置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2011年1月27日 星期四

簡單說幾句

由於將近過年,並且自己會放較長的假,所以很多工作、定單要趕在過年前悉數完成,因此近幾日很忙,看市的時間也不多,而且無法即時及全數回覆網友的留言,請見諒。

近來有些網友跟自己買1230輸了錢,來這裡呻兩句,自己覺得很平常,也可以接受,所以大家看到的話,請以平常心視之,不要太勞氣。

很多人見我以前推介的股票都有顯著的升幅,所以有不少人會跟隨我的買賣,亦因此自己不論多忙都好,只要情況許可,大部份的買賣會盡量即時在這裡公佈,以方便大家參考,所以大家從來不會見到一些股票大升後自己才申報持有,又或者大跌後才申報已沽出。但我想再三強調的是,想跟我買賣的話,沒有問題,不過請跟足全套,尤其是我所做的風險管理:分散投資及資金管理。我在網誌說過很多次,我的持股很多,也很分散,近兩年來單一持股佔股票組合10%以上的,之前有684,現在有1038,僅此而已,其它的持股可以上到十大持股的,大部份每隻也只是佔我股票組合約3-6%而已,有時甚至更低,所以單一股票出現問題的話,即使不止蝕,我的整體損失也不會太大;當然,當單一股票急升,我的得益也不如大家所想像的大,只有當股票組合內大部份持股的表現都不錯的時候,自己的回報才會高。

大家可能很奇怪,為何散戶的資金有限,也要學基金一樣,進行分散投資?最主要原因是現在上市公司有太多的老千,手法層出不窮,令人防不勝防,散戶就算如何精明也好,也難保有一天會買中老千股,以致投資化為烏有。自己感受最深的是當年持有的泰興光學,年年業績不俗、肯派息,又有4、5間基金大量持有,兼且是4大核數,原來也是老千股,兼且造數手法低劣,但核數師多年來也察覺不到問題。從那時開始,自己就貫徹執行分散投資的做法,即使幾有信心的股都好,單一持股也不會超過組合的15%。大家也不用擔心因為分散投資而令到回報下降,我可以很肯定地告訴大家,自己最近幾年的回報絕對比以往的高,也遠遠跑羸大市,而且也不會再因為個別股票而寢食不安。

自己從這網誌開始寫以來,作出了很多的推介,但如果要自己選最佳的推介,絕對是推介分散投資。

52 則留言:

  1. 講得很好...多謝偉哥提供一個免費平台俾大家學野兼搵錢

    講真我上年9-11月買咩2,3線都升既MOMENT先認識偉哥,so far我部份都會跟偉哥,而講句公道話,除左1230,3818之外,其他推介都叫幫到手,OVERALL其實表現唔差,同埋最重要係偉哥大部分講到明唔興短炒,所以跟既就預左要等...況且投資無包賺

    再次多謝偉哥
    (申報:小弟1230已止蝕,3818坐緊10%)

    回覆刪除
  2. 同你一樣, 偉哥, 我炒了多年股票, 發現分散投資真係一個最實在的方法!!
    我也是沒有一只股票佔我15%以上的資金
    但我就經常滿倉的, 由於股價上落不一致, 坐貨倒是不少, 但分斷沽出後, 其實盈利還是可以相當滿意的, 同時也避了風險呢!!

    回覆刪除
  3. 講得好,偉哥.
    我買賣股票外匯差不多十年了,學到最有用最深刻的也是風險管理.好似之前偉哥的645零風險投資,我就用了自己的最大限額10%去買.雖然得8-9%回報,但零風險咁放在銀行收息要幾長時間至收到相同效果?
    反正是閒錢,零風險用咁短時間有咁既回報已經好滿意了.
    我認為理財,並唔係任意買隻股票長持就叫做理財.而係不斷透過研究,把閒錢放在低風險高回報的投資項目上,這樣才真正叫做理財.

    回覆刪除
  4. 511接手既原來係陳國強同台灣背景的王雪紅.
    http://hk.biz.yahoo.com/110126/371/424jf.html

    老實講,要方逸華一個唔缺錢又對TVB咁有感情既女人睇著TVB被人分卸,今次最後能否成功收購都真係唔多睇好...

    回覆刪除
  5. 呻下無妨,不過責任永遠是自己的,不要賴人!!!不是馬後炮,只以事論事,您推介1230時自己很大戒心!!基於互相尊重,沒有寫下個人意見!我在1717身上輸了點錢(百分比可大呢),加上眼見國內奶粉事件,深深體會到短期內國內品牌都未必有運行!!尚幸持股亦算分散,整體風險承受得來!所以甚認同您的意見!!

    如果要投國內奶類股,真要看國內消費者幾時對國內品牌改變態度!

    祝股運亨通!!

    回覆刪除
  6. 偉哥,萬二分多謝你的分享,令我又賺錢又獲益良多,謝謝. may.

    回覆刪除
  7. 我認為除非你知道那一隻股明天會升, 否則分散投資是最好的方法

    回覆刪除
  8. 樓上位朋友及偉哥好嘢! 好消息出貨向下炒又可以再玩過......511其實我唔睇好買家嗰邊人馬......掛住睇3818無睇佢落到42蚊失機, 望佢賤啲炒低再玩.

    回覆刪除
  9. Absolutely agree with 偉哥!!

    KY

    回覆刪除
  10. 511.880實力股借消息大插正是低吸良基.嗱反彈了.3818彈上勁無被早前回插似有轉機.813這幾天由13.0插入11.52搏得過短線.511真係博得過43.00多憧憬

    shing

    回覆刪除
  11. 3818今日好勁
    不知點解

    H-super

    回覆刪除
  12. 偉哥

    3818前兩日既行動,明顯是競價時段被人大手入左,低至3.08。隨尼兩日運動股轉勢,今日爆左,但未到4元。

    MARK仔

    回覆刪除
  13. 偉哥︰我自己有10年的投資經驗,以前試過投資一些上市不足3年的新股,發現價值陷阱很多,所以之後嚴格限制自己對這類股最多短炒,不作長線。1230可能並沒有問題,但可能有很多像我這樣的投資者對新股,特別是對民企新股沒有信心,寧願不賺算了。其實市場上紀錄良好的公司很多,何必一定要投資資歷淺的那些,盡管看起來真的很有價值。
    但整體而言,偉哥您的價值投資理念及交易手法糾正很多散戶的錯誤,亦令大家更明白很多大行財演的騙財技倆。新的一年,祝你身體健康,財源廣進。
    一介股民

    回覆刪除
  14. 偉哥 , 絕對支持分散投資 , 畢非特都有坐艇貨 , 多謝分享心得.....Thank.

    回覆刪除
  15. 呢幾日低位加咗872, 1170, 2300及3818幾隻, 但不在港三星期都唔知是禍是福.....哈哈.

    回覆刪除
  16. 偉哥, 684唔覺唔覺回到3.8x, 會再喺嘜位考慮再加呢?

    回覆刪除
  17. 買左2手2300玩下,有內需概念,又有新年概念!很好很好,值搏,不過近排冇嘢撈,唔甘玩甘大。

    RC

    回覆刪除
  18. 511 個deal 市場盛傳作價為65-95億元? 甘咪成 $56 - $84? 控股溢價甘高?

    http://www5.cnfol.com/big5/hkstock.cnfol.com/110127/132,1357,9243983,00.shtml

    RC

    回覆刪除
  19. 偉哥
    包括你,還有味皇、湯財等雖然風格不全相似,但共同點都是認真分析股票的內在,結果其實其次,重要的是分析過程。只是很多人還是沒領悟授人魚不如授人以魚的道理。

    回覆刪除
  20. hI 偉哥 and 各位,

    近日留意 317(廣州廣船), 見其 NAV 年年升,加上ROE 又回到 05-06年間既位價,心想可能係一個唔錯既長線選擇 ..
    不過間公司都係呢3年先有息派,而且息口唔係太高,唔知以後會唔會KEEP住派息呢?

    希望各位比D意見.

    Jerry

    回覆刪除
  21. Jerry,
    我無細心睇但總覺得公報的盈利同現金流有些出入所以冇興趣,自己小心.

    回覆刪除
  22. Hi GC 兄,

    我都見到歷年既現金流好波動,上落幾大,而且交既稅都似乎不太正常,所以想問下。
    多謝提點!

    Jerry

    回覆刪除
  23. 睇左偉哥個blog幾個月

    都係買左444同1230

    得1230坐緊艇

    1230預計市盈率得番12-13倍

    估值應該唔會甘ge,我相信會重估,仍然持有

    不過我依然看好股市,相信假期過後會稀有起色

    回覆刪除
  24. 網友跟偉哥買1230輸了錢,來這裡呻兩句…

    1230向下炒, 激死

    回覆刪除
  25. 偉哥,你真係值得令人respect你,唔無講投資
    憑你打出來既野,已經可以想像到你是一個什麼樣的人,你的子女一定好幸福,偉哥1230我覺得一個好簡單既問題,已經可以唔洗點睇財務數字(或許會走寶,但走寶就算了)你問身邊所有為人父母者,大陸既香港既澳門既,會唔會買雅士利,答案係0,我問既人唔係好有錢,即係唔洗買平奶粉既人,佢地係覺得,自己無論點辛苦都一定要買d好野比自己d仔女,況且市面上大把選擇價錢差唔多,仲係外國牌子例如惠氏,偉哥其實你有無諗過你會唔會買e隻奶粉比自己d仔女?
    這次的雅士利令我再看清一次中國d食品股特別民企真係無咩邊隻係好野.
    BY MASCOT

    回覆刪除
  26. 其實1230是新股一定要小心, 看看味皇兄新一篇講關於3322的blog文就可知道, 一般新股都有吹大盈利去達到上市的手段, 3818情況可能一樣, 所以記住買新股投資一定係高風險行為, 真實盈利可能要數年後才能反映

    回覆刪除
  27. 其實好多民企股,新股上市都充滿水份,只要短期內唔爆煲就無事發生,好多仲可以借勢炒上兼配股套現,問題係幾時炒上,幕後人有無能力做到。買股輸錢當然唔高興,但檢討問題所在係必需嘅。1230大沽家UBS嘅780萬股已經沽清,其他的機構都似係升就買,跌就沽貨。大股東張利鈿之前以$0.69行使購股權嘅股票,有1500萬股放咗喺BOCI度,睇吓佢會唔會放D消息借勢炒上,話晒有平貨在手。

    回覆刪除
  28. 廣船99%应該冇野,佢大股東係阿爺。佢d現金流比較難明,係好景時有好多單,收好多訂,現金流〉盈利,交船時有盈利,但如果冇乜新單,盈利就可能〉現金流

    RC

    回覆刪除
  29. 奶粉呈完美下降軌..小心
    今日低位收重要穿埋上市低位
    照度落去可能見2.3..小心
    反而444係1.5有支持
    待爆..

    回覆刪除
  30. hi RC 兄,

    你講得好有道理
    呢3年先開始有息派+中國航海業未來唔知會唔會包和+不隱定現金流係我最 concern,唔知你點睇?

    單睇 H-股, D financial reports 我未深入睇,不過 ROE, PE, PB 各方面都ok.. 不過現價較每股NAV折讓好多wo (H-股:8167/157 = 52)??? 定係我應該除以中港總發行股數: 8167/12=12.5)??有無人可以教下我?

    如果每股NAV係 52, 等3月睇埋個中期報告,睇下有無派息,如果有會唔會可以小考慮呢??

    (numbers quoted from aastock.com)

    Jerry

    回覆刪除
  31. 投資GE野不嬲都係自己決定...
    偉哥無私咁將自己GE分析同大家分享之時, 大家亦應該自我檢討、自我分析先作決定....

    我之前問過偉哥1230, 但係一直都無買, 始終對新股有戒心...

    近排d二三線股回落左唔少....可惜屋企等錢用...已經無錢買了...唯有望梅自渴...

    回覆刪除
  32. 我見aastocks 話每股淨值HK$7.276

    e d 週期股我唔識睇,你要識研究航運週期先有得玩.

    RC

    回覆刪除
  33. Jerry

    317的NAV應該是3299.141/494.67758=6.669RMB

    回覆刪除
  34. hi Fung兄 ..

    3299 係股東權益 right?
    我同既8167 係 aastock 既 ''總資產(9804) - 總債項(1637''..
    唔通NAV = 總債項(9804) - 流動負債(6482) = 3322, approx. same to ur 3299 ???

    好 confused! 究竟 NAV 係
    1) 總資產 - 總債項
    2) 總資產 - 流動負債

    sorry 我真係唔識
    同埋H股唔係應該除香港既股數就可?即係157.4m???
    many thanks

    Jerry

    回覆刪除
  35. wai gor, 在此先祝你生意興隆、業務蒸蒸日上,仲有身體健康,新年快樂~

    睇左偉哥個blog一段日子,除左你對股票的分析能力值得學習外,更值得學習是你的個人修養,你的家人一定很幸福。

    有關老千股,湯況個邊有個check毒器~偉哥可以看看~

    總之,不理別人如何,除了買賣外,這裏也是一個很好的學習地方,至少偉哥肯悉心教, 比起好多blogger巳經好得多,我遇唔明會繼續問~
    因為我深信發問是發習的其中一妙方,共勉之~


    初哥

    回覆刪除
  36. 希望 fung 兄比我知 3299.141 點出黎?
    同埋係 annual report 應該用邊個數?

    Jerry

    回覆刪除
  37. Hi Jerry,

    其實aastock0的資料未必係update的,因為我之前試做功課(求其找隻分析)發現0的數有出入,所以最保險是去港交所網站或你想分析的公司的網站找他們的最新年報看,數字才最準。

    NAV= 總資產 - 總債項/巳發行普通股總股數

    有錯請各位指正~

    初哥

    回覆刪除
  38. hi all

    唉....原來 aastock 中所謂既 ‘’總債項‘’ = annual report 中既 ''借款'' ...

    一路都比佢玩死 ..

    sorry 大家
    多謝提點

    Jerry

    回覆刪除
  39. Jerry的問題,誘發我反而想問若隻股票有A股和H股,咁睇份年報個consol時,是否巳將兩者合併,計nav是否要計埋a股上市的股數呢?

    初哥

    回覆刪除
  40. Jerry的問題,誘發我反而想問若隻股票有A股和H股,咁睇份年報個consol時,是否巳將兩者合併,計nav是否要計埋a股上市的股數呢?

    初哥

    回覆刪除
  41. hi 912、may、ky、老頑童、技術投資者、明叔、初哥,謝謝支持。

    hi 凱迪,我經常不會滿倉的原因是見識過03年、08、09年物賤鬥人窮的苦況後,深深意識到資金管理的重要性,永遠會保持一定的後備資金,以防市況出現意想不到的轉變時,自己的處境也一定比一般散戶優勝。

    hi GC,自己覺得除非監管機構阻撓,不然的話,這單交易一定會落實,只因殼王一定不會是真正的買家,真正的買家是令邵爵士、邵太放心的人,這個人是誰?今晚有時間的話,會寫一篇511的最新短評。

    回覆刪除
  42. hi dtwatches,謝謝分享經驗。

    hi derek,可能明日還有機會以接近42元的價格買入511,要排定隊啦。

    至於684,3.8-3.9之間會再買多注,補回部份之前在4.5x沽出的貨。

    今日錯失買入645的機會,估不到會這麼快推倒重來。希望明天有機會在1.7左右再買回645。

    去哪裡玩3星期?你的生活比我更逍遙自在。

    回覆刪除
  43. hi h-super,不知道3818上升的原因,但今日整個板塊的股份都上升居多,似乎有資金追捧。

    hi mark仔,我估計要等公佈全年業績後,3818才有機會重上4元。

    hi rc,大家坐同一條船,支持你。至於511,盛傳的成交價是90億左右,兼且不包括原本由邵氏持有的清水灣靚地皮,以此計算,每股轉讓價格應比現價有7成多的溢價。如果殼王幕後人士肯以此價格提出全購的話,那就是小股東之福。

    回覆刪除
  44. 偉哥我很明白你寫這篇文章的用意,這次買1230說真的真的失策左,原本沒諗住買咁多,點知跌下跌下就覺得低買,好多既沒理由咁低,越買越多,不過1230真的跌到唔知似咩,由招股價(4.2)跌到2.6,真係慘情,又唔想蝕走,唯有等,我都是根偉哥你買,你走我才根你走吧,放心吧我沒有怪你推介這隻股,不過將你介紹賺錢的股,一次過蝕了1230吧

    回覆刪除
  45. hi 一介股民,謝謝分享意見。

    hi jerry,317是周期性較為明顯的股份,自己覺得盈利難測,所以一向甚少買此類股。

    hi mascot,自己目前最擔心的是1230帳目的水份有幾高。如果盤數是接近真實的話,那1230現價的投資價值很高,為什麼?最簡單的原因是既然1230現在的銷量不佳,但盈利仍然很可觀,那反映此行業是暴利行業;如果它日1230的銷量轉佳,其盈利豈不是要暴升?

    不過一句到尾,帳目的真實性是目前最值得關心的問題。希望經營參與度極高的凱雷不會同流合污。

    回覆刪除
  46. hi ray、fung、路易,謝謝提示。

    hi 初哥,其實不論是A股或H股,其所代表的權益理論上是一樣的。你可以想像下,如果一間公司發行100股,當中有50股在國內以A股上市,另外50股在香港以H股上市,那你計算每股的NAV,是應該除100股還是50股?另外,A股與H股的權益又是否不一樣?

    hi 友友,你要跟我行動沒有問題,但大家持股的百分比相差很大,面對的風險也相差很大,這樣的話你其實很危險的。我們可以共同進退,但大前提是你的持股比重要減少,不期望你會減少至與我相同的比重,但最少也應該減一半吧。

    只要保留實力,要在股市賺回兩成幾的損失,其實真的不太難,所以請認真考慮我的建議。

    回覆刪除
  47. 琴日錯過了1.7 入645,希望今日機會會重來

    回覆刪除
  48. HI 偉哥,
    我也跟你買1230坐艇, 但我不會對你有埋怨, 我仍然認同你的見地和買賣方式, 而且每個人對自己菬實買賣要自己負責。 1230我仍持有。

    回覆刪除

注意:只有此網誌的成員可以留言。