置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年1月20日 星期三

快到底了嗎?


這問題可能是最近大家常問、也最想知答案的問題,但偏偏沒有人可以給予確定的答案。

有人說19000點是底....

有人說18000點差不多了......

有人說16000點應是鐵底.......

真心話,真的不知道底部在哪。

我自己目前主要是根據估值及未來一兩年的業務狀況,來衡量是繼續持有、沽出換馬還是增持個別股票,希望做到組合的持股以持有半年至一年期來計,贏面最少有八成。

我以前都說過,要做到在最低位撈貨的難度很高,所以我一向奉行分段買入的策略,而由於這次手上現金比重低,加上部份資金買入了公佈私有化的中概股作為避風塘,所以這次撈貨是比以往保守,而且是以換馬為主,希望保留些少的現金在手,以應付任何可能出現的意外情況。當然,到某一天第六感告訴我可以ALL IN時,我還是會毫不猶豫地"瞓身"。


291 則留言:

  1. 入來支持下
    昨日入左 #5
    今日入左 #683
    仲有十幾隻排緊隊入, (差現價3至6%), 睇下呢個月入唔入得齊第一lot 新資金.

    回覆刪除
  2. 忍 忍到港匯升到7.85 睇大市氣氛再學偉哥分段入貨

    回覆刪除
  3. 我也是在努力建倉中,按過去的經驗和認識一步一步買,共勉!

    回覆刪除
  4. 今次可以說機會亦可說成艱難時刻,共勉!

    回覆刪除
  5. 感覺偉哥依然樂觀有信心,有技術分析外,還有強勁心理素質!大家加油!^^

    回覆刪除
  6. 之前個升市都維持很多年了,看回現在經濟環境,其實只係開始反映問題,相信日後還有好多壞消息到來,所以為有慢慢等...

    回覆刪除
  7. 大鱷真正的狙擊對象(曾淵滄)
    http://hk.apple.nextmedia.com/realtime/finance/20160120/54670369
    曾生所說的,正是偉哥之前所說,偉哥比佢更早估到大鱷的行動

    回覆刪除
  8. 國指預測PE僅6.1倍 瑞信: MSCI中國息率較債券高

    恒生指數今日最多曾大跌801點,報18833,創了2012年7月下旬以來之三年半低位,國企指數更跌至六年零九個月低位,估值進一步下降。

    大華繼顯(香港)高級技術/量計分析師邵玉鳴表示,根據彭博的數據顯示,恒生指數今年預測市盈率(P/E)最新為9.43倍,而國企指數預測市盈率更只有6.10倍,估值較恒指更為便宜。

    另外,瑞信最新的報告指出,MSCI亞洲(除日本)的預測市帳率(P/B)已跌至1.25倍,僅較過去三次低位,即2001年、2003年以及2008至09年,高2%至5%。若考慮到公司或減少派發股息,瑞信較看好的市場為澳洲、日本、MSCI中國以及南韓。

    瑞信指,澳洲股市的股息率較該國債券息率高出2.8個百分點,迫近2009年1月3.3個百分點之峰值;至於MSCI中國之股息率,亦較債券息率高0.4個百分點,迫近2008年10月0.6個百分點之峰值。

    回覆刪除
  9. 大鱷報仇,十八年未晚,請綁緊安全帶。
    http://hk.apple.nextmedia.com/realtime/finance/20160120/54670522
    股榮推斷索羅斯今次是大鱷主角

    回覆刪除
  10. 今晚看了一些國內金融業人士寫的文章,關於近期港元走弱一事,好多都好好事,當中有個我轉載與大家分享:

    - 香港外匯儲備只有區區3千多億美元, 如果干預匯市, 捍衛港元的話, 只需3個月就會消耗掉所有儲備; (是否因為人行每月用1千億美元來干預匯市, 故此有此推算?)

    - 98年恒生指數暴挫70%, 索羅斯大賺, 最后大陸出手救援, 用平准基金的方式大量收購股票托市, 才打跑了索羅斯,我們一直號稱大獲全勝, 但却始終沒敢晒出帳本, 明眼人都很清楚, 我們的損失或許比索羅斯大的多;

    - 一旦香港出問題, 可以通過收縮人民幣的方式來強行讓港幣和人民幣脫勾;

    - 港幣已成為了無關緊要的幣種, 如果港幣暴跌, 香港人民可能會選擇使用美元或人民幣;

    - 結論是香港這之在劫難逃。

    回覆刪除
    回覆
    1. 所謂的金融專才發表這些觀點, 真係難怪國內咁多投資者驚港元脫勾大貶值。

      刪除
    2. 咁離譜⋯⋯以前任總都有寫啲文章,比市場一些正確資訊,而家金管局乜差都冇

      刪除
    3. 水平真的很低吓,香港的 M1 和 大陸的 M1 都未攪清。  

      刪除
    4. 以我看,怕人民幣急跌的風險遠比港元脫勾的風險大。無論大戶如何衝擊港元,香港仍有足夠儲備維持;相反人幣儲備頂多能守7算。
      98年可能我年輕沒印象,我沒有印象大陸有幫手買股票.....
      港幣和人民幣脫勾???
      這些金融專才......眼中可能只有天朝.....

      刪除
    5. 而家金管局有....高薪厚職、但"無能為力"的陳德霖

      刪除
    6. 98年中央是口頭上公開支持港府,實際上一分一毫也不用出。

      刪除
    7. 好懷念有貪曾及任總的那些年, 仲記得每朝都有傳媒訪問任總.
      現在那班是只懂擦鞋的狗奴才, 上面說什麼, 就做什麼, 真係中了貪曾的說法, 打好呢份工就算

      刪除
    8. 當年的三劍俠: 許仕仁入獄、曾蔭權被控告、任志剛退下火線。

      如果這次大鱷真的再大舉來犯,希望政府官員有能力挺身而出退敵,而不再是"無能為力"。

      刪除
    9. 可能大鱷真係睇穿左朝中無能人, 所以先咁大支野來開餐

      刪除
    10. 雖然任志剛在任時也被人批評得多,但整體而言,佢比到人信心;現在的金管局, 就是缺少了好像任志剛這種行出來講野,比到人信心的官員;陳德霖或陳家強比人的感覺太軟弱,難以令人信服。

      刪除
    11. 港元脫鈎,港元不一定下跌的...就如上年CHF

      刪除
    12. 以香港現時情況, 其實港元匯價低些不壞, 一脫應係跌, 不過脫的問題太大, 分分鐘造成管治危機.

      刪除
    13. 任總依家真係笑看風雲, 可能倒轉幫緊大鱷一齊cap水

      刪除
    14. 任總同攞命陳根本上不同級數.
      任總對聯繫匯率的了解在金管局內是數一數二.

      偉哥quote個啲大陸的金融專才應是網絡財演吧? 真係幾好笑.
      我見一線分析員最近關於港元的分析仍算可以.

      刪除
    15. 阿攞命哥最叻咪係收緊銀行信貸

      刪除
    16. 一線分析員的分析沒有問題,只是網上流傳最多的反而是這些不入流、嘩眾取寵的分析。

      刪除
    17. 政府好似唔想理, 好癈

      刪除
  11. 我再重申一次,如此市況大家絕對不宜運用任何形式的桿杆,也最好不用沾手衍生工具;以自有閒資買貨,即使跌多幾千點,也輸不死,最多勒緊褲頭一兩年....但用上桿杆,真的隨時會爆倉,一舖清袋無仇報。

    回覆刪除
    回覆
    1. 謝偉哥, 我本來見個市賤價到咁, 仲打算按了層樓, 發佢一次達, 但自問黑仔, 通常咁想法就仆X多, 所以都係唔好攪了

      刪除
    2. 唔好咁啦。我而家同08年唔同係, 當年我資金不充足、仲要供樓,加上撇唔甩的衍生工具,所以做投資決定都要顧前顧後;但今次無晒後顧之憂,差不多滿倉也不覺有什麼壓力,天氣凍仲要幾日都睡到10點先起身,連開市都冇睇,哈哈。

      刪除
    3. 當日李嘉誠沒借錢買和黃,就沒有今天的首富..

      刪除
    4. 不久又會有一個火x心二世出來話在今次碌盡卡按哂樓買左857賺千萬...

      刪除
    5. 希望有日自己財政都可以無後顧之憂, 李嘉誠年代, 輸左都容易重頭做起, 同現在好唔同

      刪除
    6. 按樓唔好掛。先係討論區有人話按樓錢輸晒,樓價又跌,每月供樓又就黎升。多邊戰線同時開打,無法冷靜,做唔好好決定

      刪除
  12. 不知不覺,2016年開年13個交易日,恒指已跌了3000點....再以這種速度下跌,我們在農曆年長假前應該會見到16000點。

    回覆刪除
    回覆
    1. 當在尖咀元旦倒數時,我無想過20日後係呢個指數.

      刪除
  13. 偉哥,介唔介意遲啲分享一下投資窩輪嘅心法同竅門?

    回覆刪除
    回覆
    1. 我已經很多年沒有沾手窩輪,比唔到乜心法。

      近年唔好話窩輪,連期權也少左玩。

      刪除
  14. 美股現跌500, 小股災形成, 價值指標全失效, 變成純技術市!

    回覆刪除
    回覆
    1. 美股現跌500:

      不奇怪,美股美股見14K,還是2007年的高位。
      彼時恆指33K,現在19K。

      刪除
    2. 美股就係咁, 未到最後一刻都不知結局如何。

      刪除
  15. 前日梁業豪教授在他個人綱講成功捕足轉角市,叫人做好分批入貨,原來是後抽,輸得仲勁,好彩我一向唔信財經講股佬。
    上次海嘨跌到12000多點時,熊市快行完時,亦傳出聯繫匯率會甩鈎,亦傳出有銀行唔掂會擠提,咪一様安然渡過,基本上所有熊布都會不停出壞消息,打擊信心,消磨鬥志。
    今次熊市好多人輸得仲慘過上次海嘯,因為好多垃圾股假賣殻真出貨,高位計跌去九成,慘不忍睹。

    回覆刪除
  16. 骨牌式下跌, 港股劍指18K, 我等著你回來~ 人踩人係可預期的。

    回覆刪除
  17. 明天我會動用最後注碼,減去700、公用股的權重,萬九樓下已無所顧慮!一路估底都冇用,買d高質既,睇長少少。最緊要唔好影響生活

    回覆刪除
    回覆
    1. 今日不跌反升, 睇來你的最後注碼都係要等一等。
      就等港匯下試7.85。

      刪除
    2. 早上趁升得多賣D貨,有子彈會覺得安全D
      偉哥,如果現在是熊三最後跌浪,係唔係唔會有明顯反彈而係直插見底??

      刪除
  18. 偉哥,各位師兄,我終於放走了996,真的好難形容,我確實等好耐先放得走996••• 我現在想入598 或 山狗伯伯,有冇人有山狗伯伯?

    回覆刪除
    回覆
    1. 不用急, 個人意見是可以考慮分散一些、也分段買。

      刪除
  19. 大家小心为上。股价都跌了很多,但是否不能再低,大家应审视状况。内地一些优秀的公司已经跌至吸引的水平,但股价,我们的财富是港币计算。很多内地公司的自身财务状况很健康,但郭嘉的不太健康。所以人民币继续贬是会的。贬多少我不知道,但不可不防。看见股价跌了就捞的都应先考虑人民币会否贬及贬多少。如果考虑后觉得是跌过头,那才捞。

    回覆刪除
  20. 偉哥想問下奇虎你入左你倉既幾多% 同 倉位係$70.5?

    回覆刪除
  21. 8077 有人行使0.95權証...有冇人可以話我知佢想點

    回覆刪除
    回覆
    1. 尋日PHONE兄問過,你睇下偉哥既回覆

      刪除
    2. 研究過呢隻既盤路,唔等錢洗既就擺下啦。

      刪除
    3. 個大大見無乜盤掛出來,就會一手5000k跳格咁買佢升來護盤。

      如果0.95 都有知情人仕行使(查番0.95呢批貨全部是管理層持有的),第三季業績亮麗,第四季應該一定唔會死錯人,幾時發喜又係佢地話事,個人覺得不遠矣。

      只要第四季持平,公司已合轉主板條件。

      刪除
    4. 電話兄,我真心覺得熊市少撞8字頭,轉勢才買不遲

      刪除
    5. 我意思是入了的可以坐一坐。

      未洗濕個頭轉勢才買當然是黃道⋯⋯

      刪除
  22. 一早講左老美經濟唔得, 雖然一開口就有人走出黎反駁, 又話沃爾瑪好賺得之類...

    黑心啲, 要救市, 渴望老美收皮, 果條Donald Trump 仲叫蘋果反去搵工人做挨瘋, 我真係想佢做總統, 咁老美可以死快啲

    一句: 強美元真係好乞人憎

    回覆刪除
    回覆
    1. 大家周不時對市場有不同睇法係正常,你似在咀咒漫駡多過理性討論吧!
      股市跌=經濟唔得?

      刪除
    2. 係環球股市跌=老美經濟扮得

      刪除
    3. 其實老美經濟已經係算最得, 唔得都唔會加息, 我有幾個係大陸做歐美出口的廠佬朋友,不約而同都話舊年都賺到錢,訂單愈來愈多, 我相信 老美確實經濟好轉中, 出口股今年公佈業績或會有驚喜.

      刪除
  23. 回得咁急, 好似又係走鬼mode

    回覆刪除
  24. 今日假升呃人接昨日/之前買的火棒獲利, 繼續關燈啋你都有味 XD

    回覆刪除
    回覆
    1. 絕對讚同,鋒刀跌下走去接,難度高兼輸死人

      刪除
  25. 百富環球出左個盈喜,呢到有冇師兄有研究?

    回覆刪除
    回覆
    1. 最少50%增長,今年EPS應該最少0.55,偉哥之前篇文估有0.66,幾間大行估0.52-0.55,符合預期。隱憂是幾個發展中市場出年發展會否放緩(中國/巴西),但管理層話會將轉去成熟國家市場,現價約12.1P/E。覺得公司有高增長潛力的話,俾15-18 P/E 也不過分。利伸有貨坐艇中

      刪除
    2. 佢今次盈喜好過季績果次37%, 環球咁動盪佢都仲有50%增長, 真係傻左

      刪除
    3. 同埋呢間公司有好多cash 正路應該做收購同海外擴張 反而我唔想佢走去派息

      刪除
    4. 原來行業來身都又啲寡頭壟斷。睇到有啲報導亦有提到Apple Pay 概念 :

      料Apple Pay一年內攻港
      Apple Pay現時只適用於美國,但他估計,蘋果公司會在12個月內將Apple Pay帶入香港,「便利店絕對會有需求」,形容NFC速度快、有效應付小額支付,會像支付寶般在便利店率先推出,再普及至超級市場、百貨公司等一級商戶,在兩至三年內在港搶佔四成市佔率。

      刪除
    5. 但問題係我已有八達通, 無SO 我唔會轉...........

      刪除
    6. Visa payway? Master paypass? Tap& go? NFC 支付? 現在係係電子支付vs現鈔。

      刪除
  26. 2015年恆指收市21914,今跌了近3000點,我不是大淡友,在1月頭時愚見1年恆指平均有5000點幅度,即今年可能低見17000的,大家也不希望見到。現實終快可能到達?愚見需有少少反彈!大環境依然是向下的直到坡幅牛皮。

    回覆刪除
  27. 少買少錯,熊市係可以跌到難以致信的地步,什麼價值投資都放埋一邊先,股票只是一張紙而已,所以資金都外流,大戶都要錢唔要貨更何況係散戶,市况差係以持現金就最好,只需要等待

    回覆刪除
  28. 今早太1516, 最後cancel左1.12個買盤, 仲為跌去1.11而開心, 點知依家升了, 無跟Danny兄上車

    回覆刪除
  29. 上年恐慌時,好似有3-4日跌過千點.
    昨天趺800,如連趺多2-3日,那17000就似近底.
    科網都係未去返上年恐慌價,如去返,個人會相信見底.
    799, 1980, 777, 400呢D仲未打落去

    回覆刪除
  30. 回覆
    1. 不奇怪, 泰昇集團(00687.HK)已申請分拆地基業務主板上市, 預測的PB 3〜4倍。

      刪除
    2. 現在偷步買1556 PB 1.6倍。

      刪除
    3. Louis YK Lui 兄,抵你賺。我本來也想在0.3的時候買,可惜還是不敢下手。

      刪除
    4. 其實louis少轉貼咁多新聞及專注講股票、少發表政治看法,還是可以和大家打成一片的。

      刪除
    5. 有時候股票著實令人費解的!

      例如1556的業務清晰, 未來幾年盈利預見度高, 流轉量低, 只有191.25M股份流通(其它一半國際的配售股份191.25M有半年禁售期)。上市到現在超過40交易日, 只需要有幾十個投資者, 每個人希望持有幾球股票已經可以吸乾, 但現在每天仍然有大量股票你扔給我,我扔給他, 他扔給你! 希望兩三年後,股份交易量會顯著下降, 即大部分股份由長線投資者持有, 類似於現時母公司385的低交易量。

      最有可能的是股票始終需要兩三年上市歷史, 提供盈利及股息數據, 然後可以給投資者信心去持有, 對於小公司尤其如此。

      刪除
    6. 同意偉哥講法,講吓股票吹吓水甚至鬧吓人都無問題,轉貼太多新聞真係好X煩,想睇新聞大家都會自己去睇,不用經常轉貼,如果間中一段半段爆炸性的,或者呢度好多網友注視的股票新聞大家還可以接受。

      刪除
    7. 貨歸邊,要炒上容乜易,只等爆發點!

      刪除
    8. 奇貨可居
      建業建榮
      路易仕估
      心想事成
      早存一注
      熊勢兇兇
      現無壓力
      望享其成.

      刪除
  31. 《業績快報》信行(00998.HK)去年純利412億人民幣 增1.2%

    http://www.hkexnews.hk/listedco/listconews/SEHK/2016/0120/LTN20160120792_C.pdf

    中信銀行(00998.HK)公布2015年度業績快報,按中國會計準則,營業收入錄得1451.34億人民幣(下同),按年增加16.37%。純利411.58億元,增長1.15%,每股收益0.88元。

    2015年止,不良貸款率1.43%,較年初上升0.13個百分點。

    阿思達克財經新聞

    加權平均淨資產收益率 14.55% 16.84% 下降 2.29 個百分點
    歸屬于本行股東的每股淨資產(元) 6.49[/b] 5.55 16.94%

    如果今後幾十年, 998能保持加權平均淨資產收益率10~15%, 目前的價格($4.36 PE 4.2 PB 0.5645)已經非常超值!
    PE= 4.36/(0.88x1.19) =4.36/1.0472 = 4.163
    PB = 4.36/(6.49x1.19) = 4.36/7.7231 = 0.5645

    過去幾年, 998的股價跑贏4大內銀,939,1398,3988和1288。
    998的股價超過939也不是絕對不可能的, 兩者的ROE最終將是大致相同。

    回覆刪除
    回覆
    1. 唔係好識睇銀行股,就咁睇數字,
      做多16%生意,先賺多1.15%,
      不良貸款比年頭仲要多10%?
      令我覺得內銀質地變差緊?

      刪除
    2. 由于不良贷款数据有问题,分析内银是garbage in garbage out。公司基本上是先定下微增长的目标, 然后调数据。内银股息应该不会减的,但吃这息背后的风险很大。

      刪除
    3. 風險不大,PB也不會這麼低<0.6倍。
      我堅持持有222和998。

      順便說一句,256昨日宣布在2016年1月15日持有222超過12%。我觀察到過去三天256仍在購買222。
      http://sdinotice.hkex.com.hk/di/NSNoticeSSList.aspx?sa2=ns&sid=22990102&corpn=Min+Xin+Holdings+Ltd.&sd=26/03/2015&ed=15/01/2016&sa1=cl&scsd=21%2f01%2f2015&sced=21%2f01%2f2016&sc=222&src=MAIN&lang=ZH&

      刪除
    4. 內銀質地變差緊是肯定的,希望兩年後的壞賬率會見底。

      我個人預測,今後幾十年內銀能夠保持每年加權平均淨資產收益率10〜15%,跟隨過去50年香港銀行的相同表現。目前價格的內銀已經過度反映壞賬率變大的擔心, 非常超值!

      刪除
    5. 998息都唔派, 小心為上.

      刪除



    6. 我不在乎998息都唔派,而是關心它的盈利能力,即壞賬率。
      PB 0.5645真的能讓我流口水! 況且過去幾年, 998的股價跑贏4大內銀,939,1398,3988和1288, 走勢偏強。

      刪除
  32. 今早指數不跌反升已經有D怪,期指更加keep住輕微高水,尋日未平倉合約有成13萬張,咁大舊肥肉在口邊淡友又唔似咁快收手,莫非1月已跌太多,要轉戰2月?
    各位有乜見地?

    回覆刪除
    回覆
    1. 鬆少少港元沽盤,令期指冚上時再大開淡倉, 再殺落.

      刪除
    2. ADR跌,環球股市跌,上證開市跌,人仔/港匯弱勢, 但係得港股升,我只諗佢炒高出貨...

      刪除
    3. 即日死貓咁快又彈完拿?

      刪除
    4. 食飽飯未?已經風雲色變了

      刪除
    5. 冇飽飯食啦!遲d要食粥水呢 T_T

      刪除
    6. 又唔使食粥水,早兩日反彈咪派左公仔麵券俾大家囉,有排食。

      刪除
    7. 尋日加左倉呀點會咁快收手,仲未轉勢。不過咁可能仲好,唔好2月再來過。

      刪除
    8. 無錯,痛痛快快一個月跌佢4,5千,好過每個月跌1,2千,跌極都未跌完。

      刪除
  33. to Oscar 兄:

    我入左都要負番些責任。

    剛找到8077上年發喜既時間是25/1/2014。
    呢隻發喜我見通常寫埋增長幾多倍,到時可以知道PE 是否落到10以下。
    如果呢幾日都有人換股,咁就真係無錯。

    回覆刪除
  34. 熊市照計冇咁快行完,反彈又企唔穩190,可能見尋日跌得多,今日反彈殺番一些淡友。

    尋日即月期權19400長倉,早上裂囗大跌四百多點時做160點,下午插多300多點都係做150至160,啓示期權莊家覺得個市今早會反彈,我回家後大約10:45左右,見由265點碌到落依家152點,唉今早追現貨追期貨的人又全部做蟹,依家最好乜都唔好做,忍。

    回覆刪除
    回覆
    1. agree,市況明顯係淡,小賭怡情好了。

      刪除
    2. 琴日跌3百果陣都未出事,果時仲以為個勢無咁差,都係聽林一鳴講,冬眠算

      刪除
  35. 早市尾段,近期炒高既半新股都回得幾急。

    回覆刪除
  36. 2788下次會減少少派息?

    我不這麼認為, 每股超過一蚊淨現金, 加上業務將從2016年起改善, 未來五到十年應該能保持每年10.5仙的股息。大衛·韋伯曾經於股東週年大會時要求80仙特別股息。

    今天保留這個預測作為今後的驗證。

    回覆刪除
  37. 大戶好陰濕,上晝彈完下晝再插過。

    回覆刪除
  38. 755 復牌

    茲提述本公司日期為二零一五年十二月二十四日及二零一六年一月十三日之公佈
    (分別為「十二月二十四日之公佈」及「一月十三日之公佈」),據此,經選定潛在
    買方冉盛置業發展有限公司(「冉盛」)已(i)表示有意連同一致行動人士(但並非確
    定要約)按每股股份0.26港元之價格從本公司控股股東(定義見上市規則)Smart
    Success Capital Ltd.(「控股股東」)購買合共相當於29.99%之本公司已發行股本的
    股份及(ii)同意從經修訂諒解備忘錄日期起計兩個營業日內支付訂金(「經選定可能
    交易」)。除文義另有所指外,本公佈所用詞彙與十二月二十四日之公佈及一月十
    三日之公佈所使用者具有相同涵義。

    回覆刪除
  39. 今日只係撈左一隻有95%確定會是10厘股的淨現金國企股。

    回覆刪除
    回覆
    1. 4位數字的號碼, 其實真係好易估。

      之前數年盈利及派息都是穩步上揚的。

      跌市無野做,比d股票大家估下,打發下時間。

      刪除
    2. 偉哥,839看似都可以,有冇咩風險我睇漏?

      刪除
    3. 839核心業務唔得。

      行業問題....油價大跌, 需求也降, 短期冇得救。

      刪除
    4. 它大部分現金是人仔来的。是很便宜,但风险在这里。

      刪除
    5. 哈哈, 符合這條件的, 應該沒有幾多隻,仲要是大量淨現金的。

      刪除
    6. 是否最近有主要股東增持的呢?

      刪除
    7. 3836不會是10厘股吧...最少未來一兩年不會是。

      10厘股、大量淨現金的國企、前兩年盈利遞增,只有一家符合條件。

      刪除
    8. 95%十厘股,應該都係100%
      好耐無留言

      刪除
    9. 其實大家自己看看提出的股票是否符合下列3個條件就知答案係邊隻。

      10厘股(今年預期)、大量淨現金的國企、前兩年盈利遞增

      刪除
    10. 似係1122..
      10厘股(今年預期)、大量淨現金的國企、前兩年盈利遞增

      刪除
    11. net debt@-RMB1.13bn,SOE,9.2% div,NPAT@RMB449m/RMB378m/RMB346m (FY14/13/12)

      刪除
  40. 偉哥,可唔可以講股名稱?謝謝!

    回覆刪除
  41. 在富途剛開了戶,零佣金,在此謝謝偉哥介紹,剛試過,軟件一流,開戶亦簡便快捷

    回覆刪除
  42. 回覆
    1. 唉, 雖然而家睇返轉頭, 可能止蝕止得正確, 但錯在是當時的底位止蝕。

      刪除
    2. 雖然好小注, 但日日跌咁多, 真係痛心,
      要長渣到唔知幾時了>.<

      刪除
    3. 其實啱。決定止就去,no look back,想等好價先止,隨時又跌幾格。相反睇的話,死都唔止 

      刪除
  43. 尋日唔驚, 今日先升後跌真係R底了!!!!!

    回覆刪除
  44. 8077垃圾股, $0.9 要升50% 才能回到$1.35。

    回覆刪除
  45. 新世界發展$6.28, 打爛我的很多眼鏡!

    回覆刪除
  46. 大戶好野, 恆指一鼓作氣去18K!

    回覆刪除
  47. 今天早上又有一班散户買貨,【股民被困筲箕灣、不知何時到中環】百幾年前的民謠。

    回覆刪除
  48. 327跌返轉頭你會買嗎?!呢啲市況真考人。

    回覆刪除
    回覆
    1. derek 兄,最近有冇買飛機?

      刪除
    2. 哈哈,機票就買咗星期日起飛,飛機要等佢破底至再諗喇。

      刪除
    3. 祝旅途愉快,回來坐看雲起時

      刪除
    4. 多謝!其實呢隻算是失敗投資,年初去到8.1x到價當時掛8.2做唔到至落得現時收場,哈哈。

      刪除
    5. Gary 327 今朝有無走?

      刪除
    6. Derek 1848最近見佢多番國內航空公司order 或者已經走出之前個單事件既陰霾?

      刪除
    7. 之前事件應該告一段落,個人覺得是債重。

      刪除
  49. 回覆
    1. 老實商人的價值型股票163和296也有見底的徵兆, 拒絕下跌。
      股票通常都是輪流見底, 不要關心恆指那麼多了, 關心你持有的股票。

      刪除
    2. 也許你持有許多高PB並且已經過度熱炒的股票。

      刪除
  50. 其實,股票輪流見底, 例如148 現在> $11,遠高於52週最低$9.36。
    不要關心恆指那麼多了,關心你持有的股票。

    回覆刪除
  51. 2226走势看上去脱离老千股的嫌疑,伟哥怎么看?如果不是老千股,其估值应该会大幅低估?预期PE8倍。

    回覆刪除
    回覆
    1. 2226無法給予我信心。

      現在市場大量平貨,無謂買一隻仍不能判斷是否老千的股。

      刪除
  52. 我的股票戶口都冇發市近兩星期,今日小試牛刀:
    買入7@0.5,3816@1.22;
    沽出1556@0.38。

    回覆刪除
    回覆
    1. 強啊,7仔一野 20%
      呢D市我就唔敢手多

      刪除
  53. 等左咁多日799同1980終於回返啲
    真係等到頸都長...

    回覆刪除
    回覆
    1. 1980有間行日日係度托。

      刪除
    2. 1980 同799 一樣跌少好多,起碼穿$3同貼上年低位先叫同大市同步.

      刪除
    3. 好似係 8290 托
      前日見佢唔止托,直情出手掃埋上去

      刪除
    4. 8207中國信貸先托得勁,簡值係神之手!
      上年到今年咁既市,都仲升左咁多

      刪除
    5. 我post個陣仲見住1980跌緊, 一下子又升返上去-.-

      刪除
  54. 身體力行, 掛定8077 500K @0.58, 想接吳生D跳樓貨。

    回覆刪除
    回覆
    1. 今日按兵不動, 大量資金想接跳樓貨。 請search下咩叫跳樓貨先, thanks.

      刪除
    2. 呢到邊到有人會信佢講嘅野,除左佢自己啲分身...

      刪除
    3. 一個月前做番自己後, 所講既野逐一成真, 莫須有, 我明白的。

      刪除
  55. 歐洲一開市,越洲空軍又射到泥香港。今日又係低收架啦!!!

    回覆刪除
  56. 3399如果再跌 睇黎就會俾偉哥網友接曬貨 再貨源歸邊 d 買賣差價闊到呢

    回覆刪除
  57. 危機形勢:
    中國的對策是穩定香港股匯,穩定人民幣與A股市場,才可有進一步發展。
    http://orientaldaily.on.cc/cnt/news/20160121/00184_001.html

    回覆刪除
  58. 2天跌了1000點,估明天先來個反彈吧

    回覆刪除

注意:只有此網誌的成員可以留言。