置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年9月5日 星期三

屋漏兼逢連夜雨 & 意外的發現!



已經連續寫了很多篇文章關於橙天(01132),原本以為這一篇可以寫一些題材比較輕鬆的文章,怎知最終還要繼續寫橙天,只因橙天剛公佈向南海控股(00680) 展開法律訴訟,追討出售橙天中國的交易餘款共2.52億人民幣。

這筆餘款的由來,源於當初橙天中國的買賣協議中,有關“代價及付款”相關規定:

1. 當時議定的作價32.86億人民幣,存在調整機制:

(i) 負 債 淨 值 調 整,初 始 代 價 將 就 下 列 各 項 作 出 進 一 步 調 整:

 (a) 倘 經 審 核 賬 目 內 之 負 債 淨 值 多 於 結 算 賬 目 內 之 負 債 淨 值,則 增 加 負 債 淨 值 調 整 金 額; 

(b) 倘 結 算 賬 目 內 之 負 債 淨 值 多 於 經 審 核 賬 目 內 之 負 債 淨 值,則 撇 減 負 債 淨 值 調 整 金 額; 

(ii) 增 加 自 二 零 一 六 年 十 二 月 三 十 一 日 至 交 割 日 期 止 期 間 投 資 於 新 影 城 項 目 之 現 金 開 支;及 

(iii) 撇 減 倘 交 割 於 二 零 一 七 年 九 月 十 五 日 後 落 實,買 方 根 據 建 議 嘉 興 信 業 協 議 須 就 嘉 興 信 業 股 份 支 付 之 額 外 代 價。

除此之外,尚有有關“租賃” 條款,可能觸發作價的調整。

租 賃 

根 據 買 賣 協 議,賣 方 須 促 使 於 簽 訂 日 期 至 交 割 日 期 止 期 間(除 非 買 方 另 行 同 意(「續 租 期 間」)按 不 遜 於 買 賣 協 議 所 載 重 續 條 款 之 條 款(「協 定 重 續 條 款」)重 續 目 標 集 團 一 份 現 有 租 約(「現 有 租 約」),及 賣 方 與 買 方 須 促 使 於 交 割 日 期 至 現 有 租 約 屆 滿(「屆 滿 日 期」)期 間 按 訂 約 方 協 定 之 條 款 重 續 現 有 租 約。

賣方亦須促使目標集團於簽訂日期至二零一八年十二月三十一日止期間(「該 期 間」),按 不 遜 於 買 賣 協 議 所 載 若 干 影 院 之 租 賃 條 款(「協 定 租 賃 條 款」)訂 立 若 干 影 院 之 新 租 賃 協 議(「新 租 約」)及(在 與 買 方 進 一 步 協 定 下)訂 立 其 他 影 院 之 其 他 租 賃 協 議(「其 他 租 約」)。 

買 方 將 向 賣 方 作 出 付 款 或 買 方 將 向 賣 方 收 取 退 款,取 決 於:(1)(i)賣 方 能 否 於 續 租 期 間 內 根 據 協 定 重 續 條 款 重 續 現 有 租 約;(ii)賣 方 或 買 方 能 否 於 簽 訂 日 期 至 屆 滿 日 期 止 期 間 按 訂 約 方 所 協 定 條 款 重 續 現 有 租 約,及(iii)賣 方 能 否 透 過 目 標 集 團 於 該 期 間 根 據 協 定 租 賃 條 款 訂 立 新 租 約 及 其 他 租 約 及(2)現 有 租 約、 新 租 約 及 其 他 租 約 之 協 定 經 濟 價 值。買 方 向 賣 方 收 取 之 退 款 最 多 為 人 民 幣 380,000,000元。由 於 尚 未 就 其 他 租 約 簽 立 任 何 協 議,預 期 買 方 將 自 賣 方 收 取 之 最 高 金 額 為 人 民 幣17,000,000元。

簡單而言,賣方 (即橙天嘉禾) 需促使橙天中國在一份現有影院的租約屆滿前,重續該份租約;及自買賣協議簽訂當天至2018年12月底止,訂立若干影院的新租賃協議。

如果賣方無法於續租期間協助橙天中國重續現有影院租約,則買方有權向賣方追討交易退款,上限為人民幣3.8億元。

因為存在作價調整機制及"租賃"條款的關係,所以出售橙天中國的交易完成後,南海控股並不是一次性付清作價,而是將3億人民幣的餘款存在橙天及南海在國內開設的聯合銀行帳戶,等候雙方議定價格調整及完成續租責任後,才根據實際金額,由這聯合銀行帳戶中支付予橙天,付款時期是自交易完成後的6個月至12個月,即是理論上應於今年1月底至7月底前支付餘款。

而根據橙天的通告,橙天計算出來經調整的交易餘款是2.52億人民幣,並要求南海控股簽發書面指示聯合銀行帳戶的託管代理,將該筆款項匯至橙天在離岸的銀行帳戶,但南海控股仍未簽發聯合指示,故此橙天展開法律訴訟,追討該筆餘款。

由於橙天發出的通告所披露的訊息有限,不清楚南海控股因何拒絕簽發聯合指示,是因為其不同意橙天所計算出來的交易餘款2.52億人民幣,還是說因為橙天中國與將注入橙天的江陰橙天地存在租賃糾紛所致? 

似乎要等橙天或南海作出進一步的披露,才可以知道內情,目前只是橙天單方面展開訴訟,還沒見到南海控股的回應或者任何反索償行動。

277 則留言:

  1. 交易初始金額是32.86億人民幣, 而根據2017年7月28日的通告, 稅後的交割金額是30.2億人民幣, 當中有3億人民幣會存入聯合銀行帳戶, 等候交易完成後的6個月-12個月期間, 計算作價調整後, 才轉帳予橙天。而現在橙天計算出的經調整交易餘款是2.52億人民幣 (即是比原定的交易作價少了4800萬人民幣), 並要求南海發出聯合指示帳戶託管代理, 將款項轉帳予橙天, 但南海未簽發聯合指示, 因而才有這法律訴訟。

    回覆刪除
    回覆
    1. 寫完篇文章後, 朋友即時來電討論, 大家重新翻看2017年年報, 最終大家得出的結論是這筆3億人民幣的保証金,原來真的沒有入帳! 即是說如果比橙天通過法律訴訟, 收得返2.52億人民幣的話, 那未來橙天會有多2.52億人民幣的盈利入帳。

      但另一方面, 根據買賣交易, 如果橙天無法協助橙天中國完成"租賃" 的責任, 則掉轉頭南海有機會向橙天反索償3.8億人民幣, 而扣除現有3億元的保証金, 即係最惡劣情況下, 橙天要賠償8000萬元。

      刪除
    2. 剛才以為Jeffrey 的看法錯, 要向jeffrey道歉, 我同意佢以下這幾句的看法。

      Jeffrey Lau2018年9月4日 下午10:59
      或者大家冇留意呢筆錢其實從來都冇入帳,因此唔係應收帳。

      可以睇番佢計作價不是用3.3billion 人仔係用2.99billion 人仔計價。

      原因係個net debt adjustment 係唔知,同埋南海有權索償3.8億人仔。

      刪除
    3. 難怪之前一直在說為何橙天的帳面少了幾億元的現金, 原來橙天基於保守的會計原則, 沒有將存在聯合銀行戶口的3億元人民幣入帳!!

      搞清楚這件事後, 可以安心睡覺了。

      刪除
    4. 抱歉偉哥,咁你覺得橙天勝訴機會大唔大?最近比隻橙搞到個人好混亂

      刪除
    5. 從通告中披露的訊息非常有限,唔知南海唔簽紙放行的原因,冇得估。

      刪除
    6. 好暈
      點解是8千萬而不是1.3億
      初始金額是33億(包含可能的adjustment3億)+可能的賠償3.8億 所以
      入帳30億
      adjustment出來了是2.5億 但是 南海唔俾錢
      結果1 贏官司攞2.5億 or
      結果2 南海反咬3.8億

      刪除
    7. 偉哥此段就總結了偉哥對這次事件睇法是否利好/利平/利差:
      偉哥2018年9月5日 上午4:07
      難怪之前一直在說為何橙天的帳面少了幾億元的現金, 原來橙天基於保守的會計原則, 沒有將存在聯合銀行戶口的3億元人民幣入帳!!

      搞清楚這件事後, 可以安心睡覺了。

      刪除
    8. 因為根本 "沒有將存在聯合銀行戶口的3億元人民幣入帳!!"

      刪除
    9. 最壞情況是南海反咬3.8億人民幣, 但當中有3億人民幣是沒有入帳的交易餘款, 放在聯合銀行帳戶, 所以反咬3.8億而又成立的話, 會從聯合銀行帳戶裡先扣3億, 再向橙天索償8000萬。

      放在聯合銀行帳戶的3億人民幣, 現在等同開左聯名戶口, 冇雙方同意都不能用。

      刪除
    10. 我覺得按HKFRS來說, adjustment 部份是contingent consideration。來予名稱為contingent,解釋為可發生或不會發生, 是需要valuer去評估,可能在上年完成交易時, valuer評估為好大機會發生,所以在會計上的consideration是扣除左此部份

      刪除
    11. 個3億人仔是否可以全抵3.8億比南海是個問號,因為現時1132報數是2.52億人仔係佢嘅,剩低個4千8百萬係可以點運用呢?冇講。

      刪除
    12. 你呢個說法是假設左橙天完全無法幫橙天中國完成影院續租, 所以比橙天中國反索償3.8億人民幣, 但你憑乜去作出呢個判斷?

      根據通函, 其實寫得好含糊, 最終如果有些影院租約無法續約, 如何計算其經濟價值及賠償? 結果是說不清, 只能透過法庭或仲裁機構去判斷, 但目前3億人仔的保証金就兩者都動不了, 除非雙方協議同意條數。

      買 方 將 向 賣 方 作 出 付 款 或 買 方 將 向 賣 方 收 取 退 款,取 決 於:(1)(i)賣 方 能 否於 續 租 期 間 內 根 據 協 定 重 續 條 款 重 續 現 有 租 約;(ii)賣 方 或 買 方 能 否 於 簽 訂 日期 至 屆 滿 日 期 止 期 間 按 訂 約 方 所 協 定 條 款 重 續 現 有 租 約,及(iii)賣 方 能 否 透 過目 標 集 團 於 該 期 間 根 據 協 定 租 賃 條 款 訂 立 新 租 約 及 其 他 租 約 及(2)現 有 租 約、新 租 約 及 其 他 租 約 之 協 定 經 濟 價 值。買 方 向 賣 方 收 取 之 退 款 最 多 為 人 民 幣380,000,000元。由 於 尚 未 就 其 他 租 約 簽 立 任 何 協 議,預 期 買 方 將 自 賣 方 收 取 之最 高 金 額 為 人 民 幣17,000,000元。

      而條款中寫到明買方向賣方收取的退款上限為3.8億人民幣, 呢點就好確定, 所以最壞情況係3億人民幣的保証金拿不回來之餘, 要再倒貼8000萬人民幣的賠償。

      刪除
    13. 目前情況比我昨天理解的好很多, 是因為昨天以為3億人民幣已入帳; 如果一分一毫都攞唔返, 即係要做3億人民幣的撥備, 到時可以攞得返多少, 就可以再入帳多少。

      刪除
    14. 戲院賺錢不多,前期投入之裝修費不非,故此租約到期未能續約其實對戲院影響很大。就算可以續租,但租金比前租約加幅很大,對戲院都有影響。

      因此先有呢個3.8億嘅賠償。

      現在問題是,要賠幾多?唔知。但已知3億只能取回2.52億。

      刪除
    15. 偉哥,如果呢3億人民幣係已入帳,咁算唔算做假數?

      刪除
    16. 如果3億已入帳, 我又唔覺得係做假數, 因為我一開始都以為已入帳, 冇入帳先令我感到驚訝。

      當然, 呢D專業問題, 留返佢專業人士解答, 我只是識會計入門。

      刪除
    17. 聽落好似有啲唔妥。
      已入賬嘅數,唔係應該反應返實際收到嘅錢咩?

      刪除
    18. 很多時有contingent consideration,故未收錢都會入帳再掛其他應收款

      刪除
    19. 3億人民幣係未入帳, 而筆錢係橙天及南海開設的聯合銀行帳戶, 橙天單方面係動用唔到。

      刪除
    20. 明白了。謝偉哥,Jeffrey 兄。

      刪除
  2. 偉哥,那是否可理解為即使南海照付如期,橙天仍少了4800萬的現金值?

    回覆刪除
    回覆
    1. 應該掉轉咁多, 如果南海照付這筆錢, 橙天會多了2.52億元人民幣的現金, 因為之前一直沒有將這筆款項入帳。

      刪除
  3. 好亂。。。咁即係如果成功買到橙天地,就可以收到呢筆錢?俾人否決左,就分分鐘雙失?

    回覆刪除
    回覆
    1. 目前是兩件獨立事件,不要混為一談。

      刪除
  4. 回覆
    1. 即係呢件事,本來唔發生大家都唔知原來有筆錢未入賬,宜家發生左,就有機會拎到一筆「意外之財」。但如果呢件事冇發生,即係收唔到呢筆錢,大家其實都唔會覺得有咩問題。

      結論係:宜家有筆可能收得到既「意外之財」,收到既話,公司多幾億,收唔到既話,對現時情況又唔會出現咩問題,因為之前D錢都收哂喇,咁點解股票仲要跌呢??

      刪除
    2. 收到既話: 橙天收番哂 252M 人民幣「意外之財」

      <=====中間方案=====>

      最壞情況: 橙天比人索償番380M人民幣,
      橙天嘔番 300M(保証金) -380M(最高索償) = 80M出來

      刪除
    3. 其實最壞打算係:橙天嘔番 300M(保証金) -380M(最高索償) = 80M出來
      但就今次事件,橙仔應該有做足哂野先咁主動要求對方比錢,如果佢冇做野,又點會自找麻煩(個人觀點)

      刪除
    4. NC,還要講得這麼白嗎? 所以我說680今日才要跌

      刪除
    5. 我覺得係, 無提過佢要比380M(最高索償), 橙覺得自己完成續租責任先告佢要返保証金

      刪除
  5. 甘即係我哋反而要支持伍生買嗰塊地?否則賠3.8億?

    回覆刪除
    回覆
    1. 不是,兩者沒有關係。

      刪除
    2. 留意橙天中國係有租呢塊陰江橙天地。

      由於租賃回撥3億8冇講邊塊地有續租條款,所以都唔一定冇關嘅。

      刪除
    3. 租賃責任係指橙天要幫橙天中國續租部份現有影院的租約, 但江陰橙天地的糾紛是橙天中國現在拒租這個明天才開幕的影院, 而不是不能續租。

      睇返當時的通告, 江陰橙天地理應在2017年6月底將影院個場交比橙天中國經營, 但而家要拖到明年先可以交個場, 唔知係唔係大地自己在江陰搵左另外的場地, 所以拒租這個延遲交付的場地。

      刪除
  6. 一直很少留言,但眼見偉哥去到凌晨四點仍然分享分析看法,很感激.

    我亦持有粒橙,現階段依然是等待到投反對票

    回覆刪除
  7. 1132賺幾多錢都好,往後幾年都唔會益到細股東
    感覺偉哥開始冇咁理性
    以以前偉哥嘅思路,3399同1132應該一早走左
    因為值搏率已唔高
    純粹個人意見

    回覆刪除
  8. 多謝偉哥,4點鐘還不睡就是為了盡快跟進1132的最新情況,今朝8點又起身繼續,嘩!偉哥你不用睡覺嗎?小心身體呀!你是別人的爸,人子,老公,老板...!錢財身外物,到有病才發現健康的可貴就遲了!

    回覆刪除
    回覆
    1. 偉哥:誠意同你講,真得不要通宵不睡,因為日積月累好多頑疾從此起!你都不是憂柴憂米喇,還這樣博就是想資產尾數多個0!值得嗎?!

      刪除
    2. Peter,偉哥是為了我們,你不明白嗎?

      刪除
    3. 其實我都幾鄧你可憐。睇來著緊錢銀多少果個係你先真,否則唔會股災就跳出來話自己幾醒幾醒。對偉哥來說,投資賺蝕唔係區區數字,而係做人事業。而你,只係識得趁火打劫讚自己來刷存在感,最慘係仲要無人理你。我見你都買下債券(雖然只識買投資級別。。。),都叫同道中人,回下你,希望你都搵到自己既人生方向啦。。。

      刪除
    4. 我當然明白,但用不著這樣吧!?講得粗俗一點,有起事上來鬼可憐呀!做任何事情都要適可而止,況且這個blog 又不是將費的,用不著這樣吧?!最起碼規定自己不要捱通頂,又不是做工,這是自己可以控制的,否則分分鐘贏了世界,輸了健康!偉哥你三思呀!

      刪除
    5. 適可而止係你口中講出黎特別無說服力

      刪除
    6. 講咁多都係無非想講1個字: 退

      刪除
    7. 點解咁夜唔瞓, 就係因為要搞清楚事件, 尤其是我昨天的看法有錯, 以為300M人民幣保証已是入帳。

      當我朋友半夜剛好看了我的文章, 發現我的看法有錯, Jeffrey昨天的看法 (300M人民幣根本沒有入帳) 才是對的, 立即找我, 原本想去睡覺的我, 只能繼續一起看年報、通告, 去找出實情, 然後立即留言糾正我自己昨天錯誤的看法。

      刪除
    8. 係又哈吾係又哈賺了金錢,人格破產。先哈哈哈啦

      刪除
  9. 早幾個月前沽了1132,好彩!

    回覆刪除
  10. 現只持有2000股2136@3.3x,佔總資產極極極極極少,全無壓力,3蚊樓下才溝!

    回覆刪除
  11. 香港地有錢人多 有錢但有品既人少之又少
    某位人兄之前講自己有幾多錢幾多錢
    (其實佢有既錢都唔係好多)
    又賣晒股票買債券 每年賺幾個%
    但係人品都差到一個點
    字裡行間淨係感受到佢落井下石

    回覆刪除
  12. 唔好再話支持買橙天地
    再講就係鬼

    回覆刪除
    回覆
    1. 專業橙農,你有幾多股?

      刪除
    2. 其實係有D亂。。。不過偉哥都講左係獨立事件,咁就一路盼橙拎得返錢入帳,同埋等開會否決啦~

      刪除
    3. 不太高,我見有人講0.7X

      刪除
  13. "搞清楚這件事後, 可以安心睡覺了。"

    見偉哥此句,事件情況應不太差! (•̀⌄•́)

    回覆刪除
  14. 但點解唔放係 contingent asset / liability 度講呢。

    回覆刪除
    回覆
    1. 呢個要問專業的會計師, 我唔知道原因。

      但綜觀之前買賣通函及2017年年報, 確實是有一筆3億人民幣的款項沒有入帳, 而這筆錢就是今次訴訟的主角。

      刪除
    2. 其實個3億就係黎抵銷3億8千萬租賃賠償。當然緊係吹水話最多賠3億所以咪冇擺contingent asset/liability

      刪除
    3. 唔係好明, 可以講多少少?

      刪除
    4. 問題係而家橙天追南海2.52億人民幣的尾數, 而唔係南海追橙天數。

      租賃責任係要橙天幫橙天中國去續一些影院的租約, 但完全沒有披露如果其中1、2間續唔到租約, 要點賠償, 只係講南海可以追討的賠償上限是3.8億人民幣。

      我諗橙天只是追討2.52億, 而不是3億, 係計入左部份責任賠償落去, 而南海唔肯簽字同意, 係對數目不同意, 最終只能對簿公堂或者搵專業第三者做仲裁。

      刪除
  15. 大家攪清楚邊個追討邊個先。如果永遠要當橙是事件受害者,那你便即沽不要回望

    回覆刪除
  16. 如果無記錯 佢應該之前輸左一鋪大係510身上
    所以咁嬲?

    回覆刪除
  17. 南海唔出通告!!??有貨要睇睇

    回覆刪除
    回覆
    1. 我諗成件事唔關南海有冇錢事, 因為筆錢3億人民幣已在完成交割時, 放在聯合銀行帳戶, 而不是仍在南海的帳上。

      刪除
  18. 偉哥通宵逹旦來批橙,又速貼文來令大家減少對橙的憂心,相信我寫此文時,偉哥才熟睡熟未起床,大家一早看偉哥思路分折才放下心頭大石了,但我極不偉哥的所為,通宵不休息,睡幾天也不可以補救的,望偉哥可一不可再,大家也不想偉哥病倒呢。

    回覆刪除
    回覆
    1. 以前成日都通宵達旦, 只係近年先少左咁做而已。

      哈哈, 沖繩的病仲未好返, 朋友半夜和我討論時, 聽我一路係咁咳, 都話我點解好似病得比沖繩回來時仲嚴重。

      刪除
    2. 偉哥
      病要比多啲時間睡眠 唔好通咁多頂了
      等自己身體復元一下 保重身體

      刪除
    3. 偉哥你太好人,谢謝你,你感冒好返未就通宵,take care!







      刪除
  19. 今早期指開出不差,
    想新造淡宜觀察多一會.

    回覆刪除
    回覆
    1. 09:45
      中国8月财新服务业PMI 51.5,为10个月新低,预期 52.6,前值 52.8。
      中国8月财新综合PMI 52,前值 52.3

      刪除
    2. oman兄, 我還是死心不息, 等机會偷雞.
      這兩三年期指体會, 升就多數拾級而上, 跌就急促直插, 所以覺得put易D走甩止蝕, 當然也是非常高風險.

      刪除
    3. 我暫時用27500做分水嶺,大戶的建倉位,跌唔穿就偷雞做好。

      刪除
    4. 隻888開始有喲唔知乜人掃,
      近排沽家泛海在$1.26接了先前批股$1.44斬倉貨.

      刪除
    5. 黎到呢d 位,點都殺落車27500 以下,殺埋d 牛證。

      刪除
    6. tkchan兄做call偷雞(27500)會吾會好大風險?得不償失
      因相信你也是看跌等待熊3出現,一穿27500的話可以跌得好急好狠

      刪除
    7. 已偷左1次雞,上次用隻牛仔69762: 0.09x > 0.13

      刪除
    8. 殺落274xx 附近偷下雞都無仿

      刪除
    9. 小心美股連跌兩日,之後就係三日,少做少錯

      刪除
    10. 今日行單向,偷雞put@27440-27340
      這幾年從炒期得出這10個字最深刻体會"有風駛盡利,得勢不饒人"
      大戶莊家真係好狠

      刪除
    11. @27435再put,set定27490止蝕,100点止賺,Lunch食飯時間吾駛心掛掛住睇市

      刪除
    12. LEE兄收錢了
      今日成交唔細,要小心

      刪除
    13. 今日好友都係輸硬,
      27055及64000睇位走算數.

      刪除
    14. 無閒兄,我通常看牛熊證位置數量較多為參考數據,同埋跟當天pattern順勢而行.
      不太明白成交吾細會可能代表什麼/轉勢?還是太側重一面的話就似會反彈?想了解多D

      刪除
    15. Lee兄,只係個人感覺,今日半日成交480億大跌,到現在已經719億,感覺係大停出貨,一浪低於一浪

      刪除
    16. 888,

      神秘人越掃越開心,
      升穿$1.25可見$1.35左右.

      刪除
    17. 64000負溢價咁多,真係咁著數

      刪除
    18. Oman兄,請問64000 四点-四点半有否買賣?(吾好意思問低能問題),因期指如當天行單向的,好多時4点後才會反彈(大戶會殺盡散戶).
      無閒兄,我誤會咗係期指張數成交吾細

      刪除
    19. 謝oman兄,咁風險係4点後直至夜期,因就算曾經爆升都只係望冇得食餬住,要等早上開市

      刪除
    20. 剛再食多100点@27230-130

      刪除
    21. Oman 兄
      888 似晤似公司回購盤?

      刪除
  20. 愈窮愈見鬼!!! 3.25沽哂596之後就立即反彈

    回覆刪除
  21. 請教各位師兄,創興二供一,正股無咩點升,何解供股權狂升?數字上解唔通,純粹係因為玩接火棒?

    回覆刪除
    回覆
    1. 可能有人想收貨,又唔想掃郁個正股個價。

      刪除
  22. 錢財身外之物
    皆是浮雲
    偉哥take care保重身體要緊
    有句話類似係:若因買股票後夜晚訓唔著,就點都得不償失了

    回覆刪除
    回覆
    1. 我唔係因為股票而夜晚瞓唔著, 事實上昨晚1點已好眼瞓, 但點都捱埋, 寫埋篇文後想去瞓, 朋友覺得我看法有錯, 即刻短訊問有冇時間傾幾句......一傾就一小時。

      我已不會因為股票而瞓唔著, 有的話也是因為未更新文章而唔可以瞓著。

      刪除
    2. 偉哥個人係好有責任感

      刪除
    3. 其實從偉哥角度/性格出發諗野,會易明好多. 我認為一個男人肯為一件事咁做咁投入,係因為自己嘅興趣/滿足感再加上性格有責任感所形成. 所以其實係一個好charm好正嘅男人, 做邊行都可以成功(哈哈,你當我擦鞋啦). 當然從他的愛人同屋企人睇法有d吾同, 會好肉痛. 如可取得兩面平衡就最perfect.
      講真昨晚吾解話嘅,今早AO点會跌咁少, 甚至乎而家仲可倒升.
      P.S. 某程度上都好欣賞而家嘅王維基, 做人有理想, 向自己的興趣夢想出發. 不枉此生

      刪除
    4. 睇得出偉哥真係好鍾意"分析"呢個過程,為咗討論一個睇法半夜三更傾成粒鐘。雖然對身體唔好,但係又覺得對一件事仲有呢個熱情其實係好幸福嘅事。有偉哥係網友之福啊。 另外又要加返句,多謝偉哥,保重身體啊。

      刪除
    5. 擦鞋係有利益輸送,而家係冇所以吾係

      刪除
  23. 偉哥今朝有無再買橙?我指入到0.255小注。。。

    回覆刪除
    回覆
    1. 前天才增持, 今天沒有, 如有的話會講。

      刪除
    2. 希望今朝低位沽出唔係呢度睇完偉哥篇通宵文既,否則就真是浪費偉哥一番善意

      刪除
  24. 來緊大型新股估值都係好貴, 美團一早唔打算認購, 海底撈就有興趣, 但似乎海底撈上市的估值也頗貴, 係呢D市況, 值博率似乎不高。

    美團4個月蝕227億 分析 : 估值高 撇除上市前發優先股 經營虧損逾25億
    https://www.mpfinance.com/fin/daily2.php?node=1536087098001&issue=20180905

    券商:海底撈明年市盈率38倍
    https://www.mpfinance.com/fin/daily2.php?node=1536087099811&issue=20180905

    回覆刪除
    回覆
    1. 今日截止的1969估值大打折扣都冇人乜買,反而保薦人往績極佳的2680勁多人入飛

      刪除
    2. 1969我現金認購左8萬股, 小注怡情, 預左有機會全中。

      希望下限定價。

      刪除
    3. 1969的確值博,高等教育業務的估值不應這麼低,只是保薦人和氣氛都麻麻

      奇怪偉哥沒有入飛抽2680,此股估值非常貴

      刪除
    4. 1969如果下限定價, 係非常值博; 上限的話估計要跌, 但以目前市況, 加上公開發售的反應不好, 估計中上限定價機會微。

      保薦人往績不差, 睇佢獨家保薦的公司, 最近2年有3隻: 6169, 3738及1272, 累計係得1272跌, 但1272上市初期都有水位走到。

      刪除
    5. 呢D市況, 大幅超額的小型新股好難偷到雞。 貨派得散, 莊家唔會咁好死, 炒上比散戶獲利離場, 所以連認購1手碰下運都慳返。

      刪除
    6. 教育板塊今日大跌, 我諗1969要中下限定價了。

      刪除
    7. 縱然大跌,都比1969估值高不少,哈

      刪除
  25. 我認為熊市裏靠小彈來博那低%利潤,不甚有直博價值呢,跟本那假反彈,板塊輪流來洗白白,只會把輸剩現金放晒入市受困,留得青山在那怕冇好野買,不用急於一時.等到港股跌定横行牛皮一段長時間,每天成交縮減,甚乎聞股識變時,才施施然擇肥而喫,這是熊尾必經階段,這時是消滅大家現金,今時有很多吸引股票可買,我仍是忍忍忍一股不買,堅信自己看法。不喜者勿插。

    回覆刪除
    回覆
    1. 正解!看你是身经百战的股场老兵!要好高的技巧还要有一定的运气,投机和赌博的性质大,要求的技术和心理素质高,要赢钱不是常人也,值博率不高就是了!

      刪除
  26. 學生哥兄,走左8482未?兩次衝0.305都跌返落去,仲穿埋招股。。。

    回覆刪除
    回覆
    1. 未,今朝淨係沽左8450, 隻8482 好古怪,唔似出貨格

      刪除
    2. 佢可能搏鬥緊,Terry兄走左未

      刪除
    3. 未走。set左止蝕位,輸小小無所謂,搏下佢炒高。

      刪除
    4. 今朝好忙,唔得閒睇市,miss 左好多chance

      刪除
    5. 唔似俾左配售集團,不妨一戰。

      刪除
    6. 我今日放棄呢隻,正股好平

      刪除
  27. 2136 搬貨去NONOCASS,註銷後,就睇到富達重有幾多貨

    回覆刪除
    回覆
    1. 睇唔到, 富達的貨放係HSBC, 同新鴻基倉位冇關係。

      刪除
    2. 註銷後,股權變動,披露權益唔會顯示?

      刪除
    3. 係wor,佢呢2個月,如果有減持,就會少過5%,睇唔到添

      刪除
    4. 如果睇番最近兩星期CCASS既變動 估計FMR應該仲有3%鬆D...估計
      SHK提左貨應該準備註銷

      刪除
    5. 一開個串流望到D沽盤大部份都係BNP同UBS,依兩個倉壓落黎真係令人遐想
      睇怕壓價流出既貨,大部份又由德銀接番

      刪除
    6. 細劉真勁, 搓落黎嗰幾日, 可以完全冇人夠膽狙擊, 仲要有貨流入, 我越黎越覺得個offer唔會好

      刪除
    7. 會唔會得$4.5或者更低..?

      刪除
    8. black out period 個堆牌出番晒黎

      刪除
    9. Alex可唔可以detail少少?

      刪除
    10. Offer好唔好,無人答到,不過你地敢唔敢反對?

      刪除
    11. CICC,Futu,Goldman 之前喺black out period 會經常出現喺buy side . 剛剛試了一下盤排3.17會立即被B之餘再沽低一個價位壓價.希望幫到大家分析.

      刪除
    12. 你們的思路很奇怪, 好似已經當正佢一定會私有化咁.
      大部分情怳下, 股價已經會反映事情的成功率和可賺的大約利潤.

      如果一些未必會發生的, 你已經當正佢一定發生, 到時最痛的就是自己.
      我看著看著, 已經很多日了, 有很多師兄都是以 (因為之後會私有化), 所以現在股價就會升/跌又或某某買入/賣出, 而不是看著那些種種因素, 去估計私有化的發生率有多高.請不要將結論當成原因來看股票.

      有一句是我個人意見, 我在雪球說過, 不一定對, 但希望作為一種提醒.
      "我還真沒見過有股票會在散戶日日唱著要私有化的情況下去做私有化的, 賣盤亦然"

      刪除
    13. 我推測私有化主要因為2136潛在價值足夠誘使大股東做私有化。
      假設2136最後無私有化, 大寧項目落成最後都要釋放價值, 另外停業的商場都大機率會出售。
      股價的下滑係唔係一定反映事件成功率下降...我認為唔係。因為好明顯見到現時的下跌係由某幾間行有意做成...

      刪除
    14. 私有化的不明確性當然大,所以潛在利潤先會咁大...
      利好因素: 1)股價嚴重低估2)其他大股東相繼淡出3)公司大手回購4)大股東大手增持5)大寧項目明年落成6)其他中國百貨股近期都有提出私有化例子

      利淡因素: 公司表演比停業既商場拖累,現價以盈利表現黎睇唔算抵。大股東係出名既財技高手唔知會唔會損害小股東。

      刪除
    15. 哈哈,肯定今日唔會私有化

      刪除
    16. To : KW
      對, 只有看清楚公司的基本因素, 利好因素和利淡因素, 手上的股才會在跌巿時拿得穩, 亦可以在升巿時沽得狠. 我看了偉哥的BLOG和雪球很多年了, 在這一點上真的沒有哪個做得比偉哥更出色.

      To : NEIL
      世事都給你看透了.

      刪除
    17. 私有化就雙贏啦,大股東食肉小股東飲啖湯。

      刪除
  28. 27500不保,世界末日,高鐵直入

    回覆刪除
    回覆
    1. 怎么又跌!27500不要破啊

      刪除
    2. 咁又吾洗世界末日咁嚴峻,係要有d心理準備會再向下而已

      刪除
  29. 今日有偉哥力場, 隻橙股價不動!

    回覆刪除
  30. 情以何堪?

    Peter Li 2018年8月30日 下午3:19 留言: 「人有三衰六旺,唔到偉哥唔信!」
    一直1132 是 偉哥 第一重倉, 洋洋灑灑千字文, 血汗錢從不靠運氣, 無論幾疲憊不堪也 努努努 力力力 睇通告,「橙」的守護天使. 對自己的血汗錢負責任.

    「2018年8月30日 下午12:33 只能說伍生過去1年半實在比老實商人更老實, 期間除了以7千萬元將一間自己的廣告公司注入這做法有問題外, 實在找不到任何問題。」

    偉哥 2018年8月31日 上午1:56 今晚飯後與兩名同是天涯淪落人飲兩杯, 當然我仍然重感冒, 只能以茶代酒;傾到無奈之時, 只能笑一聲真湊巧, 哭也找到安慰。

    我自己無7位數的盈利蒸發. 虧損就有, 只是達到財務自己的景界又搖遠好多, 唉!

    回覆刪除
    回覆
    1. 98,3399, 3993, 1132 提早熊市的股票, 抗跌力是強, 反而安全.

      刪除
    2. Trump 自從做了總統, 與主流媒體交惡. 一直用自己平台發放資料. 一有事, 一沉百踩, 正常. 自己攞來的.

      刪除
    3. 恆指就快看到25K!?

      中國真的還是相當落後, 大把進步空間!
      世界強國版圖:中國實力排名是怎樣?
      https://xueqiu.com/3851896965/113311685

      刪除
    4. 正如其名,股票估票,有时要靠估,你估佢唔到,任您机关算尽,你在光佢在黑,还有大环境的黑天鹅,所以还需要一点儿运气,要在股票市场成最终胜利者真不是易事!自问在股海浮沉几十年,自己还是输家一名!

      刪除
  31. 98,3399幾乎抗跌,因為差唔多冇成交,HAHA

    回覆刪除
  32. 暫時真係Cash is king,向下循環會加深。

    回覆刪除
  33. 大家有冇留言2342.hk? 由最低位已升佐返差唔多三成,今日大市下跌呢隻又由低位升返。

    好像有D動力 - 可能同以下呢個消息有關: 中移動22億大標

    第2中标候选人:京信通信系统(中国)有限公司; 中标份额为30%。投标单价:“4+4+8+8”独立电调智能天线6600.00元/面(不含税)。据悉,中国移动本次需集采114.09万面“4+4+8+8”独立电调智能天线。
    http://m.ccidnet.com/pcarticle/10420149

    回覆刪除
    回覆
    1. 有..但太高位..仲1未返家鄉

      刪除
    2. 上半年收益有約25億,中移動的單已經22億。不過唔知點入帳。華為中四成,京通中三成,但京個價高華約5%。京D貨應該有幾好的競爭力。
      下半年業績應該大幅改善,全年有機會發盈喜。
      有冇師兄熟呢個 field?

      刪除
  34. 要儲錢買240!
    利基單偉彪稱填海要先諮詢公眾「有點多餘」!

    「土地大辯論」本月26日結束,有組織表明支持填海。工程界「老行尊」、路勁基建董事及利基控股(0240)主席單偉彪表示,找不到填海有何大壞處,直言本港樓價高企,必須解決土地供應以抑制樓價。`

    單偉彪在商台節目指出,填海屬於新造地,規劃較容易,他以新機場和迪士尼樂園為例,稱前者由1991年起動工到1998年便啟用,後者則花了5至6年。對於填海諮詢方面,他先指諮詢「有點多餘」,「如果我病,你會問一班醫生,還是全港諮詢?」他強調是屬於知識問題,「問一個什麼乜唔不識,你不如不要問,他都不知好處和壞處是什麼」,再補充諮詢應先由專家歸納為數個方案,再交公眾討論。

    談及本港樓市熾熱,他直言從地產商的角度「看不到(樓價)怎樣跌下去……香港錢太多,在銀行有十多萬億(元),現在還有國內同胞來參與競賽買樓,最大問題是無地無樓起」。

    回覆刪除
    回覆
    1. Louis 兄係咪樓王呀?
      香港樓ㄧ直都係比其他地方貴,除佐供應外,投資制度上香港都係比其他地方優勝嘅。譬如話,香港冇遺產稅,冇資產增值稅 等等。

      刪除
    2. 當然不是樓王, 很後悔買太多股票, 買得太少樓!

      刪除
    3. 香港有一部分人用烏托邦式的思想去考慮房屋問題,只要佢哋改用現實主義,大把平樓俾你買。放心,人應該會進步的!

      刪除
    4. 香港會有大把平樓俾我買, 希望如此!

      刪除
  35. 侵侵出事了?

    https://youtu.be/BrQ-AzEheuM

    回覆刪除
  36. 江陰項目不明朗、訴訟需時可能以年計
    1132除去08年透過供股派特別息,有18年不派息紀錄
    下次賣盤可能在2036年?

    回覆刪除
    回覆
    1. 你睇返我上篇文章, 08年有供股?
      派特別息是因為出售馬來西亞業務。

      刪除
    2. 2008年只是派出2004年供股的部分金額

      刪除
    3. 作出分派之原因
      董事會考慮到(其 中 包 括)本公司於完成出售其聯營公司 TGV Cinemas Sdn. Bhd. 後收取
      額外現金收益約62,000,000港元,且向一直支持本公司之股東發還部分現金實屬恰當,
      故 批 准 特 別 股 息。董 事 會 相 信,本 公 司 於 分 派 特 別 股 息 後 將 繼 續 維 持 足 夠 現 金 結 餘作 長 遠 發 展 及 持 續 經 營 業 務。

      刪除
    4. 伍生2008年先取得橙天控股權, 2004年供股的錢, 仲輪到佢用?

      刪除
    5. 偉哥唔好理佢啦...

      刪除
  37. 3836有無人仲留意?買少少搏下

    回覆刪除
  38. 98全日3萬蚊成交,好似好抗跌...但如果有人沽落黎,分分鐘一野跌7,8%...

    回覆刪除
    回覆
    1. 今年98絕無僅有地開中期業績發佈會, 可惜我剛好不在香港, 不然一定出席捧場。

      佢都想提升透明度, 可惜出席的分析員及基金經理不多。

      刪除
  39. 上網查左一下
    上海靜安區商鋪的租金,
    購物百貨中心既租金最少都要$15每平方米/1天, 有D可以高到$30-35每平方米/1天

    2136靜安區項目既總樓面面積係348,337平方米, 有幾多係用於購物中心?
    <>

    日後落成, 每年可貢獻既利潤一D都唔少

    回覆刪除
    回覆
    1. 之前上過一D內地討論區有人討論大寧久光,普遍都好似幾期待個商場同埋覺得個商場位置好

      刪除
  40. 原來今日跌成700 幾點,但一D 恐慌感覺都無,可以二三缐股已經跌到麻木左

    回覆刪除
    回覆
    1. 熊市都幾好,唔洗花太多時間睇市,可以休息下。

      刪除
  41. 澳門賭場好多大耳窿見你輸錢就會行埋你耳邊就問你
    借唔借錢,小心有心存不軌之人。副身家唔好咁易俾人知

    回覆刪除
  42. 如果留言版有個“只看該作者”既功能就好了

    回覆刪除
    回覆
    1. 哈哈 心聲 支持你 。 或者有得拉黑都得

      最煩係200以上就爆留言

      煩到偉哥要開新po

      刪除
  43. 2683 大家仲有冇貨揸手?

    回覆刪除
  44. 雖然平時好少留言,但日日都有睇呢個blog,其實如果能夠提出有用反對意見係好好,但是必須要有根有據大家先可真正交流增長知識,但睇到某人唔做功課就老吹話08年派04年供股錢,諗諗都知唔make sense啦,一間呢個又無限瞓身all in,轉頭又變空倉又走出黎九吹指手劃腳,又有d一時幸災樂禍一時又扮好關心偉哥,講真你講咩有你自由,但呢度大部分人都係想跟偉哥學習交流,你地就係度嘥留言位,原本都唔想打咁大段嘢但見偉哥用寶貴時間分析股票分享成果塞錢落我們袋之餘又要應付咁多牛鬼蛇神,只是登偉哥辛苦,真是不吐不快。

    回覆刪除

注意:只有此網誌的成員可以留言。