置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年7月9日 星期四

在最需要的時候收到最佳的禮物



廣東粵運交通股份有限公司

正 面 盈 利 預 告 

本公告由廣東粵運交通股份有限公司(「本公司」)連同其附屬公司(統稱「本集團」)根 據香港聯合交易所有限公司證券上市規則第13.09條及香港法例第571章證券及期貨 條例第XIVA部內幕消息條文作出。 

本公司董事會(「董事會」)謹此知會本公司股東(「股東」)及本公司有意投資者,基於 本公司目前可得財務資料,預期截至2015年6月30日止六個月的本公司歸屬於股東 的淨利潤將較2014年同期的歸屬於股東的淨利潤錄得不低於30%的增長。預期中的 歸屬於股東的淨利潤增長主要是由於以下因素所致:(i)新增服務區投入使用使本集 團高速公路服務區業務所得利潤增加;(ii)交通流量增加使本集團太平立交營運所得 利潤增加;及(iii)從事汽車運輸及配套服務的新併購公司清遠市粵運汽車運輸有限 公司和韶關市粵運汽車運輸有限公司因規模化經營使所得利潤增加。 

本公佈所載資料僅為基於本公司管理層根據本公司未經審核綜合管理帳目及本公司 目前可得的其他資料作出的初步計算,並未經本公司核數師審閱或審核。截至2015 年6月30日止六個月的財務資料詳情將以本公司的中期業績公告披露者為准。


292 則留言:

  1. 根據盈喜內容, 即使以最低的30%盈利增長計算,今年度每股盈利0.52港元;如果增長達到40%的話,則每股盈利0.56元。

    而且以3399的增長勢頭, 明年繼續維持雙位數盈利增長的機會極高。

    回覆刪除
  2. 之前覺得基金互換港股要跌二千點人地先入到貨,唔通幫我地接貴貨咩!點知自己忍唔到手,早幾日入個d仲捱緊~

    回覆刪除
  3. 確係勁,這股一路跌一路増持,以佔33%,希望可靠3399返身,今年已利潤無了50%,謝謝偉哥!

    回覆刪除
  4. 唔知阿爺自動停牌嗰d復番牌會點,如果係補跌嘅話,後市都係要睇定d

    回覆刪除
  5. 份公告我估一早預備好,只不過刻意等市況有機回穩先出,咁就更加容易穩住股價

    回覆刪除
  6. 952好似成事,雙喜臨門!

    http://www.hkexnews.hk/listedco/listconews/SEHK/2015/0709/LTN20150709524_C.pdf

    回覆刪除
    回覆
    1. 上市公司的公告都是咬文啄字艱澀難懂

      刪除
    2. 冇成事,只係例行的證券數目更新,即係由於部分購股權獲行使而導致已發行股本變動而需要作出的申報通告

      刪除
    3. 咁我理解錯誤了,唔好意思!

      刪除
    4. 可以用披露易進階搜尋查952睇睇,咁的通告近期出過好多次啦,唔好再誤會啦,睇通告要小心d

      刪除
    5. 請問大家覺得呢個時期收購成功機會大嗎
      我都仲係看好的 因為中國市場仲係雖要香港作媒介打入世界 而中國近期救市行為好似未比到信心令外界比佢入國際市場

      刪除
    6. 機會大,但是否用相同的價錢買入,這點有些保留。

      刪除
    7. 睇好,冇咩理由唔成功,近期中國的情況反而會令更多機構、集團想向外發展,而且民生銀行的配股價實在..............

      http://www.hkexnews.hk/listedco/listconews/SEHK/2015/0428/LTN201504281929_C.pdf

      現時952仍然係我絕對的第一重倉股

      題外話,如果我係Rx講"睇好,所以952係我第一重倉股",一定會畀人抽秤,唔畀人諷刺先奇,以前係Rx類似遭遇太多,Rx真係險地,不過亦因為咁令我踏出最後一步成就不死身,而家無論畀人點攻擊、串、取笑、諷刺、抹黑、屈、侮辱、抨擊,或者用歪理扭曲,都仍然可以心情愉快唔受影響:)

      刪除
    8. 好奇妙,自從有Rx的經歷之後,我覺得自己的抵抗力好似勁咗十倍,恐怕而家自己就算畀幾千人係網上抹黑,愈傳愈講,自己都可以瞓得香甜,完全冇唔開心的感覺,近幾日同人嘈完之後根本冇咩負面情緒,反而有d興奮同開心....

      刪除
    9. 依單似係同大家講佢地仲做緊野未死得住,成事我都唔想佢而家講會好影響個價,聽日有機會想入多注

      刪除
    10. 恭喜你cy l , 練成一身好武功

      刪除
    11. 雖然仲看好952, 但現在價值怕會跟隨大市下調有變更, 所以一直未有買入, 昨天設過0.9去踫運氣不成功,最後入左821 @.72

      刪除
    12. 冇辨法,遇過太多人無理取鬧或者講誤導人的說話靠害,同人罵戰多,自然懂得去面對,當然唔係鍾意同人爭執,只係唔會怕,同罵戰的偏執狂當然唔相同

      刪除
    13. 進擊的cy, 952的高位你有減持麽?

      刪除
    14. 上市公司的公告都是咬文啄字艱澀難懂…對. 不過你形容得好好, 已非一般C9.

      刪除
    15. 你不如叫我超大型巨人.........沉默是金,嘿嘿

      刪除
    16. 一睇到C9的留言,我就彷彿聽到之前屋企人睇進擊的巨人,進擊的巨人第一季的op

      刪除
    17. 頭先google一下,搵到youtube進擊的巨人第一季op:https://www.youtube.com/watch?v=zVKmAPZmEds
      係blog呢度講呢d野,個feel好精神分裂..........

      刪除
    18. 952配畀民行的配股價係0.565港元,個人覺得再壓價可能唔大,因為其實民行通過配股除咗獲得控股權之外,仲有注資的作用,配股後952其實已經屬於民行,有控股權,注入的錢實際都係隨佢心意用,所以壓價意義唔大

      刪除
    19. 1019已易主並見光了,1140 好似用類似方法。

      刪除
    20. 有d奇怪............

      1019的通告話"23,294,000,000股認購股份相當於現有已發行股份數目約133.96%,及經配發及發行認購股份擴大後之當時已發行股份總數約29.85%"

      唔知係咪自己有誤會?點解現有已發行股份數目的133.96%,係配股後會只佔29.85%?唔係應該有接近60%咩?

      刪除
    21. 通告內有一句話:"本公司可於完成前全權酌情調整認購股份數目,致令所有認購人將予認購之新股份總數將合共相當於緊隨完成後本公司經擴大已發行股本總數之29.85%。"

      唔會係咩創新的陷阱啩= =?

      刪除
  7. 恭喜偉哥收到最佳的禮物
    信賴偉哥對3399不離不棄,沒有在今星期被震走的3399支持者,大家繼續加油迎接收成。跌到4元蝕本價我固若金湯仍持有30手。

    回覆刪除
  8. '淨利潤錄得不低於30%的增長', yeah, 呢隻真係越低越買. 呢一刻,相信有貨既會特別開心,多謝晒!!

    回覆刪除
  9. devils are in notice
    6837 今早的公告有 「預告盈喜」撐股價,十日內發出。
    所以600837 都升停版

    http://www.hkexnews.hk/listedco/listconews/SEHK/2015/0709/LTN20150709076_C.pdf

    五、 本公司將在10日內公佈上半年業績快報。預計本公司上半年業績比去年大幅提 升。

    回覆刪除
    回覆
    1. 本次回購 A 股股份的價格為不超過人民幣 18.80 元/股;本次回購 H 股股份的價格為不 超過港幣 17.18 元/股...

      a 、h 上限價 都唔同.... 算是救港A 嗎?

      刪除
    2. 坊間傳聞, 中央指令國家隊也救H股。

      刪除
    3. 7點鐘阿爺出左公告:

      2014年上半: 28億7千萬 (每股賺0.3$)
      2015年上半預期: 99-102億(每股賺1$)

      http://www.cninfo.com.cn/finalpage/2015-07-10/1201268480.PDF

      刪除
  10. 哈哈,真係識選時候.
    正!

    回覆刪除
  11. 坦白說, 這份通告在這時勢未必可以令股價顯著上升.....最大的用處是如果有機會股價再見4元的話, 相信很多人會毫不猶疑出手撈貨。 我也很想再有這機會。

    回覆刪除
    回覆
    1. 想請教偉哥, 係咪用連續幾日跌過仟點,去評斷有可能見底蹤跡?
      今日雖然升唔少, 明天應該仲有D升少左, 可能有機會小注買入.
      呢幾日跌市, 有唔少細股去左超低位, 但我只選單一行業, 用最少錢去買最多股, 但又維持現金去買.
      上次升市952早走左, 今次希望唔會再犯相同錯誤.

      刪除
    2. 內地經過今次大調整, 我反而覺得會利好港股買賣,突顯香港股票市塲既價值, 因此我反而買入港券商, 實在平到無朋友, 買左都唔會點影影現金比例, 加上市埸無咁快恢復過來, 有利細價股, 最重要係貨夠乾

      刪除
    3. 如果要散戶對市場回復信心,
      最好係能夠公告一連串的盈喜,
      而且還要數以百計...日日有新...
      相信會比之前既招數更有效.

      刪除
    4. 如果業績係唔好,好難強發盈喜= =.............

      刪除
    5. GC 兄 玩野下! ? xddd

      刪除
    6. 我覺得夠爺應該要秘密出行政命令,規定所有上市公司集體造假數,全部出業績話盈利倍增最有效

      刪除
    7. 不過,業績任你演繹, 最緊要「較預期好」, 賺蝕都合用。

      刪除
    8. 仲要規定全部送紅股,大股東同機構投資者的紅股稅秘密退稅,又托到市,又可以係散戶度抽稅,幾好?

      刪除
    9. 許兄,國企股要業績好可以由中央穿針引線.
      同時中央也可以讓業績好既上市公司提早和集中發盈喜,
      業績唔好既推遲或放棄發盈警,
      只要型造一段時間好既氣氛,
      目標或者已經可以達到.

      刪除
    10. 國企股業績多是左袋交右袋,銷售價有限制,不夠時國家補貼,看政治動向多于核心竟爭力,高位要沽。利益分配取決中央的稅收,實際上經濟增長。

      刪除
    11. 如果有留意,3399上兩年同期的盈喜都在7月尾的最後幾日.

      刪除
    12. 當然上面也有苦衷,它更看重社會效益維穩等多于經濟層面。

      刪除
  12. 這次跌市,無論反彈與否,最深刻的是自已資金控制的差勁。在天的跌市,雖說未能貼市,但如手頭安有一定資金的話該會在前一天設定買盤,但一早已爆倉,無奈。
    今早反彈後回調時蝕住沽了抄貨,略略提升了點現金。收市看是全部低位賣了。但到底這是反彈還是轉勢,無人可肯定,說不定明天下周又後悔賣少了。唯望這昂貴的一堂,真有所得著。

    回覆刪除
    回覆
    1. 今次我現金控制一樣差勁, 太看好上面既政策成效,過早買入, 但因為有及時放血, 反而又有機會係低位買入, 不過今次買入時都會擔心又係白頭浪, 因此只買入港券商去維持現金.
      維持足夠現金先可以去捉住估唔倒既機會.

      刪除
    2. 放血既下, 真係好肉痛!

      刪除
    3. 有錯,睇返放血個位,仲痛。
      例如,今早1.05放了半1140.....

      刪除
    4. 因為跌怕左, 見彈就自然反應想走, 但又醒唔起連跌咁多日所積聚既力量, 仲要貨亁, 今日821都早走左.

      刪除
  13. http://sdinotice.hkex.com.hk/di/NSAllFormList.aspx?sa2=an&sid=24140102&corpn=e-Kong+Group+Ltd.&sd=11/07/2014&ed=06/07/2015&sa1=cl&scsd=09%2f07%2f2014&sced=09%2f07%2f2015&sc=524&src=MAIN&lang=ZH&

    524,大股東咁做有甚麼意圖?

    回覆刪除
  14. 謝謝勞苦功高的偉哥 可惜昨天沒有珍惜買平貨機會,
    將來也希望加倉

    回覆刪除
  15. 真係要跟各位大佬學習資金控制, 早兩日都想沽貨套現, 但見跌左咁耐, 驚一沽就反彈。結果白白錯失昨天入貨機會。 最慘今天報服性反彈, 手上的持股都你彈得dd

    回覆刪除
  16. 依2天看了偉哥同各戰友,賣出/轉倉買入...底位......
    先有番D信心冇減貨(斬倉).!.但都是在驚慌中冇加貨(現金10%)..!!!
    錯失昨天入貨機會;現賬面只蝕6%-了,(7月8號收市-最後蝕15%...5月時最高時賺30% 左右)
    下一步會轉:細價股去大型股(或偉哥股利^^)!!希望快賺番正數:!!

    回覆刪除
  17. 信報:港股全日沽空金額214.85億元,另有1391.63萬元人民幣的沽空,沽空比率10.1%,與上日比率相若。

    請問哪𥚃有沽空數據可看?

    回覆刪除
  18. 偉哥, 你好犀利, 禽日你入既股今日全大反彈. 足timing 技巧唔知你係有咩心水? 禽日3399跌到幾乎我買入個價. 但我都冇太恐懼. 禽日係4.3再入多小小. 今日回報已不俗. 真的好開心.

    回覆刪除
  19. 今日升得最勁既板塊是前陣子跌得最金既本地券商股及財技股,証明此兩類股對市場的流動性非常敏感。

    回覆刪除
    回覆
    1. 今晚歐美又升, 希望快快上返供股價啦

      刪除
  20. 恭喜偉哥和我們 3399 股東

    回覆刪除
  21. Fai stock 兄,好多謝你的寶貴意見,我會留意 10 天缐,一到會走貨,之後等再大跌入返

    回覆刪除
    回覆
    1. faistock20022015年7月9日 下午5:25
      今日大反彈之後,後市不睇好,都以即日短炒為主,大市或股只以10日線作最終反彈目標,
      不過大家要注意10日線每日都不同(急跌緊),不要睇了今日的10日線作目標(搞笑)
      可留意邊D股,以10日線作指標,彈得多個只,就算後市跌番,都以這些股作下一個浪買入對象,
      相反如大多數股都能觸10日線,而它吾得的話,後市可以放棄股只,
      大市指數後市穿底機會相當高,但個別股仔不會跟穿底,可作留意,相反大市未穿時,它已穿,可以不理了,
      ------------------------
      參考到昨日為止的10日線?有沒有理解錯,請fai hing/fai Sir 或路過的師兄指教下。謝謝

      刪除
    2. 請問在那裡能找到昨天為止的10日線呢

      刪除
    3. 可以去 etnet or aastock 看

      刪除
  22. 我問想大家記唔記得08 個次反彈完再插有冇咁多公司做回購同股東增持。

    回覆刪除
  23. dear wai gor

    謝謝3399推介,好股,穩陣,管理層冇古惑野,持貨安心

    尋日提到的308 也是令人安心的股,不過高層質素麻麻,勝在穩穩陣陣

    回覆刪除
    回覆
    1. 中型國企和公司文化有關,管理層有期限,大多數不求有功但求無過,另一方面來說,改善空間大,適當投機。無貨,今年只買過小型國企,1203,已沽。

      刪除
  24. 『阿里影業(01060)第二大股東趙薇身家蒸發了約53.5億元,是四大花旦 (趙薇、章子怡、范冰冰及柳岩) 中跌幅最驚人的一位,可謂是發了個「富貴夢」』~~~蒸發咗啫, 不是蝕「入肉」呢.

    回覆刪除
    回覆
    1. 作者已經移除這則留言。

      刪除
    2. Ciara姐, 我發現天后出現兩天話買952, 個市又真係彈返, 唔話以為係做開投行, 時間把握得咁好

      刪除
    3. 這裏好多臥虎藏龍.

      跌得太深, 不知能否最終反彈至10日線, 大市又再跌過。或許呢個跌浪冇穿250日線都可先作 indicator.

      刪除
    4. 所以呢回我只有細價股, 留現金, 無買IT股, 怕美國加息又來過.

      刪除
    5. 美國加息不是利好嗎?

      刪除
    6. 試試從市場資金流動性同充裕度分析,加息係利好利淡?

      刪除
    7. 隻涼粉電影如果明天DROP超過兩成會接下刀,執董俾人拉左

      刪除
    8. 美國加息, 即係經濟回穩, 低息又為股市帶來流動資金, 但之前長期無加息, 股市要由流動性資金轉去經濟支持, 要短時間去適應, 因此可能帶來波動, 特別係內地信心問題未必短時間解決, 香港相對易受影響, 我先覺得係利淡.

      刪除
    9. Ciara 姐,新頭像好靚呀

      刪除
    10. 大戶Chan,

      在此我比人話是人妖呀. 自出娘胎都是女生啊.

      刪除
    11. Ciara 姐,你今年幾大呀?

      刪除
    12. 天后隻2280都報復式反彈

      刪除
    13. 大戶Chan,

      我同你好熟咩, 做乜咁問喎, 你估下囉, 但股齡就大過你.

      刪除
    14. 講開涼粉電影, 自從佢留左呢個言就唔見左

      涼粉2015年7月8日 上午9:28
      罷了, IFC見, 香港很美啊~

      刪除
    15. 涼粉唔見咗? 叫住佢唔好換相喇, 唔利是吖.

      刪除
    16. (((((((( 涼粉 ))))))))))))

      刪除
    17. 有師兄提過,趙薇買的戲飛價是$1.65樓下;有師兄講過,國美等$1邊至考慮啦
      望住1060@1.5 493@1 。。。祗系望住
      結論:就算巴菲特叫我買,過唔到自己嗰關就系買唔落,冇計~

      刪除
    18. 粉兄可能 趁8號波放早 去左睇戲姐,

      刪除
    19. Ciara 姐應該芳龄27 左右

      刪除
    20. 27歲......Ciara開心死。

      刪除
    21. 涼粉兄真係去咗IFC...............食飯睇風景

      刪除
  25. 沈大師話底已見!http://tinyls.net/shum

    回覆刪除
    回覆
    1. 吓! 沈大C話底已見? 即仲未見底, 大家睇路。

      不過, 處處亡魂, 要超渡下先~~~

      刪除
    2. 個link係賣沈大師T-Shirt......

      刪除
    3. 你唔講我都唔click去睇,你一講我就入左去....... 賣tee.....xd

      刪除
  26. 2722: 鄧普頓增持6.47M股@$1.211 on 2015/07/06

    回覆刪除
    回覆
    1. 可能呢兩日仲有增持.....呢幾日不時見到1M以上的單一買盤。

      刪除
  27. 回覆
    1. 希望聽日升番D啦, 今日入了少少

      刪除
  28. 我今日晚有少少時間做功課,啱啱見到好野,應該係繼1140,1260 同8155 後既另一隻不錯選擇。

    輸錢唔好話我,而我都未有貨。
    有時間或知道是乜可以留意下''INSPUR',數字唔開啦。

    回覆刪除
    回覆
    1. Him 兄,怎樣可以知道是那隻?謝謝伱

      刪除
    2. 我都諗緊係咪真係咁簡單...

      刪除
    3. 我都諗緊係咪真係咁簡單... X2

      刪除
    4. 又多謝NG兄,睇下份嘢同其他資料先

      刪除
    5. PHONE兄何解咁睇好%(^?

      刪除
    6. 似重組中/疑似殻咋,見完全無人題過,我無買架~ 見到分享下only

      刪除
    7. 大家研究下先啦,獨立思考,留意風險,我自己依家成手垃圾,遲下先會買,不過會留意。

      刪除
    8. 有空閒我會研究一下INSPUR

      刪除
  29. 想問各位大大, 會唔會借住呢個機會調整MPF組合?

    回覆刪除
    回覆
    1. MPF 叫強姦金真係好貼切. 股市差既時候轉任何一個組合都會蝕錢的

      刪除
  30. 偉哥,請問恆輝185,要約0.3305,是否事在必行?謝謝

    回覆刪除
    回覆
    1. 詳情:http://www.hkexnews.hk/listedco/listconews/SEHK/2015/0629/LTN201506291471_C.pdf



      另外,中國人用 英文名的 Huang Yanping女士老公入埋局:
      http://www.hkexnews.hk/listedco/listconews/SEHK/2015/0706/LTN201507061512_C.pdf

      刪除
  31. 有冇師兄分析過今次大跌市原因? 睇返今日大力反彈..唔似大媽斬倉套現.

    回覆刪除
    回覆
    1. 等睇邊個大鱷在呢個跌浪cap到最多水。

      刪除
    2. 聽日好多跌停內地股復牌, 希債危機未除.

      刪除
    3. 儘管「大冧市」後多家券商為投資者「尋寶」,惟券商認為內地續有近1,500隻A股停牌,加上希臘「脫歐」危機未除,慎防「死貓彈」。

      刪除
  32. 像1998年一樣的局面,當年所有香港和外國公共媒體(除了左翼)都批評香港政府動用公款打大鱷, 破壞自由市場的原則, 預測救市注定失敗。

    最近大部分本港和外國公共媒體都一面倒唱淡A股和H股, 批評中國政府暴力干涉自由市場, 預測救市肯定失敗, 有些甚至預測救市失敗會導致共產黨政權崩潰, 不知道這種現象是否一個好的徵兆?

    看淡也好, 看好也好,贊成也好, 反對也好, 大家都繼續唱, 讓時間告訴我們最終的結果吧。

    回覆刪除
    回覆
    1. DPZ Blog

      昨天恒指跌1458點,成交2360億。上證指數跌220點,成交7002億。

      昨天恒指跌幅驚人,還是因為中資大戶需要在香港套現,而本地大鱷當然趁機會踩一腳,借著中資沽貨的勢拚命壓低股價,他們有低價入貨的機會。

      雖然中國政府出了全力來救市,但A股依然大跌,在危機時期,有時限地限止沽空,08年金融海嘯時美國就發生過,但政府出頭組織券商救市,銀行貸款給政府持有的基金出資救市,都是中國的新事物,政府過度干預市場是不對的,不僅僅是政府資金被綁,政府的信用也受損,以後政府再唱好就沒有人信了,現在A股有1500家公司自行停牌,而證監居然也都批准了,也是怪事,這會留下後遺症,到復牌的那一天,別的公司P/E都是10倍,你這家跌市中停牌的公司P/E20倍,合理嗎?最後也難逃一跌,而且因為無故停牌,下次還有人敢買你的股票嗎?

      A股投資者大罵肖鋼,他是有責任,股市已危如疊卵,他還在陸家嘴實行註冊制上市,幫助中小企發展,股市崩盤藥石亂投,不知哪二十一家券商有幾家是真聽話的?如果現在去調查,我猜他們都是陽奉陰違,祇拿出很小資金!

      A股崩盤,當然很多人血汗錢沒有了,但祇要不引發系統性風險,對整體經濟影響應該不會太大,現在也看不到內地銀行金融市場會出問題,祇是遷起股市,製造財富效應的如意算盤完全失敗了。

      我覺得港股己很接近底了,散戶入市前冷靜一下,等心水股跌定了,有反彈時再追入不遲,不要去接空中掉下的刀,有點危險。

      刪除
    2. 全世界到可能危機都會是無賴政府,但無恥的大比例停牌上市公司僅無僅有,要么市場全停。將大陸公司的賭性暴露無疑。大股東誠信和道德零蛋,可信度成疑。

      刪除
    3. 我開頭以為只是-10%跌停..... 聽聽下原來是自停....tmd!

      刪除
    4. 出招救市在非常時期唔係問題,但問題在於國內政府唔認識市場特性亂出招,無論時機定方法都唔啱,終於搞到恐慌,公司自行停牌更係非常打擊市場信心的做法,就算等市況好轉再逐少公司復牌避免大市新一輪恐慌,對以後國內股市打擊都將會相當深遠

      刪除
  33. 今天信報方卓如

    A股唔沽得,港股變咗對沖機器,惟有沽港股。但係A股市場已經扭曲咗,價錢完全反映唔到實況,用港股對沖隨時會沽過龍。

    A股國際化、市場化嘅進程會因為這次「暴力救市」而倒退幾年,有排唔使旨意入到MSCI,有排都唔係基金要追貨嘅對象。咁即係港股嘅價值又可以延長幾年,只要唔好自我A股化。

    香港最值得投資嘅係乜嘢股票?就係兩面極端,有穩定盈利增長兼保持派息嘅好股票,同長期蝕到阿媽都唔認得,大股東無心戀戰嘅渣股票。前者買嚟保本收息,後者博佢賣殼。A股隨時可以叫停IPO,香港嘅殼股唔單止唔會因股災冧價,反而會因為股災而更加硬淨。<----------呢點同偉哥既看法一樣

    回覆刪除
  34. 就是當年雪曼事件没人去救,才導致金融風暴,對與错由歷史証明

    回覆刪除
  35. 偉哥 : 請問你今天買入3838是基於什麼原因 ? 呢隻股我以前曾高位買過,最後於低位止血, 對我來說是一個慘痛的教訓!!

    回覆刪除
    回覆
    1. 以核心盈利計算,估值便宜。
      一直有不少人覺得這隻似是造假, 但我又找不出問題在哪裡。

      刪除
    2. 這隻我錯過了,今天沒有跟偉哥買,因為粗略在aastock看了看資料,連續3年盈利倒退,pe也不算低,所以……噢,原來重點是在「核心盈利」

      刪除
  36. 1019台灣首富蔡先生入主
    就董事經作出一切合理查詢後所盡悉、深知及確信:(i)安排人、蔡先生及認購人現時 均為獨立第三方;(ii)各認購人均為由獨立第三方蔡氏家族最終實益擁有之投資實體。

    回覆刪除
  37. 偉哥及各位師兄,這兩星期開始看到偉高的博客。特別高興可以認識到妳們這些高人🙏🙏。在這一次的股災中,我為自己連續的操作失誤而痛心和鬱悶,特別想和大家分享一下。今年我的盈利最高峰時達到過80+%,在股災前,我錯失了好多高位獲利的機會,總以為調整以後會再創新高,又有一些是獲利太早,後來忍不住高位追入被套。到上週末我的盈利剩下60~70%,心裡計劃著如果再跌多10%,我就清倉。結果本週一,一開市,我的盈利即只剩下百分之30%,我減持了虧損達30%+的部分股票,到週二又減持了部分虧損達40%+的股票。又做了一些換馬。至週三,我的盈利只有不到10%了,我4塊錢撈了2280,然後4.30又放了。我不知道何時是底,是不是將要開始漫漫熊市。昨天開市前我還在猶豫是不是應該在整體還沒有損失之前全部清倉,不料來了個大升,2280升了20%時,恆指有的回軟,我怕大市又跌回去便賣了9塊錢買的2280,想等再低價的位置買回來,結果它就再沒回來過了。我又在4.9買了3399,也在4.99放了。他們倆都在我放了之後一去不返😭😭。回頭再看看自己在週一週二出掉的股票,現在的價格都比我沽出的價位高呀⋯⋯按理說今天盈利回到快30%應該高興,可檢討一下自己的操作,心裡難受呀....

    回覆刪除
    回覆
    1. 撈底的操作是要撈自己有信心、熟識的股份,也要有預期撈了之後股價再跌,夠膽去守一年半載的。

      刪除
    2. 叻女,再黎過。呢兩日的低位不一定就是底,退一步,撈到相對平的價位已經交代得到。賺多賺少而已

      刪除
    3. 呢啲教訓我諗好多遇過大跌市嘅人都經歷過,能否在下次機會來臨時有更好嘅應付手法,只有靠反省和學習,鍛煉自己心態臨危不亂。

      刪除
    4. 謝謝偉哥,你是一語點醒夢中人啦。還有我每一次的即市操作都很失敗。明明看到買盤強烈,我高追進去即馬上被套。或者看到沽壓巨大,賤價賣出即升。你們是怎麼判斷買賣時機的?我看你們經常可以低買高賣⋯⋯

      刪除
    5. 買股票最忌高追賤賣,唔係有特別原因同重大理由切忌咁做

      刪除
    6. 輸貪心再輸埋恐懼,雙重打擊。有人會恐懼止損,有人會貪婪撈底,有人會似偉哥咁思覺失調,又貪心又恐懼,即換倉。現時股市都唔理性,人造熊人造牛,羸錢的通常都short short地(呢度大把高手)。
      Trade range 23000-25000。6863已升回趺浪之前位,大股東有誠意,買盤都幾好睇。

      刪除
  38. 好奇想問偉哥,為何一直沒有考慮買入1102?以昨天的股價跌至0.16,也不過是孫粗洪的入股價的1倍(0.08),表面看來值博率相當高。。。又例如2012已跌至速低於孫國平的入股價……(利申:均沒有持有)其實我最想要學習的,是選擇投機股的竅門,因為殼股都是虛無的,怎樣才能從虛無中選擇較有把握的呢?

    回覆刪除
  39. 若今日继續反彈,清走弱股,換入强股,继續修正個倉。若今日回跌,継續分段買入建倉。

    回覆刪除
  40. 偉哥同各位師兄早,點解中國澱粉業績倒退,但又買呢啲股?

    回覆刪除
  41. 恭喜偉哥!繼續努力發掘更多好股給大家分享!

    回覆刪除
  42. 恭喜偉哥!繼續努力發掘更多好股給大家分享!

    回覆刪除
  43. 如果深港通出爐會唔會大炒本地券商殼呢? 本地券商殼所剩無幾 :-D

    回覆刪除
    回覆
    1. Mr. Lee2015年7月8日 下午2:42

      952玩完了, 短時間內冇人會在依個市買殼的。 Sad but truth.

      請教一下, 點解短時間內冇人買殼仲大炒劵商殼?

      刪除
    2. 510又失敗, 根據你既講法952又失敗
      本地券商殼點會所剩無幾

      刪除
    3. 我又要問,點解唔可以買非上市券商?

      刪除
    4. 等2年,還好嗎?還好嗎?

      刪除
    5. 其實做大生意既唔會因為果幾日股市大跌就立即中止項目=.="。最多都係減慢進度,睇清楚形勢;除非大環境長期轉差,至可能會取消。

      刪除
  44. Soros到左香港, 有大龍鳳?
    scenario1, 港股由現在插落17000點, 他可執多少?
    scenario2, 港股炒上30000點以上再插落17000點, 他可執多少?

    回覆刪除
    回覆
    1. 走著瞧吧。预左昨天並非終結時。

      刪除
    2. scenario3, 索羅斯黎幫阿爺守城,慢慢升到40000點,我地可執多少?

      刪除
    3. 佢同我食緊飯, 點會係香港

      有股災,就要有大鱷好似變成定律,而有名有姓的大鱷又不多,搞到每次股災,都要搬索羅斯出來。

      周四就有傳媒指索老近日來現身香港辦公室,雖然無多講他來港原因,但大家自然聯想今次中港股災,索老是否參與沽空大撈一筆。

      不過內媒《第一財經日報》引述索羅斯發言人Michael Vachon表示,有關索羅斯到訪香港的報導為虛假消息,他一直留在長島家中。Vachon又表示,索羅斯已超過一年沒有前往香港或內地,索羅斯現在亦不參與基金日常管理。

      刪除
  45. 我個List今日有3隻盈喜股:598,2208,3399

    回覆刪除
  46. 這一次低位撈到的貨,311,385,666,1075及1185將保留多年。

    回覆刪除
  47. 我昨天放了2手3399增加現金, 以為可低D買返, T_T慘慘.

    回覆刪除
    回覆
    1. same here:( 不過仲有機會既我覺得 一黎一向3399都會上上落落 二黎A股仲有好多未復牌 要謹慎啲 仲有希臘 所以keep cash 係重要!

      刪除
    2. 有冇個大概時間佢地幾時復番牌

      刪除
  48. 3399現在是不是有支持位?

    回覆刪除
  49. 510 @0.55 沽出1注,0.41買入的。

    回覆刪除
  50. 周希儉好勁,兩日升1倍。

    回覆刪除
  51. 許留山兄,今早看到:$海通證券(06837)$ 發盈喜,預計6月止上半年純利介乎99億至102億人民幣,較上年同期增長244%至254%,主要受惠資本市場保持良好發展態勢,公司加快業務轉型和業務創新,提升股基交易量的市場份額。
    看來很快就可以回到復活節價位。我們是不是可以適當調高一點沽出價位啊——3399的盈喜趕不上,這個似乎可以有?

    回覆刪除
    回覆
    1. 前日停牌,尋日補跌,今日補升。
      dawn state 被迫沽12月$15.62接的貨,硬食25億,遲d睇下邊個接左批貨,不過15.62$ 都應該穩陣。
      希望阿爺控制到隻盲牛變慢牛啦。其實阿爺出句聲叫兩融唔好急call loan已嘩啦啦,下半年成交keep 到先可望高一線。
      沽h救a, 再由自己回購救h..... 就快人格分裂,不過 a股開始升幾板繼續拉開ah差價,h價都有防守力吧。

      刪除
  52. 聽說中資機構收到要求,要每周上報股票持倉總值。
    反映:
    1. 可加不可沽
    2. 長期作戰(冇理由報兩三次就完)
    3. 大陸4500點應是中期目標

    ****
    3399見偉哥第一次換馬時$6.1增持,當時冇錢,後來跌到$5時我才換馬(太遲了)先後加了兩注,但見走勢不佳便短賺3%走了。到$4時偉哥再加注我又挂得太低。太浪費今次偉哥係3399的波段操作。幸好今次大震盪一股3399都冇沽,繼續長期持有。

    回覆刪除
    回覆
    1. 極之同意, 好多股都換/減, 就係無減3399

      刪除
  53. 有冇兄弟用耀才?
    耀才落盤真係得啖笑,慢到死,仲打廣告話落盤快。
    年頭貪佢孖展息平,慢慢轉過去,依家有啲後悔,又要轉返去致富了

    回覆刪除
    回覆
    1. 師兄,我今日都覺得耀才好慢,追左好幾次價,搞到買唔到貨

      刪除
    2. 耀才呢幾日都好慢, 唔穩定。

      刪除
  54. 食前天增持的806,3399。
    都幾禾味 :)

    回覆刪除
    回覆
    1. 前幾日都撈咗唔少貨,當中包括3399同806,今日都沽咗了

      刪除
    2. 大家記得小心行事,VIX比前日仲要高咗,已經到19.97

      刪除
  55. 4.4撈左隻3399 今日趁好走貨 學偉哥話齋 只要你熟隻股票根本唔洗怕

    回覆刪除
  56. 已經沽左這兩日入的貨,等大市調整再入

    回覆刪除
  57. 最終反彈至10日線? 看看8207, 一柱擎天

    回覆刪除
  58. 參照 Fai stock 兄提過既作操技巧, 沽了自已定既短抄股336@4.05 3.2入, 之前坐左既就照坐, 增加現金. 唔再只入無出, 有機會都無錢入有時仲慘.

    回覆刪除
  59. 謝謝偉哥,Fai stock 兄,Ciara 姐同各位師兄

    回覆刪除
  60. 3399,@5.6 & 4.11 買的兩注,今朝沽出食左先。

    回覆刪除

注意:只有此網誌的成員可以留言。