置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2020年6月26日 星期五

6月留言區開放- 6月27日



各位,6月留言區將於星期六中午至晚上開放,網友們如想留言及發問,請集中在這裡發表,謝謝。

71 則留言:

  1. 偉哥弘陽同海普瑞落左注未?

    回覆刪除
    回覆
    1. 弘陽未落注, 等緊有冇95孖做, 冇的話基於資金效益問題, 可能轉落有40倍或20倍槓桿的新股度。

      海普瑞落左一張B頭博下。

      刪除
    2. 不過我未知思摩爾及正榮服務的估值, 所以如果兩者估值吸引的話, 不排除會取消目前反應一般的海普瑞, 集中火力去確定性更高的。

      刪除
    3. 偉哥,海普瑞的確定性不是比較高一點嗎?我的想法是,一方面公司在a股已經上市,這跟康龍化成對相似。另一方面雖然公司在2019年的收入相對於2018年的收入下跌了4%,毛利方面也下跌了10%,年內利潤卻增加了 69.2%。假如公司管理層在銷售成本方面多加努力,相信可以改善毛利率。以上只是我的個人看法,希望偉哥賜教。謝謝!

      刪除
    4. 確定性最高的肯定不是海普瑞, 因為AH折讓是普遍存在的, 所以H股定價有折讓, 但不代表一定會縮窄,只能期望中籤率高可以彌補升幅小。

      刪除
    5. 謝謝偉哥回覆。我再看了一些資料和報導分析,看來海普瑞的財務「水份」不少,還是您看得準。

      刪除
  2. 偉哥最近認購了那些新股?

    回覆刪除
    回覆
    1. 最近就金融街、海普瑞, 預計下星期的歐康維視及思摩爾都會落, 弘陽冇95孖的話可能放棄, 因太多新股, 資金短缺。

      刪除
  3. 偉哥,你有無留意過751嘅溢價回購要約公告?有幾個問題想請教:
    1. 你覺得要約條件容易過關嗎?特別是申請清洗豁免全購那條
    2. 通常由公告日期至到知道特別股東會投票結果需時幾耐?
    3. 公司為何要這樣做,而不直接從市場回購?
    4. 以往有無其他公司咁樣做過?有沒有股價走勢可以參考?
    5. 最後偉哥你點睇呢次要約以及公司前景?

    抱歉問題比較多,因為第一次遇到咁嘅情況,先謝!

    回覆刪除
    回覆
    1. 1. 應該容易過關;
      2. 你可以參考下之前1528、983的部份回購的例子;
      3. 市場回購的話, 因回購量大, 好容易就掃高股價, 令到回購成本大增;
      4. 參考983, 1528;
      5. 因估值便宜, 公司大手回購去提升股東權益, 合理做法。前景就不清楚, 沒有研究這股, 不過競爭還是劇烈的。

      刪除
    2. 偉哥
      問一下

      意思係我現在買可以等到要約成功後賣回給公司?

      刪除
    3. 這是部份要約,所以並不是按要約回購價全收你的持股, 只是按比例收部份, 你可以睇返以前1528、983部份回購的例子就明。

      刪除
  4. 偉哥,9966、1066您近期都有買入再賣出再買入,因股價感覺都不算平,請問偉哥是看好未來的增長還是只是他們比同業平呢?或是有別的原因可分享嗎?感謝!

    回覆刪除
    回覆
    1. 9966對標9926, 確定性是不及9926, 加上國內資金都喜歡9926, 所以9966目前折讓較大, 我就繼續持有9966等下。不過要留意生科股的風險極大, 不能純計算有幾多管道去計算估值, 因為很多新藥研發可能會失敗告終, 所以風險不小的。
      至於1066, 作為醫療器械股, 估值比1858、1789、1501等有較大折讓, 不過其技術也相對較為低端,正進行分拆骨科業務在A股上市, 希望可以提升估值。

      刪除
  5. 偉哥,首先謝謝您的分享和文章。請問您有沒有閱讀和投資相關書籍的習慣?如果有的話,有沒有什麼推薦?我希望除了通過實戰,也透過閱讀加深自己投資的知識,尤其是關於估值的計算。謝謝!

    回覆刪除
    回覆
    1. 很抱歉我沒有閱讀太多的財經書籍, 現在主要是看看網上的投資分析文章, 尤其是有關個別行業和股票的分析, 加強一些新經濟股的認識, 而很多文章都可以通過google或雪球看到的。

      刪除
  6. 偉哥,請問你對ATM及7月份大市的看法?

    回覆刪除
    回覆
    1. ATM中, 我一向覺得A是最平, 但股價最落後都係佢, 可能因為潛在增長放緩; TM 越升越有, 唔識評論。

      至於大市沒有特別看法, 市場資金充裕, 最近疫情或者其它壞消息好似對大市都影響不大, 唔識睇, 目前似乎仍是選股重要過睇市, 如果唔係炒衍生工具的話。

      刪除
  7. 偉哥,請問仲有無留意3688? 有無咩睇法?

    回覆刪除
    回覆
    1. 沒有留意了, 現在轉型買中、大型股及新經濟股為主, 舊經濟股及小型股少左睇, 除非是一些有event的。
      現在市場根本看不上大折讓、舊經濟股, 都是圍爐炒增長股、新經濟股, 所以近日越來越多低估值的舊經濟股實在平得過份, 就選擇私有化退場。

      刪除
    2. 可提供中 大型股可買作參考嗎? 謝謝

      刪除
  8. 偉哥,想問你點睇853 無港股通會突然升上去?

    回覆刪除
    回覆
    1. 我們猜測可能是853日前的配售是比左知名基金, 例如Hillhouse增持, 等7月初睇下Hillhouse有冇披露增持就知道。

      刪除
  9. 偉哥
    請問一下對6826停了回購的看法?
    另外無記錯6826的成本價係31到?

    回覆刪除
    回覆
    1. 我們在Patreon都有討論過, 似乎不是因為無額度或者不想回購, 而是可能有些股價敏感的事項進行中, 令其要暫停回購, 最大可能是有潛在收購進行中。

      刪除
    2. 謝謝偉哥回購
      可否講多少少對2858睇法
      因見偉哥買了大大注
      偉哥是期望市場會發現騰訊私有化2858做親生仔
      產生憧憬然後熱炒一番?
      然後

      刪除
    3. 2858邏輯很簡單, 就是做左親生仔, 希望在業務上會扶持、甚至注資, 而大注的原因假設易車私有化會順利過關, 那在要約完成前, 都會有保底價。

      刪除
  10. 偉哥,請問你對今年恆指的目標是多少呢?
    因為現在已近25000 ,值博率還高嗎?可是又沒有見到你有減持股票。
    而本人對後市是沒有信心的,而最近的疫情沒有好轉及中美的貿易關係更是令人擔憂!
    是否因為QE的關係,所以對後市會樂觀一點呢!

    回覆刪除
    回覆
    1. 我不是賭市, 所以一向都不會太在意恒指, 沒有目標價。
      我其實一直有講, 今年大部份時間現金比重都接近4成左右, 會是相對保守的配置, 並不算樂觀。

      刪除
  11. 偉哥,你對永泰生物的評價如何呢?

    回覆刪除
    回覆
    1. 生科股我不熟, IPO 是否認購就看保薦人及有沒有知名行業基金出任基石, 就憑這兩點你自己都可以判斷到永泰是否值博。

      其次, 可以自行搜索下近來永泰的新聞。

      刪除
  12. 偉哥, 我買了8221, 為何他有要約價HKD0.0812. 但現在Trade緊HKD0.069. 點解會有咁大折讓? 是否要約仍有變數, 而令其不能提出?

    回覆刪除
    回覆
    1. 要約的前提是控股權轉讓得以順利完成, 但要留意這公司是經營証券業務, 所以涉及股東轉換要證監會審批, 而證監會對於持牌人士的轉換審批是非常嚴格, 以前都試過不獲批准, 這是最大的風險。

      刪除
  13. 偉哥,請教兩個問題。1.我成日睇到兩個買賣盤,券商嘅名係virtu ITG,同埋,極訊亞太,但我用webb-site 搵唔到呢隻股票有存倉係呢兩個名嘅券商,點解啊?

    2.而家嘅殼股,係唔係冇乜投資價值啊?因為我睇好多都跌到成個公司市值得返幾千萬。

    回覆刪除
    回覆
    1. 1. 呢兩間行通常幫機構投資者買賣, 而機構投資者一般是選擇一間固定的Custodian 存倉, 例如匯豐或渣打銀行, 然後可以通過不同的券商買賣, 再由Custodian倉調貨去交收, 所以你睇到極訊亞太好多買賣, 但佢地只係做交易商, 買賣的貨不是存在他們那裡的。

      2. 殼股由上年開始, 已是有價冇市, 一來監管極嚴, 二來內地資金要匯出來不容易, 所以需求極低。

      刪除
  14. 偉哥 請教對772閱文的看法
    772少有地係由騰訊做母公司而非投資者的公司 持股超過5成 近期亦換左騰訊管理層直接管理 加上收購左新麗又多左增長動力

    回覆刪除
    回覆
    1. 因為我對閱文沒有太深入研究, 只係會經常睇佢D網文, 所以實際上對佢基本面的認識有限, 就不評論了。不過雪球應該有不少的討論, 你可以去參考下, 相信會比我的意見更有用。

      刪除
  15. 多謝偉哥解答疑惑!感謝!🙏

    回覆刪除
  16. 請問偉哥,2308私有化值唔值得搏?有冇參與?

    回覆刪除
    回覆
    1. 我目前未有參與2308私有化, 一來資金打新, 比較緊張, 其次是H股要做要約, 要90%小股東接受要約, 私有化才過關, 這是最大難關。

      等稍後出左私有化通函, 有左時間表後, 我再考慮是否參與。

      刪除
  17. 偉哥,想請教下1846德視佳:
    1. 「股東徐旭陽透過其控股的法團Ling Rui International Trading Company Limited於6月22日在場内以每股平均價4.5041港元減持317萬股,涉資約1427.8萬港元。」

    但睇返6月22日當日收市$5.86,都無跌到落$4.5,而且成交也沒317萬股咁多。係咪代表有人直接接貨,而不是在市場上買賣促成交易?

    2. 另外見到大股東在6月開始,以公司名義(應該是自己公司,非1846)及個人名義都增持股份。點解要咁做既?同樣可以解讀係對市場利好的訊號嗎?

    感謝!🙏

    回覆刪除
    回覆
    1. 1. 應該係佢申報訊息錯誤, 其不是在6月22日一日減持317萬股, 而是在過去一段時間以均價4.504減持317萬股, 6月22日這一日的減持量令佢持股數跨越一個完整%, 所以要作出申報。

      2. 唔知佢點解有這安排, 不過只要是其直接權益, 我自己覺得沒有大分別。

      刪除
    2. thank you 偉哥, 明白哂!

      刪除
  18. 偉哥,另外想請問有抽中多少康基及海吉亞嗎?短期會考慮獲利嗎?

    回覆刪除
    回覆
    1. 抽中24500股康基及11800股海吉亞, 已於昨天暗盤全沽。

      刪除
  19. 偉哥, 你好, 感謝你仍看顧体諒我們還未到新版的網友
    想請問:
    1)是否在新版的全部文章也會在這裏刊登, 只是時間會遲一點? 因好像有些沒有在這邊見到
    2)有関新股的文章, 可否早些發放? 因有時好想參考偉哥的意見才作決定 (如比較熱的新股,能否在交易日誌透露一下取向,如大注細注,我知小型股未轉版前巳講左不會透露的)
    3)是否仍持有康方及沛嘉?
    4)偉哥, 是否認為醫療和物管股現在的估值巳太高?
    5)面對疫情, 市道差, 銀行低息,好多企業唔派息, 除了股票及樓外, 如何可為資產增值?
    6)現在的五大持股是?
    7)會否抽9906?

    唔好意思, 好多問題, 因上兩月都有事錯過左發問, 謝謝!

    回覆刪除
    回覆
    1. 1. 不是全部文章, 大約8、9成文章會在Blogger刊登, 有少部份沒有轉載。
      2. 只能盡量。
      3. 沒有。
      4. 醫療及物管確實估值頗高, 尤其前者, 我自己覺得有泡沫。
      5. 沒有,我的投資資產都係股、樓、金。
      6. 五大持股在Patreon有寫, 不過這會是Patreon會員專享, 未必在這裡分享了。
      7. 不會。

      刪除
  20. 偉哥,請問歐康維視有沒有已上市的公司作對比?
    你申購有貨後會像6185留部分作中長線持有?

    回覆刪除
    回覆
    1. A股應該是兴齐眼药(SZ:300573)。

      港股沒有一隻完全類似的, 而有近似業務的可能是6826, 512, 1061。

      我都係睇股價, 如果一上市股價就一步到位, 那我應該都會沽貨止賺先。

      刪除
  21. 請問 恆大3333好多回購。是好定壞?
    可入嗎? 目標幾多? 謝謝

    回覆刪除
    回覆
    1. 佢負債好高, 所以回購會加重財政負擔, 我都不知是好定壞。

      恕我無法提供買賣建議。

      刪除
  22. 偉哥你好。想請問一下對2683的睇法?今年純利大倒退只係因為兩個客戶做撥備,生意並沒有減退。只要這兩個客仔重組後正常營運返,2683應該前景都無咩問題。

    回覆刪除
    回覆
    1. 歐美客戶大受影響, 2683不可能獨善其身, 今年的目標應該是求生存, 不要奢望太多。

      刪除
  23. Sorry 偉哥,最後果句應該是問題嚟,2683應該前景都無咩問題?

    回覆刪除
  24. 偉哥 請問正榮會抽嗎 ? 注碼上佢同歐康會邊隻落大注D

    2858 你還持有嗎? 謝謝

    回覆刪除
    回覆
    1. 正榮未清楚估值, 唔確定會否認購。

      除新股外, 我所有買賣都會係交易區披露, 你可以留意下。

      刪除
  25. 又來呢邊望吓,偉哥好多問題答,好似輪街症咁😆

    回覆刪除
  26. 偉哥1778點睇 之前跟你買就冇放
    成日上到四個幾又跌返落嚟 另外想問點樣決定炒波幅? 成日想放 又驚買唔返。。

    回覆刪除
    回覆
    1. 1778我之前止蝕時都有講, 無增長的物管股, 市場只願給多很低的估值。

      刪除
  27. 另外內房股2777點睇 一月頭跟你買 之後你放咗我冇放。。。 點樣決定斬欖?

    回覆刪除
    回覆
    1. 一種最簡單的方法, 是設定止蝕位, 到價就斬。

      2777後來的關連交易, 賤價將物管業務賣給大股東, 暴露了嚴重的公司管治問題, 所以長渣不宜。

      刪除
  28. 偉哥, 請教以下問題:
    1.以往只懂以市盈率及息率評估是否值得買,新經濟股好難評估,偉哥是如何決定新經濟股(如9966)買入價?
    2.偉哥預計新經濟股熱潮會持續到幾時?

    回覆刪除
    回覆
    1. 1. 對於生科股, 自己缺乏獨立的分析能力, 只能參考同業市值/估值, 也參考大行的報告;
      2. 無從估計, 只能跟隨市場步伐。

      刪除
  29. hi 您好
    9997, 6078有認購 及 目標價看好嗎?
    thanks

    回覆刪除
    回覆
    1. 可以看看上面的討論, 我已在暗盤沽出獲利。

      刪除
  30. 偉哥,請問對樓市有無睇法? 國內人通後會沽樓定買樓?

    回覆刪除
    回覆
    1. 如此嚴重疫情及經濟大幅倒退下, 樓價都唔跌, 我都唔識睇。

      刪除
  31. 今月留言區到此為止, 謝謝各位, 下月再見。

    回覆刪除

注意:只有此網誌的成員可以留言。