置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年10月30日 星期一

徵求雷蛇產品的用家意見


雷蛇如無意外將於11月1日開始公開招股,但這隻打著電競概念的新股,怎麼看都只是一隻主力生產供電競之用的周邊設備股,我自己對此股的發展潛力及投資價值存疑,也猶豫於是否參與短線的投機。

根據其招股書的描述,雷蛇建立了無比忠實的粉絲群,實情是否如此?


而雷蛇的主要收入來源是硬件業務,即是開發、生產及銷售滑鼠、鍵盤及音效裝置等:



過去數年收入的增長是追不上行業的發展速度:


雖然毛利率高於一般的周邊設備生產商,但每年投入巨額的研發開支,加上龐大的市場推廣開支,過去兩年半一直是錄得虧損。


或許我自己對這行業及雷蛇的認知都不足,不知道有沒有電競選手或雷蛇產品的用家可以分享下行業及此公司產品的寶貴意見?


184 則留言:

  1. IPHONE都可以有山寨版,呢D低門檻,低技術既周邊野野算吧啦~
    每年幾千萬研發,人地就用幾舊水研發複制........然後賣幾十蚊
    性能幾乎一樣
    巿旺乜垃圾都可以炒,長線就........算吧啦~

    回覆刪除
    回覆
    1. 哈哈, 雷蛇其實同美圖有D似....美圖賣手機的, 雷蛇賣周邊設備的, 但美圖比雷蛇優勝之處是有一款用戶人數超多的應用程式, 但雷蛇就冇。美圖都係蝕緊錢, 但憑用戶人數, 加上貨源歸邊, 可以炒一舖勁的, 唔知雷蛇有冇呢個本事。

      雷蛇同美圖一樣, 上市前搵左咁多基石, 當中京基同時是兩股的基石投資者, 看看上市後的股價表現會否一樣。

      刪除
  2. 我手上有雷蛇滑鼠三隻,雷蛇波若蛇,
    坦白覺得定價過高
    而且事實上行內競爭很大,例如羅技等
    相對雷蛇,我認為更加之合理價格
    鍵盤上雷蛇直接輸唒,我一早就用羅技
    耳機方面,競爭更大,雷蛇完全沒有性價比
    如果唔係有傳李+成入股
    我覺得完全係0吸引力,
    特別係以一個用家角度去看,
    完全唔覺得公司可以賺到咩野錢
    雖然一個產品成本非常之低
    但是競爭真的超級大,市場一直在改變|
    只要慢一步,根本就無必要買你

    回覆刪除
    回覆
    1. 仲有成日係比賽見到贊助商有雷蛇,
      我都心諗你d錢到底點樣來家
      年年月月去贊助大小遊戲比賽
      你估人地真係會洗腦買你咩
      大家只係覺得好煩,左住我睇比賽
      要買就點都會查下性能格下價
      見到e個價錢,買來多餘
      如果我唔係貪多腳本按鈕,
      我一定唔會買雷蛇波若蛇
      仲要又大隻又重。

      刪除
    2. 我自己都算追得近高端電競產品
      對我來講,滑鼠現在只不過換過微動就重生了
      基本識得低級銲接修理有排用
      但鍵盤我會追求最高最勁,又有性價比
      因為鍵盤修理好難。
      雖則好少壞了,我羅技3年也沒事
      但是雷蛇鍵盤真係又貴又廢
      無咩功能吸引到我
      耳機更加唔會考慮到雷蛇
      完全沒有性價比

      所以在用家身份角度.我唔會選擇雷蛇

      刪除
    3. 雷蛇好就好在,軟件更新得快
      雖則是我都唔知更新左d咩。
      覺得無咩實際改變
      但心理上覺得願意更新,
      總好過扔一旁邊0更新
      心安理得D lo

      刪除
    4. 多謝詳細的用家意見,相信對網友們好有用。

      刪除
    5. 就算係好,一年買得幾多隻mouse..一隻有排用

      刪除
    6. https://www.razerzone.com/hk-zh/warranty
      仲要一隻有兩年保養期……

      刪除
    7. 我隻六十蚊刁滑鼠用咗六年。

      刪除
  3. 如要長線投資呢行
    不如買美國上巿既LOGI

    回覆刪除
  4. 我都有問過人,打機吾係靠粒U,Display Card,要靠個Mouse咩??
    他說:型,我真係識條鐵,他補充如真係做到品牌,真係好好賺500+元一個Mouse...
    不過上面都有師兄講山寨版,加上傳統品牌LO記競爭,好難一面倒睇好,

    回覆刪除
    回覆
    1. 想當年玩射擊game, mouse 的確好重要
      因為高質素既mouse 會容易喵得準d(高dpi), 容易和快d轉換武器(多快捷鍵)
      小弟係5年前仲有打下機既時候就貪新鮮買左隻雷蛇黎用(原用一隻羅技多年), 但用落真係無乜特別, 根本唔值咁貴,最後仲因為用唔慣,用番隻羅技。。。然後隻雷蛇就一直封塵
      有次聽到爸爸話他的mouse 壞壞地,我就把隻雷蛇俾我爸爸用(他的電腦只用黎買賣股票), 但隔左兩星期後,我見到爸爸已經自己買左另一隻mouse 黎用。。哈哈哈

      雷蛇既target user 係專業電競玩家,但真係有咁多"專業電競玩家"嗎? 我覺得真正既買家其實係爸爸和媽媽 哈哈哈

      刪除
    2. 打漏左

      我覺得真正既買家其實係爸爸和媽媽(買俾貪新鮮既仔女)

      刪除
    3. mouse keyboard 會影響手速吧

      刪除
    4. 玩射擊game就真係要睇mouse...$100隻同$500蚊隻,用過就知差好遠。

      刪除
    5. 睇Fai兄咁講, 似乎都唔打算大注認購雷蛇, 最多細注參與下。

      刪除
  5. 離遠一步睇,最近好紅的王者榮耀其實都代表到電腦桌面機步入式微,而家追求的是電競手機市場。

    回覆刪除
    回覆
    1. 雷蛇下一步正是要做電競手機.....但國內廠商也已發佈一款電競手機,未來的競爭一樣大。

      刪除
    2. https://m.gameapps.hk/news/25450
      雷蛇電競手機,硬件同一般旗艦機無異。價錢唔知,但過4000價性比不足。

      刪除
    3. 手機講來講去都係講硬件,
      手機遊戲週邊工具。淘寶大把一早開發左,
      實際上我覺得雷蛇想混淆視聽,吹大個波,
      比人覺得我有sony的做遊戲機的野心。
      話哂無第一部電競手機,如果我做到=食唒
      我想來想去第一個想像到就係樂視letv
      當時大家覺得樂視又做手機又電視,
      竟然又做車?當時股價升到飛天
      結果最後只不過是個波,泡沫經濟
      我覺得雷蛇係想裝假狗仿效樂視
      但雷蛇好難會成功,
      因為樂視手機電視之所以能夠入主市場
      係因為有硬件性價比,又可以睇樂視視訊
      等於是買一送一
      結果生態做唔住,硬件又追唔上就無人問津
      現實主義大家都睇性價比,值唔值得
      講硬件,雷蛇無法自己開發吧?
      核心大概都會高通845.或者更低835 821
      電競講究優勢,
      但是硬件有優勢,網路卡住也是阻礙
      所以雷蛇馬上同 李+成的和記3合作
      但事實係生產需要很多資源資金
      若果維持唔到長期以來都有第二手cpu貨
      或者是定價過高,硬件追不上存貨大增
      資金便會斷裂,

      刪除
    4. 電競手機又係另一大伏黎,雷蛇公司又無手機軟硬件技術.出手機肯定ODM嫁啦,咁人地大把手機廠可以出電競手機,性價比好過雷蛇有幾難.雷蛇根本無競爭力.

      刪除
    5. 要留意埋Razer聯席保薦人瑞銀的往績......

      刪除
  6. 我覺得曲哥和寡,市場有限。無護城河。

    回覆刪除
    回覆
    1. 確實是, 幾百元、上千元的滑鼠,有幾多用家真係會捨得買,所以電競行業呢幾年發展訊速, 但睇雷蛇盤數, 完全感受唔到。

      刪除
  7. 3年幾前, 第一次在黃金見識有過千元個的所謂機械keyboard, 打著professional的產品利潤真深!
    以前2-300元一隻logitech 和microsoft mouse, 已覺好貴,家下老鼠近乎一千元,大把有得揀, 見到過萬元一張display caed已不足為奇,最終, 明白錢是用來洗的道理。

    回覆刪除
  8. 個人認為電競都係一個gimmick 啫
    短期都只係帶動到周邊產品既業務
    但係事實上係組裝機已經大不如前這麼多
    所以呢類型嘅電腦周邊產品一早已經係少左好多顧客
    logitech oem 部分既業務都接埋,我認為都係因為市場縮小致
    我認為就算興起電競對於市場幫助不大。
    PS: 我不是電競選手,只係九up選手

    回覆刪除
  9. 我覺得,好睇當時有冇一隻好hit既game
    早係幾年前,LOL 仲係好hit,唔多唔少帶動埋相關設備
    但係LOL近年已經少左好多人玩,加上而家好多人都轉左打王者榮耀,貪佢方便,隨時打得

    回覆刪除
  10. 認同滑鼠,鍵盤冇技術壁壘,花大價錢研究最後比人山寨。
    第2音效裝置係hifi? 依d點同人地音響公司鬥。
    電競盛行,係多人打機,但專業選手的不太多。

    回覆刪除
  11. 其實等於羽毛球、足球、籃球等傳統運動,普通人玩唔一定要買專業裝備。
    所以雷蛇都係騙人的多。

    回覆刪除
  12. http://www.channelnewsasia.com/news/singapore/make-me-a-proposal-pm-lee-to-razer-ceo-s-offer-on-e-payments-9150616

    偉哥,招股書有無提過會做 epayment, 不過似吹水多。

    回覆刪除
    回覆
    1. 未詳看, 要再看看,但即使佢做epayment, 也不是可以短期內有成果的, 而且佢做epayment的話, 我見唔到有乜優勢。

      刪除
  13. 今日又由升轉跌,成日同美女打對台

    回覆刪除
  14. 1030的A股上市附屬公司出左份靚靚的第三季度業績, 股價可以逆市而上。

    回覆刪除
    回覆
    1. 表面股權 H 股佔A股68% , 九個月 H股至少EPS rmb0.61? 升一倍

      刪除
    2. 可以參考下國內券商關於A股附屬公司的盈利預期, 然後按比例計算1030應佔的盈利。

      刪除
  15. 我覺得大部份人都小看了電競的吸引力,因為我們都身在沒有大力發展電競的香港,無法想像
    LOL/CS/Dota2這些大賽有多少人在看,尤其在中國簡直是有點瘋狂。
    雷蛇自己寫Target是專業電競玩家,但實在上這是一個綽頭去吸引年輕人去買(還可以提高他的定價)。
    雷蛇無比忠實的粉絲群真的沒看到,不過電競產品上雷蛇的確已經很有名了,畢竟宣傳力度那麼大。
    我2個月前也買了雷蛇的耳機和鍵盤試用,實際用上之後感覺他們產品質量也不差(我覺得算中上了),尤其在當你在玩電腦或家機遊戲的時候,他的確能表現出他應有的水準。

    雷蛇產品的特點在於炫,燈光效果很不錯,雖然我用了一個星期之後就全都關掉了,但我猜真正的年青人應該會喜歡吧
    作為用家他的價格是真的很貴(性價比略低),但作為投資者,這表示利潤應該不錯吧。

    回覆刪除
    回覆
    1. Razer好似號稱是電競界的apple.....如果無忠實的粉絲群, D產品價格咁貴, 功能又唔係咁突出, 真係諗唔到會有幾大的需求。

      刪除
    2. 你覺得我花1000$
      買隻會rgb發光五顏六色雷蛇滑鼠/鍵盤
      比較好?
      又或者1000$買隻唔太過發光,
      但係硬件接近最top的羅技滑鼠/鍵盤
      比較好?

      刪除
    3. 有一樣野唔明,羅技存在咁耐,但係Razer又發到圍,請問點解?

      刪除
    4. Razer應該唔算發到圍。雖然收入有增長, 但佢同時用左好多錢去做市場推廣,贊助大大小小的比賽。

      刪除
    5. Razer 第一个主打电竞配备,Logitech 之前出的产品并没有主打电竞,等到玩家开始注重电竞产品时Logitech 换Logo 重刷存在感。

      刪除
    6. 多謝,雷蛇雖然有先行者優勢,但缺乏技術壁疊,惟有泵大個廣告效應,相對支出又增加蠶食利潤,當趨勢轉換時又冇技術優勢,前景真係似乎麻麻地。

      刪除
  16. 個市好似扥沽格,下跌股份比上升多!

    回覆刪除
  17. Omen 兄1079 今日有無你份放貨?haha

    回覆刪除
    回覆
    1. 沒有.
      1079的貨佢班友應仲係手度,無走到.
      依加廣發沽的貨應是高位$1.4左右買的,
      近排都係佢沽,
      出來打靶.

      刪除
    2. 我信自己的觀察及經驗。

      刪除
    3. WISE兄,

      其實個二位收市已穿,
      下一級較大支持在一蚊,
      覺得庄走唔到貨,
      而自已手上的1079是賺回來,
      另一隻888都算生性幫補一下,
      所以暫不沽博一博.

      刪除
    4. Oman兄 其實呢隻我都係賺的 最初我成本價是0.55 但上星期1.2 加了注 希望慮他是食大茶飯的股

      刪除
  18. 關於中國房地產, 值得參考! 來源: 中金

    过去几年,对中国经济增长担忧的背后最常见的观点逻辑如下:1)中国住宅市场明显供大于求,住房建设投资增速大幅调整在所难免;2)由于城镇化进程放缓、人口结构趋于老龄化,住房需求的高峰期已过;3)房地产投资在总投资中占比较高,房地产投资大幅回落会拖累总投资和GDP增速迅速下滑,导致不良贷款率上升,并引发通货紧缩。
    对包括第六次全国人口普查在内的多项数据进行深度剖析后,我们提示八个经常被忽视或者误解的有关中国房地产市场的基本特征:
    i. 以国际可比口径衡量,中国实际城市化率仍然处于较低水平,可能只有40%左右,现在仍然以每年一个百分点多的速度在上升。
    ii. 中国仍然缺乏大型城市。虽然中国目前已有几个人口超过2,000万的特大城市,但只有23%的人生活在总人口超过100万的大城市,而在美国和日本这一比例分别达到45%和65%。未来5-10年,中国至少需要新增10-15个人口规模超过1000万人以上的大型城市。
    iii. 中国居民的住房自有率已经居于世界前列,因此国内旺盛的住房需求主要来源于改善性需求及城市化需求。例如,24%的城市家庭住房内没有单独的厨房或厕所。此外,尽管过去10年内中国建造了大量的住宅,但城市居民的住房自有率却从2000年的72%下降至2010年的70%,表明城市人口流入的速度超过了城市住房供给增加的速度。
    iv. 房地产市场上居民的负债或杠杆率仍然处于非常低的水平。中国居民仍然处于“净债权”状态。此外,中国的房贷余额仅占房地产总价值的不到10%,而美国的这一比例为45%。
    v. 国际比较显示,中国城区住房空置率较低。
    vi. 库存消耗殆尽,房地产补库存建设需求旺盛。
    vii. 中国当前房地产市场最突出的矛盾是城市住宅建设用地供应量过少。中国只有0.89%的土地被用作城镇建设用地,仅0.3%可用作建设住宅,这一比例在美国分别为2.7%和1.4%,在日本分别为5%和3%。
    viii. 政府的税收和土地出让金占到城镇房价的六到七成。
    因此,我们认为中国房地产问题的主要矛盾仍然是供不应求,而设计良好的公共住房政策可以既有效支撑内需持续增长,又促进财富平等分配、限制房价过快上涨并维持政府预算平衡。

    回覆刪除
    回覆
    1. 謝謝PARADOX兄分享

      我都認為內地房價實在升了很多,但要國內房產市場下跌我認為實在真的不太易,尤其是在國民資產淨值充裕而投資出路稀缺下,商品房必然成為投資對象,再加上如第viii點所講地方政府稅收、房產稅未實施不能替補地方政府收入和加大投資者持貨成本、房地產市場乃無法沽空、城市發展剛性需求等因素,都支撐著甚至獲官方支持著高房價。連香港資金進出流暢投資產品琳瑯滿目的地方的房價都升到飛天,內地主要城市如省級市已經有充足的吸引力去吸引資金,政府能做的都只是跟香港一樣,限買限貸、再限買再限貸、和再再限買再再限貸...... 結果咪貨源歸邊囉......

      純個人見解,歡迎各自睇法

      刪除
    2. 地球上到處流行"有土先有人, 有人先有財!" 我很看好內房股未來十年的發展!

      盈透證券今日排隊以$12.72的價格賣出501K路勁1098, 已經消化了, 希望是惠記610買的!
      看看惠記在未來兩個月願不願意借錢進一步購買兩三百萬股路勁!?
      盈透證券今日也排隊以$ 3.69的價格賣出略高於一百萬股惠記,尚待消化!

      有人辭官歸故里, 有人漏夜趕科場。這是非常正常的,路勁和惠記始終不是熱門股, 知名度不高,流通量不足,很難炒!!!

      刪除
  19. 其實今時今日mouse/keyboard 既技術係more than enough, 以前要近千元買mechanical keyboard 係因為傳統keyboard 所有掣下面其實係只有一層膜, 靠感應膜邊個位置受壓已知道邊個掣撳左, 而如果同時撳幾個相鄰掣就可能會出錯。係解決左呢個問題之後既所有研發所有新功能, 其實都係錦上添花, 作用不大。
    而mouse 方面, 大部份人都有誤解, 認為愈高dpi 就愈準, 其實dpi 高到某個地步人根本分辨唔到, 而且dpi 太高反而會多data noise, 又要放張更勁既晶片去處理,變相無啦啦又貴左。mouse 足夠穩定準確就夠, 其他更多係關於人體工學, 係咪所有手型大細, 握法唔同既既人都可以係呢個品牌搵到適合你既mouse, 係呢方面我覺得Logitech 同 Zowie(BenQ)做得比較好。
    反而係耳機個分別都幾大, 尤其係第一身遊戲非常需要好既5.1聲道耳機, 好野同差野之間既效果普通人都分到, 但呢方面Razer 表現唔突出。
    所以係實際產品分野唔大既情況, 電競周邊廠商要靠品牌,外型同明星效應。特別係明星效應, 普通人唔識揀適合自己既配備, 想入門電競產品好多時睇下高手用乜, 所以高額贊助支出應該可見將來都唔會降低。

    而從用家角度而言, Razer同樣質素產品賣價偏貴 (以我所見大陸市場主流玩家都唔buy Razer個性價比), 論高端又唔夠Logitech 比, 除非個別產品有特別吸引既FEATURE, 否則想買新野時, 一般唔會第一個諗起Razer. 再於所謂既無比忠實的粉絲群, 應該係有, 但我現實一個都唔識。

    再睇下成個電競周邊產業潛在用戶, 其實亦都唔大, 通常會買專業周邊既都係深度玩家, 但深度玩家佔整體玩家不足10%, 正如香港人鐘意睇足球, 但你以為波boot 有得大賣就大錯特錯。

    總結: 電競周邊產品研發費高但進步效果唔明顯, 市場推廣費用可見將來會居高不下, user base 尚待發掘, Razer 本身實力未足以從同行之中脫穎而出, 除非有咩重磅大計劃公布, 否則我長短線都唔會買入Razer.

    回覆刪除
    回覆
    1. 謝謝寶貴意見。Atta對閱文或者Razer都有比較深入的了解, 似是專業的投資者。

      刪除
    2. 我一直使用Logitech mouse,以前試過近千元買Logitech ballpoint mouse,覺得物有所值,現在用回$3-500的普通mouse,性價比高,我當然不是電競用家。

      刪除
    3. 相反, 水魚一隻, 今年回報差d 睇唔到恆指個車尾燈。
      唔係講笑, 幾年前會黎到呢個blog 係因為當初亂投資蝕錢收場, 痛定思痛由頭學起, 買書睇之餘亦去睇唔同blogger 既經驗。呢幾年我完全係以一個初學者姿態係到跟偉哥學點樣去理解財報同公告既各種細節。
      對閱文/Razer 只係以一個普通用家角度吹下水share 下。

      刪除
    4. 哈哈, 慢慢來, 有志者事竟成。

      唔好以為我而家投資好似好輕鬆, 其實諗返起10年前的大牛市, 我都是毫無得益:大牛市過早落車,仲要太早反手做空,到捱到淡倉有賺後, 又太早撈貨.....所以對價值投資者來講, 牛市難跑贏大市, 熊市反而易賺錢。

      刪除
  20. Razer與閱文撞期之外, 也有機會和另一新股大熱易鑫撞期, 不過閱文的資金應該可以順利過渡至易鑫。

    易鑫就咁睇, 幾乎毫無疑問會又凍結大量資金。

    回覆刪除
    回覆
    1. 咁其實仲有幾隻細野, 包括有四太做基石的新興印刷應該會同時期招股。

      刪除
  21. 閱文會唔會反高潮跌穿招股價?

    回覆刪除
    回覆
    1. 係就好 可以大lot買唔駛靠分配

      刪除
    2. 我諗即使恒指在閱文上市當日跌2000點, 閱文都好難跌穿招股價。

      刪除
    3. 最好就跌,大家都想佢跌,

      刪除
  22. 抽易鑫好過,雷🐍其實係下游業務。太易比取代

    回覆刪除
  23. 剛見到595@0.64的細注買盤成交左。

    睇內線人士在此敏感時刻增持, 入細注跟跟。

    呢排D資金去左新股多, 加上170的錢要等到11月中才收到, 所以現在買貨只能細細注玩下。

    回覆刪除
    回覆
    1. 請問偉哥敏感時刻是指...?

      刪除
    2. 我算是高追了, 不過見到11月業績的blackout period 前, 兩名內線不約而同增持, 膽粗粗跟少少。

      我之前都提過好多次, blackout period前的內線買賣特別值得重視。

      刪除
    3. 595大股東再披露於10月27日增持59.4萬價, 平均增持價0.6356。

      即是說中期業績公佈日期只會是11月27日之後。

      看看明天會否再有增持披露。

      刪除
  24. RAZER产品容易坏,但有有一班固定的粉丝,是不管产品好坏都买Razer.
    真正hard core 玩家会选其他牌子,但各大品牌价钱差不多.

    回覆刪除
    回覆
    1. 我看到大部分网咖都用Razer, 原因应该是品牌的关系。
      但是电竞玩家就各有所爱,并非全部用Razer.

      刪除
    2. Razer拾得花錢去做推廣。

      網咖用Razer, 其實會否是Razer給予很大的折扣給他們?

      刪除
    3. 係咪好似茶餐廳 d 好立克牙籤筒同黑白奶咖啡杯咁贊助?

      刪除
  25. 阿爺企業真係稍為發奮已經可以翻幾翻, 之前有3398, 今天有161, 仲有甚麼國企值得發掘?

    回覆刪除
    回覆
    1. 161我留意左好奈,冇咩問題但係長期係4蚊上下,
      睇唔明點解會咁就唔敢入
      點知10月突然開車

      刪除
    2. 161子公司上A股,價值遠大過目前161市值

      刪除
  26. 關於下一隻熱門新股易鑫, 如果無時間睇已刊登的招股書初版,可以睇睇下列的撮要:

    http://www.sohu.com/a/201122837_430392

    回覆刪除
    回覆
    1. 最尾果句先係重點

      此番易鑫集团在香港递交招股书,也意味着继阅文集团、众安在线、搜狗之后,腾讯旗下又一家生态企业将上市,腾讯CEO马化腾再次成赢家。

      刪除
    2. 咁講真, 騰訊的團隊確實是優秀。

      刪除
  27. 哈哈, 呢個功能好有用。

    -------------------------------------------------------------------------
    2017年10月30日 星期一 08:45
    騰訊推AI「一鍵卸妝」 P圖女神末日

    美顏軟件的出現,令相貌平風的人,也能以俏麗樣子在網絡示人;但有人「P圖(Photoshop,泛指改圖)」太狠,導致「騙照」的事時有發生。騰訊為此研發出一種打擊「騙照」的功能:「一鍵卸妝」,以AI人工智能演算,將過度美化的照片打回原形。

    騰訊優圖團隊日前在意大利舉行的國際計算機視覺大會(ICCV)上,示範了「一鍵卸妝」的強大功能。這種技術,利用AI演算,即使在不知道美化系統具體參數的情況下,仍然可以將去皺、磨皮、美白前的照片計算並還原。

    http://china.hket.com/article/1935230/%E9%A8%B0%E8%A8%8A%E6%8E%A8AI%E3%80%8C%E4%B8%80%E9%8D%B5%E5%8D%B8%E5%A6%9D%E3%80%8D%20P%E5%9C%96%E5%A5%B3%E7%A5%9E%E6%9C%AB%E6%97%A5?itc=10000

    回覆刪除
  28. 在game度都有mouse 的靈敏度fine tune, 太靈敏反而出事。打機咩都假,最緊要條broadband 個延遲要少! 出海一定要快。

    回覆刪除
  29. 很多股仔都轉弱, 222, 296, 163, 638, 2788, 2339, 3688, ......

    回覆刪除
    回覆
    1. 今時大戶玩弄今時不同往日,陳出不窮變陣,舊的不一定重現,很多股仔不能陪升,,續玩到變熊市時,可能跌更慘不忍睹。

      刪除
    2. 上幾個月,逢星期一必有可觀升幅,玩到星期五才獲利調整,但是10月起已不是必然,星期一玩跌。

      刪除
    3. 3688 調低交易作價,淨現金值相應下調,沽剩半注

      刪除
    4. 那次細股閃崩, 已比市場訊號, 現時也不見得好多散戶或者成交參與細股.

      證監, 港交所都嚴格審批那些又合又供的小型股, 好多庒股無咩特別異動.

      刪除
    5. 有人辭官歸故里, 有人漏夜趕科場。這是非常正常的,大家都是用錢投票,結果等待時間驗證。

      母公司惠記過去十天買了大約70萬股路勁, 估計今天應該繼續買入約50~60萬股路勁, 算是高追路勁! 看看惠記在未來兩個月願不願意借錢進一步購買兩三百萬股路勁!?

      717也在不停買入163!

      刪除
  30. 3389上星期CCASS有大手轉倉, 希望有D動靜.....股價一線橫行左好耐。

    回覆刪除
    回覆
    1. 這個轉倉剛好與PAG的申報減倉股數一樣, 似乎是郭生減少抵押,贖回了股份。

      刪除
    2. 3389如何榨乾股份及趕走其餘股東的確較麻煩,最正路當然是大股東向郭氏賣盤,然後郭氏提GO,順便將暗手變明手,如果GO價合理,甚至可以將其餘逾5%股東送走,最終達致入主兼增持。

      不過,如果是這樣的話,郭氏以那麼高價買隻殼番黎做乜仍然是個謎。(無貨)

      刪除
    3. 其實最怕是郭生枱底輸送利益比張生, 換取張生低價出售其手上的3389持股, 郭生得以迴避用合理價格向小股東提GO。

      刪除
    4. 但郭生以後要花很長時間去收乾其餘的貨,因為公司現金多,短期內不能配股/供股集資。另外如果咁做對張生的信譽影響都幾大,外資以後應該再難與佢合作。

      刪除
    5. 哈哈,某人的信譽應該已是負值。

      刪除
  31. 強股,弱股都下跌,已經發生左成個禮拜!

    回覆刪除
  32. 其實個市真係好差,走鬼中?

    回覆刪除
  33. 又買左一萬股581@5.13支持下,而家現金剩返好少, 所以想買多D都有心冇力。

    回覆刪除
    回覆
    1. 其實偉哥係博反彈定係覺得現價嘅581係幾吸引?

      刪除
    2. 哈哈 偉哥,你一出p偉哥,你一出post, 呢個位即刻有支持,我仲諗仲睇下有冇雞執添。。。btw, 今日資源股都算弱,581, 98, 3993都跌唔少,唔知咩事。。。其實呢幾日細價股偏弱可能同閱文凍資有關?

      刪除
    3. 有得反彈可以食住糊先, 或者跌得再深一些的話, 加倉亦可以。

      鋼鐵股近排算是弱勢, 我諗要到明年初才有得炒盈喜、業績。

      刪除
    4. 真的想不通為何鋼鐵股最近一星期這麼弱,明明因為限產,鋼鐵現貨價不斷上升,而鐵礦及焦炭價不斷下滑,理應鋼鐵廠的利潤不斷創新高啊!
      限產雖然會令產能下降,因而收入下降,但581畢竟要向一個城市供暖呀,限產令對581應該不會很大的

      刪除
    5. RE Yamazaki shiroishi: 市場有時就係咁,好似581之前都係2~2.5 走左好多耐,就算到左後期D鋼材股升哂上去,佢都係唔郁... 但正正係咁,市場有無效既時候,先有機會俾我地低買高賣,問題在於你對自己既分析有冇信心,同持貨食大浪的信念。有時我都會動搖,同路人,互相支持及提醒風險。共勉之!!

      刪除
    6. 對581的信心我有啊,可是這一星期鋼鐵A股真的跌得太過誇張,基本上是無論業績有多有,都會暴跌啊,真的有點膽心581會躺著中槍...

      話論如此,說不定是大戶們有計劃的震倉計畫,嘿
      早在9月上旬的581的SITE WALK,我就有預感會這樣被震,只沒有想過會如此長時間

      刪除
  34. 想唔提隻橙都忍唔住要提。其實我都幾佩服伍生,佢能夠做到邊在市場大手低價吸貨,而且更是公開話埋比你知佢買入,但同時又可以將個價牢牢咁壓住,令佢不能大升。到底是小股民懼怕佢既淫威,還是佢真係多貨到一個地步可以完全控制股價?明明近月所有消息都指向利好股價,但佢就係唔曉大升,我俾佢吹到啤一聲。

    回覆刪除
    回覆
    1. 可能呢啲就係叫做肥水不流別人田.佢等一眾股民忍唔住放手後,佢就嚟反手是雲覆手是雨,到時一眾散戶只能恨得牙癢癢.

      刪除
    2. 海通排0.53頭牌, 個買盤好似有幾十萬,等緊散戶沽比佢。

      刪除
    3. 伍生一日未收夠貨,一日都唔準開車。。。

      刪除
    4. 去除特別息. 52週低時才0.13....洗唔洗現在仲收貨.

      刪除
    5. 睇下今日會唔會仲有增持的披露。

      刪除
    6. 我一d都唔心急,0.69(除淨前)果注仍坐住,後來又炒左幾轉,希望沽到0.5以下又給我加注。

      刪除
    7. 海通排頭牌係我,只買左55k 股。 吾係伍生 哈哈

      刪除
    8. 今日再披露增持275萬股@0.52。

      今個月合計已增持2222.5萬股, 增持價由0.5-0.52。

      刪除
    9. 按每日摘要搜尋未有Update,但按上市法團搜尋則已有資料,HKEX的資訊咁混亂既!?

      刪除
    10. 每日摘要現在出的仍是10月27日的披露, 人手將上列的網址中的"1027" 改成"1030"

      刪除
    11. 哈哈,原來我發現英文版係快過中文(繁體)版Update權益披露資訊,新發現!!

      刪除
    12. 都係偉哥先捉到佢路。 ^^

      刪除
    13. 希望大家都可以係橙身上贏多d,
      皆因呢個10月發生左好多野要資金周轉,所以係月頭已放左大部分股票(除左1注2788)
      今年應該唔會再有新資金再買住了,不過有時間郪會上黎跟大家學野既
      哈哈,就好似louis兄成日所講"有人辭官歸故里, 有人漏夜趕科場"
      不過我就係o係科場比人夾返鄉下~"~

      刪除
    14. 伍生呢275萬股, 其實是百裕沽比佢的, 仲要係百裕係之前一日0.53元掃入, 跟住第二日以0.52沽比伍生, 真係明益伍生。

      來緊可能仲會有唔少呢D古怪trade。

      刪除
    15. 呢種唔跟章法打莊,是吉是凶,真係要去求枝籤算一算先! (◔.̮◔)呵呵

      刪除
    16. 我都未買夠貨,可以打返落0.5的話就好了

      刪除
    17. 哈哈哈哈,伍生睇到大家既留言,好可能只會係0.52附近交收...

      刪除
  35. 偉哥想問2136 現價仲係資產折讓股嗎? 資產至少值100億?

    回覆刪除
  36. 888,上星期以孖展額度買入,比三日利息,回報滿意,今日有大盤掃貨

    回覆刪除
    回覆
    1. 投機者兄,

      888你已食了糊?

      刪除
    2. 未,有大盤6M掃,oman睇幾多?

      刪除
    3. 去到依加無乜頭緒,
      之前買係覺得佢會賣盤.
      現在真係賣,
      而作價$1.093都算很好,
      後向怎走真係要睇新主點做.
      新主係乜底細都唔知,
      只能見步行步.

      刪除
  37. 吹脹! 120繼續亂炒高, 有點似不久以前的3708!

    回覆刪除
  38. 787幾人大合唱,話1銀指日可見,大家齊齊爭凳仔,你買我又爭0.93也見到,收市最後一刻,突然一大棍,係千二萬派到0.89,競價收番0.90,又一地眼鏡碎。我不信路邊社信自已心水。

    回覆刪除
  39. 1625,唔等明天,得兩手食左算數。

    回覆刪除
  40. Copy from 雪球
    中航国际控股目前市值仅约RMB60亿, 比其2家已上市A股子公司的市值还低。深天马目前市值为RMB360亿,飞亚达市值为RMB53亿,中航地产市值为RMB68亿,深南电路预计市值RMB200亿。如中航国际控股旗下子公司按目前股价入账,光是四家A股的持股价值就超过RMB400亿,折合每股HKD40。加上其他资产,中航国际控股实际PB仅达0.1。

    1. 深天马利润预计超RMB10亿,猛超去年1倍以上。2017Q3预告同比增长150-200%。

    2. 深南电路利润预计RMB6亿,猛超去年1倍以上。

    3. 深南电路分拆A股上市产生特殊利润超过40亿。

    4. 出售地产板块获利RMB3-5亿:中航国际控股以公开招标之方式透过北京产权交易所出售其于中航万科有限公司之47.12%股权已经股东会批准。中航国际控股将以超过账面价出售有关资产,预计套现超过18亿(目前中航国际控股市值仅RMB60亿),超过目前市值3成。今年以来,中航国际控股不断清理出售地产及其他非高科技资产(如广东国际),累计套现超过25亿,约占中航国际控股目前市值4成。


    雖然161個底太花,層層蟹貨極多,不過都忍吾住狗衝,雖然只敢小注

    回覆刪除
  41. 夏生又披露增持1%的420, 持股去到16.09%了。

    最近1個月多, 夏生在市場買了1271萬股的420。

    回覆刪除
    回覆
    1. 偉哥若有時間請寫寫420的價值看法,睇住佢咁升法我都想了解一下,Thanks!

      刪除
    2. 之前有寫過短評的。

      我諗夏生越買越高, 越買越急,似乎並不單純是因為基本因素。

      刪除
    3. 我有塊福田(420),種了有一棵香橙樹(1132)及一棵檸檬樹(3688),農夫不段施肥,香橙樹受到滋潤看來收成指日可待,但檸檬樹仿似是錯肥,今天還生起蟲上來。

      刪除
    4. 夏生急買420, 不單純是因為基本因素, 但應該是不能重新掌握控制權, 為了什麼?

      刪除
  42. 有無網友持有比亞迪系列1211、285? 分享下

    回覆刪除
  43. 作為一個遊戲玩家,我本身用logitech gaming mouse.
    都唔會買razor.寧願俾錢買張靚display card.
    附近身邊打機的朋友都係得1,2個用razor.
    不過hk 慢慢多左好多電競比賽.
    eg:最近pubg個比賽好多人投訴設備差,
    最係官方叫人可以自己帶設備.
    因為razor外型好,可能參加比賽的人會慢慢買多左電競設備
    ps:自帶keyboard mouse係e esports係好平常.
    好像學音樂的人會帶自己樂器一樣
    pubg係一隻好熱門的新射擊遊戲,
    射擊遊戲對mouse要求會比較高,
    pubg的比賽1場for 100 ppl.
    所以可以有更多人參與,令到參賽門檻比較低

    回覆刪除
  44. 仍然估計最終凍資約3500億元, 回撥後實際超額130倍左右。

    如果A B 組認購的資金比例是1:4的話, 則回撥後A組實際超52倍左右,平均中籤率1.92%;B組超208倍,平均中籤率0.48%。

    如果凍資4000億的話, 則回撥後超額145倍, 假如A B組認購資金比例1:4 計算, A組實際超額58倍, B組超額約232倍。

    --------------------------------------------------------------------------------
    「火爆」新股閱文集團(00772)今日孖展截止,據8間券商,合共為閱文借出1254.2億元孖展額,相當於公開發售集資8.33億元計,超額認購近150倍,(見下表),閱文將於明日中午截止公開發售。

    回覆刪除
    回覆
    1. 偉哥華泰當年都4800億,應該唔會少過佢掛

      刪除
    2. 也是, 希望不會去到5000億元。如果去到5000億的話, A尾及B組的中籤率可能低至0.35-0.4%了, 即係A尾可能只有2手。

      刪除
  45. 請問偉哥耍中一手,要抽多少手才穩中?謝謝

    回覆刪除
    回覆
    1. 不知啊, 要看帳簿管理人的分配意向,無得估。

      刪除
  46. 香港地產股GoGoGo! [大笑]
    【遠超預期】新地50億奪長沙灣酒店地 呎價高達1.35萬元
    https://www.mpfinance.com/fin/instantp2.php?node=1509357238732&issue=20171030
    地政總署公布,長沙灣興華街西對出的臨海酒店地,由新地(0016)以50.6億元奪標,佔地52,528方呎,可建樓面約37.4萬方呎,每方呎樓面地價1.35萬元。該地皮早前市場估值介乎21.7億至37.4億元,每方呎樓面地價5,800至1萬元,換言之是次中標價較市場估值高逾3成半。

    回覆刪除
    回覆
    1. 【地皮開標】 長沙灣地膺九龍最貴酒店地 酒店地價六年升近3倍

      市區地皮渴市,不單住宅地「麵粉」價趨升,連酒店地價亦以倍計上升。新地(016)是次以取進姿態50.6億元高價奪得長沙灣臨海酒店地,每方呎樓面達13,520元,膺九龍歷來最貴酒店地皮。

      相比2011年嘉里建設(683)旗下香格里拉以23.28億元投得紅磡臨海酒店地,今日建成香港嘉里酒店,當時每呎樓面地價僅約3,500元,九龍酒店地價6年來急漲價2.8倍。

      刪除
  47. 1030大利好消息,可惜手頭已無現金

    另外車股方面開始走弱,因為19大後再無更多新能源車政策/補貼?

    回覆刪除
    回覆
    1. 手上得兩萬股,識飛都沒用
      777想下我都笑到肚子痛,你一賣它就升,你黑就好了,千萬不要再來踩煞我啊!特別是141你千萬不要買,不要出來害人又害己哦!哈哈哈

      刪除
  48. D廣告賣到上TVB睇黎間公司真係好怕無人抽WOW

    回覆刪除
    回覆
    1. 小財唔出大財唔入,如果唔係點cap水

      刪除
  49. 回覆
    1. 暗盤賣了的人,又走去食自助餐買手袋慶祝的,這次慘了。這案例真的奇怪

      刪除
    2. 以前試過,會當取消,輝立暗盤有寫明

      刪除
  50. 今日比較忙,剛剛寫左d對Razer既認知,希望能夠為大家做參考
    https://www.xpipix.com/2109.html

    回覆刪除
    回覆
    1. 嘩!比專業更專業的品牌評論。

      刪除
    2. 作者已經移除這則留言。

      刪除
    3. 你的部落格写的很好,谢谢。
      赞成Razer 并没有形成护城河。

      刪除
    4. 仲有個都市傳說因為未經考證,所以無寫落去。
      Razer Online Store普遍比市面貴,聽聞出面鋪頭會由大陸返貨再食差價(部份會賣早年既產品,我上年就買到隻Dead Deadadder 2013。

      刪除
  51. 作者已經移除這則留言。

    回覆刪除
  52. 打左十幾年機,最愛射擊fps遊戲,由counter strike 1.4 玩到而家,的確滑鼠係幾重要
    不過雷蛇d產品只吸引到比較業餘的玩家,因為望落型,但專業的大多都不會用!
    的確近來電競備受重視,但長久下去雷蛇競爭力始終比不上其他週邊產品既公司
    睇番佢地年報都唔太靚仔,似市好急急上市集資,
    週邊設備(佔7x%)倒退,而電競notebook(佔2x%)更近乎蝕錢
    咁岩撞著閱文凍資後面,為免成手都係,抽一兩手參與下算了,風險太高

    回覆刪除
  53. 到佢赚钱时,可能VR设备已经普及,我都极怀疑到时仲有无人用鼠键打机,可能打机连手机同电脑都唔再用。如果iphone一出,秒晒所有gameboy类手持游戏机。

    回覆刪除

注意:只有此網誌的成員可以留言。