置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年2月1日 星期日

沖繩 。那霸遊記


謝謝網友浩然撰寫的沖繩遊記,而且不只是一篇,還有下篇的;看完大家可能都會遊興大發,恨不得快些安排一個沖繩之旅。

----------------------------------------------------------------------------------------------------------------------

沖繩。那霸遊記

沖繩是日本人的『南方小島』,椰林樹影,水清沙幼,是夏天的渡假聖地。

沖繩縣包括島嶼甚多,其首府在沖繩本島的那霸市。


我會怎樣形容沖繩呢?沖繩有點似台南。她有比墾丁更美的海灘,但那霸市內,還能找到台南市的樸素,兩三層木造的房屋;國際通,新都心有商場,有點似比較城市化的高雄。雖然有美軍基地在沖繩,但你不會見到美軍到處走,或者當地居民會和你說英語......要找美國文化,看美軍軍用品古董,食熱狗,要去中部北谷美國村。

沖繩是一個文化的大熔爐。這個掛日本國旗的地方,其實歷史上與中國的關係遠比日本長遠。就算位處南方,海產豐富,魚生也不是其主要食物,其烹調方法深受中國影響。誠然,在十七世紀日本殖民之前,沖繩王國一直和中國有邦交,這海上貿易王國的商隊,曾航至中國,日本,甚至東南亞的菲律賓和印尼。當大家遊覽那霸及首里城時,不妨留意一下周遭建設,很有中日fusion的味道。

首里金城町

遊覽沖繩的最佳時間當然是夏天,可以玩水玩沙灘。不過,小心八月開始,是沖繩的風季,而小弟就有“幸”在其中一次遊覽時遇上颱風,島上十萬戶停電,也包括我們住的民宿...我們還唔知死在九號風球過後駕車周圍搵嘢玩,感受到開住60公里被風吹到橫向飄移...呢啲真係一世人一次。

如果唔想咁驚險,甚至要冒打風無機去/返香港,但又想玩水,我建議5﹣7月是適合的時間。如果想避開旺季,也不打算落水,秋冬也很理想 ,一月中至二月中,可以在沖繩賞櫻(但似乎地點都不在那霸,但我不確定那霸或首里沒有,有與趣的朋友宜再找找資料)。

交通方面,如留在那霸市內可以坐light rail。去那霸以外的城市,可以坐巴士,不過班次不密。聽說有些那霸市外一日遊的巴士團,可以去各位景點(美國村,萬座毛,海洋博公園)。

以下簡列出一些那霸,首里市內的景點。

新都心
DFS Gallaria, Naha Main Place, - 就知道是免稅點,購物血拼的地方,
Naha main place可看這個﹣http://hantianblog.com/archives/1678

交通:坐light rail去 おもろまち(Omoromachi)站

國際通
那霸市內主要購物,食肆地點。以地鋪為主,以小商店為主。
size比大坂心齋橋小,以一條國際通為主道(light rail 縣廳前站至牧志站),兩邊小街向左右伸延。



在網上可以找到很多國際通和附近街道的商店。
以下我highlight一啲我試過而且覺得是值得去的食肆/遊覽地點。

1. 花笠食堂
一個很有平民風味的食店,可以品嚐一下平民化的沖繩小菜。要試一下地道的豆腐炒苦瓜,沖繩拉麵(Soba)。茶很好喝!而且是有商品化包裝的,在7﹣11可以買得到。


沖繩拉麵(Soba)和花笠食堂的茶
(相片來源:http://tinyurl.com/mk48e2g

2. Bambohe
平靚正的日式燒肉放題


3. 牧志市場
有點似去香港仔街市食海鮮咁,首先在街市揀了海鮮,然後上一層有熟食檔烹調....當然也可以揀做魚生。相比香港,價錢是很實惠的,也很豐儉由人。


4. Antoshimo
外脆內軟的炸包!

https://blogger.googleusercontent.com/img/b/R29vZ2xl/AVvXsEgsQRdfE4WH7rvzkQ8oIPQv6akAvNXMGdPovqDhvcwyoMdwBFqHz0uZA00_z0JGqZvXdioNOhJiPtkpH_YuNcBqGoZAvSGUx2AYVH8IBWZqq9pmrNSEaO8_bXujg8HSYpVkkMq1Wfdcbxo/s640/%E5%8F%AA%E5%8D%96%E4%BA%94%E7%A7%8D%E6%A0%87%E5%87%86%E5%8F%A3%E5%91%B3%E7%9A%84%E9%9D%A2%E5%8C%85,+%E6%8D%AE%E8%AF%B4%E5%81%B6%E5%B0%94%E4%BC%9A%E6%9C%89%E7%89%B9%E5%88%AB%E9%99%90%E5%AE%9A%E6%80%A7%E5%8F%A3%E5%91%B3%E6%8E%A8%E5%87%BA.jpg


5. 浮島通
一個有很多藝術品,時裝小店的地方


6. 可留意一下街角處有不少居酒屋


這篇主要是那霸市內的一些遊歷景點,靠步行和light rail可以達到,
適合以short trip為主留,或不欲自駕遊的朋友。

下篇會談及一些那霸市外的景點,可以坐巴士到達,不過班次會比較疏。

162 則留言:

  1. 再次感謝浩然圖文並茂的沖繩遊記,下年要安排時間一遊沖繩。

    回覆刪除
    回覆
    1. 謝謝偉哥連載!不用客氣,很高興可以與你和眾網友分享。
      下次會分享首里城以及那霸以外的景點:)

      刪除
    2. 哈哈,偉哥呢度果然高手如雲,連寫旅行遊記都咁精彩,佩服,佩服。

      刪除
    3. 如有時閒及興趣, 可到沖繩美麗海水族館 看看. 世界上第二大的亞克力玻璃面板22.5米X8.2米的 "黑潮之海".

      刪除
    4. 海洋公園那個差勁得很......

      刪除
    5. 哈哈,capmo介紹到,有機會一定要去看看。

      刪除
    6. 有3條巨鯨鯊, 魚種比香港多.
      不過最緊要小朋友有興趣才好,同最緊要帶 Wide angle 才好!
      附近有海灘!

      http://i273.photobucket.com/albums/jj203/capmo_album/IMG_1985_1_800.jpg

      刪除
    7. 有無師兄去過AIA個冬日嘉年華?
      有的話可否分享一下

      刪除
    8. 你右邊廣告即出:冲繩守禮「石垣牛」「Agu」豬店

      冲繩守禮「石垣牛」「Agu」豬店

      可點唱 :

      https://www.youtube.com/watch?v=hB_MEBpAyOA

      刪除
    9. 那和牛廣告,昨晚已不斷出現。

      刪除
  2. 回覆
    1. 唔好流口水啦,付諸實行,快些安排時間去嘆下世界。

      刪除
  3. 190, 1403有無得炒下
    0.25保底

    回覆刪除
    回覆
    1. 有保底,如果諗唔到買乜,都可以買入等運到,最多輸時間值。

      刪除
  4. 我上年6月都去左8天自駕遊,國際通是最尾一站買手信,有幾间居酒屋有live沖繩音樂聽,不過只唱左3首,但很有氣氛的,我去那间叫'海音'. 午餐是去牧志第一市場食海鮮,賣海鮮有幾檔是說國語的,好似香港咁,買完上樓上吃.

    回覆刪除
  5. 偉哥,有需要可sent行程表比你参考.

    回覆刪除
    回覆
    1. 有就當然要啦,謝謝。

      刪除
    2. 偉哥,巳sent了我的行程比你,你有小朋友,去blue cave浮潛同睇whale shark就唔好,但元氣村值得去,一家人可同海豚玩.其他我都等浩然兄介紹了,可借機會回味下.

      刪除
    3. 在冲繩要做好防灑啊,最好著薄的長袖衫同帶帽

      刪除
    4. 已到了,很詳細,謝謝。

      刪除
  6. 懂得賺錢也要懂得享受,這才是生活啊。真感謝你們的分享。不過話時話有無網友趁yen貶值去日本掃勞力士?聽說比香港有25%off?

    回覆刪除
    回覆
    1. 掃威士忌就有.表有一隻就算了.

      刪除
    2. 剛剛回來,表就無買因為唔識貨但太太就買咗個coach手袋半價再七折,佢話除此之外計埋匯價再減再除稅咪更平喎。對比我之前去北海道時十蚊兌換率就真係超抵,昨晚在一家名叫壺川串燒居酒屋食飯張單睇落以為一萬七千幾¥,o.k畀錢啦,點知原來係七千幾¥。剛在香港食完差不多食品兩壺清酒埋單千幾蚊港幣,現在飲咗五壺清酒差不多食材竟然平價到難以置信在日本可以如此消費。

      刪除
    3. 上個月去東京幫朋友買隻女裝, 行貨價68折, 仲要係888 港行

      刪除
    4. 受惠日元貶值,聽落好多野都好抵。

      刪除
    5. 日本野真係好平 我岩岩去完大阪返黎
      唔好比較貴個d 零食如百力滋換番港幣都係5,6蚊左右 根本童年價
      家電偉哥我推薦買水波爐 1/3價錢 不過好重

      刪除
    6. 抬家電就肯定不會了,我們兩夫婦要拖3個細的,好難兼顧太多行李。

      刪除
    7. 剛剛去完日本回來, 行左不同地區的 4-5 個 rolex counter, 大熱既款都無, 空手而回! 如果買到就真係好抵

      刪除
    8. 普通款的ROLEX似乎沒有升值能力,不知有沒有保值能力?

      我自用就一個已足夠。

      刪除
    9. 以前對日本的印象就是貴, 但想不到而家好多野仲平過香港, 之前系大阪吃個牛肉飯先280円...身邊好多朋友仲諗緊買日本的物業

      刪除
    10. 買日本樓的確唔錯,回報率都幾高

      不過最大風險係地震

      刪除
  7. 很多謝筆主的圖文分享,能夠放假享受人生真一樂事。

    回覆刪除
  8. 回覆
    1. 似乎最終都係想賣盤,所以一直在清理資產。

      刪除
    2. 今日有不尋常沽盤@0.27,真的想沽貨,還是壓價?

      話口未完,那大沽盤被掃了大半。

      刪除
    3. 不斷有大手買賣,今日似乎有人趁消息大手沽貨離場,但接貨的人想炒上?

      刪除
    4. 感似乎想炒上,,HAHA,,,
      我156成手蟹貨..不過息高..守下都唔錯..

      刪除
  9. 谢浩然兄旅遊指南!

    回覆刪除
  10. 8310升到咁,邊有人接受要約?

    回覆刪除
    回覆
    1. 近排幾隻全購股都冇套利機會。

      刪除
    2. 無計啦。

      8310這次賣殼幾特別,交易後大股東(市政府)不變,論持股量大股東交易後還少了。不過可能投資者憧憬注資,但我當然不會去博。

      刪除
  11. 1988 & 579

    買中這些中資股真係喊都無謂!

    回覆刪除
    回覆
    1. 哈哈,點都好過福建股的。

      現在國內打貪,逐個板塊輪流中招,而家火頭似乎燒到金融股。

      刪除
  12. 336現價計有成五厘幾息

    回覆刪除
  13. 1225似乎僑豐今早出埋貨尾,已經冇貨沽。

    回覆刪除
    回覆
    1. 唔知今日1225守唔守得住0.53呢?

      直覺覺得如果佢穿0.50,會令很多人止蝕。

      刪除
    2. 不知,不過很巧合地僑豐的沽盤消失,然後上星期0.52的2M多買盤也消失了。

      刪除
    3. 或者買盤和賣盤都係莊家的人,左手交右手,維持秩序吧!

      刪除
    4. eD老千股無路捉、虛幻不實隨時積聚買盤夠肥美、一枚大棍卜落去。蛇鼠一窩股1019、插完0.6嚇死人不夠一個月、而家又玩翻上0.9。有50%幅度!

      刪除
    5. 1019都算就係一個向下炒的好例子

      刪除
    6. 有沒有想過1019為何大跌完又大升?

      股價跌到最低之日,剛好宣佈麥生調任CEO,會否之前的股價大跌是康健炒落,迫王生就範,讓出公司控制權?

      然後麥生上任,股價就火速炒上?

      如果同樣思維應用在1225的話,則康健這次的目標會否是DAVID WEBB還是我們這些死硬派散戶? 等WEBB或者我們止蝕沽出,股價就大升?

      刪除
    7. 唔知喎,我一直覺得王生是他們一伙的,因為一早王生已經有把控股權讓出的決定。之後公司瘋狂配股,大力炒落,相信在低位很多人頭買入,加大健康系的持股量。事就這樣成了!

      刪除
    8. 我直覺是兩者不咬弦,王生是引狼入室,最終被康健迫宮,不然的話不會康健的人一接手公司,股價就大升。

      刪除
    9. 唔似喎!話晒1019也是金融行業,無理由唔知健康系在行內d出位野。

      刪除
    10. 小弟0.66 買入算係咁 , 而家等1225 炒上

      刪除
    11. 0.6買入而到依家都未放先夠堅嘛!

      刪除
    12. 2.5買入而到依家都未放先夠堅嘛!

      刪除
  14. 作者已經移除這則留言。

    回覆刪除
  15. 2788真的有春江鴨?仍等待有乜消息?

    回覆刪除
    回覆
    1. 1.19 回到0.99 , 收1.02. 走勢差. 今日又彈1.05...如果高收到又吾錯.
      成交大縮. 好先兆....good luck la.

      刪除
  16. 回覆
    1. 再跌就可能要止蝕。

      刪除
    2. 從公開訊息睇,賣盤似係會賣得成
      但今日咁沽法,又好難唔令人懷疑係咪有咩突發情況,令春江鴨要走人

      刪除
    3. 我0.99減持了大半,蝕一個位,只餘下一萬股等結果。

      刪除
    4. 我之前0.82、0.84買咗好多好多好多貨,而家覺得好困擾
      偉哥認為d沽盤似唔似春江鴨所為?

      刪除
    5. 今日這走勢直覺唔對路,即使不沽清,也應減持些少。

      刪除
    6. 睇黎真係應該要咁做..............

      刪除
    7. 比較差的價錢,0.94、0.93沽貨

      刪除
    8. 我1.09沽清,啱啱0.88買回半注。

      刪除
    9. 而家買係高風險博高回報

      刪除
    10. 不過,下1個支持在0.75,1穿就回到起步點0.6了。

      刪除
  17. 如果有人肯發隻566既半年期的put輪,溢價高D都無所謂,應該值博。

    回覆刪除
    回覆
    1. 如按566的市值計,日成交額得0.1%左右,佢到d細價股分別不大。

      刪除
  18. 買入疑似老千股2226@3.84,博佢唔係老千股。 :p

    回覆刪除
    回覆
    1. 與其博佢唔係老千股,不如博佢反彈好過。

      老千的機會極高。

      刪除
    2. 哈哈! 佢近來都做左好多野去証明佢係老實商人...福布斯中文網「中國上市潛力企業100強」,在榜單中,榮獲第二。

      可能我買佢係因為佢都算係一隻肯去行騙的老千股。

      刪除
    3. 你留心睇下呢個所謂的中國上市潛力企業100強,過往幾年都有唔少隻老千股入榜的,我好懷疑呢個榜係比得起錢就可以上榜。

      刪除
    4. 但我叫我細佬買佢過支豉油,試過ok既! 萬一佢清盤,我只求攞返十箱八箱豉油就算。

      刪除
  19. 510 企硬咁多日. 今日終於回了. 入番d 之返走左既先.

    回覆刪除
    回覆
    1. 飢不擇食,買入510@0.35

      刪除
    2. 無哂錢lor,只可以排一注0.345

      刪除
    3. 0.345中埋,即set0.365沽。

      刪除
    4. Thts my stock =.=...so panic...sold 0.345 sold immediately....I chased back at 0.35....T.T

      刪除
  20. 中美夾擊,港股今日只係跌百幾點,算係有支持。

    回覆刪除
  21. 2788
    to jeff :你在台灣生活?
    to wai gor:
    可以望望 大股東呢一兩年應該好景(唔知係唔係同GoPro差唔多ge產品,所以你ge假設好有可能
    http://www.appledaily.com.tw/appledaily/article/finance/20150202/36364804/%E9%81%8B%E5%8B%95%E6%94%9D%E5%BD%B1%E6%A9%9F%E7%86%B1%E8%B3%A3%E4%BA%9E%E5%85%89%E5%B9%B4%E7%87%9F%E6%94%B6%E8%A1%9D200%E5%84%84

    回覆刪除
    回覆
    1. 按表面情況來看,我直覺很大機會是第二大股東的股權有變,可買家又可能是第一大股東。

      刪除
    2. 可惜 業績無法持續,除左賣殼+退現金,暫無其他因素可令它上升

      刪除
    3. 目前無法確定業績無法持續的。

      我估全年每股盈利有8仙,盡派息。

      刪除
  22. 你呢篇野突然多左好多旅遊廣告…

    http://japantraveleronline.tw/af/9067Q/Ryokan.aspx?gclid=COqst-2owsMCFUcIvAodYXAA3A

    https://www.airbnb.com.hk/?alsm=1&af=8781787&c=intdisplay_d_chi_na_na_lsm_img_hkg&gclid=COjar8ipwsMCFYgrvQod7roAZg

    回覆刪除
  23. 1225會不會今個星期期比番次逃生門大家,免去不必要麻煩。

    回覆刪除
    回覆
    1. 個逃生門有幾大先? 佢足足跌左半年, 由宣佈賣主業開始...真係人都癲

      刪除
    2. 度門可能未到0.6已經關上,下次再開就0.55,
      跟住0.5.........

      刪除
    3. 如果醫生有咁好心地,就唔使成日俾人D7啦

      刪除
    4. 1225有時會有一兩日冇壓價,係嗰一兩日成交就會明顯減少

      刪除
    5. Webb不斷增持,照這樣的步伐,月底前應該就夠10%,看來全民健康運動,不用等到五月的股東大會便提早開始。

      刪除
    6. 近兩日他是加大了買貨力度。

      刪除
  24. 瑞年国际(02010)公布,集团考虑将若干饮品业务于联交所单独上市的可能性,并且已委聘一名保荐人及其他专业人士。

    公司将就建议分拆遵守上市规则的规定,并于适当时或按上市规则规定另行作出公告。但公司尚未就建议分拆向联交所作出申请,亦尚未就列入分拆实体的资产、交易架构,以及是否或何时进行建议分拆作出任何决定。

    集团主席兼行政总裁王福才表示:「瑞年国际一直是中国氨基酸保健产品市场的领导者。建议分拆可为集团提供释放饮品业务内含潜在价值的机会。长远而言,更可以有助进一步提升集团在国际资本市场的知名度,以及争取最大的股东价值。」

    截至2014年6月30日止的6个月,集团三大核心业务,包括1)保健营养品、2)保健饮品和3)药品的销售录得稳健增长,分别按年上升4.0%至7.85亿人币、上升9.6%至2.07亿人币,以及8.4%至6140万人币,并且分别占集团总营业额的74.5%、19.7%和5.8%。


    點解市場好似對2010無乜反應?

    回覆刪除
    回覆
    1. 因為2010一向都被視為疑似老千股。

      刪除
  25. 偉哥,隻280有無止蝕?

    回覆刪除
    回覆
    1. 有,0.99沽出大部份,剩餘一萬股等結果。

      刪除
    2. 沽得好,我都開會前跟著沽了大半,否則...

      刪除
  26. 瑞年国际(02010)公布,集团考虑将若干饮品业务于联交所单独上市的可能性,并且已委聘一名保荐人及其他专业人士。

    公司将就建议分拆遵守上市规则的规定,并于适当时或按上市规则规定另行作出公告。但公司尚未就建议分拆向联交所作出申请,亦尚未就列入分拆实体的资产、交易架构,以及是否或何时进行建议分拆作出任何决定。

    集团主席兼行政总裁王福才表示:「瑞年国际一直是中国氨基酸保健产品市场的领导者。建议分拆可为集团提供释放饮品业务内含潜在价值的机会。长远而言,更可以有助进一步提升集团在国际资本市场的知名度,以及争取最大的股东价值。」

    截至2014年6月30日止的6个月,集团三大核心业务,包括1)保健营养品、2)保健饮品和3)药品的销售录得稳健增长,分别按年上升4.0%至7.85亿人币、上升9.6%至2.07亿人币,以及8.4%至6140万人币,并且分别占集团总营业额的74.5%、19.7%和5.8%。


    點解市場好似對2010無乜反應?

    回覆刪除
  27. 仲諗住1148跌到2.8元再加半注貨,轉個頭就拗腰倒升。

    回覆刪除
    回覆
    1. 知道偉哥唔多睇TA,但幅週線圖好靚。

      刪除
    2. 我都想問偉哥幾時加注,可惜開完會返來已倒升

      刪除
    3. 琴日set左2.86,又差一格,嘿嘿。。。,今日加左一注510@0.35,156@0.265

      刪除
  28. 作者已經移除這則留言。

    回覆刪除
  29. 你好!小弟最近入左百富環球0327,平均入手股價大概$7.8左右,近期股價好似好疲弱甘。我本身係睇好未來龐大的支付市場發展,但睇唔通近期股價波動,希望偉哥給予意見。

    回覆刪除
    回覆
    1. 327及同系818都是業務值得憧憬,但因為長期不派息,不符合我以基本因素選股的要求,故此沒有跟進此兩股,無法評論。

      刪除
  30. 佢地唔再打壓我地就簡直海闊天空

    佢地如果肯將公司所有現金派發,再攞個殼賣幾億,大家都開心,到時佢地賺大份我地賺細份
    只可惜佢地要賺到盡,連散戶的血汗錢都要全部搶走

    佢地唔再傷害我地散戶,我地已經要感激不盡,唉............

    回覆刪除
    回覆
    1. 所以自己一向都覺得公司管治質素係好重要,任你資產再多,管理層唔生性,股價可以長期都唔反映

      刪除
  31. 311突然黎料!?
    不過成交唔多

    回覆刪除
  32. 今天又係偉哥股跑贏大市

    回覆刪除
  33. 1285 有人托價維持嗎? 用1000股就回上去...真係貨源太歸邊.

    回覆刪除
  34. 偉哥,

    86被光大證券以5億美元收購70%股權, 但不包括聯合財務業務.

    即86的證券業務總值55億港元, 以86今天市值156億計, 應如何勾出聯會財務市值>??

    謝謝

    回覆刪除
    回覆
    1. 今晚有時間計計數。

      刪除
    2. 頭先睇睇ccass, 停牌前已有券商收集左4mil 幾貨
      睇黎已經一早收到風準備食大茶飯

      刪除
  35. 下午外出食飯的時候,成交了兩單交易:

    1. 沽出432@4.25止賺,獲利11%。
    2. 用沽出280的資金,買入2080@1.25。葉生應該非常樂意賣殼,這可能是佢將夜店業務上市的主因,只看看作價如何。


    回覆刪除
    回覆
    1. 432 清空了資產, 會否變身富衛保險呢?

      刪除
    2. 432注入富衛保險一向都是市場所預期的,只待時機而已。

      刪除
  36. 今日的網誌瀏覽頁數已超越6百萬大關,唔知明年今日有沒有機會突破千萬大關?

    回覆刪除
    回覆
    1. 出左名應該會有公司招攬偉哥你做財演

      刪除
    2. 偉哥太正氣,好難做財演,但可以做財神。

      刪除
    3. 沒有人招攬我做財演,招攬我出書的就很多。

      刪除
    4. 相信此乃香港最受歡迎財經投資網誌也!

      刪除
    5. 出版社除了可邀請偉哥出投資書外,更可出養生保健書。我實在佩服在三個小朋友,打理生意,留意股市動向及經常深宵出博文中而保持身體健康。

      刪除
  37. 下午3點後沒時間看市,現看到原來889靜悄悄升了

    回覆刪除
  38. 永義實業(00616)公佈20合1股 再1供20股籌3億元。
    2003年到2015年這12年裏,已拆、合、供、送、細數已超過20次、派息從來欠奉,股價就大縮水和供了8次股。
    我真想知道點解香港地重有傻仔玩依D供股遊戲年年奉獻比老千。
    又想知道股友們有沒有人中過招與感受。

    回覆刪除
    回覆
    1. 每股淨值 21.158, 真係"好抵買"

      刪除
    2. 呢隻係港股史上最不可思議既股票,
      D有錢人咁多方法賺錢,何必要傷天害理呢!
      官先生,曹Eason, 放下屠刀吧!

      刪除
    3. 就算真冇換手都冇問題,街貨總係某d人的手上,佢地放唔出,咪唯有焗住被人不斷抽血囉
      所以老千之下總有受害者,街貨係邊個手,佢放唔出佢死,人地要就人地死

      刪除
    4. 不過冇人供股,老千就冇新水吸,這倒是真的

      刪除
    5. 只要官生友好維持話事權, 一年起碼要"配""合"一次

      刪除
  39. 687 又賣野. 請問偉哥佢想攪咩? 賣清d 野整靚個殼?

    http://www.hkexnews.hk/listedco/listconews/sehk/2015/0202/LTN201502021971_C.pdf

    回覆刪除
  40. 現在港股的風險都是外圍風險,特別是希臘的問題,因為左傾主政,必禍及歐元區,第二次的歐債危機正蘊釀中。

    大家要小心未來一兩個月市場的變化。

    回覆刪除
  41. 偉哥
    你應為今次有值博率嗎?
    恒盛地產845繼二○一三年十一月首次私有化失敗後捲土重來,昨午後停牌待發可能私有化消息。惟分析指出今次計劃最大分別在於「一年前冇人俾人拉」,政治因素使恒盛私有化前景難以預測。

    政治因素左右成功與否
    昨截稿前恒盛尚未公佈私有化進一步細節。是次恒盛在首次「試舉」失敗冷靜期屆滿後再度闖關。上次功敗垂成,事緣雖得逾96%股權支持,「數人頭」卻僅差三人才達開曼群島公司法中訂明的「過半數股東支持」條款而告吹。其時建議私有化作價1.8元,為當時股價平均值溢價逾四成半,而較每股資產淨值(NAV)則折讓39%。
    內媒上月報道持股68.39%的張志熔,與被查的前中央統戰部部長令計劃兄弟過從甚密,已出逃美國,縱張氏現身闢謠亦無阻股價洗倉式大瀉逾兩成。另又傳他名下上海地產項目陷財政困難,以昨停牌前股價0.95元計算,張氏要回購餘下股份,需調動二十三億四千萬元。
    有分析員指出,今次私有化前夕股價更低,對控股股東無疑「更抵買」。

    回覆刪除
    回覆
    1. 如果這次再開1.8元私有化的話,值博率就高。

      刪除
  42. 偉哥
    5億按金加實力雄厚光大証券,應有一番炒作,而56及373亦受惠,不知我們有沒有機會?
    光大証券(601788.SH)以初步代價40.95億元,收購新鴻基公司(00086)旗下的新鴻基金融七成股權,有關交易代價將會以現金支付。初步代價為4,095,000,000港元,須按以下方式以現金支付:
    (a) 按金為585,000,000港元,由光大證券金融於買賣協議日期後一(1)個營業日當日或 之前以現金支付予新鴻基(「按金」),並已於二零一五年二月二日妥為支付;及(b) 初步代價餘額3,510,000,000港元將由光大證券金融於完成日期以現金支付予新鴻 基。而聯合地產(00056)及聯合集團(00373)分別佔交易收益約為15.67億元及11.75億元,所得款項淨額將用作私人財務、結構融資及主要投資之業務擴張、一般營運資金,及向股東分派股息。

    回覆刪除
    回覆
    1. 從光大收購86的証券業務來看,本地券商是有價有市.....我覺得留守510可能更值博。如果泛海成功入主,必有炒作。

      刪除

注意:只有此網誌的成員可以留言。