咩事。

      刪除
    9. 我公司業務同投資完全無關係, 或者唯一沾上關係的是早年有買入工廈收租, 僅此而已。

      我缺少的只是穩定的倉務文員。 現在越低層次的工作越難請人, 流失率也高。又或者呢D低層次的工作, 在香港根本就求過於供, 所以僱員唔憂冇工做, 心態好hea, 返一排工就慣性遲到但準時收工, 返緊工冇人睇住的時候, 可以攞部手機出來打機, 有時見到真係一肚氣。

      刪除
    10. 哈哈,偉哥唔好嬲,依家個個打工心態都係為左份糧,點會同你咁落力。不過有時又唔怪得佢地,付出同待遇係成正比,低層次的工作人工低,佢地自然就會想吞poke, 務求感覺著數D,標準打工仔心態。
      P.S 自己都係咁,返工開住個mon 睇股票,手提電話用黎打機

      刪除
    11. 😂學生兄你係打工皇帝

      刪除
    12. 偉哥個問題係最低工資扭曲就業市場做成的?
      行政手段令到市場失佐ㄧ部分公平性,變相鼓勵人走精面靠政府。

      刪除
    13. 我覺得最低工資冇乜關係, 最低工資係保障低收入群
      反而我覺得社會多左唔同低技術工種,保安, 地鐵波板人....將好多工作複雜化, 而管理層(唔係老闆) 將責任分配到低層而唔係改善公司系統
      有時候好難從事後批判遊戲規則啱唔啱, 唯一能做就係改變自己, 弱肉強食, 適者生存

      刪除
    14. 而家我都要求不高, 只是希望員工盡量可以按時完成我交代的工作, 平時蛇王、偷懶我都隻眼開隻眼閉。

      我諗同最低工資都有些少關係, 但唔係主要原因。而家我請人, 來應徵的多是學歷低的中年或長者居多, 後生的現在大部份都最少中五或中六學歷, 佢地寧願做一些人工較低的文職工作, 也不願意做涉及要勞力的工作;又或者有氣有力肯做勞力工作的, 也優先選高薪的地盤工、甚至順X速遞員,肯捱的話月薪可以遠高於倉務員.....再唔係就去做行行企企、工作輕鬆的看更或保安員, 呢行因最底工資關係, 薪酬係升左頗多。

      刪除
    15. 最低工資每小時$34.根本最多,
      每天工作10小時扣返早餐午餐交通工具費用,
      所剩幾多,
      真係夠生活?

      刪除
    16. 最低工資一早請唔到人, 今年請冇經驗的DSE暑期工, 時薪都要50元, 長工更不在話下。

      香港中小企營商環境係越來越差, 租金及工資的成本每年都大升, 但好多行業的收入又升唔到幾多。

      刪除
    17. 打工既心態就係咁樣,番工等食晏,食完晏等放工,星期一等星期五...如果要員工自發地KEEP住好努力去番工,佢地既動力就一定係爭升職,博上位加人工,但係中小企的話有幾多企業可以做到依個向上流既系統?我相信只有大公司/MNC等先可以營造到依個環境去令員工們肯為公司付出更多,去博...

      刪除
    18. 又吾係個個打工係咁,睇個人責任感

      刪除
    19. 樓下個看更,見到有人入或出,按個制開下門, 好似要巡樓每日一次定二次,其它時間, 座係到玩手機, 早上個看更連門都唔開比我,要我自己按制, 應該高過最低工資

      其實我有諗過,不如我自己去做,反正都係玩手機

      刪除
    20. 係啊, 中小企提供唔到乜升職空間, 加薪就一向跟隨通脹多, 所以好多時打中小企工的心態就是得過且過, 東家唔打打西家, 反正間間的待遇相若。

      講開看更, 有些好醒目的, 例如見你去街市買餸, 兩隻手都攞住好多野, 佢即刻走出來幫你開門、按Lift; 但有些就當睇唔到, 坐定定係度, 當你好狼狽咁開門入來, 佢就同你點頭笑一笑, 從不會有意識要幫手.....雖則看更的工作沒有講明要幫住戶開門, 但當見到熟悉的住戶咁狼狽, 舉手之勞應是人之常情吧。

      刪除
    21. 我又覺得看更工作吾係包開門,看夜更年紀大又係辛苦的,見到七十幾歲仲做清潔,就覺得,生活艱難

      刪除
    22. 偉哥,大部份看更會係新年期間變返醒目,我樓下看更就是

      刪除
    23. 偉哥,你的看更㩒埋lift好好啊

      刪除
    24. 唔係啊, 有個看更真係非常醒目, 無時無刻都係開門、按lift一氣呵成, 所以屋苑年年有優秀看更優舉, 我從不吝啬手上的一票。

      刪除
    25. 去到沖繩, 最大的感觸是很多年紀很老很老的伯伯仍在工作。基本上我最後兩天坐的士, 司機全是60多,甚至有個貌似70多歲的老伯; 去遊樂場玩, 有保安睇住, 而呢D保安大部份都是上晒年紀的老伯, 在香港理論上都是已退休的年紀,過著頤養天年的生活。

      刪除
    26. 新年真係要畀封大利是比㩒lift個。香港未來都走上日本呢個情況

      刪除
    27. 有啊, 新年利是我一向會比呢D敬業的看更大封D, 比其他看更多一倍。

      刪除
    28. 偉哥覺得日本很多年紀大的還在工作,是好還是不好呢?

      刪除
    29. 我個度個個都好平均,反而好D都冇做,有次撞到冇做的話係商場做仲好

      刪除
    30. 雖然我唔知日本人對退休嘅想法係點
      但係我角度, 退休二字從來沒有出現過
      人只係活一次, 工作嘅時間佔人生一個極大嘅比例, 所以一定要做自己想做嘅工作
      可能好難, 但一定要試, 大不了失敗走去渣的士
      如果做到有興趣/有意義嘅工作, 退休二字應該唔會出現
      Mccain 到死前都為自己政見出聲
      Buffett 今年88歲仍對投資樂亦不倦
      或者中國人/香港人對於工作嘅理解或者文化上差異, 頣養天年未必係每個人所追求
      有人寧願燃燒生命到最後一刻
      有人為社會為國家盡力
      有人為名留青吏
      ....但每個人都係行緊佢自己選擇嘅道路

      刪除
    31. 話實又好似做個行厭個行

      刪除
  2. 作為老散,真係成日有心魔想畢全功於一役。今次又係一劫,雖然都有d傷,但好彩冇瞓身。

    回覆刪除
  3. 原先打左堆野但驚太煩, 簡單問下大家點解一定覺得橙天地係一文不值既垃圾?
    明白咁做對賣盤呢件事不利,而呢舊野未開業甚至日後係會蝕錢,但本業都有1億幾盈利,
    都有一定空間去食, 加上本身資產值當你打5折都有14億,
    依家得返7.5億, 如果唔係大注, 其實係咪唔應該呢個位沽? 大家係驚佢之後會供股買垃圾嗎?
    但佢自已都有7成貨, 供股買垃圾機會大嗎?
    (持有15萬股@0.6,佔倉位3.7%)

    回覆刪除
    回覆
    1. 江陰橙天地絕對不是一文不值, 不過市場已認定這是大股東偷錢的行為, 所以很少人去研究這項目是否一件垃圾, 定係有得做。
      我開頭都以為好垃圾, 但google下江陰的消費力, 再睇埋江陰的經濟、人口、人均GDP等數據,參考埋1700的年報中關於江陰超市及百貨的銷售額, 我諗呢個橙天地唔係冇得做。
      大家有興趣的話, 可以嘗試網上發掘下多D訊息, 又或者有機會路經無錫個邊的話, 順便去江陰睇睇, 橙天地座落江陰城西, 附近是中國有名的天下第一村 - 華西村。

      刪除
    2. 唔好只計死數
      因為小股東力量太細

      刪除
    3. 是的, 就係了解過佢既位置同附近的消費力等, 佢距離市中心5公里(上環至CWB距離)大陸黎講唔係遠, 加上佢係城西有唔少十幾層既住宅較早前陸續入伙,而且聞說江陰物價比南京還要高,而人均收入亦係縣級計全國10位之內,似乎唔係真係垃圾得好緊要,我最關心係就算無咩錢賺或小蝕,舊野係值一定價錢既話,可能未必睇得太過淡,特別係好似我咁帳面輸緊5成,你斬黎換馬既話有無信心係另一隻贏一倍?

      刪除
    4. 1132買大股東資產,是否一定大壞透事,那江蘇物業是龍是蟲也未知數,股價竟然短短二交易天跌得四腳朝天,有行竟買1m貨來擲低,人為大跌震貨,是暗渡陳倉收貨也有可能事,股東大會前,伍先生可能翻雲覆雨,宣佈利好消息,不是大家想像中般陰謀,捉放曹你愚我詐是股票市場的招式,這形勢佈局橙未必變爛,不會爛攤到1225和1019般地步嗎!如再賤到毫股,我閉上眼入多注,要我止蝕賤賣,我寧為玉碎,股東大會前波叔必有解畫的。

      刪除
    5. 主要係伍先有前科,間公司資產再值錢都冇用,早晚會被掏空。依家跌主要係擔心依點,同流通量低人踩人。

      刪除
    6. Nic兄有否考慮如是老千股的話? 散户很難賺到佢大錢的,始終唔夠佢狡猾多計,纯提出多1個觀点

      刪除
    7. 市場認定某人是老千所以掟貨,當事人又唔否認還借機踏多腳壓價收貨。。。
      喂喂喂。。。點解我沽了你們才理性討論江陰橙天地價值問題?

      刪除
    8. LEE兄, 唔係好明你意思, 我純粹覺得目前可能跌過左龍,
      至於老千問題,太深懊既財技不懂,但佢之前賣大陸選擇派特別息都無出估惑,果到吸引唔到佢出術嗎?
      依家既1132又有幾大吸引力俾佢玩呢?有無人兄講解下可以點玩法?

      刪除
    9. 我其實到而家都唔明如果伍克波真係衰到無人有的話, 為何不將出售國內業務的資金完全留在上市公司, 一分一毫都不派, 然後想辦法慢慢偷走D錢。

      事實上, 有網友私下和我提及過, 伍克波係完全有可能會反口不派第一次特別股息, 而後來的第二次特別股息更是意料之外。成個出售中國業務所得的款項, 有10億元用作增持新加坡業務, 有17億元用作派特別息, 再加上花數千萬元回購約7000萬股及用2億贖回CB, 總花費接近30億元是用於合理用途, 佔出售中國業務總收入35億元的85%。

      但講乜都冇用, 之前一切合理的做法就因為一單令人疑惑、憂慮的關連交易而毀於一旦。

      刪除
    10. 純粹常識推斷,若然江陰個項目真係咁正,做咩要注入益街坊?

      刪除
    11. 同意Nic師兄的看法,現市況無信心拎番現金走人在另一啲地方賺番錢。

      我自己認為,今次大跌的原因,是公司見穩定盈利但未有引入漸進派息,亦未有其餘後續憧憬的動作,而伍生個人在今次交易中的兩個操作,都為他個人帶來可觀回報,又予人重回舊路的感覺,令人失望而混合造成的,不過伍生保持一貫作風,唔介意外界對佢既評價。(兩個操作:一是伍生扮演發展商角色,在江陰橙天地項目作建築期投資,賣予自己的上市旗艦,不單穩賺不賠,還是一筆可觀的回報;二是於市場溢價套現三成,因而再賺多一部分。)

      這兩個操作,都為他個人帶來大量現金落袋,但未有與一眾股東分享,令我懷疑賣走橙天中國套現、派息入伍生自己袋,把資產變現帶來現金流,為的就是借自己私人的公司協助上市旗艦轉型做「地產-娛樂綜合發展」的生意。先前的舉動,都有可能只是一些資產重組的步驟,而且其餘橙天地項目仍未能投入使用需要繼續投資,因此在江陰橙天地取得項目交付後,靜待時機向上市變現,令伍生私人公司可以繼續其餘項目。

      刪除
    12. (以下斷估)
      首先江陰個項目唔係話佢正,只係話未必係完全垃圾級,
      至於賣俾橙,可能用黎救佢大陸公司資金週轉,又唔想用自已私人錢,可以將風險轉移
      而且,1132佢都有70%貨喔。

      刪除
    13. 簡單咁講, 江陰項目的作價肯定有水份。2012年買塊地值6千多萬元, 經歷6年後應該升值不少; 其次本身的建築成本應該都唔少, 所以我自己估合理價值可能大約4億人民幣左右, 而家的作價有1-2億元的水份, 就係伍克波從中所得的利潤。

      其次就是佢要資金去將呢個模式做大, 可以睇睇佢地官網, 目前有幾個類似項目同時在策劃中, 現在只是將最接近可以開業、價值最高的江陰項目注入先, 套現資金後可以推動其它的項目。

      上述純粹我個人猜想。當然如果大家已判斷伍克波會繼續做好多古惑野來偷錢, 那就不宜再持有橙。

      刪除
    14. 買賣前我都無認真睇過橙天地是什麼,原來去年已有報導
      http://www.jy510.com/a/chengjian/2017/0701/24423.html

      刪除
    15. 伍生枱面持有70%橙, 但枱底有幾多? 我諗今次EGM投票後就知, 正常應該唔會有小股東同意這宗關連交易, 也因此支持這宗交易的, 不是伍生暗手, 就是其友好。

      佢通過這宗關連交易, 將會令佢控制的枱底股數完全曝光。我地要睇底牌的話, 在投票時仍持有橙的網友, 真係一定要指示券商代投反對票。

      刪除
    16. 如果持平看,呢單交易對公司不公平,想反對,
      但我都想睇底牌,而且有啲斯德哥爾摩些症候群上身,好想為佢平反,有少少想信伍生有心搞好間公司,因此如果反對成功左,又係咪一定好事呢,我唔敢講。

      伍生你爭下氣啦,你富可敵國,我信你發財立品,對你仲有啲希望,你渣公司七成,我想信你唔會當公司提款機算數。

      刪除
    17. 從橙天地的網頁抄來,江陰唔係唯一一個MALL
      我唔排除好能個MALL 可以賺錢
      如果要買哂所有MALL,集幾多次資先夠?

      橙天地,传达和引领的全新生活方式和商业模式正在迅速覆盖全国。目前,在全国范围内已签约10座城市,更与20个城市政府达成合作意向。未来,还将以每年5个项目的速度在全国进行开发和布局

      刪除
    18. 我覺得賣陰江橙天套現金作開發其他橙天地的說法較為合理。但陰江橙天地個名好唔吉利,伍生發暗號話要陰乾橙天...吐血中

      刪除
    19. 之前睇過,個網流流地,好似唔多會update咁, 當時睇果陣覺得江陰果個都唔知係咪真係存在, 不過查下查下又真係起好左。至於另外果4個, 除左周庄橙天地好似有輕微資料外,另外3個乜都搵唔到,我諗都係規劃中/構思中,係咪做都唔知,20個意向合作,每年搞5個我自已唔係太信,大陸公司最鐘意講到大一大先有個勢!
      BTW我唔係睇好佢,我只係覺得依家可能係跌過龍ONLY,希望彈返D輸少D, 亦唔排除佢真係會有估惑。大家量力而行。

      刪除
    20. Egm 睇底牌
      而家斬又唔係,睇會唔會變牆紙

      刪除
    21. 螺絲兄,人地叫江陰,唔係陰江,哈哈

      刪除
    22. 我都笑死了。我認為關連交易又未必=老千股

      刪除
    23. 我本人昨日AO價0.31沽出80%(成本0.46), 無論如何e個消息對大多人黎講, 一定係負面, 既然短期內無好消息+外圍不明朗, 沽出肯定係不二嘅決定, 正所謂留得青山在, 本人股齡不深, 但亦知道熊市可以好可怕, 如果最後價值真係被徹底反映, 之後買返都未遲!

      刪除
    24. 所以我先覺得偉哥係真正高手,達利奧,債王等高手都有好嚴格風控既守則,任何令自己一鋪就抬出場既操作,都應禁絕。偉哥能長期保持客觀有一定因程度緣於風險管理,最近手風不順,在文中特意ps怕有失偏頗,叫看官仔細衡量意見,其實都反映緊偉哥既心理狀態,可以咁樣去考察一個高超作手既機會真係勁難得!感激偉哥無私分享!

      有樣問題係想問偉哥點判斷何時應該止蝕同縮注?基於買入動機,定按持股百分比?

      刪除
    25. 其實點解伍生或公司唔出来發聲明解詵疑惑呢?最怕伍生都個日個人不岀席解畫。

      刪除
    26. 我給出一個相似橙天的例子:

      160漢國置業過去十多年多次買入大股東王世榮數學博士的資產,兩次供股, 曾經是有名的老千股。

      事實上,我發現漢國置業現在相當不錯,鑑於前景良好, 大股東持有69.72%股權, 大多數股票已經也收乾, 由長線投資者持有, 用來收息和資產增值, 每日成交非常疏落。

      鑑於1132橙天最近分發特別股息60.4仙, 大股東已持有70.5%股權, 股價26.5仙PB約0.34, 我覺得這樣的攪注資老千股值博率不低, 值得長線投資。 希望有一天它會和漢國置業一樣, 大多數股票被收乾, 由長線投資者持有。

      利申:持有大量漢國置業同系385和它們的母公司216。

      刪除
    27. 買橙天的風險當然不低!

      刪除
    28. 我都留意過漢國建業系列,但橙天更差的是,現在才只是開始。。。
      伍生代表薯著的架佬資金,原來未有打算離開中國。

      刪除
    29. 我覺得伍生的眼光遠大, 有心養大橙天, 但過程漫長而且痛苦!

      刪除
    30. 216 PB對比1132非常吸引,但派息較低,聊勝於無

      刪除
    31. 反過來說,信任伍生、江陰有得做,理應增持並投贊成票

      刪除
    32. 做出成績都三年又三年...

      刪除
    33. 點解所有重大關連交易都要獨立股東批准通過? 就是賦予獨立股東一個否決權, 去否決獨立股東覺得不合理的關連交易。正如私有化一樣, 點解要小股東同意先可以過關?

      我記得號召否決興發鋁業私有化的時候, 有些球友的說法是莫名其妙, 叫我不要嘗試去否決, 因為否決了私有化, 大股東日後好大機會出古惑, 唔會有好結果, 所以最佳做法就是順應大股東.....

      刪除
    34. 唔好否決,令我諗起DAVID WEBB

      刪除
    35. 893 也否決了私有化...

      刪除
    36. 893多年前否決私有化與我們這裡有何關係? 當時有散戶說它作價不公平、想否決它的私有化嗎?只是鄧普頓一意孤行的結果。 至於510又是誰否決賣盤的? 盲的都看到, 很高興見到主事者現在自作自受。

      又唔講下98否決左私有化, 1030否決左私有化, 兩宗都是散戶希望否決的, 而且又有大戶支持下達成了, 結果如何?

      我只係覺得關連交易、私有化例必要支持, 不能否決, 不能會招來大股東報復的論點係匪夷所思。

      刪除
    37. 其實偉哥講得岩既,
      我都只不過係呢個社會既一隻經濟動物,如果以今次關連交易來睇,作為小股東既我覺得:伍生,唔係想阻你搵食,不過個價錢真係唔靚,你有心做好既話,下次不妨回個靚價來丫!

      刪除
  4. 無記錯的話泰興光學都交過學費,記錯莫怪。

    回覆刪除
    回覆
    1. 泰興係變左牆紙, 一生人唯一一次買左張牆紙返來, 但幸好泰興的倉位不大, 所以損失不算多。

      刪除
    2. 泰興令我諗起隻82老千股

      明明做d野有板有眼 但做唔起

      年年蝕錢

      刪除
  5. 1132最合理的解答是市況不佳,港交所又大力打擊,所以短期內沒有太多買家願意接手

    伍生於是收一兩個億洗費袋住先

    回覆刪除
  6. 偉哥打算幾多點開始入市?
    照舊25000?

    回覆刪除
    回覆
    1. 我認為下跌目標看25000點, 但不等於要到25000點才撈貨, 因為好多時候如果市場出現恐慌, 中小型股沒有買盤的話, 會跌得好急, 可能會早於大市尋底。

      刪除
  7. 偉哥,3399現價值博率如何?

    回覆刪除
    回覆
    1. 唔平唔貴, 我諗算是合理估值吧。

      刪除
  8. 感謝分享,如果我有咁大的本肯定會如此執行,分得散仍可以獲厚利,可惜買房後本已不多,只能專注二三隻出擊,尤其現市況更加係即入即出短線操作,我見98好多1000股買賣,咁樣玩幾時先可以滾到個雪球?

    回覆刪除
  9. 我有個諗法, 會唔會係波叔抬公司錢去炒高股價? 公佈個日係車手低價吸D 貨之後去炒起佢, 我希望我推測正確......

    回覆刪除
    回覆
    1. 我覺得唔係,但唔排除會有有心人咁做,假如我當波叔唔會再有其他估惑既前題下,
      佢用溢價買佢既資產同套現,已經係佢最大既目標, 壓低可能會俾佢吸多幾票, 但炒返上我諗目前黎講太樂觀

      刪除
  10. 不好意思, 我是今早的unknown, 我今早只留過一次言, 就是1132@0.28出貨的人, 上一次留言是2月的事, EMAIL是CHANHOKIN.HKC@, 因為我是一直用公司EMAIL登入, 所以才UNKNOWN, 由於現在已經不是比較敏感, 而是確實有人搞事幸災樂禍, 所以改了一下資料, 希望不要把我當新戶口. 買股票各有前因, 道理不多說了, 補充自己理由給大家參考, 婉轉一點講, 這事件1132現金流的後續'有可能'是我自己最不想承受, 而不是買回來的東西是否具有價值. 之後再買不買, 機會超大的.

    回覆刪除
  11. 【趣blogblog】買藍籌可以輸九成九(股榮)
    http://s.nextmedia.com/realtime/a.php?i=20180901&s=7015342&a=58629240

    回覆刪除
    回覆
    1. 舊屎思捷咪係,百幾元变幾元,乃晒嘢,我憎左股票好耐

      刪除
  12. 偉哥,唔好氣餒,跌市有多少人全身而退呢

    回覆刪除
  13. 各位師兄會咪抽創升? 做保母一流,自己保自己上市唔知點呢? 首日好重飛...

    回覆刪除
    回覆
    1. 睇下班上帝set價點啦

      刪除
    2. 個martket唔係太食得起

      刪除
    3. 依期D新股一多人抽就死,見到某財演都叫人抽創升,感覺死梗,反而我覺得2 隻創仔有得玩,WAC 同寶燵
      寶燵無乜人抽,分分鐘無回撥,不過依隻野不設禁售期,要小心第一日就出貨,我想睇埋隻永續農業表演點先決定暗盤掃唔掃貨,隻8210 無人睇好反而表現最好
      隻8525 個莊重增持梗,睇下有無好位入番

      刪除
    4. 學生哥兄,你有冇抽

      刪除
    5. 無,依期D 新股暗盤買重好過你去抽,起碼進可攻退可守

      刪除
    6. 創升我都唔敢抽大飛


      刪除
    7. 我都是這樣想,個市淡貪少少算

      刪除
    8. 8210我暗有增持,但因為之後外遊無得作戰,所以暗蝕放左。見佢有心護盤,估唔到升到咁多。唉,主板兩隻德健就俾配售集團玩殘左,隻金輪我放埋一邊由佢。。。

      Btw,寶達有匯富做保母,應該唔錯。至於鄭家公子果批貨,應該唔會咁快出既。而WAG有瘋剩,呢兩隻係值得睇好。

      隻1615我都覺得伏伏地,多人唱好+澳門建築。。。simon兄睇唔睇好?

      蠢來有中信里昂單天保至尊,照計應唔錯。華領就似乎又要搵綠鞋了。。。

      刪除
    9. 教育股長遠睇好839+6169

      春來短線投機另計

      刪除
    10. 我個人對愈冷門ga 股愈有興趣,最好就係無散戶有貨,炒到幾高都得
      你可以睇8512 同 8525, 依2 隻野貨乾都喊,揸都揸唔出,所以如入無人之境,炒創仔同新股有個法則:人多地方唔好去,個個睇淡先衝入去

      刪除
    11. 教育股多人話高教小影響
      839

      K12多人話大影響
      害6169

      要睇下真正政季出台係點

      投機ipo
      教育春來唔識睇, 小賭no harm

      華領
      市場對無profit股投100%不信任票

      刪除
    12. 春來定價算有良心,可以小注試下,華領就叫佢收皮la, 做2 型糖尿病口服藥,有2 隻去到Phase III,另外五隻連 Phase I 都未上到,竟然都可以100 億市值,究竟憑乜野
      P.S 本人都係從事生物科技依行,覺得依類型股水份實在太高,同去搶無分別

      刪除
    13. 學生哥

      我以為你讀書中....

      刪除
    14. 講開又講

      割禮我crab緊中

      刪除
    15. 三年前黎偉哥blog 個陣重係學生,依家就係一個做緊研究ga 死廢青

      刪除
    16. 你鬧華領會吾會就係爆出個隻

      刪除
    17. 覺得好難,市場對無盈利ga 醫藥股本身就唔賣帳,加上本身市值大,市場又缺水,向上炒誘因細左好多,反而2 隻創仔可以玩下,不過要觀察下暗盤有無破發同換手比率高唔高,回撥30% 或以上ga 股基本上都唔駛點睇,千盛就係好例子,莊家唔夠貨點會同你炒

      刪除
    18. 市場上對所有無盈利股都唔賣賬

      刪除
    19. 華領就真係難爆啦,賭癮發咪一手玩下囉。。。來緊仲有海底撈+英格蜜兒,投資錢俾橙呢D蟹貨閘住,又岩岩做左定期,真係要睇住來玩,或善用下輝立既十孖。。。

      Siomn兄,割禮最低離招股價50%+喎。。。你咁都唔走。。。

      刪除
  14. 如果俾伍生成功注入江陰項目,未來幾年派息都唔使諗了。賣盤都忘記她吧!
    陰乾項目做得好應該有得做,因為那裡的人均GDP都算幾好。還有萬達都有在那裡插旗,當然萬都係競爭對手。
    既然有得做,點解要注入呢? 現金流應該係一個主要的因素。起商場前期投資大,但租金收入回報期長,需要大量資本。注入後有需要可以集資,又可以賣前景及以公平值入帳做靚盤數。留意通告話項目估值超過6億人仔,依家用5億幾買帳面可以話賺咗差唔多一個億!
    之前伍生派特息應該唔係部署賣盤,而係要找啲起商場尾數。其實台灣仲有官司打緊,香港又好似鼻屎咁細粒,好難賣。但係呢D資產可以提供正現金流,補貼商場項目。江陰項目好可能會冇收入,直至到明年7月。未來一二年應該還有項目被注入。
    要知呢D項目得唔得,可能要等多2個全年業績!

    回覆刪除
    回覆
    1. 上次 AGM 股價上番0.59左右,最後一扇逃生門已關閉,我們已與伍生共坐一條船了,買左位諗住開去目的地「賣盤」,但原來伍生食髓知味,條船係去海中心繼續玩剝光豬。。。

      投反對票,好處一是可以看到伍生暗手有幾多;但如果反對成功,1132股價亦不會翻生。
      投贊成票,通過左交易,學 mi poke 兄話齋,唔肯棄船就要同伍生坐江陰號洗頭艇坐足起碼兩年,仲要如果一路注入物業,在海中心係咁換駁艇,又周庄號、又長興號,各項物業壞賬/風險出現機率亦大增,在太湖裡翻船風險甚大。待整套物業portfolio走上軌道,應該不是這兩年的事了。

      順道八下,伍生鄉下係咪太湖一帶地區?「江阴市,别称“澄”」(from wiki)
      如果伍生利用人脈,過江去日本搞影視、娛樂、賭廳生意,我反而覺得合理。
      而家搞地產...會否太遲?

      刪除
    2. "伍生派特息應該唔係部署賣盤,而係要找啲起商場尾數"

      如果係咁就解釋到點解派特息
      預計波叔今次得手後 會再賣新加坡業務
      再派特息比自己 然後再用d錢起好自己d私人項目 起完再賣比橙
      如此操作 每次賣比橙賺一兩個億
      佢就成功將橙入面嘅優質資產
      換成佢自己私人持有 未必有盈利嘅項目
      將風險轉移比小股東 自己又能從中獲利

      刪除
    3. 將風險轉移比29.5%小股東, 高招!?

      刪除
    4. 我希望見到被否決,因為對上市公司唔公平。上市公司買佐ㄧ個待發展的項目,回報有高不確定性,但個價唔靚。
      如被否決,都想睇吓伍生如何應變。
      如果通過又唔係老千,小股東要預十分長的發展過程。

      刪除
  15. 回覆
    1. 很多港人包括我都希望今年10月股災, 恒指1點, 港樓一個蚊一呎! [大笑]

      刪除
    2. 我有ㄧ千蚊,可以買ㄧ千尺。都係太貴,跌到五毛ㄧ尺先!

      刪除
    3. 哈哈,我都想
      因為成倉反向產品,到時樓都跌埋既話
      供樓都唔洗就買到樓就發啦!

      刪除
  16. 1132,

    短線要留意君安咁耐無郁,
    這2天又見佢出來沽,
    可能要清埋手上八球貨.

    另外一樣是東興仔極可能是媒,
    4月掃過一次搞旺個市後無耐蝕錢都清,
    7月又掃過一次上$0.56,
    大約2星期後在$0.47一日沽清,
    跟手股價就滑下來,
    這個東興仔肯定不是好人.

    回覆刪除
  17. 再咁落去,我真係想去廉署告發佢地

    回覆刪除
  18. 咁啱嘅,昨天偉哥8點幾寫過(睡得安心),今晚10點有本雜誌幫個股評人開左個(瞓得安心)個talk。真係咁啱定抄嘢

    回覆刪除
  19. 與美國不同, 歐盟終於踏出正確的一步, 對各國溫室氣體減排目標的實現具有重要意義!

    中方歡迎歐盟終止對華光伏產品雙反措施
    http://www2.hkej.com/instantnews/china/article/1933964/%E4%B8%AD%E6%96%B9%E6%AD%A1%E8%BF%8E%E6%AD%90%E7%9B%9F%E7%B5%82%E6%AD%A2%E5%B0%8D%E8%8F%AF%E5%85%89%E4%BC%8F%E7%94%A2%E5%93%81%E9%9B%99%E5%8F%8D%E6%8E%AA%E6%96%BD
    對於歐盟對華光伏產品反傾銷和反補貼措施周一(3日)到期後不再延長,中國商務部表示歡迎。......

    回覆刪除
    回覆
    1. 其實上上星期已經傳繄,早幾日入左少少3800,寒冬未過,因大陸零補貼,只能靠降低成本。

      刪除
  20. 時隔多年後, 家中再有小孩升做"小學雞", 唔知點解特別感觸。

    細仔即使2歲多入讀幼兒班時, 第一天陪佢上課全程都好開心, 第二天送佢返學後不能陪課, 佢都笑笑口叫爸爸快D走, 返學從未因怕陌生而喊過,完全有別於兩個姐姐當時初上幼兒班喊足半個月的情況。

    明天見証佢踏入人生另一階段, 希望佢小學繼續開開心心, 不強求佢讀書名列前茅, 只要快樂學習, 享受學習的過程及生活就可以。

    回覆刪除
    回覆
    1. 睇到依家D大學生啲小學雞行為,就知道香港的學術名次對做人做事有幾重要啦。浪費納稅人啲錢!

      刪除
    2. 嘩! 甘快甘大個拿,是啊! 愉快學習、開心上學去最重要

      刪除
    3. 你偉哥,你有安排他們入國際學校嗎?

      刪除
    4. 間小學兩個姐姐都讀過, 幾好, 無乜問題, 所以繼續讀返, 無需刻意去讀國際學校。

      刪除
    5. 我細仔又是今日讀小一

      刪除
  21. 我第二個仔明天都做小學雞,希望佢唔好驚青。
    3399 係咪有喜?

    回覆刪除
    回覆
    1. 3399有乜喜? 指的是委託管理合同, 還是滴滴叫停順風車?

      講真, 滴滴的順風車係影響到3399的客運業務。

      刪除
  22. 偉哥,3666國際天食業係咪差過你預期?係咪要止蝕?

    回覆刪除
    回覆
    1. 我自己覺得不算差, 業績持平,但成個行業的業績就差左。過去兩年3666都是下半年業績比上半年好, 看看今年會否仍是如此。

      是否止蝕就自己決定, 我目前仍持有。

      刪除
    2. 我都同意行業問題,你睇唐宮。
      但我覺得天食好過唐宮。(純意見,非建議)

      刪除
  23. 劉強東係美國因性侵被捕,件事仲係調查緊,是否入罪仍是未知之數。咁有錢佬想玩口下,無可厚非,但都要有節制。

    回覆刪除
  24. 1212 中期股息 除淨9月6日 派送日9月21日
    唔知會唔會將收到既股息用係2136

    回覆刪除
  25. 回覆
    1. 3鸡士才入吧!入唔到把就!这个市况少做少错!哈哈哈!

      刪除
  26. 兩個盤成交左 8465同106 沽俾我

    回覆刪除
  27. 2136我也成為驚弓之鳥

    回覆刪除
    回覆
    1. 未有行動前,跌係正路
      宜家係賭佢幾時先行動,其實個盤路佢想點就點,差唔多收乾啦

      刪除
    2. 心理不安就減些,市況不就,大家打穩陣波好過

      刪除
    3. 想加碼的,但已佔倉位25%,唔加得添

      刪除
    4. 我自己睇法係依段時間個價愈壓得低,愈身有屎。 自己覺得月尾收埋1212果3億股息就會行動...

      刪除
    5. 我都唔太勇,雖然細劉戰績彪炳,現在但求安心想定plan B,有事會走先

      刪除
    6. 可能細劉諗住offer 5蚊左右。咁壓設落3蚊左右佢個價就易被接受。

      刪除
    7. 5蚊太小氣,5.5好無

      刪除
    8. 虽然越跌越有机会,但看着跌真不容易

      刪除
    9. 呢種市況,5蚊左右應該已經私有化到

      刪除
    10. 5蚊我到時會投反對票XDD

      刪除
    11. 佢私有化公告彈升果下我應該已經會沽哂佢,真係唔想同佢磨

      刪除
    12. 平均 $3.27 增持了數注

      刪除
    13. 分乐注吧:3, 2.75, 2.5 入唔到把就!这个市况少做少错,多做多错,唔做唔错!哈哈哈!

      刪除
    14. 2136@3.28再入, 倉位去到6x%,計劃會買到80%, 雖然偉哥同各位日日講緊唔好all in or 過份集中, 但我個倉相對較細,即使跌total loss都可以承受到, 都系果句,買賣股票要量力而為,輸得起先好買

      刪除
    15. all in 一係渣都無 一係就發到豬頭

      刪除
  28. 回覆
    1. 半新股不宜重倉
      雖然自己全部半新股

      刪除
    2. 想排低D,但牛牛唔俾我排過低價位,結果0.7入左....救命呀~

      刪除
    3. Terry兄,咁早入,我排0.38入吾到上返去我又取消了

      刪除
    4. 都是一通好...分十次成交都係收一次佣,牛牛分十次要收十次平台費....
      6038....我都坐緊,仲未轉倉,過世收息算...

      刪除
    5. 小心好多之前圍飛炒上的半新股, 莊家陸續出貨套現, 隨時火燒連環船。

      上星期已有1968, 今日到1706, 下一隻會是?

      刪除
    6. 手上有半新股但都沒炒上過,希望無風險

      刪除
    7. 0.38 入左1706 坐艇中,另外0.32 入左8512

      刪除
    8. 1706個莊大賺,無理由要放生

      刪除
    9. 學生哥兄,好勇接2隻都係榜首

      刪除
    10. 2 隻都係買少少,輸左當做善事

      刪除
    11. 0.355入到 1706
      上晝等位放食佢少少就算

      刪除
    12. Rocky兄,靓價快餐食得

      刪除
    13. 呢D市,細注咁偷雞玩就好,坐耐D都要驚
      9月算開得幾順,今日3800開得太高,見750升得少,2.56>2.7快閃左一轉
      跟住無幾耐就見到大家提緊1706

      刪除
    14. Terry兄,有2樣好勁,ipo和呢D飛刀報導真係第一首資料

      刪除
    15. 係...飛刀報導我都係靠睇呢度

      刪除
  29. 唔知會不會跌到2蚊才收手

    回覆刪除
  30. 回覆
    1. 咁快平,呢浪我應該穿上次低位

      刪除
    2. 頭先嗰下跌得較急,所以平一平先. 我諗住反彈百幾点又入過.呢幾個月月頭例跌定率好似走吾甩咁.
      無閒兄,真係對2136咁有信心兼重注,吾怕熊市拖累?我好細膽.只作觀看或炒吓2136 day trade算.

      刪除
  31. 今日均價3.29清埋餘下的一半596獲利離場。

    同業268、354都跟個市跌, 佢雖然估值最平, 但唔知能否獨善其身。

    等有機會低D再買回。

    回覆刪除
    回覆
    1. 偉哥,2136已比你上星期減持後跌咗10%,保住幾萬蚊profit,其實而家心態係應該覺得慶幸定肉痛?內心有否茅盾?熊市跌都不知應怎樣操作最好,

      刪除
  32. 今日唔見oman兄財經報道

    回覆刪除
    回覆
    1. QwQ兄,

      有睇,
      不過無乜野好寫.
      近中秋開始忙,
      要沽已沽了,
      買又無乜好買.

      刪除
    2. 近中秋忙整月餅?

      刪除
  33. 橙點解仲可以繼續跌 我頂唔順啦

    回覆刪除