2017年2月20日 星期一

京西國際(02339):危險,還是機會?


京西國際(02339)近日走勢與大市的氣勢如虹完全相反,以大成交下試近期低位,究竟現價的京西國際是危險速逃,還是買入機會?

在分析此股之前,先看看京西國際最近一年的股價走勢:


1. 近日股價低位1.73元與全年低位1.57元只相差10%,與全年高位2.8元相差約40%;

2. 全年低位1.57元是在中期業績公佈前一個月創下,當時市場可能對中期業績有所擔心;

3. 全年高位2.8元是在中期業績公佈後創下,因中期業績不俗,核心盈利從2015年同期的7600萬元大增至9700萬元。

近日股價大跌,最主要原因應該是原本持有超過8%股權的惠理基金在市場減持所致,其於上周披露於2月10日在市場減持45.8萬股,令其持股量減少至7.92%。觀察CCASS變動,我們發現惠理基金的持股存倉於HSBC,而HSBC的倉位近月持續減少,相信是京西國際股價走弱的主因。


按目前減持的進度,相信惠理基金很快會再披露持股低於6%、5%。惠理基金於2015年以均價約5元(計及10合1) 買入京西國際,為何近日會以低價大幅減持?除了聽聞的人事變動因素之外,會否還有其它因素,例如全年業績將差強人意?還是說這次的下跌和中期業績前的下跌一樣,京西國際被市場錯誤的預期所誤殺?



京西國際2015年下半年的核心盈利只有約2400萬元,遠低於上半年的7600萬元,主因是研發開支於下半年大幅增加6600萬元。那2016年度的業績會否重蹈2015年覆轍?個人認為2016年全年業績的風險因素如下:

1. 2016年下半年的研究開支會否一如2015年般遠高於上半年?

2. 因目前產能不足以應付需求,故公司於2015年斥資約3000萬美元於捷克開設新廠房,並且已於2016年10月投入運作。新廠房投入運作初期,一般而言是難以獲得盈利,而且會增加折舊開支,故此有機會拖低整體盈利。

3. 2016年下半年歐羅及英鎊貶值,有機會令公司蒙受匯兌虧損。

上述三點是我詳細究研後得出的潛在風險因素。雖然如此,考慮到於2016年中向母公司收購的51%京西上海股權應該已順利完成,並且將會於2016年開始併表,提供額外的1500萬元盈利貢獻,我自己覺得公司2016年度核心盈利應該不會低於1.6億港元,現價預期市盈率只有約6.5倍,再加上潛在的京西美國業務的注入,現價是具有值博率的。


附錄:

I. 京西歐洲的主要產品介紹:




II. 京西國際的公司架構:


III. 京西歐洲的主要客戶:

註:上述是2014年數據。根據2016中期報資料,估計捷豹路虎(Land Rover)所佔的銷售比重下跌至約39%。

268 則留言:

  1. Wai gor,
    Should be stock code 2339 not 2239:)

    回覆刪除
  2. 早晨偉哥
    號碼應該是2339,煩請更正。

    回覆刪除
  3. 回覆
    1. 本來打算跌30%的話撈下, 不過睇個勢應該跌唔到30%。

      刪除
  4. 謝waigor,對京西更深了認識..

    回覆刪除
  5. 3322業績波動,管理層OK既,做生意的,不過行業真係好難做,不會被基金睇中,估值偏低係必然

    回覆刪除
    回覆
    1. 上年業績會之後曾和管理層閒聊,談及零售業務的計劃是在好景時分拆上市.....可惜好景未到,逆境先至。

      再次驗証了廠佬做零售, 真的冇邊隻有好結果。

      刪除
    2. 零售已好難做,而成功既零售靠既係marketing,唔係廠佬最擅長
      廠佬最好都係買物業收租.....

      刪除
    3. Giordano 都算廠佬做零售成功

      刪除
  6. 558一早有2M 大買盤?又抄過

    回覆刪除
  7. 餘下一半的1299LC都平倉了,這1注LC有超過兩倍利潤;
    大家在炒24號的業績,我在炒你們的預期。

    回覆刪除
  8. 回覆
    1. 如果吾係有心人壓住個價, 佢今日點只哩個價位, 重未番家鄉

      刪除
    2. 我都系,距離返家鄉仲有慢慢長路

      刪除
    3. 剛剛反了家鄉,希望再接再厲!
      另恭喜偉哥的320,升了不少,可惜我冇貨

      刪除
    4. 家鄉價在6.xx,希望有心人手下留情

      刪除
  9. 回覆
    1. 593的玩法吧, 不過將過程縮短了。

      刪除
    2. 如果係咁就真係升到你唔信變到信為止

      刪除
    3. 升唔好咩? ^.^
      炒上大家開心

      刪除
    4. 當然好啦(雖然我未有貨,不日可能會入啲擺下))😂都恭喜大家有貨的網友

      刪除
    5. 小注怡情好啦⋯⋯因住偷雞唔到蝕渣米

      刪除
    6. 知道, 還在考慮中, 謝謝提點。

      刪除
  10. 想入隻TVB看看傳奇出個咩野價咁奇。呵呵

    回覆刪除
    回覆
    1. 你可以ignore傳奇,佢好可能出個"傳奇價"....
      我淨係會專注TVB個partial buyback

      刪除
  11. 2266仲係間中有些大手密密吸。希望冇咁快玩完

    回覆刪除
  12. 想借偉哥版面, 問下大家對樓市意見
    我同太太都未買樓, 而家租樓 $13000 (親戚價, 五百幾尺)

    我地諗緊好唔好買一層細單位收租 (400萬左右, 三百幾尺)
    因為有小朋友五百幾尺先夠住, 同區此尺數要六百幾萬, 太貴
    手頭上有一百萬左右, 但唔想一鋪清袋, 都要留少少錢旁身同投資之用

    回覆刪除
    回覆
    1. 我想問假使你用當中50萬去投資買樓收租,計及所有費用,年回報多少厘呢? 吸引嗎?
      計及未來趨勢風險,我自己是不會做此一投資的.^^

      刪除
    2. 恕直言.

      你住邊區?
      買樓也要顧小朋友日後讀書校網.
      買一層細單位收租? 買邊區?
      有小朋友五百幾尺先夠住? 首先不要買無無謂謂的東西先講喇
      手頭上有一百萬左右, 但唔想一鋪清袋, 都要留少少錢旁身同投資之用? 看來你買樓不急啊~~~
      有錢買樓收租, 不如買樓自住, right?

      刪除
    3. 我自己是鍾意工廈收租多過住宅收租,原因是以為爸爸曾買過一個細單位收租,但每2、3年換租客,層樓收返來都要小執先可以再租到出去;遇到衰租客更加煩,拖租是閒事,仲搞到間屋亂七八糟,收返來要大執,所以佢後來賣左住宅出去,轉買了車位收租。工廈好處是通常按單位現況出租,無需執靚D先出租,也試過原本做貨倉的單位出租比客,個租客預左要長期租,仲自行幫你大裝修執到靚一靚,也因為擺了大舊錢裝修,所以除非之後租金加到遠超市價,不然租客都唔會斷租。

      500幾呎600幾萬, 是指建築面積還是實用面積?

      刪除
    4. 1. 2公婆職業+職位是否穏陣去供樓?
      2. 租金(供樓)佔收入比幾多呢?
      3. 合法上要5成按才可出租,當你走灰色地帶上會7成亦要投入1.2M首期,夠錢嗎?
      4. 沙一3百實呎都要4球,而約收1.05萬租金,yield大約3厘2,呢項投資吸引?
      5. 唔想一鋪清袋而又想買樓的話,資金上只可買一間3M樓(90萬首期),但市埸上有甚麼3M樓而又可穏陣收租呢? 我都想知

      個人意見,你未有足夠資金(應對樓市下跌之風險)..

      刪除
    5. Ciara, 現在租的是沙田區, 建築五百幾尺, 實尺四百幾。平日很少買無謂野, 我跟太太還未夠30歲, 一百萬都是打工儲回來的, 股票只係收息, 無贏過大錢。

      我地心頭唔高, 只係想買返實尺四百幾, 但同區最平要600 萬, 首期要拎好多出來, 所以想買層細樓上車先, 租比人, 等人地幫我地供。我地就繼續租樓, 因為層樓係親戚的, 佢唔會加租, 亦唔會趕我地走.

      刪除
    6. 買約400萬單位收租, 要留意返置業單位用以收租, 則最多只做做5成按揭.!

      刪除
    7. 偉哥, 是建築 500 幾, 實尺 450, 看成交紀錄全部六球以上了
      車位暫時不會考慮, 我們都是租業主車位 $1800 (私家屋苑來說很便宜, 平過領展公屋停車場) 跟管理處租同一層的車位反而要 $2500, 車位業主告訴我們很難找客.

      似乎工廈也值得考慮, 但一直沒有留意工廈市場, 讓我先多花時間資料搜集

      刪除
    8. 建築面積500幾呎600幾萬,個價都唔平,會否考慮同區質素次一級的樓宇,應該有些500萬左右的吧?

      刪除
    9. 還有, 正如sunny所說, 如作出租用途,按揭也只可以做5成,除非你隱瞞收租的用途。

      刪除
    10. 「股票只係收息, 無贏過大錢。」…這句有幾多 brothers-in-arms or sisters-in-arms 叫絕.

      還未夠30歲, 都是年輕父母, 難怪字裏行間, 有點點…
      連租業主車位 $1800…一個月要$15000, 買樓收租你可以cover嗎?
      First of all, 買樓考慮小朋友日後讀書校網. 你們返工/放工, 方便接送等等…

      刪除
    11. 講白一點好像大家會更易明白. 我跟太太都是醫護界, 現在租的屋苑是在醫院附近, 打算買的亦是同一屋苑, 父母亦住在同一屋苑, 校網是沙田 (我們覺得沙田校網是可以的, 不用九龍塘那些名校). 我跟太太都是步行上班的, 假日才駕車, 排緊隊拿醫院的免費車位, 排到就連 $1800 都慳返了.

      一個月要$15000 不是問題, 收租只是用來cover 供樓的錢, 不是cover 現在租樓的開支. 買樓後會租比相熟的醫護人員, 不用經agent 的.

      如果500 萬左右, 可能要大圍, 不近鐵路沿線的屋苑, 也會考慮看看.

      刪除
    12. 租樓是expenditure. 收租是income. 想你明白出出入入條數有so嗎?
      相熟的醫護人員? 又唔覺有什麼advanatge. 不如買工廈!

      刪除
    13. 我在領取醫院的 housing allowance, 所以租樓的expenditure 其實不大. 租比熟人會比較好, 不用擔心拖租, 慳返 agent 費用, 也可以逃避物業稅 (當然我知道這是犯法, 風險自負)

      之前沒有研究工廈市場, 現在得先做一點資料搜集

      刪除
    14. 可參考下這blogger客觀的分析, http://rmylife1987.blogspot.hk/
      另如你既然也有決心買樓收租,倒不如想辦法借多少少在沙田區買600萬嘅樓自住(可借8成),
      因按你的現況資料職業,就算將來有小朋友要凑仔讀書,吾好彩負資產, 都應該可捱過這跌浪, 進可攻, 退可守. 租屋比人始終有好多事要跟, 你租樓始終是有個支出.

      刪除
    15. 我唔熟政府的housing allowance,是否只可用於租樓,不可用於供樓?如果已自置物業,不論是否自用,是否也已不符合資格領取housing allowance?

      刪除
    16. ng ayden,你係租緊親戚樓,租金升唔影響你。我會分三個case去考慮:
      1.完全唔買樓,繼續股票收息
      -你1M現金外加一D股票收息(當0.3M收5厘)
      -咁你每個月自由現金流入係+$1250
      -好處:若樓市跌33%,你可以用4M買500實呎
      -風險:若樓市不跌再升或橫行,你既4M收租物業質素會更差,亦都可能買唔到果到附近

      2.買收租樓
      -你7成按買變成收租樓,冇晒1M現金同股票
      -咁你每個月租金現金流入係around $11666(扣埋雜費,我用3.5厘收租回報計算?),支出-$10566(mortgage),自由現金流入around+$1000?
      -好處:對沖市升風險,你手頭現金冇貶值。如果細單位keep住跑得快過大單位or市跌時,會幫到你換大單位
      -風險:若市跌,你會怨自己做咩摸頂

      3.股神上身
      -你1M現金同股票 變晒股票(當1.3M收5厘)
      -咁你每個月自由現金流入係+$5400
      -好處:自由現金流入高
      -風險:i.投資失利,投入股市既錢打水漂
      ii.樓市大升

      Conclusion:
      Option 1: 蝕價又蝕租,主要好處係作為樓市看跌期權,風險係樓市再升或長期橫行

      Option 2: 冇乜蝕底,主要係睇你資金有咩出路。
      始終你睇到計數掟1M多落去,你每個月都係差唔多1k多D現金流 =.=
      Note:樓市好友會淨計你還息部份係開支,so你每個月"收入"係$4000000x0.035/12-$5000(還息部份)=$6666,回報率係$6666+$10000=$7666x12/$1200000 = 7.7% ^.^

      option 3:唔係唔得,你識玩既,炒到上山頂都得。平常人我會建議4.5% yield或以上買823黎收息 for 交租,希望少量抵銷樓市大升,不過租金升你唔驚,我覺得你都係跟自己方式買…

      我係你,我可能會take option 2,主要係咁樣最保險!
      市升有磚頭,市跌你地專業人仕鐵飯碗,可以執平貨!

      而且專業人仕專注本業,回報更高,炒股依D用時間既未必arm你地 ^.^
      注意如果買,落一個人名,唔好落兩個人名,過唔到壓測,就另一個名做擔保...

      亦都要留意,放租收租依D野有時都煩,可能阻你地進修
      買股收息就簡單D,各有各好

      刪除
    17. 假設: 樓價1m, 息2.15%, 借7成按揭,年期30年: 即每月供款$2697 (P+I+保費)。而收租剛好也是$2697, 那麼30年後你擁有1M資產, 因最初付出30萬首期, 即賺了70萬 (2.33倍) = compound interest 2.86%
      是不是好投資就是個人的預期了(資產會否升值?息率升跌?租金可否一直夠供樓?etc)

      刪除
    18. 哈哈, 剛看電視節目21歲的女大學生說: 買樓改變命運!

      刪除
    19. 一定會改變, 不過好壞就唔知。呵呵

      刪除
    20. 要視乎樓價如何走喇XD

      刪除
    21. 仲有個事業線又長又深的23歲的女生, 語出驚人. 男生, are you ready?

      刪除
    22. redponza, 你的 option 2 就是我的想法了! 我買的股票只佔現金 20% 左右, 長期輪班工作, 不能每天緊貼股市, 絕對不可能股神上身.

      我在 2016 年中曾經去睇樓, 支票已開打算第二天落訂, 四大長老卻說我是「摸頂」, 四個老人家打電話來叫我「睇定D」。距離現在還不夠一年, 心儀的尺數已經上升了 50-80 萬, 完全不知「頂」在那裡, 也看不到樓市會下跌的誘因.

      若樓市跌33%,你可以用4M買500實呎 <-- 那是我最渴望的, 畢竟我只想要一層樓自住. 現在計劃買樓收租, 只是擔心這一刻不「上車」, 日後更不能「上車」.

      刪除



    23. 昨天節目裡訪問的女生, 有一個21 歲做 model 每月搵到十零萬, 希望她是正當行業, 將來不要後悔. 在香港, 有樓真的改變命運, 至少家庭會和諧一點, 不用每天討論何時買樓. 有時候看到父母代付首期的新聞, 雖然慶幸自己有能力, 但也真心葡萄. 對年輕人來說, 供不難, 首期才是最難的.

      刪除
    24. 回ng ayden:
      資金冇出路,你又冇時間炒,option 2真係比較arm你

      不過,要注意依個唔係回報最大化既做法,同真係有機會摸頂,而最大風險係個市急跌,你仲未夠錢換,佢又升上去 =.=
      另要注意一般而言,細單位呎價更貴,所以買上車樓有少少蝕水

      你有兩樣優勢:
      1.低租金長住: 你睇定D唔買既成本比較低,唔似其它人會俾人逐步加租
      2.公務員專業人仕: 就算香港大部份人乞食,你地都會冇事

      你依家買就只係對沖樓市再大升(雖然應唔會=.=),賺大錢就應唔會啦
      你諗諗佢…

      Re 首期才是最難:
      年輕人首先要慳,同努力增加自己收入!
      工資收入增加唔到,就要靠外門收入(炒股,that's why we are here ^^。就算炒iphone,波鞋,concert飛都ok),坐係到話咁貴、x政府,於事無補。

      刪除
    25. Re Ciara:
      事業線又長又深的23歲的女生既事業有D假的說?! =.=
      可能我見識少,冇見過太多好野

      刪除
    26. Re Wai Gor:
      剛看電視節目21歲的女大學生說: 買樓改變命運!
      Lol,買樓賺錢變好運,買樓蝕錢變PK

      刪除
    27. 該事業線女生做左趙X曾玩伴幾年啦...

      刪除
    28. 哈哈,四大長老。

      我2006年第一次置業是先斬後奏,比左張支票經紀去同賣家傾,成事後先通知四大長老....當然事後比兩大長老嬲左一排。

      刪除
    29. 以現在的環境和樓價,自往還可想想,投資就絶不吸引

      刪除
    30. http://hd.stheadline.com/news/realtime/ent/842944/

      疑似「有樓有高潮」Seasun性感照流出

      刪除
    31. 啱啱睇東張西望至知Seasun 大愛呢D女仔~~

      刪除
    32. 慧勤哥, 真識路啊.
      事業線重的女生做咗趙X曾玩伴幾年? 呢啲咪傻囉, 泊船都泊大「樓」喇, e+ 點只2000呎何文田豪宅呀…

      噚晚, 女生質素不濟, 又冇事業線, 唉!

      刪除
  13. 1357,應該很快到$500億。

    回覆刪除
    回覆
    1. 不過隻1829,就比佢推個時跌左好多.
      由5.5跌左5.x%左右.
      岩岩係個支持位5.2我加左貨.

      刪除
  14. 少左個留言既..@@
    如果有重覆,麻煩偉哥幫幫手刪甘一個.謝謝
    1357,2月8號曾淵滄有推過,推個時係9蚊左右.
    現價10.5
    上星期佢推過隻1829,話會維持50億市值.
    入深港通.現價仲未夠50億

    回覆刪除
  15. 如果用2722估值VS 2339
    2339 現價好似吾係特別平

    回覆刪除
    回覆
    1. 2722上半年的盈利當中,有一半是一次性收益,故實際上核心盈利只有帳面的一半而已。

      刪除
    2. 多謝指點.
      2339 有一樣野我鐘意,就係比人抄過一次家,條數吾會假得去邊

      刪除
  16. 偉哥張期指打算點?
    會唔會睇埋依幾日平?

    回覆刪除
  17. 其實2339最唔吸引既地方應該係細市值但大過1既PB... 工業股得黎息口又唔吸引

    回覆刪除
    回覆
    1. 2339在未完成注入美國業務之前不打算派息。

      美國業務聽聞規模和歐洲的相若,如果要注入,作價起碼10億元以上,所以即使現在帳面有超過5億元的現金,但有2億左右會用於捷克新廠的資本開支,餘下3億元左右,留作收購美國業務部份資金之用。

      刪除
  18. 隻1733個名咁特別, 原來1年升左10倍

    回覆刪除
    回覆
    1. 呢隻改名易手前,由高位$95跌到$0.209!

      刪除
  19. 唉…
    資產折讓股、收息股買少見少。
    手上的385……3399……602……已經開車,升了至少 20%
    現在手上有現金,都唔知買什麼好%>_<%

    回覆刪除
    回覆
    1. 同感 =.=
      唉,全部升晒上去...
      278,373,138,194....

      聽說這裡見光的no.會回跌,我姑且開下no.,睇下有冇轉機

      刪除
  20. 1812,呢隻始終是強中強,業績後又破頂。

    回覆刪除
  21. 2333,又到前頂,是雙頂回落,還是再同闖高峰 ... 10.1 ... 11 ... 12.336 且看

    回覆刪除
  22. 下午買入1415@2.4x,用今日低位做止蝕。

    回覆刪除
  23. 香港股市應該是這樣的“市好時公司會增發股份, 低位時大股東又可以低價增持番!"

    163做什麼今天漲得這麼快?

    回覆刪除
  24. 偉哥,想請教一下,為何442於全購後少於25% 的公眾持股量, 但不用停牌,之前的1683和157也因為公眾持股不足而停牌了,看來442是豁免了,在要約結果出來前能看出來嗎?還是要待要約後看見它繼續買賣才知? 謝謝!

    回覆刪除
    回覆
    1. 如果街貨有15%的話, 可以暫時無需停牌。

      刪除
    2. 原來今日1415俾大股東沽貨

      刪除
  25. 原來如此,謝謝偉哥!全購要約後還繼續持有博抄上最大的風險就是要約後停牌。

    回覆刪除
  26. 昨晚寫文時都預料VP很快會再作出股權披露,果然今日其已再披露於2月14日減持460多萬股的2339,持股權減至6.82%。

    希望這減持的步伐不要放慢,長痛不如短痛。

    回覆刪除
  27. 最好一次配股全部沽出

    回覆刪除
  28. 睇雪球d網民有以下解釋,
    1. VP當年拍板買入京西的基金經理很早之前已離職;
    2. VP的China Team Head上周離職, 新人上任,不知是否要清舊人留下的瘀血。

    研發費用下半年當曾加可能有以下原因:
    http://news.cision.com/market-engineering/r/new-suspension-technology-from-bwi-group-enables-engineers-to-reduce-vehicle-weight,c2069003

    回覆刪除
    回覆
    1. 哈哈
      這位網民正是偉哥本人

      刪除
  29. 哈哈,原來係偉哥!!燕歸來利害。其實小弟-直都有跟開2339,總覺得佢價值不止於此,係唔知幾升返上去。京西重工除左美國資產,仲有北京房山,又係好有potential。

    除左2339外,1523又係另-隻跟開既股份,細市值、有潛力既業務。

    回覆刪除
  30. 6865, 2339, 1260,2317 呢個浪好似完全同佢地無関, 想撞牆><

    回覆刪除
  31. 開始諗下, 組合係咪要包纜有啲大股, 二三線股+細價股,才更合適~

    回覆刪除
  32. 127盈警,主人家年紀又大
    2136熱好身未呢?

    回覆刪除
    回覆
    1. 2136最近買盤增加, 但股價未動。

      刪除
    2. 唔知仲要幾耐先消化晒極訊亞太、投資科技同德意志d貨
      偉哥可以講下投資科技同極訊亞太呢兩個經紀嗎?見親佢地都無好野!!謝謝!

      刪除
    3. 投資科技和極訊亞太都是機構投資者用的買賣盤居多, 之前DAVID WEBB都有用極訊亞太的牌來買3828。

      刪除
  33. 董事局謹此澄清,其中一名出售股東姚嘉榕女士(「姚女士」)於要約期內就其持有的剩餘股份(約佔本公告日期本公司已發行股本之0.08%)接納要約。董事局於2017年2月17日獲姚女士告知,有關接納乃因無心之失而作出。

    http://www.hkexnews.hk/listedco/listconews/sehk/2017/0220/LTN20170220509_C.pdf

    咁都得……

    回覆刪除
    回覆
    1. 上年有隻GO股的董事在要約期後才公佈減持, 好似更嚴重.

      刪除
  34. 偉哥,真抱歉,今日頂唔住把2339斬了
    因為輸了差不多3個月人工了
    雖然信你會升番,但惠理仲有成半億貨
    要質多10-20%都唔難
    實在頂唔住
    但我會守住1132 均價0.79入了30萬股
    希望再上0.9樓上

    回覆刪除
    回覆
    1. 很坦白說, 自從上次你沽完3399、再沽完3399,然後不斷唱淡3399的事件後,要令我及其他網友相信你的說話,除非你出示買賣單據比我睇,唔係我只係當你係度講下笑。

      做人的誠信重要之處在於此。

      刪除
    2. 是vp pk。这么多货不应该这样卖法的。

      刪除
    3. 睇準2339今日實跌,老友再加多腳1.69入貨

      刪除
    4. Agree with 偉哥
      上次係沽清再沽
      除非大家沽清既理解唔同

      刪除
    5. 原來有P街放毒針,偉哥心水清

      刪除
  35. 回覆
    1. 一陣就煙消雲散。

      如果有留意CCASS, 會發現近排主力買入的竟然是施生間行。

      刪除
    2. 「好多買盤? 一陣就煙消雲散。」噚日忙, 剛剛才看到, 好厲害的一句啊.

      刪除
  36. 回覆
    1. 呢隻真係心血少d都唔得 哈!

      刪除
    2. 141而家先來追入, 好似太進取。

      刪除
  37. 沽459賺左等陣餐晏^^ 謝偉哥

    回覆刪除
  38. 手頭D股仔 係咁跌...
    隻524 由家鄉家跌陰跌番2-3成....

    回覆刪除
  39. 163一路上升, 不肯回調!
    賭股當炒時期, 2014年1月296最高價5.4元, 剛好高過2013年1月163最高價2.7元一倍, 未來幾年163高過296一到兩元是一件再正常不過的事情!

    216也一路上升, 不肯回調!

    回覆刪除
  40. VP最快明天又要披露減持2339至6%以下、今周5應該會披露減至5%以下。

    呢次佢應該好有決心一野沽清。

    回覆刪除
  41. 既然有人大手沽,再等下出未期業績先入吧

    回覆刪除
  42. 最好-野沽。睇個圖陰d陰d咁落好鬼樣衰。BTW溝左少少貨

    回覆刪除
  43. 好似好有決心沽到上次低位。😕

    回覆刪除
  44. 今日無日講1627安保?上市第一日潛水,第二日就大升。
    15盈信分拆出嚟嘅表現真係無嘢講。

    回覆刪除
    回覆
    1. 大家第一日偷唔到雞都意興欄珊😂
      唔敢追入
      但係佢就偏偏扶瑤直上
      Tristen 有冇入到貨

      刪除
    2. 雅駿控股(改名金誠)1462 都係 盈信折出黎
      同安保一樣, 會唔會差唔多玩法呢?

      刪除
    3. 我有15盈信,有優先認購權,入咗飛,見認購反應麻麻,就叫券商幫我抽飛。點知券商做唔到嘢,話太遲抽唔到。我覺得係我嘅券商唔記得咗,遲咗幫我抽飛,因我幫我家人係其他券商都抽到飛。
      見暗盤已經跌咗成20%,就諗住依舖大鑊啦,因我額外認購咗18萬股,全部俾哂我....
      諗住要8年抗戰,而家因禍得福tim。好彩諗住得饒人處且饒人,無同個經紀乍形。

      刪除
    4. 有whatsapp群組唱1627倍升股。

      而家呢D群組影響力真大。

      刪除
    5. 1627升一倍唔奇,因上市的確被圍貨。利申:無貨

      刪除
    6. Wai Gor,有冇D專玩資產折讓股既群? 如有,都想加入去學下野

      刪除
  45. 5號仔去年列賬基準除稅前利潤跌62.3%至71.1億美元,回購計劃大縮水至10億美元,股息0.21美元,好彩SP已平左。

    回覆刪除
    回覆
    1. 岩岩先到返家鄉,又一野打返落去...

      刪除
  46. 點解偉哥舊愛912之前hold咁耐唔升,現在一升再升

    回覆刪除
  47. 1.71首次買入2339,中線持有。

    回覆刪除
  48. 有無人會考慮1211比亞迪?

    回覆刪除
  49. 偉哥第四大持股,橫行幾個月,今天終於上二元了,(我亦是第四大,數量上可能是偉哥十分一都不及)

    回覆刪除
    回覆
    1. 上年中期業績後1.8元左右增持的大注, 等了半年多,連埋已收股息,終於有15%回報。

      希望業績後可以更上一層樓。

      刪除
    2. 之前管理層話今年煤價會保持平穩,但事實上已上升不少,成本上漲未知能否轉介

      刪除
    3. 佢地主要產品的市佔率差不多50%,有比較強的議價能力,希望可以因應成本上升而提高產品價格。

      刪除
  50. 大市成也大象,敗也大象,24200見頂了。

    回覆刪除
  51. 偉哥利害
    之前沽細期時機可能早了,但方向清晰
    今天大市借匯豐作導火線開始下跌回調
    我自己只是買了些遠熊圖個小利

    不知道這次調整會去到幾遠

    回覆刪除
    回覆
    1. 沽了大期...希望明天有糊食。

      刪除
    2. 美股,夜期,ADR 全升,你既食糊大計可能又要稍等一吓

      刪除
  52. 護老院1手貨$1.07 掃左2.2M (有人) , 勁!

    回覆刪除
  53. 2339今日成交股數1500萬股,當中可能有1000萬股是VP沽出來的,再加上前兩天減持了的約400萬股,估計VP仲持有2500萬股。

    明天佢再狠少少沽到1.6元,應該有很好的承接力,單日成交量可能去到3000萬股,咁今個星期佢就可以沽清。

    回覆刪除
    回覆
    1. 我仲可以入多最後一注令自己持股去到倉位的10%,而家等緊最好的時機出現。

      刪除
    2. 你一早就應該叫VP向你私人配股啦LOL

      刪除
  54. 偉哥, 我唔明點解VP 要在市場全清2339
    為什麼不選擇配股
    這樣質低股價對自己也不利
    唔明

    回覆刪除
    回覆
    1. 真係唔知,可能同公司有仇啩,哈哈。

      刪除
  55. 635 盈利警告

    本公司董事會(「董事會」)謹此通知本公司股東及投資者,根據本集團截至二零
    一六年十二月三十一日止年度的初步財務業績,預期本集團於該年度將錄得除所得
    稅後虧損,相對二零一五年則錄得除所得稅後溢利。初步財務業績反映(i) 本集團於
    二零一六年十二月三十一日止年度來自投資物業之重估虧絀。本集團預期於該年度
    之重估虧絀約為港幣三億零三百萬元,二零一五年則錄得重估盈餘港幣一億七千二
    百萬元;及(ii)本公司之主要附屬公司-彩星玩具集團的收入及除所得稅後溢利下
    調,預期彩星玩具集團於截至二零一六年十二月三十一日止年度的未經審核收入約
    港幣九億九千三百萬元,相對於二零一五年全年的經審核收入為港幣十五億五千一
    百萬元;預期截至二零一六年十二月三十一日止年度彩星玩具集團的未經審核除所
    得稅後溢利將介乎港幣一億元至港幣一億一千五百萬元之間,相對於二零一五年全
    年的經審核除所得稅後溢利為港幣二億七千六百萬元。溢利下調主要是由於激烈競
    爭導致二零一六年之銷售額下降。

    回覆刪除
    回覆
    1. 呢隻超難炒, 奶過兩次嘢, 怕怕

      刪除

  56. 869的盈警:
    預期本集團於截至二零一六年十二月三十一日止年度的未經審核
    收入約港幣九億九千三百萬元,相對於二零一五年全年的經審核收入為港幣十五億五千
    一百萬元;預期截至二零一六年十二月三十一日止年度本集團的未經審核除所得稅後溢
    利將介乎港幣一億元至港幣一億一千五百萬元之間,相對於二零一五年全年的經審核除
    所得稅後溢利為港幣二億七千六百萬元。溢利下調主要是由於激烈競爭導致二零一六年
    之銷售額下降。
    http://www.hkexnews.hk/listedco/listconews/sehk/2017/0221/LTN20170221199_C.pdf

    回覆刪除
    回覆
    1. 之前孫生在生果報的推介:

      今日推介最勁呢到!彩星符碌撞棍,年初簽咗Voltron嘅玩具權。呢套Dreamworks動畫,第一季年中Netflix播嘅翻拍卡通,贏盡口碑,成影評評分最高卡通。不但Netflix即訂第二季(下月播),福布斯報道話已請編劇拍電影版。
      有冇人知勁?有。我十億老炒家朋友同公司管理層。點解?公司上月忽然多次回購股份,對上一次咁做已係2013年4毫升到4蚊前冇耐。老炒家問我點解回購,我就發現原來因Voltron,市場仲要未知,因問梁心欣都唔知。昨收1.32元,老炒家睇第一站兩蚊,想發就要聽聽話話不問價追彩星玩具!

      當日出左呢個不問價追入的推介後,股價在2日內炒高23%至1.63元.....有時候呢D所謂不問價追入的推介真係會累死無知的散戶。

      刪除
    2. 某程度上散户亦需為輕信推介而負責,當然罪魁禍首是這種無責任推股的「股評家」。

      補回生果報當日的Link:
      http://hk.apple.nextmedia.com/financeestate/art/20161206/19856055

      額外加料送份2月17日的方向報:

      雖然高偉去年上半年盈利大跌九成,預期下半年可收復不少失地,一七年更有望回復盈利增長。近日顯著上升後,已突破250日線阻力位,後市有進一步反彈空間,可於現價買入,目標3.5元,跌破2.5元止蝕。

      http://orientaldaily.on.cc/cnt/finance/20170217/00210_004.html

      刪除
  57. 記憶中柯柏文唔止一次叫人追869

    回覆刪除
  58. 869我上星期入了一注。 我又睇得唔太悲觀, 佢中績時已比上年時賺少39%。 現只是保持相約水平,全年少賺36%。壞消息似已出晒, 沽壓估應唔太大, 希望未來可拾級回彈!

    回覆刪除
    回覆
    1. 全年不是少賺36%。上年全年純利2.76億元, 今年全年預計1-1.15億元,是倒退大約60%。

      2016年上半年盈利9500萬元, 下半年只有500-2000萬元,環比也是大幅倒退。

      當然,公司持有大量現金,如果股價跌得殘的話, 也有撈底的價值。

      刪除
    2. 噢!原來如此,數字上小弟比較差,無咁小心。多謝偉哥分析! 我買入賣出只多留意世界時事新聞情況,和圖表分析,公司業績只是好簡單參考一下,因太深入的不太懂!

      刪除
  59. 偉哥可唔可以講下五大持股既平均成本價?🙇🏼

    回覆刪除
    回覆
    1. 1. 5大持股好多都是分批買入的,我無詳細計平均成本價; 2. 披露平均成本價意義不大,大家要研究的是什麼價買入好,並不是我的買入價幾多。

      刪除
    2. 偉哥3399平均價計埋股息同中間出出入入應該係負數,真係冇得跟

      刪除
    3. 我記得3399偉哥最近一注係4.2x買

      刪除
    4. 咁又唔會係負數,因為出出入入不多,但當年1.7-2元買的最重注(送紅股前),而且收左3年的股息,就真的拉低了不少成本,現在的平均成本確實不知多少, 可能1元多吧。

      刪除
  60. 869,業績真係差,第一,佢通常下半年業績好過上半年,但今年相反;第二,忍者龜II電影上映冇拉動下半年業績。

    回覆刪除
    回覆
    1. 今日無回購支持下,跌得算少,似乎不少人對明年推出的新品牌玩具有期望。

      刪除
  61. 請問,如果一間上市公司大股東由少於50%股權增持到超過50%,是否會觸發強制性收購/要約(Mandatory offer)?

    回覆刪除
    回覆
    1. 持股權30-50%之間的大股東,每年增持的股權不得超過2%,不然要向小股東提出有條件要約。

      刪除
  62. 橫眉冷看:只信看淡不信看好?[大笑]

    http://orientaldaily.on.cc/cnt/news/20170222/00184_010.html

    在森林裏出沒的人會談虎色變,在股市中行走的人則大多談「摩」變色。有一家綽號「大摩」的美國投資銀行在股壇翻雲覆雨,不少股民避之唯恐不及。近日「大摩」卻突然充當股場活菩薩,極力唱好中國,說期以十年,中國會躍升為高收入國家,到二○二七年人均收入可達一萬二千九百美元。該報告的結論是,目前是買入A股的上好時機。

    不少人對「大摩」的說法半信半疑,總認為對方是不安好心,他們看升,實際上該是跌,未來十年中國的經濟怕要一瀉千里云云。近年,香港投資者有個奇怪現象,就是偏愛悲觀論調,聽到唱淡言論,便覺得心有同感;聽到唱好的聲音,就愛以陰謀論視之。以樓市為例,正因為太多人愛聽甚麼「爆煲論」,愈聽愈以為有理,結果往往卻給樓市的狂牛衝倒,悔不當初。

    如今外資大行唱好中國,人們又以為他們定是在伺機沽空,不懷好意。其實市場有多大的下跌空間,就有多大的上升機會,大戶可以在跌市中圖利,也一樣可以在升市中賺錢。為甚麼人們總愛相信大鱷看跌的言論,卻不信他們看升的理由?

    二○○八年金融海嘯後,內地和香港股市都異常低迷,如今美國的道瓊斯指數已迭創新高,上海和香港股市卻距離破頂之路尚遠。偏生中國經濟一直是全球增長最快的地區之一,經濟不俗而股市不振,其理何在?在我看來,是因為過去幾年大戶一直在「壓價收貨」,故不時對中、港經濟發表負面評論,不少散戶信以為真,便紛紛「清貨」。

    如今不少肥美獵物已經落入大戶彀中,他們不推高指數,又如何能夠增值、賺錢呢?故大戶們終於肯還市場一個真面目,老實告訴你,其實中國經濟一直走俏,未來將迎來另一個「黃金十年」。[鼓鼓掌]
    大學講師 陳偉強

    回覆刪除
  63. 偉哥,845私有化失敗,近日走勢轉强,大摩買盤積極咗,不知是否有好嘢跟尾?利申:上次無止蝕走

    回覆刪除
    回覆
    1. 上年11月30日潛在私有化要約失效,最快可以半年內重提私有化。

      大股東將部份持股存倉於海通,而巧合地海通在市場密密收貨,估計不是大股東自己、就是友好人士在買,難保是為了下次重提私有化作準備。

      大股東增持不是要披露嗎? 按條例是要申報,但難保有些人視上市規則如無物。

      刪除
    2. 偉哥,我用webbsite查過845由30/11/2016至21/2/2017海通的持股,現時是38.96%,比上年30/11只增加了0.25%。你說海通增加了持股,是那段時間的事?

      刪除
    3. 你要從大股東將倉位射到海通時起計,2016年1月至現在,海通在市場增持了約3400萬股。

      另外仲有一間都是很進取地在市場買貨的。

      雖然如此,845是很難炒的一隻股,主要原因是你的交易對手是大股東。

      刪除
  64. e, 咪住先, 952 係唔係瞓醒))))

    回覆刪除
    回覆
    1. 曾蔭權公職人員行為失當罪判監20個月 …who's next? 689

      刪除
  65. 1812,又新高,呢d完全唔敢食,怕買不回,難定 Exit Plan;
    2009、3993、2039,全都買入好價,只可惜走得太快!

    回覆刪除
    回覆
    1. tk兄,有時間同偉哥一樣分享D股來大家一齊買...haha

      刪除
  66. 前幾日用垃圾價平左5號仔SP,今早用垃圾價平左SC。

    回覆刪除
  67. 2339排左咁多買盤係度等VP隊,個個都唔肯主動掃沽盤。

    VP一唔向下沽,成交縮左。

    回覆刪除