2019年12月20日 星期五

再談物管股 - 兩隻表現迴異的物管新股



昨天同日上市的兩隻物管股 - 保利物業 (06049) 及時代鄰里 (09928) 的表現有天淵之別,前者大升接近30%,後者下跌10%,兩者表現為何有如此大的分別?

保利物業大升,除了因為是行業龍頭股,很多機構投資者都必需配置之外,還因為如我上一篇文章所說,保利物業因屬於央企關係,理論上不會有明顯的利益輸送行為,所以我們看到保利物業的毛利率及純利率遠遠低於碧桂園服務 (06098) 及雅生活服務 (03319),相對上和綠城服務(02869) 及中海物業 (02669) 更為接近,而後兩者是我上文提及的兩隻相對上母公司/關連公司輸送利益較少的物管股,其業績更能反映真實業務情況,也因此我相信有機構投資者也是基於這想法而給予保利物業較高的估值。

至於股價表現不濟的時代鄰里,估值很貴嗎? 並不是, 以招股價5.15元計算,相當於2020年預期市盈率19.5倍,現價4.6元即是明年預期市盈率17.4倍,比起同是二線物管股永升生活服務 (01995) 及 新城悅服務 (01755) 稍有折讓,只比奧園健康(03662) 稍貴,但為何股價表現如此不濟?

我最近兩天其實都已詳細解釋,原因有三: 

1. 時代鄰里的分拆上市,涉及實物分派,每持有2.6股的時代中國 (01233) 可以獲派一股的時代鄰里,故時代中國的股東也會順理成章成為時代鄰里的股東,但他們願意持有時代中國,是否代表他們也願意持有時代鄰里? 答案肯定是不,  所以有些股東會選擇盡快在市場沽出上市前獲派的時代鄰里股份套現,也因此這幾天時代鄰里的沽壓沉重,股價下跌是正常不過;

2.  以往績來看,時代鄰里的估值是有些昂貴。以2018年的6400萬人民幣的純利及招股價5.15元的來計算,往績市盈率大約66倍,當然很貴,所以不少小股東趁高套現也是合情合理;

3. 這次的IPO,竟然沒有綠鞋 (超額配售),也因此保薦人無從護盤,只需要稍大的沽壓已足以令股價下跌,股價不跌才怪。

那我為什麼還會選擇在此時機開始買入? 又是有三個原因:

1. 文章開頭已說了,現價2020年預期市盈率只是17.4倍,比起二線物管股已有折讓;

2. 17.4倍的預期市盈率反映了2020年的純利大約是2.15億人民幣,而2018年純利只是6400萬人民幣,即是說2019年及2020年的每年平均盈利增長是80%! 業績如此高增長, 17.4倍市盈率的估值並不昂貴;

3. 綜觀所有已上市的物管股,上市時稍具規模的,例如市值20億元以上的物管股,有那隻現在股價仍低於招股價的? 雅生活服務、永升生活、新城悅都曾一度低於招股價,但在佳績支持下,隨後升幅都是以倍計,我希望這個數據不會被打破。

最後,回應我上一篇文章,物管股的母公司/關連公司是有輸送利益給物管公司的誘因,尤其是控股權是個人持有的物管股,誘因更加大。目前分拆上市的物管股當中,碧桂園服務 (06098)、永升生活 (01995)、奧園健康 (03662) 這三間物管股的控股權都是由大股東個人持有,而時代鄰里是第四間,如此麻煩地將物管業務分拆上市,並且由大股東自己私人持股,會不想造大市值嗎?  

母公司/關連公司輸送利益當然不恰當,但作為物管公司的小股東,我們是樂見其成,也與大股東站在同一陣線,期望公司的盈利、市值盡快壯大。

192 則留言:

  1. 呢間文章係比較hard sell, 不過確實是我內心真實看法, 就看看市場是否認同。

    回覆刪除
    回覆
    1. 偉哥為何有信心可以如此高增長?過去數年都沒有做到年均80%的增長⋯⋯

      刪除
    2. 簡單D講, 點解基數咁高的6098都可以咁高增長? 既然咁大隻的6098都可以以倍數增長, 點解時代唔可以?

      你可以比較下6098上市前及上市後的增長, 點解佢上市後反而增速遠超上市前?

      再睇返9928, 2018年盈利增長88%, 2019年上半年增長75%, 那上市後維持每年大約80%的增長, 也不是不合理。

      更何況我上篇文都解釋了, 有很多事是事在“人為”。

      刪除
    3. 今晚先認真睇9928的招股書, 剛睇到一個數據:

      根據中指院報告,我們的淨利潤自2016年至2018年以78.8%的年複合增長率增長,於物業服務二十強企業中位列第四。

      刪除
    4. 時代地產內地人叫大牛股
      利申自己無貨,客戶無持倉

      刪除
    5. 會唔會複製另一個神畫......

      刪除
    6. 5元15 PE 19.5 係管理層說
      根本條數係自己砌出黎,一倍增長係必定有
      除非地震或世界未日D樓倒塌曬

      刪除
    7. 其實間間物管股都會暗中比晒未來兩年盈利指引, 而過往大部份都可以達標的, 如果不達標的話, 後果可以好嚴重。6098今年3月公佈全年業績時, 業績明明唔錯, 點解股價大跌? 事後聽返原因是全年業績稍稍低於管理層的指引, 所以有些機構投資者沽貨。

      保利又好, 時代又好, 間間都有盈利指引, 而機構投資者其實是相信他們的指引可以達標的。保利2020年預期盈利接近7億人仔, 而時代大約2.2億人仔, 明年就知能否達標。

      刪除
    8. 時代地產唔只係國內人叫大牛股, 其實香港好多機構投資者都有持有及睇好佢。內房股的邏輯是有強勁母公司/關連公司支持, 9928背後的時代中國也是有實力的, 今年首11個月物業合約銷售已達676億人仔, 全年銷售目標750億應該可以達標, 明年邁向千億大關。

      未來兩年, 時代中國大約會交600萬平方的新增面積給9928管理, 已確保左基本的增長, 然後還有向第三者收購及投標取得的新管理面積, 所以增長一定有, 只是不知能否達到明年業績要接近倍增的目標。

      刪除
    9. 招股書上9928的2019上半年不是增長50%嗎?為什麼是75%?

      刪除
    10. 要扣除2019年上半年的6百多萬元一次性上市開支。

      刪除
    11. 終於有網友有去fact check.....其實我寫的文章所引用的數據並不一定100%準確, 所以不論是我寫的文章, 還是外面的文章, 作為讀者肯定不能照單全收, 而是要先做fact check, 這是我自己的慣例。

      如果大家看到有什麼不妥的, 歡迎提出討論, 真理越辯越明,總勝過股價跌左, 然後先馬路炮來呻信錯我, 呢D係最冇品的做法。

      刪除
    12. 想問9928於2020年2.2億人民幣的指引是哪裡得來的資訊呢?這個數字很高呢。2020年真的需要近一倍的增長才能做到。

      刪除
    13. Google下之前的報導, 好多篇都指出5.15元的定價相當於2020年19.5倍市盈率, 而報導的估值其實是基於券商預期/內部指引作出的, 所以你可以知道有這個預期存在, 但相唔相信又係另一回事。

      刪除
    14. 明白,謝謝。我自己的看法是9928在2020即使真有這麼高增長,市場可能也沒這麼快price in吧。2019全年業績,用上半年的收入增長計算,乘上半年的淨利率(調整上市費用)後,現價4.6大約是2019的36倍PE,跟同業相約。

      刪除
    15. 2019年盈利預期是1.1億人仔, 現在已是年底, 如果明年3月公佈的全年業績無法達致這預期的話, 9928基本上唔會再有機構投資者相信佢。

      1.1億人仔, 現價大約是2019年34倍PE。

      刪除
    16. 想請教一下。既然偉哥認為時代今個星期仍然有沽壓,為何仍然有信心地落注半,而唔分段入貨呢?
      偉哥是打算長線看好,等到公布2020年業績嗎?

      刪除
    17. 有信心就落100注

      基金大戶不嬲分注入貨

      建議師兄睇返偉哥物管股呢半年炒左邊隻,執左幾錢,回報有幾多,我唔太方便咁公開數人執左幾錢,

      同埋你要深信時代中國係內地係大牛股黎,
      我自己無跟佢入過

      刪除
    18. 咁我其實仲預左增持的空間, 而4.6元的估值我自己覺得舒服, 就先買一些, 如果有好價可以再增持, 唔再跌的話就由得佢。

      講真, 往績唔代表一切, 逐隻逐隻計, 所以之前買物管股雖然賺唔少, 唔代表買時代也一樣會賺, 總之就自己衡量值博率。

      刪除
    19. 講多少少, 點解時代招股我唔入飛, 而家先來撈底?

      一來是因為冇綠鞋, 而且預左會有小股東會沽出收到的紅股, 破底可期。雖然如此, 唔入飛最主要原因是因為招股範圍太闊, 而且當時也聽聞國際配售已超額幾倍 (最終公佈是超額5.5倍), 絕對有條件可以上限定價。如果上限定價的話, 2020年估值是 21.6倍PE, 完全沒有水位, 也因此我放棄入飛認購, 等上市後有好價先接貨。

      刪除
    20. 偉哥,請問2020年預期盈利 的數據我能在那裡找到?

      刪除
  2. 雖然遲了些,但都要講聲:支持你,偉哥!

    回覆刪除
  3. 哈哈 雅生活服務,永升生活都係最後都係以倍數增長,唔知偉哥今次預期時代pe可以去到幾高呢?

    回覆刪除
    回覆
    1. 咁講真, 上年的1755, 3319以至1995都是在板塊未大受追捧前上市, 所以上市估值好平, 以預期10倍或以下PE招股。反觀今年物管股受到寵愛, 3662的招股估值已大升至10幾倍, 所以上市後已去唔到倍計升幅, 而9928的上市估值比3662更高, 因此升預期幅也比不上3662, 如果有2成升幅已頗理想。

      就睇下大股東肯輸送幾多利益過來。

      刪除
  4. 偉哥點睇1089延期,只延期兩星期可唔可以理解有機會就快有結果?

    回覆刪除
    回覆
    1. 好的方面諗是傾得7788, 好快可以落實買賣協議; 壞的方面諗是大家可能分歧太大, 所以只是略為延期, 盡盡人事而已。

      講真, 好難估, 所以自己做好風險管理。

      刪除
  5. 去緊旅行都要留句:偉哥,永遠支持你

    回覆刪除
  6. 偉兄2606點睇??係邊一類???

    回覆刪除
    回覆
    1. 2606表面上估值幾便宜, 但我對佢有戒心, 主要是其應收帳過高, 不是太合理。

      理論上物管股的主要應收帳是物業管理費, 如果應收帳超高, 那代表什麼?

      可以比較一下市場上幾隻主要的物管股, 看看那些的應收帳是不合理地高。

      刪除
    2. 補充多句, 2606我之前睇左D報告, 管理層預期未來2年都有高增長, 但增長主要是建基於不斷的收購, 所以我之前都講過, 現在物管業務的估值已貴左好多, 佢唔容易通過不斷的收購去達至高增長, 母公司的支持也很重要。

      間間物管的預期增長有部份來源都是通過向外收購, 到時要看看執行力如何, 又如何可以發掘到好的收購項目。

      刪除
    3. 謝謝偉哥分析,已買少少時代鄰里但坐艇中

      刪除
    4. 如果分到紅股但不想持貨的機構投資者, 應該會在年結前沽清, 所以下周沽壓會持續,我應該都會出現帳面虧損, 會陪你坐艇, 你不孤獨。

      刪除
  7. 偉哥學DAVID WEB 多年前送聖誕股?

    回覆刪除
    回覆
    1. 送聖誕股? 還是自己決定及分析吧, 我只是分享自己看法, 而且下周好大機會要坐艇了。

      刪除
  8. 仲未入到9928 睇吓星期一
    內房板塊系唔會受貿易戰影響的 衹要國策唔俾內房冧 出年繼續睇好

    回覆刪除
  9. 偉哥 想問下你有冇用輝立個餘款寶?穩陣嗎?

    另外我想問偉哥點睇美股 因為我驚美股見頂大趺影響港股 唔知幾時轉番MPF好

    回覆刪除
    回覆
    1. 餘款寶我有用, 佢比得較高回報, 當然是有風險的, 不過而家金融市場風平浪靜, 我覺得問題不大, 只是一有大風浪, 最好就取消餘款寶。

      美股當然貴, 正如市場成日驚內房、內銀爆煲一樣, 等左咁多年都未爆, 所以冇得驚咁多, 只能做好風險管理, 保持適當現金在手就可以。

      刪除
    2. 謝謝偉哥
      我都打算轉3成資金去美股 因為果邊多明星股

      刪除
    3. 富途個個現金寶,之前見你提過,以為你有用tim

      刪除
    4. 你指富途那個? 沒有用, 貌似回報並不算高。

      刪除
    5. 美股想買AAPL,但又錯過了5月的回調時機

      刪除
  10. 9911pre ipo投資者每股成本約為人民幣$0.07元,佔全球發售約12%

    回覆刪除
    回覆
    1. 咁9911都有部份Pre-ipo投資者是高價入股的.....不過點睇都好, 呢間公司只宜炒高即走。

      如果有人有睇過承銷團的報告, 你會好驚訝佢地比公司的合理估值, 我心諗唔通散戶比承銷團更加了解呢間公司的基本因素及前景?

      刪除
    2. 望過下
      如用1.68定價

      出年pe 8.7倍
      今年pe 16.2
      一倍增長

      刪除
    3. 關鍵是條數咁靚, 但保母的認為合理估值是多少? 哈哈。

      同埋係招股書入面, 佢根據"非國際財務報告準則計量指標”去計算出核心盈利, 但好奇怪地在這個準則之下, 持有的金融資產的公允價值變動會計入盈利當中, 認真莫名其妙。

      刪除
    4. 我上過ios搜尋下呢間公司有什麼Apps,發現全部都係手遊類,得6款遊戲,而且有點低能,全部都不見得是熱門類。感覺同佢招股書所說的下載量最高排名完全不符。大家可以係ios平台搜尋Newborn Town睇睇,唔知大家有無下載過呢?利申:本英留了張B飛,又高息又超爆倍數,睇完iOS 啲game更加縮一縮轉現金飛。哈哈⋯⋯

      刪除
    5. 呢D只要做做基本的DD, 就會發現呢隻野吹到海外版抖音、魯大師第二, 可能是本年度新股最大的笑話。

      當然佢的營銷及文宣在這一刻已非常成功, 如果上市後成功炒上更是完美, 我就期望中奬及坐一轉順風車。

      至於孖展大手認購的, 真係福禍難料。如果佢成功重演魯大師的升勢, 咁就好大機會賺錢, 但我唔認為可以複製到魯大師的表現。

      刪除
    6. 淨係咁嘅game放上招股書上比排名都已成本年度新股最大笑話啦,低能版抖音就似。

      抽到博鬥儍

      刪除
    7. 1400 倍, 分得幾多, 何必太認真; 高枱貴手放過大孖的人吧.

      刪除
    8. 其實招股第一日已係度講呢隻IPO的營銷做得好, 而且我只會現金入飛博中奬, 然後即沽。 如果睇左我留言而又決定跟紅頂白繼續大孖的話, 應該是有無比信心, 亦唔會比我的言論嚇到, 所以呢到講多幾句, 相信對大局唔會有乜影響。

      相信大孖的人如果不貪心, 應該是可以全身而退的, 最需要擔心的反而是孖左A中的, 很大機會不能獲分一手而蝕埋利息、手續費, 冇仇報, 所以呢D超額倍數咁高的, 策略只能是現金入飛博中獎或者乾脆入B組, 孖展入飛A中至A尾是最差的做法。

      刪除
    9. 抽左三張b飛
      中唔多,投機下

      刪除
    10. 首先呢間公司應該係賣幫免費apps植入面廣告,like google apps,而佢公司本身出果ď apps其實無乜賣點,你見首位26.6% 相信係google Facebook果d公司, 而佢間公司無呃你市佔率0.004%

      同埋抽呢d ipo跟本唔洗睇呢d,一係賭,一係唔賭,

      正如魯大師,我問中大讀it 朋友(果科唔想做e生就係讀果個系)朋友同佢舊同學結論係垃圾公司,一定唔可以抽,

      有強姦無局賭,呢d股睇基本面就無謂,當然先求知係好,呢d股應該問個莊家點炒法?

      反而9928用多d基本面分析係好

      刪除
    11. 估升就升緊, 但COVER到利息開支?真係唔知

      呢D股睇佢基本面真係害死人,無基本面可言,公司比個盈利指引我都係望一望

      間公司做乜,講真我真係唔知,都係呢到有位師兄講完再問返D專家先知,但重點一定唔係賣果個APPS,睇果個APPS有幾多人DL

      佢發展空間同想像空間一定無限大,但呢D唔係最緊要,最緊要莊家肯炒上去

      刪除
    12. 作者已經移除這則留言。

      刪除
    13. 我用左二萬成本去賭,估最多輸二萬,

      1.68定價,B組頭估中6000-8000股 估架JAR

      刪除
    14. 依家炒小型股已經大不如前了,流動性差又冇題材的,莊家散戶都難揾食,好多半新股仔只炒得頭一兩日已見高位,今年仲坐住一隻1692等運到。反而流動性高,有大型基石的中型半新股,調整一排就會再上

      刪除


    15. 偉哥超級頭號敵人
      燒埋我

      原帖由 要壯陽的偉哥 於 2019-12-22 12:06 發表
      嘩,有Blogger瘋狂唱淡,話睇過咩承銷團盈利指引,大家睇路,唔通飯局啲野唔啱佢食,谷冷住?。之後左右護法西門又話望過眼盈利指引,點9解呢啲野咁易可以傳閱?乜西門唔係輝記AA咋咩?

      刪除
    16. 哈哈, 我最近講新股漏洞, 又同好多人落力唱好的9911唱反調, 可能得罪左太多人。

      至於保母的報告及給予的合理市值。相信你都知道, 我的評論已經好厚道, 而且有些野唔方便公開寫, 反正我都贊賞佢地IPO營銷做得好好, 希望暗盤及上市第一日開個好價, 比散戶可以賺些少離場。

      至於話9911係3601或1716第二的, 不妨比較下3601及1716上市時流通股及流通市值有多少, 而9911的流通市值會有幾多先, 連最基本的客觀條件都冇比較下, 就話係3601或1716第二?

      面對一隻甚有疑點的新股, 點解唔質疑成條街都係度大肆唱好的人, 反而質疑一個持相反意見的人?

      基本上我寫乜都會搵到理甶反我, 如果我寫9911係好股的話, 有心人會話我係打手, 搵散戶接火棒, 所以我乜都唔寫先係最好, 亦係有心人的目的。

      刪除
    17. 我先假設9911冇超額配售, 1.68元定價, 扣除基石鎖定6個月的持股後, 流通股數大約1.217億股, 流通市值是2.05億元。

      1716上市價1.2元計, 流通市值是8100萬元; 3601計及15%超額配售及扣除基石持股後, 實際流通股數大約4800萬股, 以上市價2.7元計算, 流通市值是1.3億元。

      1716最多升9倍左右, 3601最多升3倍左右, 即管看看9911有沒有機會升到3601的3倍升幅。

      刪除
    18. 呢位"要壯陽的偉哥" 網友爆左原來佢地有飯局, 所以佢地唱好?

      刪除
    19. 其實有飯局無飯局又如何, 這是偉哥的個人自由, 他只是分享他的經驗和記錄交易, 跟買或賣自行負責.

      刪除
    20. 唉, 我仲未夠班被邀請去呢D有得拎、有得食的免費飯局, 冇人睇得起我。

      刪除
    21. 不過就不時有人電郵或者係雪球比訊息我, 邀請我寫膳稿。

      刪除
    22. 始終依到唔係private, 每個人講嘅野所有人都會見到。加上偉哥號召力太強,所以咪影響到‘某部分人’嘅利益,哈哈,只可以怪依行太黑暗。

      刪除
    23. 什麼也 private 就唔係偉哥既作風, 敢作作敢言。

      刪除
  11. 偉哥,鑫苑1895都好平,母公司又响美國上市,點解股價日日跌

    回覆刪除
    回覆
    1. 其實我之前都講過:

      2019-10-17 13:31:06

      1895本身市值細, 機構投資者唔會買; 其次盈利增長相對低, 最後沒有一個強勁的阿媽支持佢。

      買物管股的邏輯是高增長及有強大的母公司輸血, 而這兩個邏輯是否適用於1895? 1895過往業績高增長嗎? 母公司強大嗎? 不要說輸血, 母公司已是自身難保。

      所以當初IPO時, 我已說1895唔得, 1922都是, 你都見我1922已暗盤一開就沽出, 基本上都唔需要再看。

      刪除
  12. "緊隨分拆完成後(假設優先發售項下預留股份獲合資格時代中國股東悉數認
    購),豐亞企業(由佳名投資及東利分別擁有60%及40%的股權)將直接持有本公司約
    56.06%已發行股本。佳名投資由岑先生全資擁有,東利由岑先生的配偶李一萍女士全
    資擁有。因此,豐亞企業、佳名投資、東利、岑先生及李一萍女士為一組控股股東。"

    As pointed out by Wai Gor, 9928大股東岑釗雄先生 has strong incentive to 造大市值.

    回覆刪除
  13. 合資格時代中國股東於優先發售中獲分配的預留股份最終數目為56,756,713股
    預留股份,約佔全球發售項下初步可供認購發售股份的35%(24,152,335股未
    獲認購的預留股份已重新分配至國際配售)。該等56,756,713股預留股份已分
    配予合共10名合資格時代中國股東。於合資格時代中國股東獲分配的預留股份
    中,13,068,016股預留股份將分配予合資格時代中國股東作為彼等的保證配額,
    43,688,697股預留股份將根據合資格時代中國股東就超額預留股份作出的有效申
    請分配予合資格時代中國股東。

    回覆刪除
  14. 其中一份申請認購
    超額預留
    股份 43,352,697 悉數配發申請認購的超額
    預留股份
    43,352,697 100.00%,但他不是大股東

    回覆刪除
    回覆
    1. 所以持股放在CCASS的時代中國股東, 會統一視作"一份" 申請已。

      刪除
    2. 打錯, 係:所有持股放在CCASS的時代中國股東, 會統一視作"一份" 申請而已。

      刪除
  15. 祝偉哥及網友冬至不分黃、藍、綠、黑一家團聚!開開心心!

    回覆刪除
  16. 1989星期一覆牌,追得落?

    回覆刪除
    回覆
    1. 資產淨值2億, 市值已經超過10億.....如果賣得成, 估計會是折讓賣。

      現價殼價當佢3億吧。

      刪除
  17. 好耐亦好少留言,IPO又無跟, 最近跟果隻已經是687了. 成日都跟買唔跟沽. 贏輸都好都係自己既事, 繼續支持偉哥寫文分享!!謝謝偉哥

    回覆刪除
    回覆
    1. 講真, 今年真係IPO好年, 唔玩IPO係錯過左好多"執錢"的機會, 遲D寫篇文分享下。

      刪除
    2. 好的IPO買少見少,有得執就要執盡佢,下年都唔知咩世界

      刪除
  18. 隻招商局商業房託(1503)會否係405越秀的翻版? 做咩咁多大孖沙咁鍾意入股? IPO價:$3.42
    繼信和酒店(1221)後,呂志和的CWL Assets(PTC)Ltd及嘉華地產以$3.42購入超過1.46億股招商局商業房託,涉資4.99億元,佔股12.96%

    回覆刪除
  19. 偉哥,每持有2.6股就送一股了

    回覆刪除
    回覆
    1. 深信在低活行大圓底.出了業積都幾好股價才升.明年初才吼好位買入。

      刪除
  20. 1365跌到得返NAV 1/5,偉哥有無興趣?不過佢蝕錢既速度真係好勁。。。

    回覆刪除
  21. 除了時代,偉哥還有沒有興趣再入返奧園健康
    現價未夠吸引嗎?

    回覆刪除
    回覆
    1. 我自己覺得現價未夠吸引。

      刪除
    2. 1089股價反映凶多吉少?????!!!!!!

      刪除
    3. 希望唔係,不過今日成交多左D係事實。

      刪除
    4. 3662現價梗係未夠吸引,趕住落去見時代與之握手

      刪除
  22. Tasty money小炒王今早推介1691 (JS環球生活),推時做$5.69,企穏$5.55,目標價IPO上限$7.25,相信冇1千,都有幾百人會跟;心欣跟偉哥一樣,抄半新股最後都賺錢,好似上星期一,二推的2400心動,$11..88,最後星期五最高收15.16,利申:我自己有跟
    原因:小家電美國排第2,全球排第6,最平內需龍頭股,以669相比,平;另外基金Lock up左4成

    回覆刪除
    回覆
    1. 最平內需龍頭? 佢有冇話有幾平? 什麼估值?

      刪除
    2. 偉哥不用認真,心欣以669創科對比,所以話平,冇碓實講理想估值,佢睇半新股盤路個勢幾準,今早10:01am講,跟住好多大戶買入,因為上星期推的2400實在太賺錢了,利申:我遅左聽,未入

      刪除
    3. wewet 應該係tastymoney 員工, 10個留言10個都跟tasty 有關.
      建議叫你老闆做節目時提下偉哥,平衡下.
      無理由次次都係呢邊免費賣廣告,引人流 番去節目,或者比番D廣告費比偉哥.

      刪除
    4. 建議長跑者欄返入去WhatsApp
      1變10
      10變20
      吾洗出來吠叫
      又或者用支筆插盲自己眼
      邊個發明手機多麽的神
      自己手機自由選擇看同留言啊

      刪除
    5. 頭15股東已經95%,頭25已經99.46%,呢幾日成交都細,全部外資自己左右手邊猜邊收,至少盤路上好睇,7,8蚊唔難,番倍都大機會

      刪除
  23. 請問偉哥仲有無留意1717?謝謝

    回覆刪除
    回覆
    1. 我自己沒有再跟進, 不過我有朋友好睇好佢, 也做左好多channel check, 覺得佢業務冇造假。

      刪除
    2. 師兄,我一直有持有.你是不是有嘢share?

      刪除
  24. 我覺得偉哥粉絲們,真的不應該頻頻在此,提及其它股評人!什麼魏X,小炒X,DW…賣什麼廣告!這裡是偉哥地盤!
    對不起!是我小氣,不是偉哥小氣。

    回覆刪除
    回覆
    1. 我相信網友引述其它平台的消息, 也是志在分享, 只要不是非常頻密, 問題不大。

      刪除
    2. i also think they just kindly share...no problem wo

      刪除
    3. 分享下好喎
      因為果D真係唔會成日 因為果D真係唔會成日睇,如果可以簡短講下佢地UP乜重點都好
      當然成日POST就唔好

      刪除
    4. 我係懶系投資人,有追睇wewet啲貼,老豆講,你老豬肉你自己講你自己你真係好好小氣

      刪除
    5. 我都認為簡短分享問題不大.

      刪除
    6. 只係出link就唔係太好。講下重點當分享,如果有料到都ok

      刪除
  25. 隻鶴果然識飛,已升上太空。

    回覆刪除
    回覆
    1. 《新華網》唱好,發言指「國潮逆襲,飛鶴為何贏得消費者信心」。文中引用尼爾森第三季報告,指飛鶴線下市場佔有率達到13.9%,整體市場份額為11.9%,遠超市場第二品牌,並繼續呈現不斷提升的態勢。並指「中國奶粉品牌逐漸贏得消費者信賴」。

      吾怪得升咁多

      刪除
    2. 問過D大陸人
      真係有人飲
      唔平的

      不過自己無KEEP 都係輸走

      刪除
    3. 聽聞北方銷路好勁,尤其3,4,5線城市,擲重金鋪線下銷售渠道,收入條數或者堅堅地
      但以佢同1431既background,以及自美國退市後短時間盤數做得咁靚,須審慎

      刪除
    4. 講真, 飛鶴同1431的淵源深厚是最大的隱憂....1431上市後的走勢只能以恐怖來形容, 所以我只是上市短炒一天, 唔成功就撒退。

      刪除
  26. 想問偉哥好耐, 以前右手邊有些 links, 例如, HKEX 股權披露, 現在沒有了

    回覆刪除
    回覆
    1. 之前感覺太多連結, 太累贅, 所以刪了。

      刪除
    2. 不會. 人人為我;我為人人

      刪除
    3. 偉哥, 聖誕節快樂!

      刪除
  27. 回覆
    1. 之前暗盤沽咗。頭先見4.6頂得住,跟偉哥機入番。希望上番招股價。

      刪除
  28. 9966 尾市抽番, 竟然有得升

    回覆刪除
    回覆
    1. 好多外資用MS做execution broker,機構做CD盤尾市點都要掃埋佢做夠數

      刪除
    2. 呢排見9966浮沉 似當時6185走勢,
      IPO個5手 今日沽哂算。。

      刪除
    3. HML 你既原因同結果是相反的.

      刪除
    4. 幾高興可以再見到草蘆小子,
      希望繼續和大家分享

      刪除
    5. 草蘆小子去左邊到發財?

      刪除
    6. 冇記性,上次講同青兒兩個私下有生意往來

      刪除
    7. Tea Egg, 因為原本期望9966升更多,現有4成賺都唔錯,袋咗先,轉炒時代鄰里返IPO價。

      刪除
    8. 長腿春兒? 係青兒D FRD?

      刪除
  29. 1717和6186, 那一間較好? 有心水嗎?

    回覆刪除
  30. 說得好!

    「5G令移動通訊商陷入兩難」 DPZ Blog
    10月15日我貼出一篇股市隨筆,提出我已沽出長期持有的本地電訊商,香港電訊信託及電訊盈科。電訊信託10月15日收市是12.50元,昨天跌到11元,其間恒指升了1000多點。電訊盈科表現好一點,因為它還有非移動通訊的其它業務。
    本地移動通訊商在5G建設上陷入兩難,5G的投資是相當大的,但收費卻不能提得太高,怕客戶不願意用。一般普通民眾的通訊需要,4G已經相當好,是否為了速度再快一點肯花更多錢是存疑的。
    這是一個長期趨勢,投資者要注意的。

    回覆刪除
  31. 9966岩岩場內13.84大手成交
    大戶交貨嗎?

    回覆刪除
  32. 今日1105 有不常見的買盤HAHA, 好大購買力!

    回覆刪除
    回覆
    1. 剛才開市時是有一買盤掃左700K....希望快些有結果。

      刪除
    2. 快手拉一倍然後停牌啦

      刪除
  33. 今早均價約18.2買返之前19.2沽清的那注2168先。

    上次沽清後一股作氣升上接近23元, 近日唔知係年底獲利盤食糊, 還是因為6049、9928的上市分薄左資金, 反正就是大調整。

    券商一致預期是2019年純利約1.5億人民幣, 2020年增長約30%。

    回覆刪除
    回覆
    1. 2168上半年盈利9000萬元, 但全年預期只有1.5億元, 估計是低於很多人將上半年盈利X2 = 1.8億的預期, 不過這確實是很多券商的一致預期, 估計管理層有比到指引, 唔想市場有過高的預期, 令業績公佈後股價受壓。

      其實唔止2168, 但如剛上市的6049也是一樣情況, 上半年純利3.2億元, 但全年預期只有大約5億的純利, 並不是簡單地將上半年純利X2, 原因說下半年會有較多的開支入帳.....我想到的會否是花紅、雙糧那些是在年底前支付, 所以下半年的純利會不及上半年。

      但也不是每間物管股都是這樣, 有些是全年大約等於上半年業績 X2, 不過2168及6049就不是。

      刪除
  34. 1989 幕後已經轉入ccass ,代表賣盤幾會很大?

    回覆刪除
    回覆
    1. 可能吧, 關鍵是買家是誰, 作價幾多?

      今年好多賣殼的, 都是作價比公佈時的股價有折讓, 所以有冇得升都好難講。

      刪除
    2. 1989有機會買家真係鐘意盤生意,唔單係買殼

      刪除
  35. 臨近年尾, 有些股票會有window dressing, 所以醒目的網友要知道點做....有時是電光火石之間出現, 尤其是臨近年結那天的收市前, 所以我已經落左不少比現價有較遠距離的沽盤, 睇下到時有冇運可以成交到一些。

    除此之外, 也可能會有些機構投資者將組合內表現差的股份清倉, 唔想年結時自己組合持有一些跌得太多的股份, 也可能造就撈底的機會。

    總之年結前如果有異動, 就是高沽、低撈, 但低撈只限於正正常常的股份, 莊股、妖股除外。

    回覆刪除
  36. 1161昨天的權益披露顯示有一主要股東黎燕玲在業績後開始減持, 而且這幾天繼續減緊。

    好消息是今日股價仲企得好穩及減持的黎燕玲並沒有參與公司的營運;

    壞消息是黎燕玲持股高達1.5億股, 如果佢打算全部在市場沽清的話, 股價好難升。

    回覆刪除
    回覆
    1. 有人推所以頂住

      【魚樂無窮】擁13厘息的升呢股 - 唐牛

      主打美容服務、產品及醫學美容的奧思集團(1161)公佈全年業績,營業額增長7.9%至7.64億元,盈利增長12.9%至1.08億元…

      刪除
  37. 聽聞九毛九下星期招股, 不過承銷團加入了中金, 到時要睇睇中金的role....希望不是由中金負責護盤。

    回覆刪除
    回覆
    1. 剛剛看到hket有篇文章分析九毛九, 分享比大家參考。 (不過我不知該篇文章是否要訂戶才看到)

      【新股IPO】九毛九攜網紅太二赴港上市 餐飲股再掀風雲?
      https://inews.hket.com/article/2524041?lcc=an

      刪除
    2. 呢隻野保母是CMBI, 而巧合的是CMBI也是海底撈的聯席保薦人, 所以順理成章將九毛九包裝成海底撈第二, 故上市估值會非常進取。

      刪除
    3. 如果中金負責護盤,就唔抽了。上市買仲好

      刪除
  38. 唔記得左今日只有半日市, 中午已進入競價時段。

    回覆刪除
    回覆
    1. 唔洗特別記啦,24/12,31/12,年29/30,如果有開市,一定係半日市
      如果24/12星期六,23/12唔會係半日市,一定要係24/12有開先有半日市

      刪除
    2. 哈哈, 我係唔記得今日是24號。

      刪除
    3. 哈哈,真係不約而同無時無候,十一點九仲落買賣盤諗住下晝可能有野執添🤣🤣

      刪除
    4. 我諗偉哥今日早上都有收穫,高興得劑,所以先唔記得

      刪除
  39. 見網絡有傳圖 赤子城要認 600K 股先穩一手。。
    A 組人數 11萬多。。。

    Crazy

    回覆刪除
    回覆
    1. 正常啊, 超額1400倍, 當然A、B組都好爆。

      看看我的現金飛有冇運可以中一手, 坐轉順風車。

      刪除
    2. 可能有1萬系大陸分身黎

      刪除
    3. 早排睇雪球有人提到重覆認購既問題,有D大陸人既觀點係:

      1.每隻HIT既都只係幾萬人認購,仲諸多限制
      2.港交所想唔想賺錢先
      3.本地人唔多打新,多限制封戶係咪想隻隻破發
      睇完只能講文化差異..

      刪除
    4. 其實如果只有少數大陸人靜雞雞利用這漏洞也不會有大問題, 正如香港有很少的散戶也會經常重複入飛認購博捉唔到, 但問題是現在很多人組群來利用這漏洞打新, 而組織者可以賺佣, 所以不斷鼓吹其他人也利用這漏洞.....如果只有100人用這漏洞, 那也只是多左1-2千張人頭飛, 唔多覺, 只是如果發展到1萬人利用這漏洞, 就會多左10-20萬個人頭, 那就是守規矩的香港人的悲哀。

      我知咁講會影響好多業界的飯碗, 也會有很多人針對我, 不過我都係要咁講, 既然遊戲規則定左係咁, 希望不論香港或國內人都守這遊戲規則, 不然的話物極必反。業界無可否認會短線受惠於這漏洞, 多左好多國內客開戶, 多左佣金、孖展利息收入, 但情況越來越失控, 監管機構真係會無動於中? 只怕日後會推出更嚴厲的監管措施!

      刪除
    5. 核心問題是內地人能重覆認購而本地人不能吧
      如果本地人都能重覆認購 相信沒人會投訴

      刪除
    6. 宜家係講緊公平,而唔係香港人輸蝕呀!係,我明香港人搵錢至上,所以九成放租,重覆認購,總之有錢搵就得唔需要良知。不過大家都知道,香港人已經愈來愈有良知了。。。

      刪除
    7. 如果全部人都可以同時以多個戶口申請又不會被DQ, 咁當然無問題, 因為大家享有的權利都一樣, 很公平, 問題是因為身份証的漏洞令到國內人可以重複申請但香港人不可以, 那就是問題。

      所以監管機構一係就堵塞漏洞, 全部人都只能入一張飛認購, 又或者放寛限制, 以後申請新股都無需提交身份証號碼。

      刪除
    8. 看來本地人唯一自救方法就是熱門新股要避開A組 真可悲

      刪除
    9. 我前兩天的文章好多人關注, 單日瀏覽量創左今年紀錄, 勢估唔到。這兩天雖然是假期前夕, 但瀏覽量也比往時的高, 或者真係好多人關注這問題。

      今年好多香港人都說寧攬炒也要追求公義, 只是當涉及到自身利益問題, 有幾多自身利益受損的人會含淚支持堵塞這漏洞, 彰顯公義?

      刪除
    10. 偉哥說得很好
      今晚回去響應一下禁兩個掣發個電郵

      刪除
    11. 最好有隻熱門新股水班人一劑,一上大跌,咁就會亂認講了

      刪除
  40. 作者已經移除這則留言。

    回覆刪除
  41. 偉哥,想請教下196呢股點分析好
    感覺橫行已久

    回覆刪除
    回覆
    1. 冇得分析, 市場上太多呢d 幾億市值的半新股, 冇基本因素、冇人有興趣買, 好多都是上市炒一轉、甚至一上市就散貨, 已完成任務。呢D股只有殼有需求時先再有機會炒, 但而家賣殼極難, 殼也沒有需求, 所以不必浪費時間。

      你只要看看2683呢D 4倍幾PE、8%股息率的都冇人買, 更不要提大部份上市後業績完全走樣的建築股, 你睇呢D只會浪費時間, 100隻入面可能只有幾隻會有莊家收集後炒返上去, 大部份都係上市散貨後就玩完。

      刪除
    2. 好似加多句,係上咗都無人知,唔提無人知係咩。浪費時間。不過2683再跌我都買番點,當收息都好

      刪除
  42. 時代已經改變:

    https://news.mingpao.com/pns/%e7%b6%93%e6%bf%9f/article/20191224/s00004/1577124983519/%e5%91%a8%e9%a1%af-%e5%89%8d%e9%80%94%e8%a6%8b%e7%9b%a1-%e6%9c%83%e8%a8%88%e5%b8%ab%e8%ae%8a%e7%89%9b%e5%b7%a5
    日前同某名富二代食飯,他說最記得我寫的一篇文章,就是富二代都沒有前途,個個老竇給他們幾萬元一個月,有車揸有屋住,信用卡可以簽,以前鄭家純、林建岳、曾文豪等,二十幾歲已在商場上叱咤風雲,現在已完全沒有了。就算是四大家族的公子們,咪又係個個逗份人工,最多人工高過普通人,一千幾百萬一年,但要想億億聲真金白銀落袋,就唔使旨意了。


    本人的政治課程的頭4班已收夠學生,由於太辛苦,暫不開第5班了,多謝粉絲們的支持。在今日的世界,搞政治居然比炒股票更受歡迎,真是完全想不到!
    [周顯 投資二三事]

    回覆刪除
    回覆
    1. 唔同時代有唔同時代的玩法,機會總會有的

      刪除

注意:只有此網誌的成員可以留言。