置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年7月7日 星期二

城門失火



前排相信很多朋友都覺得A股是升得太過份,下跌只是遲早的事,但最終以這種速度及方式下跌,令到市場完全失去流通性,相信是大家始料所不及的。

中央開始救市,但也只是承接主要藍籌股的沽盤,為市場提供聊勝於無的流動性,一般散戶受惠不大,因為散戶持有的多是非指數股及創業板股,而這些股票現在的情況不是停牌,就是一開市就跌停,根本無法沽貨止蝕,也令融資的炒家要被迫沽仍有流通性的資產套現,應付按金需求,而流通性極佳的港股就再次成為"提款機",正是城門失火,殃及了旁邊的池魚。

目前中央救市當務之急是要想辦法解決流動性問題,不只是一線藍籌股,還有二三線股、創業板股票等,當然要中央出資買這些貴價股票是不可能的,也不切實際;或者放寛漲跌停板限制是可行之道,正如戲院失火,戲院內人群眾多,而出口只有一個,根本無法令所有人可以在短期內逃生,情況不解決,只會令人群不是被燒死,就是被煙燻死;但如果可以將原來緊封的氣窗打開,相信即使是2、3層樓高,很多人為了保存性命,也不介意跳下去,結果會因此重傷或殘廢也在所不惜。

如果中央可以放寛漲跌停板的10%限制至20%、甚至30%,應該可以加速令市場回到合理、有成交的估值範圍,即使這樣代表無數的股票股價可能面臨"腰斬"的厄運,但相信很多股民都願意承受這痛楚,遠比每日跌10%,不知跌到何月何日才可以有成交為佳。

201 則留言:

  1. 現在只是早上、中午及收市前抽時間看市,每晚都會就目標股份預先掛定低20-30%的買入盤掛大霧。

    尾市看一眾本地券商股繼續被清洗,而且一旦進入熊市的話,券商股通常無運行,故此連188也賤價沽出止蝕,目前只餘下一隻952等候。

    同時也沽了一半756止蝕。目前現金水平提升至24%。

    回覆刪除
    回覆
    1. 请教伟哥怎么挂低20-30%的单?我挂低几个价位都被取消?我致富,耀才有有用。

      刪除
    2. 預設是無條件即日送出,可設為有條件 (如<$3.0)才送出低價訂單

      刪除
    3. 用盈透(IB) 應該沒有限價; 致富的競價限價盤可以落到距離市價60個價位的。

      耀才就一定是20個價位以內。

      刪除
  2. 同意保持流通性是非常重要的。

    順便引用一篇值得分享的文章:
    跌市只是茶杯裹的風波
    http://parisvalueinvesting.blogspot.hk/2015/07/blog-post_96.html

    回覆刪除
  3. 持股當中, 今日259及1260都開始進行回購,相信會有越來越多估值低廉的港股加上回購行列,大股東增持的也會越來越低。

    不能指意其他人來救, 只能自救。

    回覆刪除
    回覆
    1. 今天的回購紀錄
      http://www.hkexnews.hk/reports/sharerepur/documents/SRRPT20150707.xls

      沒有單一的文件顯示每天增持紀錄?

      刪除
    2. 但是3399這樣穩定收入的股票也被洗,有點莫名其妙

      刪除
    3. 我 3399 是第一大持股, 但因較高位入E+輸左20%...想問偉哥現價forward PE 大慨幾多

      刪除
    4. 我自己對3399今年度盈利增長不低於25%是有相當大信心旳,即今年預期每股盈利我估不低於0.5港元。

      刪除
    5. 有人嫌3399較倚賴補貼,但政府補貼在當下却是最可靠收入,相信今年收入不會走樣,更不會倒閉,市值與p/e都較低,加上3399成交偏少,不會有很多大媽有貨吧?應不是套現對象,連3399都是斬倉式下跌,但又不見極訊亞太掛牌,不知道在搞甚麼?

      刪除
  4. 今次無預估到殺得咁急,係因為以往通常會經歷一輪托住指數黎沽細股,但上一兩禮拜呢個情況唔嚴重,普遍都仲係有上有落,有得炒下。首次經歷大媽式走貨

    回覆刪除
    回覆
    1. 最主要是A股無法沽貨套現。

      現在聽聞有國內券商開始做場外交易, 為跌停板的股份提供場外交易, 即等同以前港股跌到1仙最低價後, 有沽盤無買盤時,券商之間會私下議定以更低價格交易。

      刪除
    2. 李小加說中國A股是最自由、透明的市場...

      刪除
    3. 技術官僚家長式管理上下10%罰停的市場,無賴亞爺作風想停就停的上市公司,承上啓下。

      刪除
    4. 10%停板機制由來已久, 問題在之前的股災都沒有那麼明顯, 因為以為沒有咁多融資, 但這次過度融資完全將停板機制的問題暴露出來。

      刪除
    5. 基本上蛇鼠一窩,兵賊難分,場外高達1:7融資,海歸將老美那套發揚光大,上面監督高層沒可能不知会引起骨牌暴跌。

      刪除
    6. 我股齡唔算深, 今次都算留得比較多錢預備市況逆轉, 之前一路都係投入三成資金倒, 最近幾個交易日因為恐慌同大跌用左三成子彈倒, 而家剩番三成幾

      刪除
  5. dear wai gor

    呢度絕大多數網友都好有風度,投資有盈利定蝕錢都是自己負責,意見參考後還是自己判斷後落決定的

    今日個股跌勢仲恐怖過尋日,尋日有大力反彈,今日直插,連唔錯既FA股如477 , 1866等都大跌,太多例子

    而家咁既形勢,都要防守意識加重,說了多年的中國硬著陸,可能因為今次炒爆A股帶來既連鎖效應,成真也說不定,大量A股股民資金蒸發,他們帶來的壞賬是大數目,還有其他借錢炒股的機構

    現在誰也說不準後市去向,大家不用愁,小弟經歷了多次大形股市週期,還是好端端的,每次都會學習到新事物,改進技巧

    偉哥的技巧更是改進驚人,今個煙花牛市的投機回報速度勁到爆,適應力強

    大家沉著應戰,good luck

    回覆刪除
    回覆
    1. 因為今日A股的流動性比昨日更差.....創業板股只有不知1或2隻有交投,其餘的不是停牌,就是一開已跌停板.....所以港股股價幾殘都好, 都繼續成為套現對象。

      現在可能要擔心的是流通性問題會漫延以至影響國內樓價.....如果產生骨牌效應, 後果難以想像。

      刪除
    2. 同意,偉哥適應力好強,技巧驚人,我本人就用了約30年股齡,加吾知幾多血汗錢,來換取一些經驗,
      近日跌市寫既野都吾知用了幾多錢換來的,差D連命都無,係真的,
      90年炒只莊股,一日吾見80%,斬了後回家期間,好似失去靈魂咁,過馬路無睇燈,好彩司機大佬剎得到,如果吾係都.........

      刪除
    3. 早幾日聽說要券商接受用樓作抵押品

      刪除
    4. Fai前輩之功力,大家有目共睹。
      我等晚輩們,會用心學習!

      刪除
    5. Fai兄功力高深,套用武俠小說所講,應已達化勁巔峰時期,下一步就達到破碎虛空境界。

      刪除
    6. 估不到FAI兄有30年股齡. 我看圖像中的小朋友與我大女年紀相若, 還以為大家都是同一世代...

      刪除
    7. 股票要成為高手真系好難,有時自己都會諗吾知做吾做得好(或較好),如果做吾到高手又系咪吾投資,但這一代吾投資,香港仲有咩機會。。。自己都吾系好清楚,唯有見步行步,希望明天會更好!

      刪除
    8. FAI兄原來係股壇資深老鬼,少林掃地僧,你好!

      刪除
  6. 偉哥今年利潤是否99%跌到40%??個人感覺只是開頭,好戲歐洲還未上

    回覆刪除
    回覆
    1. 人地汁幾多關你鬼事咩, 頭先果板見你問, 覺得你可能好奇, 你仲起度追問, 覺得你立心不良

      刪除
    2. 偉哥再跌會否再減少買股數目,還是會增多買股數目?有專家講牛市要多散買股票,熊市集中1,2隻股就可以,重複問是因comment 數太多,怕miss 左

      刪除
    3. 1516, 不如講吓你自己今年利潤最高是多少?而家剩番多少?仲有冇持股,看你留言—路都睇淡话有排跌,分析頭頭是道,應該避到今次股災,如冇回覆,明天又再重覆問,怕miss咗

      刪除
    4. 今年賺20%依家得返5%,正股得銀行股同1038

      刪除
    5. 不是睇淡,只是24000炒上28000主因係有大陸金錢入香港市,現在無左e個因素去返4月頭位,但港股本身pe不太高,所以只要a股市場穩定,正常細股都會正常上落,唯一是怕美元加息,股災是全球性,所以現在港股回24000位正常後歐美又跌,會下試20000點,港股係基金主導,全球一跌,基金影響會好明顯。相對上只要歐美無乜特別事,基金入市香港會利好,香港相對上優勢係有全球基金入市。偉哥有無考慮過用期權期指對大市對沖??

      刪除
    6. 目前市況已是不理性, 斬倉盤不會理你市盈率幾多、股息率幾多,總之要套現就算1倍PE都要沽。

      不過有危亦有機.....正如2008年跌到1元的2333,3毫多的751我都買過,雖然忍受唔到獲利的誘惑而提早沽出,但亦獲利不菲,故這亦是我確認大市仍有尋底的空間後, 減持股票增持現金的目的, 就等最恐慌的時刻來臨,閉上雙眼衝入戰場.....

      期權現在IV已抽高, 期指我怕左一巴、右一巴。

      刪除
  7. 就咁睇又好多股跌極最多只係去返4月8日的奇蹟日,無A股化而已。:(

    回覆刪除
    回覆
    1. 好多已經到52週低, 317, 347, 350, 358, 3323 ETC

      刪除
    2. 好多莊家股都跌穿莊家自己攞貨的成本:(

      刪除
    3. 但唔見大量莊家放貨..好似大部份係老散..

      刪除
    4. 以我聽返來的消息,大部份莊家完全散唔到貨的,因為這次跌市來得太急, 佢地都估唔到市況會發展到咁。

      刪除
    5. 「大部份莊家完全散唔到貨的」~~~甘大獲, 都咪話莊家是搞風搞雨的人

      刪除
    6. 最怕莊家斬倉式沽出........

      刪除
    7. 希望莊家坐定定啦...

      刪除
    8. A股1/3停牌原因是大股東押股,股價跌穿safe line會斬大股東倉/補錢/接小股東貴貨
      現大股東無錢補,是旦作個原因停牌

      刪除
    9. 317有排跌,市場不受主题股的話,以317盈利完全不值15元

      刪除
  8. 其實今日除左一眾本地及國內的券商股被洗外,重災區也包括一些較大型的中資股(班資回朝?)及科網股,而當然還有那些前陣子出得黎行既財技股繼續以每天10%以上的速度被沽下來。

    睇番外圍其實不是很緊張,亞太區除本港及A股外表現都較穩定,日股更升。而最新歐洲股市跌幅也在1%以下,反映希債問題對股市並非那麼影響大,可見現時港股表現較受A股氣氛影響。

    偉哥提議A股以放寬跌停機制以解決流動性問題,我看這是治標方法,因為現時困擾A股的問題是股民對股市的信心問題。我認為唯一的解決方法是政府停止一切所謂的救市行動及重啟IPO,中央亦要作出不再干擾市場運作等措拖的承諾,讓股市自行調節生息,因為跌到咁上下,貪心但中過招的股民自然又會小心地再度入市,令股市重生。這樣的股市才能更Sustainable。

    回覆刪除
  9. 公司回購同大股東增持,以我經驗來說,前者無用的,都係個句為抬而回購,我視作壞消息,
    當年606東寧在股災日日回購,它回購原因係如不頂住個價,債權人會上門.........例子太多啦,
    大股東增持會好好多,雖然吾一定會升,不過比回購好,

    回覆刪除
    回覆
    1. Fai stock 兄真是股票字典

      刪除
    2. 非常時期, 公司回購是有助提升投資者信心.....不過確實沒有大股東增持利好,始終用公司錢及自己錢入市是兩回事。

      刪除
    3. 今日1260炒了一轉,1.65入,後來跌到1.55,但股價很快很急抽上到1.8x,原來公司回購.

      刪除
  10. 37唔知跌到幾時,都係時候計數.

    回覆刪除
  11. 公平地講,帶人炒股比自己炒難好多。

    自己炒時,買賣往往決斷許多,無需向任何人負責。今日買入,明日覺得做錯,或局面有變時,隨時可以沽出,乾淨利落。

    但當公開分享,帶著大家炒作時,因同坐一條船,總不想輕易棄船而去,或快速地更改看法,因而某些時候應走而未走,錯失時機。理應決斷,卻變成有點拖泥帶水。相信大家亦試過建議別人某隻股票,及後走勢不乎,帶來無形壓力之餘,原本應該處理掉的股票,卻因此而留了下來。

    另外,不說回覆所花的時間精神,過度參與網上討論,亦常會強化個人觀點,使偏向主觀。這個Alex Wong在電台上指出過,亦是老巴和市場一直保持距離的原因,以免不知不覺地受市場氣氛所感染。

    正因為帶人炒股總會帶來種種負面效果,能夠像偉哥般做的網上博客幾乎絕無僅有。個人相信若偉哥自行操作,受這個突如其來的跌市影響會小許多。

    回覆刪除
    回覆
    1. 偉哥如果單打獨鬥,自由發揮炒股,肯定戰鬥力升雙倍也不止,這也是我欣賞偉哥的一點,獨樂樂不如眾樂樂,雖然而家有些苦果,也算是苦口良藥。

      刪除
    2. 難度好大,特別是現場,如果和雪球重疊,曡加效應相當惊人,正反都是,正時大家開心,反時可能人踩人,都不知點算。好影響情緒。

      刪除
    3. Mass兄講得有道理,我唔知幾時開始學咗偉哥,都有呢個感覺,尤其係之前公開講283的時候,感覺本身玩妖股唔難,但一分享之後難度同壓力就十倍增,理由一如Mass兄所講,而且即市分享妖股明顯有更多難處,比一般股票難度壓力更倍增,我或者唔即市講自己的操作,操作會做得更決斷理性

      刪除
    4. 同意Mass所說,所以好珍惜偉哥的無私分享,其實那些師兄是善意提醒,那一些是別有用心,相信在此一段時間的網友心中有數,希望偉哥唔好咁勞累

      刪除
    5. 其實真的有影響.....有時明明有些股其實應該到價要減持,但見網友們仍然因為我之前買入而跟入,這時沽出好似打左剛買入的網友一巴咁,於心不忍。

      刪除
    6. 就係呢點! 我覺得偉哥好辛苦,已經披露左 買入價 +分析, 過一排仲死問你有沒有持貨, 點點點, 升時有咩所謂, 跌價就真係好大壓力, 偉哥你想呢頭買個頭放、盤路不對 賺蝕4-5格都不能得心應手...
      辛苦晒......

      刪除
    7. 辛苦晒,七月偉哥專心忙公司的事吧!大家都理解

      刪除
    8. 所以我一直都覺得偉哥好勁,唔好講日日回覆我地先,淨係叫我日日出文我都未得,更何況仲要睇市、分析、操作買賣、研究股票新聞及資訊,回覆我地一眾網友,仲有家庭及生意諸多鎖事要處理,上述每件事都有不同程度既壓力,再加埋Mass兄所講既壓力,真係無乜人做到架,我淨係睇市都機乎無時間安排自己食飯,偉哥真係好強,能在網海中巧遇偉哥真係三生有幸,偉哥隨心所欲得架喇,我地跟買唔跟買係自己既責任,每日看到你出文及回覆已經感激不已

      刪除
  12. 320,昨日$1買入,今日見勢色不對,$1.1x連之前貨尾一同止蝕沽出,收市前0.92又從新買回,暫時用呢個方式炒作,以戰養戰,另外阿爺暴力救市應該宣佈失敗,今日已買入2318LP。

    回覆刪除
    回覆
    1. 320 依架入好危, 連188 都向52週低進發, 當想入320個刻, 都係入188算,仲要有找

      刪除
    2. 188目前最驚係配股畀廣州匯垠發展有變數

      刪除
    3. 其實未配對方可反口? 但佢之前0.34已配出(假設配比同一批人), 轉手可能牲有幾多?

      刪除
    4. 188之前已經轉手咗唔少股票,而家只係驚對方要賤價配股攞貨,將今次配股推倒重來,令股價再瀉,其實新主已經洗濕咗個頭,所以相信轉手好大機會會成功

      刪除
    5. 上次的配股應該係配畀舊主人頭,再經市場轉手畀新主

      刪除
    6. Cyl 兄仲有188? 我以為你今日0.238沽左。

      刪除
    7. 717都終止左之前的高價配售, 188都有機會終止0.34元的配售。

      我相信很多之前公佈配售但未完成配售的, 由於股價已跌至遠於配股價, 故都有機會會中止配售。

      刪除
    8. 仲有貨啊,不過就算冇貨睇法都一樣呢

      刪除
  13. 今晚夜期又大插300點了,唔通真係熊一來了,向24000出發?以前聞說當50天線跌破250天線才算熊市來臨,但依家睇落隻BB熊已出世了。

    回覆刪除
  14. 其實經過這幾天,大陸官員無理由看不到日日咁多股跌停板,無辦法交易,想cut loss都無可能, 無理由大陸官員看不到問題所在,他們有沒有如偉哥所説的plan及勇氣去處理這問題。

    回覆刪除
  15. 都是08年的故事:32000跌到20000以為好抵,結果10676先係底

    回覆刪除
  16. 點解大家咁在乎牛定熊
    呢一刻就算話俾你聽仍是牛市,你會入市嗎
    今次問題是前無例子
    傳統牛熊在今次還適用嗎?
    熊市都可以有反彈,不過今次就彈都唔彈

    回覆刪除
  17. 偉哥對1866有何意見?
    CFO 係盈喜前沽左20M 股, 好似有d 古怪...

    回覆刪除
  18. 据某银行人士向《第一财经日报》记者透露,近日,证金公司拟向银行间市场发债800亿,具体形式为短期融资券。据称,中信银行可能是牵头承销商之一。

    估計應該係救市之用?但之前唔係話央行會印銀紙無限支持嗎,點解又需要發債呢而家?

    回覆刪除
  19. 大家呢個時候有賺既或者只損失少少既應該走左先再增持多D現金,高位買左既等反彈就好走,
    呢次熊市係由大陸財金官員同政府失誤自我引爆,由此看見只能靠自己,唔好望佢地會救到我地,
    雖然而家有好多平股好抵買,但如果經歷過金融海嘯,就知熊市入邊股價只會愈來愈平,
    況且而家大陸,同希臘兩邊一起來,更加非同少可。
    要撈底博反彈只可等大陸中小板/創板倒升先好諗!

    回覆刪除
  20. 2313同1382簡直係逆市奇葩,同一個行業,311都硬淨。點解製衣業有咁強抗跌能力?有冇人可以指教?

    回覆刪除
  21. 夜期越插越多,又冇左450點啦!!

    回覆刪除
    回覆
    1. 開始跌大市值股,明日細價股又大跌

      刪除
    2. 但仍未見全面恐慌,大跌的都是之前炒高幾倍

      刪除
    3. 2008年金融海嘯時,細價股跌8,9成比比皆是。

      刪除
  22. 剛入來由頭睇到尾, 真係嚇左一跳, 悲觀指數應該直破98%.
    其實夜期跌幾多, 香港喜歡跟就跟, 唔跟就唔跟, 當然呢個要事後先知.
    持左貨既不如同仔女玩下, 或暫時去睇下電視, 打機, 又或者早d訓.
    希望在明天.

    回覆刪除
  23. 偉哥你斬左524
    呢隻係咪老千股

    回覆刪除
  24. 不管是牛是熊,有無先例,股市都存在,以一盤生意出發點去買股,收到股息當現金流,看盈利,PE,PEG,預期現金流量,要不要科水供股入資,過關就可去馬,市場危和機并存。

    回覆刪除
    回覆
    1. 呢到多左幾條友,不斷重覆夜期大跌,熊市來臨等等,可以肯定不是善意提醒,只係存心搗亂攪事而已.

      刪除
    2. 呢個肯定係,尤其係某個人,落井下石,散播恐慌,做得太明顯啦

      刪除
    3. 呢度有甘各位前輩偷師, 心都定d

      刪除
    4. 希望佢係買左put啦, 唔係一味係度唱衰損人不利己, 真係傻仔

      刪除
    5. 最撹笑係我—路以為牛市多股神,点知跌市股災原来突然仲多股神,個個不停出post话—早講咗,幾準幾準。
      Ps. faistock兄不要誤會是説你,因有料冇料,好多長期網友—看就知,不是事後才出來说。現這階段很需要你和偉哥的過往實戰經验分享,提醒我们,衷心感激,獲益良多

      刪除
    6. 見佢地要等隻股/等個市跌到而家先出黎唱衰講所謂分析,其實都幾搞笑,面係人地畀,架係自己丟,各位網友你懂的

      刪除
    7. 投機者2015年6月23日 上午11:23
      A股繼續插水
      http://postimg.org/image/mpg1nlmid/
      分享一下,4倍/5倍槓桿孖展,如果跌10%已經要call margin
      跌兩次停板等於Total Loss,所以會愈跌愈急
      如果跌停板無成交更大獲,蝕入肉
      再者10%以上的利息,4倍槓桿計即40%,你信唔信A股一年再升40%?

      投機者2015年6月25日 上午12:29
      188 接盡9.2億股也未及大股東一半股權
      又要公佈、早前又要匿名,說不過去

      投機者2015年7月6日 上午12:54
      中央只出口術,搵最後水魚接貨,畢竟A股不便宜,要中央大手入市?難矣...

      怎樣等隻股/等個市跌先出黎唱衰講所謂分析呢?

      刪除
    8. 完全抄偉哥,大家有興趣可以查查,關於188更係講癈話

      刪除
    9. 作者已經移除這則留言。

      刪除
    10. 你竟然咁都好意思貼上黎,唔好太當人傻仔

      刪除
    11. 都是根據事實提出質疑,原來是廢話,我做返觀眾好了

      刪除
    12. 其實除左偉哥外
      呢度有幾位網友既回覆我一定會慢慢睇
      fai係其中一個..

      另外題外話
      我覺得呢排"批評"呢樣多左
      其實我一直覺得上網既野...
      岩聽咪聽囉...唔岩聽咪唔聽囉
      做咩事要打一堆字出來話番人呢??
      無謂影響氣氛

      噢...多言了

      刪除
    13. 唉,wwuunn Leu,之所以咁都係因為某d人太過份,佢地不斷狂踩人之後就覺得好有優越感,實在睇唔過眼,最憎某d人惡意扮善意,攻擊人之後有人睇唔過眼就出偽善牌,仲要講到人地好似打壓言論自由咁

      刪除
    14. 影響氣氛的話唔好意思,最後講多句,真小人勝過假正義的偽君子

      刪除
  25. 冇左535 啦 我都好想博一博,都忍左幾日,簫若元話佢炒股咁耐,未見過咁短的牛市,

    回覆刪除
  26. 「班資回朝」潮似乎以蔓延至在美股上市的中資股(例如cmge明明已被提$22私有化都照跌7%),呢鑊杰……

    回覆刪除
  27. 大家又不用害怕,食得牛肉底得肥,不如大家言冓下番工時間係咪睇住個市?

    回覆刪除
  28. 大家又不用害怕,食得牛肉底得肥,不如大家言冓下番工時間係咪睇住個市?

    回覆刪除
  29. 港股大時代已game over, 同tvb播足兩個月既大時代時間好鬼脗合。

    回覆刪除
  30. 跌完可以再跌,呢兩日A股表現話咗畀大家知 ,阿爺所謂暴力救市失敗,而今次阿爺晒冷式救市只係暴露咗內地股市有幾唔成熟,過度槓桿配內外配資已完全失控,內地雖然改革開放咁多年,目前仍然處於計劃經濟種種弊端,市未有救得成,多個缺點卻一次過畀人睇晒。

    阿爺動用再多資金救市亦冇用,依家要救嘅係股民信心,最慘係呢兩星期阿爺連環出招,A股仍未見起色,令缸邊友信心盡失,加上過度槓桿令內地缸邊友子彈盡耗,即使對後市信心未失,但亦有心冇力。

    回覆刪除
  31. 大陸3分1股停牌, 唔比人沽以為避得過
    好似似曾相識
    87年香港試過, 結果......

    回覆刪除
    回覆
    1. 個陣時係港交所停市,唔係上市公司停牌喎!

      刪除
    2. 原理一樣
      今次未停果d 日日硬食, 都可能諗停埋牌
      越黎越多公司咁諗, 重開市黎做咩

      刪除
    3. 應該好多老闆開左孖展倉, 一開市就會被斬倉, 呢幾日盡人事籌旗

      刪除
    4. 大陸股停,唯有沽港股,香港會再插得深d

      刪除
  32. 好彩36停咗牌, 唔快復牌呀

    回覆刪除
    回覆
    1. 亞爺下下想取代香港金融地位, 經此一役, 亞爺應該明白香港金融中心的美譽, 不是浪得虛名。難怪亞爺搵財爺握手.

      亞爺救市救出禍, 害了香港股民, 仲學人搞亞投行!

      刪除
  33. 咩事呀??7月夜期插左接近800點,金融海嘯第二波殺到泥香港呀?抑或大鱷要劏晒所有肥牛至肯收手?

    回覆刪除
  34. 上個星期五同今個星期一已經斬左三分二股票, 聽日睇情況, 可能沽前算數, 留住個本先。

    回覆刪除
  35. 又冇左760點,都唔知幾難忍,依家自己不停掙紮,搏唔博?呢幾日都冇搏過股票,有錢唔搵好似對唔住自己

    回覆刪除
    回覆
    1. 指數跟跌好過細股跌大股唔跌

      刪除
    2. 希望明天是最後一擊,然後穩定下來等待治療。

      刪除
    3. 炒股炒期指炒乜都好.最緊要講值搏率,富貴險中求,都跌成八舊,追沽蝕章,咪只有做好,點都要同佢搏一搏.
      又再講下今個跌浪我全無損傷,仲賺佐斯里蘭卡機票和五星洒店,本來想住四星,見到賺得多咪住五星咯同埋幾千元消費,更加埋回香港的機票,柬埔寨的團费都己付清,唔係手痕又再買番,怕短炒嘔番出來就唔抵.
      我呢幾年百份之六十放在1299/66百份之十五放在3988,其它留來短炒,三支股最近都派佐息,但仲未過戶,不過短炒我一早凊哂全無二/三/四缐股票,有人會問點解我唔睇好過市唔全部清倉,仲留番幾支股票,第一因為我不是神,第二是我核心持股,若果倉中無股,如何有希望?冇股票長倉個 d 人,如何會發逹?

      刪除
    4. Ng wai,今次都要公道D讚下你,無論睇得準吾準,起码肯事前講咗買做好操作,明天收市就知你堅定流?

      刪除
    5. 睇你都係似新丁一名,我比人鬧慣啦,讚唔讚有乜用?我讚你高手又如何?,錢都在别人袋裡,
      明天跌超過八百我咪輸,少過八百咪羸咯,有乜叫堅定流,同買大細差不多,

      刪除
    6. 是的,相對你來說我也算是新丁,在偉哥blog也追随了5,6年。今次股災都叫做好彩避過,今年仲有$赚,明天仲谂住如跌過千点時捞吓货先。

      刪除
  36. 夜期跌到上蘋果動新聞。偉哥對後市看法仍然只是大升前的調整?

    回覆刪除
  37. 準備收集PE<5, Yield>10%, 增長股,
    另外小心那些持有大量股票公司, 投資虧損可能極大

    回覆刪除
  38. 夜期成交咁低無咩參考價值,似係有心做唔駛太驚。。
    但金,油,股全線下跌。。投資者似乎都揸現金避險
    震盪相信要持續,各位要守止蝕唔好亂溝貨。。等大市回穩先,要入貨唔差果一兩千點

    回覆刪除
  39. 這幾天我叫左好多次熊來了係咪話我散播恐怖??
    真心覺得熊來了有問題嗎??
    還有人指望牛還在,面對現實做好對沖。
    有膽識做淡,也可以發大財。做淡比做好風險低但係技巧比較高。
    熊來了熊來了又係發財既時候。

    回覆刪除
    回覆
    1. 算LA.....我地善意提醒係佢地眼中係散播恐怖,其實佢地全倉與否我地又唔會賺多左,
      只不過我一直有跟開WAI 哥買股,做CD-ROM,
      發覺個市唔對路出來講下增持現金比重都比人咁話....特別係某幾條友惡言相向,
      我只希望有聽我地講既,之前減左貨既就算明早加番都賺10-30% LA,
      而惡言相向班人就由佢地自生自滅吧!反正我地都係睇WAI 哥.......哈哈

      刪除
    2. 其實從來冇人點名,係你地自認

      刪除
    3. 我都無話係你WO~~~哈哈

      刪除
    4. Ivan, 明天走勢如何?想聽聽你意見,賺D波幅,請賜教!

      刪除
    5. 邊d人先係惡心照啦,唔駛你地惡言相向扮關心,算,你地唱飽佢啦

      刪除
    6. 大家互相支持,面對跌市吧。

      刪除
    7. 偉哥,真係唔好意思,之後我唔會再理佢地講野,避免冇謂爭拗

      刪除
    8. 我承諾,佢地之後就算洗板我都唔理佢地

      刪除
    9. 上邊對號入座個個,分享/持相反方向就係惡,你既論點都幾獨特,
      Lee Tin: 如果係我我會分三注,明日早大跌時先入一注因為近日味試過一開始就大跌,可能係見底信號,而真正轉勢會係大陸中小板/創板由跌停變向上拉升時再入,咁樣寧願賺少左都可確保自己唔會有較大既損失。
      偉哥: OK.....我唔會再理佢

      刪除
    10. Ivan, 谢谢分享明天操作.
      另坦白講,好明顯吾係話你,请不要對号入座,计留言頻密率,你有排追,哈哈!

      刪除
    11. Lee Tin: 我事實真係好少留言,只係問過WAI哥幾次,一直做CD-ROM,
      不過有人明白我講既已足矣^^.......呵呵

      刪除
  40. 原來3399今日又跌10%, 深不見底

    回覆刪除
  41. 3399紅股重未過戶, 如果要放係咪只係可以放到手上嗰啲?

    回覆刪除
    回覆
    1. 3399 過紅股 9月10日

      如果要放係咪只係可以放到手上嗰啲? Yes.

      刪除
  42. 估下劇本: 明天一開市跌到爆, 全人類沽貨, 人踏人, 大市跌至23000點後持續反彈, 收市倒升500點
    牛3大調整完成

    回覆刪除
    回覆
    1. 係就好 X 2, 都係睇下D開心嘢好,例如我近幾日少咗既錢只係.....俗世裡的一粒微塵,天大煩惱,一個深呼吸,就甚麼都沒了:

      6月藍思科技暴跌36% 女首富減少298億

      據彭博社統計,6月內地以及香港的富豪總凈值損失超過340億美元(約合人民幣2111億元)。這些被納入彭博億萬富豪指數的45名富人中,超過80%的人在6月由於滬指暴跌而承受損失。

      整個6月損失最嚴重的是中國女首富、藍思科技董事長周群飛。據彭博社統計,6月份藍思科技股價暴跌36%,她的財富在6月減少了48億美元(約合人民幣298億元)。6日彭博數據顯示,周群飛身家為80億美元(約合人民幣497億元)。

      刪除
  43. 夜期跌600幾,明天又被夾死😔

    回覆刪除
  44. 有人話若大陸救市失敗上證半個月見 2000 點

    回覆刪除
  45. 香港人從來都被利用,大陸失火,國有基金輸錢都賣晒H股海通。

    大陸要香港人心回歸,少D城邦概念,救市都要合理少少,依家打亂章,唔該你問下任志剛曾蔭權點搞啦!

    回覆刪除
    回覆
    1. PHONE兄,近兩日1140有托價,你對之後的發展有咩睇法?

      刪除
    2. 想當年曾sir真係偶像, 氣勢幾勁!

      刪除
    3. 然後係好多年之後畀香港人搞到幾乎流淚地道歉

      刪除
    4. 其實.... 唉..... 都唔知係唔係真係有貪, 同有錢佬做friend, 可能只係被利用.
      更多說法是被人整

      刪除
    5. 1140唔開名配股開特別大會哥日覺得股價係成事之前未必會高過配股價太多,因為驚影響投票,哥時諗住揸到投票一定升,估唔到股災,依家跌到$1。

      配股應該無問題,對大陸基金公司來講,NAV 1.39,配股價1.5,銀碼唔大。無一間公司可以係市場吸到1140 55%,貨乾。

      低過NAV咁多,現價放就無謂,係都等升番1.4先。

      個人會等到糊牌/流局,唔爭在。

      刪除
    6. 曾先生應該不會涉及貪污, 大多數只是貪飲貪吃。

      刪除
    7. PHONE兄同我諗法差唔多,我研究過都覺得應該無問題,始終係雙win做法

      刪除
    8. 唉,不過而家的市況好多野都難講

      正如曾先生當年捍衛香港時都估唔到有一日會..........

      刪除
    9. 1140 all or nothing 手上有貨唔爭在等下

      刪除
  46. 夜期成交咁低無咩參考價值,似係有心做唔駛太驚。。
    但金,油,股全線下跌。。投資者似乎都揸現金避險
    震盪相信要持續,各位要守止蝕唔好亂溝貨。。等大市回穩先,要入貨唔差果一兩千點

    回覆刪除
  47. 限期指沽空
    http://blogcity.me/blog/reply_blog_express.asp?f=5YTPBH5B812303&id=739187

    我不太明白。

    回覆刪除
  48. 夜期跌600幾,明天又被夾死😔

    回覆刪除
  49. 越跌越興奮,有人會明白嗎?

    回覆刪除
    回覆
    1. 回頭兄,有時候講說話要知輕重

      刪除
    2. 當然明白啦,如你可以再加上即埸報導買賣熊證,沽期指等造淡技巧分享给大家見識,我就真係越看越興奮,大開眼界。

      刪除
    3. 很奇怪,阿信屋7折香港人去排長龍入貨
      股市9折反而一片愁雲慘霧

      刪除
  50. 夜期跌700 點,發生什麼事?我記得 Fai stock 兄講過指數穿25000 以下企超過三日就有可能是熊市?好可怕

    回覆刪除
  51. 美國佬跌少少,ADR跌咁多,香港真係福地

    回覆刪除
  52. 想請敎下3129 4128 cy l同Louis兄...現價1104點睇..可以收集未?

    回覆刪除
    回覆
    1. Rita 兄,如果是我現在什麼也不做為妙

      刪除
    2. Cyl 兄,1104申請左額外供,算係幫我lock 住少少錢,哈。

      刪除
    3. 噢,希望之前隻1104幫你賺到錢

      刪除
    4. 暫時打個平。
      Cyl 兄放心,講出黎只係分享下。唔好太擔心。

      刪除
  53. 另外請敎下偉哥.. 之前好似講過10蚊邊會買1833...現價如何..算熊市中的價值股嗎?
    現價的1833和3399都頗吸引..不知如何選擇...各位可否比下意見...謝謝

    回覆刪除
    回覆
    1. 現在這形勢要撈1833也不是這價位撈。

      刪除
    2. 再跌多些少,可以買雜果涼粉,幾隻都去番吸引水平。

      刪除
  54. 聽日港股繼續比提款了...睇都唔想睇個市了...

    回覆刪除
  55. 在云云下跌的港股ADR中,唯獨恒生(11)升。

    回覆刪除
  56. 好高興認識你地=D

    依家得兩條路,一係大時代結局炒股必勝法''及早離去'',一係等翻本,要等有番個勢先可以反手炒番上來。

    依家大陸零霸氣,尚要一些時間才能鍊成,撈真係未係時候。

    回覆刪除
  57. 很久沒有買港股, 所以一直無入來吹水, 希望明天有機會買下野, 支持下港股 及 同大家打下氣.

    回覆刪除
  58. 增加現金比例,增加現金比例……現金比例的確在升,但只因為股票市值大縮水,呵呵呵……樂觀害死貓

    回覆刪除
  59. 中央口術救市.
    係救就會好以上幾次咁滙金出來買四大行.
    由得大媽撐住先. 阿爺破三千先再出手.

    回覆刪除
  60. 好多人都睇聽日插成千點。。我覺得聽日long call小小唔過夜幾值博,各師兄點睇?

    回覆刪除
  61. 睇完這篇blog去訓覺, 發夢D股票變成進擊的巨人,大家仲叫佢地跪低。。。

    回覆刪除

注意:只有此網誌的成員可以留言。