置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年5月18日 星期三

力寶(00226)大股東增持的遐想


熟悉我的讀者都知道我是一個極度關注上市公司大股東或內幕人士(例如公司董事、主要管理層等)買賣的,每天收市後都會詳閱港交所的權益披露,從中發掘投資/投機機會,相信讀者當中應該也有不少同道中人。近月有兩隻大股東大比例增持的股票引起我興趣它們分別是迪生創建(00113)及力寶(00226),因篇幅有限,今日先說說比較冷門的力寶。

力寶系一門三傑,有三間上市公司,分別是控股公司力寶(00226)及其持有71.24%股權的力寶華潤(00156)及持有65.84%股權的香港華人(00655);力寶本身並沒有經營什麼業務主要的角色就是控股兩間附屬上市公司。

力寶大股東李氏家族從上年4月開始在市場增持力寶股權,20154-10月半年期間共增持了1258萬股,然後在今年1-4月期間共增持了2527萬股或相當於5.13%的股權,當中有1319萬股是在4月份增持的這時期剛好是大股東可以在6月份公佈全年業績前的最後買賣期限目前大股東最新持股權72.43%,已相當接近上限的75%,不禁令人懷疑此系是否將有大動作?

(本文節錄自今日刊登的橙新聞專欄文章)

210 則留言:

  1. 懶了一段時間沒寫專欄文章,昨晚終於恢復寫作,不知水準有沒有倒退?

    歡迎大家給予意見,尤其是faistock兄,之前都提過兩次此股,看看有沒有什麼可以補充。

    回覆刪除
  2. 今日太忙,留言可能要等今晚有空才覆了。

    回覆刪除
  3. 力寶價格自08年平穩上升, 若真的實現, $6以上係可預期的。

    回覆刪除
  4. 226大股東增持,有無後著真係吾知,可能真係太平,老闆買番D,
    不過近日有報導說,226在印尼搞了個網(似淘寶)搵了700前高層睇擋野,
    咁朽合先排阿里用10億美元買了226個競爭對手(估計應該係大過226擋野好多的)

    回覆刪除
    回覆
    1. 力寶系上市公司眾多(印尼,星加坡,加拿大都有),如要搞重組,似有排搞
      資產折讓大係事實,但咁低既派息有D令我卻步

      刪除
    2. 其實成件事最奇怪係本來1-3月大股東仲好有耐性在4.2元收集,然後去到4月,即買賣限期的最後一個月,大股東就唔再限價回購,越買越高,令人懷疑是否在業績公佈時會有好消息伴隨,不然的話實在無需搶得咁高,可以等業績公佈後再慢慢回購。

      刪除
  5. 519買力寶中心,有人博派特別息?

    回覆刪除
    回覆
    1. 幾億元, 即使全派特別息也不是好高。

      刪除
  6. 李文正 1929年於印尼出生...:O

    回覆刪除
  7. To : 阿米

    去年12月我都染上流感,經過數星期才完全康復。之前從網上得知,有很強疾病都和口腔的健康有關,而油拔法(椰子油漱口)可降低口腔內的有害細菌及微生物 ,改善口腔的健康及身體系統,嚴浩也曾在報章推介“油拔法“, 對預防感冒,頭痛,牙周病,飛滋,腸胃病等等有顯著的功效。我從今年年頭開始,已油拔了五個多月,在此期間我竟然一次也沒有染上感冒(即使是流感高峰期), 所以我相信“油拔法“ 是一個健康的自然療法。如大家想了解多些關於油拔法,可到下面條thread 看看。

    油拔法及油拔法療病原理
    http://www.discuss.com.hk/viewthread.php?page=1&tid=2545925

    最後,祝你的家人早日康復。


    回覆刪除
    回覆
    1. 香港討論區 提示信息
      指定的主題不存在或已被刪除或正在被審核,請返回。

      刪除
    2. 更正

      http://m.discuss.com.hk/index.php?action=thread&tid=25459251&extra=&page=1




      刪除
    3. 謝謝私人醒兄,家人終於康復可出院,辛苦了幾天,終可鬆一口氣。

      刪除
  8. 113個圖咁衰,我依D圖行先就一定吾會睇!!

    回覆刪除
    回覆
    1. 113我相信潘迪生是有動作的,下篇文諗唔到寫乜就講下我的睇法。

      另外,雖然潘迪生目前不能在市場買賣,但佢有D打手仍是活躍於市場的。

      刪除
  9. 今朝睇見主席13號少量增持估唔到可以6128食尾糊@1.3,多謝偉哥。

    回覆刪除
    回覆
    1. 第一、二、三大股東輪流在市場增持,也是很奇怪。

      刪除
  10. 700真係好痴線... 不得不講句: "得互聯網, 便得天下"

    回覆刪除
  11. 426@5月30日出第四季業績,但出唔到全年,舊年同日出喎,搞乜!?

    回覆刪除
    回覆
    1. 全年業績唔公佈住,又係比較奇怪的做法。

      刪除
  12. 不問價大手增持,且有賣殻概念,三間之中應買226。以分派來說,全派香港華人也不會影響控制權。

    回覆刪除
    回覆
    1. 如果實物分派只能二選一,你是大股東的話,你會否分派香港華人?

      其實大股東這幾年的舉動已清晰告訴你雖然兩間都是附屬公司,但明顯親疏有別。

      刪除
    2. 分派愈多,愈能消除控股、資產折讓

      刪除
    3. 要判斷公司的下一步行動,不是單純從股東的利益去想,更多時候是要從大股東的角度去想....

      一間是從未增持過的附屬公司,一間是不斷增持的附屬公司;
      一間是找顧問研究完話出售可以提升股東權益、價值,但為何不研究另一間附屬公司;
      如果要分派,只能分派一間,那結果是顯而易見.....

      我是100%肯定如有實物分派的話,派的一定是156的股權,不會有其它可能性。

      刪除
  13. 傳統智慧 五窮六絕七翻身 睇翻過去港股10年記錄 係升市嘅時候唔準 跌市嘅時候較為可靠 如果我根據理論上咁去分析 股市係行先實體經濟一步 經濟大環境一片向好 於是企業係4月5月出業績 接著除凈 股票市場一片欣欣向榮 唔會因為除凈對股價的向下影響而產生"五窮六絕"情況 反而在經濟環境唔好 企業業績欠佳等情況出現下 五窮六絕嘅機會大大增加

    回覆刪除
    回覆
    1. 傳統智慧 五窮六絕七翻身?咁易散户估中?或是八、九繼續跌,到十月美總統選舉后,美平穩全球經濟來小陽春?

      刪除
  14. 仲有個問題想請教下網友 一般上市公司業績公佈期係咪一般集中在每年4-5月?

    回覆刪除
    回覆
    1. 我覺得不是, 3月先埋數, 4月出REPORT 好少, 印象中有唯達, 6月先多

      刪除
    2. 大部分上市公司12月年結,3月底前一定要出業績,通常4月底就有annual report.

      刪除
    3. 12月底年結的, 一般是2、3月份公佈全年業績;3月底年結的,就5、6月份公佈全年業績。

      基本上國內公司都是12月底年結的,所以國企股一定是12月底年結;香港公司就不一定,不過也是12月底年結的佔多數。

      刪除
  15. 偉哥,請問瀏覽權益披露的應使用哪個選項搜尋?

    因為它有6個選項,分別如下:
    1.按上市法團的名稱搜尋(股份代號或上市法團名稱)
    2.按大股東/董事姓名或名稱搜尋
    3.僅按日期搜尋
    4.按每日摘要搜尋
    5.上市法團的股份權益的調查結果
    6.根據證券及期貨條例第309條獲豁免的法團的特別具報

    謝謝指教。

    回覆刪除
    回覆
    1. c9想知道食邊隻生果好 唔知用哪個選項搜尋
      1.按生果名稱搜尋
      2.按生果出產地搜尋
      3.僅按生果顏色搜尋
      4.按油麻地果欄每日出貨量搜尋
      5.上市生果的價錢排行調查結果
      6.根據漁農處條例第9865ct獲豁免進口證或生果檢疫證明書的特別具報

      唔謝~

      刪除
    2. 我的建議是你自己每個選項都按入去試下,嘗試自己摸索一下,反正按錯又不會收費或者有什麼問題,即管亂試就可以,試完唔明再問我。

      正如有很多網友常問我點樣查CCASS一樣,我都講到明係webb-site睇CCASS最方便,但很多人仍然不知如何用....何不亂按亂試? 我相信網友們都是很多都是這樣摸索出來的。

      刪除
    3. 請問係webb-site睇CCASS時, 持貸機構者既HOLDING DATE是否要將佢減2DAYS 例如HOLDING DATE 係17/5 姐係其實SHOW 15/5 既貨?

      刪除
    4. 我的建議是你自己每個生果選項都放入口去試下,嘗試自己答真一下,反正食錯又不會爛口或者有什麼大問題,即管亂食就可以,食完唔明唔死得再問我。

      正如有很多網友唔知點樣查LNSIS一樣,我都講到明係偉哥-site睇LNSIS最方便,但很多人仍然不知如何用....何不亂up亂食? 我相信網友們都是很多都是這樣摸索出來的.^^
      唔駛謝喎~

      刪除
    5. 因T+2結算關係,昨晚深夜更新的CCASS資料是反映至星期一的資料。

      刪除
  16. 3393有無師兄會考慮買入?

    回覆刪除
    回覆
    1. Alan兄,我認為3393現價算偏低,有一定程度反映16年業績強差人意的可能,只要稍為重回正軌,相信反彈可期
      請留意昨天已除淨

      刪除
  17. 謝清海罕有唱淡 料內銀壞賬率逾10%
    環球經濟08年後最差

    【本報訊】「股壇金手指」謝清海罕有唱淡,形容全球經濟今年是自2008年來最差、最艱難一年。他指出內地銀行實際壞賬水平恐高於10%,屬於「相當嚴重」。雖然他表示不會減少中國投資,但估計內地經濟結構性改革尚需要3至5年才見效,其間帶來的社會震盪,更是香港的最大風險。
    記者:黃翹恩 周家誠

    http://hk.apple.nextmedia.com/financeestate/first/20160519/19617827

    回覆刪除
    回覆
    1. 半年前先係中國大好友....

      〖向來看好中國前景的謝清海指:「現時環球一團糟,但中國仍會是未來的亮點。」認為歐美、日本即使在零利率環境下,增長仍放慢,但「中國則是僅餘的、有足夠彈藥刺激增長的國家。」〗
      http://invest.hket.com/article/695653/%E8%AC%9D%E6%B8%85%E6%B5%B7%EF
      %BC%9A%E6%B8%AF%E5%9C%A8%E9%A2%A8%E6%9A%B4%E4%B8%AD%20%E8%BF%8E%E5%9B%B0%E9%9B%A3%E6%99%82%E5%88%BB?section=002

      刪除
    2. 佢上年沽惠理個時機真係好到不得了

      刪除
    3. 無錯,呢個大頂應該3,5,7年都未必能破
      謝呢個大好友都轉軚,會否有見底的機會??

      刪除
    4. 點會咁快見底呀師兄, 佢入番惠理先係指標

      刪除
  18. 伟哥,1515的执行董事江天帆买722的股票。看来江也看好722.值得关注。

    回覆刪除
  19. 聯儲局4月份會議紀錄顯示,大多數與會者認為,若美國經濟數據反映增長加速,勞工市場
    繼續轉強,通脹邁向儲局的2%目標,那麼6月加息便可能是合適的(Likely 
    Would be Appropriate),並認為市場不合理地低估了下月加息的機會,
    需要與市場清楚溝通。儲局將於下月14及15日議息。《香港經濟日報》

    希望6月真係加一次息, 相信市場會穩定番啲

    回覆刪除
    回覆
    1. 6月加就堅係驚,似急住儲子彈,在經濟下滑有多D減息空間。

      刪除
    2. 美國6月討論加息是在英國公投之前,驚大細鷄有變亂,深信不會加息。但美大選前就會加啦。

      刪除
  20. 見隻237回了好多,入回之前25元走的貨,希望有驚喜

    回覆刪除
  21. 偉哥,710月頭會開會,有沒有什麼新看法?

    回覆刪除
  22. 偉哥, 比較多權威人仕(ie習x, 清海,+X, 四叔) 睇淡中港並減持,經濟唔好係事實,股市亦都反映左,18000點估值已經夠低,係驚大陸爆黑天鵝事件

    你其實有冇諗過轉一部份資產去外地? 始終人大左有家累,應該保守D?
    當然偉哥D股票一個掣就可賣晒,不過如果長期都係淡,會唔會轉一部份暫避其鋒好D?

    有D可惜既係中港股估值雖低,歐美股估值真係幾高~~

    回覆刪除
    回覆
    1. 暫時轉資產到外地的意欲不高,始終不熟外地市場,走資是捨長取短。

      刪除
  23. 477停牌,因有收購消息?

    回覆刪除
    回覆
    1. 按通告內容, 應該是有第三者想買477股權。

      刪除
  24. 均價約22元買回一注237先,前排最高24.8元沽清的。

    回覆刪除
    回覆
    1. 偉哥不是不久前先喺$22買回三分一貨,打算$21以下先補回所有貨嗎?難道覺得佢已經跌不下去?
      利申:21.8補回一注貨

      刪除
    2. 你跟漏左.....之前補回的貨已在24.8左右沽清了,現在又重新補回一些。

      刪除
    3. 謝回覆,偉哥炒波幅真強

      刪除
  25. 今次叻過偉哥,我21.75補回

    回覆刪除
  26. 22元再入多2000股增持一下

    回覆刪除
  27. 2193,上次提議小量收集的,當天0.97-1.07,收0.99,小朋友即時跳出來說day low收,今早1.01-1.1,暫收1.07,在此remind大家,如跟了我買的,就算唔好彩當天day high買入,都是可以平手走,之後我不會再跟進此股買賣,算有過交待;
    有時都幾無耐,買左低位,升左上去,冇能力的人買不到,又說馬後炮過主啦唔該;
    買左高位,跌左下去,又會唱你day low收;
    所以研究到甚麼股票,都是不說也罷。

    回覆刪除
    回覆
    1. 唔睇市值同其他野,暫時單睇圖都覺得幾靚

      刪除
    2. Tk兄
      一直有留意你的無私分享
      希望你明白呢個世界咩人都有
      無謂因為無謂人影響自己
      希望繼續聽到你既分別同意見
      今次推介既股有跟進,希望你會繼續同我地跟進
      另外一隻類似股422
      聽聽你意見

      刪除
    3. 我雖然從冇跟過TK兄/姐買賣(主因膽少),但眾多師兄師姐都有跟過TK買賣獲利,證明TK D trade係得既,所以誠墾地請TK繼續多多分享,唔好理D小人。

      Trade既野,唔係贏就係輸,股神都唔係鋪鋪贏,只要贏錢多過輸錢就得啦!

      刪除
    4. 其實真係唔洗太在意佢 真接無視就ok
      在意佢就中左佢圈套了

      刪除
    5. 422,不是類似股,07年上市,圖不靚,看不到有人收集,我會pass。

      刪除
    6. 果個小朋友, 得罪人多稱呼人少

      刪除
    7. 如果有一個人真係因為咁而走,更加中左佢圈套
      無視係其中一個方法,點出佢問題亦都係一個方法(肯唔肯認、肯唔肯改就另一回事)

      刪除
    8. tk兄,1718有冇留意?近期又配過股黎,市值6億,上市9個幾月。

      刪除
    9. TK兄,不招人妒是庸才,偉哥不是也有同樣的苦況吧,但我想你也不希望偉哥因此而不再分享,請記得這裡支持你的網友著實還有很多呢!

      刪除
    10. 剛才意外刪除了的留言:

      Lin Alex 已針對您的文章「力寶(00226)大股東增持的遐想」留下新意見:

      叫估神睇下佢隻42,差唔多三個月Low...

      刪除
    11. tkchan 之前8109 good pick
      希望可以繼續分享
      thx

      刪除
    12. 估神話一早沽左42啦 肯定係 除非唔係

      刪除
    13. tk兄,點算?你隻野又唔覺意升緊 10%,差唔多到 10個月高位啦 XDD

      刪除
    14. Tk兄,佩服
      留言睇你跟進景萬

      刪除
  28. 買定永嘉坐定定

    迎歐國盃 VLT推別注版包裝
    欄名: 商訊

    歐洲國家盃6月開鑼,維他奶國際集團旗下品牌VLT聯同知名足球概念店Futbol Trend,推出一系列「撑球迷撑出面」主題宣傳活動。VLT將推出13款不同入圍國家的別注版包裝設計,球迷穿着愛隊球衣到新世紀廣場店設置的「DIY YOUR OWN PACK專櫃」,就可以即場印製有自己造型的包裝。

    由5月18日至6月30日期間,憑購買VLT飲品的發票到Futbol Trend可享百元現金折扣選購歐洲國家隊球衣,而6月8日至7月20日則可換購氣墊足球。

    回覆刪除
    回覆
    1. 會唔會太多散戶買左坐定定, 所以唔炒呢 ?

      刪除
    2. 俾D耐性, 我睇好歐國盃效應, 何況高息支持, 等下啦

      刪除
    3. 唉,其實擔心56月又來股災, 到時咩股都死

      刪除
    4. 3813 現價 PE 22倍,冇息派,一樣有人追捧。相比8厘幾息既3322, 我就唔信冇大戶垂青,現在只待一個催化劑。

      刪除
    5. 3813有D唔同,主力做零售,新開鋪頭以ADIDAS 同 UA為主, 個增長今年好標青

      所以先會咁升,尤其4月銷售 KEEP緊10%增長

      食正奧運熱潮

      不過真係好貴

      刪除
  29. 477停牌涉收購合併,不知有乜公佈

    回覆刪除
  30. 新股1585潛水,好在無抽!

    回覆刪除
  31. 365仲唔出要約又比人沽散啦。。。

    回覆刪除
  32. 抽唔抽隻2588?,好似比隻1848平!!

    回覆刪除
  33. 龐生一做主席就炒上, 183唔係咁快可以賣盤呀...

    回覆刪除
  34. 700按年升43%,業績咁好唔升不特止,仲要跌2.×%?好過份!!

    回覆刪除
    回覆
    1. 重點是廣告收入,增長速度大幅放慢,按季出現倒退。

      刪除
    2. 我不會少看這signal,坐實了權威人士評說.連700都..能教我那兒有生果吃?? :(

      刪除
    3. 利申700我是持長倉的,還長期持有SC及SP,除了Facebook及Alphabet值得長線持有,香港就只有700,不過還要看價位。

      刪除
    4. 佩服TKCHAN兄眼光及膽識.^-^
      利申700我是沒持有的,這麼愈長愈肥美,我是愛死她了,更寧願擁有她.只是借她感嘆神州當前似是跨不過的這麼個坎吧.

      刪除
  35. 605終於唔再同佢談戀愛喇,蹉跎歲月蝕了時間值,嘿。

    回覆刪除
    回覆
    1. Derek兄好野,今日大成交原本係你出貨
      我仲係度等運到

      刪除
    2. 哈哈,無咁大影響啩。可能係星探搵我拍沽升淚影,祝你等運到成功。

      刪除
  36. 偉哥抽唔抽IPO中銀飛機租賃?

    回覆刪除
    回覆
    1. 興趣不大,現在新股市場是小即是美。

      刪除
  37. 偉哥有沒有留意2199這星期跌得很多

    回覆刪除
    回覆
    1. 沒有留意這股,始終這類高估值的股票不是我杯茶。

      刪除
  38. Wai gor,對3836 綠野 件事有無乜野睇法? 定係和諧講緊大話?

    回覆刪除
    回覆
    1. 唔知,不過唔需要將件事看得咁重,始終綠野現在並沒有當作附屬公司入帳,只是當作一項投資處理,就當該投資完全付諸流水,對3836的影響也有限。

      刪除
    2. 偉哥,3836目標價大約睇几多?

      刪除
    3. 見步行步,沒有特定目標價,可能炒波幅仲好。

      呢隻波幅夠大,都算幾好炒。

      刪除
  39. 一年一度的「政府福利」iBond6將於5月31日上午9時開賣,直至6月8日下午2時結束,銀行、券商均接受認購,iBond6將於6月20日發行,6月21日掛牌。

    回覆刪除
    回覆
    1. 應該最少有幾百元賺的, 大家不要錯過了,現金抽2手就可以了。

      刪除
    2. 年年都輝立100%孖3手,暗盤賣賺3兩百

      刪除
    3. 每年例牌家人都有抽,除了第一次全中,其他都每次中兩至三手加加埋有十幾萬,這樣無風險最啱我呢啲老人家。

      刪除
    4. 依個時勢有得賺已經很不錯

      刪除
  40. 近排用掩耳盜鈴來跌,幾隻大孖沙輪流升來托著指數無咁難睇,前有700,今日隻5。大多股隻日日陰陰跌,好友也要變淡友,有A股H股上市的股票跌得好吸引,但信心已失不敢入市博,見中車,人壽,內銀,內房等盡失信心。

    回覆刪除
    回覆
    1. 1299休息咁耐,下次又輪到1299托高來做掩護啦?

      刪除
  41. 隻1341日日升,都不知他炒嘜

    回覆刪除
    回覆
    1. 2277也是, 金仔利害。

      批股後曾考慮過投機炒返轉,不過見市場氣氛差而放棄.....

      刪除
    2. 金仔多怪股,看看幾時到36

      刪除
  42. 差啲唔記得多謝偉哥,沽出一半1500前兩日買嘅@0.69。

    回覆刪除
    回覆
    1. 呢隻你好似都賺左幾轉喎?

      刪除
    2. 唔知你有無留意佢買賣啲貨好疏,就算炒上炒落都係十幾廿萬交易就郁到。

      刪除
  43. 德國佬由1月時既少量持股(20大之外),花了近3億過咗花旗國頭,做咗我隻8字頭既呀二.
    難道玩轉莊?

    回覆刪除
  44. 大家有沒有發覺?很多衹在香港上市的大陸股,股東周年大會只在大陸二三流城鎮開會,各項建議的決議案投票是關門表決,那會有香港人坐飛機舟車勞頓去開會呢?開會後的通告與表決又低調?港交所只有簡單通告,透明度近乎零,買大陸股票真隔山打牛。個別也會在香港開股東周年大會的,3399值得一讚。

    回覆刪除
    回覆
    1. 其實最離譜係慶鈴,乜會都係重慶開,完全唔理香港及海外投資者的感受。

      刪除
    2. 慶鈴根本無理過班投資者,d現金全部放入曲奇罐。資管都唔理,班管理層點會理開會d咁小事。

      刪除
    3. 好彩佢都唔算鐵公雞,每年派息比率都算高, 可能是考慮到日資股東的關係。

      刪除
  45. 偉哥會否將226 既分析在雪球分享? 可以得到更多不同既觀點~

    回覆刪除
    回覆
    1. 等股價有機會跌先啦。

      上次2317股價升左3仙,在0.53時我轉左篇文去雪球,有人話我出篇文係雪球係想搵人接貴貨,然後我就借機出貨....

      為免瓜田李下,現在等股價跌先轉,唔跌就算啦。有時想分享看法,看看會否有多些網友比下意見,大家分享下,不過既然其他人咁睇,我無謂辛苦買難受。

      或者遲些靜悄悄係業績通告下貼上我的看法,留待少數有緣人或者關心此股的球友看到就算啦。

      刪除
    2. 人大左 都發覺好多時面對呢個問題
      自己會哂好多時間令一樣野滿足各人需要 但總係有D人會用小人之心去理解你所做既
      所以都慢慢唔理人地睇法 自己覺得岩就去做 人地點睇就由人地 (有時都有介意)

      刪除
    3. 客觀地說,人,每做一事總有預期,有落差就會不如意,而不如意事十常八九.奈何! :(

      刪除
  46. 同樣是引自昨日的謝X輝, 亦是毫無任何指導性, 過後也是升佢又啱, 跌佢又啱: XD

    從日線圖看,由於恆指尚未確切升穿10天平均線阻力(今日在20055),所以短期下跌趨勢市暫時仍未確認逆轉。不過,恆指上周五剛好獲得18278至21654升幅的0.618倍回吐位19568支持,相信短線應有反彈的空間。事實上,恆指昨日已高收於21654至19594跌幅的0.236倍反彈阻力位20080之上,估計後市有機會挑戰以下的阻力位:
    100天平均線20240,以至20天與50天平均線阻力區20570至20630;
    上述跌幅的0.382倍,以至0.5倍反彈阻力位,分別在20381及20624。
    縱然估計恆指應有反彈餘地,但道指的走勢可能成為利淡的因素....

    回覆刪除
  47. 477係停牌前,剛好JP MORGAN花了年半多的時間在市場收集了接近5%的股權,剛好在到達披露線前停了牌,不知有沒有關係?

    唔知有沒有機會是929事件重演?

    回覆刪除
  48. 420今日公佈夏生辭任執董,目前原大股東夏氏家族在420只剩下一名成員擔任非執董,差不多象徵夏家從420完全撒出,我自己覺得是好事。

    420也有大戶用了1年時間在市場收集了接近5%的股權,唔知會不會買到5%以上開名?

    回覆刪除
    回覆
    1. 呢個真係好消息黎
      之前家族管治味太濃...

      刪除
  49. 雖然偉哥講"暫時轉資產到外地的意欲不高,始終不熟外地市場",但現在資訊+買賣平台(例IB)流通,研究下美股都好,奇虎是一個例子。支持交流。

    回覆刪除
    回覆
    1. 正是因為奇虎這例子令我有"做生不如做熟"的感覺.....每個地方的遊戲規則都不同,港股私有化我大言不慚咁講,算得上是專家級別,有些基金經理朋友炒私有化股都會諮詢我意見,但去到美股,真係水土不服,上次奇虎如果不是把握機會高位沽清,以為實食冇甩拖,等到上個星期的大跌可能已被震走,而不是再入貨。

      刪除
    2. 其實偉哥有無興趣成立番個基金玩吓?
      如有!小弟一定支持!

      刪除
    3. 有些基金經理朋友炒私有化股都會諮詢我意見 >>> waigor真係好勁!!! 而亦更令我更加相信呢度好多人及到實我地既一舉一動 , 大家要小心行事..

      刪除
    4. 在大市低位成立基金是一個有利的時間!

      刪除
    5. @ktc, 唔係偉哥冇咁既能力,而是係香港合法地成立一個基金唔係咁簡單.
      不過, 如果有一日偉哥加入基金公司做fund manager, 我會交一半股票資產給偉哥管...

      刪除
    6. 目前沒有打算做基金。如果想全職做基金,其實已經有個中高8位數的帳戶已經ready左係度,隨時可以比我用的,做到成績個額度可以大增......不過幫人炒的壓力太大,而且自己有正職工作,目前無法兼顧太多。

      刪除
    7. 其實偉哥做全職基金經理,將客戶投資分類,高,中,低風險基金組合形式,那就可以減輕個人壓力,而且以偉哥你的投資經驗去選股,我想會好過好多市場基金。

      刪除
    8. 理想、是人生的動力!

      刪除
    9. 好似之前偉哥說過,當營運一個基金時候,壓力大好多, 買股類型有D限制,銀碼相對較大賣出買入也有難度(因好多是3,4線股,低成交額).
      現在偉哥幾好, 贏輸冇壓力, 同自己交待已可,不用追數, 自然炒得得心應手.

      刪除
    10. 我所指的是自己[成立],不是打工!

      刪除
    11. 要成立難度高好多,起碼要先考牌,再累積行業經驗,然後做了RO後,才可以自己成立基金,路漫漫啊....

      刪除
    12. 慢慢來,有的是時間!
      永遠支持你!

      刪除
  50. 炒炒買買靠消息
    故事誰人來編織
    木蘭從軍當父職
    醒目資金曾相識
    睇實戰線來突撃
    短打一路早出擊
    好醜難料誰人識
    華麗轉身有共識

    回覆刪除
  51. 琴晚夜期收市比現貨低水成200點,今朝期貨只係低水廿點都冇,個市真的好難估!!!

    回覆刪除
  52. 1317大幅回落,有冇師兄諗住入貨?

    回覆刪除
    回覆
    1. 只是從高位回落10%而已.....

      刪除
    2. 對比來說我認為昨天2698回落至$5.2更值得入
      估值便宜
      不過無錢入,錯失良機,哈哈

      刪除
  53. 隻3399比人沽到4.2左右,真係無奈,5個幾6蚊左右叫了很多朋友入,跌到呢D位,朋友問点解,也不知点解釋,作天有個朋友講了個投資方式比我聽,佢話有個朋友去借銀行錢(36萬),之後將D錢買高息股收息,佢話一年股息已可低消銀行借三年股息,佢話想試下。

    回覆刪除
    回覆
    1. 套息是常見的做法
      許多銀行都會做貸款予公司進行套息
      當然買進甚麼類型產品來套息降低風險才是最重要

      刪除
    2. 股票從來就不應當賺股息看待,因股價有高低,股息可加可減,好多因素影響股價,而且市場變化可以好大,今日是龍,下年可以是蟲。

      如要以息為目標,應該係買國庫債或公司債,相對風險比股票低,當然回報率就一定低

      刪除
    3. 太太現在已轉做全職家庭主婦,有問過我可否將一個單位攞去做按揭,套現一筆資金再以槓桿買債券.....如果我是單身寡人,我或許會考慮這樣做,不過現在家中有老有幼,我是承擔不起即使這種可能只有3-5%風險的"萬一"....

      刪除
    4. 我都咁諗過按自住樓買REIT做套息……唔知可行性有幾高?……有冇網友做緊呢?

      刪除
    5. Endless,自住樓就真係唔建議咁做,萬一出現現金流週轉問題,會燒上身兼影響埋屋企,好多時人最等錢用時就是外面流動性最差時,才會有賤物鬥窮人嘅出現,SARS 嗰幾年唔少收入高有資產嘅人都係週轉不靈而一鋪清袋。

      刪除
    6. 遠的不說, 就以2008-2009年為例,有幾多人在買accumulator之前會想到後果咁嚴重?

      呢D野可能過去10年冇事,但唔等於未來幾年都唔會出事。

      刪除
    7. 雪球個痴線佬都跟post 跟得好貼友兄,,,
      BTW,wai gor 是否會出席3399 股東大會?

      刪除
    8. 拉黑了,眼不見為乾淨

      刪除
    9. 正如偉哥講(唔等於未來幾年都唔會出事)保守啲好過太進取,咁多年嚟我都搵緊安全債券但連國家債券都可以破產仲有乜野係無可能呢?!依家做緊隻儲蓄保險有接近四厘,不過都係佔可用現金三份一唔敢做多份。諗起以前啲人唔識投資只係擺定期都夠食真羨慕,時勢唔同,唉。

      刪除
    10. "可否將一個單位攞去做按揭", 應該是不止一個單位, 咁其中一個去按是合理, 可活用資金,
      由於按息幾低, 找些例如東亞債等應該已套得幾好喇, 也算穩陣.

      刪除
    11. DEREK 我有興趣想知儲蓄保險有接近四厘 因為我都搵緊D係長遠儲蓄計畫

      刪除
    12. 多謝大家意見,看來都係自住勿動,要動真的要好周詳,身後事都要安排好至得……

      刪除
    13. 只係想知係咪保證四厘姐 好似英國咩誠儲蓄保險個D 話分紅預期4% 過往一定多過4% 但唔係保證就好似信唔過噤

      刪除
    14. 12年時買入中人壽儲蓄保險,5年期有近4厘息,應該是錯誤投資,如簡單買入2800,回報已倍升。

      刪除
    15. 丹尼兄,好多銀行及保險公司都有儲蓄保險,你可以直接聯絡理財顧問佢地會解釋。不過有樣野要提嘅係五年後你至可以提取足本金加利息喎,利息係會跟隨市場變化有高有低可能唔止四厘都唔定,中途提取會扣去手續費。
      正如tkchan講,如果有其他投資可能會有不同收獲,不過我自己懶及保守啲所以求求其其。

      刪除
  54. 排了成朝1.68及1.67都入不到365,真谷氣,自己感覺一星期內會出要約

    回覆刪除
    回覆
    1. 不如你掃上1.7呀!!

      刪除
    2. 1.67-1.68入才可以套利,1.7已經是go價

      刪除
    3. 今日入多60000股,成手貨,等開車

      刪除
    4. 其實HKEX會不會叫停? 我不想被叫停,有貨!!不明白點解要批各100M股俾兩位朋友,有無利益輸送問題?

      刪除
    5. 為什麼要叫停?股東會上通過的!

      刪除
    6. 股東會已通過,如果叫停則不能開股東會的了

      刪除
  55. 手痕又入番一注598有廿個位折讓。

    回覆刪除
    回覆
    1. 598 係3蚊邊 會再吸引D,之前3.1 入...3,42 走,,,來來回回抄左幾轉

      刪除
  56. 1260之前震唔落開始春江鴨收集炒業績。

    回覆刪除
  57. 3322 今日下晝突然大成交拉高, 希望收市企到1.36啦!!

    回覆刪除
    回覆
    1. 3322 高收1.39, 走勢向好,下月10日歐國盃開鑼前再下一城,股價向上gogoal高~~

      刪除
    2. 慘!歐國盃「零」效應 波衫舖生意衰過沙士 9個回應 留名
      高登CEO老婆

      Normal
      【on.cc東網專訊】 四年一度歐洲國家盃開鑼啦,球迷又可以一邊「隊」啤,一邊著埋自己捧場球隊嘅波衫高唱《We are the Champions》睇球賽。按常理每逢盃賽年,波衫都會大賣,不過今年波衫舖老闆卻唔樂觀,皆因零售寒風吹到連波衫銷售都差過沙士同金融海嘯,「季尾款」要提早減價,有行家更聽聞有波衫舖打算7月後「執笠」,直言銷情係多年來最差。

      去年是「夾心年」,既無世界盃,又無歐國盃,只得亞洲盃。照計今年來到盃賽年,特別是將於6月10日開波嘅歐國盃等賽事,應該帶動足球氣氛及相關銷售,但實際銷情卻令業內人士大跌眼鏡。

      有行家透露,有同行打算退出市場,而該店全盛時期一度坐擁近10間體育用品舖,不過後來逐步淡出,僅餘1間老店。東網曾致電該店查詢,證實結業傳聞,職員指原因為「老闆唔做」。

      至於開業逾廿年,擁有4間分店的飛龍球衣專門店,店舖經理歐陽俊文指,過往歐國盃期間波衫比平日銷售會多4成,今年相對看淡,預計只有2成升幅。旺角分店的國家隊波衫入貨2星期左右,熱門國家如德國、英格蘭的波衫每款訂約1,000件,暫時最好賣屬德國隊,賣出100多件。

      香港人消費趨弱、自由行遊客銳減,若不計歐國盃,歐陽俊文表示,店舖平日的波衫銷售額實際上已比去年跌2至3成,「依家仲差過沙士同金融海嘯,咁多年最差係今年……面對競爭大咗,捨得消費的人又少咗。」內地旅客消費力一般較高,「嚟親買都2,000至3,000蚊,香港客可能只買1件」,但以旺角分店計,今年內地遊客比去年至少減約1成。

      http://forum10.hkgolden.com/view.aspx?type=BW&message=6387055

      刪除
  58. 今日全數沽出1500@0.8,多謝偉哥。

    回覆刪除
  59. 尾市又手痕買入一注36。

    回覆刪除
  60. 偉哥怎樣看 1211? 有機會成為下一個騰訊嗎?
    今年首季和半年預測盈利開始有改善?

    回覆刪除
  61. 尾市顧得左唔顧得右6128無走位執唔到。
    收市埋數原來都係打和,持股比例唔平衡得個玩字真係要諗諗計平衡吓自己至得,哈哈。

    回覆刪除

注意:只有此網誌的成員可以留言。