置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2013年12月18日 星期三

新股派彩前最後檢閱

很少試過5隻新股同時招股、同日上市;

更少見的是5隻新股同時上限定價;

最難得的是5隻新股各有捧場客,各有賣點,認購者都滿懷希望、憧憬。

5隻新股會否都在上市首日錄得升幅,皆大歡喜?

變數實在太多,這一刻相信無人可以給予肯定的答案。

讓我們在派彩前一天逐一檢閱這5隻新股:

1. 福壽園(01448)
 
<匯港通訊> 市場消息透露,內地殯儀業龍頭上海福壽園(01448)在分配方面未能做到一人一手,惟一手中籤率亦不會像博雅(00434)僅得10%這麼低,雖然現在仍在作最後考慮,但相信最終一手中籤率或會在50-60%以上。

消息解釋,雖然福壽園認購人數近7.8萬,略多過博雅,但因福壽園集資額較大,故一手可分配比率亦會較高。消息又稱,福壽園最終以招股價上限3.33元(好意頭數字)定價,集資16.65億元。

消息表示,福壽園公開發售獲得約678倍超額認購為今年第四位,凍結資金約1140億元,僅次於信達資產管理(01359),今年排第二位。

此股公開發售超額認購678倍,是同期新股中最熱門的,相信上市首日表現應不會差,問題只是升多少而已。一如以往的概念股,我的目標升幅是20%左右,期望首日可以在4元以上沽出獲利。

此股自己以兩個戶口各孖展認購20萬股。


2. 嘉里物流(00636)

 <匯港通訊> 嘉里建設(00683)分拆嘉里物流(00636)已於昨天中午截止公開發售,市場消息透露,其已錄得35倍超額認購,凍結資金近80億元,以招股價上限10.2元定價,集資22.04億元。

由於公開發售已超購15倍,但少於50倍,故要啟動回撥機制,令公開發售佔比由10%增至30%;消息稱,嘉里國際配售反應亦理想,已超購40倍,除獲淡馬錫及 GIC認購外,私募基金巨擘黑石亦有「入飛」。
嘉里物流公開發售雖然只超購15倍,但傳國際配售錄得罕見的40倍超額認購,多個大型基金都有入飛認購,似乎散戶們都"走寶",也可能是同期5隻新股中最大的驚喜。估值方面,其2014年預期市盈率約為14.9至17.3倍,低於外國同業。

自己以3個戶口認購了共3萬股,希望平均中籤率達到30%。如果明日暗盤市場的升幅低於5%,會考慮增持。
  
3. 海螺創業(00586)

 <匯港通訊> 市場消息透露,中國海螺創業(00586)以招股價上限13.56元定價,集資35.9億元,該招股價範圍11.36-13.56元。海螺創業將於本月19日,即周四掛牌,保薦人為德銀,安排行尚有高盛、匯豐、摩根士丹利。
消息稱,由於機構投資者對價格敏感度低,故公司便以上限定價,其公開發售已錄得15倍超額認購,凍結資金約60億元,要啟動回撥機制,令其公開發售佔比由10%增至30%。 
海螺創業是同期新股中集資額最大,但也是最低調的;基礎投資者要貨甚多,佔這次發售總股份的一半。由於公開認購超額15倍的關係,故國際配售可供分配的股數只佔總股數的70%,當中的50%分給基礎投資者,餘下20%分配給其餘基金。此股上市的估值也是同期新股當中最低的,即使以上限定價計,今年的預測市盈率只是稍高於10倍。

自己以兩個戶口現金認購了共1.5萬股,期望平均中籤率達到40%。如果明天暗盤市場跌穿招股價的話,自己肯定會增持。

4. 環亞智富(01390)

《經濟通通訊社17日專訊》市場消息指,日本線上支付服務及電子商務解決方案供應商--環亞智富(01390)公開發售部分錄得超額認購80倍,而國際配售亦超額14倍,當中包括美資基金,將以上限3.59元定價。
環亞智富是同期新股當中集資額最少的,也預期會錄得超額認購,只是估不到最終超額認購80倍之多。此股2014年預期市盈率達到26倍,估值昂貴,但其業務也相對具發展潛力。由於市值細小,故炒作容易,也因此若上市初期升20-30%,我不會覺得驚訝。

自己只是小注認購了3萬股,中籤率應該不會太高,唯望股價升幅有驚喜。

5. 康臣藥業(01681)


<匯港通訊> 前身是解放軍第一軍醫大學的科研藥廠「南方科研藥廠」的廣州康臣藥業(01681)已於今日中午截止公開發售,市場消息透露,其初步已錄得約128倍超額認購,凍結資金約141億元,康臣招股價介乎3.63-4.36元。

由於公開發售已超購逾100倍,故康臣要啟動回撥機制,令公開發售佔比由10%增至50%。
 康臣藥業最大的賣點是解放軍背景及景林資產入股。保薦人預計康臣2014年預期市盈率只是15倍左右,但自己左計右計,都不知康臣如何可以在明年盈利大幅上升7成,以達到15倍預期市盈率。此外,近期新上市的藥股普遍表現差,也令自己對康臣有戒心,故最終放棄認購此股。


這5隻新股將於明早公佈分配結果,並於明日下午4時15分開始暗盤交易。自己會密切留意暗盤交易時段,看看會否買到心頭好或以高價減持部份新股。

最後,要留意的是明晚美國聯儲局將公佈議息結果,不論是減少買債或維持寬鬆政策都好,後日港股可能大幅波動,炒賣新股的網友也要注意此風險。




140 則留言:

  1. 5隻中偉哥你好像有4隻,我也有3隻,祝各位偉哥fans係13年尾前,執番個完美的尾彩。

    (少少補充:福壽園為了意頭,由原本的最高訂價3.4,改為3.33,即係平左7仙。)

    回覆刪除
    回覆
    1. 謝謝修正。

      你抽了那3隻?

      刪除
    2. 我謝謝你的無私奉獻才對。腎药、墓園、物流。計劃今日睇形勢去追墓園、物流或環亞智富。

      刪除
  2. 我都好緊張, 好彩有呢個BLOG 同大家一齊!! 希望大家都賺到笑 !!!

    回覆刪除
  3. 海螺A組差不多百發百中.....散戶能坐緊少少便好了....

    福壽園三手先有一手, 一個戶口大孖反而無着數....

    回覆刪除
    回覆
    1. 作者已經移除這則留言。

      刪除
    2. 海螺是中伏還是中獎,很快就知。

      刪除
  4. 586 這樣分配通常冇運行,中籤率達到100%,冇實力的孖展客一定先沽為快;
    我現金申請,冇壓力。

    回覆刪除
    回覆
    1. 我反而覺得此股有機爆大冷.......
      國際配售大幅超額認購 + 頂頭錘飛9張 + 上限定價。

      當然,上市首日要捱下沽,可能是執平貨良機,今日會主力留意此股。

      刪除
    2. 586及1448都是現金抽,1448用多7倍現金,結果是1448分配到的貨,剛好只有586的1/7,哈哈!

      刪除
    3. 586的頭錘飛確係唔野少

      刪除
  5. 雖然今年藥股ipo表現一般,但康臣做中成藥製藥,應比之前做進口,分銷,可看高一線

    回覆刪除
    回覆
    1. 散戶就好踴躍,可能賣腎药有綽頭……不過幾隻黎講最無信心哩隻,始終訂價貴及質地麻麻。

      刪除
  6. 636真係走寶, 買返D過年先

    回覆刪除
  7. 636 同586 一樣,中籤率100%,
    1448 偉哥target 20%, 但會否係暗盤增持?

    ww(old)

    回覆刪除
    回覆
    1. 今日暗盤的主要目標應是636及586。

      1448太熱門,應該難有好價買;反而看看有沒有好價沽。

      刪除
    2. thanks 偉哥,忘記問候仔仔好番哂末? 天氣冷小朋友要多加衣服,昨天又有新型流感,小心

      ww(old)

      刪除
    3. 總覺得1448會好似1515咁癲鳳鬥狂龍,唯一係今次有五隻齊出分散咗資金。

      刪除
    4. 兩個姐姐都有哮喘, 似乎細仔也走唔甩。

      刪除
    5. consider consulting Koo Siu Pui

      wilyty

      刪除
    6. doing more exercise works for asthma!

      刪除
    7. 操水就會斷尾啦

      投資新手

      刪除
    8. 大女做運動多, 又有游水, 已完全斷尾;細女情況也穩定,相信過多一兩年應該也可斷尾。

      刪除
    9. 如果肯做運動, 大大下回好番好多的.

      ww(old)

      刪除
  8. 1448,一萬股中得一千,食過TEA都好 :>

    回覆刪除
    回覆
    1. Handling fee 都"si"埋.."

      投資新手

      刪除
    2. 好彩我用一通現金抽.......

      刪除
    3. 一通不是不太穩定嗎? 上網見到不少 -ve comments. 有時可能log in 唔到!?

      投資新手

      刪除
    4. 一通炒股可以,炒衍生工具危險,因其系統有時較慢,也曾經試過短暫時間無法登入。

      刪除
  9. 636中2,500股, 1390中8,000股, 586中20,000股,現金抽, 希望有20%的利潤.

    回覆刪除
  10. 回覆
    1. 呢隻唔声唔声,慢工出細貨

      ww (old)

      刪除
    2. 已減持轉落神威等追..XD

      刪除
    3. 今早0.99元減持了一注。

      刪除
    4. 尾盘还能在1元处减持了一注,留下一注等1.1元减持。thanks 偉哥。

      刪除
  11. 我都抽了3隻,636中了4手,1448中了2手,586我小抽,抽2中2

    回覆刪除
  12. 152 浪子回頭...........
    前日大和唱好,今日又聴到自貿區上海跟住到前海下一個等...
    睇番152 最近的表現,可有点啟示了.....

    早前破一個月高位1.0X后好快回下>>>質低(震压)>>>快唱好之前>>>叱呢一兩天,春江鴨己入貨>>>再炒番上之時.....

    相信早排財經見好唱上.給小散的止損價0.97及市況轉淡己震走不少人吧
    今回它可能跟636 的物流概念又會再受關注有機再試番高位
    今天在一雞關口有所動作,持貨者要眼多兩眼........
    且看今回衝唔衝番上1.05 以上企穩便見真章繼續炒上去

    回覆刪除
    回覆
    1. 幾時先起動呀...真係好考耐性

      刪除
  13. 1008 貴聯
    有冇兄台炒開呢隻既波幅
    昨天外出無心放綱在...2.01..想不到.咁快又叫胡..
    呢隻好Chok 快食為尚

    回覆刪除
    回覆
    1. 好少成交喎....2.19個位係你嗎
      而家似賊佬試沙煲之格局.....唔知的大哥想再做上的定点

      如能破關二哥...看勢向上到2.23己經唔錯了.
      且看...........

      刪除
    2. 我覺得$2.20-2.30之間走! 上一波, 我用$2.15 沽到 $2.26 !

      刪除
    3. 呢隻炒波幅又係好正。昨日都有增持少少,看看今日食唔食到昨日買的貨。

      刪除
    4. 噢, 原來我的2.19沽盤被人掃了4k。

      刪除
    5. 噢....原來偉哥是錯賊佬
      擺高的益吓我地嗎.......
      但鎗己打出頭鳥.......

      看來有心人想跳番慢三
      要熱下身先......哈哈

      刪除
  14. 各位CHING ,

    想問問大家有無用致富.? 點先可以睇到新股既暗盤價.? 可否指教一下.
    因為好似只有證券行先有. . 銀行係咪無提供暗盤交易?

    回覆刪除
    回覆
    1. 聽人講致富係無自己既暗盤,佢都係靠輝立幫客人落盤,所以應該無得睇。但好似係耀才同輝立既網站有得免費睇報價,你可search下。或者偉哥可再補充…

      刪除
    2. 致富是用輝立的暗盤交易平台,可以參考輝立的暗盤報價。

      要交易的話就要打去致富,不能網上落盤的。

      刪除
    3. 暗盤價直接看耀才& 輝立的网頁 ! 我覺得致富同輝立相同價格!

      刪除
    4. THX 各位CHING.
      剛剛打去致富問. 用偉哥講既一樣要打電話去落盤.而且係計上市日.T+2 .
      唔係計暗盤日.

      暗盤價也問了是參考輝立的.

      刪除
    5. 想問下點解唔直接用輝立? 致富好嗎?

      刪除
  15. 【IPO反應】海螺創業超購15﹒51倍,一手中籤百分百

      《經濟通通訊社18日專訊》海螺創業(00586)公布上市認購結果,公司於香港公開
    發售部分收到約4﹒38億股認購申請,超額認購15﹒51倍。由於超額認購,公司約
    5300萬股股份已由國際配售分配至香港公開發售,故香港公開發售股份數目已增加至
    7950萬股,佔全球發售股份總數的30%。
      公司股份以13﹒56元定價,為招股範圍(11﹒36元至13﹒56元)之上限,集資
    淨額約34﹒42億元。
      按分配結果,於甲組,申請一手(500股)至200手(10萬股)的中籤率均為
    100%。於乙組,申請800手的中籤率為12%,「頭錘飛」共有9張各認購1235萬股
    ,中籤率9﹒84%。
      根據與各基礎投資者訂立的協議以認購國際發售中的股份,中國建材(03323)將認購
    5500萬股,TCC Investment Corp﹒將認購2800萬股股份,亞洲水
    泥(00743)將認購2200萬股。
      該股將於明日(19)日起在主板掛牌。(pl)


    看來偉哥1.5萬股全數中了.

    回覆刪除
    回覆
    1. 我都中萬五股,聽天由命。

      刪除
    2. 今朝睇HKEX 網頁, 即時O咀, 除了最高2個額申請, 其它100%中, 我諗會有好抽孖展人斬倉.

      JL

      刪除
    3. 所以今日暗盤市場重點關注此股,看看有沒有平貨執。

      刪除
  16. 636没有基礎投資者???甘强?

    回覆刪除
  17. 忽然想起萬梓良的大內群英....没記錯是講雍正時的奪位....
    陣陣烈風紛紛吹,道道刀光見暴戾............

    呀爺那边政及經都不穩.
    內外大小不良虎視眈眈
    短線今看聯署柏老之音
    但最后都是要市場解讀

    所以50/50之時更要小心....如玩政治企錯方邊會好慘
    不要忘記大出血時要有充足子彈做大家贏才能事半功倍倍.....

    回覆刪除
  18. 另據美資交易平台,有機構掛牌每股10.4元買入7.5萬股嘉里物流(新上市編號:00636),較招股價溢價2%;另有機構掛牌每股3.95元買入20萬股環亞智富(新上市編號:01390),較招股價高10%,惟未有成交,兩者將於周四掛牌。

    成交零碎, 只供參考

    回覆刪除
  19. 1127,1元出了一半,开市前下的单竟然成交了,谢谢伟哥。

    回覆刪除
  20. 歌唱.2013-2014

    有危有機齊下水
    譜天同慶是尾水
    五虎香江齊抽水
    兵荒馬亂行多水
    柏佬歌唱加多咀
    聖誕同樂再一舉
    蛇去馬來心願許
    天下太平齊搵水

    回覆刪除
  21. 1884共3注,0.79、0.83沽出各1,今朝0.75買回1注。
    ( 3注成本是0.725 )

    回覆刪除
  22. 自己最終派彩如下:

    1448共抽40萬股,中6千股;
    586抽1.5萬股,中1.5萬股;
    636抽3萬股,中6千股;
    1390抽3萬股,中3千股。

    回覆刪除
    回覆
    1. 漁翁撒網,豐收埋年
      股海導航,博友賺錢
      好人好報,福壽年年
      努力加油,齊步向前

      謝謝

      刪除
  23. 今日302 又到110上下,決定今日睇位入番
    記得哥話過要想玩到終站呢隻唔好再游水啦..........
    要上車就當機立斷........隨時拉閘

    回覆刪除
  24. Scotiabank Drops Efforts to Buy Bank Stakes

    安邦及加拿大都怕貴

    302 的潛在買家餘下 ocbc, uob 同有嫌疑的abc

    回覆刪除
    回覆
    1. 不過ocbc都水緊, 得返uob夠水俾

      abc唔知有無落bid

      anz都嫌太貴唔買

      刪除
    2. +++狂想師奶買野陰謀論+++
      去買心頭好,見有人壓價,一定會加埋把口踩多腳
      個個唔會露底牌,.........一齊迫官,
      或我唔買啦,走追門口,睇下你叫唔叫番我先算..............哈哈

      刪除
    3. 唔理好醜,為完心願,有位出擊,己入番手.貴人相助,長長久久....,哈哈

      刪除
    4. 好奇, 點解咁多人爭302, 冇人想買2356?
      唔同真係瘦田冇人耕,耕開有人爭?

      刪除
    5. 2356管理層話市況好d, 等好價先賣

      況且有後人接左手,同302有點不同

      一係唔賣,一賣就一定好貴

      刪除
  25. 偉哥, 想請教當年咩原因最後冇抽中冶?
    呢隻當年蝕到傻, 我孖展tim
    Marco

    回覆刪除
    回覆
    1. 如果當年你有詳細看招股書,是難以抽得落手。以一隻毛利率得10%、純利率2%左右的公司,兼且盈利近乎沒有增長,以20多倍市盈率招股,點同佢鬥傻?

      刪除
    2. 個時我都有留意毛利差
      但見中交建又係咁升
      佢又星光燿燿
      報紙又吹得好勁,咪中招

      刪除
    3. 反而想知如何衡量1間公司的毛利率為之合理或好? 純利率又佔毛利率多少才叫合理和好? 如果A公司, 毛利率10%, 純利率7%, B公司毛利率20%,純利率14%, 大家都是佔7成, 那又如何衡量? 還是要看埋其他的資金運用, 開支等等

      因為通常一間公司的boss,投資者, 股東,會計等等, 盤數出來第一眼多數係睇盈利/虧損先....

      ww(old)

      刪除
    4. 你可以將之與同業比較。你的例子當然是B公司的盈利能力較高,純利率14%是遠高於純利率7%的。

      刪除
    5. 中交建當年情況有所不同的。雖然純利率只是3%左右,略高於中治,但有兩樣野中交建是遠比中治有利的:

      1. 中交建上市時,市場上並沒有同類股,正如先前的鳳凰、信達、以至今日的福壽園一樣。當市場上沒有其它選擇,基金也就沒有選擇,幾貴都要買,而這優勢到中治上市時是完全沒有的。

      2. 中交建雖然純利率只是稍優於中治,但其上市前做靚盤數,盈利年年增長;但中治的盈利是先倒退、再持平,吸引力是遠遜中交建。

      刪除
  26. 各位師兄:
    請問一通証券佣金咁平,綱上買賣方便嗎?
    有什麼見意?唔該哂!
    irene

    回覆刪除
    回覆
    1. 一通個系統界面比較食RAM,所以反應比較慢,你一定要用部電腦比較快兼多RAM會較好。正如偉哥上面所講,用來炒衍生工具有時用追唔到個價。
      手機界面就很簡單,只適合來落下盤。整體來說,哩個佣金價錢來講算ok,對經常買賣的人會節省好多。

      刪除
  27. 我個人現在的做法 , 入1注錢去試并假設此注錢完成蝕哂! 方便可否自己去感受!

    回覆刪除
  28. 回覆
    1. 明日應有驚喜。

      咁都唔死得,仲要有得升,可能大難不死,必有後福。

      刪除
    2. 輝立暗盤市場有大盤吸586。

      刪除
    3. 希望有驚喜,但我預左可能要等多幾日!

      刪除
    4. 致富超級唔掂, 一係唔通, 打通3次都响到斷線......唉!!
      耀才個暗盤係咪都係用電話? 定可以自己網上搞掂?

      ww (old)

      刪除
    5. 睇來都要去開番個先掂~

      ww(old)

      刪除
    6. 嗯.之前貪方便附近有致富. 用用下.我都覺唔係好方便.
      岩岩.11.32 @8000股.
      我都打左3次電話先打通...

      刪除
    7. 我都買左5500@11.1, 可惜冇錢再買海螺了, 希望聽日高開, 大家賺多D過聖誕.

      JL

      刪除
    8. 致富抽新股或炒暗盤都唔掂的。

      刪除
    9. totally absolutely definitely correct!

      刪除
    10. 偉哥, 暗盤唔今掂今天終於体會到, 但點解抽新股都唔掂呢?
      打左唔知多少次之後, 終於@11.34入到小小, 可惜586入唔到, 希望明天當有机會.

      偉哥, 你的能力圈令我驚嘆!!!

      ww(old)

      刪除
    11. 你的636, 586 有無目標價? 還是放中線?

      ww(old)

      刪除
    12. 不過致富就係一間有信譽、資產充足的証券行。佢無其他咁進取,但對客以誠兼重視聲譽。資產放在它那裡可安心,其他會拿了你的股票去借貨沽空。所以,長倉用致富,炒股抽股用其他。

      刪除
    13. 我覺得致富個 apps 最好用 , 快靚正

      刪除
    14. 樓上的朋友似乎是致富的人。平心而論,致富除了新股做得差外,其它方面都做得好好,完全做到平靚正。

      刪除
    15. Hi ww, 短線而言,如果636及586有25%的升幅,我會考慮先行獲利。

      刪除
    16. 偉哥你誤會左我啦!我唔係致富既人,我致富同耀才都有戶口,我只是實話實說。大家可做下功课求証。見你個blog正氣,留番幾句真心話姐。我借孖展抽新股同暗盤買賣都係耀才,但老實話,我唔會放太多股票係佢度。

      刪除
  29. 本身無貨係手,10%以上升幅唔敢追

    回覆刪除
  30. 買入3000股636@11

    Ken. C

    回覆刪除
  31. 福壽羔好可佈...

    TT

    回覆刪除
  32. 1448 4.92, 雖然得一手,都夠食聖誕餐,估佢唔到

    回覆刪除
  33. 買入586@13.6x3000, 13.56x2000。

    共增持5000股。

    回覆刪除
    回覆
    1. 輝立暗盤係14元,耀才13.6元,邊個有代表性?

      考你眼光時刻。

      刪除
    2. 輝立果樹D人咁進取,耀才大把平野執有無人要!

      刪除
    3. 586真係估唔到咁勁, 啱啱見一下差唔多成球成交.....成交額竟然僅次1448!

      照咁睇聽日應該普天同慶, 預祝聖誕快樂! 各位師兄賺多啲!

      刪除
    4. 586在輝立的成交額已接近1億元,這是非常有代表性的成交,我估明日會更上一層樓。

      刪除
  34. 1448實在太诱惑,沽唔沽好呢?

    回覆刪除
  35. 估唔到隻衰臣都頂得下,聽日應該會再好d瓜

    回覆刪除
  36. 沽清3千股1390@4.2。

    連同1448,兩隻新股先袋8500先。

    回覆刪除
    回覆
    1. 祝喜偉哥!雖然1390聽日我谂可以再好d,636的貨賣少見少,會唔臨收市來個反高潮?

      刪除
    2. 我沽了兩隻我覺得再大升空間有限的,保留兩隻我覺得仍有多些空間升的。

      刪除
  37. 5.06沽齊3000股1448,超開心。不過聽日一開升6成都似。

    回覆刪除
    回覆
    1. 原本真係唸住唔沽架,不過今晚議息,而且回報又超過自己既預期。最重要係我好想學到"追逐回報之餘又鎖定盈利",但仲(跟偉哥….真心)學緊。因為我知自己係好貪心、好勝,遲早一鑊!

      刪除
    2. 今晚議息是重大變數,所以我自己是將升得多的先行食糊,並加碼有更大上升空間的。

      刪除
  38. 暗盤收市價比對(輝立 vs 耀才)
    1448 :5.2 vs 5.14
    1390 : 4.26 vs 4.29
    636 : 11.78 vs 11.52
    1681 : 4.95 vs 4.8
    586 : 14.44 vs 14.36

    回覆刪除
    回覆
    1. 586早些時段,兩個暗盤的差價達到4毫;到收市差價只剩下8仙。

      我原本沒有打算在招股價之上增持586,但見輝立暗盤不斷有大買盤掃,而耀才的價完全沒有反應,當中的差價大,值博率高,故即時在耀才加碼。

      下次到輝立開多個戶口玩新股,可以實現到無風險套戥。

      刪除
    2. wai gor. professional trader. sure win!!

      刪除
    3. 偉哥,開心大發現!多謝晒!

      刪除
    4. 偉哥, 周不時係你個BLOG打躉
      就係一齊上船SHORT 賭股個個

      我而家係輝立做左都兩年
      其實好多新股, 我地直頭可以暗盤前場外做交易都可以
      例如早前信達$4、$4.1 暗盤前有成交

      輝立開戶, 單係新股暗盤交易場係唔錯,
      偉哥如果有興趣開戶, 有無咩可以幫到手?

      刪除
    5. Hi 潘,其實我很多年前都有用過輝立的,也在輝立有戶口,只是近幾年沒有用而已。

      刪除
  39. 祝明天大家仍大"瘋"收。

    今晚又要開新題賀一賀。

    回覆刪除
    回覆
    1. 甘快!?用多日都得喎!怕你太辛苦… :p

      刪除
  40. 利和經銷上市5年, 盈利由1千萬美元升到3千萬美元,私有化PE 29 倍!!

    636 2014年PE 29 倍 值$17 元.


    利和經銷集團有限公司(前港交所上市編號:2387)是利豐旗下主要從事分銷服務的公司,於亞太區、中港台、英國和美國皆有業務。
    2004年,馮國經及馮國綸的家族公司利豐1937分拆利和經銷於香港交易所上市,招股價為每股3.5港元,籌得大約4億元。2010年8月,利豐宣佈以每股21元或0.585股利豐股份私有化利和經銷。
    利和經銷私有化建議於2010年10月7日的股東會獲通過,利和經銷並於同年11月1日從香港交易所除牌。

    回覆刪除
    回覆
    1. 如果636有15元已經很滿足。

      刪除
    2. 呢隻股我7.5買過, 15沽晒, 點知最高升到30蚊, 最後私有化左.

      JL

      刪除
    3. 呢隻股我7.5買過, 15沽晒, 點知最高升到30蚊, 最後私有化左.

      JL

      刪除
  41. 《新股情報》福壽園暗盤爆升56%今年最勁 明問鼎「賺錢王」
    內地殯儀業龍頭上海福壽園(01448)果然熱爆,該公司明早才掛牌,但於暗盤交易時段已掀搶購潮,每手最多賺1870元,為今年暗盤之最,若明日掛牌,每手同樣可最少賺1870元,已可鐵定超越雲遊(00484)的1650元,成為今年最賺錢新股。

    雖然福壽園在公開發售超購倍數及凍資金額均飲恨,未能稱王,只有認購人數略高於博雅(00434),但該公司今日暗盤表現出色,已先奪今年新股暗盤升幅及賺錢之最(見下表)。若明天亦有逾50%升幅,每手賺錢與暗盤差不多,計及認購人數,福壽園在今年新股將被封五王。

    據輝立交易場資料顯示,福壽園暗盤開市報4元,較招股價3.33元,升20.12%,之後升幅不斷擴大,高見5.2元,升56.156%,並以高位收市,每手1000股,不計手續費,一手賺1870元。福壽園暗盤成交2830萬股,涉資1.36億元,頗活躍。

    至於耀才新股交易中心,福壽園暗盤價最高見5.14元,較招股價升54.35%,並以高位收市,每手1000股,不計手續費,一手賺1810元。福壽園暗盤成交470萬股,涉資2236萬元。

    今年五大新股暗盤價表現如下:

    新股 暗盤價升幅(%) 一手膁(元)
    1)福壽園(01448) 54.35-56.16 1810-1870
    2)博雅(00434) 31.39-32.52 1690-1740
    3)滉達富(01348) 36.67 1100
    4)迅捷(00540) 29.27 960
    5)雲遊(00484) 17.84 910
    6)靄華(01319) 20.4-21.4 800-840

    回覆刪除
  42. 偉哥,超欽佩你的短線操盤術,高沽低楂,游刃有餘,不似小弟一成不變,從ipo死捱至今一身冷汗,敢問你的決斷是來自於看盤或是感覺?

    回覆刪除
    回覆
    1. 經驗為主,感覺次之,但最重要的是對目標股份要有一定的認識。

      刪除

注意:只有此網誌的成員可以留言。