2020年2月27日 星期四

舊文重貼: 誰出售2億股匯源果汁(01886) 給中泛(00715)?



2015年的3月,當時中泛控股(00715) 公佈向第三方買入共2億股的匯源果汁 (01886) 股份,佔匯源果汁當時發行股數的7.9%。當時只有中泛公佈買入此批股份,但沒有任何匯源果汁的主要股東披露減持,而我好奇這7.9%股權是由何者沽出,故此嘗試從CCASS的變動去找出答案。當時這篇文章刊出後,因某些原因我要撤回,現在事過境遷,當年的主角匯源果汁也將被勒令退市,這篇文章已不會對任何公司產生影響,故此重新刊出此文章,以實例示範CCASS的功用。

-------------------------------------------------------------------------------------------------------------------------


於2015年3月19日,泛海控股 (000046.SZ) 的香港上市附屬公司中泛控股(00715) 發通告(https://www1.hkexnews.hk/listedco/listconews/sehk/2015/0319/ltn20150319471_c.pdf,指已向第三方(不少於一人) 購買了共2億股的匯源果汁(01886)股份,佔其總發行股數的7.9%,每股作價1.9465元。

看到這裡,不知大家會否有疑問,究竟這2億股從何而來? 是誰如此低價沽出如此大量的股份? 我抱著求知的心態,嘗試從香港的中央結算系統持股紀錄(CCASS) 去追查這批股份的來源,結果有驚人的發現。

為方便大家理解整件事,我將一些相關事件以時間序排列:

1. 於2013年5月23日,滙源果汁宣佈向大股東朱新禮先生購買其私人全資擁有的原材料供應商,作價49.39億元,並以發行合共447,322,020股新普通股及合共 655,326,877股可換股優先股的方式償付,新普通股及可換股優先股作價每股3.10港元。

2. 於2014年7月22日,公司公佈655,326,877股可換股優先股當中,有1.8億股獲得行使並兌換為1.8億股的普通股。

3. 於2014年8月26日,有1.8億股匯源果汁股份存入摩根士丹利帳戶

4. 於2014年12月8 日,公司公佈剩餘的475,326,877股可換股優先股當中,有3.5億股獲得行使並兌換為3.5億股的普通股。

5. 於2014年12月17日,有3.5億股匯源果汁股份從中央結算系統外存入中央結算系統,當中310,840,000股存入摩根士丹利帳戶,剩餘的39,160,000股存入廣發証券帳戶。

6.於2015年1月23日,有268,719,481股匯源股份從摩根士丹利帳戶提走; 同日有269,994,500股匯源股份存入花旗銀行帳戶。

7. 於2015年3月3日,有200,512,500股匯源股份摩根士丹利帳戶提走; 同日有
198,319,500股匯源股份存入花旗銀行帳戶。
http://webb-site.com/ccass/chldchg.asp?issue=4823&d=2015-03-03

8. 於2015年3月19日,200,110,000股匯源股份從花旗銀行帳戶提走; 同日有199,991,000股匯源股份存入海通証券帳戶。

9. 於2015年3月19日,泛海控股 (000046.SZ) 的香港上市附屬公司中泛控股(00715) 發通告,指已向第三方(不少於一人) 購買了共2億股的匯源果汁(01886)股份,佔其總發行股數的7.9%,每股作價1.9465元。

另外需要補充的是在2014年8月26日之前,摩根士丹利的帳戶原本只持有約1600萬股匯源果汁股份,而在2014年8月26日至2015年3月3日期間,撇除存入摩根士丹利的2筆大額股份存入及2筆轉去花旗銀行的股份,期間其在市場買賣淨流入的股份只有約3700萬股,即是說轉給花旗銀行的股份不可能從第三途徑而來,一定是那2筆在中央結算系統外轉入的股份;

花旗銀行方面,在2015年1月23日摩根士丹利轉倉股份進來之前,花旗銀行只持有約3780萬股的匯源股份,而從2015年1月23日至2015年3月19日之間,撇除從摩根士丹利轉來的兩大筆股份及轉給海通的約2億股股份,期間其一直在市場沽出股份,淨沽出約1.87億股,即是說從花旗銀行轉給海通的約2億股股份,一定是從摩根士丹利轉過來的股份。

看完上述資料,不知大家猜到是誰出售2億股匯源果汁股份給中泛控股?

--------------------------------------------------------------------------------------------------------------------------

後記:  曾經的民族品牌,也曾是跨國巨企可口可樂收購的對象,估不到最終的命運會是被聯交所取消上市地位,很大機會在3月2日正式除牌。



234 則留言:

  1. 新股9916留意番,認2.5M股係A尾,不是B頭!!

    回覆刪除
    回覆
    1. 雖然好熱,但又好似質素未好到要抽B?

      刪除
  2. 美國回穩,便到中港大跌!

    回覆刪除
  3. 偉哥要我地估,不過由頭到尾得另一個出現過啫。偉哥講的都係客觀數據,咁都要你收回文章,真係無理。

    回覆刪除
    回覆
    1. 我都唔明,用一個客觀數據,去推理成個事實,都要某D原因要你撒回文章。

      刪除
    2. 原因並不是說我的推論錯, 而正正是因為內容會影響某些利益團體。

      刪除
    3. 其實做得好睇o的,多o的海外註冊戶口買買賣賣,就唔怕啦,又要平又要賺,當然有被拆穿的風險

      刪除
    4. 偉哥又無點名,又無誹謗人。下次想收聲,ok,叫佢比點潤筆費先,因為晒咗偉哥墨水,如果唔係仲詳要聽佢話

      刪除
    5. 在我們的偉大祖國,勸你收聲係比機會你識時務,唔聽的話後果可以係被『回國自首』

      刪除
  4. 8.2 加一注2328,到本年低位

    回覆刪除
  5. 最近大市跌落來.
    唯獨763及788不斷創新高
    5G建設如火如荼?

    回覆刪除
  6. 其实将股票搬来搬去是什么作用?

    回覆刪除
    回覆
    1. 想掩人耳目, 不過佢地唔夠勤力, 來來去去只是兩個倉之間搬來搬去。

      有些勤力的, 會用數個倉位不斷轉貨, 讓你難以追蹤。

      刪除
  7. 主要嘅大股東,搬來搬去啲股票,係想點呢。

    唔想比人知,但咁大手貨都好易估到啦

    回覆刪除
  8. 其實大陸資金,做生意嘅方法太大膽。
    玩死自己生意外,重有幾間香港公司都玩死過啦。。。
    一百蚊本,做成十倍八倍生意

    回覆刪除
  9. 大股東及其人頭

    睇番2013年中-15年股價, 14年中高位6.2左右, 低調行動, 炒高散貨?

    回覆刪除
  10. 我估係大股東朱新禮, 但我唔係太明點解要轉黎轉去, 唔直接賣?

    回覆刪除
    回覆
    1. 因為當時是blackout period, 大股東理論上不可以減持, 減持就係違返上市規則。

      刪除
    2. 我都希望研究一下對以後分析其他股有幫助, 我睇番佢既新聞,佢15年1月點解仲要以2.8122 買?
      (主席兼最終控股股東朱新禮於2015年1月12日至14日期間,以其間接全資擁有的中國匯源果汁控股有限公司的名義,於市場上以平均每股約2.8122元的價格購買合共270.75萬股本公司普通股,涉資761.4萬元)

      刪除
    3. 好多原因的, 最大可能性是股份抵押左, 唔出來撐股價的話, 由得佢跌, 佢抵押的持股因無錢補倉會被斬倉。亦因此, 點解之後要急住減持, 可能是套現在補倉之餘, 亦希望中泛拿了貨之後炒上, 舒緩佢被斬倉的危機。

      刪除
    4. 以前隻1363又係大股東長期增持, 最終都係爆煲, 由此推斷佢增持的原因是想撐住股價, 不然股價大跌佢抵押的持股因無錢補倉, 會被斬倉.....但最後下場都係被斬倉!

      刪除
  11. 請問各位ching
    行使優先股增持股份駛唔駛出公告?
    轉讓優先股駛唔駛出公告?
    股數超過5%係咪就要披露?

    回覆刪除
    回覆
    1. 1. 股數超過5%的話, 行使方要披露股權;
      2. 因轉股令發行股數有變動, 所以公司本身也要出通告。

      刪除
  12. 請问偉哥無討論燃气股,有冇原因?

    回覆刪除
    回覆
    1. 因為對燃氣股無乜原因。網友諾治對燃氣股有深入研究, 有問題可以嘗試諮詢佢意見。

      刪除
    2. 咁投资1265是否完全因为事件推動,無其他原因吸。
      如果用你的平台來找諾治討論,是否有问题呢?

      刪除
    3. 諾治是相熟的網友, 有看討論的, 有問題你即管問下, 但佢會否回覆我就唔肯定。

      1265我買入純粹是因為事件驅動。

      刪除
    4. 諾治兄及各位網友對1083港華燃气看法,比對其他燃气股,佢估值低及恒基,中華煤气子公司,我唔明中華煤气为什么不私有化她。

      刪除
    5. 少睇LEE間,睇落係平平地,遲D答你

      刪除
  13. 傳: *CVC IS SAID IN TALKS TO JOIN IDREAMSKY IN TAKEOVER OF LEYOU (1089)

    CVC Capital Partners[1] 是一家私募股權公司,成立於1981年,在歐洲、亞洲和美國有十八個辦公處。

    回覆刪除
    回覆
    1. 2019年11月已經話呢3間: 貝恩資本、KKR與CVC資本擬收購遊戲開發商樂遊科技

      刪除
    2. 新浪出左消息. 偉哥會吾會入番注?

      https://finance.sina.com.cn/stock/hkstock/ggscyd/2020-02-27/doc-iimxxstf4785652.shtml

      刪除
    3. 不了,驚低價止蝕後, 高價追返入, 如果賣盤失敗再輸多一次, 會對信心造成好大打擊。

      刪除
  14. 批準佢賣比可口可樂咪好囉。過一陣美國佬就知中國民族品牌的厲害

    回覆刪除
  15. 美期又大跌3百幾點.....似乎跌左2千點都仲未跌夠, 太多獲利盤, 爭相出走。

    反而港股好似搵到支持, 跌唔多, 亦完全無恐慌。

    回覆刪除
    回覆
    1. BREAKING: The U.S. identifies the first coronavirus case without ties to a known outbreak, a worrying sign that the illness is already circulating in the country.

      刪除
    2. Rthk:
      美國疾控中心表示,美國出現首宗新型冠狀病毒肺炎感染源頭不明的病例,不排除出現社區傳播。患者住在加州三藩市東北部索拉諾縣,他在上周求醫,昨日確診,最近並無外遊,亦無接觸確診患者,相信他是美國首宗社區傳播病例。 連同這宗個案,美國確診個案增至60宗,包括本土確診的15宗,另外由鑽石公主號郵輪返回美國的乘客中,再多6人確診。

      刪除
    3. 新型肺炎以外另一可讓美股再大跌的因素。美國以外的財金 forum / kol 好少提及,但美國本土的較著緊桑德斯呢條友。

      https://www.facebook.com/masonsecurities/photos/a.396772650389780/2869768366423517/

      " ... 投資者仍要小心下月3日的「超級星期二」,市場將會出現一隻黑天鵝,桑德斯或哪位對手將代表民主黨挑戰總統寶座,屆時將有分曉。而特朗普作為美股最強KOL,會否故意「質低」股市,再大肆在twitter嚷嚷自己連任股市才有運行?筆者認為這絕非低概率事件。"

      另一樣重少人留意的是黎巴嫩債爆煲引起的 counterparty risk 連鎖反應 :

      https://www.mpfinance.com/fin/columnist2.php?col=1463481128292&node=1582622439015&issue=20200225

      " ... 首先,政府欠債違約全因缺水,庫房空虛很大機會誘發社會動盪不安。其次,政府開支是支持國家經濟發展的重要一環,所以,政府若欠債違約,經濟萎縮幾乎成為定局;外圍或機構投資者會引黎巴嫰事件為鑒,重新審視及評估新興市場的投資,特別是債券一環,引起區內投資產品價格波動。此外,市場會希望得知哪些機構或銀行持有黎巴嫰的債券,引發銀行或機構之間互相猜疑,業界之間失去互信,極有可能再一次引爆本欄曾討論過的債券回購協議危機。王SIR表示,他曾多次提醒去年9月的一場回購協議風暴絕不能予以輕視。黎巴嫰一旦欠債違約並引發上述的銀行危機,其中一個有機會發生的情况是有央行會破。"

      刪除
  16. 沒人懂中國地產
    https://xueqiu.com/1392782404/142269549
    ......
    為什麼給房地產行業定性尤為艱難?癥結恰恰就在於無可藉鑑。

    歷史上從來沒有這麼大規模的城市化進程,從來沒有一個如此龐大的國家如此快速的崛起。

    這也是為什麼十多年前到現在,不管業內業外,不管懂或不懂的人爭論了十幾年有沒有泡沫,什麼時候破滅。從來沒有最終的贏家。到現在,謝教授也沒有認輸,老任贏了N場但也沒有獲得最終勝利。因為答案一直都沒有公佈。

    逐漸的,大家意識到爭論不出結果。相信的繼續相信,不信的繼續不信。

    信或者不信,都在自己。

    回覆刪除
    回覆
    1. 裡面有很多有趣的討論:

      太湖釣者 今天 07:03
      幾千倍市盈率的所謂科技股都搶的進,幾倍市盈率的地產都成了躲瘟疫一樣的看都沒人看[大笑],所以說賺錢是少數人的事!

      走向最後的海洋1 今天 07:47
      因為幾千倍市盈率的科技股沒風險,幾倍市盈率的房企風險大的很,人們可以睡天橋下,但不能沒手機!

      刪除
  17. #20個私有化,咁都要派D碎股出黎 XD

    回覆刪除
    回覆
    1. 真係成地眼鏡, 估唔到係私有化20。

      4號仔唔復牌, 會否順便私有化埋4?

      刪除
    2. 係囉仲揼春話無儲4號仔,痴L線私有化會德豐。1997復牌後跌。。。偉哥有無咩部署套利?

      刪除
    3. 講真, 66元買入20有什麼值博率? 如無意外, 在完成分派後, 1997 及4都係會跌居多, 作價係去唔到聲稱的71.9元, 而且呢單交易應該需時甚長, 可能要4-5個月時間完成, 有較大的折讓都唔值博。

      刪除
    4. 點解用1股4+1股1997+12蚊收購咁復雜??係咪等你計吾到個價值??🤔

      刪除
    5. 派股方便D控制返D股權?

      刪除
    6. 12蚊又有可能扣股息, 71.9係騙人..

      刪除
    7. 如果4號仔都私有化的話買入20值唔值搏 ?? 同埋4號算唔算換左控股股東, 要唔要出 GO ?

      刪除
    8. 我覺得4號唔會私有化, 如果係20的consideration 就唔會包4的股票

      刪除
    9. I suggest to buy 010.HK.

      Same treatment may be happened in Hang Lung Group(010.HK & 101.HK) soon.

      ^_^

      刪除
  18. 隻仲興電機,仍無電到,啲春鴨游咗去邊?

    回覆刪除
  19. 想問下偉哥1778聽日限售解禁對股價有冇影響

    回覆刪除
  20. 302回吐緊,偉哥又可以出擊

    回覆刪除
    回覆
    1. 回吐緊? 我3.4X沽的, 現價高追返?

      刪除
  21. 回覆
    1. 買左摶出盈喜
      點知俾佢嚇到暈

      刪除
    2. 如果是跟我4元左右買的, 唔使太驚吧。

      刪除
    3. 4元無跟到
      係近排自己搵下有咩股未出盈喜係5.2左右買的

      刪除
  22. 有投資研究機構想出報告做空9988, 想趁低價上車的朋友要留意了。


    據彭博社報道,美國獨立投資研究機構Hedgeye旗下
    中國分析師Felix Wang將阿里巴巴(09988)列入沽空名單,指潛在跌幅高達兩
    成。
      分析認為,新冠肺炎增加阿里巴巴的風險,而即使疫情得到控制,並且供需條件正常化,阿
    里巴巴亦將比同行面臨更多困難,機構預計將於下周一(2日)上午評估沽空主題。

    回覆刪除
    回覆
    1. 找巴巴來沽都幾狼死

      刪除
    2. 如果真的跌20%的話, 我的185SP, 175SP 唔知應該開心定係傷心好?

      到時可能是留著幸福的鮮血,哈哈。

      刪除
    3. 招股價或以下買爸爸不是夢

      刪除
    4. 阿里巴巴 有什麼同行? 京東?

      刪除
  23. 偉哥想請教你恆指見底了嗎?可以轉強積金了?謝

    回覆刪除
    回覆
    1. 唔知見底未, 不過我自己未轉MPF。

      適逢期指結算, 不知會否是托住個市來結算, 等結算過後再看看。

      刪除
  24. 今日2.01補返之前2.23減持的258。

    盈透有些大沽盤沽落來, 似係要清倉。

    回覆刪除
  25. 跌曬眼鏡
    會德豐NAV129元
    原來唔係私有化九倉原來唔係私有化九倉置業
    係掉返轉
    真係估唔到

    回覆刪除
    回覆
    1. 香港股市文化,大股東希望小股東低價賣股給他.中國股市文化,大股東高價售股給小股東.

      刪除
    2. 有線財經台講左幾樣較少人留意既野:
      - 私有化會德豐所需現金比私有化九倉少得多
      - 九倉同會德豐皆有股份的地產項目將來會唔會再有業權轉移,令功九倉有特別息派番比私有化左既會德豐,進一步令吳光正回本?
      - 響業績期的 blackout period 原來是可以公佈這私有化安排

      https://www.facebook.com/cablefinance/videos/232732961093916/

      刪除
  26. 而家因應疫情, 朋友間少左好多社交活動, 自己都好少外出, 加上公司也好清閒, 所以每日收市後就搖搖欲睡, 感覺好頹廢。

    回覆刪除
    回覆
    1. 行街小好多人, 公園最多人。

      刪除
    2. 我做機場既,問過d老一輩同事,佢地都話衰過沙士

      成個禁區既旅客,十隻手指數得哂

      刪除
    3. 唉,疫症至今完全沒有見過朋友、波友。而家中又添一員更怕對外接觸差不多成為超級宅男😂
      今日太悶沽出餘下一半9928沖喜吓,呢隻前後都執咗50%😁偉哥我愛你😘

      刪除
    4. 炒下美股,合理過港股

      刪除
  27. 我將70%的161接受了要約, 留下30%看看什麼情況再決定。

    回覆刪除
    回覆
    1. 想請教一下偉哥,如果用銀行做買賣,係咪要打返去銀行問返黎接受要約

      刪除
    2. 你要查詢你買賣的銀行/券商如果接受要約, 每間的方式都不同。

      刪除
  28. 國泰有成七百架飛機,日日泊係機場燒錢,都仲可以升既😂

    回覆刪除
  29. 昊海生物科技(06826.HK)业绩快报 2019年度净利降10.56%至3.71亿元
    唔知堅家流!
    https://finance.sina.com.cn/stock/relnews/hk/2020-02-27/doc-iimxxstf4851657.shtml

    回覆刪除
  30. 請問偉哥最後有冇抽9916?

    回覆刪除
    回覆
    1. 兩張現金飛, 每張各認購5萬股。

      刪除
  31. 偉哥剛剛我查CCASS"Securities not in CCASS"由14/2的6.52% 到24/2的14.32%, 中間升左7.79%
    7.79%已經做左指示,假如7.79%都同意,是否已經夠90% ?(71.43+9.5+2.06+7.79)
    因為我唔係好明 總股本VS 同類股本 的分別http://www.etnet.com.hk/www/tc/stocks/realtime/quote_ci_brief.php?code=161

    回覆刪除
    回覆
    1. 唔明你71.43 + 9.5+2.06係點得來。

      NON-CCASS + HKSCC的持股就是代表已接受要約的股份。

      刪除
    2. 簡單D問:中國航空技術國際控股有限公司 71.43% +長江和記實業有限公司 9.5% =80.93%會同意?

      刪除
    3. 這是H股要約, 大股東沒有持有任何H股。

      刪除
    4. 偉哥你好,我今天剛買入161,或者明天會加少少,請問最遲要幾時通知券商接受要約?

      刪除
    5. 要問你的券商, 每間券商截止的時間不同, 有些可能下星期二就截, 有些就星期三。

      刪除
  32. 如果東奧最終搞唔成又或delay一年,那些體育用品股會否跌到反艇?

    回覆刪除
  33. 外圍又大跌....太多獲利沽盤。

    回覆刪除
    回覆
    1. 計數咁計,昨日歐股後市後,美股變相倒插近700(當時升緊4XX,倒跌收)未計再睇低開200.要反映嘛......韓國正步向湖北第二,防疫觀有問題,從外長康京和的口吻明顯未知死,仲唔想封城,如果搞到首爾.怕且金正昕話南韓送畀佢都唔要.

      刪除
    2. 港股是跌市绿洲,近年稀见
      转运?

      刪除
  34. 今天和我的银行求证过,并非我接受了邀约就会即时将货从CCASS中取出,而是等到截至后才一次过处理。

    回覆刪除
    回覆
    1. 大部份券商的做法是一次性在要約到期前2-3天才一併處理的, 不會每個客戶同意要約就獨立處理, 除非你是大客戶。

      刪除
  35. 唉,基建H股仲係升得好慢.......中國經濟跑數現在只凈5G和傳統基建,5G基本已經固定,預係咁多就咁多,真正可以加大既係傳統基建,衰d講,冇果樣整果樣都仲得.......偏偏基建H股仲係成條鯰魚咁,明明好肥好多肉,但仲係貼住水底游水......昨日601618升停,1618可以升得少少,日日沽空多到痴線,股價同比水平又再跑輸1毫子有多,上次有近1.7,現在得1.5X.今日U盤明顯仲想隊低4格收(失敗但行為痴線),咩人同佢有仇?好令人upset.1800好少少,安慰小小.但都係慢果隻.1186有分拆,同比略貴.沉左3年既基建股,都係冇咩人吼........

    回覆刪除
  36. 偉哥,再一次,民企盤數信唔信得過?只係記得1886匯源當年在等可樂收購後,盤數之後可以完全大幅度走樣,好令人懷疑:假設1.是否有人想賣間空殼畀可樂?2.盤數有幾真?
    中國股市特色,一個現象,國企Book表面值10蚊的話,通常實際唔止值10蚊,A股trade8蚊至平水.但H股股價可以trade 5蚊.某些民企Book表面10蚊,實際1蚊都唔知有冇,股價可以trade 20蚊甚至更高.
    這就是現實,有時真是無話可話.

    回覆刪除
    回覆
    1. 民企有好有壞, 你不可能因為一些老千股而完全抺殺民企, 如果這樣的話, 你唔會買到市場上的大牛股, 皆因現在的大牛股大部份都是優秀的民企。

      投資者要根據自己的判斷力、分析力去挑選信得過的企業, 而不是因為有部份民企有問題, 就斬脚趾避沙蟲。

      刪除
    2. 偉哥,你對,不能抹殺,但真係心中有數,向上炒緊可跟,但長坐.揸都冇,沙蟲有毒.

      刪除
  37. 偉哥覺得HSI同DOW現價吸引嗎?

    回覆刪除
    回覆
    1. 我一直堅持持有35%以上的現金, 因為我覺得疫情的破壞咁大, 冇理由對股市的影響咁細。

      恒指應該有機會試去年的低位。

      刪除
    2. 低位大概是上年8月248XX,即還有接近2千點跌??糟糕了

      刪除
    3. 美股好似山泥傾瀉咁......大家而家的心情是擔憂, 還是充滿期待?

      刪除
    4. 最怕好似昨天咁倒升

      刪除
    5. 一半憂,一半喜,矛盾。

      刪除
    6. 大陸大放水,估計要恐慌都等見到中小企員工大量失業.

      刪除
    7. 而家既大環境係內地股民個個以為宅在家中炒股好搵過返工,安全又舒服,唔願復工,更何況返工屬高危活動!習主席若要大家復工,唔應該再學先前咁用狂狹創業板托住成個 A 股市場了,比 A 股跟番美股咁插佢一輪,套牢大批搏反彈股民,佢地才肯乖乖開返工。

      刪除
  38. 聽日可能有機會見25000, 希望有機會可以轉mpf

    回覆刪除
    回覆
    1. 睇下會是破底, 還是雙底。

      刪除
    2. 港股黑旗到早上8時,跌了676點。呀爺係大廳也難力挽狂瀾。

      刪除
    3. 爽,今日又可以買返D內房

      刪除
    4. 頂, 884,817,3883,1030,跌得個1%....點買呀...

      刪除
    5. 係,自己倉D內房己經跌少過1%, 加唔到, 3323仲要倒升, 冇買錯SECTOR, 水泥+內房+物管..

      刪除
    6. 吾講吾覺,2018年12月,2019年2月,宜家到26000,3個底了

      刪除
  39. 明天不要掉以輕心,港股已死頂多日,似是大戶圈套

    回覆刪除
    回覆
    1. 你是不是買入了好多熊證?

      刪除
    2. 只是以事論事,今日港股有權補跌 1500點!

      刪除
    3. 你講跌千點已經講了多次,請番看自己的留言。

      刪除
    4. 請問有無網站能看恆指未平倉合約数,除stockradar外

      刪除
    5. 賺到錢炒股炒期货的人不是比人趕走就是屈走,衰股驅逐良股。

      刪除
  40. 美股戰友指,美國人並不怕美國本土出現社區感染,佢地相信 CDC (疾控中心) 的應變能力, 而是怕選民覺得 Trump 叔覺得連任比控疫重要,為托市左右 CDC 的控疫政策。若這觀感入左腦,或俄國佬暗中借網絡打手搞局下進一步向選民洗腦,個個轉投強硬老左派,對中國和商界言論相較 Trump 叔甚至 Pence 更不友善的桑德斯,令 Trump 叔不能連任,美國今次將會經歷 1929 年級數的大熊市,但佢地相信中國/中資股唔跟,頂多捱到今年十一月就浴火重生。

    佢地,尤其是研究江恩理論、周期、術數同星相個班,都一直流傳一個 45 年周期的說法:1929 great depression + 45 年 = 1974 石油危機, 1974+45 = 2019 年美國國運氣數盡頭年。呢一派上年下半年開始見美股每創新高就不停 short,然而大多被挾到內傷,等到疫情由中國擴散才知自己無睇錯市,不過子彈已所餘無幾。

    https://hk.news.yahoo.com/%E6%96%B0%E8%81%9E%E9%BB%9E%E8%A9%95-%E7%A4%BE%E6%9C%83%E4%B8%BB%E7%BE%A9%E8%A5%B2%E7%BE%8E%E5%9C%8B-202200688.html

    回覆刪除
    回覆
    1. 呢位連登仔幾代表美國股民的主流意見:

      https://lihkg.com/thread/1901204/page/1

      1. Trump反對全民healthcare
      而對家healthcare政策係賣點
      武肺係加州已開始有社區爆發跡象
      選舉前呢幾個月緊張時期 醫保政策搶到好多票

      2. Trump交左比Pence跟武肺發展
      但係佢曾經處理indiana hiv唔太成功
      有咩差池好撚大鑊

      3. Trump岩岩Cut左Cdc funding

      4. 美股而家冧到仆街
      Trump sell既強經濟 一個禮拜爆左
      無果種安於現狀既經濟氣氛保住投trump選民

      天佑美國 我唔想要左膠sanders:~(

      刪除
    2. 連登仔有好多高人,得閒要睇下咁😁

      刪除
  41. 美股已進入跌市mode, 看來24000點應點到。

    回覆刪除
  42. 如果美國小型社區再爆發,更有超級恐慌性暴跌。

    回覆刪除
  43. 偉哥今日咁早起,可惜接唔到阿里。

    回覆刪除
  44. 個市有冇咁強啊....想買些少平貨都咁難😥

    回覆刪除
    回覆
    1. 恆指當美股VIX指數見雙頂,在 2613x 位置築了雙底。

      https://www.facebook.com/photo.php?fbid=1036472113395577&set=a.129291587446972&type=3

      刪除
    2. 可能要等今晚美國再跌跌多1000先

      刪除
    3. 完全無恐慌, 個個都好似等住買貨咁, 跌少少就買

      刪除
    4. 淨係呢度啲老友草草埋埋啲彈藥都唔少啦,個個都等緊入平貨,就入唔到㗎喇!
      只可以講偉哥教得好

      刪除
    5. 真係買唔到喎..1918倒升埋..駛咪咁..想低位加多D都咁難..

      刪除
    6. 阿爺放水,無形之手托住,之後中國疫情受控,下個月分分鐘大力反彈

      反而其他歐美國家就唔太樂觀

      刪除
  45. 港股和上證真心強勢, 阿爺放水真心頂呱呱!

    回覆刪除
  46. 可能內地已經控制到疫情,加上大家開始習慣身邊都有機會中招,開始習慣。美國就大不同,同當初中國剛剛大爆發一樣,個巿係咁跌。

    回覆刪除
  47. 1772 贛鋒鋰業 可以留意一下。

    回覆刪除
  48. 1989多謝偉哥先。岩岩@8.07 入左2328跟機

    回覆刪除
  49. 問一下。我不明白
    自從20號仔。會德豐提出私有化後
    其他2個九龍就不斷下跌。我知道因為之前大家都以為大吃小
    買定4號仔賭私有化。所以估錯邊急走人

    但除左2個仔之外。
    今日連20號自己都跌到60。係咪代表私有化不吸引??
    無人願意收2個仔股份?

    回覆刪除
    回覆
    1. 20=4+1997+$12
      4、1997跌
      20會點?

      刪除
    2. 16+35+12=63
      喔。原來如此。因為2個仔愈來愈唔值錢
      咁阿媽作價都相對而言就愈來愈細
      咁股東反對的機會就更大啦
      怪不得。私有化前47$升上來。現在已經59
      就快打回原型

      刪除
    3. 20呢個私有化因為係實物+現金關係, 所以變數多, 而昨天個價根本是零值博率, 我昨天都有講。

      遲D有時間分析下呢個私有化。

      刪除
    4. 有關020私有化想請教一下。以分派加現金形式私有化,如果我係大股東,是否應該將1997同0004嘅股價有咁高推到咁高,否則對小股東而言接受私有化要約根本係不化算。

      以咁樣去推論,1997同0004應該係向上升以增加私有化成功機會。反之假設私有化唔成功, 1997同0004嘅市場股票流通量不會增加,因此股價下跌的主要理由應該係消失,代表昨天1997股價下跌係不合理。

      由此推斷,理論上來講以低過其私有化提出嘅價錢入1997同0004係公係我贏字係佢輸。

      當然呢個係理論所以想大家討論一下。謝謝

      刪除
    5. 好呀,呢單deal幾複雜咁😁

      刪除
    6. 不要假設大股東是萬能的, 可以隨意控股股價, 尤其是4+1997的市值超過1500億元。

      除非4, 1997跌到不似人形, 不然呢個實物+現金的私有化方案作價加起來, 仍然是比20過去多年的股價有溢價, 對小股東而言就有吸引力。

      4, 1997股價下跌是必然的, 因為實物分派的結果是市場多左供應, 而且做套利的不會打算長期持有4, 1997, 如果成功私有化的話, 短期沽壓會持續。

      刪除
    7. 偉哥覺得咩價位值搏?我覺得57就吸引。難道4+1997唔值45蚊?

      刪除
    8. 55左右就開始有值博率。

      刪除
  50. 好驚呀!!!!!!! 我清倉唔玩啦!!!!!!!

    回覆刪除
  51. 是否因为全球股市跌,zf觉得a股跌不会没面子所以今天不托让她自由发挥

    回覆刪除
    回覆
    1. 不是, ZF想讓子彈先飛一會,跌得足夠深才托打爆空頭..XD

      刪除
  52. 想問問1989 今日出左通告
    佢寫3月31號係最好匯款日期
    意思係唔係只要3月20號前接受左要約
    最遲都會係3月31號前收到錢

    回覆刪除
  53. 6826 業績符合偉哥expected 嗎?

    回覆刪除
  54. 大家撈左D咩??今朝入左D258同282咁,諗緊入吾入1137咁😁

    回覆刪除
  55. 我前幾天說了002916是泡沫價, 所以即使002916近期大升, 也是傾向接受161的私有化要約....只是短短3天, 002916已自高位下跌25% !

    回覆刪除
    回覆
    1. 深信偉哥,所有持股都已經接受要約,中銀上網咁個制就搞掂

      刪除
  56. 紅中一㸃綠,1692有盈喜!!哈哈

    回覆刪除
  57. 2萬6關口徘徊, 可否再比些少力, 踩深D?

    仍然大量現金在手, 未到心水價大舉入市。

    回覆刪除
  58. 今日大跌巿原來有原因,明白晒。

    回覆刪除
  59. 垃圾股仔2339罕見的大成交, 可惜係價跌, 不是升。

    呢隻一直冇止蝕, 輸得甘。

    回覆刪除
  60. 581應該係星展每個位都擺左大買盤係度頂住, 唔知係真心買貨, 定係純粹托價。

    回覆刪除

注意:只有此網誌的成員可以留言。