置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年8月30日 星期三

上游起,下游死




味丹國際(02317): 

集團於本期之營收和獲利均 有下滑。獲利下滑主要原因為:一、主要產品,尤其是味精與變性澱粉受到低價 競爭,致使售價下調。二、煤炭價格大幅上揚,使能源成本大幅提升。

2017上半年集團煤炭 平均單價增加超過20%,侵蝕集團利潤。


天德化工(00609):

本集團截至二零一七年六月三十日止六個月的毛利下降至約人民幣184,100,000元, 較去年同期約人民幣204,300,000元下跌約人民幣20,200,000元,或下跌9.9%。毛利下降完 全是由於回顧期內原材料價格大幅上漲所致。儘管本集團已進一步提高整體生產效益, 以緩解原材料價格上漲所帶來的不利影響,毛利率最終仍下降9.8個百分點至24.5%(截 至二零一六年六月三十日止六個月:34.3%)。


福田實業(00420):

棉花價格於回顧期 內大幅上漲從而影響棉紗價格,對我們的毛利 率造成不利影響。

根據中國煤炭工業網,中國煤炭價格指數(全國 綜合指數)監測數據顯示於2017年6月23日中國 煤炭指數為153.7,按年同期比較上漲35.4點。

鑒於原材料及燃料成本與去年同期相比大幅增 長,本集團面對高生產成本壓力,因此,2017 年上半年的毛利率下降至9.9%(1H2016: 13.4%)。


由去年下半年至今,上游的商品價格普遍大幅上漲,下游企業因為需求疲弱及競爭劇烈關係,無力將上漲的原料及能源成本轉嫁予客戶,故此惡果開始在今年浮現。或許這只是冰山一角,在下半年我們可能會見到更多的下游企業錄得劣績,尤其要注意以鋼鐵作為原材料的企業。鋼鐵價格在今年第2、3季度大幅上升,上漲的成本或許會在下半年才對下游企業造成嚴重影響。

261 則留言:

  1. 581會係9月初搞site visit, 實地視察河北鋼鐵廠, 如果有朋友參加的話, 希望返來後可以分享下所見所聞。

    回覆刪除
  2. 903跌到新低位…偉哥會考慮再加倉嗎

    回覆刪除
  3. 見微知著,沽空所有下游業務可能是上策。

    回覆刪除
  4. 多數係下由今年很慘2317 903

    回覆刪除
  5. 偉哥, 請指教. 新股1571於6月28日發行2.5億新股上市, 於剛發佈6/30半年業績時, 計算每股盈利, 應是7.5億舊股加2.5億新股, 即10億股. 但今次計算時, 為何只以7.5億舊股計算,唔包括新股. 謝謝.

    回覆刪除
    回覆
    1. 加權平均,要計埋時間既

      刪除
    2. 唔好意思,唔太理解,可否詳盡一點。是否可以講,全年業績公布之時,應會用10億股去計算

      刪除
    3. 全年業績計, 2.5億股只有3/365份額, 所以基本上可以話係唔計

      刪除
  6. 唔好意思,窮人師兄,3/365係一個咩數據,代表點咩。

    回覆刪除
  7. 見今日跌幅,已經超過自己預期就收返個AO沽盤。

    現價同內線又差不多價,我好唔理智咁設定左個買盤。

    睇下一陣成唔成到。

    回覆刪除
  8. AO我set新低0.75, 最後一分鐘先跳去0.78, 散戶過左9.15唔可以改, 經紀果然仲有生存空間

    回覆刪除
  9. 1203去到偉哥之前講過既增持位,我初步睇份中報,好似都唔太正面...

    回覆刪除
    回覆
    1. 也清左一半1203@1, 計埋股息都要蝕約5%走。

      完全唔明馬口鐵點解可以蝕咁多,第一季條數已覺得奇怪, 係股東大會問佢原因, 佢話因為原料價格上升, 所以馬口鐵的升幅抵銷不了原料價格上升, 但最矛盾的是第一季業績明明寫馬口鐵的毛利因價升而顯著上升, 我再問佢毛利的計算已計入原料價格, 故此毛利上升已計入了原料價格的因素, 佢跟著就顧左右而言他, 不了了之。

      刪除
    2. 傷心呀, 睇住恆指升200點, 1203卻跌8%。 跌9仙對1203來講已經係大跌, 原來偉哥都撤了一半, 董事會的回應給我感覺是很不老實, 有隱瞞. 1203份中報真係麻麻, 營業額-6.5%,最恐怖的是經營溢利跌了88%。馬口鐵佔廣南80%業務, 馬口鐵業務表現不濟是主因, 這部份給我感覺都在黑箱作業. 1203的買盤不算弱, 趁低吸納的人也多,證明1203仍是有不少人看好. 而且PB低有防守力, 幸好1203仍有7億現金在手, 現在市值只有8.99憶,未計業務和殼價。所以只跌了8%, 我都要搵位走了。

      刪除
    3. 我都壯士斷臂了, 份報告實在睇到眼都凸埋, 每項指標都差...

      刪除
    4. 等待約0.8〜0.85購買越來越多的1203。

      刪除
  10. 偉哥,有無留意546業績好派息高, 有基金增持似乎有機再上?

    回覆刪除
    回覆
    1. 正如2317管理層所言, 原料價格可能回升, 不能不防。

      刪除
    2. 546 7月帶頭加價, 其實唔止係炒業績, 內地有分析覺得佢可以將成本轉嫁到消費者身上

      刪除
  11. 沽了一半的2317@0.77。

    從上年8月後買入到現在的持股,扣埋股息平均成本好似0.8左右, 今日減持都要蝕。

    不過再之前0.5升上來到0.7左右沽清就賺左落袋。

    回覆刪除
    回覆
    1. 2317股價竟然即時反映 而不是除淨後才見底...

      刪除
  12. 3369今日入港股通,終於識升返啲。

    回覆刪除
  13. 之前講過2317以往績計,很少有連續超過一年的好景氣.....
    看到2016年的好成績,以為自己又看錯而追入,唉
    跟這隻股票不夾,買了幾次都賺不了錢。

    回覆刪除
  14. 阿q精神
    中期業績跌兩成幾 而家只係跌左唔夠兩成
    都算係咁@@”

    回覆刪除
  15. 經過上次903諗住有機會反彈先走 點知變左走唔到 今日2317就開市0.77直出算了 炒業績 有時真係似賭大細

    回覆刪除
  16. 回覆
    1. 或者應該向TK 學習 炒其他人對業績的預期 咁似乎高明好多 或者只買出了業績的或發了盈喜的 咁起碼知道有個低

      刪除
  17. 3688 有買盤掃上,明日中期業績,有機會派中期息

    回覆刪除
    回覆
    1. 昨日換馬入多一注3688,睇往績、淨現金值博率非常高

      刪除
    2. 好彩昨日入左注@3.4 , 可惜1359 業績吾靚拖累.唉.

      刪除
  18. 回覆
    1. 3688街貨太少,可能一步到位

      刪除
    2. 只求去返淨現金價XDDD, 今日早市成交已成千萬,似岩岩起動多D.

      刪除
    3. 去返現金價....咁要升好多喎。

      刪除
    4. 今日真金白銀大成交,我諗先去返接近現金價吾係妄想.
      賣完資產主業所剩無幾,大股東派大舊息落自己袋又吾
      係無可能.我係理想主義者XDDDD

      刪除
    5. 街貨少,派息機會不低,而家內房炒上天價,去返現金價仍抵買

      刪除
  19. 1203慘敗, 幸好都有隻3369識升, 幫我補下血.

    回覆刪除
    回覆
    1. 梗係啦, 份中期太差勁, 管理層不可信

      刪除
    2. 今天大出血 1蚊清埋1203 但係都重有隻903有排坐

      刪除
    3. 我從其它途徑了解到馬口鐵業務今年即使沒有錢賺, 也不應大虧,真係諗唔明。

      不知是否又在自行調節業績, 在上半年黃龍有大補貼的時候, 就搞到馬口鐵蝕錢; 到下半年黃龍沒有補貼, 就輪到馬口鐵賺錢。

      刪除
    4. 903&1203都係有排坐, 3~5年!?

      刪除
  20. 偉哥 想問下萊蒙簽了合約的是否十拿九穩可以完成交易?有冇機會撻Q?

    回覆刪除
    回覆
    1. 交易一日未完成, 就有風險, 不然當初1132為何有那麼大折讓。

      刪除
  21. 買乜跌乜, 今年真係無運行

    回覆刪除
  22. 今年放乜升乜, hold乜跌乜. 塵世間最痛莫過於此...

    回覆刪除
    回覆
    1. 乜鬼都放埋, 仲有3688, 3369.... 我的媽呀!!!

      刪除
    2. 唔睇了, 心都痛埋, 玩股咁多年都仍然控制唔到情緒, 好鬼無用...唉

      刪除
    3. 你近排應該好返啲架啦喎

      刪除
    4. 七兄吾好急,我炒股14年,都係近呢幾年先控制到情緒.
      太過短炒只會令自己情緒波動仲勁.

      刪除
    5. 777你好像还有隻唉猪猪未放吧!没事,有我的陪伴你不会孤单
      2317最早之前在0.87.0.92直沽来换马买1918,后者在业绩前我是一股都没有放过
      581……昨天$5.1从新上车

      刪除
    6. 我買股票16年喇, 一樣都係咁, 賣仔莫摸頭
      希望你第日會慢慢對幾千幾萬甚至幾十萬都冇咩感覺

      刪除
    7. 777,放乜升乜都唔緊要,最慘係見3369咁耐唔識升尋日放左,換入2317博業績, 一天堂一地獄,撻到嘆嘆腰

      刪除
    8. 暈啦,今日不宜買賣日,下午開市0.77放左2317,3蚊入返3369,><連續2次左一巴完加一巴

      刪除
  23. 又睇下581收市係咪又回落咁啱

    回覆刪除
  24. 2317 見到元大、蜂投又出黎買貨,真係好鬼...

    回覆刪除
    回覆
    1. 我不打算賣, 反正也只是6萬股@0.9(已扣息)

      刪除
    2. 319之前部署得超密實

      刪除
    3. 之前0.77入,今朝打回原形.唔走住.睇下仲有無下文...

      刪除
    4. 319有冇師兄可以講下故仔?

      刪除
    5. 2317 還好只有20萬股, 又有股息收, 當長期持有收息問題也不算太大問題, 若再掉下會考慮加注, 順便坐等有什麼消息.

      刪除
    6. 主要股東6月頭仲有增持,難道連數都無睇過同我1哋一樣靠估?雖然係見佢$0.75至$0.77不斷有成交,但資金流見佢都係淨流出。。。真係唔係唔知係托沽還些有古怪......

      刪除
    7. 319在公佈一份不是太理想的業績及減派息後冇耐, 就提出私有化。

      刪除
    8. 咁唔抵wor
      2317上半年仲姅好多錢去買原料for下半年用

      刪除
    9. 偉哥,其實又真係有可能,自己友好人事不停入貨, 點都講唔通, 再加上, 上一次佢地管理層出口術誤導過你一次,有d古惑

      刪除
    10. 唔做差個現金流, 點壓低個股價。

      我最諗唔明係點解內線要係6月前不斷買貨, 仲要買左好大量,冇理由佢地唔知業績倒退、減派息。

      刪除
    11. 味丹企業是在台中為基地,是一間從事化工及食品的公司,從沒在台灣上市,味丹越南只佔味丹企業的一小部份。所以現在做起味丹越南,私有化也不無道理。

      刪除
    12. 反正台灣人就是只會做實業。上不上市跟本唔自在。

      刪除
    13. 剛剛13:51 有注1M@$0.77 買盤,有無CHING睇等係邊間買?

      刪除
    14. 仲見到元大不停入貨,老實講2317現價一D都唔貴。捱過今朝沽壓,收市有權上番0.8。

      刪除
    15. 佢老板, 今朝輸住走左10萬股, 2317鬼鬼惑惑 , 哼哼!!!

      刪除
  25. 855,點解又要發債3億美金又要不停回購股份?求高手解說

    回覆刪除
  26. 我的股十大升跌都有份1523,3688,8342.1638 , 2317,1203

    回覆刪除
  27. 3882炒賣盤定係業績turn-around ? 定係凡係鏡頭吾理好醜都炒咗先講?

    回覆刪除
    回覆
    1. 我覺得似炒光學概念股, 其次可能是turn-around, 大股東之前頻頻增持, 業績好轉也說不定。

      刪除
  28. 希望幾只高價買的陳年咸菜有機會升DD1322.3882.188.524,1415

    回覆刪除
  29. 6839冇睇一排穿左底,以為業績好差,初步望兩望除左負債率高,增長不如預期,都唔算咁差,難明,因為呢隻野真係跌左好多下,惠理有眼光一早清貨。

    回覆刪除
    回覆
    1. 重注@3.5
      業績唔差
      負債率可接受
      但唔明點解財務費用增加多過負債咁多
      利息明明下降

      刪除
    2. 師兄就黎唔見20%,仲打算死守?呢個牛市呢類股冇份升有份跌。

      刪除
    3. 守2-3年都仲得
      8x PE,4%股息,每年有增長,內含價值高,可惜市場唔Buy。
      呢個牛市真係同我0緣份。

      刪除
  30. 3688今天的成交大得不尋常, 有沒有知道是否有專欄唱好?

    回覆刪除
  31. 好多內房都升得好跨張,世茂,合景,雅居樂,仲要連升幾日

    回覆刪除
  32. 回覆
    1. 很明顯大戶目標是壓著0.65元等消息。

      至於為何是0.65元, 相信不難理解。

      刪除
    2. 請問1132 最後除淨多少? 建行有冇行使認股?

      刪除
    3. 股息應該係0.351。
      大戶壓住個價係唔想建行行使換股權?如果建行行使讓換股權,會以每股1元(除息前;即除息後的0.65元)換入2億股股權。如果係咁,建行應該唔會有incentive去行使。

      刪除
  33. 一般散戶都是股票一升就盡快沽出,心怕沒有得食;
    反而跌個d就心心不忿,不止蝕還想加注,終於坐到天荒地老;
    今日是最好例子,偉哥就越來越專業。

    回覆刪除
    回覆
    1. 對我來說 賺錢時幾時沽比何時止蝕是更大學問

      刪除
    2. 1359 好好炒,股價跌破@2.90,我就逐注逢底買入,升上@3.10就逐注見高賣出。今次炒高來等業績公佈,大多人又中伏,業績算不差,竟被大行降評級,插到見2.97。再跌就回到起步點,勿太心急住,大户一定再大地震來收貨,無咁快彈!每年依隻中國信達,我出出入入拾幾次,2/3/4蚊D股票最合我胃口炒,記住分多注來買。

      刪除
    3. 業績唔差都跌7%, 忍唔到先入一注

      刪除
    4. 今天跌8%成交10億,還有個半小時才收市,大行真恨毒,預計要停下來讓人上晒車,有下一輪大插的,成交回到舊時低成交來慢慢收貨,我不急於入貨。

      刪除
    5. 1359 睇圖好似係頭肩頂。應該仲會再跌
      如有錯請指正

      刪除
    6. 1359是頭肩底,似要跌落@ 2.8個起步位,上次是用3個月在2.8橫行收貨,用幾支洋燭升到@3.5來派貨,玩咗1個月咁快就玩完,遊戲循環不息。

      刪除
    7. Thx!!!師兄
      但我睇圖以為係頭肩頂
      我會留意此股,等到2.8會分段吸納

      刪除
    8. 我可能就係TK ching眼中既一般散戶:

      8008升左少少,我親戚又話雙頂
      我俾佢嚇一嚇,就忍唔住沽一半,扮零成本持有 =.=
      我都想問Joshua, TK ching點決定幾時止賺...

      不少既高息REIT跌左就心心不忿,不止蝕仲加注,真係坐到天荒地老,唉

      刪除
  34. 一個不會想像到的稀客大手買2317。

    回覆刪除
    回覆
    1. 此金英不同彼金英呀.

      刪除
    2. 唔通專登做差業績,將貴既原料計入產品成本...迫散戶沽貨呢?

      刪除
    3. 唔通又有故事係後面 ?

      刪除
    4. 2317真係好有呃貨feel,依家D台灣佬真係古惑。

      刪除
    5. 真係古惑! 感覺近日應會再壓多次價

      刪除
    6. 過兩天看看CCASS, 看看是否內線人大手撈貨。

      刪除
    7. @oman524, 請教如何得知此金英不是彼金英? 只因用的買賣牌不同?

      刪除
    8. 我只係見到元大@0.76的買盤唔細, 因為佢排頭牌, 期間成交了唔少0.76的交易, 但頭牌一直仍是元大, 似乎個買盤幾大。

      刪除
  35. 581原來唔覺唔覺今日破過52 Week High,Keep going!9月等你表演。

    回覆刪除
    回覆
    1. 不止581,原來1717都有少許升幅,其實1717近來企得好硬淨,內地人口脗,此股有底氣。(1717無貨)

      刪除
  36. 回覆
    1. 沒有, 等他們完成交易後看看有沒有下一步。

      刪除
    2. 如果3688完成交易後能有兩到三蚊特別股息就好啦!

      刪除
    3. 對,派少少特別息讓大家高興一下吧

      刪除
  37. 昨天沽3333来换581.我只能说我真的好幸运。
    刚刚在$3.76再次上车3369.但愿我的未来不是梦。

    回覆刪除
  38. 385反向高潮,中期純利9525萬升28.3%,不派息,股價下跌3.87%見1.49元。
    我抱著很重的貨,好難過!

    回覆刪除
    回覆
    1. 唔緊要啦!成交量咁少,你加多注就升返

      刪除
    2. 1556中期純利4970萬跌19.4% , 不派息, OK無事, 股價企穩0.345元。
      希望可以3毫入貨!!!

      刪除
    3. 等緊股息, 無錢買, 此外不想過於集中!

      刪除
    4. 1556 真係去到3毫?佢高息啲我有興趣

      刪除
    5. Louis,1556 NAV = 0.28?
      PB>1,你都有興趣?

      By the way,385我都有幾十萬貨值 =.=

      刪除
  39. 3333攪邊科? 無理由咁快炒完吧!

    回覆刪除
    回覆
    1. 1478又系像3333咁樣攪, 無理由咁快炒完吧!

      刪除
    2. 1478唔同版塊,炒完都唔奇。

      刪除
    3. 1478怎可以用来同3333比,前者是炒股,后者业绩靓太多……

      刪除
  40. 昨天的700@320Call,剛於$6.xx全部沽清,呢d 6合彩每月1次。

    回覆刪除
    回覆
    1. 買股,運氣決定一刧

      刪除
    2. 買呢d要預左有輸清心態,最重要有值搏率。

      刪除
  41. 早幾日都仲有人提吓3389架!點解宜家連提都無人再提既,係咪版主都已經放棄咗依隻股喇,係既話有無人可以話我聽呀!唔該

    回覆刪除
    回覆
    1. 你估財演咩,日日提住

      刪除
    2. 咁唔通依度有好多人提緊既股票,就係財演?

      刪除
    3. 如果未有新睇法,係唔會再有新討論。除非你想好似電視機既觀眾,每日跟住股票價格咁mon住,再睇技術分析圖。

      刪除
    4. 偉哥都講過好多次,冇新睇法做咩要日日講

      刪除
    5. 相信你也是新網友,所有股票每天都會升/跌/持平,沒有買賣或特別消息,版主偉哥也不會提既, 因持有好多只股票.如想知道每天新消息, 請每天勤看留言,哈哈!

      刪除
    6. 各C兄們非常齊心,太給力了!^^

      刪除
    7. 大家都想減輕偉哥嘅負擔, 見到d常見問題/有趣問題, 都可以用model answer代答, 哈哈!

      刪除
    8. CHING,如果對持股沒信心, 最好沽清離場

      刪除
    9. ching, 你咁既心態都係沽貨吧啦

      刪除
    10. A說: 偉哥, 今天你沒有提3399, 是否已放棄?
      B說: 偉哥, 今天你沒有提3389, 是否已放棄?
      C說: 偉哥, 今天你沒有提581, 是否已放棄?
      D說: 偉哥, 今天你沒有提1132, 是否已放棄?
      E說: 偉哥, 今天你沒有提320, 是否已放棄?
      F說: 偉哥, 今天你沒有提2788, 是否已放棄?
      G說: 偉哥, 今天你沒有提1079, 是否已放棄?
      H說: 偉哥, 今天你沒有提170, 是否已放棄?
      I說: 偉哥, 今天你沒有提426, 是否已放棄?
      .
      .
      .
      Z說: 偉哥, 今天你沒有提903, 是否已放棄?

      偉哥的組合長期有接近30隻股票, 是否每日開市前及收市後都要匯報看法?......如果網友們可以集合到200名網友、每人每月付500元給我的話, 我可以慎重考慮整個私人收費群組, 提供比較tailor-made的服務給有每天需要知道我持股看法的網友們。





      刪除
    11. 如果每月有固定10萬元收入, 我放棄我日常的工作又有何問題? 不然的話, 請容忍免費網誌的招待不周。

      刪除
    12. 哈哈 偉哥不需放棄日常工作,我也願意參加,這裏學習到的終身受用!

      刪除
    13. 每月$500,即200人就是$100,000,呢度邊止200個有心既偉粉呀!?

      刪除
    14. 每月付500元, 200人, 應該唔難達到
      我相信以偉哥搵資料, 分析, 跟進, 用既時間收500元是超值
      請慎重考慮一下! =]

      刪除
    15. 若果真係開收費群組,記得我預埋我呢D好日都唔出聲嘅偉粉。

      刪除
    16. 舉手讚成!一定參加!跟偉哥買股票咁耐 付出返D好應該

      刪除
    17. 終於等到偉哥開出盤口,期待你成為基金經理 ^V^

      刪除
    18. 伟哥,在正常的情况下我都不会去提问你,420,426,2317我止泻了都没有问你意见,因为我相信伟哥的同时更相信自己的辩断能力。我认为面对好的股票就要经得起高低起伏,不要因为别人的三言两语就去动摇自己持股的信心。所以说我会继续买581

      刪除
  42. 回覆
    1. 哩隻炒波幅一流...
      今日5.9X沽左琴日撈既一注, 希望回返5.5可以再上車
      利申: 6088係參賽股

      刪除
  43. 買藍籌,又輸錢,買細價股,都輸錢,唔知個市28,000 都輸錢。

    回覆刪除
    回覆
    1. 我見你日日都輸錢,你洗唔洗休息下

      刪除
    2. 我都日日輸錢,不過我希望Jeffrey師兄(姐/妹??)只係好似我咁輸法:
      贏少當輸 - 例如我應該買50萬銀3688,依家實質買左10萬銀,咁買少左果40萬x profit就係輸既銀碼
      老實講,我依此法,已輸到差唔多清空物淨 =.=

      刪除
  44. 大家唔好叻唔切先,唔係齊心去欺負人就 好有成功感既,若果有心想幫我解答既,請睇清楚條問題先,我話早幾日仲有人提,而唔係話版主提,有好多股票都無新消息,一樣有人提住每日升跌,我只係想同大家確認我無漏咗偉哥既新動向即。希望大家賺到錢之餘,仲賺埋個人品。謝謝

    回覆刪除
    回覆
    1. 或者你係新網友, 唔知道我講過好多次, 如果冇特別事, 我唔會日日提住自己持有的股票,所以見你咁講, 好多網友可以即時代答。

      想知呢兩日有冇漏左我新動向, 很容易的, 只需翻看這兩天的留言就可以了, 大家都知我習慣公開討論股票, 沒有用facebook、whatsapps群組講股, 而家忙到連雪球都好少再寫, 所以你只要跟貼呢度, 就知我最新動向, 基本上完全無需問人。

      刪除
    2. 又浪費了偉哥多寫兩段重覆過N次既說話,仲話睇日子不淺?

      刪除
    3. 佩服,仲繼續撐. 是的,吾好意思,我招呼不周.讓你煩擾,抱歉,抱歉.
      版主還持有3389架,希望你滿意這答覆.謝謝你光臨

      刪除
    4. 請大家唔好再"欺負"網友,我發現依度既網友很多時不太願幫人!
      Re 3389:
      這隻我冇貨,不過發現依隻股今日下跌,我估計隻股由依家5點到聽朝9點前都唔會有動靜。
      至於聽日隻股既走勢,我估計佢應該會上升,除非下跌,亦都唔排除佢橫行,應該會係1仙到1蚊之間波動。
      另外我估計隻股聽日應該會有成交,並有開市同收市價

      希望依D分析幫到大家,另請網友聽日幫手提一提隻股,謝謝

      刪除
  45. 仲有我睇偉哥依個blog,絕對不比你地老用戶日子淺

    回覆刪除
    回覆
    1. 你都自己話日子唔淺....咁我只可以話"自取其辱"。

      刪除
  46. 講開3389, 我這幾天已著手從2005年上市開始睇起, 睇返之前的大事記及股東變動, 因為最近業績期關係, 每天可以用的時間太少, 只是看到2010年, 我諗要多幾日才可以完全睇得晒。

    回覆刪除
  47. 3688今日的盤路一直都是沽盤多、買盤少, 但買盤好多都是不露面、向上直掃的, 有朋友後來排了幾手沽盤係度試, 看到掃貨的主要是瑞銀。

    呢D盤路同98以前好似, 係3.6、3.7的時候, 好多沽盤排晒係度, 買盤稀疏, 但買的是不排隊等, 往往直攞。

    回覆刪除

注意:只有此網誌的成員可以留言。