置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年5月13日 星期五

Sell in May?



踏入五窮月以來,恒指8個交易日已累積跌了1100點,似乎正在應驗五窮六絕之說。

有網友私下問我大市見底未,我不知如何回應,只因估大市走勢並不是我強項,也無謂去作一些自己都沒有信心的預測,只能見步行步,視乎大市走勢作出應變。

與一月中那時剛跌破2萬點相比,這次自己情況是更為理想,主要原因是最近沽貨套現了不少現金,組合現金比重已提升至15%,與1月中比較目前手上現金算是比較充裕,可以從容面對跌市,而且有需要的話更可以隨時沽出一些做套利的股份去換馬大跌股。

只要有現金在手,我是不擔心跌市,反而是怕大市陰跌,自己抵受不住誘惑,慢慢耗盡手上資金,所以如果大市要繼續跌的話,自己希望是好像1月份那種跌勢,一個月跌3千多點,市場出現恐慌,加速大市見底,也可以在理想價位買入好股.......大家應該記得那時是遍地黃金,只恨手上資金不夠!

5月,應該不是沽貨良機,反而是耐心等候大跌買貨。

172 則留言:

  1. 952賣盤失敗,大家應該都已有心理準備,也不應覺得意外,現在只是來個確認而已。

    於自己而言, 其實是對122有較高期望,只因952一早說明不會延期,故遲遲沒有消息已有失敗的心理準備;但122之前通告有說可以延期,故之前對122仍有期待, 倉位也相對較重,遠多於952,也因此122賣盤失敗對自己的打擊是遠高於952。

    952之前自己已減持過,大家應該都知道,故此只是輕倉等候結果,即使賣盤失敗,對自己組合影響輕微。

    回覆刪除
    回覆
    1. 952n次上上落落122亦上過1.49 相信唔少系賺左錢走嘅 點解自己輸錢呢
      122為例 自己在1.39走左一半 回落到1.26時買返減持的乘2 衰就衰係乘2
      高位減持應該 心大左愈黎愈貪就衰 心態唔過關 符碌贏幾次最終都會仆街 :-(

      刪除
    2. agreed....
      122年頭再賣盤見有誠意金, 我仍記得是我問偉哥是否值博, 見偉哥買番,以為首次我係呢度有返啲貢獻,結果都係得果吉.我122的貨由2015年年初跟偉哥買,中間出出入入,今次賣盤不成,賬面仍唔使輸。
      但952則於呢兩個月手多多,將之前減持的買番了,以為做了range trading, 點知....
      現價計連之前賺的仍要輸50%,好彩只佔組合約6-7%。
      122&952的經驗,除了賣盤失敗唔好彩,要好好學習下trading technique, 偉哥的方法(輕倉等候結果)可以將損失減至最低
      by thw way, 我122&952,現價不會減持了,會繼續等。

      刪除
    3. 122上次賣盤如果大家記得的話,未到有結果前我已分段減持,因股價升左好多,到晒自己目標價,直到最後只餘少量貨等結果,所以即使賣盤失敗我仍然賺唔少,這些都有留言紀錄,想講大話都騙不了人的。

      這次反而沒有減持,只是中間做了一次波幅而已,因為覺得今次披露的訊息感覺賣盤意欲更加真實、交易也更合理,而且這次股價只升到1.4X,不同上次未出結果已升到接近2元,所以持股沒有減持,眼白白看著帳面最高6位數目的盈利消失、然後倒蝕,這打擊是幾大。

      刪除
    4. yes, 122上次賣盤, 我亦係1.72跟偉哥走哂(初時只有1-2注,走下走下就冇哂)
      之後,入啲走啲入啲走啲,原來咁都唔差.
      反而今次賣盤冇加注,做了2次波幅,及上周手多多係1.05買多咗一注而已。
      現平均成本0.42,同大少鬥長命.

      刪除
    5. 如果122兩個月後又出公告洽賣盤,不知偉哥又會如何應對?(我想這個機會也不能抹殺)

      刪除
    6. 聽聞之前出事的公司有不少是德勤負責核數的,122會唔會係盤數有問題?

      刪除
    7. 我覺得似係122本身盤數有問題。因為大少收人三千萬不可退會嘅訂金,我覺得係怕買家唔買,多過佢自己玩野唔賣(假設佢本身份人係good faith,唔係諗住坑人個三十球)

      刪除
    8. 122試過唔止一次賣盤不成,要BLACKLIST了.

      刪除
    9. 如果造假數的話, 理論上應該是造到很高盈利.....如果造假數仲要造到年年靠物業重估收益才可以唔使蝕錢,咁造假數來做乜?

      刪除
    10. 真係唔知,只能肯定說,我已經幾年無入過去鱷魚恤睇衫了 XD

      刪除
    11. 其實有無可能122訂納的MOU其實是林生自編自導自演呢?(利申:仍有122,打算同林生鬥長命)

      刪除
    12. 經過幾次賣盤都唔成功,最可能GE情況係林生叫價太高,僵持不下

      (尤其是今次跟住以往不同,大少只係賣左上市地位,無賣到D資產)

      刪除
    13. 最怕係聯交所把關嚴,買家覺得長期虧損的零售業務難甩手,大少又唔肯減價的話....

      刪除
  2. 1月大市急跌,其中一個主因是人民幣貶值,也連累港元疑似被狙擊,不知這次大鱷會否重施故技? 密切注視。

    回覆刪除
    回覆
    1. 美對冲基金經理唱淡港樓價
      2016年5月13日
      【明報專訊】繼早前唱淡人民幣與中國銀行業後,曾因押中美國「次按危機」而聲名鵲起的對冲基金經理Kyle Bass昨日將「槍口」對準香港,稱本港樓市正處於「自由落體」(free fall)狀態,並表示香港目前的情况甚至較1997年亞洲金融風暴時還要糟糕。另根據中原地產的統計數據,本港樓價自去年9月至今,已從最高位下滑13%。

      Bass昨於美國拉斯維加斯的SkyBridge Alternatives論壇表態,並提及泰國與馬來西亞,稱亞洲新興市場的信貸正在不顧一切地(recklessly)增長。

      出售股票資產 沽空港元人幣

      今年2月,Bass也曾表示,人民幣未來3年內跌幅可達40%,而其麾下對冲基金Hayman Capital Management亦已出售其大部分股票等資產,轉而專注做空包括人民幣與港元在內的亞洲貨幣。

      Bass早前曾表示,投資者應該自問是否能承受得住在中國的投資縮水30%至40%,並指中國信貸體系嚴重失衡,經濟數據亦未必真實。他續稱,預計中國銀行業在此輪經濟下滑周期中將損失高達3.5萬億元人民幣,約佔銀行業總資產的10%。

      http://www.mpfinance.com/htm/finance/20160513/news/eb_ebc1.htm

      刪除
    2. 期指那邊已連續2日加了倉,
      會有行動了.

      刪除
    3. Oman兄,請問是指加好倉還是淡倉?

      刪除
    4. 美元去到94支持位已築底,人幣短期危乎。

      刪除
    5. 如果真是加了好倉,
      今天會是升市.
      否則.....

      刪除
    6. 牌面暫時都仲係淡淡主導,不過如果宜家先開始跟造淡,好容易被夾

      刪除
  3. Copy from discuss:

    单嘢由頭到尾都係堅嘅...只係单deal係舊年5月 strike嘅..当時定价係1.08-1.18 Go..单因為要中銀監批時間耐左...我地都係 corner stone investor..但我地入股价係0.588..結果過咗完來收購嘅時間..单deal 冇法按時完成.但民生係堅持繼續去馬...但今年A股同港股散哂..好多corner stone investor就唔同意用番old price去 GO..要改低去0.75-0.78...华記都同意..但聯交所唔批..唔俾我地改个GO 价...所以我就同个客講单嘢有風險...就同間PB write 咗个 call option....mature date 就係个announcement date..如果 off我地就贏,,on 我地就輸...但如果on..我地有 0.588嘅貨就当贏小D俾咗間PB..今日知道結果搞唔掂..所以先出聲講

    回覆刪除
  4. 偉哥952你會坐貨等下次机會定係走人呢?

    回覆刪除
    回覆
    1. 我估偉哥一定已經AO全日最高價放左啦

      刪除
    2. 我都想知依家應該走人定坐下等運到

      刪除
  5. 952 止同唔止都一樣 26萬股死守長城

    回覆刪除
    回覆
    1. 跌得仲甘過122,有無攪錯

      刪除
    2. 唉, 我不知你總股本有多少....如果你有留意我的操作的話,我應該不知一次提到我的組合是大部份時間8成資金是投資、2成左右是投機,要分清投機與投資。

      投資與投機都有風險,但投機的風險更高,只能以少量的資金博高回報,不可以本末倒置。

      不過坊間確實有不少人是長期炒殼股、財技股賺了大錢的,所以說炒股只能是各適其式,最重要是找到適合自己的方法。

      刪除
    3. 我都唔記得成本多少,中間有出有入,我諗大約 1.3-1.4

      多謝偉哥提點,這次是衰貪心。不過呢26萬股最起碼我不會食不安坐不樂,因為已知是高風險高回報,而且佔組合不是很高

      刪除
    4. 高盛今日都係咁斬,
      佢在今年年頭開始買,
      都輸得幾甘.

      刪除
    5. 以此成本計, 總資金要在180萬, 先可投放這份量的錢在952, 仲要不再有其他投機股.

      刪除
  6. 952落到0.51做第一口價有點誇張喎

    回覆刪除
  7. 188同952加加埋埋蝕成十幾萬

    回覆刪除
    回覆
    1. 同病相連,我尋晚都訓得唔好

      刪除
    2. 我廿幾,要食麵包反醒貪心的錯

      刪除
    3. 188我仲坐住...0.36既貨

      刪除
    4. 我都蝕咗近20
      以後唔玩消息股/細價股

      刪除
  8. 回覆
    1. 我0.52都追住買入一注...大家撐住.

      刪除
  9. 598今早突然無厘頭大升,有冇人知發生乜事?

    回覆刪除
    回覆
    1. 唔知咩事
      即刻沽了3.29, 咁既時勢, 有得執好執

      刪除
    2. 作者已經移除這則留言。

      刪除
    3. 唔通好消息跟尾,春江鴨行先?

      刪除
    4. 所以唔明點解咁多呢度人跟偉哥會輸錢。偉哥再買時我都有跟,大家可能分唔清偉哥講投機跟投資分別,那類股可以買多些。

      刪除
    5. 598前排的沽空比率超高。

      刪除
    6. 斷估係有淡倉諗住598會踢出MSCI香港指數,但今朝開市前宣佈冇變動,就係AO價開始追貨平倉。

      刪除
    7. 前日3.12買完即日3.23無食,即日可以買返3.13,今日唔再笨3.27沽左想買返已經無機會,可能我有少少燈

      刪除
  10. 偉哥想請教下 日日見426成交唔大 陰跌落去好傷 如果可以作為好小小嘅風險控制 系咪走緊部分貨會穩陣d呢?

    回覆刪除
    回覆
    1. 如果佔你組合比重大,就要自己衡量是否減持。

      426佔我組合3.X%,我自己可以承受到賣盤失敗的風險,也明白在業績前不會有任何好消息公佈。

      刪除
    2. 426前幾日經已想走 一路排一路跌 (¬_¬)

      刪除
  11. 希望各位有好位走到,重貼:

    我見依排大家都係殼股輸錢,講講我(事後孔明)既意見:
    1.殼股買賣大家可以計到賣幾多錢 = 上望空間幾多,向下風險幾多 = 跌番去未有消息前。
    不過最大問題係唔可以準確計算成功率有幾高(當然唔係50%成功,一係得,一係唔得?),所以其實expected value可以差天共地。

    2.殼股另有時會出現人為因素,(ie 大股東under the table deal,大股東玩野唔買 etc),依D會減少expected value

    3.當然殼股有時有bonus(升高過賣盤價),亦可以用經驗判斷邊D成功機會較大,不過70%同50%成功率條數已經好唔同

    4.因以上種種,殼股買賣係投機/賭博,最好唔參與(因為難計數)。就算參與,注碼控制好重要,亦要分散買,拉上補下。個人覺得每隻唔好多過10%(最好低於5%),亦都要定好止蝕

    希望幫到大家

    回覆刪除
  12. 今輪咁買殼失敗,426都受累,希望最後有好消息。

    回覆刪除
    回覆
    1. 426感覺不到有春江鴨或大資金買賣,完全是散戶在買賣.....也受到近期殼股賣殼接二連三失敗所影響。

      刪除
  13. 今早多買些溝平了952,博是深港通不是短期再賣盤

    回覆刪除
  14. 今早沽了前幾日3.11買入的598@3.35食糊先,升得莫名其妙。

    另外重新買入了3836@4.11。

    回覆刪除
    回覆
    1. 跟沽,而家真係有得食好食,多謝偉哥

      刪除
    2. 3836@3.2X已有貨 現價買唔落
      598繼續坐

      刪除
    3. 598有謠傳話會被剔出,今日證實冇咁的事。

      刪除
    4. 還打算等4蚊 偉哥咁快上 我跟

      刪除
    5. 598 要上破3.45阻力,才有力挑戰4蚊。

      刪除
  15. 952跌到這價, 我自己持貨不多,沽與不沽的分別不大,繼續等。

    不過如果重倉的話,就要衡量一下風險。

    回覆刪除
    回覆
    1. 還有什麼可以等? 等952搵另一個買家?

      刪除
    2. 等死,業績不成,賣盤不成,信心不成,前景不成,唔明點解咁多人仲發緊夢?

      刪除
    3. 貨少,就當等運到。

      正如510,賣盤失敗後曾低見0.25元,幾日後曾升返上0.41元。

      刪除
    4. 先等第一浸沽壓過左先,睇睇有冇好D既位
      之前已講過952 PB 1.5應有支持

      刪除
  16. 141 請問偉哥而加要約整體價係迷升到$8.x?
    特別息多左?

    回覆刪除
    回覆
    1. 應該不是吧? 之前的交易總作價是7元多, 沒記錯的話, 應該不會改價的。

      刪除
    2. 今早出了股東大會通告,應是炒作交易已通過聯交所批准。

      刪除
  17. 温故知新....注意598 今日波幅...有糊可考慮食的補充体力能量行先,,,

    《異動股》MSCI快將公布檢討結果,中集集團現跌逾2% 2016/05/11 14:16
      《經濟通通訊社11日專訊》中集集團(02039)H股現價下跌2﹒43%,報
    10﹒46元;成交約108萬股,涉資1147萬元。A股(深:000039)報
    14﹒02人幣軟0﹒07%,AH溢價59﹒5%。
      中金早前發表報告指,MSCI明晟將於本港時間周五凌晨宣佈半年度評估結果,其中中國
    華融(02799)、新浪、舜宇光學(02382)及深圳國際(00152)納入MSCI
    中國指數可能性較高。而中集集團及大唐發電(00991)或遭剔出指數。
      另外,ADR本次全面納入MSCI中國指數或使「新經濟」股的權重首次超過「舊經濟」
    股份。而阿里巴巴和百度權重上升最多,分別為3﹒5個百分點和2﹒3個百分點。

      表列同板塊或相關股份表現:

      股份(編號)        現價      變幅
      ------------------------------
      納入MSCI中國指數可能性較高股份﹕
      中國華融 (02799)   2﹒67元   下跌1﹒11%
      舜宇光學 (02382)  24﹒45元   上升1﹒87%
      深圳國際 (00152)  12﹒40元   下跌0﹒80%

      可能納入指數觀察名單﹕
      中國再保險(01508)   1﹒83元   無升跌
      達利食品 (03799)   4﹒67元   上升1﹒08%
      敏實集團 (00425)  19﹒70元   上升1﹒76%

      遭剔出指數可能性較高股份﹕
      中集集團 (02039)  10﹒46元   下跌2﹒43%
      大唐發電 (00991)   2﹒10元   無升跌

      可能移除的觀察名單﹕
      華電國際 (01071)   3﹒90元   上升0﹒26%
      中國外運 (00598)   3﹒22元   上升2﹒55%
      中海集運 (02866)   1﹒74元   上升1﹒75%

    回覆刪除
  18. 426 又被不利消息纏身....偉哥真係屋漏偏逢連夜雨....細價股第二季如俄羅斯輪盤.

    一命,二運,三功夫.
    國際,大鱷,愛姑姑.
    牛熊,亂舞,誰在do
    危牆,博擊,考功夫
    注碼,風險,勝大夫.

    回覆刪除
    回覆
    1. 紅鬚綠眼大鱷們齊口手並用來唱淡中國經濟硬著陸!大媽、土豪們自身難保無力勉港股,誰在港上下顛倒已心知肚明!揾大茶飯不會短視一二千恆指咁少,大家買貨真要小心。

      刪除
  19. 近排殼股係人都心寒,隻426跟跌。。。。

    回覆刪除
  20. 回覆
    1. 師兄好重貨?見你唔係第一次呻。
      如果持貨太多的話可考慮減持,令自己心理壓力冇咁大。

      刪除
    2. 30%倉...其實長HOLD都有信心..
      只不過呢幾日見佢日日跌, 想搵D戰友呻下

      刪除
    3. 明白你的感受, 呻下都好既, 等大家支持下

      刪除
    4. 3399近期有不同行大手排沽出(十萬股),市場沒人接,壓住個價,但短期5.3位有強大支持

      刪除
    5. 3399在組合持有超過50%一股都未賣,最近都畀佢拖累到組合只係得平手。有驚就三份計埋偉哥嗰份30%,捱過春頭將是陽光普照,哈哈。

      刪除
    6. 個市況咁都仲係平手,師兄其他股一定賺到開巷

      刪除
    7. 唔駛賺到開巷,走啱位都可以暫時不敗嘅。36沽@0.93,1500沽@0.73, 1848沽@8.6, 320沽@1.15, 598沽@3.9X呢批都夠填數有餘。

      刪除
    8. 終於要輸喇,係咪啱聽啲呢?!哈哈。

      刪除
    9. 沽親都高位^^師兄點解睇得咁準

      刪除
    10. 如果師兄有留意嘅話全部都唔係最高位,一個字有(運)。

      刪除
  21. 請問偉哥,近排殼股氣氛,會否影響365成事機會?

    回覆刪除
    回覆
    1. 早幾日先係股東會通過咗。。。。。。

      刪除
    2. 我自己不覺得會有影響。

      刪除
    3. 聯交應該批了,否則風險超高,近排聯交喜歡與民為敵

      刪除
  22. 952 今朝0.53 全走,蝕左幾萬,當交左學費XD 952 係䄩第一隻跟偉哥買ga股,怪就怪自己無做風險管理,以後買股都係以價值股優先比較好

    回覆刪除
  23. 42繼續陰跌,組合亦隨股價破新低......

    回覆刪除
  24. 722是概率操作还是业绩大跃进?

    回覆刪除
    回覆
    1. 目前還不可能確定業務模式在國內會取得成功,感覺還是炒作概念居多,尤其是近期國內莆田系醫院飽受指責,可能為722在國內的業務打開缺口。

      刪除
    2. 确实。不过722最近开始搞轻资产运行,可能带给大家憧憬;另外722现在符合国家分级医疗的政策。不过看其走势拉升回调,再拉升回调,。。。很有信心的慢牛走势。

      刪除
  25. 回覆
    1. 已經到了自己容許的持倉上限,不增持了。

      刪除
  26. 《港股策略王》今期封面引述消息人士指,港交所(388)最近頻頻拒絕上市公司出售或投資新業務,收緊上市公司透過重組或出售資產方式借殼外,亦正研究調高上市要求,其中在市值方面,主板上市市值最低要求由現時2億元提高至6億元,創業板則提高至3億元。

    消息人士又表示,主板及創業板的市值要求已行逾10年,即使是考慮到每年的通脹亦有必要上調市值要求。

    另外,港交所近期吹風會收緊上市條例,有專門於證券行處理上市融資、不願公開姓名的市場人士向《策略王》透露,殼價會因供應減少而進一步上升,公司要集資平台,一刀切是壓縮了行業的生存空間,並認為殼股需求大增,是由於監管機構收緊條例,推升殼價。

    回覆刪除
  27. 有沒有人知道598咩事會大升?

    回覆刪除
  28. 即日的回應都唔搜?
    今次我樂於再引述 :
    "598有謠傳話會被剔出,今日證實冇咁的事。"

    回覆刪除
  29. 327破底了,沒想到還沒跌完

    回覆刪除
  30. 偉哥認為 3836 會有大作為嗎? 騰訊/鴻海有機會入主嗎? 1121 看來到了收成期, 偉哥點睇?

    回覆刪除
    回覆
    1. 3836目前看重的仍是汽車銷售及售後服務的盈利能力,新能源汽車就暫時不寄予厚望。

      刪除
  31. 【on.cc 東網專訊】 東方產經「MARKET INSIGHT」專欄作者古勝:近期不斷提到,踏入「五窮」月港股無段好睇,繼昨日失守2萬關後,恒指今日弱勢持續,半日跌189點報19,726點。
    MSCI明晟公布指數成分股檢討,中國外運(00598)早前一度被指有機會移除出MSCI中國指數,結果證虛驚一場,帶動其股價逆市彈高9%,中午收報3.35元,成交額增至1.1億元。
    集團首季業績表現不俗,且本身業務兼具航運及物流概念,中長線仍值得看好。該股近日在3元水平成功築底,今日更一度上破10日及50日線,14日RSI動力再現,料股價有力再上,短線目標4元,3元支持未宜失守。

    回覆刪除
    回覆
    1. 己報徍音,是金是針,難防走音,調教琴音,大市不就,短打行軍,看小散心,螳螂捕蟬,亦要小心.

      刪除
  32. 3836仍只是概念,1211仍遠未至收成期,電池技術未成熟突破前,電動車不會成為主流,
    現階段1211非常倚賴補貼

    回覆刪除
    回覆
    1. 電動車其實開始普遍,市場對電動車接受能力其實幾高,電池亦唔係太問題,充電一次足夠市內來回,我每日都見到電動車行走,我認為欠缺的只係一次成功的市場行銷。

      刪除
  33. 中國小型股指數納入967,真係笑話,唔知佢評審点做?

    回覆刪除
    回覆
    1. 以前隻漢能都入得富時指數、MSCI指數....

      刪除
  34. 真係黑起上有係條路。冇心機。雨過總會天晴。

    回覆刪除
  35. 記得這裡有網友講過,基本每一隻股就是一個賭局.誰說的?巳忘記.有賭必有贏輸,做庄當然勝閒吧.大家都在搵食,無話呃唔呃人.我相信要唔輸只可以從偉哥價值股中找長揸的.不過,C9話齋,timing好重要.^^

    回覆刪除
  36. 有時覺得股票要賺幾千蚊好難,但要蝕幾萬蚊就好易,因為通常升就幾%慢慢上,但一跌就雙位%係咁落,非常讚同timing

    回覆刪除
  37. 3322@1.32中左
    始終相信歐國盃之前會有炒作

    回覆刪除
    回覆
    1. 仲記等偉哥上次1.32入過,會唔會再入d^.^

      刪除
    2. 暫時不會, 除非除息前有1.2X

      刪除
    3. 唔知會唔會好似上次咁見1.31就反彈呢
      如果係就做左雙底
      唔係就。。。可能要補番個裂口

      刪除
  38. 買車股不如2333長城啦

    回覆刪除
  39. 隻426跌到有些過份,市值得4.6億,傾緊買盤喎

    回覆刪除
  40. 3836跟偉哥 @4.06

    set太低好似598咁都未撈到就爆返上就 DUM春

    回覆刪除
  41. 朋友在法巴做分析員阿頭,剛說全體員工減薪兩成,連埋花紅減少,相對吾見5成收入,
    他做個位月薪約15萬,花紅8個月,共300萬,今年花紅得番2個月,收入約160萬,

    回覆刪除
    回覆
    1. 一來個市成交已經差, 二來而家D IPO 愈黎愈多分俾中資行做

      刪除
    2. 中資派得唔錯,有雙位數。Bulge Bracket IBD 花紅同人工都幾好。

      刪除
    3. fai兄你朋友做咩部門?equity research?

      Raven兄今年BB好似麻麻喎....不過中資係派得慷慨

      刪除
  42. 好奇一問,個市穿晒支持位,點解仲會建議呢一兩日內買貨?定係應該如偉哥所講, 個市再大跌先買?

    回覆刪除
    回覆
    1. 今日睇信報,見到18800-19500的肥牛多到嚇死人,大戶仲唔趁機鋸牛扒咩!!

      刪除
    2. 偉哥沒有建議呢一兩日內買貨

      刪除
    3. 係囉,所以係咪應該等多一兩日?我主要想明白依家入貨既理由.唔該!

      刪除
    4. 唔會急住入貨。況且大戶都無俾機會我走多d,坐住倉底貨先,依家先放慘慘。

      刪除
    5. 等緊單日跌5、6百點、人踩人的日子。

      刪除
    6. 不過宜家成交縮左,未必咁易有去年7月頭果D咁明顯(又咁值博)既大波幅彈彈波

      刪除
  43. 3399 班雪球小強係咁抽wai gor and 友兄 水,, 想點丫佢地,3399爆升時又唔見佢地出黎抽水,真小人也

    回覆刪除
    回覆
    1. 算吧!呢個世界咩人都有....呢D人沒有感恩的心,不要需理會!wai gor 多謝您!

      刪除
    2. 對, 那些垃圾不理也罷

      刪除
    3. 正是物以類聚,人以群分。

      其他人我不知道,但唱得最淡的那人可以改名換姓在這裡潛伏幾個月時間,心裡明明很憎恨你,但明裡會附和、恭維你,這種小人的行為是大家都看得到的,其他人如果要去與這種小人為伍,由得他們吧,反正我這裡不歡迎這種笑裏藏刀、口蜜腹劍的小人。

      刪除
  44. 426究竟咩事跌成咁?!唔通失敗左?

    回覆刪除
    回覆
    1. 感覺上426係比952既消息拖累, d成交盤都唔似係大戶既所為..

      刪除
  45. “不是沽貨良機,反而是耐心等候大跌買貨"

    等下會大跌,咁唔係應該沽左先咩?

    回覆刪除
    回覆
    1. 意思是不用急於補貨,耐心等候看看有沒有機會大跌.....並不是說一定會大跌,所以要先清貨。

      刪除
    2. 多謝偉哥回覆,其實睇左偉哥手記一段時間,見一般情況,甚至在上年大跌市時現金比例都比較低 (例如現在 15%),想請教偉哥有特別的原因在跌市時不持多些現金 (例如 50%) 嗎?

      刪除
  46. 大戶貌似要殺到19000啲牛證

    回覆刪除
  47. d小丑唱衰d仲好,等緊位加3399

    回覆刪除
  48. 598@3.06 糊 3.4
    可惜補唔返 952、426 呵呵!
    買賣自決,從不怨天怨地只怨己

    謝謝偉哥無私分享!

    回覆刪除
  49. 哈哈,今日總共落咗十個柯打買賣無一成功都係第一次,連最hit隻598@3.45都差少少。

    回覆刪除
  50. 426即刻出左個公告, 再提及禁售期30/6/16完結

    回覆刪除
    回覆
    1. 係唔係6月30日前事敗可以公佈,但事成都只能暗地進行,而公告則要等到6月30日後才可呢?

      刪除
  51. 113
    無形資產減值非現金性盈警!?

    回覆刪除
    回覆
    1. 應該點解讀? (持有113)

      刪除
    2. 本身買113就不是指望業績....

      至於資產減值更加只是一些帳面上的減值,對實際營運、現金流沒有影響。

      刪除
  52. 近期套利股持續無運行....2233低見1.47元、839見1.6元,1293也只是力守4.5元。

    資金之前因為避險所以買套利股,博低風險的回報,但經歷了美國中概股的大波動後,可能連套利股也覺得不是低風險了,所以這幾天套利股持續承受大沽壓。

    回覆刪除
  53. 2317@0.7的大沽盤臨收市前被掃清了。

    回覆刪除
  54. 昨晚68元以下撈的奇虎,今晚盤前交易表現不錯,已升了3元。

    回覆刪除
  55. [cp]【[cp]【宽松短期见顶 M2增速近9个月首次跌破13%】人民日报权威人士提及货币政策过度宽松可能带来的系统性金融风险,预示今年货币政策将重新回归稳健,一季度信贷井喷的情况已经不太可能在后三个季度重演
    A股港股齊齊下跌的原因,港股應該要試萬9點

    回覆刪除
  56. 個人認為大市都係窄幅上落多
    唔會有明顯好/壞既因素出現

    回覆刪除
  57. 我撐偉哥,尋日平均價4.3掃多5萬股3399
    仲有3注如果再插再掃

    回覆刪除

注意:只有此網誌的成員可以留言。