置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年5月14日 星期二

中美貿易戰火重燃



隨著美國總統特朗普於上周宣佈調高從中國進口的2000億美元貨品的關稅,從10%提升到25%,然後劉鶴赴美會談沒有取得成果,而且中方也於今日宣佈對美國的600億美元貨值的產品提高關稅,以回應美國的加稅措施,貿易戰火正式重燃。

對比去年3月初啟貿易戰,並於6月落實部份貨品加稅措施,市場的反應是激烈及比較徬徨的,恒指在4個月期間足足下跌了7千點:



但直至去年的12月,隨著習近平及特朗普在G20會議上會面,雙方同意暫時停戰,並且同意展開會談。隨著特朗普不時在Twitter發表貿易和談利好言論與及政策配合,中、港、美股市急速反彈,大家都以為貿易戰會告一段落。

誰不知這個月又突然風起雲湧,中美雙方公佈互加關稅,規模比之前更龐大,如果未來一個月無法達成協議的話,則一場變本加厲的貿易戰將會爆發。

相信上至專家、下至升斗小民都知道兩個大國之間的貿易戰,結果是兩敗俱傷,分別只是傷勢的輕重而已,而最終誰可以勝出貿易戰,就要看誰更加依賴對方、誰是更加不可取替、誰更加tough。

目前誰勝誰負仍是未知之數,但說到求勝的意志及tough, 我會投中國一票!最近特朗普好像怨婦一樣,每天在Twitter吵吵鬧鬧,又自誇自擂,豪言加關稅是最符合美國的利益,然而看看這些tweets下面的留言,只能說懂得看的話,要看留言,最近都在看特朗普的tweets及留言,實是每天一大樂事。

特朗普最在意的是其政績及美國股市,所以美股大跌其實是有助中美達成貿易協議,期待美股繼續大跌!

城門失火,難免殃及池魚,希望大家可以安然渡過這次的短痛。這次恒指的跌幅未必會再有7千點,但3、4千點應該是難免的。我仍持有2成多的現金,等待市場出現明顯的恐慌才入市撈貨,按美股目前的跌幅,明天港股大跌可期。


238 則留言:

  1. 應該陸續好多人哭股song ! 平常心面對吧

    回覆刪除
  2. 美股大跌, 希望特朗普腳軟。

    回覆刪除
  3. 中國前排係咁搵D演藝人落手,罰款億億聲,儲落唔少子彈啦

    回覆刪除
  4. 恒指今天下跌千點可期.愚見撈貨未是良機。

    回覆刪除
    回覆
    1. 師兄兩萬九時已經睇淡,有冇沽期指?

      刪除
    2. 係,2萬5 先好撈,但有個RISK, 半年前D樓跌左10零% D人唔敢撈,但半年後升突,希望股巿唔好好似咁..

      刪除
    3. 應該買近熊即日博多五百點跌幅

      刪除
    4. 驃兄,正確黎講,係經常都睇淡,哈哈!
      吾知点解我仲係覺得而家係熊2,上次24500,升20-25%左右就回,跟住就....
      驃兄,想問下你睇法參考一下, 謝謝!

      刪除
    5. 一日淡友,一世淡友..等於好多人睇淡樓巿十幾年一樣,點樣調整佢都唔會買..所以性格決定命運的。

      刪除
    6. 所以性格決定命運的! [大拇指]

      刪除
    7. 一個停咗嘅鐘, 毎日都會有兩次準。 睇跌或者睇升嘅所謂股評人都有準嘅時候。
      平常心對平常事。

      刪除
  5. 講tough一定係中國人贏,中國人有儲蓄習慣,美國人冇。儲蓄就係應對呢D問題。

    回覆刪除
    回覆
    1. 我引用雪球今天發出的兩句話:
      再多的理論分析和邏輯推演,到最後都是只能相信國運。
      人均GDP只有1萬的五千年文明黃種人,就像十年前你要擋住上海房價上漲!

      刪除
    2. 自從廣場協議後,日本國運走勢如何有目共睹

      刪除
    3. 作者已經移除這則留言。

      刪除
    4. 中國手裡有足夠的反制措施, 但不會輕易使用, 中國人以和為貴, 始終還是對中美達成妥協抱有希望, 不到最後一刻不會出辣招!

      【專訪】廖群:中國有三張好牌
      http://paper.wenweipo.com/2019/05/14/FI1905140006.htm

      廖群主要觀點
      2019-05-14
      ●中國對剩餘美國商品徵收25%關稅
      ●削減對美國服務貿易需求進行反制裁
      ●遏制賺大錢大型美國企業在內地的發展
      ●「中國製造2025」不會向美國妥協
      ●貿易戰若不斷升溫,雙方徵稅可能加至40%

      中美貿易戰小知識問答
      http://paper.wenweipo.com/2019/05/14/FI1905140005.htm

      刪除
  6. 回覆
    1. 哈哈, 仲有1171都好大機會要接了。

      兩股都是6月除淨, 除淨後股價再低一截, 應該有較大的抗跌力。

      刪除
  7. 今次中國的關稅清單比上次高明,令消費者要被迫用本品貨,減輕制品業的衝擊。

    回覆刪除
  8. 我都同意偉哥。
    美國強高科技,但科技要有應用才有用。
    Facebook 响孤島上都無用,相反中國市場大,有十四億。事實也證明,中國抄抄下咁,wechat 都可以生存得好好。

    回覆刪除
    回覆
    1. 而家系fb 抄wechat ,重要話抄得太遲

      刪除
  9. 信義能源真係明燈,上次招股又係大跌市,今次重新招股,集資額還加大,又係大大跌市

    回覆刪除
  10. I still suggest to hold "relatively better" stocks ... which overall pays to me "relatively higher" dividend yields.

    As time goes by, I find the overall return is quite satisfactory.

    I have no worry at all with the HS Index.

    Good Good Luck!

    ^_^

    回覆刪除
    回覆
    1. P.S.

      I have been repeatedly doing re-investments, i.e. buying more stocks, from the cash dividends received from my stocks portfolio members over past 2~3 years.

      I find that this is quite workable in maximising total portfolio value.

      ^_^

      刪除
  11. 0.66接了點1729,現在市況可以慢慢入。

    回覆刪除
  12. 頂,我睇左做愛火重燃,我係咪要去驗下眼?lol

    回覆刪除
    回覆
    1. 可能下編偉哥真係以愛火重燃為題。😅

      刪除
    2. 可能下集係侵侵發現習大大係佢一生最愛,恆指,A股,美股齊破頂,皆大歡喜一家親,完。

      刪除
    3. 侵唱:原來寂寞 沒有你的問候
      用誰來平復也不夠 你似個最窩心的缺口

      習唱:沒有這犧牲 怎可讓你我得救
      每個劫數 時間會善後
      以往那轟烈 漸漸會變溫柔...

      合:都會散去 都會退去 我們如何 仍然能活下去...

      刪除
  13. 不認同共產黨但開心自己國家可以再次說不👏👏👏

    回覆刪除
    回覆
    1. 有趣的意見和討論

      貿戰的目的是要打破「不公的中國成功模式」
      http://starnman84.blogspot.com/2019/05/blog-post.html

      刪除
    2. 貿易戰問題會拖延較長時間!?

      https://dpzblog.wordpress.com/2019/05/13/%E9%9B%9C%E8%AB%87-398/
      ......
      通常在做重要抉擇時必是一個兩難抉擇,通常是選擇損失較輕的一種做法。
      美國現在對中國崛起的恐懼感很深,一些右派的理論家認為現在美國仍佔優勢,但五年後,美國就無法制約中國了。
      無論如何,時間是在中國一方。
      下一步我們要留意中國的主流媒體怎麼說,迄今為止中國的媒體除了報導外交部發言人的發言之外,很少報導中美貿易談判,如果主流媒體的評論是原則問題上不能退讓,則可能問題會拖延較長時間,如果媒體報導是外國在倒逼我們更開放,那問題可能較快解決。

      刪除
    3. Starnman似抄偉哥blog版面之嫌喎,其實喺偉哥個blog傾就唔好c&p人哋個blog來,如果我係blog主我吾係咁like,時事新聞除外

      刪除
  14. 大市反應比預期冷靜 但持股比大市跌得深 學偉哥 靜待恐慌

    回覆刪除
  15. 今早暫時只是撈了1729@0.66, 數度增持後, 以均價約0.76元全數補回0.99元減持的貨, 賺了很不錯的差價。

    回覆刪除
    回覆
    1. 暫時個市都幾冷靜,我仍等待恐慌出現.
      美國對中國果3250億貨值吾知夠吾夠膽真係徵稅呢.

      刪除
    2. wai gor , 2718 未夠吸引 增持?

      刪除
    3. 貨多的就減慢增持步伐。

      刪除
    4. 比大家托住1729,今日加唔到貨添

      刪除
    5. 好快就輪到無閒出場抄我們的底, 哈哈。

      刪除
  16. 沽2680@$1.6,
    又走一轉幫補少少.

    回覆刪除
  17. A股反應好似無美股咁大,係已經驚完定未開始驚,ha

    回覆刪除
  18. 上次貿易戰4個月內跌了7千點, 今次應該唔會再咁恐慌, 所以估只會跌到2萬6-2萬7。

    今日2萬8好似守得下。

    回覆刪除
    回覆
    1. 今次策略諗住買入指數ETF. 少點睇股票.有26000我好滿足

      刪除
    2. 自1月升市遺下三個上升裂口未補,這一刻小弟的看法跟偉哥差不多,只補271那個,259及之下那兩個應不會於今次跌浪補了

      刪除
    3. 偉哥,大跌市,你個MPF會否由保守基金轉做進取的股票組合?

      刪除
    4. 依家要睇實特朗普個pattern嚟炒

      刪除
    5. 不知何故,股市持續反彈, 令人驚訝!

      刪除
    6. 如果跌到2萬5, 會從保本基金轉去港股基金。

      刪除
    7. 大市反應比預期冷靜, 應該是投資者捨不得沽貨!
      大家在股市的經驗已累積多年, 如今想買超便宜的貨, 看起來有點難!

      刪除
  19. 偉哥, 3662一通430k股俾打打西出街, 有無機見底?

    回覆刪除
    回覆
    1. 不知道, 不過估值已有吸引力。

      刪除
    2. 今早掛3.80 加倉加唔到, 有點可惜

      刪除
    3. 作者已經移除這則留言。

      刪除
    4. 無得防守股唔敢搞, 資金都似走向避險或內需,都係少d炒作

      刪除
    5. 不過我都係有舖癮睇住佢哋㗎咋,實質我真係唔係好敢郁手,見之前托都托得辛苦,係欣賞個主席年青有為

      刪除
  20. 領展823創新高, 蘋果做左個823邁向100的專題,有多篇分析文章,值得一看
    https://hk.finance.appledaily.com/finance/realtime/article/20190513/59587344
    https://hk.news.appledaily.com/local/realtime/article/20190513/59590135

    回覆刪除
    回覆
    1. 呢個專題應該去訪問沈大師,由3十幾蚊唱到見頂,4十幾又見頂,5十幾又見頂.
      睇下大師仲有乜意見.

      刪除
    2. 唔太明新業主接手領展商場後, 何以任佢萎爛? 咁佢自己唔會蝕?

      刪除
    3. 劏D車位賣出已有得赚,另擺係度都會升值,唔駛攪咁多

      刪除
  21. 請教各位大大這兩句有無小小衝撞?
    1."而最終誰可以勝出貿易戰,就要看誰更加依賴對方、誰是更加不可取替、誰更加tough ..."
    2."但說到求勝的意志及tough, 我會投中國一票!最近特朗普好像怨婦一樣..."

    回覆刪除
    回覆
    1. 是否衝撞咗蘇生你?blog主寫下自己的睇法都衝撞到? 睇完吾多明白喎.
      https://youtu.be/ZJ2BH0ZhaBU
      大家輕鬆下

      刪除
    2. 作者已經移除這則留言。

      刪除
    3. 作者已經移除這則留言。

      刪除
  22. 緊日子不是蓋的。

    北京发布粮油供应和价格波动应急调控预案

    https://www.sohu.com/a/313701138_118392?sec=wd

    回覆刪除
  23. 通常主角最後出場先答,就由我小小答先。其實師兄我唔明有咩小小衝撞,即係等於搓三盤,偉哥暫時睇中國一盤勝咁解。 癫佬侵係Twitter炆煮炸中國,唔知佢用關税來要脅履行嘅條件係唔係公平,不過好肯定佢依家個手段係賤格卑鄙下流 無恥, 佢今次連任嘅話只係佢對手弱,一係睇佢幾時die一係內鬨被民主黨彈劾,吾係中國一定比佢咬住吾放

    回覆刪除
    回覆
    1. 原來偉哥你都有留言,我也是的,好多GIF揀好好玩呀!每日炸幾鑊舒服曬

      刪除
    2. 我只係覺得侵侵好似比習帝更加想要達成協議, 近排日日都係度講冇協議的話,中國會點衰、美國會有幾多利益, 講到自己贏晒,其實點解仲要同中國傾? 如果係事實的話, 美國一野加大關稅, 等中國跪低求饒就得, 使唔使日日係度自吹自擂?

      刪除
    3. 老侵咁反口覆舌奸奸詐詐咁呀, 我係習帝都保護自己先,吾好淦粗妮亞

      刪除
    4. Donald J. Trump@realDonaldTrump
      15小時15 小時前

      There is no reason for the U.S. Consumer to pay the Tariffs, which take effect on China today. This has been proven recently when only 4 points were paid by the U.S., 21 points by China because China subsidizes product to such a large degree. Also, the Tariffs can be completely avoided if you buy from a non-Tariffed Country, or you buy the product inside the USA (the best idea). That’s Zero Tariffs. Many Tariffed companies will be leaving China for Vietnam and other such countries in Asia. That’s why China wants to make a deal so badly!...

      There will be nobody left in China to do business with. Very bad for China, very good for USA! But China has taken so advantage of the U.S. for so many years, that they are way ahead (Our Presidents did not do the job). Therefore, China should not retaliate-will only get worse!

      刪除
    5. 哈哈, 圍觀的人們太多神回, 轉載其中幾個:

      Robin Goetz-Shufelt@r‏shu1012
      3 小時3 小時前
      回覆給 @realDonaldTrump
      Maybe you and your family should stop having your items “made in China”.

      Jeff Jones


      @JeffJones_ca
      3 小時3 小時前
      回覆給 @realDonaldTrump @WhiteHouse
      IChina has retaliated against the U.S. sending the Dow plunging more than 600 points

      Brian K. Trotter‏@tkrain42
      2 小時2 小時前
      更多
      Did you know that things with "Made in the USA labels" can contain pretty much 100% Chinese goods? Made in the USA just means somebody like me assembled it from parts acquired overseas. This is especially true with almost any electronics you'll buy.

      跌市冇野做的話, 建議大家開個twitter a/c, 睇睇係侵侵twitter留言的美國網友, 真係娛樂無窮, 可以平衡一下跌市的不快。

      刪除
    6. 打一排關税開始浮現嘅問題,希望世界各地嘅商家唔好客氣去以下投訴

      << World Trade Organization >>

      刪除
    7. 作者已經移除這則留言。

      刪除
    8. 佢品題個股要小心,但分析政治大勢 ok 的。

      周顯 生果財經 2019.5.14

      ... 上周我講過,特朗普是以成功連任為最大目標,因此他的最佳策略,是在選舉之前,才敲定協議,營造利好氣氛,因此我早在3月已判斷,談判必然再有反覆。

      但是中國的最佳策略呢?有報導說,它是希望特朗普不能連任,大錯特錯!試想想,如果在特朗普的任期中,沒達成協議,下任總統上台,豈非又要重新談判?

      所以,中國的最優策略,反而是趁著特朗普連任競選在即,急於談判有成,才能爭取到最有利條件,因而中國才會在此時出招。然而,侵侵也非省油的燈,看出了中國的計謀,反而擺出了不惜一切,玉石俱焚的格局。

      刪除
    9. 作者已經移除這則留言。

      刪除
  24. 258今日應該已停了回購。

    回覆刪除
  25. 1025估計呢兩日差唔多要表演跳水

    回覆刪除
    回覆
    1. 我仲等緊佢個師弟炒上一倍

      刪除
    2. 深海探測器似乎開始啟動了

      刪除
    3. 今日應該會見到佢破上市新低

      刪除
    4. Rocky兄厲害,請教除咗睇ccass同股權集中外,仲有用什麼珠絲馬跡可預計到大插?

      刪除
    5. Rocky兄好勁呀,執吾執得過

      刪除
    6. 其實我連CCASS都唔睇...因為唔識睇
      單係睇佢高位天量成交去估
      ("呢兩日"本身就真係 up下,估唔到真係講中)

      執就應該唔會啦,呢期D插水股冇咩水花
      如果今日見到低過0.5我先再望下

      刪除
    7. 走咗轉0.88至0.95.多謝晒

      刪除
    8. 去到0.8已經落返棚,應該只會繼續慢慢派落去,冇得玩水花

      刪除
    9. Oh brother! Are you crazy @@

      刪除
    10. 再走多轉0.98至1.03,吾玩了.

      刪除
    11. 作者已經移除這則留言。

      刪除
  26. 我個組合好耐都未試過一隻上升的股票都沒有, 今日最叻的三隻都只是持平而已。

    回覆刪除
    回覆
    1. 下午終於有兩隻各逆市升了1格, 實在令人感動。

      刪除
    2. 1161息高消費股, 原全避開貿易戰影響, 另業績係咪可以睇好?

      刪除
    3. 但係, 後巿似乎不太樂觀,最怕28250 由支持變阻力, 後巿再來1波free falling...

      刪除
  27. 回覆
    1. 因波斯灣/伊朗、委內瑞拉和朝鮮地緣政治局勢今年由平靜趨向緊張,bitcoin 價由一月漸漸爬升,近日中美兩國扎行馬,波斯灣更有擦槍走火之虞,bitcoin 越升越急。近日部分龍頭金礦股如 "山東黃金" 的升勢,也可視為 "對沖" 地緣政治緊張。

      1263 與 1357 今日炒上,因它們被市場視作 "bitcoin/blockchain" 概念股。實質有相同概念的重有 1611、1499 同 1647。然而,它們可能大股東自身有問題,例如 1647 傳大股東姚勇杰好等錢用,所以近排 1647 出公告聲稱叉隻腳兼營工業大痲後股價一抽高就有大量沽盤; 1499 大股東的虛幣交易所傳有持續經營問題;1611 大股東泡制的 "火幣" 亦非當時得令的虛幣品種。

      刪除
    2. 1647就係一抽高我蝕走了,正一賊股

      刪除
  28. 人老咗就想歸家今日去咗見證港珠澳大橋,也就見證了近代建設巨人好的一面。

    回覆刪除
  29. 6806 高盛托得好積極,3.07-3.15似係底;同其他券商走勢有好大出入

    回覆刪除
  30. 洪灝:“战争”与和平

    https://mp.weixin.qq.com/s/OhASbu_aG66E4scUvWTk0A

    文中提及一些數據:
    1.美国大豆期货已跌破2018年摩擦期间的支撑位
    2. 恒生指数的长期支撑已经转为近期阻力位
    3. 人民币汇率跌向2016年底以来的最低点~7

    回覆刪除
  31. 我純粹覺得侵侵會輸係佢(民選總統上)

    回覆刪除
  32. 回覆
    1. 無事,幻覺黎啫。 佢爆又唔係我地d股爆。

      刪除
    2. 呢條友日日響雪球吹奏,多人信咪升囉
      https://xueqiu.com/u/2262105586

      刪除
  33. 先望恒指通道底部27500先是否再加貨,穿就不加注。(參考)

    回覆刪除
  34. 沽空機構GMT指控長和 (00001.HK) 涉隱瞞577億負債 透過會計操作獲高評級及廉價信貸
    http://www.aastocks.com/tc/stocks/news/aafn-content/NOW.941268/latest-news

    連成哥都追擊

    回覆刪除
    回覆
    1. 有全文的link嗎? 剛剛 google "GMT CK Hutchison Holdings" 找不到

      刪除
    2. https://www.gmtresearch.com/research/ckh-holdings-1-hk/

      刪除
    3. 即晚反擊:

      http://www3.hkexnews.hk/listedco/listconews/SEHK/2019/0514/LTN201905141114.pdf

      ... With respect to the de-consolidation of debt associated with assets held for sale also referenced in the Lead, these are likewise reported fully in accord with applicable accounting standards and have been reviewed with credit rating agencies.

      ... It singles out non-cash earnings items but fails to mention non-cash losses also reported in the relevant periods, all in accordance with applicable reporting standards. It mentions debt de-consolidated in the Group’s 2018 financial statements but fails to mention debt brought on balance sheet due to acquisition activity in the period.

      刪除
    4. 話長和系隱藏左既負債其實放左響 pdf p.214, note 22

      http://www3.hkexnews.hk/listedco/listconews/SEHK/2019/0409/LTN20190409586.pdf

      刪除
  35. 侵侵一起身, 又拿拿聲發左7條tweets講貿易戰, 日日都係講同一堆內容.....講真日日複述一次, 佢唔覺得厭, 睇的都覺得厭。

    回覆刪除
    回覆
    1. 作者已經移除這則留言。

      刪除
    2. 真係要去睇D留言, 超級好笑。

      MatthewDicks

      已認證帳戶

      @MatthewDicks
      13 分鐘13 分鐘前
      回覆給 @realDonaldTrump
      Donald, I really think China has realized that they’re negotiating with the objectively worst business man in America.

      The biggest LOSER for at least a decade.

      Probably why you lied about releasing your tax returns.

      I think they know you’ll eventually screw it up. AGAIN.


      Randal@Randal255
      20 分鐘20 分鐘前

      回覆給 @realDonaldTrump
      Meanwhile farmers are going bankrupt, you would know about bankruptcy wouldn't you Donald.

      Ed Krassenstein@EdKrassen
      19 分鐘19 分鐘前

      回覆給 @realDonaldTrump
      The farmers are taking the biggest hit, and now you are trying to use taxpayer dollars to bail them out.

      According to the Republican playbook, this is Socialism.

      刪除
    3. 如果係置身事外,特朗普真係成日派花生,幾過癮。
      佢重重複複就係要催眠大家佢做緊啲重要嘢。我睇報道似乎唔少美國人包括民主黨都buy佢發動貿易戰要求中國改革。所以佢會不斷食呢條水,但又唔可以比經濟太差。呢場show 要睇到2020 底大選。

      刪除
    4. 美國可以如此譏諷總統,而雪球近來監管愈來愈誇張,連國家都要以郭家取代。

      刪除
    5. 不只是雪球, 而是國內整個網絡世界的監管越來越嚴。

      刪除
    6. 中國最緊要維穩 今年是尾9的年份再加上貿易戰

      刪除
  36. 作者已經移除這則留言。

    回覆刪除
    回覆
    1. 學偉哥話齋,國際配售係好黑暗,主板細價股其實好多時都係同一班人,另外其實佢地每次咁炒應該唔只賺七千萬,七千萬其實都唔係好多,因為人頭費都幾貴。

      刪除
    2. 1025只股,同一班賤人又想搵人接貨,手法同1034一樣,小心,
      上市配售大半貨44M股 IPO價0.98,再買多26M已夾高5倍,成本約1.5元,持有70M股
      如以現價5元散貨計(可能更高)只要散到20M貨,共餘50M係肉,
      班人一定知道傻仔接不哂佢地D貨,所以先要夾咁高,如果傻仔多過貨量既話,夾到2.5元已經賺到7千萬啦,
      假如夾到10元出到10M貨,其餘60M貨物1.2出,都係賺7千萬,所以市淡愈係要夾高D,
      如果市旺1.5買完,2日後又大量人用2元買哂佢地貨,洸鬼搞幾個月大龍鳳咩

      刪除
    3. 今日已爆左隻1713。

      市差, 我諗莊家都會加快套現。

      刪除
    4. 加快套現炒下一隻機會大D,其實市差對莊家都未妨唔係一件好事,錢會轉去其他炒作, 最近創仔升幅榜每日都最少20-30% 咁升,感覺好多都想食大茶飯,另外講開IPO,記得有樣叫折讓,IPO 0.98 唔代表莊成本,主板有時會折讓20-30%, 創仔可能重多

      刪除
    5. 呢個係我近來不想再大手參與小型新股的原因, 知得越多他們的玩法, 越唔想再參與。

      "IPO 0.98 唔代表莊成本,主板有時會折讓20-30%"

      呢D係枱底交易, 一般散戶享受唔到的, 除此之外, 也有些是玩保底的, 總之小型新股的國際配售是非常黑暗。

      刪除
  37. 偉哥 320點解會賺少咁多...持貨都唔少 想知點算好

    回覆刪除
    回覆
    1. 320業績肯定是遠低於預期, 上半年是受MLCC短缺及漲價影響, 但最新的盈警只是簡單一句受市場環境 轉差及顧客需求放緩影響, 或許與美國關稅也有關係, 目前不知實際情況如何。中期業績報告後的電話會議, 我有聽部份內容, 當時感覺管理層對下半年是較為樂觀的, 殊不知下半年會比上半年更加差。

      刪除
  38. 大灣區的好消息!

    【米已成炊?】深圳市已預備起「深港西部快軌」
    https://forum.hkgolden.com/view.aspx?type=CA&message=7055555

    回覆刪除
  39. 大口快些出來留言,錢財身外物,不要做儍事。

    回覆刪除
    回覆
    1. 沒事沒事!昨天我沒看市,只跟偉哥在0.68買入偉哥科技。點解你連名都唔改過,佢地會以為係我自己召喚自己出來,你考慮改個名叫旺財吧,今日開始應該會旺財!

      刪除
  40. 偉哥371早前以4.29配股給長江電力,配股後股價-直在配股價之上,近期不斷下跌4.29配股價也跌破,有沒有甚麼不利因素影響股價?是否人民幣貶值影響公司盈利和增加負債,或是長電已停止買入更多的股份?

    回覆刪除
    回覆
    1. 目前的下跌仍是與市場同步, 這段期間很多股份跌15-20%左右的, 它跌幅不算特別誇張。

      至於長電, 仍未大舉買入, 但我相信它會增持至10%的。

      刪除
  41. 呂生真係變本加厲洗版,偉哥係咪真係要做下野?

    回覆刪除
    回覆
    1. 你唯有當係一個思覺失調既人,用緊另類方式迫偉哥係咁出文(過200post偉哥就會出新文 :P)

      刪除
    2. 作者已經移除這則留言。

      刪除
  42. 恒指大彈後的小反彈.可知誰是强或弱股.但照是下跌的.不要貪平.無咁荀野執.壓死本也。

    回覆刪除
  43. 今早貪睡之過, 錯過了598及581的超高AO價.....不然已經可以買回賺差價了。

    回覆刪除
  44. 1873維亞, 5.38收割餘下的再一半. :)

    回覆刪除
    回覆
    1. 5.4賣了一半,還剩一半。

      刪除
    2. 今個月還有兩隻生科股排隊上市, 大家又有得炒。

      刪除
    3. 維亞好硬淨,跌咗千幾點都仲有兩成以上,十分滿意。

      刪除
  45. 偉哥, 北控系果然係做大勢野 2389 自願公告 - 有關與WEED ME INC.訂立工業大麻合作意向書 (270KB, PDF)

    http://www3.hkexnews.hk/listedco/listconews/SEHK/2019/0514/LTN201905141053_C.pdf

    回覆刪除
    回覆
    1. 北控係內有好多隻炒股, 2389是表表者, 最鍾意沾當炒概念, 乘機炒作一番。

      刪除
  46. 1133又來大波動, 這次有沒有勇者入場博下?

    我仍是做旁觀者。

    回覆刪除
  47. 上星期四貌似見到興証沽出不少1729, 但昨晚的CCASS顯示當天只是減了16萬, 遠遠低於當時百多、2百萬股的評估。

    回覆刪除
  48. 中國4月工業固投零售全遜預期

    國家統計局公布,4月份,全國規模以上工業增加值按年增長5.4%,遜於市場預期的增長6.5%,增速按月回落3.1個百分點。首4個月,規模以上工業增加值升6.2%,亦遜於市場預期的增長6.5%。

    首4個月,全國固定資產投資15.57萬億元(人民幣‧下同),按年增長6.1%,遜於市場預期的增長6.4%,增速較首3個月回落0.2個百分點。全國房地產開發投資3.42萬億元,增長11.9%;基礎設施投資增長4.4%。

    4月份,社會消費品零售總額3.06萬億元,按年升7.2%,增速比上月回落1.5個百分點,遜於市場預期的升8.6%。至於首4個月,社會消費品零售總額12.84萬億元,按年增長8%,亦遜於市場預期的升8.4%。

    https://www2.hkej.com/instantnews/china/article/2137591/%E4%B8%AD%E5%9C%8B4%E6%9C%88%E5%B7%A5%E6%A5%AD%E5%9B%BA%E6%8A%95%E9%9B%B6%E5%94%AE%E5%85%A8%E9%81%9C%E9%A0%90%E6%9C%9F

    回覆刪除
    回覆
    1. 大市好弱, 似乎除了貿易戰之外, 國內本身經濟也走下坡。

      刪除
  49. 回覆
    1. 哈哈, 昨天網友們已預告。

      刪除
    2. Rocky2019年5月14日 下午1:06
      1025估計呢兩日差唔多要表演跳水

      其中一個網友揮手 XD
      睇得學生哥D股多,會睇到呢類pattern

      刪除
    3. Rocky 哥真係好勁,佩服!

      刪除
  50. 興証倉內另一隻市值虛高的半新股1894, 不知會否是下一隻跳水股....

    回覆刪除
    回覆
    1. 我記得當年上市呢隻terry兄貼,偉哥貼高奧士,學生哥貼多迷離

      刪除
    2. 結果得我未跳水,哈哈,其實洗倉通常會有兩個動作,第一係洗倉前會有打倉或轉倉,第二係洗倉前一日或早上會好高成交,然後低成交下插,劇本通常都係咁

      刪除
    3. 成功召喚學生哥 lol
      第二係洗倉前一日或早上會好高成交 << 呢點同意,天量成交價唔郁,好危

      刪除
    4. 同意學生哥兄Rocky兄,之前隻2258華滋國際海洋都係一樣,平時低成交每日創52週高,然後有一日高成交後就洗倉

      刪除
    5. 持貨者跟貼呢度留言可以避過一劫,你哋造福人群

      刪除
    6. 可惜我地各人都無持有到高位,哈哈

      刪除
    7. 優品 360 (2360) 睇圖都想散水咁。又,呢堆陰升半新股爆煲前,自問未能從 CCASS 睇到爆煲前有乜唔妥,1025 算好,臨爆煲前一日忽然成交倍增,以及再之前佢同 1034 一樣被証監出過 "股權高度集中" warning。咁好彩買響低位中一隻既話,只能警戒自己唔好咁大貪。

      刪除
    8. 我要長命嬴吾想再長命輸,嗚~

      刪除
    9. 我統計過你哋好似係睇跌叻過睇升

      刪除
    10. 呢D爆煲前成交突然增加的, 似乎是因為出動微信女, 搵到水魚來接貨, 造成成交急增, 正如昨天的1713, 也是微信女出動推介, 莊家出貨, 然後股價大插。

      刪除
    11. 作者已經移除這則留言。

      刪除
    12. 2360我估會傾向有秩序散貨,多過一野插90%

      刪除
  51. 回覆
    1. 以上的情況大家可以睇到, 記得有機會要執偉哥口水

      刪除
  52. 回覆
    1. goodwill姐,何況呢隻都應該唔係睇業績

      刪除
  53. 偉哥,識吾識睇依隻,日日創新高...469

    回覆刪除
  54. https://www.am730.com.hk/column/%E8%B2%A1%E7%B6%93/%E5%BD%AD%E5%8D%9A%E8%AB%96%E6%B8%AF%E8%82%A1ipo%E5%B8%82%E5%A0%B4%E7%9A%84%E7%BC%BA%E9%BB%9E-172526

    周顯 ... 中國科技公司不急於上市,一來是因為上市前融資遠比以前容易,原因是多出了大量創投基金,二來是公司有了錢,也不急於上市,以免受到不必要監管。其實也是近年大趨勢,新上市股票往往已經升到爆炸,上市good水,以前那些細細隻上市,升到股民發達的好股票,已不復存在了。

    回覆刪除
    回覆
    1. 就算有第二隻騰訊,也會留在科創板上,唔會益 HK 散戶。

      刪除

注意:只有此網誌的成員可以留言。