置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年8月25日 星期二

走過2008的日子 (上)


2008年金融海嘯相信對不少網友而言,已是記憶模糊,又或者根本沒有經歷過2008年的金融海嘯,故此也忘記了當年的應對之法。

我在2010年5月寫了一篇事後檢討,題目名為“前事不忘,後事之師”,現在又可以拿出來翻用,茲節錄主要內容供大家參考:

1. 自己以往一直將手上的流動資金分作三份, 一份作股票投資之用, 一份用作期權、期貨買賣所需的按金, 一份用作後備資金, 等待股災發生才派上用場,資金管理本來不錯, 理應可以輕鬆應付可能發生的股災。但問題出在自己低估上次金融海嘯的規模與深度, 亦低估期權短倉的按金增幅可以如此之鉅。最終結果是很多股票期權及指數期權的IV一度升上100以上,自己的期權短倉按金亦以倍數上升, 並因為貪圖期權金吸引, 繼續加大短倉, 導致2/3的後備資金被逼用於補倉, 只餘1/3的後備資金去吸納賤價好股, 與當初的設想大相逕庭。雖然經過多個月的奮鬥, 期權短倉最終安然渡過難關, 並且獲得不俗利潤, 但如果此筆資金用作低吸好股, 回報會更佳。

結論:當"預期"大市可能出現較大波幅, 尤其是跌幅之時, 應該適當減少期權短倉,以降低風險, 並保留資金, 等待買"跳樓貨"之用。 

2.在股市出現大跌後, 自己並沒有將手上的股仔止蝕, 相反是越低越買, 不斷溝貨, 直至所有現金用盡為止。現金用盡之後, 會進行換馬行動, 沽出值博率較低的股份, 買入值博率較高的股份。由於所有資金都是閒資, 並不影響日常生活, 所以止蝕的壓力不大。這策略事後証明是成功的, 股市在各國推出刺激經濟措施後, 大幅反彈, 手上的股票組合很快便有利可圖。

結論:大跌市撈底好股,長線而言是有利可圖。所以真正的價值投資者, 不應怕股災, 只應怕股災發生時, 沒有足夠資金去撈底, 所以資金管理是很重要的。

3.在上年金融海嘯期間, 股市出現非理性下跌、甚至是恐慌性沽貨,股票的價值根本難以計算。跌到一萬五千點時, 大家都覺得已很便宜, 誰知低處未算低;跌到3、4倍市盈率、10厘以上股息的股票比比皆是, 當時大家都戲言, 可能今日的低位, 已是明日的高位。在此情況下, 撈底的策略及資金的管理更顯得重要: 自己幸好沒有一次過投入所有資金撈底, 所以即使跌到一萬三千點時, 仍有少量資金可以入貨。

結論: 撈底要有策略, 宜分段進行, 不然在不理性拋售後, 出現更不理性拋售時,你已經無能為力, 只能做旁觀者。

4. 不知道大家還記得金融海嘯時撈過什麼股? 回看當時的月結單, 可能大家不信我曾買入751@0.3, 38@0.75, 2000@0.355, 569@0.6, 489@1.5......., 但如果當時有與我並肩作戰的, 肯定記得我當時撈底的主力是1177, 2333, 2722, 1883, 2313等, 最差的1883之後都比低位有3倍以上升幅, 最厲害的2333, 2722, 1177等, 當時看好的人極少, 但自己仍勇於作主力吸納對象,之後都有接近10倍, 或10倍以上的升幅, 但很可惜, 自己等不到幾倍升幅, 已於升幾成至一、兩倍的時候沽清, 缺乏耐性、信心去等這些好股恢復其合理估值。

結論:在股災發生時撈底是高風險投資行為, 所以要求高回報是理所當然的。但此高回報不是我們平時所要求的幾成至一倍以上的回報, 而是動輒幾倍以上的回報, 才能衡量當時撈底的風險。 

----------------------------------------------------------------------------------------------------------------------

上述內容或者部份與現況有些不符,但我相信大部份看法仍適用於目前市況。

下篇會補充些少看法。

117 則留言:

  1. 偉哥厲害!
    我食完飯返來先賺2注, 最後一注熊仔睇位食, 各位真係要小心

    回覆刪除
    回覆
    1. 放埋最尾一注, 睇位轉牛仔
      真係難為正邪定分界

      刪除
    2. 借問聲少年股神隻牛仔係邊個number, 可唔可以分享?

      刪除
    3. 睇返留言, 只想講句, 其他活躍份子買正股牛CALL賺錢不斷 +50 +100 +200 就叻仔, post出來無建設性唔係廢up; 俾山埃number就叫人唔好話佢, 佢仍然係聖人.
      我留言一早睇跌買熊, 一齊跟買跟沽都賺錢, 咁就係就邪人, 真係唔知乜世界.

      刪除
    4. 我地都知你又醒又勁,不過都尊重下其他人唔好不停洗板,建議你不如自己開個新BLOG,你鐘意講乜都得,大家都會支持你開張大吉。

      刪除
    5. 好, 呢度偉哥主場, 我返去Discuss算, 88

      刪除
  2. 有2個問題想問,
    1. #350 想買黎避險, 大概程序係點?
    2. 偉哥準備撈咩股, 參考下

    多謝回答

    回覆刪除
    回覆
    1. 上篇吙講左買乜股LO, 程序咪又上篇講果下LO,咪又係10% 股東過第一關,跟住75%股東贊成咁.你不如自已諗清楚12元呢個要約價成功機會大唔大好過!!

      刪除
    2. 買乜股你睇睇業績再講出來研下, 昨晚1322 剛公佈業績,我是但計了計全年都有每股$0.32 ,如以市價3.21, 約PE7 - 9 , 主要業務盈利有上升,而現金流可以維持股息支出.
      有錯請指出

      刪除
    3. 多謝解答, 本人股齡淺
      多多包涵

      刪除
    4. 唔好意思,語氣有點過火, 建議兄弟睇番之前偉哥買賣同類型股的文章,或會用好多時間,獲益良多. 但適逢現時市咁樣,如兄弟股齡淺,不建議入市.本人現玩了約三年多,也是首遇股市這樣

      刪除
  3. 回覆
    1. 這個價已完全是熊市價.....但如果有機會低至11元的話會更吸引。

      刪除
    2. 而家團家提倡減少煤使用, 空氣污染太勁, 師兄仲敢買神華

      刪除
    3. 我看到價錢好吸引, 不過看5年圖/8年圖後不太敢買..
      這股在這幾年好像一直下降中.

      刪除
    4. 人民幣貶值的收害股,不宜沾手。

      刪除
    5. 如果 不是 大部人 不看好煤, 人仔又貶值, 有機會這個價買 華神 嗎 ?

      有師兄敢大大注買幾億市值股仔, 那麼我點解唔敢用萬幾銀開始低位收集華神, 買十注都係十幾萬.

      如果比到位我, 我起碼用 3 份 1 資金繼續 買 石油, 煤, 礦 股. 老實講, 我只怕個市唔跌, 從未怕過會輸 或 止蝕.

      刪除
  4. mon住隻66436牛,今朝由地獄上左天堂 (0.01 > 0.89),終於到瓜左。

    回覆刪除
    回覆
    1. 還以為不kill21000肥牛,完來想養肥d,最低20997!

      刪除
    2. 琴日有諗過呢隻牛,最後都放棄左。
      20997,大戶目標完成。

      今日會睇番綠,
      應該不是彈散市。

      刪除
    3. 一日淡倉唔多,未平倉合約無大幅降低都未考慮牛住。

      刪除
  5. 没有经过2008的经验,非常感激您的分享。
    看来应该每天都将是没有最低只有更低。今天的港股市场应该有很多a股投资者。a股股值现阶段还是非常高。a股继续的下跌一定会影响港股。a股还要跌多少才合理? 当跌到合理时,如果显生其他经济结构上的问题,那又将影响港股...没有最低只有更低的情况.

    回覆刪除
  6. 果然朝早係一個伏黎...

    回覆刪除
  7. dear wai gor

    i like this old article,當年讀時勁有feel,之後偉哥quote 過數次,大部份都適用

    回覆刪除
  8. 甘既市… 人都癲…
    強行殺落去

    回覆刪除
  9. 睇嚟想懶都唔得沽出592換馬1829,如果唔做就只會越買越多。

    回覆刪除
  10. 尋晚殺好友,再殺淡友,上下波幅千幾點,大鱷殺得真過癮,今日上下波幅亦不少,炒期指𧗠生工具最鍾意呢的市况。

    現今最佳策略盡量少買賣,搏反彈難度高,分分鐘贏粒糖輸間廠,忍耐吓等風暴過去希望各位能安然度過呢場股災。

    回覆刪除
  11. 550@1.96的買盤成交左。

    翻睇左幾次通告,基本上現在買家應該無可能反悔,一定要出要約:

    根據通過,待下列先決條件達成後,買賣完成方可作實:

    (i) 股份於聯交所之上市或買賣於買賣完成前任何時間未有遭撤銷或撤回;

    (ii) 聯交所或證監會概無決定股份之上市將在與買賣協議或出售協議項下擬進行
    之任何交易有關之買賣完成後任何時間遭撤銷或撤回,或將由於出售協議擬
    進行之交易導致本公司營運或資產不足而將被暫停;

    (iii) 按照收購守則、上市規則及所有其他相關規則及法規所規定,獨立股東於正
    式召開之股東大會上通過決議案批准出售事項及本公司訂立出售協議,以及
    出售協議成為無條件;及

    (iv) 按照收購守則規則25及╱或規則25註釋4獲得執行人員同意出售事項(並已由
    賣方向聯席要約人提供聯席要約人所信納之證明),且有關同意並無或擬定或受威脅將予以撤銷或終止。

    最重要的第三項已達成,剩餘的1、2項是例牌條款,只要550不被停牌或除牌就自然達成;而第4項是基於第3項,第3項達成了,第4項也自然達成。


    博低風險的接近4%回報。估唔到事隔半年之後,又可以玩返低風險套利。

    回覆刪除
    回覆
    1. 偉哥,以你的估計,這個收購的時間表如何?

      刪除
    2. 條件應該已達成, 理論上短期內要出要約。

      刪除
    3. 偉哥你好! 小弟初來報到, 都想跟大家學下野。尋日都問過一D GO 股的問題, 多謝偉哥的答覆先!

      對於先傳媒的要約, 小弟都覺得甚有把握, 但偉哥覺得先傳媒有可能面對1143(未改terms 之前)的問題嗎(過唔到上市規則13.24條)? 因為先傳媒都賣左資產俾原大股東, 而該資產的revenue 係133mil HKD, 佔原來總收入的81%(賣完資產的收入為31mil)。

      《上市規則》第13.24條規定,發行人須有足夠的業務運作或擁有相當價值的有形資
      產或無形資產(就無形資產而言,發行人須證明其潛在價值),其證券才得以繼續在
      本交易所上市。

      刪除
    4. 這點我相信問題不大,因為550在出售業務給原大股東後,只是營業額減少,但盈利能力及資產值沒有減少,故此應該符合上市規則。

      刪除
  12. 隻銀泰算幾實正,成個星期只是回得10%。

    回覆刪除
    回覆
    1. 當硬正既股都開始插埋既時候會唔會係差不多見底跡象

      刪除
    2. 1299之前都好硬,現在都回落不小,很難判斷

      刪除
  13. 今次股災學會唔應該全倉上陣 搞到而加咩都做唔到 止蝕又太遲 唉...

    回覆刪除
  14. Ciara姐見你上個post話

    Ciara2015年8月25日 上午11:58

    要撈底我會睇埋買賣 momentum

    係指動量指標Momentum (MTM)?
    可以分享下嗎??thx

    回覆刪除
    回覆
    1. momentum 是有計算公式

      但自己累積的經驗和感覺 也重要

      謝謝提問.

      刪除
    2. 作者已經移除這則留言。

      刪除
  15. 有沒有發現....七月時大跌巿跌停的流動性問題...
    這兩天跌巿中好像都沒有重現?
    是不是有什麼基本因素改變了?

    回覆刪除
    回覆
    1. 國內的融資餘額已大減,去桿杆已差不多完成,現在是去泡沫。

      如果跌到2000-2500點,相信去泡沫也差不多完成一半,很多基金、投資者都肯入場買貨。

      刪除
    2. 我想這也是原因為何國家隊這次沒有再出手了.

      刪除
    3. 國家隊輸緊錢,指數計-15%,人民幣中間價又托唔住(穿埋6.4),儲備彈藥成疑。希望亞爺是不干預而非技窮。

      刪除
    4. 可能亞爺等埋8月PMI出, 及93閱兵, 一次過.

      刪除
    5. 日成交太大,國家隊想救也不能。

      跌至股市無人問津,一下反手來一個千軍萬馬方能成功。

      刪除
    6. 作者已經移除這則留言。

      刪除
  16. A股如果以每日8%的幅度下跌,最多跌多兩日應該會見短期底部支持,然後有較大力度的反彈。

    回覆刪除
    回覆
    1. 再回18%, a股股值还是不便宜。但a股不是谈股值的地方.

      刪除
    2. 希望這次大跌之後, A股能夠在一段時間內回復健康發展吧.

      刪除
    3. 所以突然間爆升,好快又暴跌。十年如一。

      刪除
    4. 跌到2500點,應該會有部份a股會具有長遠的投資價值。

      刪除
  17. 6128

    但係買賣盤都好弱

    回覆刪除
  18. 見到呢篇主題,又回想0708年。熊市最傷是跌完可以再跌,超賣當食生菜。升市追貨跌落黎唔傷,因為升個陣都唔敢大大注;跌市追貨可能會輸死人,因為本身已進場,見跌咁多再大注d無妨,0708交左唔少學費。

    回覆刪除
  19. 副隊,其實睇番185都大成交,但又唔似散戶買,係咩人買呢,純粹討論下

    回覆刪除
    回覆
    1. 作者已經移除這則留言。

      刪除
    2. 建銀20>21aug
      由55.6%>55.9%

      刪除
    3. 買隻殼股番黎又唔注入業務,又不斷沉底,真係諗唔明

      刪除
  20. 小三A ,
    前文改了你的網名只說說笑, 別怪。

    回覆刪除
  21. 597創五十二週低,比珠船弱

    回覆刪除
  22. 回覆
    1. 睇左幾日,得中銀國際收貨,今日個掛盤3.77M都被收左。跌咁多,只能繼續持有觀望了。

      刪除
    2. 望510停牌完有好消息,帶動其他券商啦(利申:0.6斬左510)。除左等大市回升都無咩可做。

      刪除
    3. 我已經想額外抽D 錢出黎溝貨......

      刪除
    4. 現況不要溝貨, 只會越溝越低。

      刪除
    5. TONY CHING 你有幾多手貨?

      刪除
    6. 60K 價值既貨定60K股先..XDXD
      差好遠.

      刪除
    7. 時富金融董事會及時富投資董事會謹此向時富金融及時富投資的股東及潛在投資者共同公
      佈最新情況,於本聯合公佈日期,時富金融及時富投資已終止與所有潛在投資者就有可能
      交易之協商。因此,就收購守則而言,時富金融之要約期已告結束。

      SHIT...

      刪除
    8. 貨啦,投機野買小小咋

      刪除
    9. 真後悔第一次反彈時冇CUT LOSS...
      真是一個好好教訓..

      刪除
    10. 510 真係令唔少人損手,小弟曾於0.72入,0.6斬左已經覺得慶幸。

      刪除
    11. pk 關,依个時候用這個價賣,唔洗諗……好彩一早打510入老千股

      刪除
    12. 其實,之前5 10 兄上星期留左言,但幾分鐘後DELETE 左。

      佢話對唔住各位,依家既市況,單買賣真係傾唔成。

      刪除
  23. 今日好似參觀屠宰場,睇住殺熊殺牛殺人,哈哈。

    回覆刪除
    回覆
    1. Derek兄
      605業績不錯,還公布收購金融平台,現價吸引

      刪除
    2. 剛想出街睇見你報喜真感謝。呢隻還持有一股都未放等運到,哈哈。

      刪除
    3. 我之前買的已上兩個星期走了。今天見公告業績後覺得不錯就高追了,但又怕只是超跌後反彈再跌,所以蝕2-3%又走了。我覺得自己犯了嚴重的錯誤,應該好好學習控制跌市中自己的情緒,繼續持貨。。 。後悔中。。。

      刪除
    4. Derek兄
      呢隻我有信心,不過買入價唔好,成本要$0.9,深套中,現在只能坐了

      刪除
    5. 呢隻我可謂貪勝不知輸,贏就谷輸無縮也好彩上次大插0.3x買入多少拉低成本至低於配股價。計埋息率有4.x都可以同佢斯守吓.

      刪除
  24. 2008年比現在更難過,不過那時我無乜貨,但跌到低位亦沒入貨,26000轉了所有MPF入保本基金,較安尉只是12000把所MPF 錢轉為恆指基金。今天就hold大貨,等跌,不過計及言二天沽出投機股,現有2x-30%等接刀, 但日日跌的日子不易過,現在只有這裡找到戰友去共同渡過,身邊股友已沒入市,他們只會當旺市才出現。跌市買股是alone經驗,今年盈利只剩很小,跟偉哥咁耐學了乜是價值股,現分小注買及等恐慌入貨,謝謝大家及偉哥,大家一同渡過此艱難時間。

    回覆刪除
  25. 今日已將所有自己覺得無信心GE 股份都沽晒........慶幸只蝕幾萬..
    剩下的3399, 2722, 都蝕緊, 而家等就睇位加注....
    呢個時勢真系多做多錯,少做少錯, 唔做就唔錯啦

    回覆刪除
    回覆
    1. 係,之前放了所有貨,今日都忍唔住高追一隻業績不差的股票。但最後都是蝕3%放佐,其實應該可以HOLD,不過現在情緒上不敢持貨。看來應該好好調整一下心態及策略才是現在我應該做的。

      刪除
    2. 同你一樣情緒上恐慌, 所以手持現金為主, 另覺得應該仲有得跌, 所以等跌勢喘定先再買貨啦. 因問無偉哥GE 膽識加選股技巧. 所以慢慢黎啦

      刪除
  26. 我都分享下09年操作,590 六福 低于2元入,11年40出,中间一股没卖,赚20倍,人生最大一笔单一收入。同时也操作过莎莎,卓悦,周生生等香港零售股,收获颇丰。 最失败是买入百仕达,后面割肉50%离场,瑞安建业小亏损卖出,避过飞毛腿1399福建民企,好彩卖的早,否则渣都没。 整体利润300%,1蚊炒到4蚊,熊市才是人生转折点。 08年股灾百年难得一遇,希望再有类似机会。

    回覆刪除
    回覆
    1. 当年抓到了消费这个主题,20倍好和味啊。这次股灾后,不知道会是哪个行业、主题会跑赢?

      刪除
    2. 厲害!!! 我最強都係653賺6倍走. 如果安踏從來都沒放, 我也可賺十倍. 可惜中間走了.

      刪除
    3. 厲害!!! 我最強都係653賺6倍走. 如果安踏從來都沒放, 我也可賺十倍. 可惜中間走了.

      刪除
  27. 許留山兄,有空多點回來留言討論,不用介懷185,事前你已講明 “一起買股,從來都是一起發達的少,一起pk 的例子多,風險自負”

    買股下注,素來都是講值博率,冇一個人有水晶球。值博率是甚麼? 就是買的時候除了預期高回報外,還預計埋可能跑吾出的情況。

    網上有緣認識,但未曾留言交談過。有兩個印象我幾深刻,一是你度蜜月的地方--- Hallstatt ,二是覺得你幾風趣,記得有次開玩笑 cy l 兄 的網名,人人笑說是特首時,你說以為是 齊昕,哈哈,我當場大笑出來。

    在大跌市,除了恐慌,也是食大茶飯的機會。一起理性討論,一起在恐懼中買股。還有,多講些笑話,可以在淡市中苦中作樂。

    回覆刪除
    回覆
    1. 係囉,多D番黎留言啦!
      我自己買185都係衰貪心,0.4果陣又唔放,陰陰跌又冇止蝕...真係自己操作有問題
      要好好檢討下...

      刪除
    2. 作者已經移除這則留言。

      刪除
    3. 係呀,許兄風趣幽默,可以對住Hallstatt湖光山色做一兩單買賣添!隻!*%做晒資料俾大家睇仲話明風險,同副隊一樣咁攞住D資料嚟分析,多謝都嚟唔切啦,冇理由輸打贏要掛,大家講理啫。

      話時話,若果要有對住Hallstatt湖光山色做買賣嗰種意景,依家好似北望廣州都有,唔到你唔服:
      https://en.m.wikipedia.org/wiki/Hallstatt_(China)

      刪除
    4. 185其實我都有跟,0.375in 0.395out,再0.340in0.34out返,呢隻無咩點輸,可能因為我太細膽,唔熟果d唔敢捱太深價,輸贏一半係操作,一半係運氣

      刪除
  28. 留意到384中国燃气这两天都在回购,是否说明目前股价已经跌出价值了?

    回覆刪除
  29. 公司自己回購定大股東自己回購先?如果公司回購你就望下隻3333就會明,大股東自己回購就有少少參考性

    回覆刪除
  30. 偉哥 2722 仍有信心?
    2722 價值位在於國內基金能買進 咁先升到
    不然就係隔岸觀火
    何況若國內真的股災 PE 回到10左右的國企應有不少 那2722價值就不大

    此外推介 698
    原因:
    1) 兩個月前曾配股 1.28 代替現金作收購其他公司之用 此後就由1.6x一直回落 若未曾沽清
    那 1.28左右沒太大沽壓

    2) 發行了 2018到期的CB 可換價為1.88, 1.88此數字是如此得出? 相信是算了公司的前景
    若然如此那過2元的機會是有的
    http://www.hkexnews.hk/listedco/listconews/SEHK/2015/0615/LTN20150615820_C.pdf

    3) 大水喉小米的前景
    小米的銷售早已不只在內地發售
    不只依靠內需
    老實說 能走出中國的品牌確實少之有少
    加上性價比高 平
    在手機不能缺的時代
    環球經濟對小米既影響至少會比汽車等luxury product 少

    中國的內需是追趕到美國的
    但中國要追上美國仍有一段距離
    至少要一個全球通行的品牌作為出口
    so far 五隻手指數哂

    回覆刪除
  31. 我唔該各位真係唔好理d閒人,咁多人回應咪一路嘈落去,對我黎講兩邊都係浪費留言。成熟少少

    回覆刪除

注意:只有此網誌的成員可以留言。