2019年8月14日 星期三

淡市做套利



自7月底以來,大家都知我立場是看淡大市,而且是頗為悲觀,先後兩篇網誌的題目都是內憂外患,而自7月底以來,大市受內外夾擊,兩個星期已下跌3000點,然而25000點是否已見底? 我自己覺得跌破25000點後,短線已非常超賣,或許將有短暫的反彈,但中長線而言個人認為恒指今年的底部不會是25000點,再悲觀一些22000點亦有機會在未來2、3個月觸及,大家要有心理準備迎接更壞的時刻。

在目前市況,為免手上資金亂撈底, 我自己會選擇將部份資金投入套利交易, 例如昨天買入擬私有化的冠捷科技(00903)。事實上今年在淡市時做了兩宗私有化套利,包括第二季買入的中國電力清潔(00735)及個多月前買入的亞洲衛星(01135),兩股都是私有化套利,兼且在大跌市期間提供微利,是大幅度跑贏大市!這次再接再厲,大注買入冠捷科技,將部份資金泊在我自己覺得相對安全的私有化套利, 希望再次於大跌市取得良好回報。

冠捷科技的私有化作價我自己覺得相對合理,相信可以成功通過的機會比較高,相關的分析日後會詳細寫寫。

正值風雨飄搖之際,祈望網友們可以順利渡過可能是自2008年金融海嘯後港股最大的危機!

215 則留言:

  1. 8卦一下,偉哥套利的大注會係佔幾多%一隻股?
    你會用總共幾多%做套利既部分?

    回覆刪除
    回覆
    1. 903連同1265及1135, 佔我組合大約10%的比重,當中以903的注碼最重。

      刪除
    2. 呀,其實我係想in general 咁問
      或者應該咁問會好D「偉哥最多會用幾多%資金預留做套利?」

      又要預留錢去撈底,又要把握套利機會等資金唔洗閒置,都幾有學問。

      刪除
    3. 目前只餘下大約20%的現金水平,沒有諗過固定的比例預留做套利, 就按平時的方式去下注, 做套利的一般比較有信心的, 可以買到5%比重。

      刪除
  2. 903 good trade! thanks sharing

    回覆刪除
  3. 現在已進入物賤鬥人窮的慘況, 下一步可能就是再賤價也要追沽的人踩人慘劇!

    回覆刪除
    回覆
    1. 熊市通常以某些企業倒下結束,偉哥覺得現在有這個可能嗎?

      刪除
    2. 你指的某些企業倒下, 是泛指上市公司, 還是指本地企業?

      上市公司而言, 我自己覺得本地的企業仍可以守住一段時間, 反而國內民企可能會陸續有爆煲潮。至於本地經濟轉差已是非常確定, 今年底或明年初應該會有一批實力較差的中小企會結業。

      刪除
    3. 偉哥,汽車金融股公司會唔會受影響?

      刪除
    4. 881的業績指出豪華汽車的銷售仍佳,理論上對汽車金融的需求仍大。

      刪除
    5. 最近回鄉看到好多人買大陸車0首期就能把車開走

      刪除
    6. 有偉哥係大廳就繼續等吧!

      刪除
    7. 好似點左穴咁.....唔郁

      刪除
    8. 依幾日收市前好多時會有幾百萬成交

      刪除
  4. 國泰終於願意做正確的事情, 太古系盡力挽救在香港及在內地的資產, 等待機會低吸。

    國泰解僱兩機師 一人涉暴動罪 (19:58)

    國泰航空今日(14日)證實,已解僱兩名機師。國泰指出,其中一人正涉及司法案件,另一人則涉及運作8月12日CX216航班時不當取用公司資訊。國泰航空表示,就任何正進行的程序事宜,均不會發表任何意見,重申遵從所有營運司法管轄區監管機構的規定和指引。

    據了解,被解僱者包括早前被控暴動罪的機師廖頌賢,另一二副機長則涉嫌在前日在CX216機艙內拍攝,顯示該航班正從曼徹斯特回港,並在連登討論區內指「走咗嘅,即刻返入機場」。當日有傳警方即將清場,大批在機場集會的市民正離開機場。

    董禮霖
    真是為你感到可惜及ON 9 仔。反中就要上深圳啦,不是在香港。

    Peter Fung
    機司? 應該都吾會有航空工司會請你啦,轉行做(司機)都可以掛?....一世了!

    Hi Hi
    國泰醒覺了,不過遲了一點。重有地勤和其他機艙服務員呢。真要呼籲國內人民不要搭乘國泰。

    回覆刪除
    回覆
    1. 多謝給我293的資訊.我看的傳媒全是大單邊.293如跌破9元.也是收集良機.三大股東已持90%。太古終會放棄大股東地位。

      刪除
    2. 太古系的資產質量非常好,值得低吸。

      刪除
  5. LOUIS兄,請不要在這裡討論涉及政治的話題。連偉哥咁嘅高手都唔會在這裡提供任何買賣建議,如果你想討論近日的政治事件,可以去各大討論區,果度大把你嘅同道中人。

    回覆刪除
  6. 睇 ccass, 建銀又掃左兩球橙仔,看來今日果 2M 盤也是他的,很積極。

    回覆刪除
    回覆
    1. 偉哥你估咩原因要甘買法? :o

      刪除
    2. 難估,最理想就是再賣業務套現。

      刪除
    3. 係就正呀。 希望偉哥估中~

      刪除
    4. 岩岩建銀又掃左一球多 d.

      刪除
  7. 利記今年開齋,攞隻盃先

    回覆刪除
  8. 大家好,想問下邊間股票行做期權平靚正?因用開輝輝立,但成本太貴。

    回覆刪除
    回覆
    1. 我自己主要用致富做期權交易, 收費算合理。

      刪除
    2. 小弟這幾年都用一通,好平,但最好9:30前要落定盤,因為9:30-10:00落盤通常都有問題,便宜就係咁上下質素,自己衡量

      刪除
    3. 致富+1,一通太易溶斷

      刪除
    4. 非廣告

      今早剛好有資料如下:
      https://www.moneyhero.com.hk/blog/zh/%E6%9C%9F%E6%AC%8A-%E8%82%A1%E7%A5%A8%E6%9C%9F%E6%AC%8A%E6%95%99%E5%AD%B8-%E9%A2%A8%E9%9A%AA-%E7%8E%A9%E6%B3%95-%E4%BD%A3%E9%87%91

      刪除
    5. 富途牛牛,個app幾好用,仲有大利市添

      刪除
  9. 雖然市况很差,但很多已出的藍籌業績都好過預期,希望之後出嗰D都可以合格收貨。

    回覆刪除
    回覆
    1. 不過要小心業績只反映過去,加上大市隻隻大平賣,股價要重估

      刪除
    2. 係呀,要分析吓業務會受幾多經濟週期影響,再選邊隻可以分段吸納。

      刪除
  10. 今日恒指14日RSI可能跌到落去15
    超賣得好緊要 希望承偉哥貴言
    有番個似樣啲嘅反彈

    回覆刪除
    回覆
    1. 未去到15, 可能都是17-18左右, 但都己經非常超賣, 短線可能有死貓彈。

      刪除
    2. 雖然超賣 但我未感到市場恐慌!大家又覺得呢?

      刪除
    3. 彈了,來回450點,唔知到唔到25800呢

      刪除
  11. 呢D時候我覺得最考功力,之前嘅股災我記得偉哥不停將蝕本貨,轉去跌得更低更可靠嘅股票,同時又保持少量現金。一般人(即係我)就用Q哂現金。蝕本貨就鬥坐。手起刀落式止蝕係好高難度。

    回覆刪除
    回覆
    1. 大跌市買貨我自己覺得確定性是優先,其次才是估值,所以有時候會將一些估值好廉宜的換去一些我自己覺得業績確定性更高的公司。

      刪除
  12. 偉哥想請教一下
    之前有提過mpf當股巿接近底部會轉移港股基金
    其實會否考慮其他地區?
    是否主要因為自己最熟悉港股巿場/估值相對便宜

    回覆刪除
    回覆
    1. 港股是自己最熟悉的股票市場,不打算捨長取短。

      刪除
  13. 唉,市況同香港狀況一樣膠著半生不死,以為今日可以執啲筍野點知玩翻轉。銀行股諗住有低位誰不知939仲率先玩反彈😅😅

    回覆刪除
    回覆
    1. 死貓彈開始了, 趁逃生門未關上時要走好走了。

      刪除
    2. 非常著數, 高位讓大家沽空!!! 不要失去天大的好機會!!!???

      刪除
  14. 地產股全綫反彈👏👏

    回覆刪除
    回覆
    1. 內房、內需、發過盈喜/剛發盈喜的如半新股 1873 好多今日都低開高走。

      刪除
    2. 哈,10以上就慢慢卖

      刪除
    3. 9蚊冇溝 唔高興~
      3662都反彈

      刪除
    4. 日日跌,咁既時勢點估到一日彈得咁勁...
      跌到最殘,見底啦...?
      3662聽日出業績啦

      刪除
  15. 1920 "咸濕風" IPO allotment results,相當玩野,值得一記 : 公開超額 15.14 倍,國配超 1.24 倍,回撥後公開 : 配售 3:7。

    A 組不論你抽幾多手,近乎人人一手 [一手 10,000 股]
    B 組兩張大飛懷疑是自己友入飛
    https://www1.hkexnews.hk/listedco/listconews/sehk/2019/0815/01920_3854034/c102.pdf

    回覆刪除
  16. 偉哥會繼續持有1729嗎?最近跌幅好大

    回覆刪除
    回覆
    1. 右手邊可以查留言!據我所知,偉哥依家都冇沽,只有買!
      我覺得5G股點都可以守下,我現在平均成本@0.7 (已賺一次由0.3升到1.01)
      11月會中期業績,可以期待下

      刪除
    2. 其實只要花時間使用留言搜尋功能就知我最近的買賣及看法。

      刪除
  17. 逃生门开了,希望可以持续多点时间来个好些的反弹。

    回覆刪除
  18. 1717被狙擊,可惜借唔到貨沽空。

    回覆刪除
    回覆
    1. 偉哥以前研究過並買入過最後沽出,現在沽空機構稱1717一半銷售額做假,偉哥覺得有多大可信性?
      這間沽空機構最近狙擊過2020也沒甚麼反應。
      不知有甚麼網站有沽空構機的沽空紀錄,或是只能google查看新聞?

      刪除
    2. 停牌了, Blue Orca is Short Ausnutria Dairy Corp Ltd (HK: 1717)
      https://static1.squarespace.com/static/5a81b554be42d6b09e19fc09/t/5d54c2149fed7f0001c9025b/1565835817581/Blue+Orca+Short+Ausnutria+Dairy+Corp+%28HK+1717%29+CN.pdf

      刪除
    3. 剛剛停牌了,又待發澄清公告。

      刪除
  19. 偉哥也覺得假數機會大嗎

    回覆刪除
    回覆
    1. 未詳細睇報告,但報告中指出公司誤導國內消費者,羊奶其實也會如牛奶一樣過敏,如果確實的話就很有問題。

      刪除
    2. 之前做假数的人物从上市公司离职但其实一直保持紧密关系.. aii

      刪除
    3. 沽空機構給予5.78元的目標價,即是盤數假唔晒。

      上年我好似都是5-6元沽清的,因當時覺得估值已太貴。

      刪除
    4. 所谓目标价其实都是估估下,盘数不知多少是真,所以出完目标价他另外指出其实公司是 uninvestable

      刪除
    5. 廣告誤導, 國內應好少事, 味精拉面話自己湯底鮮整, 好有營養, 聽完都笑下算

      刪除
  20. 指教1234績優但低位繼續被洗倉....?

    回覆刪除
    回覆
    1. 殺估值及看淡前景。

      刪除
    2. 中國利郎(1234)在6月,出了近乎盈喜,冬季訂貨會訂單額增逾一成,股價即炒高15%,又是炒高來宣佈中期業積,又是那招莊家玩技,見光死,以我長期留意此股,不是嚇人,可以低見5.20元,因為是2017年尾橫行幾月密集收貨區。1234近二年也是我提款股賺了二次,好炒是波幅夠大成交股數又不太多的莊家股。

      刪除
  21. 有消息指因應香港目前局勢,阿里巴巴延遲來港上市。

    希望只是延遲而不是取消!

    回覆刪除
    回覆
    1. 哎呀,暫緩同取消差唔多呢

      刪除
    2. "噗",永久暫緩同完全取消夠一樣

      刪除
    3. 阿里巴巴現在取消申請上市也是等同延遲申請上市
      未至於dead到冇得上市

      刪除
    4. DEAD咗梗係冇得上市,希望阿里巴巴賺咁多應該派下錢,吾好似阿里影業得上市衝之後鬆。

      刪除
    5. 我自己估計目前市況及氣氛,佢地要集資200億美元的難度好高,所以暫緩香港上市計劃。遲d氣氛好返,應該會再尋求香港第二上市。

      刪除
  22. 旭日企業(00393.HK)公布截至今年6月底止中期業績,綜合營業總額6.64億元,按年跌4.6%。純利5,576.1萬元,按年升44.4%;每股盈利3.65仙。派中期息2.6仙,上年同期派2.5仙。

    回覆刪除
    回覆
    1. 比較失望的是上半年盈利沒有100%派息。

      刪除
  23. 香港有3隻悠長老牌紅籌股,是144,308,270。重點是144穩紮穩打,現價11.54,再大跌風險不大,當然大升幅暫時欠,股息每年二次從未欠缺,保守投資者可以考慮長線保值,做吓功課你發覺不俗之選。

    回覆刪除
  24. 大市自18年開始都好似無過咁滯,熊咗2年, 手上股想炒結果楂到有息收

    回覆刪除
  25. 2136原來已經坐超過一年...
    繼續耐心等候, 希望是下個903...

    回覆刪除
  26. 溢價50%, 也只是回到1年前的情況

    回覆刪除
  27. 17超级大反弹, 快到收成期!
    谢louis

    回覆刪除
    回覆
    1. https://www.cnbc.com/2019/08/15/hong-kong-protests-economist-says-tycoons-are-the-problem.html

      会否拿这些富豪开刀?要注意这风险。

      刪除
  28. 1920 0.24 出左,估唔到可以升咁多 XD

    回覆刪除
    回覆
    1. 嘩 好彩走得快 嚇死 見到個配售結果都唔太對路

      刪除
    2. 睇黎又有人黎搞事喎,仇口真係好深,唔講重以為偉哥做左D乜對佢唔住

      刪除
    3. 條友肯定係輸到傻x左嗰d

      刪除
    4. 有可能真係70後,40幾歲淨係聽no. 入,偉哥走左佢仲揸住,然後結果當然... 由此得知,自己要分析個股既重要性。反面教材,我們不要怪70後...

      刪除
    5. 0.174 出哂,賺左早餐錢

      刪除
  29. 剛剛先睇到,原來823領展昨天以$86.7586回購320.35萬股, 今年6月全年業績會後,第一次回購,還記得上次回購,升到Tear Gas都追唔到

    回覆刪除
  30. 偉哥可會有朋友參明早1717的投資者會議嗎
    可否分享一下
    岩岩停牌前入左
    謝謝

    回覆刪除
    回覆
    1. 暫時未聽聞有朋友聽會議。

      不過股價反彈左,恭喜。

      刪除
  31. 偉哥 之前推的2339 3688都表現失望
    會否出一些包膠分析更新膠袋?

    回覆刪除
    回覆
    1. 什麼叫包膠分析更新膠袋?

      刪除
    2. 包膠等如膠包,膠袋等如袋膠.70後投機客腦袋等如膠袋用來装包膠.

      刪除
    3. 請移玉步去樹窿有包膠分析更新膠袋

      刪除
  32. 在京都的最後兩天,主要是購物為主,我自己就掃水果,買了3箱水果,搬死我。

    回覆刪除
    回覆
    1. 偉哥,

      生果在日本即食可以,
      現在香港日本生杲多是飛機貨,
      價也不會太貴,
      不用咁辛苦.

      刪除
    2. 我係京都的大丸買水蜜桃,平均每個180日元,超平超好食,一家人每日消耗8、9個,食得好滿足,今日去買多兩箱抬返香港做手信,好過買其它食物。

      刪除
    3. 係呀,我都名古屋買咗,但我落唔到機遲咗一日。有d表皮少少熟到爛。
      偉哥可以揀d無咁熟的。

      刪除
    4. 已盡量選生一些的,應該頂到幾天。

      刪除
  33. 1132 and 2136繼續耐心等候, 希望是下個903...
    這處人多口雜, 要搵個樹窿講先至得. 話時話, 邊樹有樹窿啊?

    回覆刪除
    回覆
    1. 偉哥 人在旅途中反而仲多咗時間同大家互動, 有些諷刺, 日本快香港一小時.

      加了少少1132.

      刪除
    2. 波仔密密吸貨,留意留意。

      刪除
    3. 唔係啊,呢幾日係京都行山、睇名勝古蹟,仲要大飲大食,比係香港工作仲疲累,晚晚強行撐住睇完通告、新聞已想睡。

      刪除
    4. 偉哥, 上次去東京, 我日行40,000 步, 係香港一星期量.哈

      刪除
    5. 仲要除了昨天下了幾場大雨外,日日陽光普照,溫度34、35度,熱到想死,只能不斷買水飲補充水份,唔係驚中暑。

      一口幾口個個都晒到似黑炭咁。

      刪除
    6. 今朝香港依度都行雷下大雨。

      刪除
    7. 希望橙仔賣新加坡業務, 我相信估值25億以上。 😚

      刪除
    8. 我昨日也從大阪返來,好彩改了早機,如乘晚上CX569便會因風球取消航班了,偉哥有無抽時間去關西車輛運動中心,非常好玩,不過就好鬼晒。由我出發到依家,賬面又縮水了,最把鬼隻2718,我仲臨出發前加了貨,唉。

      刪除
    9. 大口返嚟就好喇,呢度除左偉哥之外,你就係最多fans,我有好多姊妹都係你fans嚟,你講嘢呢好搞笑抵死。上星期2718反彈微賺少少走咗,上落巿好好玩鬥快食,少貨服從多貨,多謝你單聲出入貨。

      刪除
    10. 係真唔係呀?唔會係千刀條麻甩仔分身扮女女昆我吧?
      係真就等我儘快籌備一個閉門聚會,只招待女賓先

      刪除
    11. 哈哈哈,大囗用錯電話留言。 😂

      刪除
    12. 哇,進擊の七七七呢個都好多人揾佢,成年幾冇出現都仲有人揾佢掛住佢,如果大口都係你,你兩個都好成功,我啲姊妹都成日掛住進擊の七七七。

      刪除
    13. 等我改名叫大口七七七先

      刪除
    14. 笑鳥。
      個市旺返又多留言了

      刪除
    15. 原來大口就係七七七, 其實之前都有人估過. 睇怕青兒都係你, 1人分飾3角

      刪除
    16. 失敗,我條底褲俾你地睇穿,其實我就係大口777青兒!

      刪除
    17. 哈哈,阿七返黎啦,大家開心曬

      刪除
    18. 市旺啦,今早清曬所有淡倉,食左兩千五百點,剛@0.48加左1729再等收息先

      刪除
    19. 七七七返泥, 我呢排輸死都出來蒲下頭先

      刪除
    20. 久休復出既誠哥以香港市民身份發聲就表明有人做緊野,做淡都見好收兵睇定形勢

      刪除
    21. 大囗休想青儿是你,青儿是伟哥的,朋友,不要乱认,进击の七七七定是你.

      刪除
  34. 5號仔匯豐有難, 難怪最近這麼弱雞!

    「負利率按揭?」DPZ Blog

    有消息指丹麥 (歐盟國家) 一家銀行,全球首例做了一宗負利率按揭,做按揭的人仍要分期還款,唯一不同是他無須付息,銀行還倒付給他0.4厘利息。

    銀行認為很正常,銀行可從機構投資者獲得0.6厘或以上的負利率,當然就可以負利率借出。我覺得有趣的是按揭是要做十年,二十年,甚至更長時間的,歐盟內的銀行已經認為負利率是可以長遠繼續下去的常態嗎?
    歐洲不少銀行已向客戶發出通知,存款在50萬歐元以上的戶口要繳0.6厘負利息,即存款戶要向銀行付息。

    這種情形下銀行很難做生意,存款會流向有息收的地方,銀行放貸也難,要記得匯豐的總部在歐洲,它的歐洲業務已有多年沒錢賺。

    這是「量化寬鬆」以後的新常態,但如此寬鬆的貨幣政策,歐洲經濟依然不振,央行手中已沒有什麼彈藥了,怎麼辦?

    回覆刪除
    回覆
    1. 中國的銀行(包括香港)可以獨善獨善其身!?

      刪除
    2. 希望並祈求香港會有負利率按揭和股票孖展!!!

      刪除
  35. 903 今次私有化機會很大?溢價這麼少

    回覆刪除
    回覆
    1. 每股現金作價3.86元,較停牌前溢價41.39%

      刪除
    2. 這次私有化作價算合理,而且從復牌第一天的ccass變動,可以看到有大戶參與私有化套利。

      期望表決之前,股價折讓低於4%。

      刪除
  36. 今日李嘉誠講完,本地財團馬上表態支持警察,地產連彈兩天,吾通轉勢?

    回覆刪除
    回覆
    1. 這兩天大市回升,似乎有資金賭周日的集會參與人數會大減。

      刪除
    2. 可能市場是已經習慣了周日的示威活動,除非有更嚴重的問題出現

      刪除
    3. 市场是聪明的
      看来危机是过了

      刪除
    4. U people still support these rioters and say they are forced to behave like this because of this and that.
      If u still support them and give all kind of excuses for them, you are either part of this whole conspiracy or you are a dumb xxx.

      刪除
    5. 係ar,林鄭好可疑,外國勢力操控,港英餘孽

      刪除
    6. Ivory 佢地好宏觀咁講呢兩日大市回升的原因啫。冇話支持邊個,唔支持邊個。你唔好 連繫咁多政治野。 KILLUA 也移玉步去政治區吧~

      刪除
    7. 下,我就一定not part of conspiracy .
      咁佢宜家人身攻擊wor

      刪除
    8. 最壞時機已過,看來聰明錢估計市面又回復平靜。

      刪除
    9. Oh!mate,I just express my opinion to Mr.Lee!

      刪除
    10. whatsapp群通知我8月18日大集會只會是遊行,完事後各自歸家,不作破壞,目的是想俾當權者知道遊行人仕都是和平的。所以我今早又入了貨,估計今次可以升返上27000以上。
      581我入左了,今早3蚊任入,hehe

      刪除
    11. 也有可能是短期超卖的反弹..因为的确非常超卖

      刪除
    12. 大口兄返來,個市又旺啦~

      刪除
    13. 想法一致, 我昨天已把強積金轉回港股, 先破27000

      刪除
  37. rioters = 777 & 香港警察

    回覆刪除
  38. 忘記偉哥幾多點?才將強積金推回股票基金。

    回覆刪除
  39. 偉哥,想問下你會否考慮再增持581,同埋對581的睇法有改變嗎?

    回覆刪除
  40. 短炒左一陣515,袋左10%。呀本來排緊0.56架。。。

    回覆刪除
    回覆
    1. 515 同 39 我都炒左,頭先0.055 D沽盤係我,所以0.056 上唔到XD
      今日都執到5 位數算唔錯

      刪除
    2. 39 連2000 萬都還唔起,你覺得呢?偉哥比得起有餘啦 不過我又覺得佢無1573 咁差

      刪除
    3. Terry,名都有你叫「不大方」

      刪除
  41. 補回3/4星期二沽出的熊證,賺恒指500點差價左右。

    回覆刪除
  42. 警隊高層話吾使大陸幫手, 有利反彈, 希望本週六, 日吾好有意外, 例如去圍廸士尼或機楊, 嗰度牽涉太多不同利益

    回覆刪除
  43. 藏頭詩:因果由國 容港治己 義憤民誠
    李嘉誠又似有隱喻地指出:「深信香港年輕人的能力,集大家的智慧,定可在新時代爭一席重要地位。」
    呢句真係好白,上面堆友仲話撐警。係咪文盲?

    不過李嘉誠這樣做才是愛國,避免中港對立。

    回覆刪除
    回覆
    1. 蔵頭詩定ON9 ?
      國泰己經開始清算內部,
      即係仲有反彈空間

      刪除
    2. 今日約 16:45 內地已出現關於 CX 換高層消息,但港交所正式相關通告到 17:14 至出,內地做法照計唔係好妥,不過一來內地都係等 CX 出左收市價至放消息,二來這是一國先於兩制的具體宣示,無所謂啦。

      刪除
  44. 1949應該2.6-2.7$ 估計下星期初散貨

    回覆刪除
    回覆
    1. 3313 都係隨時腰斬格。

      刪除
    2. 師兄,呢隻少人留意,咁到比你發現到.

      刪除
  45. 作者已經移除這則留言。

    回覆刪除
  46. 想問偉哥有冇留意6117日照港裕廊?對呢隻半新股睇法如何?6月中時招股價1.5,首日沖高後現已跌到1蚊都無,呢度有冇師兄持有這股可分享下?我1.55買入持貨中

    回覆刪除
  47. 偉哥雖下令不談政治,但這段短片希望各位看看,或者可平息下现時,李嘉誠成功確有過人之處
    https://youtu.be/Bz9cjbI6Szo

    回覆刪除
    回覆
    1. 首富喎,唔睇片都知有過人之處。今次文采又好,唔賺人仔又得,赚人仔又得。

      刪除
  48. 重庆机电(02722)联营公司WGP公司因经营困难向法院提交自愿破产清算申请已获受理

    回覆刪除