置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2011年8月9日 星期二

信心崩潰的股市

連續多日的跌市,所反映的已不是單純的經濟前景悲觀,而是觸發信心危機,產生骨牌效應,故很多股即使股價已跌到極低殘,也繼續被沽,沽盤除了來自散戶外,最主要的相信是基金大戶,反正基金經理一向不需要獨立的思維,升市追貨、跌市沽貨是其"拿手"好戲,有錢羸的話分紅多,輸錢的話由客戶承擔,最多轉份工。

恒指最近6個交易日跌了接近3800點 (以今日低位計),相當於16.7%的跌幅;國指6個交易日跌了近2400點,相當於19%的跌幅。兩個指數的14日RSI都低見19左右,翻查記錄,即使金融海嘯期間兩個指數的14日RSI都未曾低於22,可見是次大跌市的慘烈!

股災已確確實實發生了,但自己覺得距離見底應不遠。今日有不少跌得殘的股,包括1308、38、317、2328等,已漠視指數超過6%的跌幅,率先進行絕地反擊,對理性的投資者而言是非常鼓舞的消息!


72 則留言:

  1. 今日開始買貨跟左你幾隻=]
    另外可留意下小注博下2628,19等等跌到廢股怒彈。2
    93都今日入d睇下彈唔彈得返去17樓上。
    thx,偉哥推介。

    回覆刪除
  2. 偉哥,
    又係我,你好~~

    呢幾日真係跌到有d心慌,
    本來d股票海嘯後已經復完兼有一定升福,
    呢幾日差少少就要輸返轉頭.
    雖然話自己睇長線,
    但之前高位冇走心都係酸溜溜的.
    手頭資金唔多,
    只能小注入d心水股,
    今日都用左剩餘既30%左右買貨,
    手頭上得返接近10%現.


    回覆刪除
  3. 台灣指數率先見升......

    回覆刪除
  4. 很快見底了?我資金已經用盡了。

    回覆刪除
  5. DEAR偉哥

    非常多謝分享EXCEL檔!但我想問下點解下載完都唔見佢運行?我已較左"容許巨集執行",係咪有咩制要撳??

    多謝你!

    amates

    回覆刪除
  6. 剛剛試左終於成功!謝謝偉哥分享!

    amates

    回覆刪除
  7. 今日既走勢似琴日...
    一開市裂低開..下午慢慢升返上黎...
    今晚外圍又趺既話 可能今日的最低位就係明日既最高位

    回覆刪除
  8. 下午買入了525@2.65。

    趁低買些盈利、派息穩定的股作倉底。

    回覆刪除
  9. 下午一彈,自己組合今年的回報又重回正數,市況的波動可想而知。

    回覆刪除
  10. 哈哈, 正想講終於見正數畀你報喜先, 恭喜!

    回覆刪除
  11. 偉哥 強, 入既價位又靚 又準!
    我現在仲係-緊4% ,

    回覆刪除
  12. 偉哥和大家有沒有留意667瀚宇博德, 它最近發出來的私有化offer 是$1.25,但是我相信這個價錢是遠遠低於它真的價值。如果現在$1.1買都有 13% risk free 利潤。 如果很多股東投反票,利潤就會上升。如果真的私有化失敗,那麼市場對這間公司有多一點exposure。真正的價值就會容易被市場反影。

    HH

    回覆刪除
  13. 今早都唔算恐慌,對我而言,我同朋友們仲夠胆入貨.一定係係度流連耐左,開始有定力.

    回覆刪除
  14. In fact, I still haven't seen a new bear market lasting so short, so if today is the end of the falling market, I think it can only be called a bull adjacement at the end of the day.

    Today's summary
    Sold all 2300@4.82, Sold more CNY@1.213, bought $AUD@7.8, bought more gold.

    回覆刪除
  15. 但係恒指得10倍左右pe,真係 bull adjacement at the end of the day?
    好多股票都在15倍pe之內,都唔似牛巿的氣氛
    我仍然偏向相信係向下走勢
    97升爆,98跌爆,00-01回升,03見底
    07升爆,08跌爆,10-11回升,13見底?
    未來日子將會如何?

    文仔

    回覆刪除
  16. 厲害!2398來回有2x%return,912都最後都由跌轉升。
    我對工業股一般麻麻,因為環球需求可以變化好大。成本不停上漲。特別系主要客戶在歐洲美州國家。。

    回覆刪除
  17. 股市過山車比海洋公園的過山車驚險百倍.....

    回覆刪除
  18. 終於減少罪孽, 出咗一注1308$3,
    再減持啲罪孽2300$5.32一注.哈哈.

    回覆刪除
  19. 個市簡直要幾high有幾high......哈哈.

    回覆刪除
  20. dear everybody

    I won't buy any stock until the market stop free falling!!

    it's too risky to recieve the falling knife with no idea where the bottom is

    i prefer let the market tell me when it stop falling instead i guess it :(

    the market is crazy , so crazy

    good luck all bro and sister , hope all can suvive through this big bear finally

    kk@sit and wait

    回覆刪除
  21. 歐洲仲跌緊...
    fish

    回覆刪除
  22. 偉哥:中國6月份大舉拋售日本國債,對後市會點呢?

    回覆刪除
  23. 3818 會唔會keep住drop??=.="""~~~可以再買入??

    回覆刪除
  24. EU 你醒下啦 , 唔好再沉淪啦 ...

    回覆刪除
  25. 你地估又會唔會有救市方案?

    回覆刪除
  26. 歐洲好似跌少左
    fish

    回覆刪除
  27. Hi 文仔,
    其實我都睇唔透後市,只係覺得如果咁快就跌完的話,似係牛市既大型調整多個似係熊市姐.

    回覆刪除
  28. 2300個價賣得唔好...唉

    回覆刪除
  29. 偉哥,
    有空能否講解一下你對179那麼有信心的看法?

    因我留意到他以現價計算, 收益率只有2.73%, 大幅不如你組合內其他股的息率, PE亦高達9.79, 同樣大幅拋離你組合內其他股票, 實令小弟感到大惑不解

    回覆刪除
  30. 多謝偉哥呢幾日咁忙, 都照顧大家, 抽時間同大家分享, 今次的感受真係好深刻

    回想番呢幾日的事, 一切只能以匪夷所思來形容…..

    幸好今日下午開始, 個市開始由上星期五開始的全面洗倉, 變為部分盈利前景較好的股份開始回升(如2398, 189, 1388, 3918)。人心似乎穩定下來…

    上次金融海嘯全世界的銀行(基金)唔肯放錢出街。今次金融幅射, 市場明顯受到評級影響, 而要把風險較高和流動性的股票, 轉到風險較低的黃金同債劵。短時間的同時轉向, 自然釀成人踩人, 市場摔個人仰馬翻, 可是銀行(基金)經過兩次QE 之後水浸, 抽回資金但依然搵唔到野買, 歐債又危機, 日本又失落的廿年, 中國又地方債, 又高鐵債, 最後只好迫住去買被調低償付能力評級的美國國債或黃金, 金價甚至在高位, 單日再升67美元!

    下面有美債的走勢, 個息率正好同股市走勢相反, 反映市場的避險行為同美債的認受性
    http://www.fxstreet.com/rates-charts/bond-yield/

    下面為黃金走勢
    http://www.kitco.com/charts/livegold.html


    這次美債事件形象化之後…有如下面的小故事…

    是咁的,我有個朋友姓渠, 名怒美, 老豆-叫老鷹, 外號日不落, 係當地幹部 (好像係),佢老豆由細就佢講。唔識abc 唔緊要, 最緊要識兇人同埋堆, 所謂欺善而”友惡”是也 , 因此細個好地地, 但慢慢耳濡目染之下, 我朋友就咩都唔做, 靠蝦蝦霸霸過日子。

    現在長大了, 大家出來打工, 佢就繼續食老本, 成日搵我地笨, 整埋D 借據(債券)出來, 話就話同我地夾份投資, 實質就係屈水, 屈完d水就拎去炒呢樣果樣, 贏左我地當然無得分, 但係佢心情好, 有時都會請我地食麥提莎, 叫做俾些少甜頭我地, 好過無啦, 係咪先。[舉債渡日]

    萬一輸了就大件事, 好像有人殺左佢全家咁(雖然好多人都想), 對上果次金融海笑, 我諗佢應該輸好多, 唔係無理由成日對住部利事機講對唔住, 下次唔敢之類。
    果段時間我地真係街都唔敢出, 就算叫外賣, 都在門口攝番錢出去就算, 最慘都係批外賣仔, 好像中東人來的, 唔好彩撞到佢, 俾佢屈水唔在講, 佢一睇唔順眼就話人地頭頂個包包藏有大殺傷力武器, 有咩打完先講。想像力仲勁過占士金馬侖。批外賣仔不斷換人, 佢就見一個打一個, 搞到後來我地連外賣都無得食。
    當時我心諗橫豎自己死路一條, 咪搵埋幾個同鄉債主打算出去追佢還錢, 唔還錢就同佢搏命。

    點知當我地幾個勢兇夾惡般走到佢面前, 叫佢還錢時, 佢竟然話自己已經到左發借據的上限, 唔可以再問人借錢, 所以無錢還咁話! 聽完呢句, 我地真係火都來, D 怒氣直情可以滾瀉一壺水x乘以人數。乜x野借據上限, 不嬲都預你短債還長債架啦, 又無人叫你一次過還晒, 在度依依哦哦, 即係要我地同佢搏命啦。

    好勒, 講到搏命, 條粉友又腳軟, 拖拖拉拉之後, 就同我地講, 借據上限已經唔存在勒…ok…咁即係有錢還啦, fine!唔同佢計!

    佢話今次真係輸好多, 一定要再發多D 借據出街先得, 不過唔駛我地買, 佢會自己諗掂佢(可能明知我地唔會買)。我地心諗, 唔駛搏命又可以拎番D錢, 就信埋佢呢次啦。

    點知….佢真係無改錯名…渠怒美 (此為人名) 竟然……


    後面未諗到...待續先

    回覆刪除
  31. 我都想知因為我跟偉哥賣了一點179,全是因為我看到179是偉哥最重創的股票。

    回覆刪除
  32. 最衰冇得好似fb咁like this!!
    Fovas兄實在生動搞笑!

    回覆刪除
  33. 歐洲跌幅繼續收窄
    fish

    回覆刪除
  34. 偉哥, 頭先我check一checjk發現美債息率不升反跌, 市場視rating如無物?如果係, 呢次只不過係借口沽落去


    mac

    回覆刪除
  35. 1126 盈警
    似乎個巴西大客有古怪,大家小心

    YY

    回覆刪除
  36. 偉哥,

    我也剛剛看到1126盈警。請問大部份巴西訂單大是上半年入數嗎?為何還會比上年度同期大跌呢?

    YM

    回覆刪除
  37. WAI GOR,
    平均1.2入左1126,在盈警下策略如何?

    wc

    回覆刪除
  38. YM,

    因這次是巴西大客要求延期交付, 致1126上半年沒有向其進行任何銷售, 故盈利大跌

    回覆刪除
  39. 看完1126盈警,只可以嘆句人算不如天算!

    之前自己已有心理準備1126中期盈利會因日本大地震而出現倒退,但以為會有巴西大客的訂單入帳,故倒退應在2成以內,估不到該訂單現在要推遲出貨。

    不過該訂單既然預期由11年1月-7月付運,即是說推遲出貨應該是1月或最遲3月底公佈上年全年業績時已知道,為何公司不作任何披露?甚至4月底開股東大會時應該也已確認此事,為何提都不提,直至7月已過、8月公佈業績前才作出披露?而股價已由3月底時高見1.6開始陰跌,跌足幾個月,是否春江鴨在沽貨?

    對公司的管治非常失望!

    回覆刪除
  40. 其實已家估值好低,兩倍至三倍pe仍然可以守吓

    回覆刪除
  41. 匿名者, 而家估值低係因為用左往績市盈率, 如果盈利大減,到時就唔係P/E 2-3

    1230同1126都好似

    呢D管理層都係收收埋埋,不盡不實

    有無蛛絲馬跡可以睇得出

    回覆刪除
  42. Isn't this just a timing issue and the profits should be there anyways in the next result announcement?

    回覆刪除
  43. 唉,對德林真的無言了......

    以現在情況,相信北美洲及歐洲營業額也有一定的減少.....

    "該客戶通知本公司推遲出貨直至該客戶發出進一步通知時為止"......即係無期.....

    自己亂計:

    假設北美洲及歐洲少30%, 日本少80%,全年盈利自己估少60%

    不計現金,以6PE計只有約$0.67.......
    計埋現金,以6PE計只有約$1.0........

    自己也有重貨,好失望.......

    YM

    回覆刪除
  44. 鬼唔知pe係往績市盈率咩,盈利大減不過重有盈利,所以我講可以守吓。6pe唔係平亦未致於好貴

    回覆刪除
  45. 明天Ao叮走1126德x國際,
    如上期業績叮走1230,當時都痛,
    回頭看又沒做錯,

    回覆刪除
  46. 唉,最慘就係自己計到又唔平,又唔貴。(有點希望自己是計錯......)

    貴的話可以毫不考慮就走。宜家咁,走又唔係,唔走又唔知幾時有機會升返上去(或反彈)。剛出盈警的股票相信會有一段時間沒起色吧.....

    真的要叮走它嗎??

    請偉哥指引.......> < "

    YM

    回覆刪除
  47. 最大問題係管理層完全唔交代訂單延遲呢回事

    誠信係一間公司GE首要考慮

    如果同你做生意GE公司唔老實

    你都唔放心交易吧

    回覆刪除
  48. 講小了當日叮走還有2300,3818與其等
    不如及早換血,

    回覆刪除
  49. 謝謝Yan, 十分認同,看來還是走吧。反正現在便宜的股票也不少。換馬也有很多選擇。

    YM

    回覆刪除
  50. 第一次跟偉哥跌時買貨, 昨天set左99,464,448, 可惜只入到99@1.65
    今次更體會到跌時入貨, 以前心理質素無咁好, 跌時一定唔入貨, 睇得偉哥個blog多, 明白超市大減價的道理,於是用一些不急用的錢入貨~明天希望有機入埋464,448 (呢兩隻本身蟹左, 想溝一溝平均價)
    最後, 謝謝偉哥教導。
    偉哥,重開blog得好著時, 如果咪我地一定心慌慌。

    306初哥

    回覆刪除
  51. 因應1126之盈警,今晚希望可以簡單寫寫我的"局外人投資法"。

    回覆刪除
  52. 各位1126 的股東

    其實本人於今年5月頭曾經send email問過, 日本地震對1126的影響, 當時收到的答覆, 係咁

    Thanks for your questions. Our business is still as usual after the Japan earthquake. Orders placed before the earthquake were shipped and payments were received. However, for sales after the earthquake, we are still assessing the impact but we don’t expect a decrease more than 20% based on the information on hand. We believe the increase in sales orders from customers in other countries can compensate the decrease in sales in Japan partly. Besides, we are going to have a new line of business in plastic figures which can also contribute in sales.

    當佢我見佢地答覆都好樂觀, 同似乎未知道巴西大客戶要delay訂單??

    回覆刪除
  53. 擺明講大話,佢地點會踼爆自己公司有問題呀
    有事都話無事啦,
    唉!!跟本無一間公司可信
    對股票好失望

    回覆刪除
  54. hi 306初哥,入得股場,那有機會避得過股災?體會過一次股災,下次再遇股災也不會驚惶失措。

    估不到自己回來的第一篇網誌"回來....與大家並肩作戰"竟是一語成讖。

    hi YM,看看明天1126開什麼價吧。如果跌超過2成,自己會再等等。要沽貨的大戶由3月沽到現在,相信也沽完了,所以公司才出盈警。

    如果是最賤的大戶,可能是等持貨的散戶止蝕時才在低位收集,等收貨收到7788,就再用巴西大客的訂單來作炒作理由,事關由頭到尾都沒有說巴西大客的訂單已取消,等時機成熟,隨時又會付運以配合炒作也說不定。

    不過如果持貨多的話,先行減持也是好事,尤其是現在通街平貨,選擇很多。

    回覆刪除
  55. 能否寫埋飛克大升?因我重貨在手

    回覆刪除
  56. 對一些不忠誠大股東只有唾棄牠,
    一分鐘暇想都不要,
    二三線股票老掉牙的問題,
    牠們只向自己荷包交待便成,
    無奸不成商,分別只是大與小而矣,

    回覆刪除
  57. hi 匿名者,留意當初公佈巴西大客訂單的通告,當時已說明是由11年1月開始付運,至7月完成,故你5月問他們時不可能不知道巴西訂單已推遲一事!

    公司本身明顯地誠信有問題!

    回覆刪除
  58. 偉哥有無入306,118,84?

    306初哥

    回覆刪除
  59. hi mac,其實我前幾日都說過,當資金要避險的話,首選是黃金與美元、美債,那管美國主權評級是否AAA。

    hi wc,看看明天開什麼價吧。如果跌少過兩成我自己會減持。

    hi fovas,寫得很生動,等你續寫。

    hi gc,沒有辦法,當時2300是跌得最少的股份,要套現資金唯有向其埋手。幸好今日沽2300換馬的2618、2398等也有好表現,不然更傷心。

    hi sara,今晚零晨2:15就知道。大戶沽股票沽到如此狠,某程度上是在迫聯儲局再度出手救市。

    回覆刪除
  60. 其實大家都知1126每天的成交不多,一百萬已經是比較多的。所以大家急沽出而推底價是很容易的。
    另外,盈利下跌,也是有盈利,所以 NAV 0.95 是相對有價值的。

    Ben

    回覆刪除
  61. hi 306初哥,306斥巨資收購過境車業務,自己覺得作價過高,故目前沒有買306,再觀望多1-2次業績,看看其能否點石成金,將先前盈利不多的業務變成搖錢樹。84今日在0.91買了少少,買得不多故沒有披露。

    hi 少年屁股,自己建議不要持有過多的飛克,此股帳目可信性不高。

    hi 匿名者,3818雖然近日也跟市跌,但很多股的跌幅更大,故在資金開始緊拙的情況下,3818目前買入優先次序甚後,除非股價見1.3元左右,否則暫不再增持。

    回覆刪除
  62. 偉哥,

    想問下你點睇698呢?有無留意啊?

    回覆刪除
  63. hi 匿名者,宏觀經濟是我的弱項,所以答不到你日本國債的問題。

    hi derek,恭喜出得好價。

    hi 文仔,現在資金流動性高,熊、牛的變化很快,真的今日不知明日事,可能過多兩日大市反彈1、2千點,人人又要高呼牛3已到!

    hi HH,要留意的是如果很多股東投反對票,私有化無法通過,股價很大機會打回原型,故13%的潛在上升空間並不是risk free。關於667私有化問題,前一兩日的留言都有談及,有時間可以翻看。

    hi fred,自己的買入價不算好,只不過自己覺得如果作為中長線投資,現價很多股都具值博率。

    hi 賢,所有很多時候都要注意高位套利的機會,可以不用一次過沽清,分段沽貨也可以。

    hi jazzf,希望大家的撈底都有利可圖。

    回覆刪除
  64. hi L,買179的原因有幾個:1.經過重組後,公司業務有大躍進,而自己相信這增長勢頭並不會只得一年如此之短,未來兩三年盈利應可保持增長;2.作為行業龍頭,估值稍高可以接受;3.公司大股東長期都在增持;4.是458的同系公司,有感情分;5.自己相信帳目應是絕對可信,長期持有也不用擔心。=

    回覆刪除
  65. hi zeta,698公佈業績時有看過報告,有兩點不是太喜歡:1.負債偏多;2.應收帳增加太多。而且當時其估值與一般工業股只是相若,並沒有折讓。

    回覆刪除
  66. 偉哥你好:請問對1218有何看法?

    回覆刪除
  67. 偉哥,有個問題真係好想請教下你!
    點解你入既股個價位都咁靚?
    差不多係全日低位或者近住低位咁
    係咪長時間睇住個股價?
    例如448,912,只係好奇,想問下!!

    回覆刪除
  68. 《經濟通通訊社8日專訊》根據聯交所資料顯示,名譽主席汪顧亦珍先於上周三(3日)增
    持德昌電機(00179)86萬股或0﹒03%,每股作價4﹒303元,總值370萬元;
    及後又於上周四(4日)增持20萬股,每股作價4﹒298元,總值86萬元,最新持股量增
    至59﹒39%。(cy)

    回覆刪除
  69. 市傳南北韓開火 港股進一步受壓 ...for real? It's America again...sigh

    回覆刪除

注意:只有此網誌的成員可以留言。