置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年5月15日 星期日

股場不如意事



踏入5月,股場不如意事特別多......

投資組合跟隨大市回落;投機組合受到殼股接二連三的賣盤告吹事件影響,回落甚多;做套利的也因為受到美國中概股的風險驟增影響而突然變得風聲鶴淚。

組合在4月底前用了兩個多月時間追至今年接近持平,然後用了兩個星期就將這成果輸掉大半!雖然目前情況仍遠比3個月前最壞的情況為佳,不過遭受突然而來的打擊,心理上的影響甚大,有種難言的無奈、心淡感覺。要拋開這種感覺,只能出動阿Q精神,在周末催眠自己,從好的一方面想,組合遭遇連續的挫折,仍然比三個月前為佳,那不是應該慶幸自己的風險管理做得不錯嗎?


過了這周末是收拾了心情,重新抖擻精神,迎接挑戰。既然之前可以用兩個多月時間接近完全收復失地,那之後的兩個多月一樣有可能可以達致這成果,最重要的是時機的把握,尤其是港股已有山雨欲來之感,危險與機會並存。股市只要常開,機會就常在;現在要拋開不如意事,努力在危機中尋找機會。

226 則留言:

  1. 組合帳面值受趺市所累是無可避免,只能靜候市場重估公司價值的時候來臨。

    回覆刪除
  2. 偉哥,咩都可以輸,信心唔可以輸,調整心態最重要!猶如你昔日金融動盪時,都昰憑良好的心態調整反敗為勝的! 加油!

    回覆刪除
  3. 偉哥,無論如何,星期三晚約定你,一定要支持愛隊,呢D機會可能十年一次,幾攰都要睇呀!隔離等你。

    回覆刪除
    回覆
    1. 希望這次不會再來測試利迷的心臟負荷能力。

      刪除
    2. 我的熱刺,臨尾幾埸打到咁,最後仲要拱手雙讓亞軍比亚記。真頂

      刪除
    3. 昨晚紐卡素是打出了本季代表作,可惜要降班。

      刪除
    4. 熱刺直情係離普,好彩我唔賭波。

      刪除
    5. 星期四拎定假都要半夜起身睇直播

      刪除
    6. 記住喺隔離一路睇,一路吹

      刪除
  4. 自古成功在嘗試
    短打長打不稱意
    股場格鬥我願意
    成功失敗亦嘗試
    久經磨鍊具戰意
    自強不息早決志
    戰勝心魔立大志
    無私分享在網誌
    偉哥人生享滿意

    回覆刪除
  5. 最傷神既應該係,巧合地幾隻投機股接連出壞消息(殼股+套利一類)

    回覆刪除
  6. 謝謝偉哥,大家努力,加油!!!💪💪💪

    回覆刪除
  7. 支持偉哥,投資路上,有此良師益友,難能可貴,共免之!

    回覆刪除
    回覆
    1. 哈哈, 難得Danny都會打錯字...

      刪除
    2. 多謝偉哥提點,再來共勉之!我只是小Chan Danny⋯⋯����不是大師兄Danny Chu

      刪除
    3. 哈哈, 一時看錯,請見諒。

      刪除
  8. 偉哥
    我組合還差,現在就來跌回三月低位,因上一輪買到的就跌,買不到就升,如今個星期仍沒起息,看來穿的機會很大,現在只等加注3399,望價值回歸,全因這blog否則已失去信心,共勉之!

    回覆刪除
    回覆
    1. 哈哈, 要查找不足之處,再改善之。

      刪除
  9. 深夜已到,黎明已不遠矣
    互勉之
    加油

    回覆刪除
  10. 其實香港拖住唔死差唔多有八年, 雷曼一役香港本身要輸的, 係阿爺救到
    今次阿爺自身難保, 香港應該要踏入無盡頭既冬天, 呢鋪會好甘
    我唔太信股市會有起色, 尤其阿爺講明唔揼水
    香港人係時候要靠番自己了

    回覆刪除
    回覆
    1. 我都讚同,港股未來一、二年會是一浪低於一浪陰陰跌,小小反彈不等於轉勢。

      刪除
  11. 滿倉很久,今個陰跌浪令個人組合也遭遇到重創。

    特別是1173的盈警,之前是自己太過自信而持有過高的倉位,反省過並決定今日走貨,預留資金。

    一起互勉,不要放棄,努力加油。

    回覆刪除
  12. waigor點睇839,有冇新進展? (接二連三的賣盤告吹事件 T_T )

    回覆刪除
    回覆
    1. 沒有新進展, 唯一可能相關的是法資收購方的增資建議已在其股東大會通過。

      刪除
    2. 謝waigor,會唔會又好似其他賣盤告吹咁而唔批呢?? (應該話,機會大嗎?)

      刪除
  13. 六絕七番身. 全弱勢。等待機會

    回覆刪除
  14. 我都就快頂不住,希望黎明快出現

    回覆刪除
  15. 真係好灰...但可以點? 咪努力工作LOR, 等待機會

    回覆刪除
  16. 最近3399的買賣盤很奇怪,好似有兩幫人在角力一樣.....不只經常在尾市有沽盤壓低股價,在盤中時段也經常見到一些大沽盤排在數個價位之上的。

    上星期五有大盤尾市出來護盤,擺了差不多200K的買盤在4.3元頂,唔比對方尾市再壓落來,又看看今天會否重施故技。

    回覆刪除
  17. 小弟今年回報4月尾有去到10%,不過2個星期就差不多打回原型
    唉,股市越來越難賺錢

    回覆刪除
  18. 我90%既錢都係REIT到,808,405,近日都有下跌,778,823靠穩定,
    仲有10%短炒都輸到昏迷,

    回覆刪除
    回覆
    1. 輕輕鬆鬆跑贏大市,強!

      刪除
    2. 一直都重貨REIT同高息收租股,係跌市先睇到佢地既可貴……

      刪除
    3. 可以分享買reit既心得嗎?

      刪除
  19. 隻426真係想投降。。。。

    回覆刪除
    回覆
    1. 望左陣買賣盤,其實無乜人大手出貨,應該係無耐性等到六月的散戶想離場

      刪除
    2. 真系要多謝呢班朋友

      刪除
    3. 理論上沽到無曬力就會上翻去ga啦

      刪除
    4. 通告講到明6月30日前不會有好消息宣佈,今早應該不少散戶先行離場觀望。

      刪除
  20. 市唔跌那有平貨買呢?
    陰跌、陰跌、再陰跌、跟住1支大陰觸或長下影線,9成散戶都絕望沽貨離場時,應該就差不多是見底了。

    最近留意1隻股,上星期射左72%至工行,市值4.0,NAV2.4,Cash2.0,下月上市足1年,我已開始小量收集。

    回覆刪除
    回覆
    1. 黃國英叫人開長put摶大跌

      刪除
    2. 認同tkchan兄說法,過往當大部份網友留言絕望時,好多時就是較大反彈時机出現. 加油!

      刪除
    3. Tk 兄, 隻股尾段跌穿$1, 打算繼續吸納?

      刪除
    4. Tkchan 好彩你係分注入, day low 收。 By the way, 即日仙, 第一日參與376炒作成功。

      刪除
    5. 依排唔敢hold貨過夜, 寧願賺少D。

      刪除
    6. By the way, 即日仙, 第一日參與376炒作成功。 << 按你之前既 defintion,算唔算馬後炮既一種?

      刪除
    7. Sorry, 算馬後炮既一種, 一時疏忽。 純粹見到tkchan 近排罕有唔馬後炮, 但係買完一提即全日最高位, 相差8個百分點。

      刪除
    8. 376連續3日低開高收, 操盤手真係唔夠高明, 有唔少人一轉勢即刻衝入去,尾市沽番俾個莊。

      刪除
    9. so?即係買左蝕緊錢又唔俾?賺到錢又唔俾?

      你 0.55 入既 1123 呢?我冇見你話放左,如果你冇又一次「一時疏忽」,我假定你未放架啦。42呢?升左上去到跌返落黎,你都冇話過放左,又又假設你冇「一時疏忽」,咁即係未放啦又。

      定係你成日都會「一時疏忽」呢?

      刪除
    10. 講左不少次高位回落一成點都要走, 唔好聽少少扮代表, 42本來執緊三成多, 冇計, 最後得番5個百分點, 1123 相同道理, 唔對路就要止賺, 我0.55果200k 真係好少錢, 我都冇提我第一注幾錢入.。"so?即係買左蝕緊錢又唔俾?賺到錢又唔俾?" 我意思係tkchan 好少買完一隻股會未沽就post出黎,今次一post即刻知道... 自己諗

      刪除
    11. tkchan好多股都係未沽就post,其實你有冇追post

      刪除
    12. 繼續睇緊李生出醜中,口講話人馬後炮,轉個頭一個 post 就已經兩次"一時疏忽"
      如此推論,估下佢咁多日出既 post,其實又有幾多次"一時疏忽"

      ...自己諗

      刪除
    13. Kay,佢擺明冇追啦。講到明「一時疏忽」你都仲唔明?「一時疏忽」冇追返之前有冇講既 'trade',就 post 左出黎俾人見到丫嘛。

      「一時疏忽」唔記得講過"馬後炮過主啦唔該",然後自己又賴死0係度唔過主。

      刪除
    14. Mr.Lee, 查實你想点呢?之前咬住phone兄吾放,而家又追住tkchan兄,又想他吾再留言消失?呢度最現實,有料冇料耐咗大家網友就知,事實上我跟tkchan買股已很多次,大多数是賺$的。你吾喜欢便ingore佢留言。因大把網友仲鐘意睇tkchan留言,如次次跟他買都輸$嘅,就吾會再有人睇。

      刪除
    15. 咪係囉, 別時時追擊.

      刪除
    16. 無錯,tk神 級買賣功力,在這裡有公開買賣的 無人可比 ... 希望多些高手回歸手扎,尤其是副隊...別再讓小人得逞

      刪除
    17. 其實除了眼紅偉哥效應、實力及各位Heroes 既聯盟,也不太想到原因⋯

      五窮了,還有六絕,內心等候。

      刪除
  21. 偉哥,想問839 咁耐都未宣佈派特別息,有無咩睇法?持有839 有少少不安

    回覆刪除
    回覆
    1. 沒有任何公開的消息顯示交易出問題,相信仍在等候國內監管機構審批。

      刪除
    2. Thx! 希望無黑天鵝,最近真多…

      刪除
  22. 上周五港股沽空率標到去18.5% 超高, 今日就來個夾淡淡。

    回覆刪除
    回覆
    1. 上周五沽空盤集中喺下半場,單計午後主板沽空金額達72.35億元,佔主板成交309.9億元嘅23.35%,即每4蚊有約1蚊成交來自沽空盤,如撇除窩輪牛熊證,每3蚊正股成交,就有近1蚊來自沽空盤,前所未見。
      沽空成交嘅特質係防守力極低,因理論上短期股價唔繼續跌,就要補倉逃命,守都冇位守。沽空盤多到咁,反映消耗咗唔少淡友力量,如果周一、二港股回穩,向上挾淡倉動力可相當驚人,至少嗰72億元沽空盤嘅補倉動力已不得了。

      恒指9 RSI最近形成四底背馳,然後急跌至超賣。比較過往短期跌市嘅RSI走勢,目前應接近底部,觸發入市條件。小弟認為,只要港股今日守得穩,已經值得掃貨。

      晉佳

      刪除
    2. 上周六到新加坡參加一個投資講座,連我在內共有五位講員,湊巧得很,其餘幾位講者都看好大宗商品的後市,鼓勵聽眾買白銀、大豆、玉米等等。

      他們的論證方法也幾乎全是圖表技術分析法,全世界圖表分析法的信徒很多,人人相信之下,人人又用同一套圖表分析法,得到出來的結論就很可能一樣,結果人人採取一模一樣的行動,你沽我也沽,你買我也買,圖表技術分析所發揮的作用就更大。

      因此,大家千萬不好輕視目前美股道瓊斯指數有大圓頂下跌的可能走勢,我們的確要多多留意道瓊斯指數未來的走勢,就算你不相信圖表技術分析,但是,如果其他人,大量的人相信,並採取同樣的行動,吃虧的仍然是自己。

      多數時間模稜兩可

      不是每一天,每一隻股都會出現很明顯的走勢圖形,更多時候是模稜兩可,不易捉摸。

      因此,如果過度着迷於圖表技術分析法,以為天天隨意拿起任何一隻股的走勢圖就可以預測後市,那是另一種錯誤,是過度迷信,走火入魔。

      實際上,在大部份時間,大部份股票的走勢圖都展現不出明顯的走勢,面對這樣的情況,最好不要對走勢胡亂猜測。

      曾淵滄

      他在說什麼?

      刪除
    3. 9 RSI邊度有四底背馳, 吹得就吹, 晉佳都係財演之流, 又想叫散戶入場.

      刪除
    4. 的確並無四底背馳, Louis說法有誤.

      刪除
  23. 今天港股挾殺的疑問?牛証屯兵區在19400附近,再殺落300點就可以功成,今天竟然出乎意料挾高2百幾點?莫非來個挾上才回尾槍?但大多二三線股的仍是死蛇爛鱔,散戶多不肯追貨、幾隻恆指大孖沙獨自舞高吧。

    回覆刪除
    回覆
    1. 19400附近的牛有可能是庄家自己買的,一切已部署好晒, 由21xxx 殺落當中已不知殺了多少牛,然後計好19600左右夾淡, 那就可以兩邊吃了

      刪除
    2. 不過夾完淡倉後,個人相信會再向下

      刪除
    3. 我想確是挾上才回尾槍. 好得意, 某人的好倉聲稱反手後, 都未有位食就挾上, 如果佢再出post話又反反手變好倉就好笑嘞... XD

      刪除
  24. 請問偉哥及各師兄,請問這個夾淡估計可維持多少天?

    回覆刪除
    回覆
    1. 今朝睇返上周期指十大淨好倉, 負左三星期後, 變返正數, 我諗初步都彈到20300(反彈0.382)瓜...

      刪除
  25. 另外會否因為大人物到港,所以做野?

    回覆刪除
  26. 偉哥,6128返回 $1.1樓下,會否考慮加注?

    回覆刪除
    回覆
    1. 暫不考慮了, 始終買入是傾向投機,所以注碼上會控制好。

      刪除
  27. 五窮應驗六月絕不遠。
    今朝落單如果用番上星期一樣已經中咗320,6128兩隻低位,不過自己都係信六絕而將買入價改得更低,情願錯失機會好過無機會。
    不過講就係咁講都唔知自己姣婆守唔守到寡,哈哈。

    回覆刪除
    回覆
    1. 姣婆守唔守到寡,今日又入番先前沽出嘅1500。

      刪除
  28. 1681做返好D



    我經以走左

    回覆刪除
    回覆
    1. 佢都好野, 不斷回購撐返個股價上來。

      刪除
  29. 頭先兩分鐘,國企指數自己跌3%,再反彈

    回覆刪除
  30. 情況也不是太差吧!起碼#3836個價入得靚呀!謝謝wai gor!

    回覆刪除
    回覆
    1. 跟偉哥價入未必撈到最低,但仲好過買唔到

      刪除
  31. 偉gor好耐沒見, 其實我覺得現在對於中概而言可能是今年少有可大賺的機會:
    簡單而言:
    1. 現價discount 已反映很大的失敗風險
    2. 對於某部份中概如MOMO(阿里巴巴), VNET(紫光, 金山), 私有化戰略意義甚大, 甚於跨境套利
    3. 對於某部份中概如KZ, AMCN 等, 淨現金佔公司很大部份, 甚至已是整間公司的市值, 業務ex-cash P/E, EV/EBITDA非常低, 而且佢地市值細, 唔上市, 唔借殼(其實本來呢類公司就不太可能借殼, A股殼價幾十億), 可以上新三板or 俾A股上市公司并購.

    以kz為例, 市值中淨現金+流通債券/上市股權1.62億USD, 未計入俾其他公司的借款, 果度4千7百萬USD, 持續盈利2千萬USD, 現市值只是2.6億USD. 重點係估值足夠低, 夠低的話返大陸贏面很大.

    回覆刪除
    回覆
    1. 政策方面:
      1. 成輪selloff來自n個傳聞, 主要係: 证监会拟暂缓中概股企业国内上市,中概股回归国内借壳、重组、IPO均可能受限制(未證實)以及跨界并購(已證偽)

        證監回應: 據了解,按照現行法律法規,近3年已有5家在海外上市的紅籌企業實現退市后通過併購重組回到A股市場上市。張曉軍指出,市場對此提出了一些質疑,認為這類企業回歸A股市場有較大的特殊性,境內外市場的明顯價差、殼資源炒作等現象應當予以高度關注。證監會注意到市場的這些反映,正對這類企業通過IPO、併購重組回歸A股市場可能引起的影響進行深入分析研究。

      先不論深入分析研究是否等於要限制(可以係疏導)? 悲觀地假設限制, 根據過往政府做法, 一刀切的可能性也不大. 加上, 體量小的公司其實可以唔借殼.

      2. 外匯:一至四月外匯最緊張的時候很多企業已經成功退市(雖然有delay), 證明門並未有完全關上. 除非外匯儲備急劇惡化, 不然大幅收緊的可能性也不大.


      刪除
    2. 謝謝意見,等我過左奇虎呢關先,過到的話有信心再炒其它中概股。

      你提的KZ、AMCN我都研究下先。

      另外順便澄清一下,有財經周刊引述我網誌內容,說我第二轉炒奇虎損手是失實的。第二轉70.8元入、71元沽,然後再68元買返,目前仍持有未沽。

      刪除
    3. 對價值投資而言, 除了估值低, value realization 的時間因素也很重要. 某d正進行私有化的中概股估值低, 又有快速realize value 的potential option. 我認為某些(selective)的中概股現價相當值博.當然, 擔憂的話, 可等刀跌停後再接.

      當然, 小弟不一定正確, 如有考慮不周之處, 請幫忙指點.

      刪除
    4. 現在主要是整體市場氣氛差所致,要投機中概股私有化的,一是買奇虎這種萬事俱備、只待外管局放行的,又或者是本身基本因素佳、估值低的,即使放棄私有化也沒有什麼下跌空間的。

      刪除
  32. 今朝見有人大手沽839到1.55元,即刻排隊已買唔到了。

    回覆刪除
    回覆
    1. 1.5x 嗰陣我都想加多注,但又怕係春江鴨,因122 一役。。自問道行低求偉哥見解

      刪除
    2. 《中國要聞》寶鋼集團總經理:鋼鐵業新一輪重組時間窗口開啟

      他稱,未來通過處理殭屍企業,國有股減持以及國有鋼企的混合所有制等方式,中國鋼鐵行業的國有資本比重將進一步下降,國有資本比重不斷降低有助於行業在充分競爭中保持理性,產業效率也因此進一步提升。他強調,從2015年行業盈利排行榜可以看出,國有鋼鐵資本從充分競爭性行業逐步退出也是一種必然趨勢。

        他表示,中國同時應將推進鋼鐵企業的兼並重組與國有鋼企的混合所有制改革結合起來,當然要允許和鼓勵外資參與中國鋼鐵產業的併購重組,預計新一輪併購重組後,中國鋼鐵業應該會出現億噸級別的航母型企業。且中國鋼鐵業加快全球化步伐,促進國際產能合作,實現產品輸出和資本輸出的匹配。

        他還提到,未來中國鋼鐵的國有資本、民營資本和外國資本在市場屬性方面將一視同仁,國家鼓勵民營或其他性質資本的持有股東,行業真正進入充分競爭期,缺乏政府特殊保護,國有鋼鐵企業原來的優勢蕩然無存。

      http://china.hket.com/article/1427112/%E3%80%8A%E4%B8%AD%E5%9C%8B%E8%A6%81%E8%81%9E%E3%80%8B%E5%AF%B6%E9%8B%BC%E9%9B%86%E5%9C%98%E7%B8%BD%E7%B6%93%E7%90%86%EF%BC%9A%E9%8B%BC%E9%90%B5%E6%A5%AD%E6%96%B0%E4%B8%80%E8%BC%AA%E9%87%8D%E7%B5%84%E6%99%82%E9%96%93%E7%AA%97%E5%8F%A3%E9%96%8B%E5%95%9F;jsessionid=B685EC3B7E0E47DE0796B352C0C1F701?

      刪除
  33. 952想反彈都要等高盛清完批貨先.

    回覆刪除
    回覆
    1. 高盛沽盤似差不多完,
      $0.52買些純短炒.

      刪除
  34. 今日均價4.5元入了一注faistock兄之前提過兩三次的226。

    回覆刪除
    回覆
    1. Hi Wai Gor,有望過依隻,除左pb低同156可能賣殼外,有冇其它咩賣點呢?

      刪除
    2. 除了156賣殼之外,還有什麼方法可以減少母公司控股折讓?

      刪除
  35. 從來都無擔心偉哥(除左封筆),機會只留給有準備的人,偉哥不止於裝備自己,更無私分享給其他 blog友,而且往往於股市危難之時,提點大家危中有機、機中有危,偉哥心理質素超強,情操之高香港無出其右,在此再三道謝、無限支持!

    另外,請問偉哥有研究 3600 嗎?

    - 將被納入香港小型股指數, 變動將於5月31日收市後生效。
    - 義齒行業龍頭
    - 現價約3.22元 比 招股價4.2 低 0.98元
    - 業務世界性,業績穩定增長,“洋紫荊”品牌將全力在中國推進發展,潛力大

    申利:均價3.1持有(個人睇法 …博佢年中派息)

    回覆刪除
    回覆
    1. 3600我自己之前略略睇過下,研究不深入,目前沒有考慮買,主要原因是:

      1. 上市年期太短,沒有太多往績可供參考;
      2. 即使以上年核心盈利大約1.4億港元計算,目前的估值也不算便宜。

      刪除
  36. 2233 現價看似不錯,距離GO價有10%,雖然不及426和839吸引,但可作為分散風險之用。
    唯一尚未達成的條件是
    收購協議完成須待( 其中包括 )中國西部水泥取得自收
    購協議中列明的該等期權持有人( 合共持有不少於80 %( 經扣除張先生、馬先生及
    馬維平博士持有的購股權數目 )的所有已授出購股權 )經簽署的承諾函並將此承諾

    不涉及聯交所,達成機會很大,五月三十日可見分曉。

    回覆刪除
  37. 這只是其中一個條件,除了特別股東大會通過了決議外,其它的條件我見不到有披露說已達成,尤其是中港兩地有關監管機構的批准。

    回覆刪除
  38. 687今晚有通告,希望有好消息

    回覆刪除
  39. 想問下熟悉收購、合併及股份回購守則的網友:

    1. 迪生大股東在1月21日增持了1400多萬股,令其持股一下子上升了4.5%,超過了2%,為何不用按守則規定發出要約?

    2. 為何現在又要向監管機構取得要約豁免,容許大股東可以在半年增持5%的股權?
    http://www.hkexnews.hk/listedco/listconews/SEHK/2016/0516/LTN20160516231_C.pdf

    唔係好明點解。

    回覆刪除
    回覆
    1. 有点看不太明白要约,一致行动人已经超过了50%的持股。他的意思是DIHPTC能够在11月底之前最多增加5%持股到54.9%? 豁免期结束之后还会被强制提出要约吗?

      刪除
    2. 一致行動人士持股未超過50%的,而目前已取得豁免可以增持5%股權而不需要提出要約。

      不明白為何之前增持了4.5%也不需提出要約,是否也取得了豁免?

      刪除
  40. 聽偉哥說過以往曾一舖清袋, 可說說當年虧損數額嗎

    回覆刪除
    回覆
    1. 學生年代,除非是含著金鎖匙出世,不然可以有多大的投資額?

      刪除
  41. 大家唔同玩法, 沒有必要爭論!

    我喜歡長期持有, 獲得足夠的股息後, 再用股息去增持或者買其它股票。例如我仍然持有17@5.96~7, 138@0.4~0.5, 212@7.8, 385@0.25~0.4, 1098@3.5~4等等, 把它們當作搖錢樹。

    最近賣了小部分222去收集610收股息。

    回覆刪除
    回覆
    1. 贊同。我同你完全唔同,大部分都係短線投機為主菜。至少都今日都仲好好彩生存緊。

      刪除
    2. Louis,你d138,212同1098係几時買架?

      刪除
    3. 我d138, 212, 385同1098係2009年買架

      我d17係2016年買架

      刪除
    4. 見到Louis的d17仲以為是榴槤, 買左唔食長期持有。

      刪除
    5. 真的有不少投資者討厭17,希望它會轉性成為好股, 始終沉淪時間太長了!

      刪除
  42. 偉哥請問中銀租賃2588 有興趣抽嗎? 好多大戶玩,只要吾穿招股價好似都值博.

    回覆刪除
    回覆
    1. 未詳看招股書, 不過這種時勢, 感覺大隻新股炒作的機會很低。

      刪除
  43. 對沖基金對蘋果公司(Apple Inc.)熱情減退之際,儘管維權投資者艾肯和著名對沖基金經理泰珀均已盡沽Apple,但仍獲股神巴菲特青睞。監管機構文件披露,巴菲特投資旗艦巴郡首季首次入股Apple,截至3月底止,買入981萬股,市值10.69億美元,成為Apple第56大股東。受消息刺激,蘋果公司股價在美股開市前升約2%。

    以此推算巴菲特上季買入Apple的平均價為每股109美元,惟由於Apple上月底公布業績後股價持續受壓,上周五收報90.52美元,意味巴菲特帳面錄得1.81億美元(約14.12億港元)虧損。

    回覆刪除
  44. 特步國際遇盲婆
    千奇唔好被震傻
    沽壓回調慢打籮
    體育板塊黑天鵝

    回覆刪除
  45. 聽說122賣不成原因,係搬資產傾不掂數,正所謂我地成日講既~乾淨,
    涉及地產資產的確難賣好多,比收購銀行仲難,因收購銀行要哂所有野,
    收購地產殼,持股老闆通常又要番一兩舊貨,就係這到出問題,
    好似156傳賣,機會真係低於1%,買家做審查都起碼2年,邊個會咁傻,

    回覆刪除
    回覆
    1. 最近最成功的例子應該是141, 可能是因為主席見自己時日無多,所以在逝世前落實了賣盤、分身家。122賣不成,我自己覺得可能是林大少太計較,想攞盡著數所致。

      156直覺是不會直接賣盤,而會先從226剝離,下一步再賣。
      156近年都不斷在清資產,賣應該只是時間的問題。

      刪除
    2. 但唔係地產殼最搶手咩?
      ---quote---
      收購地產殼,持股老闆通常又要番一兩舊貨,就係這到出問題
      ---unquote---
      Faistock意思係買賣雙方對果一兩舊貨既計法有出入? Say賣方只計個一兩舊貨係資產值既好少錢,不過買方唔係咁睇?

      刪除
    3. 141, 我也掙不少, 謝謝偉哥!

      刪除
  46. 想問下如果大股東在市場買入股份,一兩個月後公司宣報私有化/賣盤/收購合併,咁樣算唔算內幕交易會犯法?

    回覆刪除
    回覆
    1. 搵了資料,自問自答先:

      如果某人因為與上市公司有關連,即內幕人士 (如公司董事、職員或公司的核數師等) ,得知涉及該公司的一些非公開資料,而這些資料一旦被公開,將會影響該公司的股價。內幕人士在公眾沒有獲悉這些資料的情形下,進行買賣或慫恿他人買賣該公 司的股份或衍生工具,藉以牟利或避免虧蝕。

      ---
      我估一兩個月內就會犯法,但另一問題是,相隔幾耐時間才不算內幕交易?

      刪除
    2. 那要看在他們增持的時候,當時是否已有私有化的打算,或者當時有沒有收到買家的查詢。

      一般而言,私有化前一段時間都會避嫌的。

      刪除
    3. 如果是113的話,我估計不會是兩三個月內就有消息.....不過潘迪生就肯定有晒計劃,又回購、又增持,再加上最近其它的小動作,大概都估到佢想做乜。

      刪除
    4. 謝謝偉哥回覆,其實我並不是指向任何一隻,純粹想知道如果跟大股東增持股份,通常等幾耐先有so,原來似乎最少要等幾個月

      刪除
    5. 以113的情況,約8%的基金股東應該不同意低價私有化

      私有化作價會否有4元或以上?

      刪除
    6. 以潘迪生的精打細算,我不相信會浪費隻殼。其資產淨值22億元,但隻殼值5億左右,如果搞私有化可能可以折讓價平幾億私有化,但會浪費左隻殼,所以最佳做法可能是好像141這種方式賣殼。

      刪除
    7. 各位網友有冇多D依類淨現金多於市值既no.提供? (say 低D既1122, 889)
      聽說分散買幾十隻依類股,平均一年有30%回報
      Thanks thanks....

      Louis,見你折讓地產股多,你有冇考慮買依類現金股?

      刪除
    8. 有不少的, 例如這兩天提及的113, 或者以前都持有過一段時間的2788。

      不過並不是單靠呢個準則買股就可以賺錢咁容易, 正如1225都係現金值遠高於市值....

      刪除
    9. 嘩,偉哥見你提到1225望吓股價,原來縮到0.114都唔少人在屍底。

      刪除
    10. 2008~2009年眾多D依類淨現金股, 那時例如138股價$0.22~0.24淨現金大於$0.6, 可惜現在沒有更多這樣的機會!

      我也曾經持淨現金股例如1123, 889等等, 其後換到138, 貪婪它的低PB和高股息!

      目前持淨現金股281, 2788及少量113。

      順便說一句, 138今年上半年也套現了現金近7億元(出售100億股261@$0.035和3億元的261換股債券), 它是我的主要賭博目標。

      刪除
    11. 鬆動定義385也是淨現金股, 我的重倉貨, 長期持有。

      鬆動定義328也是淨現金股, 全都出售去買入385和610。

      刪除
  47. 回覆
    1. 恭喜發財 ching抽左幾多股先中一手

      刪除
    2. 我又再次用飛彈打烏繩 :(

      刪除
    3. 自己帳戶現金抽50K中0, 反而用太太帳戶現金抽20K 中1手,不過佢收到短訊冇通知我,所以我是等收市出左日結單先知中左1手。

      希望明天有驚喜。

      刪除
    4. 暗盤都差唔多升一倍 招股價1.36 暗盤第一口叫價1.8 最高上過2.7左右 之後係2.5徘徊 當炒 不過睇住聽日爆一輪之後倒插

      刪除
  48. 365 有大盤放左係沽盤度.. 收貨 ?

    回覆刪除
    回覆
    1. 如果有些人預計這種市況即使做GO也不會有炒作的話,那1.72沽也無可厚非。

      刪除
  49. 淡市叫兩飛期待大官沖喜食到啦。

    回覆刪除
  50. 連偉哥也有「心理上的影響甚大,有種難言的無奈、心淡感覺」, 真是人非草本, 我慶幸未麻本…

    回覆刪除
    回覆
    1. 股市的歷程任何時候都有交學費的一刻,偉哥如是,下次再黎過啦。

      刪除
  51. 請問952在未炒賣盤前是幾錢的?

    回覆刪除
  52. 各位巴絲打,想問下有冇人係大陸開過銀行戶口?

    支付寶家下要求有銀行卡先用得支付寶,所以想係大陸開個戶口做實名認證,想問邊間年費低,最低結餘要求低?

    回覆刪除
    回覆
    1. 去深圳開個國內戶口,不用年費或最低結餘要求,不過近期好多香港人去開戶,排隊排很久就真,即開可以即用。

      如果要用在微信支付,則開戶時要填國內電話,不然無法通過微信支付的驗證;至於支付寶是否需要國內電話驗証就不清楚。

      刪除
    2. 有(內地)中銀的儲蓄與定期戶口 唔覺有年費/最低結餘 話時話都想搞個支付寶同微信支付

      刪除
  53. 剛才687也現沽壓....現在真的是風聲鶴淚,連這種感覺賣盤已比較確定的也有人不想等下去。

    回覆刪除
    回覆
    1. 好難怪大市風聲鶴淚,覺得困擾住係美佬加息陰影連帶影響大陸及世界經濟,而最近又熱門權威人士嘅L形,攪到人心惶惶。英國又炒脫歐雖然覺得唔會,不過睇淡一方又點會放過呢。

      刪除
  54. 420呢排陰啲陰啲
    請問偉哥有無新看法?

    回覆刪除
  55. 有人辭官歸故里,有人連夜趕科場。
    股票升升跌跌,再正常不過,不必太介意!
    如果股票有價值的話, 堅持信念, 有能力就守下去, 我一向都是這樣做的。

    佳兆業的老闆把達力集團29向上買到$4.67, 之後等錢使用, 又把它向下賣到$2.4。

    我最近三只蚊以下買了29, 博合營方提強制清算經濟特區南山蛇口項目申請成功, 拍賣項目後能派特別股息; 再之後, 如果能賣殼就更好了。可能需要等待兩到三年? 按照我的理解, 達力集團不思進取, 財務健全, 輸極有限。

    回覆刪除
    回覆
    1. 雪球曾經有不少人寫文章討論及玩過達力,相信一大部分人早已放棄了!?

      刪除
  56. 3626 升差不多100%
    抽70萬先穩一手

    回覆刪除
  57. 426終於收綠色了, 而且今日成交好少

    回覆刪除
  58. 113今日好克制升10%都無,成交又細,潘生真係令人失晒信心。

    回覆刪除
    回覆
    1. 呢隻睇黎唔係短期可以成事,就算炒上都係炒作

      刪除
    2. 唔係短期內可以成事,不過也跌不了去邊。

      刪除
  59. 回覆
    1. 恕無法提供買賣建議,不過我自己是決定繼續觀望。

      刪除
  60. 早前提及的1243 宏安 今日又破頂
    呢隻d貨入哂大戶手 好有機會上10蚊
    另一隻金嗓子同樣 繼續持有

    回覆刪除
    回覆
    1. 好幾隻歸了邊的半新股,炒高幾倍後會點散貨?

      搵基金接貨, 定係搵日扮跳樓機搵散戶接貨?

      刪除
  61. 星級分析員陸東:牛市重臨 成交可上萬億
    http://www.mpfinance.com/htm/finance/20160516/news/eb_ebc1.htm
    ......
    綜合上述分析,陸東強調,假如恒指再次跌回18000點附近,料港交所股價亦會回落到150至160元,屆時他便會「瞌埋眼撲入去」買港交所,「其實市况愈低迷我便愈開心,讓我可以買多啲港交所,這是很長線的投資。」

    回覆刪除
  62. 3626 好彩 60K 股中1手,難得升咁多,求其放左佢當賺餐飯就滿足了

    回覆刪除
    回覆
    1. 2K@2.57收工,多謝偉哥!

      刪除
    2. 我幫太太2.58元沽清。

      刪除
    3. 我中1手,都2.4x沽出了. (waigor太勁!! 高價賣出 佩服!!)

      刪除
    4. 哈哈, 我較了鬧鐘9:30起床, 第一件事就是幫太太落盤沽貨。

      刪除

注意:只有此網誌的成員可以留言。