置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年6月27日 星期一

鷹美(02368)業績短評



鷹美(02368)剛公佈全年業績,重點如下:

1. 全年核心盈利1.33億元,每股盈利0.267元,派末期息5仙,全年派息17仙。

2. 受暖冬影響,下半年收入只有5.88億元,低於上年同期的6.32億元;核心盈利也減至1700萬元,是遠低於預期,也低於上年同期的3500萬元。

3. 存貨增加9400萬元,但財政依然穩健,持淨現金約5500萬元。

4. 人民幣衍生工具已全部平倉,並且錄得約1000萬元的一次性虧損已經入帳。

5. 最大客戶仍是NIKE,佔收入的55.6% (上年57.6%);其次是The North Face,佔收入的38.8% (上年29%)。最大的市場仍是美國及中國。

6. 公司的發展策略仍是先改善Bottom Line,主力生產較高利潤的高端產品,提升毛利率及控制營運成本,從而提升純利。

7.公司未來會進一步提高生產高端運動服比例。高端功能性運動服主要屬於冬季運動服,生產及銷售主要集中於鷹美上半年的財政年度。隨集團產品重組,未來季節性因素預計會更為明顯。

8.會擴充印尼的產能,第二期廠房可於2017年投入生產。

現價市盈率6.9倍,股息率9.2%,以工業股而言,估值不貴。


234 則留言:

  1. 謝謝偉哥分析,有貨。

    回覆刪除
  2. 2368股價短期都應該受壓,但現價沽真係好蝕。

    回覆刪除
  3. 市場唔係咁睇,開市跌緊7%

    回覆刪除
    回覆
    1. 業績唔好,大戶一定係先沽為敬。

      刪除
  4. Eagle Nice以前留意過,但係業績好似幾波動,比較難預.
    另業績市場唔收貨? 依家跌緊唔算少....

    回覆刪除
    回覆
    1. 前幾年大波動主要是同時在江西及印尼建廠所致。

      現在再擴產,只會一步步來,避免令業績再出現大波動.

      刪除
  5. 脫歐壇野,是好是壞都吾知,摸住石頭過河,吾洗咁悲觀,
    深港通單野,我都幾肯定,落實了都吾會有料到,反而不值得樂觀!!

    回覆刪除
    回覆
    1. 最大的作用是讓國內投資者可以有一個合法途徑將人民幣資產換成港元資產。

      刪除
  6. 2368業績未致終差到要跌成甘呀...

    回覆刪除
    回覆
    1. d 大戶質低先低吸
      曾廣標看來都會大手買入

      刪除
  7. 3399一開波即見4蚊,再成交見4.24,上落真大

    回覆刪除
    回覆
    1. 上星期五已見IB及海通的買盤力頂,其實真係唔明為何要一開市沽低20格。

      要沽貨,掛低10格都好大機會沽到啦.

      刪除
    2. 我估係沽貨者想壓底廿格沽出少少而造出嚇鬼現象,不過嚇我唔到既...(我4.1x買左少少同大家一齊頂住..)

      刪除
  8. 掛住看2368,加不到3399 4元

    回覆刪除
  9. 3836今日終於穿4元,可惜睇到時已4.07

    回覆刪除
  10. 偉哥, 單車節有得報名, 快去

    回覆刪除
    回覆
    1. 想參加的30公里悠游组滿了

      刪除
    2. 現在又開放了30KM報名, 在報。

      刪除
    3. 真的慘, 註冊入去之後, 又暫停了報名。

      刪除
    4. 恭喜, 仲要參加一個乜鬼U TURN 考試, 都唔知係咪俾上年個高人累

      刪除
    5. 係唔係要自己有單車才可以報名嗎??

      刪除
    6. 單車可以預先比錢租,到時現場拿車就可以。

      技術測試上年好似係馬鞍山個邊做,好鬼遠。

      刪除
  11. 美洲盃決賽後段時間幾刺激。

    回覆刪除
    回覆
    1. 巴西已袋了銀一早回國,阿跟庭輸波贏錢、李斯臨危不亂,南美波全是外圍集團控制,不參予指令隨時被暗殺,所以好波球員要到歐洲揾食,無咁危險。中國男子足球就被打假波歪了路。

      刪除
  12. 早早紅左兩個
    本身一開波智利踢得幾好
    球證玩晒

    回覆刪除
    回覆
    1. 完全唔知個球證想點…
      無啦啦俾紅牌阿跟庭

      刪除
  13. 以前致富個網好似可以睇新股的孖展統計,依家係咪無咗?

    回覆刪除
    回覆
    1. 終於搵番
      http://www.chiefgroup.com.hk/hk/securities/hk-ipo#collapseFour

      刪除
  14. 大家有冇留意,今日離岸人仔兌美元跌左接近700點,人仔貶值假不了!!

    回覆刪除
    回覆
    1. 舊年叫親戚朋友轉番港幣。佢地吾相。今日自食其果

      刪除
    2. 今日冇跌700點,指上周五吧?

      不知不覺已去返1月時的匯率。

      刪除
    3. on.cc 東網專訊】 人民幣兌每美元中間價今早大幅低開近600點子。中國外匯交易中心公布,人民幣兌每美元中間價報6.6375,較上日開市價6.5776大幅低開599點子,貶值0.9%,為去年8月貶值1.1%以來最高水平,且創2010年12月以來新低;較人民幣上日收報6.6146,下跌229點子。

      刪除
    4. 今日在岸價實際上只是跌250點子,沒有700點。

      刪除
    5. 資金現在要大量逃走不容易,一般人除了每年有5萬美元的換匯額度外,也可以在香港買保險用銀聯簽帳(仍未堵塞)或者經過港股通買港股,又或者經過地下渠道,付幾個點手續費匯出;資金量大的,有不少是通過假貿易匯出,所以上月從香港進口貨物大升。

      刪除
    6. waigor你個人有冇經驗點轉回港仔?? (我都有球幾轉左去珠海,都煩緊過幾年之後點做好..)

      PS 我朋友教路都係螞蟻搬家法..

      刪除
    7. 我上年9月都是用螞蟻搬家法,將太太及外母剩餘在國內的60萬人仔定期搬返來,夫婦兩人每次拿20萬,分幾次完成。

      刪除
  15. 球王宴客,恭喜絲帶國,
    今晚兩場波都好睇,英格蘭多人捧,希望可以對到法國啦,

    回覆刪除
    回覆
    1. 希望如此,最怕意大利的防守足球太勁。

      刪除
  16. 回覆
    1. 我對367有信心。

      我賺股票的錢都是依靠長時間坐出來, 在賤價時不斷向下累積, 其後痴痴地等待它們體現出價值, 我就是靠這簡簡單單一招。

      這次危機, 我真的無法估計到這麼多的股仔如此硬淨, 不肯下跌!

      刪除
  17. 有無師兄留意開1050,出左業績,全年純利升左53%,派息明顯比往年增加。但好奇怪今年無好似往年咁事先出盈喜?

    回覆刪除
  18. 1號仔現價值唔值撈撈呢

    回覆刪除
    回覆
    1. 上次搏左呢隻LC,是賭"留歐的預期",87.xx > 92.xx,最後結果脫歐,變左風眼所在,易跌難升,現在大把平股,何必呢。

      刪除
    2. 同意,佢之前52週低位一直在88蚊左右, 同現價比只係下跌了5%... 而上週五摶佢留歐上升回92時比較現在亦只是跌了9%, 跌太少了吧~~

      刪除
  19. 好了,補返脫前個幾小時出左嘅0420、1037、3836,等怒升:"=)

    回覆刪除
  20. 回覆
    1. VHSI,上期五由24.xx爆上34.xx,現時已回落至25.xx,莊家已預視風險回落,買動物我會搏牛。

      刪除
    2. 大户開始轉下月倉,
      暫睇位在20100附近,
      如外圍無突变,
      造好造淡都先留意這位先.

      刪除
    3. 英國佬脫歐除經濟影響外,
      保守黨及工黨內的爭權,
      好似睇戲咁.

      刪除
    4. 標普500在2000點支持非可靠,
      1950才是較實在支持位.

      刪除
  21. 真的無法估計到這麼多的股仔如此硬淨, 不肯下跌!

    回覆刪除
  22. 連續兩個交易日咩都買唔到,好硬

    回覆刪除
  23. 偉哥,你之前比較過#1382和#420,選左#420。
    但最近#1382最始回落,想請問值得重新留意返#1382嗎??

    回覆刪除
    回覆
    1. 同問,1382現價股息率幾正

      刪除
    2. 無可否認1382的營運效率很高,盈利能力也比同業強,但要留意1382近3年收入及業績已停滯不前,而且1382近年年年派息派突,但帳面淨現金也越派越少,我唔知這種派息法可以維持多久。

      目前息率9厘是很吸引,但市帳率接近4倍的工業股一交唔到成績或減派息,就會一沉百踩,不能不防。現在大家都期望越南廠房投入營運後,會帶來增長動力,即管看看是否如此。

      刪除
  24. 不知不覺, 内亂同風眼很快會離開中國, 期待下一浪牛市

    回覆刪除
    回覆
    1. 這麼樂觀!

      這次危機, 我事先真的無法估計到這麼多的股仔如此硬淨, 不肯下跌! 有些甚至做52週新高。
      此時, 我的解釋是大部分缺乏信心的投資者已經離開股市。

      刪除
    2. 你一直玩的那類資產折讓股, 再下跌也不會跌得多, 更可能是下次帶頭先升的. 熱炒的投機股也差不多全部扒街, 連好多莊都提早去放假. 輸到止蝕的小散都止了,現在再大跌益唔到邊個, 有些期待風眼轉去歐洲, 等中國休息為下輪牛市準備.

      刪除
  25. 北水好強,好多股都唔肯跌
    【港股通净买入额刷新年内次高】截至16:01,港股通每日额度105亿元剩余65.03亿元,占比61.9%。

    回覆刪除
    回覆
    1. 好快就會用晒個額度。

      刪除
    2. 人仔貶值入港元資產,不要心多別有期望了!

      刪除
    3. 哈哈,之前北水不斷買5仔,點知咁都會躺著中槍

      刪除
  26. 1161午後瘋狂抽高, 大成交!!

    回覆刪除
    回覆
    1. 隻隻業績唔掂的炒上,都是用賣殼這藉口。

      刪除
  27. Waigor&各位睇點GBP?? Now 10.25

    回覆刪除
    回覆
    1. Expert said "GBP sees 9.5 HKD"

      刪除
    2. 2016年6月28日 星期二
      周顯 投資二三事

      歐盟刁難英 欲殺雞儆猴
      港公投入英 可補充蘇格蘭北愛脫離


      http://news.mingpao.com/pns/dailynews/web_tc/article/20160628/s00004/1467051005618

      ......

      不過,原來一件事發生了之後,不能單看其表面,必須看其後續發展,由於有太多可能性是難以預料的。現在看來,也不排除英國也許仍然會繼續留歐,不過,蘇格蘭乘機獨立,多半會成為事實了,畢竟,蘇格蘭上次公投,只是差少少票而已。


      不過我又告訴大家一件事,就是如果這一次蘇格蘭獨立,很可能連蘇格蘭鎊都不用了,而是直接用歐元算了,而這如果發生了,英鎊的價格相信會崩潰式下跌,英國經濟相信20年內也不能復元。
      ......

      刪除
  28. 1253已經接近賣盤比綠地,不過又是買到29.8%就暫停,唔做GO。

    http://www.hkexnews.hk/listedco/listconews/sehk/2016/0627/LTN20160627537_C.pdf

    回覆刪除
  29. 想請教下,抽新股,係咪抽嘅股數越多,每一股嘅中籤率就越低?
    另外有樣野都唔明,如果我上面嘅說法係成立的話,咁點解抽2手中1手嘅幾率係大過抽1手中1手嘅呢?(或者抽3手中1手嘅幾率係大過抽2手中1手)

    回覆刪除
  30. WAI GOR, 想問問, 你覺得3399今年7月是否會跟上年一樣出個盈喜?

    回覆刪除
    回覆
    1. 我預期有20%的增長, 理論上是不用出盈喜,不過公司要發盈喜也可以。

      刪除
    2. 偉哥,請問你的增長預期是否計及大股東債轉股的dilution?

      刪除
    3. 估盈利增長20%,不是每股盈利增長。

      刪除
    4. 即係每股盁利應會持平?

      刪除
    5. 今年盈利要增長25%才可以令每股盈利持平。

      刪除
  31. 脫歐餘震未完,今晚夜期下挫約280點,低水接近400點。

    回覆刪除
    回覆
    1. 日頭認沽IV縮得好勁,搞到唔敢買LP

      刪除
    2. IV縮得好勁, 搞到我沽唔到下月CALL。

      刪除
    3. 想問可以在那裡看到即市IV?

      刪除
  32. 歐洲幾大銀行大跌,唔知會唔會大跌引發危機或危險論??

    回覆刪除
  33. 哈哈,呢次真係跌咗落屎坑囉今日又身痕入咗半注1848,一注6128,手慢入唔到2368不知是禍是福。

    回覆刪除
  34. 之前兩個交易日港股都比外圍強勢, 唔知明天會否也是如此?

    夜期低水500多點了。

    回覆刪除
    回覆
    1. 過得初一過唔到十五,都係普天同跌。

      刪除
    2. 好彩歐洲股票基金上星期五一知道脫歐即斬咗,如果睇多日就血流成河。

      刪除
  35. 上年又好似係呢段時間開始暴跌。。。

    回覆刪除
  36. 老千股298二零一六年度全年業績:

    http://www.hkexnews.hk/listedco/listconews/sehk/2016/0627/LTN20160627780_C.pdf

    截至二零一六年三月三十一日止年度每股盈利為港幣4.91仙(二零一五年:港幣5.50仙)。

    由於本集團需為各項目及業務發展預留營運資金,董事會議決在即將舉行之本公司股東週年大會上建議本公司股東批準派付截至二零一六年三月三十一日止年度之末期股息每股港幣2.0仙(二零一五年:港幣3.0仙)。

    本公司已就本財政年度派付中期股息每股港幣1.0仙(二零一五年:港幣1.0仙)。因此,本年度股息總額將為每股港幣3.0仙(二零一五年:港幣4.0仙)。本年度支付股息總額為港幣64800000元(二零一五年:港幣6430元)。

    資產淨值

    於二零一六年三月三十一日,本公司權益持有人應佔之資產淨值約為2,509,500,000港元。每股資產淨值為1.55港元,乃按本集團土地儲備之原投資值計算,並未計及其重估價值。經計及年內匯率變動及可供出售之金融資產之公平值變動後,於二零一六年三月三十一日之資產淨值乃低於去年同期。

    供股

    於結算日後二零一六年五月三日,本集團完成按每持有兩股股份獲發一股供股股份之比例進行供股。供股集資所得淨額(經扣除開支)約為2.225億港元,擬於是次供股完成後十八個月內將(我)約1.7億港元用於進一步擴展本集團之業務;及(二)餘下約52,500,000港元撥作本集團之一般營運資金。

    即供股後每股資產淨值1.12港元。

    估值

    7厘股息,每股值43仙; 60%資產淨值折讓,每股值45仙。
    我傾向於相信今後數年,每年能維持每股股息3仙。

    展望

    未來的發展,看到我眼花,我還是簡單地與老千股共生死算了吧!

    回覆刪除
    回覆
    1. 更正:

      本年度支付股息總額為港幣64,800,000元(二零一五年:港幣64,300,000元)。

      刪除
  37. 股票暫且放下,12點大戰開波啦

    回覆刪除
    回覆
    1. 哈哈, 剛剛做完運動返來, 先睇半場再沖涼。

      刪除
    2. waigor我跟朋友去參加呢個活動..你亦可睇下 (SET個目標自己,增加自我訓練既動力..)

      http://www.greenpower.org.hk/hike/chi/detail_page_a.asp

      刪除
    3. 我係, 4人一隊組隊參加~ 如你係度吹雞一定大把人ching加入 XD

      刪除
    4. 偉哥不如整個夜遊單車團(順便聚聚),等啲細路瞓哂,我地出來玩下吹下水. 我估你都未瞓....哈哈!
      行山我都可以,呢幾年都有玩trailwalker

      刪除
    5. 好似第一次聽偉哥做運動(Very Good),我以為炒股先係佢既主要運動。

      刪除
    6. 夜遊單車團有得諗,不過大家住不同地區,晚上好似比較難遷就。

      行山.....以前成日行西貢個邊,不過近年最多都係陪小朋友行柏架山多。

      其實間中都有打波,不過而家身體機能轉差,所以要落實定時運動。

      刪除
    7. 印象中偉哥住港島. 我有揸車,夜晚唔介意出來過海單車聚聚
      西貢行夜山都得, 如果偉哥有興趣....

      刪除
    8. 係啊, 港島東,夜晚都OK架,不過要等8月先得,因為7月又是我一年裡面最忙的月份,其次比少少時間我自己練練先,好耐冇長時間踩單車,驚踩半個鐘就冇氣。以前讀中學時,經常由大尾篤踩上沙頭角公路,而家我驚新娘潭路都踩唔到。

      約定8月先。

      刪除
    9. 唔知有冇喺柏架山撞過偉哥哈哈,不過我行到去教育徑就落山。以前去到風車㗎,體力癈咗真係冇得呃

      刪除
    10. 我一般同小朋友行到大風坳上面的遊樂場玩一陣就落山,想搵次行埋過去大潭個邊,然後坐的士返歸。而家上落柏架山通常都是3小時左右完成,小朋友的體力剛好可以應付到。

      刪除
    11. 後生果陣會上大風坳行港島徑經灣仔落淺水灣 依家又老又懶頂隆上到大風坳果兩個發射波波就返歸 -_-!

      刪除
    12. 好呀,8月再約
      我現在架車買比老婆用,連波都冇.
      請唔好介意我會踩得好慢....

      刪除
    13. 好的, 到8月我時間鬆動很多。

      刪除
  38. 不知偉哥Vnet 有沒止蝕,原本set了10.50止,結果還是持有着,好多次一止就回升,希望經過今晚,不止亦回升!

    回覆刪除
    回覆
    1. 真的不明白...入肉了

      刪除
    2. 只佔組合約4%....所以仲可以持貨觀望。
      我用致富,買賣美股成本高,一動不如一靜

      刪除
  39. 跌到少少無言, 後悔無discipline 7% 就止蝕, 輸到PK!

    回覆刪除
  40. 回覆
    1. 昨晚跌到恐慌,都唔知跌乜。

      雪球不斷有人走出來唱私有化取消,我心想現價已反映了投資者根本不當私有化存在。

      刪除
    2. 最怕係啟迪班友專登推低股價來私有化, 佢地成班人係平移, 咩價對佢地都一樣, 反正都係番A股上

      刪除
    3. 金山應該會退出買方團,而主要股東之一淡馬錫也不在買方團裡面....

      另外,啟迪剛以16.2認購新股,如果以低於16.2元私有化,於理不合吧? 董事會如果接納的話,可能會引來小股東的集體訴訟。

      刪除
    4. 萬一雷軍系加入,賤精陳升一早入左啟迪個management team, 佢地完全可以出新啟迪出新NON-BINDING OFFER, 係吾知淡馬錫會點, 因為好多中概股從未見淡馬錫身影, 希望啟迪真係出新OFFER都有12-14蚊, 等隻野大彈一下, 吾駛輸到爆! 我個人覺得股價跌吾多吾少係由大股東指使, 但清楚交代私吾私有化都好, 宜家半天吊, 輸死人, 怕一賣就升到爆廠!

      刪除
  41. 英格蘭又一次。。。
    失望慣到令人不再感到失望

    回覆刪除
    回覆
    1. 主要係因為垃圾教練, 睇下意大利人腳都唔得
      但俾干地教到幾勁

      刪除
    2. 失望之中又帶點歡喜,史獨唔使再帶傷回家

      刪除
    3. 昨晚冇睇尾場是明智。

      刪除
    4. 失望之中又帶點歡喜,因為學神終於走了,雖然都哂多左2年時間

      刪除
    5. 學神係球會級別既賽事已經顯示左佢冇料到
      不過英格蘭基本上屆屆都係失望, 英超戰術同吹罰標準同其他歐洲聯賽唔接軌, 英格蘭好難係國際賽事有好成績

      刪除
    6. 英格蘭近年最好的國際賽成績是那一年? 我記憶中好似係2002年世界盃8強對巴西被淘汰,當年返工期間比賽,成班朋友蛇王到灣仔的酒吧睇波,朗拿甸奴技驚四座,仍記憶猶深。

      英格蘭最精彩、令人回味的國際賽事仍停留在98年對阿根庭,奧雲射入金球那一場,又或者是外圍賽大破德國5-0那場,其餘的真的乏善足陳,沒有深刻印象。

      刪除
    7. 細哨當年盤過高爾助攻俾李華度射入,跟住笠死埋施文,佢至今都仲係我偶像。

      刪除
  42. 有人真的好勇敢!!!

    2016年6月28日 星期二
    香港地產

    中環中心頂層5億沽 呎價3.78萬元 創全港商廈新高

    【明報專訊】英國脫歐後,除豪宅市場外,商廈亦錄得大額成交,呎價更創出全港新紀錄。市場消息稱,中環中心頂樓全層寫字樓,新近以約5億元易手,以面積13,213方呎計,呎價約3.78萬元,創全港分層商廈新高。去年11月由恒大地產(3333)以125億元向華置(0127)購入的灣仔美國萬通大廈全幢,物業面積34.5萬方呎,呎價3.62萬元,曾創下全港商廈分層最高呎價紀錄:而現時中環中心頂層之呎價,比舊紀錄再高4.4%。

    呎價3.78萬 創全港商廈新高

    資料顯示,上述中環中心,由發展商長實地產(1113)持有大部分業權,而今次售出之頂樓單位,是該廈罕有的散業權,於2000年由首間創業板上市公司天時軟件(8028)以1.78億元向長實購入,當年以呎價1.35萬元創下全港商廈呎價新高紀錄,但2005年卻以1.58億元蝕讓予裕泰興家族羅守輝及相關人士。物業期後再度易手,現業主以公司名義於2010年以3.38億元購入,市傳業主為利希慎家族成員,若落實以5億元售出,原業主於6年間,帳面可獲利1.62億元,賺幅高達48%。

    回覆刪除
    回覆
    1. 請注意中環中心位於中環與上環的交界地帶, 不是中環的中心地帶。
      彌敦道辦公室也應該值錢!

      刪除
  43. 呀爺好不是港股好、呀爺衰港股更加衰、已有一段長時間啦!港股沒有本錢反彈、慨然不能升就要跌、專打落水狗今勻必大大插下去、停一停褐一褐只是令散戶自為轉市、又再做蟹、我大膽做假設、今年4月恆指高位21600,每年坡幅起碼5000點,今年下半年必見恆指16600,不是危言聳聽,我相信歷史不會錯的,好友變淡友。

    回覆刪除
  44. 英格蘭預了失敗,但想不到連冰島細國都過不到。
    今天港股仍然很強。真是奇!

    回覆刪除
  45. 港股通總額度只餘下不足700億人民幣,在深港通及港股通提高額高仍沒有消息的情況下,這最後的不足700億額度, 應該會用得更快,可能到下月會出現用盡的情況。

    現在人民幣貶值壓力大增,不知中央會否再開深港通這通過讓國內投資者走資? 似乎七一前宣佈是我們一廂情願的想法。

    回覆刪除
    回覆
    1. 港股估值平, 港股通按情況,7月底前會用晒額度.

      刪除
    2. 有近消息的IT的業內人士稱,因為系統測試仍未就緒,起碼要9月或之後才有望開通,希望佢無吹水。

      刪除
    3. 相對國內有些業內人士覺得年底前開通的機會很低這看法,9月已是樂觀的估計。

      我餘下的少量952今早都沽清了@0.66。

      刪除
    4. 71宣佈開通都要9月先正式吧 ?

      刪除
    5. 我有信心餘額盡前有消息^^

      刪除
    6. 剛才專登打聽,證卷行的朋友話如果沒有再大的金融問題,九月前會通車的了,但不知真假

      刪除
    7. 如果71無消息, 股市應會跌到18000 ?

      刪除
    8. 師兄話誤定今晚已有消息,不等7月1了^^

      刪除
  46. 今日恒指又比想像的好,仲以為會大跌4,5百點

    回覆刪除
  47. 請問偉哥,隻36射了幾千萬貨到一間不起眼的證卷行,有沒有什麼啓示?謝謝

    回覆刪除
  48. 偉哥, 問個問題 - 一家上市公司要賣主要資產俾大股東,現時股價係PB的0.62, 你覺得大股東會吾會出番 PB 1去買?

    回覆刪除
    回覆
    1. 有很多種情況:
      1. 這資產有沒有盈利能力,如果沒有盈利能力,主要考慮PB,一般也會以折讓價買回;
      2. 有盈利能力及前景的話,出到1倍PB買唔出奇,尤其是一些輕資產的業務,例如477大股東肯出到4倍PB去私有化。
      以上只是一些簡單的考慮,其實還要考慮到大股東有沒有暗手、回購資產會否是一系列交易的一部份,例如賣盤的話,買家不想要原有資產就會要求大股東回購,又或者這些資產的變現能力,例如零售業務的存貨難清,以大折讓賣也不奇怪,又或者這業務養一大群人,要遺散也要大筆資金等等。

      刪除
    2. 我聽番黎就係大股東賣完就派特別息, 咁間公司主營業務無左, 轉左物流及汽車金融! 但最好預期下 (見佢地modelling), 特別息比現價高20%

      刪除
    3. 不過現在聯交所嚴格把關,賣了主營業務後,剩下的業務是否足以維持到上市地位? 情況正如之前3816,又是想將原來核心業務賣回給原股東,但聯交所不批,所以買家就將原有業務收埋。又或者42堂堂國企,重組過程中將原有核心業務出讓,聯交所以剩餘業務或資產無法維持上市地位為由,否絕了重組計劃。

      刪除
  49. 隻瑞金礦業,仲諗住想復牌,點知今早轉左被證監勒令停牌,似乎都唔使旨意可以復牌了。

    回覆刪除
    回覆
    1. 持有瑞金礦業的上市公司
      代號 公司名稱 持股數量 持股比率% 更新日期
      00806 惠理集團有限公司 77,678,000 8.54 2015/12/31

      Over-valued partners

      刪除
    2. 點解呢 明明差不多搞掂
      証監搞什麽
      偉哥知唔知

      刪除
    3. 証監勒令停牌的,都是証監已掌握確實証據其帳目造假或涉及詐騙的,可以說復到牌的很少。

      刪除
  50. 320今日開董事會,會唔會即日出埋業績??

    回覆刪除
  51. 請問在那裏可看到Ibond歷來的收息收據?

    回覆刪除
  52. http://www.hkgb.gov.hk/en/retail/iBond_Rates.html

    回覆刪除
  53. 752業績不錯,勝在夠穩定,派息也是,等遲些有機會股價跌返落1.8左右真的要考慮買些來做倉底。

    http://www.hkexnews.hk/listedco/listconews/sehk/2016/0628/LTN20160628139_C.pdf

    回覆刪除
    回覆
    1. 752成朝都係跌,偉哥講完就彈咗上去,哈哈。

      刪除
    2. 1.7X時買入,希望可以穩定發展啦。

      刪除
  54. 271 有人想買盤,合理作價應為多少呢?PB0.5?

    回覆刪除
    回覆
    1. 唔似會賣到,資產折讓大,好難賣。

      刪除
    2. 請教一下,資產折讓大姐係買家同賣家係定價上難取得共識?

      刪除
    3. 起碼4元樓上!?

      ######

      恭喜你們!

      271要炒的話, 股價可以到達PB=1.2, 甚至高達1.5〜2, 但需要等到股票收乾後。

      根本上, 股票只是炒作工具, 無道理好講!

      刪除
    4. 純陰謀論,會唔會同基金一齊用消息炒高出貨呢

      刪除
    5. 不能排除這可能性,上次出口術要求派高息,但股價炒一浸就回落,應該沽唔到幾多貨。

      刪除
    6. 先放了一半,鎖住利潤。

      刪除
  55. 均價22.85減持了1/3 的237獲利,保留2/3 博特別息。

    回覆刪除
    回覆
    1. 今日公佈業績前,股價逆市造好,似乎不少人博特別息。

      刪除
  56. 偉哥點睇1833落到現價有值率嗎?

    回覆刪除
  57. 偉哥,之前你話有隻幾好質素的物業管理新股將上市,是否綠城服務?

    回覆刪除
    回覆
    1. 是, 不過定價好進取,睇定D先。

      現在只炒小型新股,集資額多的十居其九炒唔起,除非貨源歸邊。

      刪除
  58. 不能忍受寂寞, 資產淨值大折讓的878, 今天也炒上$12.4。

    回覆刪除
  59. 回覆
    1. 我忘記了這潛在要約是否有時限,是否快要到期,仍沒有消息,所以有人偷步沽貨?

      刪除

注意:只有此網誌的成員可以留言。