2017年8月29日 星期二

福田實業 (00420) 業績短評



福田實業中期業績表面上有輕微增長,但實際上撇除應收款項減值損失撥回之1859萬元及880萬元的匯兌收益,公司的核心盈利是錄得頗大幅度的倒退,只是這倒退似乎比預期的為佳,故此股價在業績後不跌反升。

這次業績最大的亮點或許是收入錄得超過4%的增長,縱使毛利率因棉花價格及煤價大幅上升關係,由上年同期的13.4%大幅下跌至9.9%,應是近幾年來最低的水平。其次是營運成本繼續削減,上半年的分銷及銷售費用、行政費用及融資成本等合共只有 2.77億元,相當於收入的8.6%,比起上年同期的3.13億元(或佔收入的10.2% ) 續有改善,對國企而言是極為難得的。大家可以參考一下同業錦興國際(02307) 剛公佈的中期業績,其有關費用佔收入的比重達到11.8%,遠高於福田實業的8.6%,有此可見福田實業在節流方面做得不錯。除此之外,資產負債表維持一貫的穩健,帳面持有淨現金約1.7億元,而資產淨值高達33億元。

展望下半年,收入續有增長,毛利率也可以稍為回升;繼續節流措施,降低營運成本,核心盈利以不低以上半年為目標,而且全年派息比率也可以有所提升。

221 則留言:

  1. 近日太多業績要看, 故此只能簡單寫寫420的看法,持有此股的網友理應再自行詳細看看其中期業績。

    回覆刪除
    回覆
    1. 其實2016年上半年基數高 (都算係近年黎最好既上半年業績)
      如果對比2016下半年都叫做好轉左
      棉花&煤價對1382影響都有 不過1382就keep到毛利率
      420呢方面就差d
      不過cut cost真係做到野

      刪除
    2. 420應該值得長期持有, 等待復甦。

      刪除
    3. 上半年市道差,420應該是低價搶單, 所以收入增加但毛利率大跌。

      聽聞最近幾個月產能已是滿產, 聽聞下半年毛利率會有改善。

      刪除
    4. 如果下半年唔靠損失撥回及匯兌收益
      都做得返呢個純利
      就真係收貨啦

      到時一定唔止5厘幾息

      刪除
    5. 最近420有一個大買家一直在收貨, 另外今日又見到原大股東加入買盤行列。

      刪除
    6. 我等緊420成為我隻10厘股

      刪除
  2. 北韓發射導彈飛越日本上空
    2017-08-29 HKT 05:45

    回覆刪除
    回覆
    1. 這枚飛彈向東飛越北海道,最後墜落在太平洋,而非向南飛往關島。

      刪除
  3. 偉哥咁晏都未訓,唔怕攰嗎?有咩心得可以訓少d呢?可唔可以分享下,謝謝

    回覆刪除
    回覆
    1. 哈哈, 要靠你自己的精神意志。如果可以我都想瞓多D....

      刪除
    2. 因為有三隻化骨龍,所以要搵多D下話,偉哥意志果然強大,我都要學下先得

      刪除
  4. 是否825之前同意要約的
    都會退回股票?

    回覆刪除
    回覆
    1. 如果得不到超過90%的獨立股東同意要約而最終要約失敗的話,那即使你已接受了要約,他們也會在數天後將股票歸還給你,而不是按2元作價收購你的持股,大家要清楚這種機制。。。by 7月12日偉哥

      刪除
    2. 即時新聞財經 選擇分類
      【825】新世界百貨私有化計畫告吹
      2017-08-28 23:09 文字大小

      1/1
      新世界發展(00017)私有化新世界百貨(825)的要約,經過三度延期後,昨晚正式宣布私有化計劃告終。新百貨發出的公告指,只獲約83.92%獨立股東支持私有化議案,由於新百貨私有化是以全面收購的方式進行,須有逾九成獨立股東接納才可成事。按照收購規則,私有化失敗後,要等最少12個月,大股東才可舊事重提。新百貨雖然上周五跌6%,但昨日卻突然彈升逾1成,收報2元,重回私有化作價水平。分析料股價短期會變成「無人駕駛」,有下調壓力。

      京華山一國際研究部主管彭偉新表示,私有化不成功,即新世界百貨的股價將成為無人駕駛,未來股價將會浮浮沉沉,加上內地近年網上零售發展強勁,百貨業務難有上升空間,預期今天股價有下跌壓力,然而下跌的幅度則不會回到原來的價位。另一方面,他指市場預期私有化會成功,故昨日升幅大增,但多為投機性投資者為多。

      刪除
    3. 昨天有85%以上的成交量是大股東買入,唔知佢算唔算投機性投資者?

      刪除
  5. 今日平果推3399,有貨者想出货,有機會高開,持3399一定要長線,短線悶到七彩,好多時想走也難走,買盤很少,買賣自行決定。

    回覆刪除
    回覆
    1. 呢d吾係叫推介,無分析可言既廢話..哈哈.真係呃飯食

      刪除
    2. 有多少人識分析,或者我比他更了解3399

      刪除
  6. http://hk.apple.nextmedia.com/financeestate/art/20170829/20136001

    回覆刪除
    回覆
    1. 其實港珠澳是否咁多人用?

      刪除
    2. 242信德 半年業績, 坐船去澳門人次670萬人次.
      我自己會鐘意坐車,坐船要成個鐘,坐車30分鐘.
      如果有一半人選擇坐車,呢條數都已經好和味.
      旅行團十居其九坐大巴,睇深圳灣d大巴團就知.

      刪除
    3. 除了去澳門的客源, 還有去珠海的客源。

      刪除
  7. 有鬼用咩,尋日最過5.34一陣就跌番落黎

    回覆刪除
  8. http://www.hkexnews.hk/listedco/listconews/sehk/2017/0828/LTN201708281229_C.PDF

    952就咁借舊錢俾個阿戍, 咁都得?!

    回覆刪除
  9. 請問港珠澳大橋呢份contract佔3399總收入大概幾多?如果條橋出事,對3399既業績影響會有幾大?謝謝

    回覆刪除
    回覆
    1. 39% x 51% + 20% x 39% x 62% 大約24.6%

      刪除
    2. 留意3399係持有兩間聯營公司再持有港珠澳大橋專營權(“項目”),一間係全資子公司擁有39%股權(佔項目51%),另一間持項目39%的聯營公司,3399控股62%的子公司持有20%股權

      刪除
    3. 謝謝, 我冇留意粵港汽車運輸聯營有限公司原來不是3399全資的。

      刪除
    4. 謝謝,睇黎都好大比重,希望條橋生生性性啦

      刪除
  10. 已沽出1181@4,業績沒有驚喜, 甚至稍低於自己預期。

    回覆刪除
    回覆
    1. 遲了一步,唯為止血 > <!

      刪除
    2. 我預期都有90%增長....止血先

      刪除
  11. 回覆
    1. 業綪差過預期好多,唔怪得之之前管理層係咁走貨...

      刪除
  12. 回覆
    1. 已接受要約的小股東, 要10日先攞得返股票, 想沽都沽唔到; 而不接受要約的小股東, 也沒有意欲呢D價沽。

      刪除
  13. 奇怪。825昨天鄭家又係市場掃左1千萬股。
    可唔可以用股權超過75%理由重頭再玩?定要等一年?
    有師兄解答嗎?謝謝

    回覆刪除
    回覆
    1. 可以换个收购方继续在年内收购吗?

      刪除
    2. 如果不是新世界或鄭家的關連公司就可以。

      刪除
    3. 825昨天鄭家又係市場掃左1千萬股, 稍後賣給朋友, 替鄭家保持到明年用來確保第二次私有化會取得"成功"。

      我的猜測是對嗎?

      我希望看到825下降到1.4〜1.5蚊。

      刪除
    4. 鄭家會否早作準備圍夠飛,再把股價打落1.0蚊,跟着横行大半年,第二次私有化只肯出價@1.60!只有更賤。

      刪除
    5. 佢出$1.6呢世都唔使收得番。

      刪除
    6. 其實佢今次策略錯誤, 如果用協議安排方式私有化, 只要搵人頭幫手, 應該可以過到關。

      人品差, 個天都要玩佢, 之前917第一次用協議安排方式私有化失敗左, 跟住用要約形式就成功; 而家825第一次用要約私有化就失敗左, 可能下次會轉用協議安排方式來私有化。

      刪除
    7. 另類故事, 825員工櫈坐得唔舒服(2-3年了), 忍唔住要自己出錢買新櫈.

      刪除
    8. 有人心虛(怕被人用人頭玩)但又想貪到盡未出事囉。

      刪除
    9. 蘇記 : 轉個新環境可能找到新出路

      刪除
    10. 講到尾,比返個合理少少既價,大家都有水位走既,咪你好我好囉
      係要你一個拎晒既,咪一齊唔好拎囉,
      成個世界都係傻仔,得你一個知個價值?
      正一咸蝦腸黎

      刪除
    11. 呢D富二/三代唔死無用,望佢地快D落去見彤叔。

      刪除
    12. 大家都係為財,何必這樣咒詛人!
      Hi, 我係baby! 我的小粉果前排被人偷了,換了銀蘋果,忘記了之前的帳號,重新開了一個!

      刪除
    13. 當你係由825上市揸到依家既小股東,咁樣比大股東打劫同魚肉法,我唸你媽得大聲過我。

      刪除
    14. Known師兄系IPO就持有咩

      刪除
    15. Baby 是你提過b621吧 師奶下載了原來就系有貓耳仔貓鬚果隻app好得意哈哈 不過美顏得太誇張啦

      刪除
    16. C9 : 我當然不是由IPO揸到依家啦,只是比喻。對住一D無良既大股東或殺人如麻既市場莊家,我係唔會忍口既,若我認識佢地既祖宗十八代,一樣會照拎出黎數臭佢,呢個係我既一貫風格。

      刪除
    17. Known: 何謂你媽?你故意?你罵我?你講中了,我識他們!又點樣!唔好以為自己識少少股票知識就不得了!我屋企有一個金融博士學位人,一個碩士!ok
      算了啦!ok, 我不會再來哩度啦!

      再次謝謝偉哥!謝謝你!

      刪除
    18. 我諗大家言者無心,不如比我做下和事佬, 大家過左今日後就一筆勾銷,明天繼續談股、聊天,不要放在心上。

      刪除
  14. 昨收市前一刻,見1816 中廣核電力跌到@2.05近年底位,拿拿入了4萬股,收市後宣布業績,傳統炒股技倆! 可以買些來博彈 。剛食了胡@2.16賣掉。


    回覆刪除
  15. 金仔同friend應該平倉了, 一無錢就發一粒出來, 真係happy.

    回覆刪除
    回覆
    1. 金仔同Trump合作炒期指, 炒期貨和炒股票, 天下無敵!!!

      刪除
    2. Trump Trump生意佬, 做總統都可能只係為私利, 真係同金仔無間道合作唔出奇.

      刪除
  16. 想問偉哥仲有冇留意3822
    昨日和今日都有小小異動

    回覆刪除
    回覆
    1. 前排有留意佢有出售資產, 唔知係唔係賣殼的第一步...

      今天多了主動買盤, 但成交仍然比較細, 要繼續觀察。

      刪除
  17. 今天是期指結算前一日, 未平倉合約總數有大概80,000張, 請問大家這是否偏高水平? 謝謝!

    回覆刪除
  18. 1263今早跌幅明顯過大,整體業績只是毛利率跌至近幾年新低外,其實表現算中規中矩。可能市場預期Bitcoin令收入增長大升,但結果不是,但此點我反而預期咗。此外,就我所知Q1業績其實幾差,現在業績又唔係想像中咁差,證明Q2表現其實好勁。財務方面,只是應收增長率比較大,其他一切正常。中期息金額更是近年新高,證明公司對財務有信心。預期股價會止跌回升,我個人則只等雷蛇公佈的上市消息。

    回覆刪除
    回覆
    1. 我係$2.8 都撈返一注
      升還是跌就要睇bitcoin 下半年度的走勢

      刪除
    2. 反彈20%,朝早沽咗就揼心。

      刪除
    3. Known 兄,想問雷蛇大約幾時公佈上市???

      刪除
    4. 上市應該係第4季
      (http://hk.apple.nextmedia.com/realtime/finance/20170629/56893866)

      睇另一篇文提到
      "集團過去一年亦進軍軟件市場,打造電競平台,並推出代幣系統,平台所有遊戲均適用,有關業務的毛利率高達85%。
      陳民亮表示,代幣將會是Razer重要盈利貢獻來源,集資所得部分將用作拓展相關業務,並相信集團扭虧為盈指日可待。"
      應該係講緊https://www.razerzone.com/paid-to-play
      但毛利點計真係有待拆解。
      (http://news.now.com/home/finance/player?newsId=230640)

      刪除
  19. 581今日上咗力,正! 我估係咪尋日信報的新聞呢?

    回覆刪除
  20. 我猜今天母公司610已經買了1098,稍後驗證。

    回覆刪除
  21. 2317 今天公佈業績, 成交很冷清呢....

    回覆刪除
    回覆
    1. 2317我雖無貨,但我預期業績應該不差,起碼需求方面唔會突然少咗。

      刪除
    2. 無,只知最近入了深港通名單。

      刪除
    3. 呢兩日都有主動買盤,應該業績都幾理想吧

      刪除
    4. 聽聞原材料價格下跌,業績應該唔錯

      刪除
    5. 有朋友上個月同公司傾過, 佢地竟然話原料價格冇大跌, 比佢地吹漲。

      刪除
    6. 我記得味丹既料係直接同越南農民買
      仲有俾保底價佢地
      所以2317同佢地關係幾好 (除左幾年前河流污染個單野 平時關係幾好)
      之前睇台灣訪問
      有一次收成 天氣比較差
      農民排哂隊 搬農作物入2317既廠
      但好多農作物因為搬唔切而變壞
      2317一樣原價照收

      刪除
    7. 味丹在越南聲譽似乎真係好好,佢地知道大陸同台灣的分別。

      刪除
    8. 味丹首要解決的問題是原料供應,而當時越南雖有種植木薯,但產量少,一畝只能生產十噸,農民根本無法賺錢,為此,味丹還和越南農業研究機構合作,改良開發新品種,當這種被稱之「味丹種苗」的新品種被開發出來,每畝產量可以提高到二十至二十五噸。

      味丹還免費提供種苗,並無息貸款給當地農民購買機具、肥料,更重要的是提出「最低保證收購價」的政策,保證農民一定賺錢。農民眼見有利可圖,紛紛轉種木薯,而每年十一月至隔年四月產季,農民駕牛車、拼裝車、卡車運送木薯原料進廠,往往綿延數公里,蔚為當地奇觀。


      http://love.youthwant.com.tw/11/pre_read6.php?stud_id=100206100&bid=060104000146611Y

      壞左照收搵唔返link
      好似係一個訪問入面提過

      刪除
    9. 台灣係越南個名都仲係幾好
      雖然呢一兩年多左台資工廠違規
      但係都賠足俾人

      不過最新2317好似都轉左只用英文名vedan做包裝
      放棄左中文名稱 費事被反華牽連

      刪除
    10. 多口問句 known兄
      我記得你之前都睇過2317 同埋佢d 奇怪既折舊入賬方式
      我仲以為你有貨

      刪除
    11. 果個係yau601,佢重倉2317

      刪除
    12. 記性真係差 唔好意思

      刪除
  22. 2788作天和今天也是,一開市回,10点左右一大注買上,明天除淨

    回覆刪除
  23. 3369未收齊貨?各位ching点睇?

    回覆刪除
  24. 回覆
    1. 完全不用睇的報告吧!估計亳無亮點。

      刪除
    2. 都有少少既
      想知佢餘下業務既盈利狀況

      刪除
  25. 2339唔覺唔覺又52week low,跌極都有。

    回覆刪除
    回覆
    1. 之前說是今年下半年,希望不用等到年底。

      另外, 佢雖然上半年做到蝕錢, 但NAV反而升左,因港元相對其它貨幣貶值。

      刪除
    2. 即使在52週低點, 2339不似會大跌。

      刪除
    3. 由6月1.8 或3月2.2碌到依家 仲唔係大跌?!你持有麼 均價是?

      刪除
    4. Nav 係$1.49,發股都要啦,都唔知點跌到$1.25

      刪除
    5. Louis的玩法是買5~60隻低PB股,長坐幾年,贏輸一兩倍都唔入肉啦!不過係佢本大先可以咁玩

      刪除
  26. 170私有化不知何時才有消息?

    回覆刪除
    回覆
    1. 快的話9月出通函, 10月表決。

      刪除
  27. 98掛左個大買盤係度, 會唔會有人沽比佢?

    回覆刪除
    回覆
    1. 仲有1注0成本等睇月底業績,不過冇預喜,睇完底牌再定去留

      刪除
  28. 想請教偉哥及各網友, 一只股票被納入恒生綜合指數後, 是否有機會納入港股通可買賣名單,是否要待內地另行公布? 若是的話, 內地方面是會按時公布調整, 還是不定時公布。謝謝!!

    回覆刪除
    回覆
    1. 你google下, 應該好易搵到該股是否港股通名單裡。

      刪除
    2. 現時的港股通名單我是找到的。
      但因新被納入恒生綜合指數的股份名單, 於9月4日才生效, 而我之前GOOGLE新加入港股通名單時, 發現被納入恒生綜合指數的股票, 不代表一定被納入港股通買賣名單, 好像要待內地再公布。不知我的理解是否有錯?
      而內地方面會何時公布, 我則找不到相關資料。

      刪除
  29. 在中期業績公告前, 385有點上左力, 但成交量太小, 無意義。

    回覆刪除
  30. 回覆
    1. 大陸莊玩晒, 估值已超越2382。

      刪除
    2. 吹唔脹:
      自由市場, 無王管, 任佢地點玩都得!

      刪除
    3. 1478有能力超越700???

      刪除
    4. 抄到等深港通大媽接貨?

      刪除
    5. 1478估值應該已高過A股的同業。

      刪除
  31. 回覆
    1. 咁叫異動..主動買盤都係5K咁入,沽多過買

      刪除
    2. 個人感覺,可能大升前奏。

      刪除
    3. 實德本月增持好多,中長缐利好。

      刪除
  32. 偉哥,你曾經招股時提及1609最近大成交向上。

    回覆刪除
    回覆
    1. 見到, 呢隻之前股價走勢同東盈是一致的, 但而家股價拋離左東盈。

      我有小注炒過佢幾轉波幅, 每轉執10%, 後來冇再炒。

      刪除
  33. 没办法,就是这么牛🤔,3333$25成功沽出

    回覆刪除
    回覆
    1. 青兒,上次581單野未解決,快快請我地網友在鼎爺私房菜食個dinner拆點佢😁😁😁

      刪除
    2. 777请客的应该是你,上次干架时都不忘提你3333就来公布业绩,你是否也攒了隻牛回来?
      还说581,昨天跟今天我都有买买卖卖,但不敢再多言。

      刪除
    3. Gary3333虽未完……但我要留钱来买581

      刪除
    4. 留定錢準備啦!
      今日581先跌後急升再轉跌
      應該已經玩完接火把game

      刪除
    5. 想請教下青兒點解選擇3333同認為未完

      刪除
    6. 127和陳凱韻女士很看好3333
      http://www.hkexnews.hk/listedco/listconews/sehk/2017/0829/LTN20170829284_C.pdf
      本公司獲陳凱韻女士(「陳女士」)(本公司執行董事及本公司主要股東 (彼之兩名未成年子女 )之信託人)通知,截至本公布日期,陳女士個人持有 35,000,000 股中國恆大股份,相當於中國恆大於二零一七年七月三十一日已發行股本總數約 0.27%。連同本集團於截至本公布日期在中國恆大之持股量計算,陳女士被視為持有合共 801,330,000 股中國恆大股份權益,相當於中國恆大於二零一七年七月三十一日已發行股本總數約 6.10%。

      刪除
  34. 777,大家在炒好業績,我在炒大家的預期,今朝@25.55短倉再沽1注。

    my2cents.

    回覆刪除
  35. 回覆
    1. 大股東和金仔應是友好, 但唔明點解買1079會抵押比建銀。

      刪除
    2. 大股東腰斬了之前批可認股債券似乎是想要轉俾金仔搞,但依加市咁款,只敢買少少當睇下野。

      刪除
    3. 1079如果幕後人想炒, 真係好易炒, 一來街貨少, 二來佢核心業務是生產及銷售自己品牌的顯示卡:XFX, 其實和1263業務類似。

      http://www.xfxforce.com/en-us

      刪除
  36. 581每日炒波幅都好和味

    回覆刪除
  37. 股王的320Call,由今早$1爆上$3.xx,呢d先叫爆上,哈哈!

    回覆刪除
  38. 想問下大家,對英國股票有無認識?睇好英國長遠發展,想買英國房託基金收息(British lands有近5厘)。但搵本地證券行,好似輝立最平,都要最少45鎊佣金一單。。。

    回覆刪除
    回覆
    1. Terry,手續費事少,20%股息税事大😂

      刪除
    2. 唉,美股30%仲拿利。。。似乎都係領展最好。。。

      刪除
  39. 哪些股票能得到好處?

    排洪是二三十年的大工程
    http://www.bastillepost.com/hongkong/1-%E6%94%BF%E4%BA%8B/2362273-%E6%8E%92%E6%B4%AA%E6%98%AF%E4%BA%8C%E4%B8%89%E5%8D%81%E5%B9%B4%E7%9A%84%E5%A4%A7%E5%B7%A5%E7%A8%8B
    ......
    澳門今次颶風過後,水浸嚴重,洪水積存在市區六七個鐘頭都不能排走,具體的問題還要進一步研究,但表面睇和缺乏香港般的全方位排洪系統有關,亦都可能有很多新發展區,預計不到新區的排水對舊區排水系統流量的影響,遇上天文潮水位高,就釀大災。

    無論如何,香港排水狀況仍有很多可改善的空間,澳門可能更加要全面檢討整個污水排放系統的不足,要長中短期的方法一齊進行,但要根治洪災,是2、30年的工程,不能一蹴而就。



    回覆刪除
  40. 459 今日出中期業績
    會吾會有中期息派???

    回覆刪除
  41. 回覆
    1. 嘩!未詳細睇,但感到業績倒退得幾誇張,與大股東及內線人不斷增持形成強烈對比。敢問偉哥兩條問題,一,你可預料到這樣子的業績?二,有沒有可能大股東透過此業績來為私有化舖出光明大道?

      刪除
    2. 業績最後期望碎埋 ~~~~(>_<)~~~~

      刪除
    3. 市場競爭問題,煤價引致顯著的毛利率下跌,除中國市場,都實施了落價搶單,保持市場份額,很多時做實業就難避免。

      刪除
    4. 我估明天至少跌15%,嚴重的可能要跌20%以上。

      此公司的透明度頗低,純利大跌不預先發盈警,其銷售情況及產品價格更是無任其他渠道可以窺探得到,唔怪得呢間公司既估值一直偏低。

      不過,我始終認為大股東在前陣子增持及明顯有人在暗手買入應該不是那麼簡單,我估可能是大股東正部署私有化。(利申:無貨)

      刪除
    5. 我預計跌少於10%
      如果跌過10%會撈底

      刪除
    6. 再翻睇一次今次份報告,又好似無咁差,心入面有兩個問題;

      1.)佢已經採用自身既設備去發電,我記得佢之前係低位採購左為數不少既煤,之後比海關扣左。假設煤完全Release返,味丹用果批平價煤自我供電,係生產成本上應該可以正面反映。但事實又唔係咁...

      2.)印象有人搵味丹係越南合伙搞房地產,但繼續無相關資訊。

      至於大股東前排響增持,如果為左之後私有化就緊係好啦,我成本都1蚊左右。 :(

      刪除
    7. 2317 做左咁多功課都真係跌哂眼鏡... 生產原材料跌價,越南GDP都growth 得OK,同行546業績靚仔,加上近期國內味精價漲,最重要係內線增持...點知2317既業績係咁...真係始料不及....呢下係中左伏...不過如果跌多過15%,都值得睇睇既,其實始終佢一直無提一個盈利催化劑...希望下半年趕得切出現...

      刪除
    8. 我今日先提過有朋友前排和公司傾過, 話煤價上升影響大, 而我們一直看公開的資訊是木薯及糖蜜價格下跌,估計可以抵銷到部份煤價上升的影響, 但公司話木薯及糖蜜價格冇乜跌, 我都唔知點解會同公開的訊息有咁大的差別, 仲估公司管理層是否又好似上年咁, 唱衰自己業績,點知今次就講真。

      刪除
    9. 其實都預左煤炭價格上升有影響,但如偉哥你所講,以為木薯及糖蜜等原材料價格下跌大致可以抵銷部份影響,點知...

      同埋木薯真係跌價跌到暈左呀... 睇隻841都知咩事啦...2317 自己年報都咁寫: "木薯價下降對集團本期生產成本有利,不過一般普遍預期今年下半年木薯價格可能會上升"...
      唔通煤炭價格真係影響咁大? 但546煤炭我無記錯都係佔成本10%左右...

      刪除
    10. 是, 煤炭應佔成本的10%左右, 即使煤價升20%, 但木薯及糖蜜價格下跌, 點都可以抵銷到煤價的部份升幅, 冇理由可以令毛利率跌咁多, 真係唔係好明份業績。

      佢地下月中會做路演, 我朋友應該會出席, 到時聽下佢地點解畫。

      刪除
    11. wai gor 有無打算明天AO 先走一半等佢再回先入返,,因為你之前903都係咁做,,haha

      刪除
    12. 看看開什麼價格先, 我落AO盤一般都會等最後一刻才決定。

      刪除
    13. 作者已經移除這則留言。

      刪除
  42. 回覆
    1. 如果明天平手走到會減一部分2317

      刪除
    2. 明天如不止蝕 看來會有排坐 如果不是低開得太過份 都係走左先

      刪除
    3. 2317現價等於我成本價(0.97入收左息),聽日都唔知點算

      刪除
    4. 其實咁驚做咩,同2016下半年既業績差唔多,係你地期望太高,市場既期望冇呢度咁高

      刪除
    5. 成本1蚊 經已打包426 2339 903速遞去2018年 要加埋2317了 哼哼
      (下刪爆粗100句)

      刪除
    6. 窮人: 怎會與2016年下半年業績差唔多。與其比較下,收入下跌5%,毛利率下跌1.9個百分點,核心純利更大跌27%,連淨現金都大跌60%。

      刪除
    7. Known 兄,收入跌左係堅既,煤炭上升同行政、銷售等開支無大變應該係導致佢毛利下跌原因(無記錯佢毛利的確係高於同行的,可能今次受到大陸降價競爭影響力 <- 佢自己講,但546好似又話味精價升,真奇怪...)

      另外,現金減少係因為: "存貨大增主要是期內集團增購農產原料等大宗物資,故原料庫存增加。"(中期業績報告第23頁),可能係因為管理層預期生產原材料下半年會反彈,所以入定貨先?!

      刪除
    8. 存貨多左3千萬美元,應是入定原料, 驚下半年原材料價格再升。

      刪除
  43. 其實未至於太差,會減一部分
    餘下睇下有無未完的故事

    回覆刪除
  44. 426 出業績但無交代究竟賣殼單野係咪失敗左? 會唔會有轉機?

    回覆刪除
  45. 1132業績唔錯,經調整股權持有人應佔溢利有2千1百萬,而且公司睇好前景,加大投資。

    回覆刪除
    回覆
    1. 之後財務支出大為減少, 而且帳面仍有20億的現金收息, 一來一回, 餘下業務的純利會大增。

      刪除
  46. 睇1132今日走勢估到業績唔會差

    回覆刪除
  47. 天鴿後反思 — 澳門高人均GDP又如何? (<----分享無政治動機,純文章寫得幾好)

    https://www.thestandnews.com/%E6%BE%B3%E9%96%80/%E5%A4%A9%E9%B4%BF%E5%BE%8C%E5%8F%8D%E6%80%9D-%E6%BE%B3%E9%96%80%E9%AB%98%E4%BA%BA%E5%9D%87gdp%E5%8F%88%E5%A6%82%E4%BD%95/

    回覆刪除
    回覆
    1. 身為澳門人真係好心up,政府辦事能力極差,踢一下先郁一下,更多時候係郁都唔郁。。。講真9000蚊對澳門人吸引力真係唔係好大,搞好民生問題仲好。。唉

      刪除
  48. Louis 兄 1556 唔知聽日有冇平貨執?

    回覆刪除
  49. 偉哥點睇3828明暉份業績?你好似仲有貨!

    回覆刪除
    回覆
    1. 我之前已沽清, 部份換馬去2788。

      這份中期業績只能以不過不失來形容。如果撇除埋匯兌收益, 其實核心盈利只有4500萬元左右, 和上年持平,而派息維持2仙, 明顯是不符DAVID WEBB的預期及要求。以核心盈利計算,現價預期PE約10倍左右, 估值已是合理有餘。

      刪除
  50. wai gor ,想問一問3399 之前講過8月會入紙回A , 但好似無左件事咁...係咪即是有排都未回到?

    回覆刪除
    回覆
    1. 之前有朋友問過管理層, 是在準備中,等有機會再面見他們的話才再問問進度如何。

      刪除