置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2012年1月19日 星期四

君問歸期未有期

謝謝網友們的留言,感覺仍是那麼的熟悉與親切。

最近重新開放留言區,並不是因為自己要復出,而是覺得不少網友習慣在這裡聚脚、討論、交流,故重新開放留言區,以方便網友們。只是衷心希望日後這裡的留言是理性、和諧,不同的聲音、意見可以共存、互相尊重;不是惡言相向、爭執、謾罵。

至於網友問是否復出,答案恐怕要令各位失望。長遠的事說不定,但可以肯定的是短期內自己都難以再寫網誌,主要原因是家庭需要自己投入更多的時間,尤其是大女剛升上小學,需要加倍用心去教導;另外,家庭即將增加新成員,由"小"家庭漸變"大"家庭,以後的日子相信會更加忙碌,令自己更難抽出時間、精神再寫網誌。其次,以往寫網誌的時候太過投入,令自己承受壓力;現在沒有寫網誌的日子,精神上少了負擔,感覺輕鬆很多,想享受多些這種優哉游哉的日子。

龍年將至,在此祝各位龍馬精神,萬事如意。

176 則留言:

  1. 第一名? 恭喜偉哥~~原來你都趕住做龍爸~~恭喜晒~

    回覆刪除
  2. 哈哈, 龍仔定龍女呀? 不過偉哥肯定係龍爸爸. 祝你合家歡樂, 龍精虎猛.

    回覆刪除
  3. 哈哈我第二位21.40pm偉哥忠實粉絲報到、先祝偉哥添丁后發財啦、先講我個倉早前入了多隻股票巳在2萬點前獲利留下688、331、2618未賣、或大戶博你地沒人信再升多1或2千點

    sing

    回覆刪除
  4. 其實無所謂啦, 得閒喜歡咪嗡一兩句. 最緊要係開心.

    回覆刪除
  5. 偉哥可以間中來聚聚吹吓水笑看股海風雲.不用解答任何問題沒有壓力又不廢神、大家開心結個朋友敬請偉哥考慮.也頓請以前那幾位破壞者自律再失此園地大眾會極失望.

    sing

    回覆刪除
  6. 恭喜偉哥~ 祝你新年進步,萬事如意。

    回覆刪除
  7. 恭喜偉哥,好快增添多一位成員la....^^
    Kenneth

    回覆刪除
  8. 偉哥 : 祝你新年快樂 , 身體健康

    回覆刪除
  9. Congrads!!!! Good to hear from you.

    回覆刪除
  10. 很高興偉哥 又出現, 如你有時間時先打幾句,咁會冇咁大壓力. 祝 新年進步

    zoeman

    回覆刪除
  11. 偉哥!!
    重開留言區可以見番其他網友感覺真係親切 :)

    經過之前大跌市,唔知而家仲有無人有興趣討論股票呢?之前#448被提購,立即諗起偉哥一定賺好多!可惜自己一股都無...

    小弟暫時持有偉哥之前都有跟進開既股有:
    #88@5(大折讓股打算長擺收>5%息,不過業績好左都無增加派息就比較失望了)
    #179@4.1(公司持續回購同大股東多番增持後升到而家4.8-4.9就開始想獲利,始終歐洲環境仍然不樂觀)
    #2877@10.7(藥股中財務狀況同息率最穩健,除非2011年業績嚴重走樣,否則覺得係主席增持價$10蚊左右有強力支持)

    有無高手都想分享下?

    YY

    回覆刪除
  12. 亂咁推薦, 小心畀人告呀, 哈哈.

    回覆刪除
  13. Dear 偉哥

    見到你真好 ~_~

    恭祝你龍年行大運,事事如意

    想不到還會添新成員,有心有力!!!

    絕對是大家庭了

    覺derek所講,閒時先留幾句,人生一大樂事,冇壓力呀 :D

    kk

    回覆刪除
  14. Hello 各位好....
    祝各位龍馬精神, 股運亨通, 事事順利!

    又見到呢到熱鬧返~~~

    恭喜偉哥做龍爸呢!!

    回覆刪除
  15. 偉哥,
    恭喜偉哥追到個龍B.
    祝你一家龍年行大運,萬事如意~~~

    回覆刪除
  16. 祝偉哥與家人及各位綱友

    心想事成,萬事勝意!



    king

    回覆刪除
  17. 恭喜晒偉哥!!又做爸爸啦~~

    回覆刪除
  18. 偉哥, 弓起弓起, 今次係仔定女? 生3個咁將來咪熱鬧~~YEAH~~~

    回覆刪除
  19. 偉哥~~~ 我等你返黎好耐喇 =D
    好開心好開心好開心~~
    得閒就上黎傾兩句計,唔寫blog雖然有d可惜,但最緊要你+大家開心,唔好有壓力就得喇 =D

    好開心見返大家呀 ~>_<~

    留下email,歡迎大家得閒搵我傾計呀 =D
    siuman1986@yahoo.com

    好開心好開心好開心 haha~

    回覆刪除
  20. 偉哥,不寫Blog但回來傾幾句都好啊,唔知以前互通的e-mail係咪已經冇再用啦?

    大約一年前你同我講的:
    「至於事先plan定策略,其實是好的準備,但最大問題是當大市出現劇變,你是否能夠真的按照你的策略去進行買賣? 這很視乎你的EQ、經驗,能否做到臨危不亂。」這段說話幾乎每次計劃開期權倉PLAN前都會在心中響起,也因為咁上年進步了不少,謝謝。

    祝身體健康、股運享通、心想事成。

    回覆刪除
  21. 偉哥復出, 太好了!!!
    祝大家新年快樂, 龍年財運亨通!!!

    THX
    qt

    回覆刪除
  22. 恭喜偉哥! 估唔到又可以見返你=)

    回覆刪除
  23. 新年進步,萬事如意,家人個個身體健康。

    回覆刪除
  24. 謝謝各位。

    其實從來沒有刻意想生龍B,因為一直以來根本沒有計劃生第三個,一切都是意外。

    也從來沒有刻意要追多個仔,但巧合地這個是男仔。

    原以為大半年前裝修完間屋,可以騰出多些空間給兩個女兒,但即將誕生的新生命剛好佔用多出的空間,可能一切冥冥中自有天意。

    下個月就要迎接新生命的誕生,希望四年多前那個熟手的"湊B"技工可以很快重新上手,不需太多時間去適應或再培訓。

    回覆刪除
  25. 偉哥你丁財兩旺喎,哈哈~

    今日就年廿九喇,聽日開始就龍年,祝大家龍年萬事順利,身體健康~

    祝偉哥你闔府平安,小朋友健健康康,快高長大 =D

    各位師兄師姊:恭喜發財!

    新年快上~

    回覆刪除
  26. 偉哥 congratulation ! 祝你事事如意,心想事成 身體健康。

    回覆刪除
  27. 祝大家身體健康,龍年行好運!
    Hobbies

    回覆刪除
  28. 新一年個個股運亨通


    慢買估民

    回覆刪除
  29. 偉哥, 恭喜晒!! 放心啦,湊B就好似踏單車咁, 唔會唔記得架!!

    回覆刪除
  30. 偉哥,恭喜恭喜!祝BB健健康康,開心快樂地成長!

    回覆刪除
  31. 祝偉哥身體健康,龍年行好運.祝大家龍年萬事順利,身體健康~

    shing

    回覆刪除
  32. 新年第一個好消息就係見到偉哥開post!

    祝大家心想事成! 龍年豬籠入水! 最緊要係每位都身體健康!

    恭喜偉哥添丁做龍爸, 衷心祝福小孩們健康成長!

    沉默的fans

    回覆刪除
  33. 偉哥,
    恭喜哂呀!
    May

    回覆刪除
  34. 恭喜偉哥添丁, 一家人齊齊整整是最重要的!!

    Gary

    回覆刪除
  35. Hi Derek,

    我今日都沽哂貨, 再等一機會先買返. 大家加油!

    Gary

    回覆刪除
  36. 只是無意中再看這blog卻見偉哥回來了,真高興!從沒有在這裡留言也忍不住要寫幾句。祝大家龍年萬事如意,身體健康,財源滾滾來!
    MM

    回覆刪除
  37. 三林環球(03938)宣布,其接獲大股東 Samling Strategic Corporation Sdn Bhd(SSC)私有化建議,每股現金作價0.76元。公司今午復牌。

    三林環球確認獲 SSC 提出私有化,同時亦包括在馬來西亞的上市附屬 Lingui 與Glenealy。SSC 目前持有三林環球全部已發行股本約54%。至於 Lingui 及 Glenealy 的每股收購現金作價,則分別為1.63馬幣(下同)及7.5馬幣。


    大家覺得幾多錢買有值博率?
    睇番頭十大股東佔唔夠6成貨,而且NAV係超過1蚊。今次未算成功機會唔算好穩陣...

    YY

    回覆刪除
  38. 久不久會入來睇下, 高興再見偉哥的近況. 龍年到, 祝偉哥 身體健康, 合家安康, 萬事如意, 工作順暢; 更恭喜偉哥將做龍爸, bb 健康活潑.

    AndyWK

    回覆刪除
  39. 越心淡越升, 沽出止蝕就升到你想追高......真係無知散戶專有, 哈哈.

    回覆刪除
  40. 小弟組合創歷史新高,開心中

    通常一有呢種感覺,就多數冇乜好野,次次都唔識高位止賺部份,今日都係,開心到唔願click sell button

    ~_~

    kk

    回覆刪除
  41. 升到現在我都好有壓力想沽貨....
    組合就黎由虧轉盈~~

    回覆刪除
  42. 只覺得個市無厘頭轉好, 好多聲音都今日打倒昨日的我......航運股最明顯. 抓勢不如順勢, 無耐.

    回覆刪除
  43. 高兴又看到大家,新年好.

    EL

    回覆刪除
  44. 好開心偉哥~又返黎一齊傾計.
    首先恭喜偉哥~ 多左一名龍B~
    新既一年,同偉哥講聲: 恭喜發財.希望你家肥屋潤,仔女都快高長大.

    回覆刪除
  45. 大家都返晒黎,真係好喇 =D
    文仔兄,我唔會同你調亂名喇 =D
    升到唔信,龍年真係好勁
    日日都好想沽貨,但感覺上沽親就會中伏
    結果買又唔敢賣又唔敢 haha
    一事無成 XP

    回覆刪除
  46. 無意中入來睇睇,見到偉哥又開番POST!
    先恭喜偉哥添丁,新年進步!

    回覆刪除
  47. 個市大部份人應為會跌返落去,通常都唔會跌得多,升下升下,又以為應該唔會跌,佢就跌比你睇,有人講係股票市場賺錢的,十個可能得三兩個,所以大部份以為既野好多時都唔一定對,歐債既問題不要說一年兩年會搞得掂,比十年都未必掂,成個歐洲個個國家都有問題,咁我反而唔覺得係問題,唔通個個國家都破產,根本沒可能,狼來了聽得多,就算狼真的來了,我想還是沒人會信,歐洲各國應該都會學美國咁有拖沒欠,印銀紙頂住先,就算係債主都唔想債仔死,係破產的話美國係第一個破產左,欠債累累,所以問題唔係問題,大陸開始放款銀根,意味著股市見低,我想短期升多一浸就會輕微回落,橫行再炒上,以上只是個人意見。

    回覆刪除
  48. 股巿有上就有落,當你還會覺得會升,他就會落,當你還會覺得落,他就會上。

    回覆刪除
  49. 橫看成嶺側成峰,
    遠近高低各不同。
    不識廬山真面目,
    只緣身在此山中。

    局中人

    回覆刪除
  50. 各位C hing 好, 448 被收購, 話係2月17日後除牌.請問到時係唔係大股東強制收購? 我d股係經紀(銀行)度, 請問我應怎做呢? 謝謝!!!

    無知小股民

    回覆刪除
  51. 通知銀行你接受收購, 可以早D收返D錢。如果等被人強制收購,收錢時間要耐D。

    回覆刪除
  52. 啲股仔終於輪到, 會唔會又係尾聲, 哈哈.

    回覆刪除
  53. 都升左好多日,回吐風險越來越大
    真係升到驚
    不過有貨又唔敢沽
    好鬼麻煩
    還未全力出擊,剩返啲等巿跌先上車。
    各位近來有無斬獲呀?

    回覆刪除
  54. 依排入市睇住保力加通道底才買有688、1893、331、753、316、728、1128、1395等、似嬴到開巷但自以為是小反彈升幅不多食了一番就賣掉、點知人算不如天算連破幾關、而家祇剩下2880在1.80元買仍未賣誓要食三番才走、相信極多散戶遭遇同病相憐也慶幸密食當三番。

    shing

    回覆刪除
  55. 個市大部份人應為會跌返落去,通常都唔會跌得多,升下升下,又以為應該唔會跌,佢就跌比你睇,有人講係股票市場賺錢的,十個可能得三兩個,所以大部份以為既野好多時都唔一定對,歐債既問題不要說一年兩年會搞得掂,比十年都未必掂,成個歐洲個個國家都有問題,咁我反而唔覺得係問題,唔通個個國家都破產,根本沒可能,狼來了聽得多,就算狼真的來了,我想還是沒人會信,歐洲各國應該都會學美國咁有拖沒欠,印銀紙頂住先,就算係債主都唔想債仔死,係破產的話美國係第一個破產左,欠債累累,所以問題唔係問題,大陸開始放款銀根,意味著股市見低,我想短期升多一浸就會輕微回落,橫行再炒上,以上只是個人意見。
    這篇是我的文章我是友友,因為我留不到署名,我沒有估出股票,我等個市全部人看好,過千億成交才減持股份,都忍左成市先等到個市會有d轉機,沒理由敢輸唔敢贏,呢次升市係低位回升,不似之前由低位反彈上二萬點,我諗沒咁易又大跌落返二萬,偉哥隻2300,912,99,684仍然係低位,我想個市還有d好股未炒上

    回覆刪除
  56. 912, 1997, 2398......分段買入嘅平均價有部份都開始有利潤, 其實2398已經食咗第二轉. 世事難料股市更難料......鎖定利潤以防萬一. 三月開始業績期應該睇到啲期望.

    回覆刪除
  57. 2398我都在3.15買入,912在1.78買入,當然比現價高也買入在d,1308也在1.74買入在,友友留字

    回覆刪除
  58. 我好遲先醒覺,好在都追左少少貨,唔係真係眼白白睇升

    但由於遲追,所以感覺上總是比人家買得貴,好驚人地散我散唔切,見才化水...

    但偏偏而家呢個巿況,係一個「在甚麼位置沽出才是藝術」的情況。

    有無人有指標可以參考下?真係升到唔停,好似沽親就有難咁....

    回覆刪除
  59. 唔知個市邊度係低或高, 與偉哥一齊玩咗咁耐唔識多都學到少少......分段買賣分散風險, 當然出入百分比要自我衡量. 雖然唔係好似佢資金雄厚亦不及佢嘅膽量, 亦不至於任個市魚肉, 哈哈.

    回覆刪除
  60. 嘩!各位網友你地入股既水位咁靚!!
    我買912 位太高,仲未番家鄉!
    日後多多交流!
    偉哥都係!!
    雞蛋仔字

    回覆刪除
  61. 隻2300真係超級大落後,唔知搞邊科,一係等緊爆升,一係公司有問題,我想等爆升多,現在的價位差不多是全年低位,橫睇掂睇都沒理由唔升,奇!友友字
    文仔短期個市我睇唔會跌,有可能上試22000,今天看成交都900億,好多期金追貨。

    回覆刪除
  62. 912等下啦,成交少,未炒到吧,友友字

    回覆刪除
  63. 股仔追落後, 連464都郁吓......哈哈.

    回覆刪除
  64. 好境不常.....

    友佳<02398.HK>公布,1月份銷售額為8838萬元人民幣(下同),按年跌48%。其中CNC工具機、停車設備及叉車及業務,分別跌50%、增長8%、跌53%至7145萬元、871萬元及822萬元。
    友佳國際<02398.HK>公布,1月份接獲訂單金額為1.02億元人民幣(下同),按年大跌67%。其中CNC工具機、停車設備及叉車及業務,分別跌68%、81%、59%至9145萬元、69萬元及1009萬元。

    回覆刪除
  65. 工業股上年的業績應該大部都會倒退的,大家要多留意,另外2300我覺得唔會有大起色,始終抽煙人數向下,會影響業績. Hobbies

    回覆刪除
  66. 2398呢個公布真係要命,不過我估未必會大跌,因為隻股係高位到現在都跌左好多,友友字

    回覆刪除
  67. 已經是第三胎,原以為應該與生第二胎一樣,過程是很輕鬆的,但估不到太太最終都要捱了三小時,花盡九牛二虎之力才誕下9磅巨B。

    當BB宏亮的哭聲響起時,忽然覺得這是人間最悅耳、動聽的聲音,令人笑逐顏開,欣喜若狂。這份喜悅相信所有父母們應該都能體會到。

    但願孩子們日後都能健康、快樂地成長。

    回覆刪除
  68. 偉哥,恭喜晒。我都係一位媽咪,所以好明白你的感覺,仲記得聽到BB第一聲哭聲,真係好開心,真係明白到個心融化的感覺。而太太咁辛苦一定要對佢好D補償番呀!祝你BB健康快樂成長!MM

    回覆刪除
  69. 偉哥,恭喜晒!!!!友友

    回覆刪除
  70. 9磅巨B。

    恭喜偉哥,生個肥肥白白BB^^
    祝願BB健健康康..

    睇黎你又要展開 冇得睡的幾個月了

    恭喜恭喜~

    回覆刪除
  71. 偉哥,我也有曾經你的經歷,除了自己相信無人能夠感受到那份喜悅感。恭喜你,願bb快高長大。

    king

    回覆刪除
  72. 2398點解又吾見佢大跌?

    king

    回覆刪除
  73. 2398真係唔跌喎,或者貨源歸邊,我隻904好似生了,友友

    回覆刪除
  74. 2398只不過系單月定單跌,若果全年計應該系升呢?而且一月份系過新年。定單少系預計到呢?吾知系吾系咁樣解讀呢?

    king

    回覆刪除
  75. 隻1308係咪有人按錯盤開市三蚊?!

    回覆刪除
  76. 偉哥.` 恭喜晒先.!
    唔知你地有無發覺..而家生出黎既B...愈來愈巨.! 我表姊又係生左個.9磅巨B.~ 真係好KING SIZES ~~~~`

    希望大家龍年.~ 行運一條龍.!

    回覆刪除
  77. 大陸工具機龍頭友佳TDR(912398)今日再度價量齊揚、大亮紅燈,股價升至19.15元價位,並創下友佳TDR連續第4根漲停;今日成交量還狂飆2760張之上,較上周全周成交的1269張還翻倍成長;友佳國際原股(02398.HK)今日早盤也升2.56%至4.4港元。

    據悉,友佳的母公司友嘉實業集團近日持續積極拓展海外,該集團已和日本和井田(Waida)、西鐵城精機宮野(Cincom)及丸紅(Marubeni)3家上市企業結盟,在台合資成立「和井田友嘉精機」工具機公司,今年1月開始營運。

    除台、日攜手搶進全球,友嘉集團董事長朱志洋並強調,日前集團宣布併購的3家義大利公司及1家南韓公司,4方已經簽約完成,集團尚在與另外2家義大利公司洽談併購,若順利完成,友嘉集團今年將可成為義大利工具機第一大廠,最慢下半年就有好消息。

    友友

    回覆刪除
  78. 2398走寶出快咗, 又要再尋寶, 哈哈.

    回覆刪除
  79. 2618唔同命......哈哈.

    TCL通訊<02618.HK>公布,1月份手機及其他產品總銷量200.39萬台,較去年同期下跌36%,中智能手機銷售量14.06萬台。

    總銷量下跌,主要是受到季節性因素影響,由於2012年農曆新年始於1月23日,與剛過去的聖誕假期相距少於一個月,亦是過去三十年以來第二最早農曆新年。

    香港時間1055(道瓊斯)--TCL通訊(2618.HK)下挫5.3%至3.9港元,最低見3.79港元;該公司1月份銷售急降帶來壓力;下方支持是10/20/50天線(3.67-3.79港元)。該公司1月份手機及其他產品總銷量約200萬部,按年下跌36%,按月勁減56%,月內智能手機銷售量約14萬部。TCL通訊指,總銷量下跌主要受季節性因素影響,因今年農曆新年提早,令其工廠於1月份只營運了13個工作天,供應商與貨運代理亦在農曆新年前三日暫停供貨及營運,影響其生產及銷售的安排。

    回覆刪除
  80. miss you much , wai gor,
    Congratulation!

    306初哥

    回覆刪除
  81. 今天放了一點2618 , 在 $12.62 入返之前$14放的 2877...

    回覆刪除
  82. 高處未算高, 高處不會寒, 哈哈. 個市由萬六左右升到二萬一真係又玩你唔信......之前過早沽出咗三分一貨要追番.

    回覆刪除
  83. 恭喜偉哥!!!

    祝一家人快快樂樂!

    個市真係好強,組合回報差不多每日都創新高,經過今次牛熊週期,開始掌握到一套適合自己既操作方式,跟偉哥常用的已有較大分別,但操作雖有別,之前個股分析既方法,風險既管理等,一生受用

    kk

    回覆刪除
  84. 大升市,留意331,1296,903,157,友友

    回覆刪除
  85. 眾老散醉在升浪裏尋夢自圓其說風吹草動會先跳車逃生.但我肯定會裂口大跌千點無得避

    shing

    回覆刪除
  86. 哈哈, 裂口大跌就真係承你貴言, 等待中.....

    回覆刪除
  87. 當個市升番就想佢跌, 當市跌就驚未跌夠......即係唔好玩囉, 哈哈.

    回覆刪除
  88. 1296等左咁耐終於肯升,友友

    回覆刪除
  89. 之前跌市買入嘅沽吓沽吓得番一半, 現金亦有50%.....真係要等調整, 不過唔知有無機, 哈哈.

    回覆刪除
  90. 最近市面有啲變化, 行街, 飲茶, 打波, 搭車都睇到聽到多咗人評論股票市況.......是好是壞呢!?

    回覆刪除
  91. 奇怪好多盈警股或業績差嘅股照升......前景真係咁樂觀???!

    回覆刪除
  92. 哈哈, 又到禾雀亂飛時......

    回覆刪除
  93. 448被利豐收左, 而444 都俾朱太收喎~~

    唔知有無利咁大手筆呢?

    [重申, 本人無貨]

    回覆刪除
  94. 原來又開放留言了
    真系好開心

    之前跟偉哥買了些股票
    看著股票一直下跌,曾一度很灰心的
    但是最近大部分都回到買入價及已經開始在賺錢

    真系好想跟偉哥講聲 謝謝

    想請問各位前輩

    550現價還有上升的空間嗎?
    我看派息不錯
    現在還留著沒有賣

    那現在套現還是繼續持有比較好?

    感謝各位

    回覆刪除
  95. 現時個市雞犬升天都無分好壞, 自己就摸住石頭過河.

    回覆刪除
  96. 1296(2.06)買入2.52食糊,留意206,友友

    回覆刪除
  97. 隻684我呢幾日去看大利市都見ubs係2.25排買一大舊,唔知個市會唔會炒下隻684,呢隻野都(牛)左好耐,好多股都炒返起好多。684距離52周都係升返少少,我作日沽在1296既錢,買左684,我估佢跌都唔會跌得多,最多跌返去2.16,但係幾時升,就唔知啦。隻206之前我在1.04買左一注,1.35再加多注,呢隻股係神經股,其實公司唔差,有錢賺,以前係創業板,不過最唔好就係公司一直唔派息,高層話公司保留現金擴大公司,但係我個人應為公司這雖然唔肯派息,但係一直沒因為擴大公司而供股,配股,派發紅利呢d古古怪怪既野,公司做採油生意有好多個專利,而且有個股東係1.08增持公司股份,近排都都有幾份報紙講過佢,我估呢隻野有機會爆升,起碼上二蚊樓上,友友

    回覆刪除
  98. 政府派左6000元給我,原本諗住等耐d囉埋個二舊水,不過諗諗不如早囉買隻超冷股票,就買左左903(1.74),只係買左4000股,係我組合持有最少的股票,但係升得最多既一隻,吹帳。我短時間唔會沽出,因為我見長城科技係4個幾5蚊都增持,現在距離還遠,隻157自然美就快公布業績,公司之前發在盈喜,我估有可能增加派息,係1.33買在左d,睇下有沒運行,331都係個句貪平1.22一注,1.27加多一注,上望1.7以上,偉哥希望你(間中)發表下意見,沒有你這裏很悶,友友字

    回覆刪除
  99. 316 於今個星期5公佈業績
    各位會不會打算於業績先沽一注呢?

    我自己打算於 58 以上先減一注再等業績

    回覆刪除
  100. 逢調整都係低吸機會......

    回覆刪除
  101. 再嘗試偉哥方法. 覺得低, 抵, 底, 有好基本因素, 呢兩日入咗兩隻. 細注分段再低再買......哈哈.

    回覆刪除
  102. derek 入左邊2隻呢??

    我又加多注2877
    又入了 1813 一注..... 見佢業績正, 成 6% 息

    回覆刪除
  103. 大家有没有留意647?
    EL

    回覆刪除
  104. 偉哥,小寶寶滿月了!祝BB快高長大!好似友友兄話齋,這裡沒有你有點悶呢,希望你有時間可以再發表下意見,並不需要逐個解答,可以只說說你對近期股市的看法也可。MM

    回覆刪除
  105. 哈哈, 偉哥有子萬事足, 祝一家永無憂.
    今日亞爺打噴嚏個市由抽上變插落制做緊張, 美股就沖破埋萬三, 歐股又平平靜靜向好.....其實歐美好亞爺好, 亞爺好香港好, 大漲小回應該係主流繼續逢調整都買入, buy and hold.

    回覆刪除
  106. 偉哥又部署復出啦喎, 哈哈哈!!!

    回覆刪除
  107. 一粒老鼠屎攪壞一鍋粥, 博士娃令到二三線民企逃亡, 同上一次有報告話民企賬目有問題一樣......相信時間沖淡後又再升過.

    回覆刪除
  108. 又再多幾粒老鼠屎......熄機唔睇待變.

    回覆刪除
  109. 偉哥,你的愛股創新高了,恭喜~

    大口仔

    回覆刪除
  110. Thanks Wai gor. I follow your opinion and hold 458 for a year.

    Edward

    回覆刪除
  111. 呢輪民企爆煲潮真係有排攪, 人心惶惶. 基金散戶一齊逃亡, 哈哈.

    回覆刪除
  112. 現在是輪流洗,都猜不到下一個是誰
    Ivan

    回覆刪除
  113. 大家對2618有什麼看法 現在是否是收集良機?

    回覆刪除
  114. 我都想聽吓各位意見.

    kitty

    回覆刪除
  115. 最近先發現這個blog,可惜偉哥已經無再寫啦。個人覺得偉哥的投資決策好有條理,而個人一直做期權短倉,之前個個月都賺錢,連贏10個月,就算日本地震都無問題,直到上年8月爆倉,唉~~~
    一直以為自己已經做好的對沖原來都經唔起大風浪,本來想向偉哥取經,但可惜已經太遲了~~~

    回覆刪除
  116. 2618 情況好似不太好....中國低價手機不易為, 外國很多大牌子已經進入低價手機市場, 高價手機市場根本已被蘋果及三星瓜分....2618近幾月增幅放緩得好快~

    回覆刪除
  117. 偉哥何時回來與我們並堅作戰?

    回覆刪除
  118. 股市已經崩潰了~
    會否變成大型股災呢?
    我等散仔已信心盡失...

    sam

    回覆刪除
  119. 此話何解?
    明明尋日升四百幾點

    回覆刪除
  120. 偉哥,終於完成了本option futures and other derivatives,果然是天書,令在下獲益良多,並已實戰期權幾個月。黎緊八月我會放大假,好想利用依段時間學懂看年報,好似你咁發掘優質股,但我是理科生,account 知識是零,請問應從何學起,有沒有天書介紹?

    Alvin

    回覆刪除
  121. 我都去書店問過,找不到這本書...
    仲問我係咪讀大學 @.@
    師兄係邊到買到?
    雞蛋仔

    回覆刪除
  122. 雞蛋仔:此書可在amazon購買,網上也有很多免費版本(不過是舊版),記得做埋書中assignment

    Alvin

    回覆刪除
  123. TCL 通訊(2618)實在慘烈...

    KK

    回覆刪除
  124. 其實本書好似有中文板
    不過amazon好似全部賣英文
    雞蛋仔

    回覆刪除
  125. 一定要睇英文!其實非常易懂,大學用書而已,下載pdf看吧,差無幾。

    Alvin

    回覆刪除
  126. 458發盈警,大家覺得幾錢會值得吸呢?

    回覆刪除
  127. 458每股盈利 HKD0.18, 中期股每股HKD0.07

    回覆刪除
  128. 偉哥呢排炒成點啊,得閒上黎講兩句啊=]

    回覆刪除
  129. 點解偉哥仲未復出0既?

    回覆刪除
  130. 偉哥, 新年進步! 股海稱心!

    回覆刪除
  131. Hi derek, 感謝。也祝你新一年事事順利,心想事成。

    差不多有一年半沒有再寫有關投資的網誌,有時手癢想寫幾句,但又擔心一寫就無法停下來,始終現在家裡有三個小孩子,需要自己花很多的時間、精神、心機去陪伴、教導,客觀環境不容許我再好像以前那樣投入網絡世界當中,故只能強迫自己放棄復出寫網誌的念頭。

    不知以往的朋友們會否仍間中來看一看?想與大家說句新年快樂!



    回覆刪除
  132. Dear 偉哥

    好想念你!!!

    快一年了

    kk

    回覆刪除
  133. Dear 偉哥

    從前你每天都在既日子當然暢快,但天下無不散之席,無可能日日都見面食飯

    各有各際遇與修行,但情宜依舊

    想打幾句就打幾多句,想唔出文就唔出文,偉哥忙大家心裡明白,只想同你吹下水知你近況,股市一般看法交流而已,no. 已成過去絕無意義,市場人心天天在變還問甚麼no.

    小弟想說的只有一句,偉哥你回來吧,隨時打幾隻字,不會成癮的 ,亦相信不會再有無謂人追住你,因他們也因歲月已改變了^^

    祝2013 名位大賺特賺

    kk

    回覆刪除
  134. 偉哥, 久唔久我都嚟呢度望吓, 有時又期望有意外驚喜始終有多年網絡友情嘛, 哈哈.

    回覆刪除
  135. 耐不耐上lai 望望,看一看. 祝大家賺多d.

    man

    回覆刪除
  136. 耐唔耐都會返來望一望,恭祝大家都身體健康,股運亨通!

    偉哥,明架啦,有時候先上黎講下睇法,三隻小魔怪係什麼公餘時間都無架,呢排考試季節,有同事更要每日請半天假回家督促子女溫書,所以無時間同精力係正常!

    肥B

    回覆刪除
  137. 又一年了, 新年快樂, 祝你同你屋企人健健康康.

    慢買估民

    回覆刪除
  138. 牛市來啦!偉哥快復出.

    oman

    回覆刪除
  139. 偉哥,

    新年快樂呀!
    希望您一家人都身體健康,開開心心!
    亦希望一班網友都身體健康,賺多d!
    特別係由車手網o既網友,得閒上黎吹下水啦.

    kenneth

    回覆刪除
  140. 車手網.....miss the forum v much. Do u guys know where 車手 goes...still work in phillip?

    回覆刪除
  141. 偉哥,

    新年快樂呀!
    希望您一家人都身體健康,開開心心!


    MARY

    回覆刪除
  142. 偉哥,

    今日隻1126大升令我想起你了,你最近還好嗎?

    YY

    回覆刪除
  143. 1126 坐左二年,今日執番一仟元走人。這隻股通常都系一年爆一日後就無力再上。希望明天繼續爆,大家嬴多點。

    king

    回覆刪除
  144. Hi King, 恭喜 + 佩服。

    Hi YY,過去一年忙於做"湊仔公",沒有像以前那樣貼市,也少了許多壓力,生活是頗為寫意。

    有時也想復出寫網誌,但始終無法下定決心,只因很享受目前悠閒的生活,有些擔心再寫網誌的話,這種日子會一去不復返。

    或者有日享受夠了、又手痕、心痕的話,會復出與大家一起在股市作戰。
    相信我,會有這一日的.....

    回覆刪除
  145. 偉哥,期待中...

    man

    回覆刪除
  146. 哈哈, 見到偉哥留言會有機會再寫真係萬分期待! 暫時輸唔死仲有啲老本玩下, 期待偉哥復出一齊再戰.

    回覆刪除
  147. 偉哥, 期待復出一齊再戰.

    回覆刪除
  148. 偉哥,多謝你在股票市場的指導,學左好多,希望能再次看見你的文章。

    king

    回覆刪除
  149. 偉哥:
    我岩岩開始睇你果時 你果陣好似推緊隻546, 果時成5蚊雞 之後無幾耐你就金盤洗手 真係好SAD
    好想跟你學野,我SET 左你個BLOG 做書籤,耐唔耐都會上黎睇下,真係好希望你服出呀!

    回覆刪除
  150. 見到偉哥留言會有機會再寫真係萬分期待、要日日寫投資誌當然會心力交瘁影響家庭與健康、我提議偉哥選擇每星期揀一天在晚上八時後大約花三句鐘與網友交流投資、偉哥做主持指教大家、偉哥可以考慮可行嗎?

    shing

    回覆刪除
  151. 期待偉哥回來的一天

    慢買估民

    回覆刪除
  152. 好期待,偉哥,祝事事順意

    回覆刪除
  153. 偉哥
    手痕就快D寫番啦
    又有機會學野了!!!!

    回覆刪除
  154. 作為期權玩家,好希望可以同偉哥多點交流

    回覆刪除
  155. 看到偉哥的留言,看見很多熟悉的名字;期待偉哥歸來的一天,帶領大家再戰股壇。
    MM

    回覆刪除
  156. 好想念每天看偉哥文章的日子
    cat

    回覆刪除
  157. 偉哥,其實你唔一定要寫投資野,即使你寫湊仔手扎大家都一樣會鐘意睇,繼續等待你復出

    回覆刪除
  158. 偉哥
    港股今企在十字街頭、外圍多事之秋、A股忍藏殺機、你的Fans需要你東山復出指引我們、不要投機取巧、衹要提升大家投資常識、以前的倒亂份子也轉為你的好學生、不要晚晚上堂影響家庭樂、一星期有一或二晚、二個鐘已足願以嘗、希望偉哥考慮嘗試、也是大眾人們期待已久。
    shing

    回覆刪除
  159. 偉哥復出就好了

    回覆刪除
  160. 偉哥 近況如何?
    唔寫股都可以報下喜訊既
    生活愉快

    回覆刪除

注意:只有此網誌的成員可以留言。