置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年12月4日 星期五

千金難買少年窮


千金難買少年窮,這句話相信不少朋友都聽過,但體會到箇中意義的可能不多。這句話可以從很多方面去理解,以一般人而言,少時貧窮的因為生活迫人,很多時候都是比較早熟,而且吃得苦,人也比較堅強,也有一股向上爬的動力,這些可能是造就日後青雲路的基礎;對炒股的人來說,我自己覺得“少年窮”是指投資初期已經歷過很大的失敗、挫折。不知這裡多不多朋友以前曾試過炒股一舖清袋? 有的話,相信對這句話會有比較深刻的體會及理解。今日寫這題目,並不是要藉此安慰那些在股市輸大錢的朋友;這不是一帖心靈雞湯,只是想分享一下自己的經驗與體會。

相信了解我往績的網友都知道我都曾試過炒股輸到一舖清袋的,這不是說笑,是真的。我1997年首次踏入股市,當年炒回歸概念,國企、紅籌備受資金追捧,尤記得“大光燈”是“金手指”,入股什麼公司,那間公司就升幅以倍計,是名符其實的“垃圾收集商”!在那時候入市,學的也不是什麼價值投資,總知有什麼股票升就炒什麼股,用幾萬元的Grant Loan及家人後來一些資金支持,總計不足10萬元的資金在半年多時間已炒到20幾萬元,對一個新手而言成績算不錯,期間可以說什麼高風險的投機都有參與,那管是正股也好、窩輪也好,期指也一樣炒,而且因為資金不多,故此借孖展來炒是習以為常。最記得現在做新股孖展做得不錯的一間券商,當年的經紀容許我借大約7成孖展炒8倍槓桿的窩輪,瘋狂嗎? 這種有前無後、打死罷就的炒股方式,好日子很快就走到盡頭,都不需要等到後來大鱷狙擊港股,只是一場亞洲金融風暴已足夠將當年毫無風險意識的初生之犢一舖清袋,20多萬元的資金一下子輸剩幾萬元離場,尤幸足夠交最後一學期的學費,順利畢業。那一年多的炒股經驗,可能已抵得上普通散戶十年、八年的炒股經歷,爬得高也跌得快,買了一個大教訓,到今時今日我自己回看,是很慶幸在20歲出頭已經歷過這等慘事,而不是人到中年都已上了岸才來遭此浩劫,不知大家同意否?

曾經的“少年窮”令你有動力向上爬;曾經的“少年窮”讓你早些嘗到失敗的滋味,也讓你知道投資不只是要賺錢,還要怎樣保住辛苦取得的成果,不然一切也是枉然......說到最後,這種失敗過的經歷是一些很寶貴的經驗,讓你裝備強烈的風險意識,求勝之餘,要先求“不敗”,兩者要兼備才可以在投資路上走得遠、走得順利。

近年很多新入市的投資者尚未經歷過股市的大風浪,今年年中的小型股災對他們而言可能已是滔天巨浪,覺得很難受,但其實這種短暫的股災相對真正的“滔天巨浪”還有一段距離,例如經歷過97、98年的股市、樓市齊齊大冧,你就不會再去想抵押層樓借低息去炒樓;經歷過2008年的金融海嘯,你也不會再想用期權短倉去“收租”,這些不是新一代投資者覺得是低風險的做法嗎? 現階段有層樓可以抵押借錢的,相信很多都是中年或已快中年的人士,已上岸在望,這時候借平錢投入股市,背後理念其實與套利無異:借低成本資金買高息股票,每年穩賺幾厘的回報。這想法其實和我太太曾建議將自住的層抵押借一大筆資金,然後用上槓桿買高息債券的想法沒有分別,雖然早幾年這麼做的話,現在可能已賺了一大筆,但我從不會後悔否決了這建議,只因我們已經到輸不起的年紀。近年樓市穩步向上,股市也算平穩,令大家都覺得這做法風險不大,不過如果有經歷過98年金融風暴的應該會有不同的想法。那管你現在有一份安定的工作,薪高糧準令你足以養家活兒,手上自住的樓也已供完,可以用來抵押借錢買所謂的穩陣價值股、高息內銀股賺取息差,如果情況繼續風平浪靜當然沒有問題,但一遇到98年的金融風暴,情況會如何:股市急跌60%、樓市急跌60%;經濟急遽轉差,失業率急升,被裁員的通常是中層、中年人士.......這時候抵押了層樓去投資的你,如果適逢被解僱、手上股票跌到面目全非、股息又劇減、抵押了的樓又要每月還款,還要期望銀行不要CALL LOAN,而且還有一頭家要養.........有經歷過98年金融風暴的朋友當知這不是我虛擬的慘況,情況確實是如此;我最記得我姐在97年買了一層265萬的樓,隔兩年另一個姐姐買同一大廈、同面積的單位只需90多萬元,這種慘況相信新一代投資者都無法想像。

做期權短倉收租也是,平時波幅低,每用沽幾套期權收息,恍如出多一份糧,但一次黑天鵝事件就可以令你一舖清袋,如果有經歷過2008年大趺市的朋友而當年又有玩期權短倉的,應該仍是心有餘悸,當年的我是好此道,每月沽幾套遠價恒指大權,輕輕鬆鬆執幾萬......然後一次急跌,幸運的話就交返幾年的“租金”出來,不幸的話就可以在股市消失了。

我們這些早年曾經輸清光、又經歷過很多股市起跌的“老手”(雖然我實際上仍很年輕的),有時可能想得太悲,但凡事只怕萬一,never say never,尤其是已人到中年、就快上岸又有頭家要養的朋友,就真的要仔細衡量風險與回報問題;年輕時,投資是想回報與風險的問題,到了這階段,我想的是風險與回報:風險行先、回報在後。

284 則留言:

  1. 偉哥早晨
    絕對同意偉哥觀點,共勉之。

    回覆刪除
  2. 偉哥金句良言: 风險行先, 回報在後
    未贏先想輸

    回覆刪除
  3. 謝謝偉哥分享提醒!猶記兩年多前剛入股壇,摯友已推介我去睇你那五篇"我的炒股經歷", 領悟出炒股的第一要訣,風險管理!

    實際上,不是很多人如偉哥你一樣能在錯誤中學習。唔知大家有無一啲朋友,每逢牛三才出現,然後每次熱情過後只留下一堆垃圾股票,幾年後捲土重來,還是戒不掉以股票作賭具的習慣?

    也藉此機會作一個誠心的confession: 月前,曾因低息幾乎想借稅貸買股票!幸以得股友誠心規勸,才沒犯下借錢買股的規條。

    回覆刪除
    回覆
    1. 如果你後生,又是單身寡人,冇乜可以輸的話,博一博也未嘗不可;不過有家室就要顧慮多些,循序漸進吧。

      刪除
    2. 吓,兩年多前才入股壇?睇過你send 比偉哥post 的旅遊,圖文並茂,依家還有印像。
      我以前叫人唔好炒牛熊,比人鬧投資水平低落,叫人唔好炒孖展,話我唔識槓桿原理,7至8年前叫人唔好買190/1051又話我唔識股票喎,不過在股市批評我過的人,差不多斬手絕跡股場,我有一朋友炒股賺到有地舗收租,最近呢幾年每年都來我這裡過年,有次我同他講,睇到一些人操作錯誤,點解我講真心話完全冇人信?仲比盲毛插,佢只講一佢,理X佢地咁多做乜。
      我老婆的一位師奶朋友就是領先指標,每次差不多牛市未期就出來講股票,邊隻好,邊隻正。

      刪除
    3. 謝謝偉哥,贊同你嗰五篇炒股經歷真係好正令我睇2次,股巿經歷尚淺,而且仲好'後生',常以此為監。

      刪除
    4. Ng Wai, 偉哥, 我炒股年資8年, 海嘯時輸到PK
      可能我膽生毛, 一直都係借孖展投資 (不過我老婆成日話我膽少, 賺唔到大錢 =.=)
      過去8年回望,成績尚算可以
      唯一後悔係2010年冇買樓, 要到12年先買
      果時年少無知, 覺得買樓好笨, 係後期真係有需要先買

      我覺得炒股/投資最緊要搵到〔適合〕自己既方法, 而其中風險管理係重中之重.

      刪除
    5. 炒孖展都冇問題,最大問題係初哥唔肯認輸,愈借愈多,我勸的係股市盲毛新丁。

      我有東亞孖展戶囗,仲比我P-1,不過好少用,有知名博客仲教人用信用卡透支炒股,剛好他用的是東亞信用卡,我打電話去東亞求証過,我就冇他咁叻,可如此低息借貸,年多前我有在他博留言,你可以去查証一下我的留言。

      刪除
  4. 可惜望一朝發達的人多的是。越後生奶嘢就重有機會番身。人到中年先開始投資死左。就難番身

    回覆刪除
    回覆
    1. 所以唔只係生仔趁嫩,投資也是, 越早學交的學費越少。

      刪除
    2. "越後生奶嘢就重有機會番身。人到中年先開始投資死左。就難番身"
      在說師奶麼 在說師奶麼 在說師奶麼
      羨慕家陣D後生咁有米 打份工要買車買樓玩樂拍拖仲有咁多錢玩股票
      唔怕少年窮 只拍中年搏
      偉哥此類 系叻 亦是幸運的

      刪除
    3. 哈哈,C9最多就23、24歲,還很年輕啊。

      刪除
    4. 襯年輕去博,博得到往後的路會幾輕鬆,打份風流工;博唔到重新開始也沒多大損失。
      今年退潮前能夠全身而退,贏一次都夠半退休

      刪除
    5. 偉哥不要因為師奶股齡只有數月股本只有數萬就睇"小"我 師奶嗰女就23 24歲啦 哼哼

      刪除
    6. 哈, 那要叫聲C9姐了。

      刪除
  5. 最記得以前有句說話: 有野賣,揾光大。
    當時這股力量同而家“嗌你媽媽"真係有得揮

    回覆刪除
  6. 好睇兼真實,有家室真係唔敢博,博輸真係會全家燒炭

    另:心有餘悸?

    回覆刪除
    回覆
    1. 哈哈, 今早寫完冇proofread,比你捉到錯別字。

      咁博輸左又唔使燒炭,只係要重頭來過,過返D苦日子。

      刪除
  7. 小弟沒偉哥資歷深,我只是由領匯招股時投身股市,又係自己多年利是錢加屋企人幾萬,約十萬元開始炒,當時最記得跟買 1180 匯彩,話會投資直播百家樂,會令澳門來個大轉變,由0.07x 開始買,最後炒到0.4x 都冇走,仲0.3左右 0.27 左右加注,最終由賺1x萬變倒輸 7萬。
    跟住中途國企上市招股,每次也問家人借十萬八萬做孖展,好彩就2手,唔好彩分不到,但隻隻都一上市最少升一倍,反覆咁玩都算賺到第一桶資本。2006年開始玩stock option, 只做短倉,每月收入幾萬,但其實自己完全overtrade, 2008年一個浪就看到我沒穿泳褲,仲同銀行借左幾十萬補倉,每天常吃的便是$9-$10雲吞麵,足足崖左3年先清晒啲數,

    回覆刪除
    回覆
    1. 2008年的大浪浸死無數期權短倉客,你幾年起得返身算小事。

      刪除
    2. 玩STOCK OPTION既應該每個人都中過招~唔好講2008,2011個幾次小型股災都死唔少人係STOCK OPTION 手上

      刪除
    3. 很多人在市好時,常想著做short put, 跌落來就接貨,有些甚至見即月SP冇肉食,就做2、3個月、甚至半年後SP,但市況一急轉就冇機會比佢地轉軚,最終是硬食,這些例子見得太多。

      正如以前的accumulator一樣,個市風平浪靜時,完全睇唔到有乜風險;邊有人估到大戶一變臉,大藍籌也可以短期急跌2、3成。

      刪除
    4. 偉哥,这文章(正)!

      刪除
    5. 其實當時如果果斷斬倉止蝕,其實不會一Q清袋仲要欠債。

      當時不停搬倉,越玩越大,每日都收到電話補倉,最怕係比人行使,因為深入價內太多

      試過做 1211 直頭價內到,原本做的行使價都冇埋

      刪除
    6. 唉,要平短倉很多人都會有很大的心理障礙,有時股價一波動,IV急升要平ATM的期權,還要付出很高的溢價,大家都會覺得不值.....尤其是越近到期日, 就越抱有僥倖的心態博過到關。

      刪除
    7. 雖然我唔玩期權短倉,但我最怕D人用收「息」或收「租」去形容做短倉所收到既期權金,實在是人間最大騙局之一。

      刪除
  8. 保住辛苦取得的成果,不然一切也是枉然。
    我一直覺得無論投資路上,還是其他方面,保持才是最大的課題。 如保持身形,人與人之間相處,工作態度等等。 一早就令我開始反思己身。

    回覆刪除
  9. 隻1143傻了,一星期冇看升了差不多一陪,傻的

    回覆刪除
  10. 每人也有不同或多或少的失敗投資經歷,但又有幾人能從失敗中悟出寶貴道理(仲要以後不再犯)?!
    謝偉哥寶貴分享。

    回覆刪除
  11. 謝謝偉哥分享. 小弟都分享下風險感受.
    風險管理同值博率同機會率相關
    值博率 - 值博率高簡單咁講, 以買入值時問自己, 如再跌會趺幾多, 升既期望幾多, 跌$0.5望升$0.7, 唔同時期同唔同股票大唔同. 始終值博率高,到價就可走, 留在市場時間短, 遇到危機也少.
    機會率 - 現在市埸氣氛唔好, 出現3-5月時咁大既升幅, 咁短時間出現既升幅, 出現既機會率少左好多, 既然唔高, 定目標價同幾時走就諗貼地D

    回覆刪除
  12. 淡市賺返隻264,剛好cover361。。。算好彩了

    回覆刪除
  13. 偉哥還有一點我也引以為鑑,切勿看好一隻股票,就全力以赴重搥追擊!在1980年前,我投資長線買洭豐佔80%、但是被金牌莊家的吸引,賣掉全部洭豐轉買佳寧,嚴重後果不說,如果當年是洭豐、佳寧各佔一半的話,投資成績天堂與地獄了。我要思己過閉關20年,到2000年才重出江湖,一子錯滿盤皆輸。

    回覆刪除
    回覆
    1. 這點是我經常強調的,我近年最重倉的3399,倉位最高也只是去到30%,其它的持股一向都分散,偶然有幾隻研究深入、信心大的才會增至10%左右的倉位。

      刪除
    2. 我那時年少無知,海嘯前買重945同不斷溝330,後果不言而喻
      黃國英話注碼定輸贏,倉位比重既控制真係好重要

      刪除
    3. 一向都說以注碼控制風險。

      刪除
  14. 突然間想起聞一多《死水》首詩

    回覆刪除
  15. 已把現金提升至80%水平……

    回覆刪除
  16. 其實做任何投資應該量力而為,我做過期指和股票期權SP, 但都係有防守式。最經典是今年388,@175接貨,升上去210時,沽CALL@220,結果被人行使。識用期權對於我地散戶真係幫助好大。

    回覆刪除
    回覆
    1. 識用期權是有用,但很多人嚐過小甜頭後,尤其是做短倉好似好易賺錢,好易沉迷,倉位越做越大。

      刪除
    2. 其實期權SP短倉係溫水煮蛙既感覺,當股價緩緩上升時,會不知不覺將短倉行使價越推越高
      當一個跌浪埋黎時,就好易沒頂

      刪除
  17. 謝偉哥分享。其實玩股十年以上的,也沒有次次能全身而退,風險管理一定要牢牢記著,次次玩玩下就會玩大了。現在的市⋯ 加偉哥這篇⋯⋯ 總之小心為上。

    回覆刪除
    回覆
    1. 其實股市點衰都好,如果不搞衍生工具、不用孖展、槓桿,肯分散持貨而錢又唔急住要用的,真係唔會輸到甩褲。

      刪除
    2. 小弟自知,牛熊小注落場感受過一次就覺得不值得玩了。
      也從來不會做孖展,除了抽新股。
      玩港劵也分分鐘連細佬都甩埋。

      個人覺得:
      勢(50% feel,即市場觸角)》板塊 》個股 》技術分析

      最重要個市有勢,好似踢波咁。
      市場觸角最重要是轉角位,唔輸過幾次係領會唔到。

      其他哥D唔洗講係人都知。
      偉哥所有都是一流的。

      刪除
  18. 我曾經都寫過我輸到由證券行返家路中,好似無靈魂咁,
    過馬路時,好彩當日司機剎得到,如果吾係累己累人,感恩!!
    讀書時連食物部係邊都吾知,原因無錢無諗過去,
    飲水就飲學校水機,幾無型呀,哈,我懷疑當年就係飲好多D鉛水,搞到個腦蠢蠢地,科科吾合格,

    回覆刪除
    回覆
    1. 哈哈,當年窮家子弟, 莫不是如此。

      我最記得當年在券商斬倉清貨後,沒有坐車,就渾渾噩噩步行了半小時回學校上課....

      刪除
    2. 今日先知呢句咁解..千金難買少年窮
      最差個陣真的試過一條生命麵包食幾日.....

      刪除
    3. 我懷疑當年就係飲好多D鉛水 << faistock兄又0係度抽水 XDD

      刪除
  19. 慶幸今時今日互聯網資訊發達, 用平台溝通普及, 能夠有幸睇到偉哥同各師兄無私同認真分享心得, 令一眾新手在犯新手必犯的錯誤及未有經歷大跌市既同時, 有偉哥平台作預防針同警惕之用, 獲益良多 ! 謝謝偉哥又一溫馨提示 !

    回覆刪除
  20. 總結自己玩股幾十年,只有兩句可以講吓:不要怕失去機會,只怕再沒有機會。

    回覆刪除
    回覆
    1. 老兄已到達彼岸,過來人分享是特別有說服力。

      刪除
    2. Derek兄這句心德是很多痛苦之後所得的

      刪除
    3. 偉哥過獎喇。自己只是比較易滿足的一群,彼岸還是很遙遠(希望唔好咁長命),哈哈。

      刪除
    4. kelvin兄,也不是怎麼心德,痛苦經歷不是在股場而是當年與何生交手之後所領悟到的。

      刪除
    5. 小弟股齡唔高, 但係本身個人好彩都係比較discipline,所以以住輸都唔會好大劑. 好同意derek "不要怕失去機會". 因為我覺得機會常常有, 最緊要有耐力同紀律.

      刪除
    6. Derek 兄,跟何生交手是21 點嗎? "容易滿足",這樣才好,較易做個開心快活人,亦少中伏,每天仍努力學習中

      刪除
    7. 長投兄,與何生交手係不用腦的玩大細。“容易滿足”係心態,自己嘅座右銘係:一個人能飛多高,並非由其他因素決定,而是由他的心態所致。假如你對自己目前的環境不滿意,想力求改變,則首先應該改變你自己。

      刪除
  21. 原來投資或投機最大的敵人係自己, 人性既弱點"貪"字!
    分別係懂風險, 會檢視的自己是否貪得來值可承受風險.

    回覆刪除
    回覆
    1. "貪" is a drive…但要好好駕御它!

      刪除
    2. Agree~"貪" is a drive
      唔貪就唔會落場玩
      不過要'貪'可而止

      刪除
    3. "要'貪'可而止"很難做到, 或者咁講, 你投機緊,但自己當係投資.
      股票老手有經歷有技術同有CASH, 可以賺幾格走, 但如果自己得一注, 仲要佔手頭現金一部份, 仲咁玩, 就有貪心, 但無貪的相對回報就唔好.

      刪除
  22. 細閱兩篇,好深感受,又回想起自己當初的愚蠢行為。

    我之前分享過初入股市時,抱住價值投資的旗幟不停投機炒賣,最終輸清袋,幸得有老婆支持,並陪我捱過最難時候。

    我相信呢到大部分戰友都一定交了不少學費。

    回覆刪除
    回覆
    1. 其實現在很多人就看了一些價值投資的殿堂級著作,然後跟著做就以為是價值投資.....是只得其形,不得其神,結果就如東施效颦。

      刪除
    2. 哈哈,我看了很多,也是..........不得其形! 教科書的discounted cash flow,簡單四字: 一味靠估

      刪除
    3. 最搞笑係用Gordon Growth Model來計算股票價值.....3個variables, 有兩個要假設, 仲要有一個係無限期的。

      刪除
    4. 只要夠保守,DCF也不是一無是處,Gordon Growth得啖笑...

      刪除
  23. 多謝偉哥分享 (雖然印象中偉哥都分享過不少次)

    BTW, 偉哥呢一刻現金水平幾多半左右 ?
    會繼續提升現金水平還是準備候機買貨?

    回覆刪除
    回覆
    1. 哈哈,很多人都不會翻看舊文, 所以隔一排就分享一次。

      現金水平仍是稍低於15%,暫時不變應萬變。

      刪除
    2. 睇得出偉哥心底仍是看好

      刪除
  24. 1.59增持了細注3322。 之前1.9左右減持的, 又可以慢慢買返。

    呢隻汁都撈左幾次了。

    回覆刪除
    回覆
    1. 偉哥: 3322呢隻股我見你每次補回時的價位都拿揑得很好準,請問你是憑感覺抑或看圖而定出泥的?

      刪除
    2. 我都喉緊3322, 希望係1.57以下接到, 寧可買唔到, 唔想買得高

      刪除
    3. 呢d炒波幅的, 憑感覺多。

      刪除
    4. 我1.58入左少少....希望1.5左右可以再入

      刪除
    5. 犀利,今日俾你撈到個底喎!!

      刪除
    6. 3322又偉哥效應, 幾時先輪到我低吸呢, 唉

      刪除
    7. 3322 今日呢支 “定海神針“ 有好大意義架~
      見。。。。。底。。。。。。

      刪除
    8. Fribon不用愁, 琴日我仲諗住$1.7離底不遠而撈多一注貨,點知今日$1.58才見底,分段低撈可能是最佳方法呢!!

      刪除
  25. 孟徳今早36有冇買入?唔好成日講唔做,今早低位可惜見唔到,依家我排緊0.78尾二的東亞買盤是我的,算是支持一下。

    回覆刪除
    回覆
    1. 36有冇買入? I’ll wait until…I get the feelings........

      康健國際醫療(03886.HK)今早停牌 待發內幕消息公告? what happens?

      刪除
    2. 我都入左0.78
      奸雄今日會話都係0.6先買

      刪除
    3. Ciara姐之前沽出了? 定係溝貨? 我0.78 溝了

      刪除
    4. 佢吹得多可能係妄想症

      刪除
    5. 今年應該不會炒36, 等跌多一浸先溝.

      0.6先買? good idea! what do you say?

      刪除
    6. another placing price is 0.55 :<

      刪除
    7. Ciara姐, 我今日入左第一注, 如0.6先第二注啦.
      現在開始值博, 見419之前幾日由0.7沙上1.18停牌,呢幾日同樣因為淨現金原因趺落來的股都有d郁,如419有方法, 其它都起跟住做.
      8077今日低位係1.15, 自己無入, 入佢要cash相對大, 值博唔高.但如自己有大舊cash, 今朝入左幾格都走左啦

      刪除
    8. ng wai 上次走到36 , 其他人實在唔易做到, 當天只是掃上去很短時間, 然後即日回落, 接着仲大幅下跌, 佢亦講明未返工可以做到, 若返早一日工, 有這機會亦未必出到貨, 這都有部份係運.

      刪除
    9. 炒,講求速度,ng兄演繹得好.而運氣,像空氣, 無佢, 一切無從說起. :p

      刪除
    10. 唉, 人地已改咗留言語氣. 時慧勤又何苦再提呢? 一陣又惹…>_<

      刪除
    11. 無野無野, 純粹講打工者做唔到呢啲動作啫. 佢連乜野牌都講埋, 相當公開呢, 而家就黎成到了!

      刪除
    12. 要跟ng wai兄學下,1.0X入1.1X走 0.9X入1.0X走 家陣又0.78入 股價一路碌但是有膽識亦掌握到timing所以一樣賺到 俾36個贊

      刪除
    13. ng兄用活生生嘅事例證實我嘅理論:炒作求速度, 成功在過隱,(不要計較錢,錢會自然來;如計,嘿嘿.) give me five.. :p

      刪除
    14. ng wai兄應該係資深炒家, 佢應該唔會1.0X入1.1X走 0.9X入1咁入, 依架咁淡市, 跌停1X-20%入一下, 30-40%再下次就差唔多, 牛市1.0X入1.1X走 0.9X入1.0X都仲有機.

      刪除
    15. 這種觸覺, 係經驗累積, 教都教唔到別人, 我有個別股可以做到, 唔可以全部得.

      刪除
    16. 慧勤兄, 短炒嬴錢只有一個原因: 不是觸覺,不是經驗,是運. 所以就算累積千年觸覺+經驗都無人可以成日都得. 此一刻股價與下一刻股價毫無關係, 此一刻買左, 下一刻(日),二刻(日),三刻(日)運到即嬴, 時間愈久, 輸機會愈大; 當然嬴得可能愈多. 另一方面, 此一刻買左, 下一刻,二刻無運,斬, 輸少D. 最緊要過隱.( 例外, 除非Mr. Lee 比料你當別論 )

      刪除
    17. 讚成時慧勤兄, 我都係個別板塊做到,每個人能力,經驗同資源(錢同時間)係有分別的, 有時要跟人學習,但不會100%做出一樣結果. 短炒嬴錢是否單靠運,我只可說每人見解不過. 就算一同經歷, 見解也可不同, 對風險理解不同做法也不同. 好似去賭場要有斬獲,不是出仟人地發覺唔得, 就係技巧(記憶或心算), 有幾多係運?

      刪除
    18. 有運=水到渠成=天賜的gift=you name it.

      刪除
    19. 偉哥係一個實例, 要靠努力+學習+經驗同少少運氣, 唔係邊到可以走遠D

      刪除
    20. 36今日買唔到,可能真係前幾日高位出到是運氣,今年贃都是運氣,因為大6政府今年三月人做牛市出來,剛好我計畫去旅行,剛好我外甥女結婚,買機票金手鐲,剛好又想去柬埔寨,咪比埋錢,剛好我女兒同學去完馬爾代夫話好玩,我女話想去,剛好贃咗夠付,咪去咯,錢花了會繼續來,只要有運氣。

      刪除
    21. Jam 兄, 我認為似打麻雀, 有技術經驗先用到運. 例如ng wai 碰着不用返工看到36急升係有運, 但佢肯在1.0走(無等佢再高, 又沒不憤氣佢回落), 那是經驗技術.

      刪除
    22. Jam 兄, 我認為似打麻雀, 有技術經驗先用到運. 例如ng wai 碰着不用返工看到36急升係有運, 但佢肯在1.0走(無等佢再高, 又沒不憤氣佢回落), 那是經驗技術.

      刪除
    23. 呢樣真,識走先係最難.

      刪除
  26. 687 呢2日都好強勢 , 唔知道有沒力挑戰52高..

    回覆刪除
    回覆
    1. 好易的,只要你買多d,30萬錢可以推高它啦!

      刪除
  27. 苦口婆心,多謝偉哥分享。

    回覆刪除
  28. 謝謝偉哥的寶貴分享及金石良言。

    回覆刪除
  29. 854今日4075個牌又出嚟推,睇吓佢又點推。

    回覆刪除
  30. 偉哥, 想問下717之前你0.7 既貨係咪仲持有? 仲未search 到之前既POST, 但係印象中好似無見到你獲利, 雖然佢都應該到過你既target.

    回覆刪除
    回覆
    1. 未沽, 反正都出了盈喜,下星期的業績應該不會有意外,等埋業績先。

      刪除
  31. 偉哥,我不時翻看舊文,當中的實戰經驗、思路演變、進退有序,也是千金難買,值得再三琢磨。

    我也草草一句:

    積小勝成大勝

    回覆刪除
    回覆
    1. 哈哈, 三十六計, 走為上計

      刪除
    2. 宜家寧願穩陣d都唔會咁容易接刀撈底, 始終日日落賭場,唔可以亂黎

      刪除
  32. 獲秋生力撐:「佢係[蔡思貝]小妹妹,唔係作奸犯科,大家高抬貴手啦!」

    我不同意秋生。
    「人無信不立」 小妹妹已懂走 short cut …咁辛辛苦苦讀書的人, 又怎算呢?

    回覆刪除
  33. 多謝偉哥!有時半夜都會番睇偉哥之前嘅文章!

    回覆刪除
  34. 相信每人都有自己的故事,想當年窮到上班只有車錢,早上買3個波羅飽食一天,到晚上才回家食飯,生活好辛苦,看不到明天

    回覆刪除
    回覆
    1. 一日食3個菠籮包,你超標了。

      刪除
    2. 當年後生,剛出社會工作,現在一個都超標。。。

      刪除
  35. 炒美股大陸股比香港安全好多,,,,香港D股票,炒上有目的,唔係配股就假數走佬.

    回覆刪除
  36. 而家8-90後都好難悟到呢個道理啦

    回覆刪除
  37. 又到年尾,偉哥黎緊會唔會分享下出年對大市睇法?有無個股或者邊個板塊睇高一線。咁多師兄師姐大家分享下睇法。

    回覆刪除
    回覆
    1. 不如列晒D利好利淡出泥, 大家補充下

      歐行射水力遜預期
      美國大概率加息, 資金流向美元, 東水西流
      恐襲機會
      年底不會有深港通
      中國PMI低於預期, 恐怕GDP亦一樣


      A股穩中帶強, 或可帶動港股
      基金年尾粉飾成績

      刪除
    2. 香港本土經濟及樓市明年趨勢下行----->港股..跟.

      刪除
    3. 又到年尾,偉哥黎緊會唔會分享下利是準備派幾多~

      刪除
    4. 個股? 320啦..大家唔好介意我日日咁推, 實情係我重倉左佢. 我0.99, 1.06, 1.08, 1.17 都買左.
      可恨高位無跟偉哥走.. 偉哥賴低左我.. 嗚嗚..>.<

      刪除
    5. 板塊:體育用品股、電動車股。

      刪除
    6. 我都打算睇實呢兩個板塊

      刪除
    7. 手上有4隻股,有2隻仲有錢賺,其中一隻是320.

      刪除
    8. 睇今日大跌市中, 體育用品股呢3隻:3322, 1170 & 3813都好強。我都看好體育股板塊。

      利申: 手上有3322 & 3813

      刪除
    9. 3998 算唔算? 之前説進軍運動服?

      刪除
    10. 冇聽聞過3998會轉型賣運動服喎!!全球天氣暖化,我諗依家佢既 downjacket 冇乜人買啦!!

      刪除
    11. 之前咪就係説改善季節問題轉女服及運動服, 不過前者好像仆直左, 後者唔知有冇下文

      刪除
  38. 3813琴日回一回氣,今日又想再挑戰新高?

    回覆刪除
    回覆
    1. 3813 今日係好強, 期待下週能否突破, 今日令時收復, 希望呢隻可以幫手食糊

      刪除
    2. Pau 兄都係同路人?我仲以為冇乜人有揸到3813 tim

      刪除
  39. 598幾分鐘內由4.5直上4.63,撹乜??

    回覆刪除
  40. 回覆
    1. 今日太忙,後悔無Set個高位食左佢,不過理論上星期一先見真章,星期一再有$1.08肯定俾晒佢,費事煩。

      刪除
    2. 我都好後悔set左個低位($1)比晒佢。

      刪除
    3. 如果星期一升,我會等結果

      刪除
  41. 初哥希望偉哥多分享以前的經典post作重温

    謝謝

    回覆刪除
  42. 見有咁多網友對偉哥有要求,我又趁熱鬧:
    不如學 David Webb(佢個皮已收)整隻聖誕禮物股,
    不過相信都係寫返3399

    回覆刪除
  43. 偉哥, 你做開生意
    想問歐洲唔增加QE引致歐元升值
    升值對320出口既生意算不算係利好?

    回覆刪除
  44. 2011終於開車,但我上唔到車

    回覆刪除
  45. 作者已經移除這則留言。

    回覆刪除
    回覆
    1. 作者已經移除這則留言。

      刪除
    2. 作者已經移除這則留言。

      刪除
    3. 我排1.27未補返貨亜John唔好開車住呀))))

      刪除
    4. 李生講嗰班應該係操啤手而唔係操盤手,日日掛住操啤唔開工

      刪除
    5. 慢兩拍嘅操盤手比較罕見

      刪除
  46. 598量有異動, 逆市微升, 不咼沽壓不少

    回覆刪除
  47. 金融風暴前我係林Sir的信徙, 佢尐書好貴, 但本本書我都有買,
    仲記得有次「拖住你手講座」叫人按樓買股.... 0.o
    暴風過後, 長揸一世既信念,我完全破滅 !!

    回覆刪除
    回覆
    1. 係咪又係果D, 利申, 無持有果D財演呀

      刪除
    2. 林Sir 的信徙? 講緊林森池! 有誓獅大會「你有埋怨過林森池嗎? 」

      刪除
    3. 無, ......
      應為自己行為負責, 埋怨別人只是缷責, 聽完自己要理性分析一下嘛 ~
      當年火紅年代 , 好多人都會熱昏了頭 ,
      然而, 亦有前輩講過 : 不要按樓去投資 ....

      刪除
    4. 引用網上

      「林先生當日毫無保留地大力推介兩股予公眾,到後來巿況逆轉、情況有變後就一直無再露面提醒股民。雖然在下仍然認為投資盈虧應由自己負責,但林先生如此消失始終欠缺了一點風度和責任感。

      坦白講,我並沒有埋怨他,當年看過他的著作~~~林先生也只是普通人,普通人不可能控制及預知未來的~~~林先生的確有不足之處~~~」

      I absolutely agreed.

      刪除
    5. 林生當日若燒炭會名流千古, 今日閃埋食魚翅卻留下悪名. 但若只能二選一, 肯定選二
      以前news group也有個相似人物叫劍宗, blog界亦有個Cup 同小豬, 同類

      刪除
    6. 請教哪一個是「拖住你手講座」? 誰在這講座叫人按樓買股 ?

      刪除
    7. 可有人知道林森池老師的現在狀況如何?

      儘管我很少買藍籌股, 依然想再聆聽他的講話!

      刪除
    8. 林氏原來是咁多人的老師, 我由他的書中看到幾好的道理.
      不過如果按網上的言論說他曾經介推失當, 那可能他也沒心機出來講話.

      刪除
  48. 前幾日用左1個新的TA方法買貨,暫叫RSI-66,已買左869@1.8、1050@0.42,今日跌市,暫時股價尚算硬淨。

    回覆刪除
    回覆
    1. 我好懶,多數用 50日-SMA, 20日-SMA 或 250日-SMA 做 filtering

      買賣價位一直都係好隨心,多數都係搵個需要自己認為需要止蝕既價位,上調約 3-5% 當買入價(視乎股價波幅)

      刪除
  49. 請問有無ching用過google 股票篩選器, 係咪最多唔可以set超過四個準則? 試過加新準則,但係加時就見到, 無得save? 轉頭入番又要重新再加過.....

    回覆刪除
  50. 我發現偉哥果汁好強, 雖然偉哥無做股東

    回覆刪除
  51. �媽咪呀, 我隻唔易死就死啦!!!!

    回覆刪除
  52. 终於汁左第一注2368@$2.31,yeah

    回覆刪除
    回覆
    1. 2368除淨後明顯走弱,但現價估值可謂平到笑。(無貨)

      刪除
    2. 可能來個後抽2元附近唔出奇,睇下曾生幾時會買回。

      刪除
    3. 2元咁好? 咁好沽清投機股來換馬了。

      刪除
    4. 未到二元這裡的網友已狂入

      刪除
  53. 臨收市買入高風險的紀曉波概念股8112@0.485,唔知今日大跌原因,但現價低於莊家及相關人士成本價,最重要貪佢波幅夠,風險大但博20%以上回報。

    回覆刪除
    回覆
    1. 傳聞你持有的另一隻股都是紀生在操作的。

      刪除
  54. 2662真係唔知佢炒乜,莫非憧憬新主實力夠勁?

    回覆刪除
    回覆
    1. 其實可能和之前的167一樣, 但167炒完之後一樣都要由天上回到人間。

      刪除

  55. 如此看好英皇集團163!?

    董事陸小曼已經持有英皇集團163的74.71%股權。

    30/11/2015, 董事范敏嫦再在場內以每股1.45港元買入15萬股英皇集團163, 令到董事局持有75.01%的股權, 違反75%上限的規則。

    http://sdinotice.hkex.com.hk/di/NSNotice3AList.aspx?sa2=nd&sid=21600108&corpn=Emperor+International+Holdings+Ltd.&sd=13/02/2015&ed=30/11/2015&sa1=cl&scsd=04%2f12%2f2014&sced=04%2f12%2f2015&sc=163&src=MAIN&lang=ZH&

    回覆刪除
  56. 這個星期,投機股不斷跌,已忍痛減持部分轉入業績股

    回覆刪除
    回覆
    1. 仍然有一些特殊的例子,例如1143大大的拇指!

      問題是你是否有足夠的勇氣及運氣!?

      刪除
  57. 偉哥
    義齒器材供應商現代牙科,第一隻牙齒器材股,概念獨特,國際配售已超額但以中下價入飛多。可有興趣入飛?

    回覆刪除

注意:只有此網誌的成員可以留言。