置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年5月3日 星期二

先達國際物流(06123) 業績短評


20147月才上市的先達國際物流(06123),當年上市定價是1.18元,與現價相差無幾。先達國際物流上市後公佈了4份業績盈利是是頗為波動:

 
2014年上半年
2014年下半年
2015年上半年
2015年下半年
收入
16.9
17.78
14.87
17.36
毛利
2.56
2.53
2.46
2.74
核心盈利
約4700
約3500
約2740
約3700萬


2015年下半年不論收入、毛利或者核心盈利都好,都比2015年上半年為高,根據年報所述,主要原因是與Posti Ltd(「Posti」) 訂立分包協議,並與浙江菜鳥供應鏈管理有限公司(「菜 鳥」)訂立物流服務協議, 使2015年下半年的的空運貨運量大幅上升,也提升了盈利。如果這說法成立的話,那今年上半年及全年的業績都應該會比2015年同期為高,甚至乎有機會在8月公佈中期業績之前發盈喜的。

以2015年度核心盈利約6400萬元計算,現價往績市盈率約8.8倍;每股派息1.3仙,股息率1%;帳面資產淨值4.46億元,包括淨現金約1.6億元。現價估值已趨向合理,並不算低。

這股在上市後,便得到兩間基金,包括著名的中小型股基金Ray's Capital的垂青,其持股一度高達10.74%,導致公司的公眾持股量不足而需要短暫停牌;即使目前兩名主要股東加上兩個基金股東的總持股量也達到約85%,實際上市場流通量只有15%,以小型股而言情況並不常見。    





234 則留言:

  1. 6123最大賣點是與菜鳥合作 配合淘寶國際化策略 生意量大增 前途無量! 最大憧憬是菜鳥借殼上市 馬雲曾經說過菜鳥要中港兩地上市!

    回覆刪除
    回覆
    1. 肯定不會借此殼上市

      刪除
    2. 6123的SIZE太細,菜鳥不太可能借殼這股。

      刪除
  2. 偉哥早晨
    假期和屋企人去咗邊度玩呢?

    回覆刪除
    回覆
    1. 本來想去沙灘及上山頂玩,但因為落雨及之後山頂纜車又壞,相繼取消,只是周圍走走。

      刪除
    2. 廸士尼會員買野有六折到5月8號

      刪除
  3. 偉哥早, 今日明報睇到一篇報導, 報導指「內地上個月初對跨境電商零售進口商品的稅收政策進行調整,部分商品完稅價格直接提高逾三成,新規亦對正於內地拓展跨境電商業務.....」
    http://www.mpfinance.com/htm/finance/20160503/news/ec_ecc1.htm
    http://www.mpfinance.com/htm/finance/20160503/news/ec_ecc2.htm
    我還沒深究, 但看似對物流業有所影響

    回覆刪除
    回覆
    1. 現在大家都不知新政策的影響有多大及多長遠,只能繼續留意。

      刪除
  4. 回覆
    1. 其實我都寫了"現價估值已趨向合理,並不算低"....

      我是等8月的中期業績看看會否有驚喜。

      刪除
    2. 我見到個升幅咁誇張, 都呆左

      刪除
    3. 我自己原持有一注左右的6123, 減持了一半@1.6。

      刪除
    4. 好~強~勁~可惜我注意到戈陣已升近一成,唔敢入,無跟到偉哥。。

      刪除
    5. 太遲追post,跟唔到 sad

      刪除
  5. 偉哥, 2015年報除稅前溢利6536萬,為何你計算核心盈利只有6444萬?

    回覆刪除
    回覆
    1. 撇除一次性的應收帳減值虧損、應收帳撥回及外匯虧損等

      刪除
    2. 明白了核心盈利以本公司擁有人年內溢利計,謝謝偉哥.

      刪除
  6. tk兄今早有冇入返 8109?
    我仲渣住黎睇緊

    回覆刪除
    回覆
    1. 有,20x又高追回,不過219又沽左。

      刪除
    2. 可惜啊, 沖到上0.248,暫時睇落仲有餘勁,未似升完

      刪除
  7. 一踏入五月,大市又變臉,莫非真的是應驗五窮月.....

    回覆刪除
    回覆
    1. 自已選擇信五月魔咒,但係手痕不自主地......哈哈。

      刪除
    2. 偉哥:真不明白昨晚美股升,今早上證綜指亦升,但港股一樣大插水?是不是港股已完全不理外圍走勢,我自行我路呢?

      刪除
    3. 目前不少基金經理的看法是傾向減持多於增持,始終這兩個月已升了3000點,並且還沒有出現明顯的調整.....那一鼓作氣重上23000的機會大,還是調整到20000點以下的機會大?

      刪除
    4. 我傾向相信向下整固
      始終上左咁多橫行咁耐但又頂唔穿21500
      大概會補番4月中個列口

      .......
      好似有小小馬後炮
      不過我睇錯市20500點果陣已經走左大部分貨
      Miss左近一千點升幅

      刪除
    5. 今晚美股大跌、恒指夜期也再跌多些,已低水300點,似乎這個5月真的不易捱。

      刪除
  8. 296的走勢很奇怪,大行CS近排短短數天便大手吸納了5000萬股,將296股價推到上2.4元.....究竟想賭什麼? 肯定不是賭業績,只能是賭一些"事件"? 是私有化,還是賣盤?

    我沒有持貨,純粹看戲。如果真有一些事件發生,CS咁明顯的偷步買貨,應該要查一查。

    回覆刪除
    回覆
    1. 賣盤機會吾大,反而私有化有d機, 畢竟呢隻係超級現金牛一隻.
      咁多年都係1-2倍以上pb TRADE , 現價仲係0.9倍PB.低位1.2-1.3X 楊生都有增持.
      呢兩星期升左差吾多100% , 希望真係有d野.

      刪除
    2. 296的已發行股份數目: 1,302,545,983
      陸小曼 824,622,845 (63.31%)
      街貨 477,923,138
      CS 50,000,000 (佔有街貨10.46%)

      刪除
    3. 我自己覺得296現在提私有化的話,要出價2.5-3元才有機會成功,以這價格來說,估值也不算便宜,感覺私有化的機會不是太高。

      反而之前有將708賣盤的往績,會否楊生回購部份296的業務,然後賣盤? 我自己覺得這可能性高些,不過現價已升了太多,我自己是不考慮追入,寧願錯失一個機會。

      刪除
    4. 请问伟哥,296有很好的业务如何运作卖盘?

      刪除
    5. 很好的业务 << 呢D多數會私有化,自己袋返, 多過賣盤了

      刪除
    6. 所以說楊生先將部份有利可圖的業務回購,然後再賣盤,這才是將這上市殼的利益最大化的做法。

      不過這推測純粹是大家研究一下可能的"事件",並不代表大機會發生的,所以不要因為我的言論而走去追貨,因為現價我自己都不會考慮買入。

      刪除
    7. 母公司英皇國際(00163.HK)預警年績見紅, 惟核心盈利增長顯著, 今天反向地上升9仙(5.8%)。

      我持有163股數多過296一倍以上。

      刪除
    8. 2.5-3.0 = 32-39亿市值,当中“买"到17亿左右现金, 即15-22亿买格兰及60%英娱酒店- 这从土地价值看是超值。从现金回报看, 163一般项目回报多少? 如果32-39亿市值买到296的回报多少? 我同意私有化机会比较低, 但就你提出的原因不太同意,因为如果2.5-3.0可以买到296, 这应该比163近年所有投资的回报高很多很多。

      刪除
    9. 你的17億現金是否已扣除了少數股東權益?

      以296目前的盈利能力,可能一年核心盈利有3億元,10倍PE買沒有賭牌的296,最多只可以說是合理估值,不是超值。

      刪除
    10. 扣了。
      上半年核心赚2.3-2.5亿左右, 下半年或明年不知道赚多少, 但考虑过去业绩及今年至此赌收,3亿核心盈利的估计有点保守。

      刪除
    11. 但上半年的特殊虧損當中,有沒有是屬於少數股東的? 按你的計算,我相信你當特殊虧損沒有歸屬於少數股當的。

      刪除
    12. 我是这样看:
      1h ebitda: $274mn
      - [x]% * depreciation: $75mn
      + [y]% *interest income: $42.9mn
      = 2.3-2.5亿.

      http://www.hkexnews.hk/listedco/listconews/SEHK/2015/1118/LTN20151118302.pdf

      刪除
    13. 這樣計算肯定不正確, 因為EBITDA本身已是將一些一次性虧損計算在內的。

      上半年的一次性虧損總共約1.25億元,這1.25億元是有多少計入少數股東的權益裡? 恕我無法從中期報告找到。

      如果按盈利比例計算,則應該是30%左右屬少數股東權益,即是說約3750萬是歸屬於少數股東權益,餘下的8750萬就歸屬於公司擁有人,即是說上半年核心盈利可能有2億元左右。

      我之前的計算應該是保守了一些, 不過你的計算會太進取。

      刪除
    14. 第6页,看得到ebitda是没有將一些一次性虧損計算在內。如果把你计算到的2亿再加回税,得到的会再接近点我的计算。剩余1-2千万的偏离应是那1.25亿中的少數股東权益实在占比可以解释。

      刪除
    15. 不明白為何2億要再加回稅,本身已是稅後的。

      你看扣除遞延稅項251萬元之前的應課稅是3417萬元,按12%稅率計算,即是按2.85億元的稅前盈利來課稅,與計算出來的核心稅前盈利3.13億元已是比較接近。如果要認真計算的話,稅項是計算少了,並沒有計多。

      刪除
    16. 利润表列出的税可以说大部分只是一个他们会计师有的要求。你看看利润表中税有没有产生过现金流。另外,所有其他博采企业,主副牌或卫星都没有这项的。

      第10页:
      http://www.hkexnews.hk/listedco/listconews/SEHK/2015/0828/LTN20150828892.pdf

      刪除
    17. 澳門的博彩企業所涉及的所得稅為何有些可以豁免、有些會在帳面上作出撥備,我就不清楚實際情況,只是我覺得既然296在帳面上為所得稅作出了撥備,在計算核心盈利時我是會考慮在內的,除非它說明這些稅在任何情況下都不用交的。

      刪除
    18. 個人認為楊生股其實無數得計架。。。唔洗對d數太認真
      系内旗下既股要炒亦都唔關d數事

      刪除
  9. 盈進集團(01386.HK)今早停牌 涉認購新股

    搞乜??!!

    回覆刪除
  10. 5仔今日派成績表,大行幾乎一致睇淡,預期倒退19%-57%,睇下會唔會行相反,好似渣打咸魚翻生

    回覆刪除
    回覆
    1. 5仔成績表倒退無各大行睇淡咁多,股息照舊,下午料反高潮,希望匯豐與恆指會回穩跌少些。

      刪除
    2. 滙控(00005)公布,截至3月底止首季度,錄得列帳基準除稅前利潤為61.06億美元,按年下跌9.53億美元或13.5%,遠勝市場預期的近4成跌幅,派息10美仙。

      現價低估左,理應升番上60水平

      刪除
    3. 大户想恆指大升,只有舞高滙控才達到,早前大戶散發造淡會見28,司馬遷之心?大媽狂買也在58,1年前也是72,今時51真是可博不升也有7厘息,升番上60水平其實應該有機。嘩!下午開市有得升添反彈佐1元。

      刪除
    4. 香港果然係做市天堂,5績佳回升就做低941,保持恆指跌勢

      刪除
    5. 股態平衡像天枰、下午滙豐升1.01,但700與941再沉低,恆指無運行。証明短期內大戶要壓低大市,外圍不差港股獨領風騷.......跌。20000點相信不會破,但到邊緣已嚇倒股友們不敢造好,大户再來反手。

      刪除
  11. 和美醫療跌什麼?

    聽說是莆田系。

    回覆刪除
    回覆
    1. https://xueqiu.com/1708120238/68224551

      刪除
    2. 這個假期,成個微信朋友圈都是莆田系與百度....令我無法不抽空看看莆田系的歷史與惡行。

      刪除
    3. 加強監管,外資管理的醫院應該得益(更容易獲取病人的信任)!?

      我抱著383,等運到。

      刪除
  12. 星期六 先說偉哥組合回報要發力
    今天6123 馬上食糊
    Congrat 偉哥

    回覆刪除
    回覆
    1. 作用不大,因6123佔組合比重很低,我業績前已買入了一注、業績後沒有再增持,主要是想看多一個業績期,看看與菜鳥的合作是否可以帶來持續的盈利。

      不過用業績後都沒有寫過這股業績,所以就寫幾句跟進下。

      刪除
  13. 請問健偉哥,隻598首季業績不太差,但今日股價跌約4%,是否跌多了?

    回覆刪除
    回覆
    1. 這隻都幾跟大市,今日大市跌佢跟跌也不意外。

      是否跌多就難說,反正如果覺得現價抵買就買些,不然就繼續等等,看看會否有更低價。

      刪除
    2. 唔客氣, 已3.43 撈回一點598. :)

      刪除
    3. 希望跌返去3蚊再撈過

      刪除
  14. 1358 超大成交+逆市上升. 會唔會有d嘢?

    回覆刪除
    回覆
    1. 同業就快上市,不知是否與此有關?

      另外,業績公佈前後的長期回購,似乎也有些作用。

      刪除
  15. 偉哥點睇隻327第一季對上年增加13.3%。其中,海外市場營業額3.83億元,中國市場營業額2.89億元,分別增加24.5%及1.3%,有無興趣再玩呢?

    回覆刪除
    回覆
    1. 2015年上半年業績出了之後,股價大跌,主要原因是中國地區的增長遠低於預期,當時解釋是部份收入在下半年才入帳;這次又是中國市場低增長,被沽售是有跡可循。

      暫時沒有興趣再玩,除非內幕人士出來撈底,我會視作見底的其中一個指標。

      刪除
    2. 唯有戒急用忍少做少錯。

      刪除
    3. 對呢隻表現好失望:( 不過最唔明係點解市場好似完全無視海外市場的增幅呢?中國市場唔單止競爭大,毛利率仲要比海外市場低得多...

      刪除
  16. 想問下眾網友若果我想check到某D基金手上拎住咩股,除左睇基金report,仲有冇其他地方睇到? Say Webb Site?

    回覆刪除
    回覆
    1. webb site睇唔到。一般都係睇基金REPORT或者如果持股已過5%,佢地都要向港交所披露。

      刪除
  17. 今天3322又再現抗跌力,歐國盃如箭在弦,3322隨時會開行Turbo,等著瞧。

    回覆刪除
  18. 私人醒兄,咁1661又如何,
    又無見解?

    回覆刪除
    回覆
    1. 1661我冇研究開,但智美去年純利倒退81% , 你有找尋過原因嗎?仲有,碎銀上月曾推介此股,我對呢間證券行推介的股有戒心。

      刪除
  19. 淨現金、忍者龜、蘋果概念股破頂

    回覆刪除
  20. 成交過七百億, 低水近兩舊.... 五月一開始就嚇鬼乎?

    回覆刪除
  21. 今日市場跌400點左右,但比較少資金轉到套利股份
    記得上2次跌市長假期逢星期四,五跌市都有資金流金相關股份。
    個人覺得今個星期呢個情況會再次出現。

    回覆刪除
  22. 3399見尾市有人直沽數萬股應該係不耐煩人士,再無動作似乎陸續有來可能要破底。

    回覆刪除
    回覆
    1. 經常尾市如此,唔只我們奇怪,連粵運公司自己都覺得奇怪,很好奇為什麼有人要這樣做。

      刪除
    2. 其實很簡單,自已掛入咪知沽家是誰,從而推測有否陰謀。

      刪除
    3. 其實知道那間行沽都沒有用,因為不知幕後真正沽家是誰....我相信即使打電話去問券商,人地都唔會透露客戶資料。

      刪除
    4. 當例如幾天都是大摩沽,起碼可以在中央結算睇吓佢倉有幾多貨。又可在webb那里睇吓是否有其他人打倉過去沽。希望從而看到一些野。(如果真係有陰謀的話)。

      刪除
    5. 因為3399成交咁少,要找出誰人沽應不會很困難。

      刪除
    6. 要找出沽貨的券商不難,但要找出實際的沽貨人不容易,即使找到也沒有什麼作用。

      刪除
  23. 睇的期指壓得咁實,看來指數要有一個較大跌幅才可摟轉現時情勢。

    回覆刪除
  24. 5月第一個交易日就大跌390點,似乎又係Sell in May, 大家留多D現金為妙

    回覆刪除
  25. 偉哥,2326發盈喜今日股價與成交不成正比無升跌,有興趣嗎?

    回覆刪除
    回覆
    1. 百靈達咁妖,唔夠功力玩呢隻。

      刪除
  26. 等到收市才寫呢段留言,以後我亦唔會再講亦唔會再回應所有信用卡的留言。
    首先我講的一位博主年多前教人用信用卡借貸炒股,利息低至幾厘,而他說用的是東亞信用卡,剛好我也是用東亞,我求証過絕無如此低息。

    另外一位綱友話恆生信用卡可低至年利率三厘幾,我今日下午回家時,見到期指跌緊190點左右,我乜都冇做,先去一位專炒期指的博留言,是我第一次留言,因為我見佢前幾日肯認輸,仲講敗軍之將,不足言勇,我like佢呢佢話,我留言講我有期指淡倉先看20450,好彩有時間證明,大市行緊同我方向一致,所以唔使理,得閒打咗幾個電話番香港,東亞,滙豐,恆生的信用卡中心,恆生的24小時熱線2398000我和一位沈先生對話大致如下,因為有錄音。
    我問沈生網上討論區有人説貴行信用卡推廣借現金,年利率低至三厘幾,如何申請,佢話根本唔知利率是幾多)冇人可以答到,要睇好多原因才能計算出,一是要特選客戶,仲要等批唔批出,不是每一個人都有資格,二是要計埋之前的借貸欠結,即是我教人信用卡去享受機場貴賓室的服務一様,不是一般人享受到的,是特選信用卡卡主才有資格,講咗等如冇講。

    回覆刪除
    回覆
    1. 睇下我可唔可以解答到你嘅疑團。
      據我所知之前網友所講嘅信用咭借貸服務是與一般銀行借貸服務不同; 所謂信用咭借貸其實是指將你張咭沒有用到嘅信用額攞出來作為借貸嘅款項, 例如你張咭嘅信用額是$100,000, 而你是月簽帳是$20,000, 這樣你便可以攞餘下嘅$80,000用來作借貸之用, 一般還款期可分6期至48期不等。
      只要你張信用咭還款記錄良好, 銀行定會時不時主動打電話比你需唔需要申請攞黎用,利息真的與網友所說真係低至幾厘, 但暫時張咭嘅信用額就變作$20,000 , 只要簽咭時記得這點就得架喇!

      刪除
    2. 由得佢活0係自己既世界算吧

      刪除
    3. 銀行太多產品,又太多部門,有時仲搞外判,員工都唔太清楚。

      刪除
    4. 哈哈邊係唔清楚, 啲員工唔知幾清楚: 有人求借就必long佢息.
      ng wai盡情示範了何謂冥頑不靈. 唔怪得咁響啦,原來所講的「如果你搵到低過6厘...」點點點, 而家個意思係「如果你搵到給我成功借到低過6厘...」咁佢當然不用道歉啦. 我借到, rocky借到, 大家借到, 但ng wai 借唔到喎 XD.
      好明顯佢流動資金不足, 信貸情況有問題, 所以不會平俾佢, 我地當然無可能辦得到令佢借到錢啦, 所以佢話明不會回應.
      我其實都不必聽佢道歉, 因為佢係點諗野, 在這些post已經表露無遺, 亦令啲覺得佢好叻的人有所警愓.

      刪除
    5. 好明顯佢流動資金不足, 信貸情況有問題 << 又未必關事既。如果冇借開錢,冇用信用卡,真係會收唔到有關 offer。我都有一兩張卡,因為永久免年費放左0係度冇用過,由於冇用過所以都冇D咁既 promote。

      當日會貼圖出黎,純綷睇唔過眼有人左一句盲毛,右一句盲毛。明明好多野可以正正常常討論的。

      p.s. 佢叻唔叻我就唔知,我只知道炒股呢個範疇,無咩需要搵人去做比較(除非有兩條友對賭緊同一set期指期權啦)。

      刪除
    6. 希望時兄大人有大量,Ng Wai可能始終係AU生活,唔熟依邊情況

      刪除
    7. rocky, red兄係ge係ge,
      其實我都refer過朋友, 如信貸情況好都借得到, 不屑佢還不屑, 提吓佢搵香港朋友refer啦, 咁急用錢的話.

      刪除
    8. 夠喇,唔好成日嗌交啦!家和萬事興,家衰口不停,唔啱既講幾句咪收口囉,大家都唔忍得想嘈到幾時先。大家都喺偉哥呢個"大家庭" ,以和為貴,揾錢至上。

      刪除
    9. 非常同意樓上講法

      刪除
  27. Wai Gor, 想問你1123還持有嗎? 見到最近回升不少, 我0.6 揸到宜家了....XD

    回覆刪除
  28. 伟哥,是否仍然持有403?

    回覆刪除
    回覆
    1. 沒有。

      今天發的盈喜其實看完都無從評估全年盈利狀況。

      刪除
  29. 1120雅視光學出售"深圳市龍崗區廠地"取得進展, 今年年底派發特別股息的可能性也提高了!

    經修訂搬遷補償協議之第二份補充協議
    http://www.hkexnews.hk/listedco/listconews/SEHK/2016/0503/LTN201605032322_C.pdf

    回覆刪除
    回覆
    1. LOUIS , 呢隻野成交少到嘔
      你持貨幾耐 ?

      刪除
    2. 少量幾年前買的,游了幾次水,來減少成本低於一蚊。
      去年九月大手買的@$2.7, 博特別股息和長期投資, 因為我覺得老闆是個很老實的正人君子。

      雅視的確很難游水和炒作, 大悶股, 只適合像我一樣的老人!

      刪除
  30. 永嘉集团足球品牌「FutbolTrend」首家内地分店开业

    永嘉集团(03322)旗下专业足球品牌“Futbol Trend”首家内地分店於4月27日在广州珠江新城高德置地夏广场开业,集团主席李国栋表示,中国政府把足球纳入国家发展计划的重要体育活动之一,为体育相关消费行业于中国带来庞大商机,集团把“Futbol Trend”店铺网络由香港扩展至中国内地,必将有助于抓紧足球热潮机遇。

      据介绍,“Futbol Trend”旗舰店除了拥有众多国际知名足球品牌外,亦拥有一系列由国际球星签名的限量版收藏品,集展览和购物于一身。球迷在店内可以享受专属印字服务,亦可选择简易的印鞋贴,制作个性化的战靴。此外,“Futbol Trend”还为足球爱好者打造了笼式足球体验区、球迷游戏区、球迷交流区等功能区域。

    回覆刪除
    回覆
    1. 原來朗豪坊個間係永嘉既銷售店
      波衫波鞋個邊感覺幾好 但另一邊有d亂 可能賣太多品牌

      刪除
    2. 朗豪坊個間執左了
      開左係新世妃

      刪除
    3. 香港既運動運鎖店Sportscorner (運動站)都係永嘉開既

      刪除
    4. 今日食飯時經過街口既一間地鋪證券行,門外有得俾人禁機既,輸入3322, 見到有多個1799的買盤,番來公司後上網check 一check,1799個經紀牌原來係“耀才“既, 唔通好多散戶都想趁低吸納#3322 ?_? 👍🏻👍🏻👍🏻

      刪除
  31. 我有冇睇錯, 598 p成交左 1.48M @ 3.63?

    回覆刪除
  32. 大市三日就轉哂勢,去番淡友主導

    回覆刪除
    回覆
    1. 但現在似乎是人人看好,牛熊七三比, 點解咁多人買牛 ?

      刪除
    2. 應該說是散戶看好居多吧。

      刪除
  33. 剛才網友的留言誤刪了:

    pong 已針對您的文章「先達國際物流(06123) 業績短評」留下新意見:

    點解冇人借超大隻殼上市?得5億市值

    回覆刪除
  34. 要考慮埋處理既財技成本?

    回覆刪除
  35. 請問偉哥會抽隻ipo 3626 嗎? 謝謝!

    回覆刪除
    回覆
    1. 這隻如果抽的話,可能抽幾手博下有冇運中一手好過用孖展抽。

      公開認購最多可以認購460萬股,以最高發行價1.36元計算,用孖展認購的話,用63萬多就可以認購頂頭錘飛。如果認購超額500倍,計及回撥,有可能中萬幾、兩萬股,如果上市後股價升5成,那應該可以賺到1萬元左右;如果超額1000倍, 那可能只中1萬股左右沒有,股價升5成都只係可以賺餐飯錢。

      最後倒不如搵現金抽1、2萬股就算,博中一手可以食餐飯。

      刪除
    2. 頂頭槌理想情況下可以賺幾千,如果資金冇出路,我覺得可以搏.
      另要留意,好似計十一日息。

      刪除
    3. 如果用63萬元去博1萬元,仲要差不多要半個月時間,而且不是100%賺緊,我自己覺得值博率不高。

      寧願現金抽1、2萬股玩下算數。

      刪除
  36. 今日811逆市上游, 相信A股IPO非常接近了.

    回覆刪除
    回覆
    1. 格隆匯今天有篇文推811,賣點還是AH折讓。

      現在按每星期5隻新股上市的速度來推算,6月底811的A股就可以發行。

      刪除
  37. 世事如棋局局新
    股金中外亦難分
    今看御泰定神針
    誰人中彩便獲金
    誰人當黑輸獲甘
    股金大鱷各用心
    誰能分它一杯羹
    小散出入重小心
    注碼風險永在心
    一命二運三風水
    自強不息求進取
    投機投資永順水

    回覆刪除
  38. 呢D市大家都好忍手,跌2百幾點成交仍不足300億,可能要跌穿2萬點心理關口才會有多些資金入市撈。

    基本上落左D低價買盤後,都可以唔使點睇市。

    回覆刪除
    回覆
    1. 20400牛看似必死,睇下係唔係下晝等埋歐洲開市前,14:30HKT左右先開始殺。

      刪除
    2. 嘩真係14:30回落, rocky good sense !

      刪除
    3. 都未落去殺 20400
      咁岩 up 中0者呢D

      刪除
  39. 532 & 99 王氏系近日都有些異動,又黎私有化?

    回覆刪除
    回覆
    1. 99只是用了幾千股就嘜上去,532的成交也是很低,意義不大。

      如果有春江鴨的話,就不是升這麼少,成交也不會如此低。

      刪除
  40. 第一太平戴維斯董事總經理兼投資及銷售部主管袁志光表示,獲委託放售上環新紀元廣場低座5樓及2個車位,寫字樓建築面積1.55萬方呎,業主意向價為3億元,呎價1.94萬元。他指出,現時該層樓面的租金收入為58.7萬元,如買家以業主意向價購入,可有2.3厘回報。據土地註冊處及公司註冊處資料顯示,該物業由明輝國際控股(03828)持有。

    想請教偉哥,公司市值才六億多,一項物業若賣三億,那其餘業務+殼價豈不只值三億?

    回覆刪除
    回覆
    1. 當年1.28億買入,現在3億元賣出,差不多7年時間才升一倍半,如果同期買工業的話好多都升幾倍。

      賣得出的話,現金值就差不多接近市值了。

      如果間公司不是想賣殼的話,不要將殼值加上去,不然的話市場上所有市值低於4億的股都好抵買。

      刪除
  41. 各諧慘遇盲婆殺
    踏雪尋梅賣玉客
    四雞邊緣格食格
    葉公好龍座上客

    回覆刪除
  42. 3836 呢幾日唔知發生咩事, 狂沽...

    回覆刪除
    回覆
    1. 這隻野而家很神經刀,經常大上大落。

      刪除
    2. 中意5983836 波幅夠大~

      刪除
    3. 注碼分明常記在心中
      按計而行議而即決功
      浪頂浪底尋樂在其中
      勇者無懼順勢顯真功

      刪除
    4. 555獨領風騷中
      家書暫能抵萬金
      朝沉午升借東風
      春江鴨樂在心中

      刪除
  43. 依兩日中國人同埋法國佬都有掛大買盤,加加埋1m一格,
    今日就睇到有大手向下沽,
    山川滿目淚沾衣,富貴榮華能幾時?

    回覆刪除
  44. 三只股票供你選擇一只, 哪一只你會選來投資?為什麼呢?

    每股股價/帳面淨值(港元)
    50 ( 8.9 / 15.864), 194 (8.81 / 28.834)和878 (9.87/ 56.853)。

    我肯定選擇878, 市淨率最低, 就這麼簡單!
    十年後驗證。

    回覆刪除
    回覆
    1. 路易氏好酒來掃淡風
      忽記十年一覺揚卅夢
      手扎博友好夢各尋踪
      且看大市出血在途中
      三注齊買上落看其功
      十年樹木看誰笑春風
      三子齊跑伯樂擇其中
      先謝妙方分享在心中
      十年白髮蒼蒼樂其中
      人生夢想努力各用功
      活在當下股金笑談中

      刪除
    2. 一定唔買50,194有分身家概念?
      878太子女有排做 =.=

      刪除
    3. [ 878太子女有排做 =.= ]

      兩母女過去的十幾年管理好和養大公司金朝陽, 現在持有160億港元香港黃金地段的投資物業, 每年的租金收入5.2億港元; 再加上還有不少的正在開發的項目, 債務約20億港元, 算得上財務穩健及積極經營, 應該會有美好的未來!

      此外, 我真的很喜歡幸運號碼878發實發, 再加上好意頭的名字, 黃金朝向太陽, 閃閃發光!

      刪除
  45. 一沈自有千百踩
    收貨掟貨問誰解
    小散尿急能自解
    偷雞時遷嚐破解
    華麗轉身短買賣
    注碼分明換遷徙
    能防失手做鐡拐
    葉公好龍夢開大
    運籌帷幄在老大

    回覆刪除
  46. 市場消息透露,內地電動兩輪車品牌雅迪集團已引入逾2名基礎投資者,該公司明日正式路演,下周一起公開招股,本月底前掛牌。市傳雅迪集資約2億美元(約15.6億港元),保薦人為中信建投國際,安排行包括摩根大通。

    偉哥,國內最大電動車雅迪,呢隻值得抽嗎?

    回覆刪除
    回覆
    1. 未睇, 等下星期出了正式招股書才看看。

      刪除
  47. 回覆
    1. 咁237炒概念,市況逆轉,跌都唔奇。
      之前亦都有朋友指237相關人士依家開好唔可以再增持,都有影響。
      另幾個買左既大V都有減持,大家跟風都有機會跌。

      刪除
    2. 關鍵是上星期大升那三天,總成交達到接近200萬股或4000多萬元的,相信買上的也不是一般的散戶。

      刪除
  48. 沽了一半2317@0.69,買返少量237@22。

    2317最近成交急增,感覺是有基金入場,現價入場理論上應該個價看得頗高,不過到左自己目標價有餘,故先吃一半。

    237之前已沽左2/3的貨,現價比最後減持貨已低了10%,先補返少量,目標是21元以下才補回全部沽出的貨。

    回覆刪除
    回覆
    1. 原來排了22.1買番上周五沽出的唯一一注,但見今日跌得咁急,又開始了業績公佈前禁止買賣期,於是調低至21. 見偉哥出手,今日應該買不到了...
      估計237仍有最少1個半月時間慢慢買...

      刪除
  49. 電力股跌得過殘,跟林少入手2380。另,追入神經刀3836。

    回覆刪除
  50. 有冇Ching 有玩下715
    從圖表角度 感覺開始升

    回覆刪除
  51. 希望賣得成

    新紀元廣場全層意向價3億

    第一太平戴維斯董事總經理兼投資及銷售部主管袁志光表示,獲委託放售上環新紀元廣場低座5樓及2個車位,寫字樓建築面積1.55萬方呎,業主意向價為3億元,呎價1.94萬元。他指出,現時該層樓面的租金收入為58.7萬元,如買家以業主意向價購入,可有2.3厘回報。據土地註冊處及公司註冊處資料顯示,該物業由明輝國際控股(03828)持有。

    回覆刪除
  52. 聞風喪膽李莫愁
    南海石油鬼見仇
    今天也來派薪酬
    快上快落慢金油
    雞犬皆升有何謀
    有糊要食在心頭
    為怕失足會添愁
    大市空險亦見愁
    雞犬落鑊不問由
    或問貪望向北游
    却道安心是因由

    回覆刪除
  53. 請問偉哥對308有冇睇法?長線點睇?苦惱緊止虧定繼續守

    回覆刪除
    回覆
    1. 我之前簡單計過下數,持續經營業務的核心溢利只有7億元,現價往績市盈率17倍真係唔平。

      至於是繼續守,或者止虧,恕我無法給予買賣建議。

      刪除
  54. 經過篩選, 係少啲留言, 正

    偉哥, 可否搵日有時間寫下你對樓市既睇法? 冇樓人仕, 自住樓想換樓人仕應何去何從?

    回覆刪除
    回覆
    1. 有啊,其實之前都講過,你試下用右手邊的搜索功能搵下。

      刪除
    2. 偉哥, 個搜索功能有冇得指定結果年份? 我想知偉哥你係依然覺得睇啱位就可入?

      刪除
    3. 沒有這麼先進。

      你是想自住、換樓或者投資的目的?

      刪除
    4. 我都覺得個搜索功能唔係太好用,又唔跟年份又有時會miss
      不過依家都係search多幾次搵清楚先,費事問埋太多搵到答案既問題 加重偉哥既負擔

      刪除
    5. 其實樓已賣, 想睇咩時機可以買番

      刪除
    6. 我一向都唔贊成將自住樓用來炒賣,不過如果你樓已賣,就按返你賣當時的計劃行事,例如想平幾多再買返先有著數....

      樓宇一買一賣的成本比股票高很多,厘印、經記佣金、律師費、以至裝修、搬遷成本及租樓住的租金等,以一層500-600萬的樓來計算,如果唔係博1-2年內有20%以上回落的話,都係白做居多。

      刪除
    7. 我唔係炒的, 係唔夠住, 細換大

      刪除
    8. 這要衡量一下自己的承擔能力、有沒有迫切性買樓自住及對樓價的預期。我自己有大家庭的,如果是自己可以負擔得來的,我會期望盡快有穩定的住所安定下來。

      如果沒有迫切性的話,樓價今年應該還會有輕微的單位數跌幅,我不期望會有20-30%的大跌。

      刪除
    9. 偉哥,有另一樣野想請教, 係自己能力負擔得起,係而家仲係咁低息環境應該做幾多成按揭係最好,7成/9成?

      刪除
  55. 恒生指數 20,525.83 151.11 國企指數 8,697.37 51.33 上證指數 2,991.27 1.37
    « 返回前頁


    今日 14:38 港股直擊 即巿股評
    滙證大削中外運目標價28% 改籲減持

    滙豐證券 中國外運(00598)

    評級 買入-> 減持

    目標價:4.3元-> 3.1元(較上日收報3.37元,潛在跌幅8%)

    中外運截至3月底止首季淨利潤3.73億元人民幣,按年上升7.3%;期內營業收入按年下跌約15%。滙豐證券發表報告,將中外運之評級,由「買入」直接降至「減持」,目標價大削28%至3.1元。

    滙證指,中外運首季業績疲弱,經常性利潤按年下跌19%,主要因為貨運代理業務表現疲弱。該行把中外運今明兩年盈利預測下調4%至5%,且不預期今年有較強的催化劑。該行又關注歐羅兌人民幣相對強勢的情況,認為會對今年中外運與DHL之合營公司利潤率帶來負面影響,主要是公司有相當部分之成本以歐羅計價,而收入則以人民幣計算。

    滙證指,中外運自2月低位已上升34%,惟該行認為即使中外運獲母公司注資,規模亦不會很大。最新目標價3.1元,是基於預測市盈率9.1倍計算,較之前採用的11.9倍為低,以反映當前的周期性盈利趨勢。

    偉哥 : 點睇匯證呢份598的分析報告?

    回覆刪除
    回覆
    1. 我覺得其看法過份悲觀。

      可以看看DB呢份樂觀的報告中和下,其目標價6.3元,是HSBC目標價的1倍。

      http://www.niuniuwang.cn/wp-content/uploads/2016/05/H3_AP201605030014688679_01.pdf

      刪除
  56. 3626 HSSP 超小集資額,又唔改中文名,感覺怪怪的,請問多唔多師兄用孖展抽呢?

    回覆刪除
  57. 1260 穿埋基金買入價..點睇?
    唉呢個年頭...都係有得食好食左先..
    3322 減剩1/3
    3828 0.91清場
    多謝偉哥

    回覆刪除
  58. 6123偉哥又可以準備買回了

    回覆刪除
  59. 一代太陽能龍頭750
    返緊去5年前既低位

    回覆刪除
  60. 恆指三日內累績跌左1100點,好似仲未見到有“死貓彈“, 唔通真係要插穿20000點,大戶才會平淡倉?

    回覆刪除
  61. 但有点難度,小道指巳回升49点!

    回覆刪除

注意:只有此網誌的成員可以留言。