置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年7月16日 星期四

反彈完成?



今天恒指雖然只是微跌65點,但下跌的股份超過1300隻,而且部份跌幅也不小,和7月初的情況有些類似,是否又是托指數股沽貨?還是我們杞人憂天,今日的調整只是近日升幅過鉅後的調整而已?

我沒有水晶球,不得而知,反正就是做好兩手準備,現金少的應該要稍為提升現金比重;現金充足的話,不妨等候如有機會再次出現大跌時撈平貨。我個人看法是即使再有較大幅度下跌,股價也不會再低於上星期的低位。

今日除了早市買入橙天嘉禾(01132)之外,還於尾市買入長城汽車(02333)@29.8及德祥企業(00372)@0.87。

買入橙天嘉禾的主因是大股東近日頻頻增持之餘,又授出大量認股權予管理層等人士,似乎將會有動作。至於長城汽車,自復牌後悉數沽清持股後,只是開了即月30P的短倉 (SHORT);今日尾市見價位相對吸引及極為超賣,隨時會出現反彈,故重新買入1/3的倉位博反彈。

重新買入德祥企業是基於大股東陳國強之前以0.73大手增持股權至超過50%後,又派發高息,再加上近日陳生頗為活躍,似乎是不甘寂寞,故此重新投機性買入此股,看看陳生是否有後著。

241 則留言:

  1. 最近股市風高浪急,要賺快錢也不容易,奉勸網友們不要過份進取......財不入急門。

    回覆刪除
    回覆
    1. 偉哥,你好。新人第一個留言報到。

      刪除
  2. 各位對香港電視有冇期望?

    回覆刪除
  3. 2015年7月16日 星期四

    大手沽細價股 莊舜而套逾8億

    http://news.mingpao.com/pns/%E5%A4%A7%E6%89%8B%E6%B2%BD%E7%B4%B0%E5%83%B9%E8%82%A1%20%E8%8E%8A%E8%88%9C%E8%80%8C%E5%A5%97%E9%80%BE8%E5%84%84/web_tc/article/20150716/s00004/1436982211310

    【明報專訊】著名細價股投資者莊舜而近日大手沽貨,據港交所(0388)資料顯示,便於周一(13日)大手沽出旗下細價股中國網絡資本(0383)及亞太資源(1104)股份,合共套現逾8億元。
    ......

    明報是非常低水準的報紙, 無論是經濟或政治方面, 它經常亂講作誤導性的報導, 其實:

    1. "沽20億股中國網絡資本"
    她向四名承授人授出認購期權(「認購期權」)。認購期權於二零一五年七月十三日起12個月內可予行使。認購期權股份合共佔本公司全部已發行股本約19.0%。
    http://www.hkexnews.hk/listedco/listconews/SEHK/2015/0714/LTN20150714222_C.pdf

    2. "沽23.04億股亞太資源的股份"
    她未能低位成功包銷供股, 無法以供股價0.1元增持23.04億股亞太資源的股份。
    http://www.hkexnews.hk/listedco/listconews/SEHK/2015/0710/LTN20150710478_C.pdf

    何來"合共套現逾8億元?"。

    回覆刪除
    回覆
    1. 暈,d記者真係唔識亂咁講

      刪除
    2. 香港D記者,絕大部分是垃圾!

      刪除
    3. 沽383都算,話沽1104真係令人懷疑明報記者的思考能力有冇達到正常水準

      刪除
  4. 希臘國會表決通過緊縮措施方案

    回覆刪除
  5. 早晨咁多位師兄!!想問問大家點睇隻3823,今日公報將會一拆四,而且近年走勢亦幾靚

    回覆刪除
    回覆
    1. 拆細對呢類向上炒的股票而言一般都係為咗方便散貨,剩低自己諗諗啦

      刪除
  6. 今日如果指數吾大郁而股仔繼續插就危險, 希望吾好再好似七月咁

    回覆刪除
    回覆
    1. 係呀!我都擔心緊,
      但手上只剩下幾隻有消息跟尾的卷商,
      又唔捨得沽,又擔心,
      好茅盾

      刪除
    2. 兩手準備,係IFC 食餐勁,或者係IFC頂樓見。


      1140 今早11點開會,賭徒們可以STAND BY。

      刪除
    3. 電話兄同副隊長對188有咩睇法?
      0.35配股又竟然有人肯收,
      但之後又跌返去0.26,仲不時見人大手沽貨,
      有無咁著數俾我地大平買?
      但人家又真係0.35買喎,
      壓價收貨?定另有陰謀?

      刪除
    4. 可能又係左手交右手,依目前的訊息判斷應該唔會係散貨

      刪除
    5. 畢竟兩次配股都有溢價,188的大股東應該唔會玩配股人頭再用垃圾套錢的財技

      刪除
    6. 不過走勢真係好弱,唔知係唔係又想震倉,好似上次咁,情報太少唔能夠肯定

      刪除
    7. 188 等運到,低些少我會溝,純短炒心理好難同卷商大佬決鬥。 952肯定好些少

      刪除
    8. phone 兄 你188平均買入價係幾多?thx

      刪除
    9. 沽左D 1140, 減輕心理壓力先....

      刪除
    10. .35 暫時952 同其他兩隻值博d. 哥d沽左先會溝。

      刪除
    11. 投票贊成既話,以倍計。

      刪除
    12. 投票成功即是成功賣盤 :D

      刪除
    13. 但而家市况比4月差左好多,
      就算952成功都好難升到一倍,
      何況1140新買家係何方神聖都未知,
      除非係馬生啫

      刪除
    14. 都係架,不過隻野好乾,要推上去好易。上次推兩日就2.8, 然後前大股東沽貨。

      大股東應該仲有貨,投票成功推埋上去就沽晒走人。
      劇本應該係咁

      刪除
    15. 會幾時知道結果呢 係咪等中午收市有冇停牌出公告?

      刪除
    16. 好,電話兄,就跟你個劇本行啦!

      刪除
    17. 唯有咁諗。未到最後really dunno :(

      刪除
  7. 現在會入貨,因為股值仍然吸引

    回覆刪除
  8. 希臘國會通過緊縮改革方案

    希臘國會表決通過多項緊縮改革方案,讓政府繼續與債權人磋商提供新一筆860億歐元援助的細節。

    國會在當地星期四凌晨投票表決,雖然總理齊普拉斯領導的執政左翼聯盟內部分裂,前財長瓦魯法基斯、能源部長及國會女議長都投反對票,但在親歐洲及反對派支持下,方案以229票贊成、64票反對、6票獲得通過。

    齊普拉斯重申,他雖然不同意協議的內容,但別無選擇。

    回覆刪除
  9. 偉哥你好,小弟是新手,4月開始做CD-ROM,好多謝提供了這個平台讓大家交流,現想請教:
    假如2333 繼續跌,你開的30P就會被人行使對不對?有冇方法可以主動出擊止蝕?
    另外,當初你決定以約$1權金開30P是否意味,你認為2333跌穿$29的可能不大?

    謝謝!

    回覆刪除
    回覆
    1. 主動出擊止蝕就係把short 30P平倉

      刪除
    2. 偉哥 應該係覺得30以下反彈機會好高, 所以接貨都無所謂, 前題當然係你已準備好資金接貨。
      跌唔穿又可以賺期權金。

      刪除
  10. 買定花生等明天國家隊夾淡倉!

    回覆刪除
  11. 608難得一見的大賣盤, 五百萬股@2.9元!

    林老闆有興趣嗎?

    回覆刪除
  12. 雪球有人講……… 星美和嘉禾要效仿优酷土豆,传出合并消息,有知道的吗?

    回覆刪除
  13. 回覆
    1. 孟兄唔係真係沽左就直線上升咁慘啊?

      刪除
    2. 孟兄,股票真是要用閒$玩,吾好有太大壓力,切記吾好望炒股癸達

      刪除
    3. 孟德兄, 建議你冷靜下, 分分鐘一入又跌, 左一巴右一巴呀!

      刪除
    4. 如果今早跟足偉哥買現貨+SP@30,已見約10%盈利

      刪除
    5. 真係慘,股票抽完水人又被抽水!

      刪除
    6. 衰D咁講,之前有唔少人認真勸佢唔好咁去用D等洗錢黎賭,佢又冇聽,難怪俾人抽水的。

      刪除
    7. 呢度d人已經好有口德,如果喺香討或高登。。

      刪除
    8. 一定畀人抽水抽到升仙...........

      刪除
  14. 偉哥想請教"長城汽車, 今日尾市見價位相對吸引及極為超賣,隨時會出現反彈"的判定是否根據 昨天價跌量縮,還是靠你的經驗?謝謝

    回覆刪除
  15. DPZ Blog:

    中國發表了第二季度經濟數據,GDP增長7%,比市場預期的6.8%為好。統計局還表示今年下半年形勢會比上半年好。中國經濟慢慢轉型,本地消費早幾年每年增長15%左右,最近兩年放慢了一些,仍達10%,本地消費佔總GDP比重不斷上升,也是成功的,現在要發展服務性產業,網絡+產業,也是速度很快。有人擔心政府負債大,統計局的發言人說中國政府資產龐大,不必擔心。事實上中國政府大概是全球最富的政府,退一步說,如果政府欠的是人民幣債,更是不必擔心,央行可以印鈔。

    港股成交一天比一天少,大陸資本在香港沽貨大概也差不多了,走了很多活躍資金,港股成交是可能減少的,不過一雞死,一雞鳴,大陸又會有新資本流在香港的,可能需要有一點時間。

    回覆刪除
  16. 超長線投資睇法 以年計不如睇下圖:

    以年為單位, 宏觀d睇,2003到依家,整體香港大市都係45°向上,08年可以視為一次超大調整。

    睇法一樣, 但係高登仔只睇一兩日至一頭半個月嘅走勢, 冇人會理你!!


    http://forum8.hkgolden.com/view.aspx?type=FN&message=5946754

    回覆刪除
  17. 今早在黑門市場食早餐時,上來望望,又見2333跌穿29,即於29.5追入。

    回覆刪除
    回覆
    1. 我都坐緊....但我認為呢隻野無理由跌咁多...

      刪除
  18. 內地仍在努力救市,月初宣佈煞停IPO,申購中的新股亦需即時全部退款,相信市況未回穩前,亦不會輕言批准任何公司進行大規模的配股抽水計劃,以免影響投資者信心,此舉打亂不少公司的融資大計,本港股票市場的集資優勢未來將會更突出,地位短期內無可取替。


    對上一次殼股潮興起,觸發點是2012年底內地暫停新股救市,隨後多間內房企業選擇南下借殼上市,令殼價反覆上升。


    現在歷史重演,借殼上市的需求有增無減,殼股由「奢侈品」變成「必需品」,這次股災頓變成殼股投資者的福音。

    蘋果日報 16/7/15

    回覆刪除
  19. 大跌大升再小幅下跌後回到窄幅徘徊是好事

    回覆刪除
  20. (綜合報道)(星島日報報道)政府推出的第5批通脹掛鈎債券iBond擬於下周二開售,並於今日公布銷售詳情。市場普遍預期新一批iBond的回報率約3厘,部分人認為,近期股市波動有利iBond的銷情;但亦有人認為,不論股市表現如何,iBond定有捧場客,多數料今年認購反應與去年相若。
    政府今年再發行最多100億元iBond。據指,今批iBond擬於下周二(21日)開始供散戶認購。
      對於是次iBond的認購反應,上海商業銀行產品拓展署總監陳志偉表示,參考過去情況,今批iBond的回報應達3厘或以上,而現時港元存款息率低企、人民幣中長定期存息已由高位回落至不足3厘,加上人民幣升值預期不復存在,故認為不論股市表現如何,iBond仍深受保守投資者歡迎,預期今年的認購反應與去年相若,甚或稍佳,認購人數或達50萬人,又看好iBond首日的價格可達105元。
      輝立證券企業融資副經理陳英傑料,今年iBond認購反應不俗,因有批固定投資者,加上近期股市較波動,對追求穩定回報的投資者具一定吸引力。他估計每人可抽到1至2手iBond,而iBond首日二手市場價將介乎104至105元。
      上商再推十免優惠
      天行聯合證券聯席董事李偉傑相信,第5批iBond認購反應和往年相若,每人抽到2至3手,首日孖展客會積極沽貨,二手市場價首日徘徊在103元附近。
      上商今年會再推十免iBond認購優惠,即免認購費、存倉費、贖回費、轉倉費等等。恒生(011)則推六免認購優惠。券商方面,輝立證券提供十成孖展,免按金、孖展利率、託管費和贖回費,如認購3手免手續費,惟成功獲配iBond須付0.15%佣金

    回覆刪除
  21. 今早增持了1132@0.56。

    另外減持了一半6128@平均價1.68。

    2333早上跌到近29元時沽了即月29p, 並在升穿30元後沽出30c, 手上昨日收市前買入的正股做cover.

    在外,用手機留言很費時,晚上有時間再寫多些。

    回覆刪除
    回覆
    1. 6128 1.7減哂之後停牌,會唔會有好消息

      刪除
    2. 岩岩配完股,再急升停牌。 點睇都似好消息。 希望俾呢隻沖下喜。

      刪除
    3. 我都感覺係好消息,今次走寶了

      刪除
  22. 今日大市好靜局...................

    回覆刪除
    回覆
    1. cyI兄,覺得524短期還有得炒麼?

      刪除
    2. 短期唔知,
      反彈己偏高.
      中線一定未玩完.

      刪除
    3. 謝謝oman. 主要系吾熟悉楊生的玩法

      刪除
    4. 短期難講,好受大市影響,中期就正如偉哥所講好容易炒上去,將來炒上去係幾乎肯定的事

      刪除
    5. haha 換而言之 要考慮自己的坐貨能力與時間值。arigato~

      刪除
    6. 524下午唔覺唔覺爬了上來,
      的沽家唔見佐咁,
      $.93沽埋一手,
      暫淨返個"種".

      刪除
    7. 尾市後抽?明天高開卦,但是又會跌得好快

      刪除
  23. 回覆
    1. 0.265又入番188,阿爺說好了的挾淡倉呢?

      刪除
    2. 931夠膽復牌,566夠膽交出母企賬。

      刪除
  24. 港股方面期指未平倉合約繼續縮,
    現在只是月中已跌至95000張偏低水平,
    大市成交都似乎同步下跌,
    這點是令人擔心.

    回覆刪除
    回覆
    1. 個個都等阿爺出招,阿爺唔帶頭唔敢入市。

      刪除
    2. 阿爺仲出招?
      依加參與太多搞到咁仲唔夠死.!

      刪除
    3. 而家主要係等阿爺發動攻勢,之前愈出招愈跌應該有唔少內幕

      刪除
    4. 乜佢唔係已經發動了攻勢?

      刪除
    5. 之前只係第一輪,國內有唔少分析,有興趣可以研究下

      刪除
    6. 進擊的阿爺,說好了的混改加市場化呢?

      刪除
    7. 市場化應該會推遲,我有怕深港通受影響。 南北車合併之後出現飛天大媽,應該有少少影響到混改。

      刪除
    8. 甚麼混改,市場化,入摩指,人幣國際化,金改,大改細改...等等, 全部企埋一便,大敵當前,攪不好會改朝換代, 中國從此喺世界舞台消失. 此次許勝不許敗也!

      刪除
  25. 好多老散係高位被縛,仲邊有錢入市買貨?成交唔縮才怪。

    回覆刪除
  26. 2212而家好肯定莊家收緊貨.............

    回覆刪除
    回覆
    1. 頭先突然間有好多大買盤掃貨愈掃愈高,都唔知仲有冇機會跌低

      刪除
    2. 收貨不應是壓價麼

      刪除
    3. 佢的貨已經好乾,而且之前的價格有潛在殼股的價值,所以要再收乾只能開始向上收,而且佢真想成妖的話,升幅都怕太古怪,所以首先炒上d,將價格托高,之後的日子再升,升幅的%先唔會太離譜

      刪除
    4. 而家只希望佢想盡量壓低收貨成本,令價格有機會去番相對較低的位置,唔好出價太進取,我仲未收夠貨

      刪除
    5. 副隊長! all greek to me!!
      會留意住 C9都想坐順風車~

      刪除
    6. 會睇幾多呢??剛入博埋這次

      刪除
    7. 一入就跌兩格,WTF!!!

      刪除
    8. 今次就唔再分享操作,驚有無形壓力,呢類股情況瞬息萬變,反應、走位都要好靈活,對玩的人要求比較高,所以之前講呢類股都不斷提醒風險,而且建議只玩小注,我自己就會視乎妖股的個別性質情況決定金額,但如果對妖股唔熟就應該小注試試先,唔好一黎就買多多,唔係分分鐘蝕到七彩

      刪除
    9. 孟德你........你入咗幾多= =???

      刪除
    10. 我見佢破了52周高,之後直上無頂

      刪除
    11. 你如果入得多,就速速掛個高d的價沽,當炒波幅算數,唔係你大蝕我唔負責

      刪除
    12. 掛高d沽啦,你都唔熟妖股,兼唔係用閒錢,仲要買咁多?

      刪除
    13. 剛破頂唔係無crab貨了?

      刪除
    14. 孟德兄好進取,希望你成事之後可收手

      刪除
    15. 呢類股一升跌得勁就講緊幾十格,我一日倉位跌七位數字都冇感覺,但你..............

      刪除
    16. 我再唔賺返都係有問題,我睇你好久了,信得過

      刪除
    17. 我一夠數就走,希望多幾万

      刪除
    18. 嚇死CYL兄… 哈哈哈

      刪除
    19. 理論上係,但莊家可以突然唔向上/掛低d收貨等散戶忍唔住止賺沽畀佢,而且萬一莊家有咩事突然拆棚你點算?

      刪除
    20. 升兩格了!!!!升兩格了

      刪除
    21. 拆棚是什麼?唔炒上?

      刪除
    22. 副隊長今天成為了司馬懿

      刪除
    23. 最起碼我覺得你可以先偏高位沽,等跌低d再買

      刪除
    24. CYL 大哥, 有D乜股小蝕你會負責, 請告知小第, 感激..

      刪除
    25. 好的,但大市升中!!!好事

      刪除
    26. 副隊長乍乍淋搵隻2323黎報答股友仔的信任!

      刪除
    27. 拆棚就係指散貨,雖然呢隻應該點都唔會咁快,但難保有個萬一,總之你掛高少少沽先啦,之後再低買都唔遲,你買太多啦

      刪除
    28. J Jam,表達方式啫,其實所有賺蝕當然閣下自負,我又唔關事嘅

      刪除
    29. 唔知,但有"調整"都唔出奇

      刪除
    30. 今次俾你賺到,如果唔收手,
      你咁玩法多多都唔夠你.....
      你有D似以前的我,
      進攻,PK,再進攻,再PK,
      無限 loop

      刪除
    31. 我見破52周跌返才買

      刪除
    32. 呢到溫情洋溢, 大家都希望呢到D兄弟姊妹可以搵到兩餐...唔希望大家輸....

      涼粉在那裡?

      刪除
    33. 2323係因為傾賣盤,而家殼價高,之前估值太低,唔算妖股

      刪除
    34. 站得太久 分岔口怎麼去走
      我夠膽孤注一擲 完全沒有顫抖..

      刪除
    35. 曹操的野心果真不少
      我今朝1.43買入的貨.. 掛1.53 一下子抽升就賣了
      1.61再入多轉 1.7放左

      宜家都係望下 回D先再入

      刪除
    36. 其實我之前都係買破52周股賺到錢

      刪除
    37. 慘了 C9好似比孟得兄仲緊張。
      相信你聽吾落大家得勸告。Good luck~

      刪除
    38. 这種股破52周後跌少少牛豆下就會大升

      刪除
    39. 孟德你要有極速升跌幾十格的心理準備,玩呢類股買得多,心理素質要金剛不壞

      刪除
    40. 52周無蟹貨就會升,咁應該隻隻都變直升機。有買貴無買錯,衝爆佢。升上外太空,超越太陽系。

      刪除
    41. 好的,高少少放一半

      刪除
    42. 2212選今天大市不穩上52周高,可看高幾線

      刪除
    43. 我以前都好進取,玩窩輪多過正股,
      結果屋企從來都唔需要買牆纸,
      大把儲備喺手,用極都有,
      打工好似為左買牆紙咁,
      而家人大左,經驗多左(輸錢經驗),
      都唔敢玩輪了

      刪除
    44. 睇情況,唔排除炒波幅,但一定留d貨博成妖或賣盤

      刪除
    45. 之前我1480都係咁博番黎,雖然係炒到$102當日沽,可恨留貨唔多

      刪除
    46. 信徒兄,想起C9完全吾識窩輪都夠膽死跟人買買買 結果 科網股。。。
      家陣見D人買動物仲瘋狂~

      刪除
    47. 之前周顯搞到好多蟹貨,不過今日都返哂家鄉,你睇下d買賣盤,莊家咁收貨法,佢地肯高價收貨絕對有原因,周唔周顯唔理佢,最重要係莊家想點玩

      刪除
    48. 孟德,有些股是會利用假突破引散戶,實則虛之,虛則實之,其實局外人真係乜都唔知,所以要注意風險。

      刪除
    49. 之前我玩1480都有係blog呢度講,有興趣可以翻查睇下

      刪除
    50. 我有餘錢實跟你玩....

      但呢D心臟負荷超大既股,暫時未係時候跟

      刪除
    51. 都唔排除聽日用左手交右手,或者其他方法玩震倉,局外人所能知道所能猜測的有限,有好多變數難以完全掌握,所以要做好風險管理

      刪除
    52. 玩妖股最穩陣的玩法係分散投資,孟德今日竟然唔識妖股玩一注獨贏,聽日真係福禍難料

      刪除
    53. 曹操竟然放棄長城,把所有兵力押在高鵬礦業,只能寄望風不是向你那邊吹,否則重演赤壁之戰... ...

      刪除
  27. 十個牛皮九個..........
    去陽光與海灘

    回覆刪除
  28. 952 咁樣反而仲安樂因為最近實在太多春江蟹事件

    回覆刪除
    回覆
    1. 吾安樂吖我。今日想走D 但是個價。。。

      刪除
    2. CY 兄,點睇952?記得好似係你第一大倉。我覺得應該會繼續延期。

      刪除
    3. 始終係好唔想減持,睇埋聽日點

      刪除
    4. 好舒服, 聽日中午前會有理無理升一升。

      刪除
    5. 就算延期朝早都會升,如果唔係點出貨。

      刪除
  29. 【沽空931】百分之一機會率都中!
    中國天然氣未復牌

    昨日遭沽空機構Glaucus發報告狙擊的中國天然氣(931),其主席簡志堅昨日向本報表示,公司股份99%於今日復牌。豈料,至今日中午收市,不但未見公司復牌通告,亦未刊發澄清通告。

    蘋果標題好好笑。

    回覆刪除
  30. 1132 .56尾市有個10M 大買盤,沒有需要吧!

    回覆刪除
  31. 1140早上開會,而家都未有消息既?
    下午時段連鴨仔/蟹仔都無隻就更奇怪

    回覆刪除
    回覆
    1. 如果有乜問題,應該已急跌。

      睇下今晚hkexnews 應該有無~

      刪除
    2. 雖然唔跌,但係又唔升喎= =
      莫非保密工夫做得咁好唔畀春江鴨/蟹知?

      刪除
    3. 可能真係保密得好好,到依家都唔知配俾誰。
      哥一億股非自動對盤去左邊,今晚CSSASS 都可能略知一二。

      刪除
    4. 佢應該都考慮埋CCASS呢點,等到CCASS出時應該已出咗通告

      刪除
    5. 10/7 CCSSS
      中信証券經紀(香港)有限公司 8.17% 76,928,000

      15/7 CCASS
      阿仕特朗資本管理有限公司 7.79% 73,340,000
      中信証券經紀(香港)有限公司 0.37% 3,548,000

      刪除
  32. Cy兄,請問依兩日1175舞高弄低有咩啓示嗎?

    回覆刪除
    回覆
    1. 好奇怪,都係突然大成交買上,真係唔知搞咩,可能要偉哥問下佢d朋友先知

      刪除
    2. 有可能係舊主新主通過市場轉讓股權導致的情況

      刪除

注意:只有此網誌的成員可以留言。